italian

I153973-1280x720.jpg
nev ila14:24 | 03/07/2019

Një tjetër italian në presidencën e Parlamentit Europian. Ish-gazetari dhe ish zv/drejtori i TG 1, David Sassoli do të zëvendësojë Antonio Tajanin, pasi mori 345 vota. Nga partitë italiane ai u votua vetëm nga partia e tij, ajo demokrate.

David Sassoli është presidenti i ri i Parlamentit Europian. Eurodeputeti i Partisë Demokrate italiane u zgjodh me 345 vota, përballë mazhorancës së domosdoshme prej 334 votash, në votimin e dytë. Në fjalën e tij gjatë marrjes së postit, Saasoli falenderoi presidentin në largim Antonio Tajani, i cili u përshëndet nga një duartrokitje e gjatë nga salla, për impenjimin dhe punën e zhvilluar në këtë institucion.

“Të gjithë do e kuptoni emocionin tim në këtë moment në marrjen e postit të presidencës së Parlamentit Europian,” kështu u shpreh Sassoli menjëherë pas përfundimit të votimit.

Ai gjithashtu i uroi mirëseardhjen grave të pranishme në sallë të cilat përbëjnë 40 për qind të parlamentit. Është një rezultat i mirë shtoi ai, por duhet më shumë. Sassoli zëvendëson presidentin në largim Antonio Tajani, i cili tashmë do të drejtojë delegacionin e “Forza Italia”.

Sassoli shtoi se Europës i duhet të rikuperojë shpirtin e etërve themelues, të vijojë rritjen ekonomike, mbrojtjen sociale dhe të respektojë ambientin. Ai tha se muajt e fundit kanë qenë të shumtë ata që prisnin dështimin e këtij projekti duke ushqyer përçarje dhe konflikte. Por ishin qytetarët ata që treguan se besojnë ende në këtë rrugë të jashtëzakonshme e vetmja që mund të japë përgjigje të mëdha ndaj sfidave globale.

“Nuk jemi një incident i historisë – vijoi ai – por jemi bijtë dhe nipërit e atyre që arritën të gjejnë një ilaç ndaj degjenerimit nacionalist që helmon historinë tonë. Nëse jemi europianë jemi dhe se pse jemi të dashuruar me vendet tona. Por nacionalizmi i cili kthehet në ideologji prodhon viruse që stimulojnë instikte superioriteti dhe prodhojnë konflikte shkatërruese”.

Mes partive italiane vetëm partia demokrate votoi për Sassolin. “Forza Italia” abstenoi. Lega dhe FDI votuan për konservatorin Jan Zahradil. Ndërsa Lëvizja 5 Yjet deklaroi se nuk do të kundërshtonte asnjë kandidat.

/ABC News Albania 24/7

 

juventus-inter-1.jpg
nev ila19:40 | 07/06/2019

Vetëm një sezon është aktivizuar me skuadrën e Romës dhe ofertat në drejtim të tij nuk mungojnë. Nikolo Zaniolo cilësohet si një ndër talentet e së ardhmes në futbollin Italian. 19 vjeçari kërkohet me ngulm nga skuadra e Juventusit por verdhe-kuqtë nuk kërkojnë të heqin dorë lehtë. Juventus kërkon të përdor në këto operacion një shkëmbim mes lojtarëve.

Sulmuesi i Romës Edin Xheko është shumë pranë Interit dhe Juventus i propozon verdhë-kuqve kartonin e Gonzalo Higuain i cili do të rikthehet pas huazimit të Chelsea. Bardhe-zinjtë mund të fusin në tratativa edhe lojtar të tjerë si Kuadrado apo Perin me këtë të fundit që është kërkuar edhe më parë nga Roma.

Manchester United i rrëmben rivalit të qytetit mesfushorin e sporting Lisbon Bruno Fernandes. Kostoja e këtij operacioni do të kap shifrën e 70 mln eurove. Mesfushori i skuadrës portugeze ka zhvilluar 53 paraqitje në sezonin e kaluar duke realizuar mjaft gola dhe asistuar rregullisht.

Skuadra angleze po përgatitet në këtë menyrë për largimin e Pogba i cili mund të vijojë karrierën në Madrid ose të rikthehet tek Juventus. Manchester Unite nuk pranon oferta nën 130 mln euro dhe kjo shifër vështirë se mund të pagohet nga Real Madrid që ka shpenzuar për të nënshkruar me Luka Joviç dhe Eden Hazard i cili është në prag të zyrtarizmit. Juventus mbetet pista konkrete që Pogba të vijojë karrierën./ABC News Albania 24/7

kombetarja.jpg
Sej rie13:40 | 29/05/2019

Trajneri Edi Reja ka nisur seancat e plota stërvitore me kombëtaren, në prag të ndeshjeve të Europianit. Italiani do të njohë gjendjen e lojtarëve, përpara sesa të vendosë për skemat dhe formacionin.

Puna e vërtetë nis vetëm tani.

Kështu u shpreh trajneri i kombëtares, Edoardo Reja, në konferencën për shtyp, dhe kështu ndodhi me të vërtetë.

Tashmë, ekipi përfaqësues është thuajse plotësisht i plotë në kompleksin “Tropikal” në Durrës.

Futbollistët i kanë mbaruar kampionatet dhe detyrimet e tjera me klubet, ndërsa i fundit pritet të vijë kapiteni Mavraj, i cili ishte i angazhuar në plej ofin e futbollit gjerman, me skuadrën e tij, Ingolshtatin.

Portieri Etrit Berisha mbërriti paksa me vonesë në grumbullim, ndërsa mesfushori Ledian Memushaj u la të shlodhej, ndaj që të dy u bashkuan më vonë me skuadrën në stërvitje.

Trajneri italian nuk është se i lodhur shumë të përzgjedhurit e tij në seancën e parë të plotë.

Reja I ka vënë vetes detyrë të njohë fillimisht gjendjen e tyre fizike, si dhe të bisedojë për të kuptuar edhe anën psikologjike, përpara sesa të përcaktojë lojtarët e formacionit, ata të stolit si dhe skemat me të cilat do të luajë ndaj Islandës dhe Moldavisë.

Të shtunën, ai do të ketë mundësi t’i shohë lojtarët në ndeshje, pasi do të zhvillohet një miqësore me Shqipërinë U21 të drejtuar nga trajneri Alban Bushi.

Kombëtarja do të stërvitet në Shqipëri deri në 2 qershor, kur do të udhëtojë për në Frankfurt të Gjermanisë, dhe do të aklimatizohet aty deri në 6 qershor, për t’u zhvendosur më pas në Islandë.

Ndeshjet eliminatore janë në 8 qershor në fushën e Islandës, dhe në 11 qershor ndaj Moldavisë në “Elbasan Arena”./ABC News Albania 24/7

evasi-foto-1-768x600.jpeg
Sej rie12:30 | 28/05/2019

Media italiane kanë publikuar foton e një litari në formë gërsheti, një sharre dhe foton e hekurave të dritares së shkatërruar, hapësirë në të cilën u arratisën të burgosurit shqiptarë Ervis Markja dhe Adriatik Gega.

Dy shqiptarët njëri 26 vjeç dhe tjetri 29 vjeç, janë arratisur natën mes të shtunës dhe të dielës. Ata janë shpallur në kërkim dhe autoritet italiane janë ngritur në këmbë. Dy të burgosurit shqiptarë thyen sigurinë e burgut  në Karinola, në Kazerta të Italisë, pasi kanë sharruar hekurat e dritares së qelisë dhe kanë zbritur përmes një litari të improvizuar.

Sipas raportimeve të mediave italiane, Ervis Markja ishte i dënuar për posedim të mallrave të vjedhura dhe Adriatik Gega  për grabitje në banesa. Sipas burimeve mediatike, forca të shumta policore janë vënë në kërkim të dy të rinjve.

Ndërkohë, autoritetet përgjegjëse kanë urdhëruar nisjen e një hetimi për zbardhjen e plotë të rrethanave të arratisjes, ndërsa sindikata e policisë së burgjeve ka ngritur zërin për kushtet e rënda të sigurisë në të cilën ndodhen institucionet e burgimit

 

/abcnews.al

lorik-cana-1280x836.jpg
nev ila17:56 | 20/04/2019

Eduardo Reja tek Shqipëria do të thotë edhe mirë, edhe keq, por edhe një dyshim, është ky mendimi i ish-kapitenit të kombëtares, Lorik Cana.

Duke folur në një intervistë televizive, Cana gjykoi se italiani me origjinë sllovene do ta ndihmojë ekipin përfaqësues, por njëkohësisht duhet parë sesa do të ndikojë mosha e tij, si dhe një faktor tjetër.

Eshtë një trajner me eksperiencë shumë të madhe. Me shumë mundësi, një nga trajnerët që besoj se ka moshën më të madhe jo vetëm në Itali, por në mbarë futbollin evropian. Kur një trajner ka një moshë 73-vjeçare dhe me përvojë, qëllimi është i qartë, të stabilizohet ekipi dhe të merret më e mira deri në nëntor. Ka vetëm një përvojë jashtë Italisë, e cila ka qenë më duket për një vit në Kroaci. Kjo pjesa që nuk ka asnjë lloj përvoje përveç kampionatit italian është pak një pikëpyetje, por nga ana tjetër është një person që e njeh shumë mirë futbollin”, tha ai.

Cana mund të vlerësohet si një personazh që e njeh mirë kombëtaren, pasi luajti 92 ndeshje me fanelën kuqezi, duke qenë edhe në finalet e Euro 2016-ës në Francë.

Reja u mor si trajner nga presidenti i Federatës Shqiptare të Futbollit, Armand Duka, pas konsultimeve me drejtues të tjerë të institucionit si zv. Presidenti Nuri dhe Sekretari i Përgjithshëm Shulku.

Ai u shpall kandidaturë fituese ndaj të tjerëve, mes të cilëve edhe Xakeroni, për shkak të cilësive profesionale, por edhe mundësive financiare të Federatës.

Reja bëhet i treti trajner italian radhazi në ekipin përfaqësues, pas Xhani De Biazit dhe Kristian Panuçit./abcnews.al

mafiozi-italian.jpg
ent ela18:54 | 03/04/2019

Një mafioz italian i arrestuar prej një viti për trafik ndërkombëtar droge, ka folur për lidhjet e tij me politikanët jashtë vendit, madje edhe në Kosovë. Në një reportazh për mediat italiane, Antonino Vadala pretendoi se ka udhëtuar me avionin personal të një ish-ministri kosovar.

Kam shpenzuar një milion euro për të blerë personat që më duheshin”.

Kështu e nis bisedën e tij, me atë që konsideronte si bashkëpunëtorin e tij por që në fakt ishte një agjent policie i infiltruar, mafiozi Antonino Vadala. Ai akuzohet për trafik ndërkomëbtar droge, ndërsa qendra e aktivitetit të tij ishte në Sllovaki, ku ai pretendon se kishte korruptuar dhe ish-kryeministrin Fiko të cilin e kishte detyruar të mbante si këshilltare të dashurën e tij.

Sa herë ndërroheshin politikanët unë i blija, vazhdon më tej Vadala, ndërsa përgjimet e bisedave të tij janë siguruar prej një agjenti të infiltruar policie./abcnews.al

alketa-llani-2.jpg
ent ela11:15 | 23/03/2019

Ishte vetëm 14 -vjeç kur ajo arriti në Itali dhe vetëm falë amnistisë së parë në vitin 1998, ajo mundi të shkonte në shkollë. Por tani së bashku me Simohamed Kaabour themeloi Shoqatën “Nuovi Profili”, për të cilën ajo është zv/presidente. Alketa Llani, 36 vjeç, ka lindur në Durrës dhe emigroi në Itali me familjen në vitin 1996. Ajo tani është e diplomuar në degën “Komunikimin Ndërkulturor”, është diplomuar për master në Britaninë e Madhe, dhe aktualisht punon në një transportues të rëndësishëm turistik ku merret me tregjet në zhvillim.

Ajo thotë se jeta e saj ka nuk ka qenë e lehtë për të arritur deri këtu, por jep një mesazh kur bëhet fjalë për racizmin:

“Racizmi është një problem i klasës, jo i diversitetit kulturor. Gjëja që njerëzit kanë më shumë frikë nuk është ngjyra e ndryshme e lëkurës, por varfëria. Shkakton kaq shumë urrejtje dhe mesazhi i së kaluarës është se, emigracioni shikohet si fenomen i varfërisë. Dhe mendohet se varfëria mund të jetë ngjitëse. Nëse një afrikan i veshur me kostum dhe kravatë shikohet në një transport publik dhe ai mund të jetë duke folur për biznesin në telefon, askush nuk e sheh atë keq dhe njerëzit qëndrojnë pranë tij. Nëse një afrikan do të ishte i veshur keq, do të kishte një qëndrim shumë ndryshe ndaj tij.

Është diçka që unë e di mirë, sepse edhe unë e kam përjetuar në kurrizin tim. Një ditë babai i një djali me të cilin shoqërohesha për disa vite më tha: “Shiko Alketa, fakti është se nuk je shqiptare. Nëse do ishit bija e Sali Berishës, Kryeministër i Shqipërisë deri në vitin 2013, nuk do e kisha problem.”

Alketa Llani, si shkoi ajo në Itali?

 “Me anije, si të gjithë shqiptarët. Në të vërtetë me motobarkë. Ishte viti 1996. Isha 14 vjeç. Një natë vere për fat. Sepse kur ishim ende në det, trafikantët na hodhën në ujë sepse po afrohej një varkë patrullimi e Rojës Bregdetare. Dhe në ato vite nuk kishte jelekë shpëtimi që mund të përdoreshin për të dalë nga deti”.

Pse pikërisht në Itali, apo ishte vendi më i afërt, në anën tjetër të Adriatikut?

“Babai im punoi si saldator në portin e Durrësit. Ishte një punë e mirë. Pak vite më parë komunizmi kishte rënë. Me tregun e lirë, u hapën shumë biznese. Por e gjithë kjo nuk mjaftonte. Situata ishte shumë e paqëndrueshme. Prindërit e mi nuk shihnin një të ardhme në Shqipëri për mua ose për vëllain tim 8 vjet më të vogël se unë. Ata vendosën të ikin në Itali, ku të gjithë tezet e mia jetonin, të cilët jetojnë edhe sot në Taranto”.

Ju shqiptarët, në mesin e viteve 90-të në Itali, u konsideruan si e keqja më e madhe. Duhet të ketë qenë e vështirë për një adoleshente…

“Shqiptare dhe femër. Ishte shumë e vështirë. Ishte një tronditje pasi kisha lënë vendin dhe miqtë. Në Shqipëri ishim të mirë tek e fundit. Në Itali hoqëm dorë nga identiteti ynë,na u desh të fshehim. Për dy vjet e gjysmë isha një emigrante ilegale. Unë nuk mund të dilja as nga shtëpia. Ne të gjithë jetonim së bashku. Pastaj në vitin 1998, me amnistinë e parë, gjërat filluan të ndryshonin. Së fundi isha në gjendje të shkoja në shkollë”.

Një tjetër tronditje?

“Nga 1.500 studentë ne ishim vetëm dy të huaj. Mësuesit dhe shokët e mi ishin shumë të mirë. Por mjaftonte të flisnim për Shqipërinë dhe të dilnim në lot. Kam pasur një nostalgji të tmerrshme. Nëse në shkollë nuk kishte probleme, në jetën e përditshme nuk ishte kështu. I dashuri im i parë ishte italian. Nëna dhe motra e tij u përpoqën të na pengonin në çdo mënyrë. Ata nuk donin që djali i tyre të binte “aq poshtë”. Historia nuk mbaroi këtu. Për të qëndruar me të unë u zhvendosa në Genova, një qytet që unë e dua. Nëse ai nuk do të kishte qenë në Genova, nuk do të kisha shkuar kurrë. Në Genova u diplomova. Kam marrë një diplomë master edhe në Britani të Madhe ku kam qëndruar për gjashtë muaj. Në vitin 2015 në Romë kam fituar një diplomë master në menaxhimin e Diversitetit. Vlerësimi i diversitetit në botën e punës është gjëja që më intereson të bëj më shumë”.

Dhe nuk do të ktheheni në Shqipëri?

 “Kur erdha, isha 14 vjeç. Një moshë kur fillon të ndërtosh identitetin tënd. Rrënjët e mia janë në Shqipëri. Jam krenar që kam lindur atje, një vend i bukur. E bukur, por ende shumë e prapambetur, edhe nëse situata është përmirësuar në vitet e fundit. Në Shqipëri kthehem rregullisht. Kam ende një shtëpi dhe të afërm. Shumë të huaj, veçanërisht në mesin e brezave të rinj, bëjnë gjithçka për të fshehur origjinën e tyre …

Në universitet ishin djem shqiptarë që pretendonin se ishin grekë. Më kanë bërë të qesh. Sot i kuptoj më shumë. Unë kam përjetuar racizëm në çështjet e dashurisë. Këto janë gjëra që të bëjnë shumë dëm. Ishte e tmerrshme të dëgjoje në ato vite gjërat nga më të këqijat për shqiptarët”.

Sot ajo është një qytetare italiane dhe ka një familje.

“Nënshtetësinë e mora në vitin 2013. Por që nga viti 1996 kam qenë në Itali. Isha në zyrë dhe shpërtheva në lot. Kolegët e mi u tronditën. Sot jam e dashuruar me një italian dhe një djalë dyvjeçar me emrin Ettore Ilir. E ka emrin Ilir sepse shqiptarët e lashtë ishin ilirë. Është edhe emri i babait tim”.

Ajo është gjithashtu pjesë e një shoqate të quajtur “Nuovi Profili”, të cilën e themeloi së bashku me Simohamed Kaabour ku ajo është zv/presidente …

“Profili i ri i referohet identitetit tonë të ri. Ne jemi profilet e reja të botës. Ne sjellim diversitet brenda nesh, në një botë fluide. Në fund çdo person në botë është cigan, duke kërkuar diçka “./abcnews.al

LLLLLL-1280x757.jpg
ent ela18:15 | 28/01/2019

Emisioni i përjavshëm Italian “Le Iene”, i cili transmetohet cdo të dielë nga Mediaset, këtë herë ka sjellë një histori ku personazh kryesor është një shqiptar dhe Kanuni. Babai i një 22-vjeçari, i cili mbeti i vrarë nga pronari i shtëpisë ku shkoi të vidhte, kërcënon se do të marrë hak me kanun ndaj shtetasit ialian.

Katër vjet më parë Francesko Sikinjano, vrau një grabitës shqiptar i cili kishte hyrë për të vjedhur në shtëpinë e tij. E tashmë babai i 22 vjecarit shqiptar kërcënon se do të marrë hak me kanun ndaj shtetasit italian. Historia është pjesë e një reportazhi i përgatitur nga emisioni i famshëm italian i Mediaset “Le Iene”.

Gazetari italian ka shkuar në shtëpinë e shqiptarit të vrarë në shtëpi duke treguar se si prindërit e tij duan hakmarrjen dhe zbatimin e kanunit. 22-vjeçari Gjergj Gjoni në Tetor të 2015-s hyri në shtëpinë e Francesco Sicignano për të kryer një grabitje. Pronari i shtëpisë i cili po flinte me bashkëshorten e tij, mori pistoletën që e mbante me leje dhe në vetëmbrojtje qëlloi duke lënë të vrarë të riun.

Babai dhe nëna i djalit të vrarë konfirmojnë para gazetarit italian dhe kamerave: do të vrasim Franceskon, ne vetë ose do paguajmë dikë për ta bërë. Dhe hakmarrja mund të përfshijë këdo anëtar mashkull të familjes së tij…/abcnews.al

1-1-1280x614.jpg
G. P.16:45 | 17/01/2019

“Nuk mund të shpikim modele, i vetmi model që mund të funksionojë është modeli europian”.

Deklaratën kreu i Partisë Demokratike e dha pas takimit me ministrin e jashtëm italian Enzo Milanesi dhe atë holandez Stef Blok, prania e të cilëve për Lulzim Bashën sinjalizon vëmendje të rritur ndaj zhvillimeve politike në Shqipëri.

“Që vjen në një moment ku vendi po zhytet në krizë të thellë politike… Unë dhe Partia Demokratike jemi të vendosur ta ndalim këtë, ta ndalim krizën politike, ta ndalim krizën ekonomike, ta ndalim krizën e thellë të besimit dhe shpresës tek vendi ynë”.

Kjo vjen përmes një rruge të vetme, thekson Basha, ajo e angazhimit të të gjithë qytetarëve për t’i dhënë fund kësaj fasade.

“Ka marrë një goditje fatale nga lëvizja studentore, duhet të marrë një goditje përfundimtare nga qytetarët e bashkuar… Për këtë arsye, ditën e djeshme opozita ka vendosur të udhëheqë protestat qytetare deri në largimin e kësaj qeverie, sikundër bëhet gati të parashtrojë një zgjidhje politike për të cilën do të kemi një vendimmarrje dhe konkrete në Këshillin Kombëtar të PD, ditën e shtunë dhe do të kemi një mobilizim të partive të opozitës së bashkuar në bashkëpunim me qytetarët”.

 Është kjo rruga për të mos humbur edhe njëherë tjetër mundësinë për hapjen e negociatave dhe ndërtimin këtu të një Shqipërie të mundësive për qytetarët që sot janë të detyruar t’i drejtohen emigracionit, përfundoi kreu i selisë blu./abcnews.al

REGJIZORI-ITALIAN_ABC-M2-T1.mpg_snapshot_00.01-1280x691.jpg
G. P.17:30 | 26/11/2018

Ka ndërruar jetë në moshën 77 vjeçare regjisori i shquar italian me famë ndërkombëtare, Bernardo Bertoluci. Fitues i 9 çmimeve Oskar, Bertoluci mbahet mend për kryevepren e tij “Tango e fundit në Paris”.

Është ndarë nga jeta në moshën 77 vjeçare Bernardo Bertoluci, një prej regjizorëve më të mëdhenj të kinemasë italiane. Autor i kryeveprave si “Tango e fundit në Paris”, “900” dhe “Perandori i fundit” – film i cili në vitin 1987 fitori 9 çmime Oskar. Një mjeshtër i aftë për të prekur shpirtin e njerëzve por dhe për të infliencuar tek shoqëria me veprat e tij që kanë thyer shumë tabu. Ai ndërroi jetë në Romë pas mnjë sëmundjeje të gjatë.

Një spektator i apasionuar pas kinemasë franceze, ai zgjodhi kryeqytetin francez si skenë për të xhiruar “Tangoja e fundit në Paris”. Për filmin ai zgjodhi bashkëpunimin e aktorit Marlon Brando, dhe si protagonist femër Maria Shnaider. Filmi skandalizoi të gjithë botën për pamjet e forta, që i kushtuan regjizorit një proces dhe një dënim në Itali, ku për pesë vjet ai nuk kishte të drejtë përë të votuar. Në atë kohë Bertoluci deklaronte se e donte lirinë dhe ka qenë gjithnjë kundër çfarë do lloj forme censure./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono