Ivica Daçiç

IDRO-SERBIA-PER-ZELANDEN.mpg_snapshot_00.30-1280x720.jpg
ent ela23:16 | 15/03/2019

Beogradi zyrtar ka reaguar ndaj lajmeve se atentatori në Zelandën e Re dëgjonte këngë serbe dhe motivohej nga historitë e Ballkanit. Në reagimin e tij, ministri i Jashtëm Ivica Daçiç ka deklaruar se Serbia e dënon ngjarjen, ndërsa  akuzoi liderët kosovarë për hipokrizi.

Kjo është kënga nacionaliste serbe që autori i masakrës në Zelandën e Re po e dëgjonte. Dy emra të gdhendur në armën e tij po ashtu ishin serb pasi duket se është motivuar nga historitë e Ballkanit, Kjo ka bërë që i tërë spektri politik nga Bosnja dhe Serbia të reagojnë. Përfaqësuesi i serbëve të Bosnjës në Predisencën e këtij shteti, Millorad Dodik ka mohuar të ketë lidhje me serbët duke e gjykuar këtë akt. Kurse ministri i jashtëm serb, Ivica Daçiç, ka thënë se askush nuk kërkon gjak për serbët dhe se e dënon një akt të tillë.

Ivica Daçiç, ministër i Jashtëm i Serbisë: “Muxhahedinët vrisnin serbët në Bosnjë dhe nuk kam parë reagime të bashkësisë ndërkombëtare. Është normale që në situata të tilla të paraqiten ekstremistë të ndryshëm dhe dua të them se Serbia nuk ka asnjë lidhje me këtë dhe nuk kërkojmë nga askush të marrë hak për viktimat serbe. E dënojmë këtë akt, kjo është dëmshme për Serbinë dhe brenda shtetit tonë do të arrestojmë të gjithë ata që kanë ide të tilla”.

Ai ka thënë se liderët shqiptarë kanë nxituar pasi terroristët nuk mund të reagojnë për terroristët.

Ivica Daçiç, ministër i Jashtëm i Serbisë: “Kur Thaçi dhe Haradinaj bëjnë njoftimë që prekin zemrën për raste të tilla, ata këtë e bëjnë pasi mendojnë t’i bëjnë dëm Serbisë, pasi po të ishin të prekur bënin reagime edhe për shqiptarët që janë numri më i madh i luftëtarëve në Siri”.

Vrasësi nga Zelanda e Re dukej se ishte frymëzuar kryesisht nga figurat me radikale të Ballkanit dhe atentatori norvegjez Brejvik që kishte arritur të vriste 77 persona. Lidhja me serbët ka ndikuar që shumica e mediave t’i kushtojnë edhe më shumë rëndësi. /abcnews.al

dacic.jpg
G. P.09:45 | 18/02/2019

Në Serbi pavarësia e Kosovës ka kaluar pa reagime intensive si vitet e kaluara. Por ka qenë një ditë kujtese për qëndrimin e njohur serb.

Ditë e qetë në kryeqytetin serb në ditën e Pavarësisë së Kosovës. Këtu nuk ka patur shumë aktivitete dhe deklarime politike si zakonisht, por vetëm sa për ta kujtuar se Serbia nuk pajtohet. Pasi kreu i shtetit ndodhej në Gjermani, shefi i diplomacisë serbe, Ivica Daçiç, me socialistët e tij, kanë udhëhequr. Një ekspozitë me vendet që ka arritur, siç thotë, t’ia heqë Kosovës nga lista e njohjeve duke premtuar se nuk do të heqë dorë.

Ivica Daçiç: Ata na i kanë vënë taksat pasi nuk kanë arritur të futen në Interpol. Në çdo takim ndërkombëtar kemi kërkesa të heqim dorë nga lobimi, kurse ata të vazhdojnë. Ne duam paqe, por veprimet e njëanshme nuk do të verifikohen ndërkombëtarisht.

Pa Kosovën si njeriu pa zemër, thuhet në një foto si porosi të patriarkut serb. Familjet e viktimave serbe janë mbledhur për të kujtuar krimet e shqiptarëve në Kosovë duke kërkuar drejtësi ndërkombëtare. Firmën e tij e vuri edhe këtu Daçiç, duke u premtuar se Serbia do të jetë gjithmonë pranë tyre.

Serbia thotë se Kosova nuk ka aq njohje sa pretendon Prishtina. Një protestë kundër tradhëtisë dhe marrëveshjeve me Kosovën e ka thirrur një ditë më vonë demokratët e ish-kryeministrit dhe presidentit nacionalist, Vojisllav Koshtunica./abcnews.al

dacic-vulin.jpg
G. P.14:54 | 17/01/2019

Ivica Daçic dhe Aleksandër Vulin, dy ministrat e qeverisë serbe, kanë dhënë spektakël gjatë një aktiviteti në ambasadën norvegjeze në Beograd.

Dy ministrat e qeverisë serve, Ivica Daçiç dhe Aleksandër Vulin janë bërë protagonistë të një situate qesharake. Pjesëmarrës në një aktivitet në ambasadën norvegjeze në Beograd, secili nga ata duhej të mbante një fjalim të shkurtër në anglisht.

Por në momentin që Aleksandër Vulin ka nisur të lexojë fjalimin e tij, ka vënë re se teksti i përkiste në fakt fjalimit të ministrit të jashtëm Ivica Daçiç.

Në pamundësi për të dalë nga situata ai ka zgjedhur ta kthejë në shaka duke pyetur asistentët se ku kishte përfunduar fjalimi i tij. Edhe Dacic ka reaguar duke i kërkuar që ti dorëzonte fjalimin e tij dhe të qeshurat në sallë nga të pranishmit kanë qenë të pashmangshme./abcnews.al

DACIC-HARADINAJ.mpg_snapshot_00.22-1280x593.jpg
G. P.11:13 | 18/12/2018

Beogradi zyrtar vijon reagimet, sa i takon këmbënguljes së Prishtinës, për të mos u tërhequr nga vendimet e marra ndaj Serbisë. Vendimet u rikonfirmuan nga kryeministri i Kosovës Haradinaj të hënën në Bruksel.

Ministri i Jashtëm i Serbisë Ivica Daçiç ka komentuar për mediat në vend, qëndrimin e kryeministrit të Kosovës Ramush Haradinaj në Bruksel. Sipas Daçiç sjellja e Hardinaj tregon se Prishtina synon të sjellë situatën në një fazë të re ku të mos flasë më me Mogerinin. Kjo sepse sipas tij pala kosovare është e pakënaqur me Brukselin dhe për këtë arsye kërkon përfshirjen e Shteteve të Bashkuara të Amerikës në dialogun me Serbinë.

Duke theksuar se takimi i Haradinaj me përfaqësuesen e BE-së, Federica Mogherini të hënën në Bruksel, një takim i pakëndshëm sipas tij, duke mos përfunduar me konferencën e përbashkët për shtyp, Daçiç, tha se Mogherini arriti në përfundimin se nuk kishin asgjë për tu komunikuar gazetarëve.

Takimi i së hënës në Bruksel mes delegacionit të Qeverisë së Kosovës të kryesuar nga kryeministri Ramush Haradinaj dhe kryediplomates europiane, Federica Mogherini u shoqërua me tensione për shkak të taksës prej 100 për qind të vendosur ndaj produkteve me origjinë nga Serbia./abcnews.al

E-SAKTE-MBULIM-MBLEDHJA-NE-PEJE.mpg_snapshot_01.00-1280x609.jpg
G. P.14:02 | 26/11/2018

Ministri i jashtëm serb Daçiç deklaroi se disa vende krijuan përbindëshin politik në Prishtinë. Sipas tij, nuk mund të ketë bashkëpunim rajonal me taksa 100%. Daçiç paralajmëroi se Beogradi nuk do të ndalet para këtij vendimi të qeverisë së Kosovës.

Për Serbinë më asgjë nuk ka kuptim. Shefi i diplomacisë serbe, Ivica Daçiç, e ka quajtur Kosovën monstrum politik të Perëndimit që ka humbur çdo kuptim dhe vendimet e saj si të vetmet në botë. Reagimi i Daçiç erdhi pas postimit të një fotoje dhe deklarimeve të kryeministrit, Edi Rama, gjatë takimit të dy qeverive në Pejë.

Ivica Daçiç, ministër i Jashtëm i Serbisë: “Ata sot flasin për fshirje kufijsh në mes të Shqipërisë dhe Kosovës, doganave dhe policisë. Nëse Evropa nuk e sheh se për çfarë bëhet fjalë dhe sa dyfytyrësi është kjo. Çfarë bashkëpunimi rajonal mund të ketë me taksa 100 për qind”.

Daçiç ka thënë së bashkëpunimi rajonal është shkatërruar dhe ka ironizuar që do të duhej të mbahej një konferencë për rivitalizimin e këtij bashkëpunimi.

“Rama do të mbaj leksione dikujt për bashkëpunim rajonal? Nxjerrin foto bashkë me ministrin me mbishkrime 100 për qind. Nëse e kanë keqpërdorur le të distancohet. Çarë mendojnë ata se ne do të ndalemi të mbrojmë interesat tona sepse kemi frikë nga Haradinaj? Dikush duhet ta zgjojë nga hipnoza”.

Serbia ka nisur të ndihmojë serbët në Kosovë pas taksës ndaj mallrave serbe. Premtimet janë për ndihma të mëdha, por i pari ka arritur në veri, shtypi serb./abcnews.al

VUCIC-DACIC-IDRO_ABC-M2-T1.mpg_snapshot_00.36-1280x720.jpg
G. P.17:13 | 20/11/2018

Serbët, përfshirë ata që jetojnë në veri të Kosovës, kanë festuar dështimin e Prishtinës për t’u anëtarësuar në Interpol. Beogradi zyrtar e konsideron si një fitore diplomatike, që dëshmon se Serbia nuk është një vend i vogël.

Serbia është në festë pasi Kosova nuk arriti të kalojë anëtarësimin në Interpol. Politika e cilësoi si fitore diplomatike. Të parët për të festuar kanë dalë serbët e Kosovës në veri. Pas tyre në konferencë për shtyp si rrallë herë bashkë kanë dalë presidenti, Alleksandar Vuçiç dhe shefi i diplomacisë, Ivica Daçiç. Presidenti serb tha se presioni ishte i madh, por ruajti fytyrën dhe bëri thirrje për kompromis.

Aleksandër Vuçiç, president i Serbisë: “Shpresoj që shqiptarët ta kuptojnë këtë si mundësi për tu kthjelluar. Shpresoj që ta kuptojnë se pa zgjidhje të kompromisit nuk ka asgjë dhe nuk duhet të urrejnë Serbinë. I lus që të mos vënë taksa pasi ne nuk kemi ndaluar kamionet e tyre, as ata 5 mijë që vijnë këtu e as ata 30 mijë që kalojnë nëpër Serbi”.

Ivica Daçiç, ministër i Jashtëm, Serbi: “Është një fitore e madhe diplomatike. Nuk mund ta fsheh gëzimin dhe kam një listë të atyre që nuk na mbështetën. Kush tha se Serbia është e vogël, gënjen!”

Reagimet kanë ardhur nga shumica e politikanëve serb, të cilët thanë se një pjesë e madhe e serbëve rrezikonin të ishin të kërkuar nga Kosova në rast të anëtarësimit në këtë organizatë./abcnews.al

DACIC-REAGIMI_ABC-M2-T1.mpg_snapshot_00.12-1280x738.jpg
G. P.17:40 | 09/11/2018

Ministri i Jashtëm serb Ivica Dacic deklaroi se Prishtina po vendos ultimatum dhe nuk i intereson më dialogu me Beogradin, pa arritur objektivat e saj, përfshirë dhe anëtarësimin në organizata ndërkombëtare. Daçiç theksoi se një gjë e tillë nuk ka për të ndodhur asnjëherë.

Në një intervistë për mediat veendase, ministri i Jashtëm i Serbisë, Ivica Daçiç ka komentuar dhe situatën aktuale në dialogun mes Prishtinës dhe Beogradit, ku sipas tij po luhen lojëra të pista. Daçiç u shpreh se Prishtina nuk do dialog por pret që Serbia të pranojë çdo gjë për shkak të presionit ndërkombëtar. Kjo në këmbim të anëtarësimit në Bashkimin Europian. Daçiç tha se taktikat që po ndiqen nga Prishtina po përkeqësohen, për të arritur deri në sforcimin e disa vemdimeve si për shembull liberalizimin e vizave.

Ivica Daçiç, ministër i Jashtëm serb: “Ata po mendojnë të na mundin në këtë pikë. Këto janë lojëra të pista dhe që kërcënojnë seriozisht të gjithë rajonin. Ashtu si ka thënë dhe presidenti serb aleksandër Vuçiç, para çdo raundi dialogu gjithmonë ndodhin disa incidente.”

Daçiç theksoi se nuk besonte në arritjen e një marrëveshjeje përfundimtare me Prishtinën, deri në fund të muajit maj kur përfundon dhe mandate i shefes për politika të jashtme në Bashkimin Europian, Federika Mogerini

“Fillimisht ata nuk kanë implementuar marrëveshjet e arritura në Bruksel, përfshirë këtu dhe marrëveshjen për energjinë. Tashmë ata po përpiqen të lidhin këtë çështje me disa të tjera, – nëse na pranoni në Kombet e Bashkuara, ne do të krijojmë asocacionin e komunave serbe. Por kjo nuk do të ndodhë. Ata presin që Serbia të tregohet e dobët dhe të pranojë ultimatumet në mënyrë që të ketë perspektivë në rrugën europiane, gjë që për ne është shumë e rëndësishme.”

Sipas tij, për Beogradin është më e rëndësishme, arritja e një marrëveshjeje përfundimtare për krijimin e Asocacionit të komunave serbe në veri të Kosovës, pasi kjo është e rëndësishme për stabilitetin dhe paqen në të gjithë rajonin. Kreu i diplomacisë serbe theksoi se një marrëveshje e padrejtë, nuk garanton një paqe afatgjatë, dhe për këtë arsye Serbia nuk lëviz nga qëndrimi i saj. “Të gjithë duhet ta respektojnë këtë: Kosova do të njihet si shtet kur të bëhet anëtare e Kombeve të Bashkuara – dhe një gjë e tillë nuk do të mdodhë kurrë! –përfundoi Daçiç./abcnews.al

dacic.jpg
G. P.15:18 | 12/10/2018

Ministri i jashtëm i Serbisë Ivica Daçiç, u shpreh se Shtetet e Bashkuara të Amerikës i kanë kërkuar Beogradit që të ndalojë fushatën për anulimin e njohjeve të pavarësisë së Kosovës.

Serbia prej kohësh ka ndërmarrë një fushatë për të bindur shtetet që e kanë njohur Kosovën, të anulojnë vendimin për njohjen e pavarësisë. Ministri i Jashtëm i Serbisë, Ivica Daçiç, përsëriti se një nga objektivat e tij është që numrin e njohjeve ta cojë nga 116 që është aktualisht, nën 96.

Ndërkohë Daçiç në një intervistë të fundit për një televizion serb u ankua se Shtetet e Bashkuara të Amerikës i kanë kërkuar që të ndalojë këtë fushatë. Kjo me arsyetimin se pala serbe po punon kundër dialogut me Kosovën.

Sipas ministrit të Jashtëm serb kjo kërkesë atij i është bërë gjatë vizitës në Nju Jork ku ndodhej me kryeministren e vendit Ana Brnabiç./abcnews.al

DACIC-REAGIMI_ABC-M2-T1.mpg_snapshot_00.12-1280x738.jpg
G. P.17:19 | 11/10/2018

Ministri i Jashtëm i Serbisë, Ivica Daçiç, ka reaguar ashpër ndaj deklaratës së anëtarit kroat të presidencës së Bosnjë e Hercegovinës Zeljko Komsiç. Ky i fundit në një intervistë për Deutsche Velle u shprehs e vendi i tij duhet të njohë pavarësinë e Kosovës.

Bosnja nuk e njeh Kosovën dhe nëse anëtarët e presidencë së saj nuk e respektojnë integritetin territorial të Serbisë atëherë ata po rrezikojnë marrëdhëniet miqësore. Kjo do të sillte një reagim reciprok. Ka qenë ky reagimi i menjëhershëm i ministrit të Jashtëm të serbisë Ivica Daçiç, ndaj deklaratës së anëtarit kroat të presidencës boshnjake Zeljko Komsiç, sipas të cilit Kosova është një shtet i pavarur.

Daçiç tha se anëtari i sapozgjedhur kroat i presidencës së Bosnje e Hercegovinës, Komsiç, nuk e ka marrë ende zyrtarisht detyrën dhe që tani po përpiqet të provokojë Serbinë me deklarata për Kosovën. Daçiç më tej tha se ai personalisht mendon se entiteti serb në Bosnje e Hercegovinë mund të jetë një shtet i pavarur aq sa Kosova mendon se është. Por, ai shtoi, se Serbia ka një politikë të jashtme zyrtare e cila respekton dhe njeh integritetin territorial të Bosnje e Hercegovinës.

Daçiç theksoi se Komsiç duhet të jetë në dijeni se është në krye të një trupi kolektiv dhe se politika e jashtme e shtetit të tij është ajo që vendoset nga presidenca. Bosnje e Hercegovina nuk e njeh Kosovën dhe nëse anëtarët e presidencës së saj nuk respektojnë integritetin territorial të Serbisë, duhet të jenë të vetëdijshëm se po rrezikojnë marrëdhëniet miqësore si dhe po provokojnë, në vend të kësaj është më mirë ti rikthehemi bashkëpunimit dhe të ardhmes së përbashkët, përfundoi Daçiç./abcnews.al

dacic.jpg
G. P.16:38 | 25/09/2018

Ministri i Punëve të Jashtme të Serbisë, Ivica Daçiç, gjendet në Nju Jork për Asamblenë e Përgjithshme të Kombeve të Bashkuara. Shefi i diplomacisë së Beogradit tha se arritja e një zgjidhjeje për çështjen e Kosovës është prioritet kombëtar për Serbinë.

“Duke mbrojtur sovranitetin e saj dhe integritetin territorial, Serbia mbron të drejtën ndërkombëtare, Kartën e Kombeve të Bashkuara, ruajtjen e paqes dhe sigurisë ndërkombëtare, por edhe identitetin e saj kombëtar dhe historik”.

Kështu u shpreh Daçiç gjatë një seance që u mbajt për përvjetorin e lindjes së Nelson Mandelës në OKB. Ndërkohë, Kosova dhe Serbia janë duke bërë përpjekje për gjetjen e një zgjidhjeje përfundimtare përmes dialogut në Bruksel./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono