italiane

sander-lleshaj-1-1280x617.jpg
nev ila10:39 | 08/11/2019

Nga aeroporti i “Fiumicinos” në Milano, të gjithë autoritet, italiane, shqiptare, siriane, që kanë marrë pjesë në operacionin për shpëtimin e vogëlushit Alvin Berisha, kanë dhënë një konferencë të përbashkët për shtyp.

Ata kanë përshëndetur operacionin e zhvilluar, dhe kanë theksuar se ky operacion, shënon hapjen e rrugës për të shpëtuar gjithë fëmijët e tjerë që ndodhen në kampin “AL Hol” në Siri.

Të pranishëm kanë qenë, ministri i brendshëm Sandër Lleshaj, shefi i anti-terrorit të Milanos, Presidenti i Kryqit të Kuq Italian, Presidenti i Gjysmë Hënës së Kuqe Siriane dhe drejtues të tjerë të cilët kanë marrë pjesë në këtë operacion.

Ministri i brendshëm Sandër Lleshaj tha se, falenderonte të gjithë ata që ndihmuan në këtë rast, sidomos në mënyrë të vecantë, autoritetet Libaneze të cilët kanë organizuar operacionin për shpëtimin e vogëlushit në terren.

“Nuk dua të përmedn detajet e operacionit por dua të falenderoj të dy palët që ndihmuan në këtë operacion. Falenderoj sidomos kryqin e kuq ndërkombëtar, gjysmën e hënës së kuqe në Siri, autoritet italiane dhe shqiptare. Po ashtu dua të përshëndes në mënyrë të vecantë, autoritetet libaneze të cilët mbështetën operacionin në terren. Rasti ka vëmendje të vecantë dhe është ngritur pyetja nëse po përdoret politikisht? Dua të them se PO, Po e përdorim politikisht për të dhënë një mesazh.  Alvin Berisha është rast i trishtuar që dhuna terrorizmi, radikalizmi nuk duhet të jetë i pranishëm në jetët tona, ne nuk duhet të lejojmë që radikalizimi të bëhet pjesë e jetës tonë. Faleminderit të gjithëve për mbështetjen tuaj të jashtëzakonshme”, tha Lleshaj.

Ndërsa shefi i antiterrorit të Milanos tha se rasti i Alvin Berisha është një rast për tu festuar tani që pati një fund të lumtur. Ai tha se ky operacion është vetëm fillimi i riatdhesimit të fëmijëve të tjerë që ndodhen në kampin “Al hol”.

Kam parë gjëra që ju njerëzit nuk mund ti imagjinoni. Historia është e bukur, është e para herë që gjendem në një konferencë për shtyp, pasi ky në fakt është një rast feste. Historia e bukur është që ne e sollëm këtë fëmijë në shtëpi. Operacioni ka qenë një bashkëpunim ndërkombëtar, pra me pjesëmarrjen e të gjithëve. Edhe pse Alvin është me kombësi shqiptare ai është edhe një italian. Sot hapet rruga për të “Alvinët” e tjerë. Të gjithë protagonistët që shihni në këtë tavolinë kanë bërë punën e tyre në këtë përfundim të lumtur. Nuk mund të lemë fëmijët e tjerë që ndodhen atje nën dhunën dhe radikalizimin e terrorizmit”, tha ai.

Më tej në fjalën që mbajti Presidenti i Kryqit të Kuq Italian, tha se në kampin “AL Hol” janë gjithsej 3 jetimore, në të cilën ndodhen fëmijë të moshës nga 3 vjeç e sipër.

“Unë dua të theksoj dicka, që ne organizatat ndërkombëtare nuk mund të bëjmë dicka pa qeveritë përkatëse. Ishte disponimi i dy shteteve Italiane dhe Shqiptare të cilët thanë se ky fëmijë duhej nxjerrë që aty dhe ne vendosëm të bëjmë rolin tonë. Duke qenë të gjithë të disponueshëm, për të ndihmuar në këtë rast, u tregua se kur ka dialog dhe bashkëpunim nga të gjithë, mund të arrihet marrëveshja në këto zona, edhe kur ato duken sikur janë të pamundura”.

Ndërkohë Presdienti i Gjysmë Hënës së Kuqe Siriane, deklaroi se është i disponueshëm të ndihmojë për të gjithë fëmijët e tjerë.

 “Jam i disponueshëm të ndihmojë në operacione të tjera, ju falenderojmë të gjithëve dhe shpresoj që operacione të tilla të kemi edhe në të ardhmen”, tha ai.

Vogëlushi Alvin Berisha, në sajë të një operacioni ndërkombëtar, për shpëtimin e tij nga kampi i “Al Hol”, mbërriti sot rreth orës 7 të mëngjesit, në aeroportin e “Fiumicinos” në Romë, ku tashmë është bashkuar me babin dhe motrat e tij./abcnews.al

 

 

 

aaa.jpg
nev ila16:39 | 02/11/2019

Një lajm i rremë ka qarkulluar ditën e sotme në mediat italiane, ku sipas asaj që raportohej dy shqiptarë Bujar Hysa dhe Bardhyl Hoxha janë shpallur në kërkim pasi do të përfshiheshin në një sulm terrorist në Itali.

Alarmi në Itali u nxit gjatë natës nga policia italiane, ku thuhej se dy shqiptarët po përgatisnin një sulm terrorist. Madje metoda e ekzekutimit nga dy autorët do të ishte si ai i Teatrit Bataclan, në vitin 2015 në Francë, ku humbën jetën 130 persona.

Sipas lajmit, dy terroristët  shqiptarë po kërkoheshin në të gjithë territorin italian.

Mirëpo, duket se mediat italiane kanë dalë blof, kjo pasi Bujar Hysa ndodhet në qeli duke vuajtur dënimin prej më shumë se 3 vitesh. Ky i fundit është dënuar me 18 vite burg dhe është nën monitorim të plotë, në ambientet e vuajtjes së dënimit këtu në Shqipëri.

Hysa u arrestua tre vite më parë së bashku me një grup imamësh të vetë shpallur që rekrutonin besimtarë të rinj për të luftuar në Siri./abcnews.al

 

policia-italiane-1280x661.jpg
nev ila12:00 | 01/11/2019

Sërish shtetas shqiptarë të arrestuar në Itali, dhe akuza është po e njëjta: trafik ndërkombëtar droge. Vetëm të enjten policia italiane ka vënë në pranga 6 shtetas shqiptarë në operacione të ndryshme anti drogë.

Policia italiane në Bari ka arrestuar një shtetas shqiptar dhe dy italianë, të akuzuar se janë pjesë e grupi kriminal i cili merret me trafikun ndërkombëtar të drogës. Hetimet nisën pas arrestimit në 27 shtator 2017 të një 66 vjecari i cili kishte me vete një sasi të konsiderueshme heroine, dhe sapo kishte mbërritur në Bari i nisur me traget nga Durrësi.

Hetimet e mëtejshme zbuluan një organizatë ndërkombëtare që përdorte korrierë jot ë dyshimtë për të transportuar heroinë dhe marijuanë nga Shqipëria në Itali. Gjatë arrestimit u sekuestruan sasi të konsiderueshme droge, që do u dorëzoheshin grupeve kriminale kalabreze dhe siciliane.

Nëse droga e sekuestruar do të hidhej në treg ajo do të kishte vlerën e 4 milion eurove. Hetimi zbuloi dhe lidhjen e grupit me një organizatë kriminale që kishte kontakte me Ndragetën, dhe blinbte heroinë duke dhënë në shkëmbim kokainë.

Ndërkohë shtatë kile marijuanë dhe 200 gramë kokainë cuan në arrestimin e dy shtetasve shqiptarë banues në Rekanati të Italisë. Një shqiptar i tretë u arrestua nga Policia në Ankona, dhe ai banues në zonë, gjatë arrestimit iu gjet një sasi e konsiderueshme marijuane.

Shqiptarët monitoroheshin prej kohësh nga policia pasi dyshoheshin se shpërndanin drogë në zonë.

Kokaina e sekuestruar, në formë kristali, në treg kap vlerën e 8 mijë eurove. 40 vjecari shqiptar i arrestuar në Ankona nuk ka pranuar të tregojë se ku e ka gjetur kokainën dhe ku do e shiste. Me vete ai kishte dhe 700 euro cash.

Një shqiptar tjetër është arrestuar në trenin Venecia – Bari, pasi në cantën e shpinës iu gjetën 90 mijë euro. Ai ishte denoncuar disa herë për krime në lidhje me shitjen e drogës. Pasi nuk mundi të konfirmojë origjinën e shumës së parave që kishte me vete, 90 mijë eurot u sekuestruan nga policia.

Në një hotel në Verçeli është arrestuar një shtetas shqiptar i shpallur në kërkim. Në momentin e arrestimit ai ishte i shoqëruar me një grua. Ai ishte arrestuar dhe më parë nga policia Italiane pasi akuzohej për grabitje dhe rrëmbim personi./abcnews.al

djathi-italian-1280x719.jpg
nev ila23:07 | 03/10/2019

Rreziku për një luftë tarifash tregtare mes Shteteve të Bashkuara dhe Bashkimit Europian ka futur në “ethe” vendet e kontinentit të vjetër. Mes tyre, Italia po bëhet gati për të mbrojtur produktet e saj më prestigjoze si djathi, midhjet dhe pije te ndryshme.

Tarifat amerikane për produktet “Made in Italy”, që do të hyjnë në fuqi më 18 tetor, do të prekin me 25 për qind djathin, midhjet dhe pijet italiane.

Kështu thuhet në një listë të hartuar nga autoritetet amerikane, ku bëjnë përjashtim vetëm vaji i ullirit dhe vera.

Administrata Trump, sipas një zëdhënësi, shprehet megjithatë e gatshme të negociojë me BE-në për t’i zgjidhur nyjet e problemeve në tryezë.

Por rreziku për të thelluar klimën e tensionuar dhe për të arritur në një luftë të mirëfilltë tregtare ekziston dhe duke parë reagimin e tregjeve, do të kishte një efekt shkatërrues.

Situata ka shkaktuar reagimin e krerëve të shtetit italian. Vetë presidenti Serxho Matarela ka deklaruar se duhet të veprohet me përgjegjshmëri.

“Duhet të veprojmë me një përgjegjshmëri të madhe dhe të përbashkët. Zëvendësimi i politikave të bashkëpunimit me ato të konkurrencës nuk ndihmon”, ka thënë Matarela.

Ndërsa ministri i Jashtëm, Luixhi Di Maio, që në ditët e fundit u takua me sekretarin e Shtetit, Majk Pompeo ka deklaruar se do të bëjë gjithçka për të mbrojtur sipërmarrjet italiane.

“Do t’i mbrojmë me të gjitha forcat kompanitë italiane. E kam diskutuar çështjen edhe me sekretarin Pompeo dhe kemi nisur punën për një zgjidhje që mbron produktet ‘Made in Italy’”, ka thënë Di Maio.

Shefi i diplomacisë italiane ka theksuar se, një luftë tarifash do të dëmtonte edhe vetë Shtetet e Bashkuara.

Ndërkohë, në Europë lista me produktet amerikane që do të bien pre e “hakmarrjes” është tashmë gati.

Ajo varion nga verërat kaliforniane tek arrat dhe lajthitë dhe nga çamçakëzat tek duhani./ABC News Albania 24/7

640-0-5d528a118a0fa.jpg
ad min21:00 | 13/08/2019

Sot mediat italiane kanë humbur një prezantuese të njohur. Nadia Toffa është ndarë nga jeta pas një beteje të gjatë kundër kancerit, të cilën fakteqësisht nuk e ka fituar dot. Toffa drejtonte emisionin “La lene” që prej vitit 2016. Ka qenë pikërisht faqja zyrtare e programit që ka dhënë lajmin e trishtë që Toffa është ndarë nga jeta.

40-vjeçarja u diagnostifikua me kancer në vitin 2017 dhe madje shkroi edhe një libër për luftën kundër kësaj sëmundjeje të tmerrshme. Në libër shkroi se ajo u përpoq ta shihte kancerin si “një dhuratë, një mundësi”.

Gjithsesi, njerëzit do ta mbajnë mend si një grua që luftoi me dinjitet me këtë sëmundje dhe qëndroi e fortë deri në fund.

valdrin-pjetri.jpg
nev ila22:40 | 10/08/2019

Pas akuzave të ngritura nga Partia Demokratike e cila këmbëngul se kryebashkiaku i zgjedhur i Shkodrës, Valdrin Pjetri është i dënuar në Itali për trafik droge, ka reaguar vetë Pjetri në rrjetet sociale. Kryebashkiaku i zgjedhur ka publikuar dy prej dokumenteve zyrtare italiane ku sipas tij janë prova të cilat vërtetojnë se ai nuk ka llogari të hapura me drejtësinë italiane.

“Nuk dua të hyj në baltën e PD-së, e cila ka javë që kërkon të njollosë figurën time.

Ja ku janë çertifikatat e pastërtisë së figurës time në shtetin Italian.

Të tjerat i’a kam lënë atyre që duan të mbulojnë dështimet e tyre disa vjeçare duke njollosur emrin tim.

Ditë më të mira po vijnë për Shkodrën dhe banorët e saj”, shkruan Pjetri.

Prova e vetme e paraqitur deri tani nga PD është sistemi TIMS, sipas të cilit Pjetri nuk ka qenë në Itali pas vitit 2002 kur mendohet të jetë dëbuar, deri në vitin 2010./abcnews.al

zhvatja-1-1280x728.jpg
ad min16:15 | 09/08/2019

Gazeta italiane “La Verita” ka publikuar një tjetër video mbi çështjen e njohur si “Zhvatja”, në Maqedoninë e Veriut. Në të dëgjohet një zë femre që thuhet se i përket prokurores speciale Katica Janeva. Kjo e fundit ka pohuar se është zëri i saj, por ka pretenduar se është keqpërdorur.

Gazeta italiane “La Verita” në kanalin e saj në YouTube ka publikuar një video-incizim të ri dhe një version më të zgjeruar të xhirimit për rastin “Zhvatja”. Kësaj radhe në këtë video dëgjohet edhe zëri I Prokurores Speciale Katica Janeva…..” Mos u mërzit për asgjë, gjithçka do të jetë në rregull” – i thotë një zë femre biznesmenit Orce Kamçev, për të cilën gazetari Italian Laris Gajser thotë se i takon Prokurores Janeva.

Gazeta italiane thotë se xhirimi është bërë në shtëpinë e biznesmenit Orce Kamçev dhe se në të tregohet pagesa e parave dhe premtimet nga të dyshuarit se biznesmeni do të jetë I lirë ngase, sic thonë, PSP-ja nuk do të parashtrojë ankesë.

“Dy prokurorët e Prokurorisë Speciale që përmenden në xhirimet e gazetës italiane sot me anë të komunikatave kanë hedhur poshtë përgjegjësitë për keqpërdorime. Prokurorja Lile Stefanova ka akuzuar Janevën se ka kërkuar që të mbyllen lëndët dhe të dyshuarit të mos shkojnë në burg. Ndërkaq, Prokurorja Speciale në dorëheqje Katica Janeva përmes një komunikate de facto ka konfirmuar se zëri I saj I publikuar në xhirimet e “La Veritas” italiane është autentik, por thotë se kjo nuk dëshmon asnjë keqpërdorim”.

“La Verita” ka njoftuar se nuk bëhet fjalë vetëm për tekstin e fundit të publikuar në këtë media, ku janë kyçur katër video incizime me biseda, por, sic thonë, për komplet xhirimet e bisedave për rastin “Zhvatja”. Megjithatë, gjasat janë shumë të mëdha se këto publikime në median italiane nuk janë të gjithat sa u përket materialeve të biznesmenit. Mediat në Maqedoninë e Veriut njoftojnë se biznesmeni Orce Kamçev disponon me dëshmi disa orëshe të materialeve të xhiruara./ABC News Albania 24/7

zhvatja-1280x695.jpg
ad min19:00 | 08/08/2019

Çështja e njohur me emrin “Zhvatja” në Maqedoninë e Veriut ka përfunduar në mediat italiane. Gazeta “La Verita” ka publikuar në edicionin e saj online videon e një ryshfeti prej 1.5 milion euro që një biznesmen paguan për të fituar lirinë.

Laris Gaiser, nëpërmjet gazetës italiane “La Verita” publikoi një video, ku shihet se si Bojan Jovanovski, nga shtëpia e biznesmenit Orce Kamçev largohet me siç thuhet, 1.5 milion euro në kesh. Këto para, pretendohet se ia siguruan lirinë më vonë, Kamçevit, i cili është viktima kryesore në rastin “Zhvatja”. Siç shihet në video, më 20 shkurt, Bojan Jovanovski dhe Zoran Mileski i kanë marrë paratë nga familja Kamçev. E më pas, video e publikuar përmban edhe audio xhirim, ku Bojan Jovanovski i thotë njërit prej familjes Kamçev se të hënën do të jenë të lirë.

– Të hënë do të jeni të lirë! Më së voni deri të martën.

– Por nuk mund të vijë lënda deri të hënë në Gjykatë Supreme!?

– Po do të arrijë. Prokuroria Speciale nuk do të përdor masa të jashtëzakonshme juridike, nuk do të ndërmarrin asgjë.

– E apeli?

– Apeli do t’ju refuzojë, pasi të ankoheni. Ju duhet të jeni të përgatitur. Pastaj ankoheni në shkallën e dytë në Supreme. Këshilli do të përgjigjet automatikisht. Katica nuk do të përdor asnjë masë juridike që ta zvarritë momentin. Të hënën ose të martën ti je i lirë.

Edhe ashtu ndodhi! Më katër mars të këtij viti, të hënën, Kamçev iu anulua edhe burgi shtëpiak dhe ishte i lirë. Pasi u hap rasti, nga Prokuroria Speciale dolën me pres konferencë, e prokurorja e rastit, Lile Stefanovska, tha që çdo vendim e ka nënshkruar Katica Janeva, sepse ligji për Prokurorinë Speciale ashtu thotë. Ajo shtoi se nuk ka qenë në dijeni për këtë që ka ndodhur me Kamçevin në rastin “Perandoria”.

Tentuam të kontaktojmë edhe me gazetarin që e ka publikuar videon, por ai nuk deshi të prononcohet. Paralajmëroi se do të ketë edhe video tjera, kurse tha që këtë po e bën për hir të së vërtetës. E nëse e hap faqen e “Facebook” të gazetës “La Verita”, çdo i dyti publikim ka të bëjë me Matteo Salvinin dhe Boris Johnsonin. Në ditët e fundit, gazeta ka shkruar edhe për besimin e dobët të Italianëve në Bashkimin Evropian, kurse temë që fiton shumë vëmendje nga kjo gazetë është edhe Brexiti./ABC News Albania 24/7

dhunohet-italianja.jpg
nev ila20:44 | 05/08/2019

Rrëmbehet, përdhunohet e keqtrajtohet fizikisht. Një 28 vjeçare italiane është rrëmbyer e dhunuar nga ish partneri i saj shqiptar.

Shqiptari ka detyruar me forcë ish partneren e tij italiane, të qëndrojë e izoluar në një apartament në Foligno, duke abuzuar seksualisht me të për 3 ditë.

Pas 3 ditëve, ai ka marrë ish partneren e tij dhe e ka çuar në një qendër tregtare, në Castel Romano.

Duke parë praninë e shumë personave, që në atë kohë lëviznin në parkingun e qendrës tregtare, gruaja ka përfituar nga situata. Ndërsa makina ishte në lëvizje, ajo ka hapur derën e makinës dhe është hedhur në rrugë.

Pavarësisht kësaj, shqiptari ndaloi automjetin dhe u përpoq përsëri ta rikthente në makinë ish partneren, duke e goditur me shpulla dhe grushte.

Vetëm ndërhyrja e njerëzve të pranishëm dhe disa rojeve të sigurisë së qendrës tregtare bënë të mundur që gruaja të shpëtonte.

Më pas mbërritën agjentët e stacionit policor në Spinaceto, por shqiptari arriti të largohej nga vendngjarja.

Falë videove të kamerave të instaluara në qendrën tregtare, autoritet italiane arritën të gjurmojnë dhe identifikojnë shqiptarin, duke e ndaluar dhe arrestuar në Foligno.

Shqiptari akuzohet për rrëmbim, dhunë seksuale, kërcënime dhe plagosje.

Pas ndihmës mjeksore, gruaja iu nënshtrua protokollit për viktimat e abuzimit seksual./abcnews.al

 

 

 

vialli-samp-1280x853.jpg
nev ila17:30 | 04/07/2019

Një legjendë e futbollit italian do të kthehet në sport në rolin e pronarit. Xhanluka Viali është në bisedime për të blerë klubin ku u bë i shquar, Sampdorian.

E mbani mend Xhanluka Vialin?

Sulmuesi “i racës”, sot në moshën 54-vjeçare, do të kthehet tek dashuria e tij e madhe, Sampdoria, veçse në rolin e pronarit.

Lajmet nga Italia janë që grupi financiar i Vialit, i përfaqësuar nga specialistët Xhemi Dinën dhe Aleks Naster (Knaster) kanë arritur një akord me presidentin e tanishëm Sampdorian, Masimo Ferreron.

Ky i fundit, për momentin, përgënjeshtron, por lajmi në “La Gazeta delo Sport” shoqërohet me hollësi, sipas të cilave vlera e operacionit financiar do të arrijë në 100 milionë euro, dhe do të përfshijë edhe borxhet.

Viali ishte një legjendë e Sampdorias, një dashuri për tifozët, në vitet 1984-1992, kur arriti të fitonte titullin e parë dhe të vetëm kampion në 1991, në krah të yjeve të tjerë si Roberto Mançini, Xhanluka Paliuka, Toninjo Serezo, Pieto Vierkovud apo Atilio Lombardo, nën drejtimin e trajnerit të famshm Vujadin Boshkov dhe të presidentit të ndjerë Paolo Mantovani.

Viali me shokë fituan Kupën e Kupave në 1990 dhe arritën finalen e Championsit, që e humbën në “Uembli” ndaj Barcelonës së Johan Krujfit.

Në Itali, ai luajti me Kremonezen, Sampdorian dhe Juventusin, duke fituar shumë trofe, ndërsa e vazhdoi karrierën në Angli tek Çelsi, duke u bërë më pas trajner te blutë e Londrës Uatfordi apo Kuins Park Rejnxhërsi.

Si djali i një miliarderi, Xhanluka Viali e ka më të lehtë të investojë paratë, dhe këtë po e bën tek dashuria e tij e vërtetë, tek futbolli dhe Sampdoria./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono