Ivica Daçiç

vlora.jpg
Autor E11:12 | 20/12/2019

Ankesa e paraqitur nga ambasadorja e Kosovës në Amerikës, Vlora Çitaku kundër ministrit të Jashtëm serb, Ivica Daçiç nuk është vënë në agjendën e Këshillit të Sigurimit të Kombeve të Bashkuara, pasi kundërshtuan ambasadorët e Rusisë dhe Kinës.

Kështu të paktën raporton gazeta serbe “Novosti” duke i referuar burimeve të saj.

Raportohet se ajo paraqiti ankesë kundër kryediplomatit serb muajin e kaluar për shfaqjen publikisht të certifikatës së saj të lindjes në 1990 për të dëshmuar se dokumentet shqip ishin lëshuar në serbisht dhe anglisht. Procedimi gjyqësor u mbështet nga Britania e Madhe, por u bllokua nga Rusia dhe Kina.

“Ajo ngriti një ankesë në lidhje me deklaratën time se ajo gjithashtu ka shtetësi serbe. Herën tjetër, unë do të sjell një listë të shtetasve serbë të punësuar nga KB, të cilët janë nga Kosova. Fakti është që ata kanë nënshtetësi të vendit tonë, dhe ata punojnë kundër Serbisë, gjë që është e rëndësishme, sepse bëhet fjalë për çështje statusi”, tha Daçiq, transmeton Klan Kosova.

Përballjet midis Çitakut dhe Daçiqit në Kombet e Bashkuara karakterizohen me konflikte të ashpra rreth Kosovës. /abcnews.al

deu.jpg
in a12:32 | 11/11/2019

Minisri i Jashtëm i Serbisë Ivica Daçiç ka deklaruar se Republika e Ganës e ka tërhequr njohjen e pavarësisë së Kosovës. Në një intervistë për televizionin serb “Prva”, Daçiç ka thënë se deri në fund të vitit do të jenë edhe tri apo katër vende që do ta tërheqin njohjen e pavarësisë së Kosovës. Gana, sipas deklarimeve të ministrit serb Daçiç, është vendi i 16-të që tërheq njohjen e pavarësisë së Kosovës.

Pas deklaratave të ministrit serb, Ministria e Jashtme e Kosovës ka hedhur poshtë lajmin duke e cilësuar si të rremë. Jetlir Zyberaj, këshilltari i ministrit në detyrë Behgjet Pacolli, tha për mediat në Kosovë se kjo është propagandë e vazhdueshme e Daçiç. Ai theksoi se Gana ka një Ambasadore të akredituar në Kosovë dhe një konsull nderi./abcnews.al

serbi-shba-1280x653.jpg
nev ila18:45 | 08/11/2019

Thomas Zarzecki, shef për sanksionet u takua në Beograd me ministrin e jashtëm, Ivica Dacic, i cili tha pas takimit se nuk do të ketë sanksione dhe se Serbia dëshiron marrëdhënie të hapura dhe transparente dhe nuk dëshiron konflikt me SHBA-tw

Ky është momentin kur në Serbi arriten për herë të parë sistemet anti raketore ruse S-400. Kjo gjë është pritur me gëzim dhe krenari në ushtrimin “Mbrojtja sllave”. Por, kjo ka kushtuar Beogradin me arritjen e një përfaqësuesi të lartë për sanksionet nga Uashingtoni.

Presidenti, Alleksandar Vucic, i cili kishte dhënë përshtypjen se gjithcka ishte zgjidhur pas vizitës së të dërguarit për Ballkanin, Matheë Palmer, ka thënë se qytetarët nuk duhet të brengosen.

Thomas Zarzecki, shef për sanksionet është takuar me ministrin e jashtëm, Ivica Dacic. Ministri serb tha se nuk do të ketë sanksione.

Ivica Dacic, Ministër i punëve të jashtme:

“Porosia kryesore ka qenë që ne duam marrëdhënie të hapura, transparente, nuk kemi cfarë të fshehim dhe nuk kemi qëllim të futemi në konflikt me SHBA”.

Analisti ushtarak, Alleksandar Radic, thekson se këtu nuk bëhet fjalë për NATO-në, por për Amerikën. Serbia, thotë ai, nëse arrinë ti tolerohen kontratat ekzistuese, mund të ndahet mirë.

Alleksandar Radic, Analist ushtarak:

“Serbia është futur në fazën e dytë të IPA, dokumentit që e sjellë para dyerve të NATO-s, por pa kërkesë për anëtarësi. Kjo është lojë e dyfishtë: në njërën anë partneriteti dhe ana tjetër blenë armë nga Rusia. Do të kishte qenë interesante të dëgjohej si e kanë sqaruar para amerikanëve ku është Serbia më shumë në Perëndim apo në Lindje?”

Serbia nuk ka fshehur që është duke investuar në Serbi. Vlerësohet se deri në vitin 2020 investimet do kenë arritur 1 miliardë euro. Këtu nuk kanë munguar edhe ushtrimet e vazhdueshme ushtarake dhe paradat. Neutrale ushtarakisht, por në partneritet me NATO-në dhe forcat amerikane. Sqarimet kanë qenë se të gjithë po armatosen.
Stevan Gajic, thotë se Serbia duhet të jetë neutral ushtarakisht, por sanksionet do të ishin simbolikte. Evropa, beson Gajic, ka humbur në Ballkan.

Stevan Gajic, Instituti për Studime Evropiane:

“Serbia prej vitesh ka një politikë skizofrene të jashtme. Vucic bën politika klintoniste, kurse Dacic lobon për tërheqjen e pavarësisë së Kosovës e Metohisë. Kështu është në shumë gjëra dhe andaj Serbia ka marrëdhënie më të larta me NATO-n dhe ushtrime ushtarake me Rusinë dhe Kinën”

Serbia ka eksperiencë me sanksionet nga vitet ’90. Tani ato për herë të parë u përmenden nga Palmer. Amerikanët nuk kanë thënë nëse do të ketë apo jo masa të tilla./abcnews.al

 

 

aleksander-vucic-1.jpg
ad min17:16 | 26/09/2019

Analistët në Serbi janë të mendimit se presidenti Aleksandër Vuçiç ndodhet në asamblenë e përgjithshme në Nju Jork me dy misione të ndryshme që lidhen me Kosovën: dialogu me Prishtinën dhe tërheqja e njohjeve për pavarësinë.

Delegacioni serb në Nju Jork ka shkuar me sa duket me dy misione: vazhdimin e bisedimeve me Kosovën dhe lobimin për tërheqje të njohjeve të Kosovës. Presidenti serb, Aleksandër Vuçiç, është takuar me zyrtarë të ndryshëm botërorë, nga ata që shpreson ti ofrojnë mbështetje për tërheqje e pavarësisë e deri tek takimi me kancelaren gjermane, Angela Merkel, e cila ka kërkuar zgjidhje. Serbia thotë se megjithatë Evropa dhe SHBA insitojnë në një zgjidhje të shpejt.

Dragoljub Petroviç, kryeredaktor i të përditshmes “Danas”, thotë se nuk ka asgjë të re nga Amerika pasi përsëriten dëshirat për zgjidhje dhe kërkesa për heqjen e taksave. Por, Vuçiç dëshiron të tregohet si lider pro evropian dhe ta zgjidhë problemin.

 “Me arritjen në pushtet dhe firmosjen e marrëveshjes së Brukselit, të cilën e ka firmosur Daçiç, Vuçiç i ka treguar botës që ai dëshiron zgjidhje. Por ja, kanë kaluar 7 vjet dhe nuk po e arrin për shkak të situatave të ndryshme. Kosova është e dhimbshme për votuesit serbë dhe Vuçiç kërkon një situatë që të mos e pranojë kurrë që e ka pranuar Kosovën”.

Këtu Vuçiç është takuar me shefin e diplomacisë ruse, Sergej Lavrov. Një nga porositë që presidenti serb ka çuar në Nju Jork, është ajo se Serbia nuk mund të mos fitoj asgjë nga marrëveshja me Kosovën. Serbia disa herë ka porositur se duhet kompromis. Petroviç thotë se ideja ka qenë që të zgjidhet problemi duke sqaruar që nuk është humbje totale në këtë rast. Ideja e përkufizimit ka qenë për ta shitur zgjidhjen si të suksesshme.

“Nuk shoh ide  tjetër që do të kënaqte një pjesë të votuesve në Serbi, që do të sqaronte arsyen pse e zgjidhim problemin. Kjo mund të prezantohej sikur ne kemi fituar diçka edhe pse mund ti humbnim të gjitha, dhe i bie që kemi dhënë ca fshatra që nuk na duhen pasi në to jetojnë shqiptarët”.

Asambleja e përgjithshme e OKB-së kësaj radhe është dukur më e rëndësishme për shkak të pozicionimit para një vazhdimi të mundshëm të bisedimeve./ABC News Albania 24/7

ivica-dacic-1280x590.jpg
nev ila17:15 | 24/06/2019

 

Ministri i Punëve të Jashtme i Serbisë Ivica Daçic deklaroi se Shtetet e Bashkuara të Amerikës nuk mund të jetë pala e vetme që do të përfshihet në dialogun me Kosovën.

Ai theksoi se Serbia nuk do ta njohë pavarësinë e Kosovës dhe se nuk ka paralajmërime për ndonjë ndryshim të formatit e as përfshirja e vendeve të tjera në dialog. Mediat serbe shkruajnë se Dacic I ka bërë këto deklarata pas takimit me homologen noervegjeze.

Ai ka shtuar se për Serbinë është me rëndësi shumë të madhe që të arrihet një marrëveshje, por kjo marrëveshje nuk mund të përfshijë njohjen e pavarësisë së Kosovës në gjithë territorin e saj./ABC News Albania 24/7

dacic.jpg
ad min16:38 | 14/06/2019

Qëllimi i Qeverisë së Malit të Zi për të rregulluar me ligj pronat e komuniteteve fetare, ka alarmuar kishën ortodokse serbe, por edhe qeverinë në Beograd. Shefi i diplomacisë serbe, Ivica Daçiç ka akuzuar Podgoricën se po vepron kundër interesave serbe.

Qeveria malazeze ka përgatitur një propozim-ligj sipas të cilit të gjitha komunitetet fetare, midis të cilave është edhe kisha ortodokse serbe, duhet të dëshmojnë se para vitit 1918 kanë zotëruar pronat kishtare, në të kundërtën ato do t’u merren nga ana e shtetit.

Menjëherë pas njoftimit, presidenti serb, Aleksandër Vuçiç u lut që të hiqet dorë nga kjo për shkak se, tha ai, kisha serbe ekziston me shekuj në Mal të Zi dhe është mbrojtje dhe strehë jo vetëm e popullit serb, por edhe e shumë prej atyre të cilët ndjehen si malazezë’.

Qeveria malazeze ndërkaq reagoi duke rikujtuar kreun e shtetit serb se ‘Mali i Zi është shtet sovran që harton vet kuadrin ligjor, nuk ka ambicie të ndikojë në aktivitetin ligjvënës të shtetit të Serbisë dhe nuk do t’i lejojë askujt, pra as Serbisë, që të ndikojë në vendimet tona’.

Pas kësaj, ministri i Jashtëm serb, Ivica Daçiç, tërhoqi vërejtjen se miratimi i këtij ligji do të ketë pasoja të rënda për marrëdhëniet mes dy shteteve.

“Është kjo një rrjedhë e logjikshme e asaj që Mali i Zi po bën tashmë vite me radhë që me qëndrime antiserbe të ndërtojë një gjoja identitet të vetin politik, shtetëror e ndërkombëtar”, transmeton TV Klan Macedonia deklaratën e së premtes të kryediplomati serb për televizionin shtetëror duke akuzuar Malin e Zi se mbi 30 për qind të serbeve që jetojnë në këtë shtet i trajton si element antishtetëror. Podgoricës ai ia ka zënë për të madhe edhe njohjen e Kosovës.

“Ata po e interpretojnë këtë si ndërhyrje në punët e brendshme. Dëgjoni, për shembull, në Serbi të gjithë janë përzier në punët tona të brendshme. Ai që e ka njohur Kosovën është përzier drejtpërsëdrejti në punët e brendshme të Serbisë”, tha Daçiç, duke lënë të kuptohet se miratimi i Ligjit për komunitetet fetare do të ketë pasoja të rënda për marrëdhëniet mes dy vendeve./ABC News Albania 24/7

Basha-ne-Londer-1.jpg
nev ila10:00 | 18/05/2019

Kreu i Partisë Demokratike Lulzim Basha gjatë vizitës së tij në Londër, zhvilloi të premten një takim edhe me komunitetin shqiptar që jeton prej vitesh atje. Basha ka përsëritur qëndrimin e palëkundur të opozitës së bashkuar se zgjedhje më 30 qershor me Ramën kryeministër, nuk do të ketë.

 

Për herë të parë Basha ka rrëfyer, se kur ishte ministër i jashtëm i është propozuar nga serbët ndryshimi i kufijve.

Kanë ardhur, në atë kohë,  autoritetet serbe dhe më kanë paraqitur idenë e ndryshimit të kufijve të Kosovës. Këtë e di unë, e di udhëheqja aktuale e Kosovës, se i kam informuar, e dinë partnerët tanë nga Uashingtoni në Londër, nga Brukseli në Berlin.”

Kreu i PD tha se nuk e kishte menduar kurrë që një propozim të serbëve ta dëgjonte nga goja e lidershipit në Shqipëri e Kosovë.

Kurrë nuk ma kishte marrë mendja se idetë që do të dëgjoja nga goja e Vuk Jeremiçit dhe Ivica Daçiç, do t’i dëgjoja më vonë si ide origjinale nga goja e Edi Ramës dhe e Hadhim Thaçit. Këtë nuk ma kishte marrë mendja kurrë!”, ka thënë Basha./ABC News Albania 24/7

ivica-dacic-1280x717.jpg
ad min14:25 | 29/04/2019

Ministri i Jashtëm i Serbisë, Ivica Daçic deklaroi se nuk ka pritshmëri që samiti i Berlinit të jetë historik për dialogun mes Prishtinës dhe Beogradit. Megjithatë, sipas tij, Samiti mund të jetë i mirë vetëm nëse Prishtina detyrohet të heqë taksën prej 100 për qind të vendosur ndaj mallrave serbe dhe të Bosnjës.

Ai theksoi se nëse nuk bëhet presion mbi Prishtinën, vështirë se mund të priten përparime spektakolare në lidhje me vazhdimin e dialogut. Por, ai shtoi se duke pasur parasysh pjesëmarrësit e takimit, nuk beson se do të ketë presion ndaj Prishtinës.

“Do të ketë shumë fjalë, por pak rezultate konkrete”, përfundoi Daçiç./abcnews.al

IDRO-SERBIA-PER-ZELANDEN.mpg_snapshot_00.30-1280x720.jpg
ent ela23:16 | 15/03/2019

Beogradi zyrtar ka reaguar ndaj lajmeve se atentatori në Zelandën e Re dëgjonte këngë serbe dhe motivohej nga historitë e Ballkanit. Në reagimin e tij, ministri i Jashtëm Ivica Daçiç ka deklaruar se Serbia e dënon ngjarjen, ndërsa  akuzoi liderët kosovarë për hipokrizi.

Kjo është kënga nacionaliste serbe që autori i masakrës në Zelandën e Re po e dëgjonte. Dy emra të gdhendur në armën e tij po ashtu ishin serb pasi duket se është motivuar nga historitë e Ballkanit, Kjo ka bërë që i tërë spektri politik nga Bosnja dhe Serbia të reagojnë. Përfaqësuesi i serbëve të Bosnjës në Predisencën e këtij shteti, Millorad Dodik ka mohuar të ketë lidhje me serbët duke e gjykuar këtë akt. Kurse ministri i jashtëm serb, Ivica Daçiç, ka thënë se askush nuk kërkon gjak për serbët dhe se e dënon një akt të tillë.

Ivica Daçiç, ministër i Jashtëm i Serbisë: “Muxhahedinët vrisnin serbët në Bosnjë dhe nuk kam parë reagime të bashkësisë ndërkombëtare. Është normale që në situata të tilla të paraqiten ekstremistë të ndryshëm dhe dua të them se Serbia nuk ka asnjë lidhje me këtë dhe nuk kërkojmë nga askush të marrë hak për viktimat serbe. E dënojmë këtë akt, kjo është dëmshme për Serbinë dhe brenda shtetit tonë do të arrestojmë të gjithë ata që kanë ide të tilla”.

Ai ka thënë se liderët shqiptarë kanë nxituar pasi terroristët nuk mund të reagojnë për terroristët.

Ivica Daçiç, ministër i Jashtëm i Serbisë: “Kur Thaçi dhe Haradinaj bëjnë njoftimë që prekin zemrën për raste të tilla, ata këtë e bëjnë pasi mendojnë t’i bëjnë dëm Serbisë, pasi po të ishin të prekur bënin reagime edhe për shqiptarët që janë numri më i madh i luftëtarëve në Siri”.

Vrasësi nga Zelanda e Re dukej se ishte frymëzuar kryesisht nga figurat me radikale të Ballkanit dhe atentatori norvegjez Brejvik që kishte arritur të vriste 77 persona. Lidhja me serbët ka ndikuar që shumica e mediave t’i kushtojnë edhe më shumë rëndësi. /abcnews.al

dacic.jpg
ad min09:45 | 18/02/2019

Në Serbi pavarësia e Kosovës ka kaluar pa reagime intensive si vitet e kaluara. Por ka qenë një ditë kujtese për qëndrimin e njohur serb.

Ditë e qetë në kryeqytetin serb në ditën e Pavarësisë së Kosovës. Këtu nuk ka patur shumë aktivitete dhe deklarime politike si zakonisht, por vetëm sa për ta kujtuar se Serbia nuk pajtohet. Pasi kreu i shtetit ndodhej në Gjermani, shefi i diplomacisë serbe, Ivica Daçiç, me socialistët e tij, kanë udhëhequr. Një ekspozitë me vendet që ka arritur, siç thotë, t’ia heqë Kosovës nga lista e njohjeve duke premtuar se nuk do të heqë dorë.

Ivica Daçiç: Ata na i kanë vënë taksat pasi nuk kanë arritur të futen në Interpol. Në çdo takim ndërkombëtar kemi kërkesa të heqim dorë nga lobimi, kurse ata të vazhdojnë. Ne duam paqe, por veprimet e njëanshme nuk do të verifikohen ndërkombëtarisht.

Pa Kosovën si njeriu pa zemër, thuhet në një foto si porosi të patriarkut serb. Familjet e viktimave serbe janë mbledhur për të kujtuar krimet e shqiptarëve në Kosovë duke kërkuar drejtësi ndërkombëtare. Firmën e tij e vuri edhe këtu Daçiç, duke u premtuar se Serbia do të jetë gjithmonë pranë tyre.

Serbia thotë se Kosova nuk ka aq njohje sa pretendon Prishtina. Një protestë kundër tradhëtisë dhe marrëveshjeve me Kosovën e ka thirrur një ditë më vonë demokratët e ish-kryeministrit dhe presidentit nacionalist, Vojisllav Koshtunica./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono