ivi kaso

ivi-kaso.jpg
G. P.20:15 | 30/06/2019

Sekretari për Çështjet Zgjedhore në PD, Ivi Kaso, deklaroi një orë pas përfundimit të votimit në vend se KQZ mashtroi shqiptarët pasi pjesëmarrja deri në orën 19:00 sipas tij ka qenë vetëm 15%.

“KQZ mashtroi shqiptarët dhe partnerët për numrin e vërtetë të të gjithë atyre që kane votuar gjatë gjithë ditës deri në fund të farsës. Nga monitorimi i të gjitha qendrave të votimit, deri në mbylljen e tyre në orën 19:00 ka rezultuar se pjesëmarrja faktike në ranga vendi është 15 për qind. PD paralajmëron kamikazët politikë të KQZ-së se ata do të mbajnë përgjegjësi për falsifikimin që kanë kryer”, tha Kaso.

Ai deklaroi se shqiptarët e kanë refuzuar kryeministrin Rama.

“Me gjithë shkeljet e panumërta të denoncuara nga mediat dhe qytetarët, votuesit shëtitës që votojnë disa herë, te komisionet e votimeve me një anëtarë, kërcënimet e zyrtarëve dhe grupeve kriminale të votuesve e deri tek mbushja fiktive e listat të votuesve me emrat e emigrantëve edhe pse në këtë farsë ai vetë kandidon, ai vetë, voton, vetë numëron, paniku Edi Ramës nga braktisja dhe refuzimi popullor e ka shtyrë drejt manipulimit flagrant të numrit të pjesëmarrësve në këtë farsë. As mbushja e kutive që po ndodh në këto momente dhe as manipulimi i numrit të votuesve nuk e shpëton nga ajo që e dinë të gjithë tashmë, shqiptarët e kanë refuzuar”, tha Kaso./abcnews.al

IVI-KASO-1280x720.jpg
ent ela16:35 | 30/06/2019

Pas Edi Palokës ka reguar edhe sekretari për çështje zgjedhore në PD, Ivi Kaso. Në një deklaratë ëpr mediat ai akuzon KQZ se po gënjen për pjesëmarrjen në votime. Kaso akuzon Ramëz se po falsifikon pjesëmarrjen në votimet e tij njëpartiake dhe të paligjshme.

Deklaratë e sekretarit për çështje zgjedhore në PD, Ivi Kaso

Operacioni më i madh që po kryen Edi Rama gjatë gjithë ditës së sotme është falsifikimi i pjesëmarrjes në votimet e tij njëpartiake dhe të paligjshme.

Komisioni Qendror i Zgjedhjeve është në krye të këtij operacioni manipulimi, duke mashtruar shqiptarët dhe partnerët për numrin e vërtetë të atyre që kanë votuar.

Nga monitorimi i të gjitha qendrave të votimit, ka rezultuar se pjesëmarrja faktike në rang vendi deri në orën 11 ka qenë 6 përqind dhe jo 12 përqind sic raportuan kamikazët e KQZ.

Pjesëmarrja faktike deri në orën 3 pasdite është 10 për qind.

Partia Demokratike paralajmëron kamikazët politikë të Komisionit Qendror të Zgjedhjeve, të mos i shkojnë deri në fund planit për falsifikimin e pjesëmarrjes.

Lojërat e pista me telefona të prishur nxjerrin zbuluar paligjshmërinë e kësaj KQZ-je me 4 anëtarë të PS në shkelje të ligjit.

Arsyeja se pse KQZ nuk evidenton, ndalon dhe raporton shkeljet flagrante të ligjit, që nga votuesit shëtitës që votojnë disa herë, deri tek komisionet e votimit me nga 1 anëtarë që mbushin kutitë e votimit, që nga votimi në grup deri tek votimi i hapur, raste të gjitha të denoncuara nga media, është sepse KQZ-ja është një vegël e paligjshme në duart e Edi Ramës dhe në shërbim të farsës së gatuar prej tij.

Megjithëse vetë kandidon, vetë voton, vetë numëron dhe vetë shpall rezultatin, paniku i Edi Ramës duket qartë. Asgjë dhe askush nuk mund ta fshehë braktisjen dhe refuzimin e tij. /abcnews.al

Ivi-Kaso-mirela.jpg
nev ila21:30 | 23/05/2019

Ivi Kaso, Sekretar për çështjet zgjedhore në Partinë Demokratike ka qenë i ftuari i Mbrëmje ABC me Mirela Milorin ditën e sotme. Ivi Kaso ka folur për përputhshmërinë me ligjin i hapave të marra nga mazhoranca dhe opozita. Kaso ka thënë se mazhoranca nuk ka patur asnjëherë vullnet që të organizojë zgjedhje me standartë por përkundrazi çdo hap të ndërmarrë deri tani e ka marrë në kundërshtim me çdo lloj ligji dhe kodi. Kaso gjithashtu ka folur për ngërcin e krijuar mbi mungesën e Gjykatës së lartë dhe se si ndikon mungesa e saj në jetën e qytetarëve.

Mazhoranca ka konceptuar një proces votimesh me kandidatë vetëm të mazhorancës në pushtet, ky proces është i mbushur me paligjshmëri në cdo hap. Kemi denoncuar që mazhoranca nuk di dhe i mungon vullneti për të organizuar një proces zgjedhor me standarde minimale pasi edhe e vetme, vjedh e manipulon, shkel afatet“, tha Kaso.

Mirela Milori: kundërshtarët tuaj mendojnë se ju donit të hynit në komisionet zonale zgjedhore pikërisht për të prishur zgjedhjet, anëtarët e përfaqësuesit tuaj do të prishnin gjithë logjistikën e zgjedhjeve. Keni ndonjë koment për këtë?

Ivi Kaso: Është një pretendim i pabazuar. ne kemi paraqitur në përbushje të detyrimeve ligjore mbi 270 kandidatura në mbarë shqipërinë, të cilat respektojnë të gjitha kriteret e kodit zgjedhor, nuk kemi cuar atje kamikazë. unë i kam siguruar personalisht anëtarët e KQZ që personat e propozuar nga ana jonë ishin atje vetëm për të zbatuar ligjin dhe kodin zgjedhor.

Mirela Milori: Do e coni cështjen në kolegjin zgjedhor?

Ivi Kaso: Me siguri do i ndjekim të gjitha hapat ligjore pasi vendimarrja e sotme është paprecedentë.

Mirela Milori:Pse ishit aq i ashpër me Bindjen Demokratike, si forcë politike flas?

Ivi Kaso: Si forcë politike nuk jemi marrë ndonjëherë me cështjen e një subjekti të caktuar. Beteja jonë politike në KQZ, denoncimet tona kanë patur qëllim që ti informojmë qytetarët se procesi i 30 qershorit nuk është proces zgjedhjesh aq më pak demokratike. Qëllimi ynë është të demaskojmë Edi Ramën për opozitën fasadë që kërkon të servirë qytetarëve.

Mirela Milori: Flasim për reformën në drejtësi, Flasim për reformën në drejtësi, mazhoranca ju akuzon se i trembeni reformës

Ivi Kaso: Akuza më bën për të qeshur, si mundet që kryeministri është kapur duke vjedhur vota. Është faktuar nga prokuroria.

Mirela Milori: Nuk është faktuar, të jemi korrekt

Ivi Kaso: po të funksiononte drejtësa si duhet do ishin faktuar. dosjet e skandaleve një pjesë i ka zbuluar media dhe opozita.opozita është larguar prej 6 vjetësh dhe nuk i trembet spakut

Mirela Milori:Sipas ministres Spiropali Gjykata Kushtetuese që është thembra e Akilit në sistemin e drejtësisë do të ngrihet brenda korrikut, çfare komenti keni?

Ivi Kaso: Këto deklarata i kam dëgjuar por konkretisht ministren nuk e kam dëgjuar, si mund të deklarojë qeveria për ti ngritur këto organe, si jep garanci për ti ngritur këto organe të pastra dhe të pakapura?

Mirela Milori: zoti Basha i është përgjigjur sot Z. Rama, që Gjykata e lartë ka mbetur me dy anëtarë, sa ndikon në jetën e qytetarëve funksionimi ose jo i gjykatës së lartë?

Ivi Kaso: Ka ndikim të drejtpërdrejtë në jetën e tyre, mënyra e vetme është që ti drejtohen gjykatës së apelit por mungon e larta dhe nuk mund të kundërshtojnë vendimmarrjet e dy gjykatave të nivelit të parë. Gjykata e Lartë sheh anën procedurale nëse gjykatat e tjera kanë marrë vendimet në bazë të ligjit ose jo. Tashmë ato çështje që i janë drejtuar Gjykatës së lartë depozitohen aty./abcnews.al

 

ivi-kaso.jpg
nev ila15:11 | 18/05/2019

Një ditë pas shprehes së argumentit të demanskimit të shkeljes së ligjit dhe procedurës në regjistrimin e kandidatëve për zgjedhjet e 30 qershorit, si qëllim të propozimit të kandidaturave për komisionerë të zonave administrative, Partia Demokratike publikoi denoncimin e saj të parë dhe bëhet fjalë pikërisht për forcën politike të dalë nga një ish-nënkryetar demokrat.

“Partia e krijuar në paradhomën e Edi Ramës ka paraqitur kandidatë fallco në zgjedhjet fallco me një vërtetim fallco nga Kuvendi i Shqipërisë. Në një akt të paprecedentë, për llogari të Edi Ramës, Sekretari i Përgjithshëm i Kuvendit ka falsifikuar dokumentet zyrtare, duke lëshuar për partinë fantazëm të Edi Ramës një vërtetim, sikur përfaqësohet në Kuvend nga një deputet që ka 6 muaj që ushtron mandatin e tij. Bëhet fjalë për deputetin Andi Përmeti, i cili nuk ka mbushur as 1 muaj në marrjen e mandatit”.

Për këtë demorkatët njoftojnë kallzimin penal depozituar ndaj sekretarit të përgjithshëm të Kuvendit, por kreu i bordit të partisë më të re Bindja Demokratike, Astrit Patozi, përgënjeshtrimin e tij e publikoi në rrjetin social facebook.

“Sqarojmë publikun se BINDJA DEMOKRATIKE mbështetet jo nga një, por nga firmat e dy deputetëve për të garuar dhe kandiduar në gjithë Shqiërinë. Ata janë zotërinjtë Lefter Koka dhe Andi Përmeti, dhe për këtë ekziston e gjithë praktika e depozituar në KQZ”.

Dokumenti i firmosur nga zoti Lefter Koka dhe Astrit Patozi, deklaron se deputeti Lefter Koka mbështet për të propozuar si kandidat për kryetar apo anëtar këshilli në zgjedhjet e 30 qershorit, kandidatët e propozuar nga Bindja Demokratike. Por zoti Koka, i cili figuron jo si deputet i Bindjes Demokratike por si i pavarur, pasi refuzoi të digjte mandatin e marrë nën siglën e LSI, referon nenin 68 të Kodit Zgjedhor” si bazën ligjore që i jep këtë të drejtë.

Por Kodi Zgjedhor neni 68, pika 2 dhe 3 shkruan se kandidatët e paraqitur nga partitë politike që nuk zotërojnë asnjë mandat në Kuvend duhet të mbështeten nga jo më pak se 1% e zgjedhësve të njësisë ku kandidon. Pika 3 gjithashtu flet për zotërim mandati nga partia që propozon kandidatët, dhe jo mbështetje nga një deputet që ka mandat, por nuk bën pjesë në partinë që propozon kandidatët, si është rasti i deputetit Lefter Koka dhe mbështetjes së tij ndaj propozimeve të Bindjes Demokratike.

Edhe pse titulli i dokumentit flet për “zotërim mandate” nga Bindja Demokratike, brendësia e dokumentit njofton vetëm mbështetjen që z. Lefter Koka i bën kësaj partie, ku nuk bën vet pjesë, për të propozuar kandidatë për garën elektorale të 30 qershorit./ABC News Albania 24/7

ivi-kaso-1280x722.jpg
ent ela20:13 | 25/03/2019

Kryetari i Partisë Demokratike, Lulzim Basha ishte sot në Prokurorinë e Tiranës ku në një dalje për media tha se ka dhënë informacion për persona që mund të kenë lidhje me hetimin për dosjen e lobimit në SHBA, se PD dhe zyrtarët e saj nuk kanë shkelur ligjin as në Shqipëri, as në Britani dhe as në SHBA.

Deklaratës së Bashës i është bashkëngjitur edhe reagimi i  Sekretarit për Çështjet zgjedhore në PD Ivi Kaso, i cili në “Mbrëmje ABC ”, tha se ndaj PD nuk ka asnjë procedim penal, pro ka qenë vetë kjo parti që i ka kërkuar Prokurorisë që të hetojë për çështjen në fjalë.

Mirela Milori: Sot Basha është paraqitur në Prokurori me akuzën e ngritur ër fshehje fondesh. Ka pasur një përballje të deklaratave tuaja, atyre të z,Basha dhe Prokurorisë. Do doja një opinion të parë dhe më pas do iu pyes me konkretisht.

Ivi Kaso: Ka një hetim të Prokurorisë së Tiranës, i cili ka filluar në fund të viti 2017 me kërkesë të PD-së. Ka qenë PD që i është drejtuar më një shkresë zyrtare Prokurorit të Përgjithshëm të asaj kohë Adriatik Llalla, ku i ka kërkuar të hetojë një çështje e cila spekulimet mbi të cilën kishin lënë vend që të spekulohej një e pavërtetë në funksion të debatit politik. E pavërteta ishte sikur PD paska derdhur shuma të mëdha lotimi në favor të një shoqërie lotuese në SHBA, shuma këto të padeklaruara në KQZ dhe me burim të padeklaruar. Kjo ishte akuza publike e cila është ngritur atëherë nga funksionarë të lartë të PS. Prokuroria ka regjistruar procedimin penal në fund të viti 2017 pra më shumë se 1 vit e gjysmë nga momenti që flasim dhe në funksion të këtij hetimi jo ndja PD, por në bazë të kallëzimit dhe kërkesës së vetë PD për t’u hetuar dhe për të bërë qartësi mbi këtë çështje.

Ndërsa pas deklaratës së Prokurorisë se Partia Demokratike nuk ka deklaruar 650 mijë Dollarë për lobimin në SHBA, ka reaguar selia blu. Kjo e fundit, në një njoftim shpërndarë për mediat, thotë se Prokuroria është përdorur politikisht për këtë çështje, pasi ka dalë në konkluzione pas përfunduar hetimin. Sipas PD, nuk është shkelur asnjë ligj dhe të gjitha shpenzimet për vitin 2017 janë të deklaruara./abcnews.al

kqz-tirane.jpg
G. P.15:36 | 01/03/2019

Përfaqësuesi ligjor i Partisë Demokratike Ivi Kaso ka depozituar pranë Komisionit Qendror të Zgjedhjeve një listë me emrat e kandidatëve të kësaj force politike, pjesë e listave shumë-emërore, të cilët kanë firmosur një dokument përmes së cilit njoftojnë heqjen dorë nga marrja e mandatit të deputetit. Kjo lëvizje vjen pas ftesës që Komisioni Qendror i Zgjedhjeve i bëri kandidatëve të partive politike të cilëve sipas kodit zgjedhor u kalon mandati, pas dorëheqjes së deputetëve të opozitës.

Kështu pas thirrjes së ndërkombëtarëve krahas Myslym Murizit dhe Rudina Hajdarit, listës që kandidatëve që kanë pranuar marrjen e mandatit sipas burimeve nga selia blu, i janë shtuar edhe emrat e Ligoraq Karamelos dhe Erion Picirit.

Ndërsa tek lista e LSI, mësohet se kandidatët Ylli Shehu, Aurora Mara dhe Enver Rroshi kanë dorëzuar pranë KQZ formularin e vetdeklarimit. Por edhe nga kjo forcë politike nga listat shumëemërore prej 17 kandidatësh deri tani vetëm 11 kanë deklaruar dorëheqjen.

Sa i përket aleatëve të demokratëve, Agron Duka nga Partia Agrare Ambientaliste ka dorëzuar dorëheqjen ditën e premte, ndërsa Nard Ndoka i PDK-së, pas kthimit nga udhëtimi jashtë kufijve, pritet të të zyrtarizojë vendimin e tij ditën e hënë./abcnews.al

albert-veliu1234.jpg
G. P.12:34 | 18/05/2018

Albert Veliu, 51 vjeçari nga Vlora, i cili një ditë më parë u paraqit nga PD-ja si identiteti i “Bashkëpunëtorit X” në bisedën me Agron Xhafajn, ndodhet që prej orës 10:30 në Prokurorinë e Krimeve të Rënda, ku po merret në pyetje nga prokurori.

Mësohet se Veliu po shoqërohet nga Ivi Kaso, ekspert ligjor në PD dhe avokati i tij. Mëngjesin e sotëm 51-vjeçari vlonjat, protagonist i kësaj bisede që pretendohet se implikon vëllanë e ministrit të Brendshëm është parë në oborrin e PD-së, duke biseduar me ekspertin ligjor Ivi Kaso.

Burimet bënë të ditur se Albert Veliu është marrë në pyetje edhe dje në Prokurorinë e Tiranës, ku ka një tjetër procedim, të nisur pas kallëzimit të bërë nga Agron Xhafaj disa ditë më parë. Mësohet se Veliu gjatë marrjes në pyetje në prokurori u ka qëndruar të njëjtave deklarata si në intervistën e publikuar dje nga PD./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono