ivi kaso

BISEDE-NE-STUDIO-ORA-20.mpg_snapshot_10.41-1280x720.jpg
ent ela21:15 | 09/09/2019

Sekretari për çështjet zgjedhore në PD Ivi Kaso, i ftuar në studion e Mbrëmje në ABC News  të Mirela Milorit as nuk e pohoi dhe as nuk mohoi, nëse kryetari demokrat Lulzim Basha ishte në dijeni të informacionit të klasifikuar që kishte Presidenti Ilir Meta, se në 8 qershor do të digjej Kuvendi. Por ai tha se vetë nuk ishte në dijeni.

“Nuk kam informacion nëse është ndarë me kreun e PD-së. Sa herë ka patur informacione të detajuara, Basha i ka bërë publike.

PD dhe opozita nuk kanë pasur asnjëherë skenarë dhune dhe aq më pak skenarë djegie institutcionesh.  PD ka patur informacion për infiltrimin nga forcat e rendit dhe mazhorancës që kanë pasur si skenar krijimin e akteve të dhunës me qëllim që koston e rëndë t’ia linte organizatorëve të protestës që të zhvendosej vëmendja nga protesta”.

I pyetur për seancën dëgjimore në Komision të Presidenti Ilir Meta, Kaso e cilësoi nga pikëpamja politike një shoë për të devijuar vëmendjen nga problemet reale të vendit, nga skandalet e njëpasnjëshme dhe dështimet e fundit, ndërsa nga ana ligjore është antikushtetues.

“Nga pikëpamja politike ky komision është instrument i mazhorancës për të devijuar vëmendjen nga problemet reale të vendit dhe nga skandalet e njëpasnjëshme dhe dështimët e fundit si raporti i OSBE ODIHR, është shoë më i mirë një pseudo komision hetimor i përbërë nga deputetë që lakohen në dosjet sensitive të politikës dhe që duhet të ishin duke dhënë llogari para drejtësisë për falsifikimin të zgjedhjeve.

Nga ana ligjore ky komision është i palgijshëmë, se konstatimi i shkelje kushtetuese bëhet vetëm nga Gjykata Kushtetuese, ndërsa shkeljet e Presidentit që do çonin në shkarkimin tij janë ato penale dhe  në këtë rast komisioni do ishte duke marrë tagrin e Prokurorisë, veprimtaria e këtij komisioni është e paligjshëm dhe shoë bajat që i servilet publikut për të tërhequr vëmendjen”. /abcnews.al

BISEDE-NE-STUDIO-ORA-20.mpg_snapshot_19.22-1280x720.jpg
ent ela21:01 | 09/09/2019

I pyetur në ABC News nëse projektohet një takim mes kryeministri Rama dhe kreut demokrat Lulzim Basha për t’i dhënë fund ngërçit politik, sekretari për çështjet zgjedhore në PD Ivi Kaso u shpreh skeptik, pasi opozita nuk lëviz nga kërkesat e saj.

“Nëse mendoni se lëvizjet tyre janë prelud i takimit Rama-Basha, unë jam skeptik. Si Rama e Basha aty kanë qenë, ka patur dhe ftesa publike nga Rama dhe për shkak të kërkesave të opozitës e pamundësonin këtë takim. Basha e ka bërë shumë herë të qartë këtë”.

Kaso nuk përjashtoi domosdoshmërinë e një takimi, por theksoi se takimi nuk do të ishte rrugëdalje nga kriza që vetë Rama ka provokuar.

“A do ishte e nevojshme që palët të ulen dhe t’i japin fund krizës në vend? Palët duhet të ulen dhe është e nevojshme, është koha për pakt kombëtar, për t’i kthyer demokracinë dhe sundimin ligjit këtij vendi.

Nuk besoj se takimi me të do ishte rrugëdalje nga kriza që ai vetë ka provokuar.

Ka një vendimarrje të kryesisë dhe këshillit kombëtar të PD, që të bëjë përpjekjet për zgjidhjen e krizës duke u nisur nga disa piketa, që nuk kanë ndryshuar dhe piketa kryesore është largimi i Ramës dhe krijimi i një qeverie tranzitore, që vendos disa rregulla loje. Shqiptarëve do u paraqitet platforma e opozitës për daljen nga kriza”. /abcnews.al

kaso2.jpg
ent ela20:37 | 09/09/2019

Sekretari për çështjet zgjedhore ne Partiën Demokratike Ivi Kaso paralajmëri në studion e  Mbrëmje në ABC Neës të Mirela Milorit se së shpejti do të publikohen edhe dy raste të tjera të të kandidatëve socialistë për kryebashkiakë me të shkuar kriminale.

“Janë dhe dy raste të tjerë që do dalin ditë pas dite. Kemi të dhëna dhe do t’i publikojmë shumë shpejt”.

Duke folur për reformën zgjedhore Kaso tha se zgjedhjet nuk janë çështje standardesh, por janë vullnet politik.

“Qëndrimi ynë për fat të keq për standardet e demokracisë na dha të drejtë ku raporti i ODIHR thotë që baza ligjore do mund të përbënte një bazë ligjore të mjaftueshme nëse kjo kornizë ligjore do zbatohej me përpikmëri, çka do të thotë se zgjedhjet nuk janë çështje standardesh janë vullnet politik i cili e ka detyruar Ramën që të kandidatojë individë me të shkuar kriminale”.

I pyetur nëse PD do të marrë pjesë në tryezën e reformës zgjedhore Kaso shprehet se kjo do të ishte e pavlerë.

Milori: Nëse pozita thotë sillni draftin?

Kaso: Do ishte e pavlerë se ne kemi ligj që shitblerja e votës është krim. /abcnews.al

ivi-kasoo-1280x714.jpg
G. P.14:16 | 05/07/2019

Sipas sekretarit për çështjet zgjedhore në PD, Ivi Kaso, operacioni i manipulimit të votave më 30 Qershor edhe pse ka qenë i planifikuar ka lënë gjurmë. Në një deklaratë nga selia blu këtë të premte, Kaso tha se për të ruajtur në letra rezultatin e vitit 2017, Rama përdori KQZ-në dhe qindra komisionerë për të rritur artificialisht numrin e pjesëmarrësve në votime.

“Gjatë këtyre ditëve, Partia Demokratike ka njohur opinionin publik me operacionin kriminal të Edi Ramës për të manipuluar pjesëmarrjen e votuesve në farsën e paligjshme të 30 Qershorit. Për të mbuluar dështimin, braktisjen, refuzimin e 85 përqind të shqiptarëve, Edi Ramës i duhej të ruante me letra rezultatin e 2017-ës.

Për këtë, ai përdori Denar Bibën, 3 persona të tjerë të Komisionit Qendror të Vjedhjeve dhe qindra komisionerë për të mbushur kutitë, duke rritur artificialisht numrin e pjesëmarrësve. Ai mbushi kutitë me plot 280 mijë vota, duke u rikonfirmuar si Babloku i madh i skemës së vjedhjes së votave dhe një person që përsërit krimin elektoral sa herë ka votime.

Por operacioni kriminal i manipulimit të numrit të votuesve të 30 Qershorit megjithëse ka qenë i planifikuar, ka lënë gjurmë. Për të justifikuar ndryshimin me plot 66 mijë vota të shtuara brenda 24 orësh vetëm sipas shifrave të KQZ, njëri nga anëtarët e bandës në KQZ, Bledar Skënderaj, deklaroi publikisht se gabimi mes rezultatit të parë dhe atij final ishte vetëm 1.3 përqind”.

Ndër të tjera, Kaso tha se në 1 të tretën e bashkive është shtuar më shumë se gjysma e votave.

“Është 1 e treta e bashkive ku janë shtuar më shumë se gjysma e votave, për arsyen e vetme që Kryeministri në minorancë, Edi Rama, të mbulojë dështimin, refuzimin, braktisjen e madhe të 30 Qershorit. Në fakt operacioni kriminal ka qenë shumë më i rëndë. Vetëm në Tiranë manipuloi dhe shtoi rreth 60 mijë votues. Kjo është arsyeja pse Komisioni Qendror i Vjedhjeve nuk ka hedhur në sistemin online të dhënat e operatorëve për pjesëmarrjen dhe, akoma, 5 ditë pas  30 Qershorit nuk ka publikuar rezultatet qendër për qendër. Ky është një krim masiv elektoral dhe shpërdorim detyre i kryer nga Denar Biba dhe shumë kriminelë të tjerë pjesë e administratës së Komisionit, që kanë guxuar me lehtësi dhunimin e rëndë të ligjit, Kushtetutës dhe demokracisë”./abcnews.al

kaso-1-1280x853.jpg
G. P.13:41 | 03/07/2019

Në një deklaratë për mediat këtë të mërkurë, sekretari i PD-së për çështjet zgjedhore, Ivi Kaso tha se KQZ dhe komisionerët socialistë mbushën kutitë duke shtuar edhe numrin e votuesve. Sipas Kasos pjesëmarrja reale në votime ishte 15 përqind.

“Të dhënat e sotme janë mashtrim. Komisionerët socialistë, në bashkëpunim me komisionin qendror të vjedhjeve kanë rritur pjesëmarrjen me 8 përqind, që do të thotë se kanë mbushur kutitë, duke shtuar rreth 280 mijë vota në të gjithë vendin. Ata nuk kanë ruajtur dot as shifrën zyrtare të dhënë nga vetë Komisioni natën e 30 Qershorit. Pjesëmarrja reale në votimet e paligjshme dhe antikushtetuese të 30 Qershorit është 15 përqind. Mbushja e kutive për t’i dhënë Edi Ramës oksigjen, nuk e ndryshon dot faktin se shqiptarët panë se gjatë gjithë ditës, veçanërisht pas mesditës, qendrat e votimit në të gjithë vendin ishin pothuajse bosh. komisioni qendror i vjedhjeve mashtroi gjatë gjithë ditës së dielë për numrin e pjesëmarrësve në votime”, tha Kaso.

Kaso u shpreh se shifrat e deklaruara sot nga KQZ ku thuhej se pjesëmarrja reale ishte gati 23%, shërbejn ëvetëm për propagandën e kryeministrit. Sipas tij, anëtarët e KQZ-së do të mbajnë përgjegjësi penale.

“Është e paprecedentëtë, që në fund të procesit të numërimit, edhe tani që flasim,Komisioni Qendror i Vjedhjeve nuk ka publikuar asnjë të dhënë për qendrat e  votimit për asnjë bashki.  Shifrat e deklaruara sot i shërbejnë propagandës së Edi Ramës për të fshehur dështimin dhe braktisjen totale, për të fshehur katandisjen e Partisë Socialiste në një parti rrogëtarësh, kriminelësh dhe klientësh biznesi. Çdo e dhënë për këtë proces farsë tregon se ky është një proces i manipuluar, i paligjshëm, anti-kushtetues. Kamikazët e Edi Ramës në Komision Qendror të Vjedhjeve dhe kudo tjetër do të mbajnë përgjegjësi penale”, tha Kaso./abcnews.al

kaso-1280x853.jpg
G. P.15:33 | 02/07/2019

Partia Demokratike akuzon mazhorancën për blerje dhe manipulim votash më 30 qershor. Sekretari për Çështjet Zgjedhore në selinë blu Ivi Kaso u shpreh se pjesëmarrja në votime është 105 mijë persona dhe jo 170 mijë sa thotë KQZ-ja.

Votat janë vjedhur edhe në Tiranë. Është ky denoncimi i radhës së Partisë Demokratike.

“Mashtrimi nuk është me 10 mijë votues, se kaq janë vetëm votat e pavlefshme. Manipulimi është me rreth 66 mijë votues ose thënë ndryshe gati sa 1/3 e atyre që ka shpallur Komisioni Qendror i Vjedhjeve”.

Demokratët kanë bërë përllogaritjet e tyre.

“Numri real i qytetarëve të Tiranës që votuan në 30 qershor është 105 mijë dhe jo 171 mijë”.
Akuzojnë se KQZ po mbulon manipulimin me mungesën e transparencës për të dhënat online në kohë reale.

“Ndryshe nga sa u kërkua prej partnerëve ndërkombëtarë dhe misioni vëzhgues i ODIHR-it, për herë të parë, Komisioni Qendror i Vjedhjeve nuk shfaq online të dhënat për çdo qendër votimi”.

“Në video tregohet qartë se në vitit 2017, të dhënat ishin qendër për qendër, në kohë reale, sapo mbaronte numërimi, ndërsa sot, është vetëm një foto, me një rezultat të përgjithshëm, të padetajuar, me qëllim mbulimin e manipulimit të pjesëmarrjes së votuesve në Tiranë dhe në Shqipëri”.

Partia Demokratike është duke përgatitur dosjet për secilin që ka shkelur ligjin paralajmëron Sekretari për Çështjet Zgjedhore. /ABC News Albania 24/7

SINKRON-IVI-KASO.mpg_snapshot_00.05-1280x720.jpg
ent ela12:10 | 01/07/2019

“Edi Rama po kryen një manipulim masiv të rezultatit të votimit të tij monist, ku vetë votoi, vetë numëroi, vetë vulosi”. Është kjo deklarata që vjen nga selia blu për zgjedhjet e 30 qershorti. Përmes  Sekretarit për Çështjet Zgjedhore, Ivi Kaso, PD denoncon Kryeministrin Rama se manipuloi pjesëmarrjen në votime.

Deklaratë e Sekretarit për Çështjet Zgjedhore, Ivi Kaso

Edi Rama po kryen një manipulim masiv të rezultatit të votimit të tij monist, ku vetë votoi, vetë numëroi, vetë vulosi.

Siç denoncoi dje Partia Demokratike, për shkak të refuzimit plebishitar nga shqiptarët, kandidatët e tij kanë mbushur kutitë e votimit kudo në Shqipëri.

Në votimet moniste të Edi Ramës dalin më  shumë vota në kuti sesa ishte pjesëmarrja zyrtare e deklaruar nga Komisioni Qendror i Zgjedhjeve, edhe ky nën kontrollin e Edi Ramës dhe që manipuloi gjatë gjithë ditës pjesëmarrjen e votuesve.

Të dhënat zyrtare tregojnë se kutitë janë mbushur dhe numri i votave është shtuar në mënyrë flagrante në të paktën 6 bashki, ku ka mbaruar numërimi.

Rekordin e mban Ura Vajgurore, ku janë shtuar 1766 vota.

Më pas vjen Vau i Dejës me 1057 vota më shumë në kuti, sesa pjesëmarrja e deklaruar

Bashkia Lushnjë me 843 vota.

Malësia e Madhe me 665.

Bashkia e Bulqizës me 572 vota më shumë

Bashkia e Divjakës me 513 vota më shumë në kuti sesa votues morën pjesë sipas informacionit zyrtar.

Qëllimi i Edi Ramës për të fryrë pjesëmarrjen dhe për të manipuluar rezultatin e votimeve të tij personale, jashtë çdo standardi demokratik është arritja me çdo kusht e votave të vitit 2017.

Manipulimi i trashë që nisi dje me Komisionin Qendror të Zgjedhjeve dhe po vazhdon sot në qendrat e numërimit, nuk mund ta mbulojë dot të vërtetën se Edi Rama u refuzua në mënyrë plebishitare nga shqiptarët.

30 Qershori dhe dita pas tij provoi përtej çdo dyshimi se me Edi Ramën Shqipëria nuk ka asnjë shans të zhvillojë zgjedhje të lira e të ndershme. /abcnews.al

ivi-kasoo.jpg
G. P.22:03 | 30/06/2019

“Ne shpresojmë dhe jemi të bindur deri në një farë mase që ata do të thonë të vërtetën”. Ishte kjo deklarata e sekretarit për çështjet zgjedhore në Partinë Demokratike Ivi Kaso.

Ai ishte i ftuar në studion e ABC News mbrëmjen e kësaj të diele ku u pyet nga gazetarja Juli Xhokaxhi se çfarë pret PD nga raporti përfundimtar i OSBE/ODHIR në lidhje me zgjedhjet. Kaso tha se pas provave që opozita ka dërguar pret që ODHIR të thotë të vërtetën dhe raporti të jetë realist.

Juli Xhokaxhi: Të gjithë këtë dosje që e keni përpiluar thoni që po ja përcillni institucioneve, organizmave ndërkombëtarë, përfshirë OSBE/ODHIR-in. Çfarë pret PD nga raporti i OSBE/ODHIR? Çfarë shpresoni në fakt?

Ivi Kaso: Ne shpresojmë dhe jemi të bindur deri në një farë mase që ata do të thonë të vërtetën. Kaq kërkojmë dhe kaq shpresojmë. Realiteti sot është që
Edi Rama dhe zgjedhjet e tij moniste, zgjedhjet e tij farsë në një datë joligjore u refuzuan nga më shumë 85% e shqiptarëve. Ne sot kemi prova që Edi Rama as në shtëpinë e vet, me votuesit e vet, komisionerët e vet nuk organizon dot zgjedhje se edhe ato kërkon t’i manipulojë. Ne presim që raporti i organizmave ndërkombëtarë  duam që raporti i vëzhguesve ndërkombëtarë, ai më seriozi në të cilin organizmat e tjera ndërkombëtare mbështeten për të shprehur gjykimin e tyre për zgjedhjet të jetë realist dhe të thonë atë që kanë parë dhe ato që ne u kemi përcjellë në mënyrë të faktuar./abcnews.al

ivi-kaso.jpg
G. P.20:15 | 30/06/2019

Sekretari për Çështjet Zgjedhore në PD, Ivi Kaso, deklaroi një orë pas përfundimit të votimit në vend se KQZ mashtroi shqiptarët pasi pjesëmarrja deri në orën 19:00 sipas tij ka qenë vetëm 15%.

“KQZ mashtroi shqiptarët dhe partnerët për numrin e vërtetë të të gjithë atyre që kane votuar gjatë gjithë ditës deri në fund të farsës. Nga monitorimi i të gjitha qendrave të votimit, deri në mbylljen e tyre në orën 19:00 ka rezultuar se pjesëmarrja faktike në ranga vendi është 15 për qind. PD paralajmëron kamikazët politikë të KQZ-së se ata do të mbajnë përgjegjësi për falsifikimin që kanë kryer”, tha Kaso.

Ai deklaroi se shqiptarët e kanë refuzuar kryeministrin Rama.

“Me gjithë shkeljet e panumërta të denoncuara nga mediat dhe qytetarët, votuesit shëtitës që votojnë disa herë, te komisionet e votimeve me një anëtarë, kërcënimet e zyrtarëve dhe grupeve kriminale të votuesve e deri tek mbushja fiktive e listat të votuesve me emrat e emigrantëve edhe pse në këtë farsë ai vetë kandidon, ai vetë, voton, vetë numëron, paniku Edi Ramës nga braktisja dhe refuzimi popullor e ka shtyrë drejt manipulimit flagrant të numrit të pjesëmarrësve në këtë farsë. As mbushja e kutive që po ndodh në këto momente dhe as manipulimi i numrit të votuesve nuk e shpëton nga ajo që e dinë të gjithë tashmë, shqiptarët e kanë refuzuar”, tha Kaso./abcnews.al

IVI-KASO-1280x720.jpg
ent ela16:35 | 30/06/2019

Pas Edi Palokës ka reguar edhe sekretari për çështje zgjedhore në PD, Ivi Kaso. Në një deklaratë ëpr mediat ai akuzon KQZ se po gënjen për pjesëmarrjen në votime. Kaso akuzon Ramëz se po falsifikon pjesëmarrjen në votimet e tij njëpartiake dhe të paligjshme.

Deklaratë e sekretarit për çështje zgjedhore në PD, Ivi Kaso

Operacioni më i madh që po kryen Edi Rama gjatë gjithë ditës së sotme është falsifikimi i pjesëmarrjes në votimet e tij njëpartiake dhe të paligjshme.

Komisioni Qendror i Zgjedhjeve është në krye të këtij operacioni manipulimi, duke mashtruar shqiptarët dhe partnerët për numrin e vërtetë të atyre që kanë votuar.

Nga monitorimi i të gjitha qendrave të votimit, ka rezultuar se pjesëmarrja faktike në rang vendi deri në orën 11 ka qenë 6 përqind dhe jo 12 përqind sic raportuan kamikazët e KQZ.

Pjesëmarrja faktike deri në orën 3 pasdite është 10 për qind.

Partia Demokratike paralajmëron kamikazët politikë të Komisionit Qendror të Zgjedhjeve, të mos i shkojnë deri në fund planit për falsifikimin e pjesëmarrjes.

Lojërat e pista me telefona të prishur nxjerrin zbuluar paligjshmërinë e kësaj KQZ-je me 4 anëtarë të PS në shkelje të ligjit.

Arsyeja se pse KQZ nuk evidenton, ndalon dhe raporton shkeljet flagrante të ligjit, që nga votuesit shëtitës që votojnë disa herë, deri tek komisionet e votimit me nga 1 anëtarë që mbushin kutitë e votimit, që nga votimi në grup deri tek votimi i hapur, raste të gjitha të denoncuara nga media, është sepse KQZ-ja është një vegël e paligjshme në duart e Edi Ramës dhe në shërbim të farsës së gatuar prej tij.

Megjithëse vetë kandidon, vetë voton, vetë numëron dhe vetë shpall rezultatin, paniku i Edi Ramës duket qartë. Asgjë dhe askush nuk mund ta fshehë braktisjen dhe refuzimin e tij. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono