italia

Mancini.gif
Igli Nikolli23:18 | 12/10/2019

Roberto Mancini nuk e fsheh lumturinë për kualifikimin e parakohshëm. Italia e tij është rikthyer të luajë bukur dhe të fitojë. Tetë fitore në po aq ndeshje janë një ecuri fantastike dhe triumfi i sotëm përballë Greqisë vulosi kualifikimin në Euro 2020.

Trajneri i kombëtares së kaltër analizon suksesin e madh, falënderon tifozët e kryeqytetit (56 mijë të pranishëm në Olimpico) dhe ka një dedikim special për këtë fitore dhe arritje të djemve të tij. Pjesa e parë nuk ishte pozitive, por gjithçka u rregullua në 45 minutat e dytë, aty ku Italia shënoi dy herë.

Djemtë u treguan të aftë, falënderoj publikun për mbështetjen, edhe pse nuk zhvilluam një pjesë të parë pozitive. Këtë fitore ia dedikojmë fëmijëve të spitalit ‘Bambin Gesu’. Në pjesën e parë u kapëm nga paniku, por në të dytën u përmirësuam teknikisht dhe shënuam. Shpresoj që ky të jetë një ogur për rikthimin e netëve magjikë për Italinë, sidomos në qershorin e ardhshëm”, përfundoi Roberto Mancini. /abcnews.al

Tare-Igli.gif
Igli Nikolli22:47 | 12/10/2019

Italia mposhti Greqinë 2-0 dhe siguroi matematikisht kualifikimin në Euro 2020. Ndeshja u zhvilluan në Olimpico të Romës dhe të shumtë ishin personalitetet që po ndiqnin ekipin e Mancinit nga afër.

Një emër si Francesco Totti nuk mund të mungonte. Legjenda e Romës ishte i shoqëruar nga djali i tij, Christian, ndërkohë që ndeshjen e ndoqi përkrah Igli Tares.

Igli Tare dhe Francesco Totti

Biondi shqiptar, i cili mban postin e drejtorit sporti të Lazios, u kap disa herë duke biseduar me Tottin, teksa të dy shijuan suksesin dhe kualifikimin e parakohshëm të kombëtares italiane. /abcnews.al

Jorginho.gif
Igli Nikolli22:11 | 12/10/2019

Italia dhe Spanja kanë arritur të gjejnë golin e avantazhit në pjesët e dyta. Dy kombëtaret e mëdha i kishin mbyllur në barazim 45 minutat e para kundër Greqisë në shtëpi dhe Norvegjisë në transfertë.

Të parët shënuan spanjollët, që ndëshkuan Norvegjinë me anë të Saul. Mesfushorit të Atletico Madrid i mjaftuan pak sekonda për të kaluar ekipin e tij në avantazh.

Italisë i është dashur një penallti për të çarë mbrojtjen greke. Prekje e topit me dorë nga miqtë dhe penallti për të kaltrit në minutën e 63-të. I pagabueshmi Jorginho ka gjetur golin e dytë në këto eliminatore.

Ekipi i Roberto Mancinit është afër fitores së tetë në po kaq ndeshje dhe kualifikimit në Euro 2020. Në ndeshjet e tjera, Suedia udhëheq 0-4 përballë Maltës, ndërsa Liechtenstein ka barazuar rezultatin kundër Armenisë. /abcnews.al

takimi-me-femijet.png
Vladimir Prenga14:49 | 12/10/2019

Francesço Acerbi ka kaluar para disa kohësh një problem shëndetësor (kishte tumor në organet gjenitale) dhe vijon të luajë futboll, madje në nivele të larta. Mbrojtësi i Lazios është i ftuar me kombëtaren e Italisë, që sonte pret Greqinë në Romë. Ekipi i drejtuar nga Roberto Mancini ka shfrytëzuar kohën e lirë për të vizituar fëmijët e “Bambin Gesu”.

Autografe, biseda dhe lojëra të ndryshme për t’u dhuruar buzëqeshje fëmijëve. Kur po bëheshin gati të largoheshin, Açerbi ka dalë kundër rrymës, duke treguar dhembshurinë për fëmijët e vegjël. Alessandro Iapino, përgjegjësi i zyrës së shtypit të spitalit pediatrik “Bambino Gesu”, ka zbuluar veprimin e  Açerbit.

“Nuk më intereson, ata madje mund të shkojnë. Unë marr një taksi dhe pa mbaruar së takuari fëmijët nuk më plas që të iki”, është shprehur mbrojtësi i Lazios, kur shokët e tij u kanë thënë fëmijëve që duhet të largohen. /abcnews.al

Mancini.jpg
Igli Nikolli18:33 | 11/10/2019

Roberto Mancini ka arritur të ndryshojë në një kohë të shkurtër fytyrën e Italisë. Një ndryshim për mirë, çka bën që të kaltrit të luajnë nesër në mbrëmje kualifikimin në Evropian, që është tre pikë larg

Në Olimpico të Romës vjen Greqia dhe djemtë e Mancinit do të tentojnë fitoren e tetë rresht në eliminatoret e Euro 2020. Gjatë konferencës për shtyp, trajneri i kombëtares italiane ndalet te dueli kundër grekëve dhe konfirmon objektivin e madh të ekipit të tij.

RRUGËTIMI – “Kur mora drejtimin e kombëtares, nuk e dija se çfarë do të ndodhte pas 15 muajsh. Gjithsesi, kthesa duhet të ndodhte shpejt dhe me një stil të ri fitues. Grupi gjeti harmoninë menjëherë dhe nuk vuajtëm as kur humbëm me Portugalinë dhe Francën. Gjithmonë kemi ardhur në rritje si ekip.”

GREQIA – “Nuk do ta kemi të lehtë kundër tyre. Kanë ndryshuar trajner, lojtarë dhe modulin e lojës. Të shohim se me çfarë skeme do të luajnë, por kjo nuk ndryshon gjë për ne. Objektivi ynë është i qartë, duam të fitojmë.”

OBJEKTIVI – “Evropiani po afrohet dhe është kompeticioni më i afërt. Objektivi ynë kryesor është fitimi i trofeut. Kemi vetëm një Evropian të fituar 50 vite më parë dhe duam të triumfojmë sërish.” /abcnews.al

sirenat-1280x960.jpg
G. P.11:10 | 06/10/2019

Policia e Shtetit në shenjë respekti për policët italianë, të cilët dhanë jetën në krye të detyrës, në Trieste të Italisë, paraditen e sotme organizoi një ceremoni para Ambasadës Italiane në Tiranë.

Punonjësit e Policisë kanë mbajtur drejtqëndrim dhe për një minutë kanë mbajtur ndezur sirenat e Policisë. Ambasadori Alberto Cutillo ka falënderuar Drejtorin e Përgjithshëm të Policisë së Shtetit dhe punonjësit e Policisë për këtë gjest solidariteti.

Dy agjentë policie humbën jetën të premten në Trieste. Ata u vranë brenda komisariatit, ndërsa autori i ngjarjes është një 29-vjeçar dominikan./abcnews.al

Mancini-1.jpg
Vladimir Prenga21:03 | 04/10/2019

Italia e Roberto Mancinit është gati për ndeshjen me Lihtenshtejnin dhe Greqinë. Tekniku italian ka përzgjedhur lojtarët që do të ketë në dispozicion për këto dy ndeshje dhe risia është një mbrojtës i Napolit.

Giovanni Di Lorenzo është i përzgjedhur i Mancinit, i cili është bindur nga paraqitjet që mbrojtësi ka bërë në Serie A. Me kombëtaren është grumbulluar edhe Stephan El Shaarawy, që do të duhet të fluturojë gjatë nga Kina deri në Itali.

LISTA E ITALISË PËR NDESHJET NDAJ LIHTENSHTEJN DHE GREQISË
PORTIERË:
Gianluigi Donnarumma (Milan), Pierluigi Gollini (Atalanta), Alex Meret (Napoli), Salvatore Sirigu (Torino);
MBROJTËS:
Francesco Acerbi (Lazio), Cristiano Biraghi (Inter), Leonardo Bonucci (Juventus), Danilo D’Ambrosio (Inter), Giovanni Di Lorenzo (Napoli), Alessandro Florenzi (Roma), Armando Izzo (Torino), Gianluca Mancini (Roma), Alessio Romagnoli (Milan), Leonardo Spinazzola (Roma);

MESFUSHORË: Nicolò Barella (Inter), Federico Bernardeschi (Juventus), Bryan Cristante (Roma), Frello Filho Jorge Luiz Jorginho (Chelsea), Stefano Sensi (Inter), Marco Verratti (Paris Saint Germain). Nicolò Zaniolo (Roma);
SULMUES: Andrea Belotti (Torino), Federico Chiesa (Fiorentina), Stephan El ShaaraWy (Shangai Shenhua), Vincenzo Grifo (Friburgo), Ciro Immobile (Lazio), Lorenzo Insigne (Napoli).

/abcnews.al

Lippi.jpg
Igli Nikolli12:50 | 21/09/2019

Marcello Lippi është rikthyer të flasë në lidhje me kombëtaren italiane të futbollit. Trajneri i njohur, i cili dërgoi Italinë në majën e botës në vitin 2006, ndihet entuziast për ekipin e krijuar nga Roberto Mancini dhe nuk i kursen elozhet për të.

71-vjeçari komenton edhe ecurinë e klubeve italiane në Champions, duke vlerësuar Juventusin dhe Napolin. Bardhezinjtë i sheh si kandidatë, ndërsa vlerëson shumë edhe rritjen e Napolit të Ançelotit.

ITALIA – “Kombëtarja është në rrugë të drejtë. Mancini është i aftë dhe inteligjent. Po arrin të përfshijë në ekip shumë lojtarë të rinj. Roberto po grumbullon lojtarë edhe pa pritur debutimin e tyre në kampionat dhe mendoj që ky është një sinjal i rëndësishëm dhe mesazh i bukur për klubet.”

CHAMPIONS LEAGUE – “Mendoj se Juventusi bën pjesë në grupin e vogël prej 3-4 skuadrave që mund të triumfojnë në fund. Kjo është shumë e rëndësishme, por mos të harrojmë Napolin. Nëse vazhdon në këtë mënyrë mendoj se do të respektohet shumë nga klubet e tjera.” /abcnews.al

salca.jpg
G. P.16:30 | 09/09/2019

Në Frakull të Fierit prodhohet një salcë, e cila po konkurron denjësisht në tregun italian. Altin Hoxhaj i cili zotëron këtë sipërmarrje thotë se produkti është rezultat i një cikli ku ruhet shija karakteristike e domateve dhe nuk përdoren simulantë.

Një salcë shqiptare që po kërkohet shumë nga italianët, nga një fabrikë e vogël në Frakull. E pazëvendësueshme për shkak të shijes që i shton ushqimit. Këtë mësoi duke punuar për 15 vjet, atje ku tradita e prodhimit të salcës konsiderohet art.

Me përvojën dhe guximin e mjaftueshëm, Altini po mban në këmbë një biznes agropërpunimi.

“Unë e mbjell domaten vetë, e përpunoj vetë dhe e di çfarë nxjerr në treg”.

Klima e tregut vendas mund të jetë e pafavorshme, por kësaj sipërmarrjeje i mjaftoi vetëm klima bujare e Frakullës. Cilësia e salcës që konkurron denjësisht në tregun italian, fillon që në mbjelljen e domates. Farëra të përzgjedhura, kultivim organik i bimëve dhe përpunim nëpërmjet avullit. Ky i fundit e prodhon salcën duke ruajtur shijen karakteristike të domateve të fushës.

“Shija e domates në këtë linjë që kemi ne hyn në shishe direkt nga bluarja”.

Pothuajse e gjithë sasia e salcës që del nga kjo fabrikë shkon për eksport. Produkti është rezultat i një cikli ku nuk përdoren simulantë apo konservues. Kjo e bën koston e prodhimit dhe çmimin e shitjes më të lartë se produktet e zakonshme që mbizotërojnë në tregun vendas./ABC News Albania 24/7

sebija.jpg
G. P.22:59 | 04/09/2019

Në kampionatin botëror të basketbollit për meshkuj Serbia fitoi lehtësisht ndaj Italisë, Argjentina surprizoi Rusinë ndërkohë që Spanja bëri detyrën ndaj Iranit.

Kampionati botëror i basketbollit për meshkuj që po zhvillohet në Kinë ka nisur edhe fazën e tretë ku janë luajtur ndeshjet e grupeve A, B, C dhe D. Përfaqësuesja e Serbisë i dha një leksion të mirë kombëtares italiane. Ballkanasit fituan me rezultatin e thellë 92-77 duke marrë kryesimin e grupit D. Serbët dominuan në të gjithë takimin duke mos e vendosur për asnjë moment në diskutim fitoren. Pavarësisht kësaj humbje, Italia nuk e rrezikoi për asnjë moment vendin e dyte në grup.

Ndeshje me mjaft ritëm edhe në grupin B mes Argjentinës dhe Rusisë ku në fund buzëqeshën amerikano-latinët. Argjentina fitoi me vetëm 8 pikë epërsi kundrejt Rusisë që luajti si e barabartë deri në fundin e takimit. Amerikano-latinet e interpretuan më mirë ndeshjen dhe në fund morën frytet e një loje dinjitoze dhe me mjaft ritëm. Në minutat e fundit të ndeshjes të dyja skuadrat dhanë gjithçka për të dalë fitues, por në fund Argjentina i imponoi triumfin Rusisë me shifrat 69-61.

Në takimet e tjera, Kina u mposht nga Venezuela, Spanja fitoi jo me pak vështirësi ndaj Iranit, Polonia nuk zhgënjeu ndaj Bregut të Fildishtë ndërkohë që fitore arritën edhe Angola, Nigeria dhe Porto Riko./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono