Itali

f7d6b9384cda99c24885c921302934b6.jpg
ent ela22:58 | 21/11/2019

Një 40 vjeçar në Itali ka përdhunuar gruan e tij me një grup miqsh, ndërsa ka rrahur djalin e tij. 40 vjeçari banonte në një qytet në Alto Lario, por kishte aktivitete që shpesh i duhej të lëvizte jashtë vendit. Ai përfundoi në burg me akuzën e dhunës në grup kundër gruas së tij nga e cila sapo ishte ndarë.

Hetimi u nxit pas denoncimit të gruas dhe prokuroria e Leccos, e cila koordinoi hetimin kërkoi nga gjykata arrestimin e 40-vjeçarit i cili tani është nën mbikëqyrje në burgun e Leccos. /abcnews.al

itali-3.jpg
ent ela18:58 | 21/11/2019

Dy shqiptarë kanë rënë në prangat e policisë Italiane, pasi ishin pjesë e një bande të specilizuar për vjedhje automjetesh dhe apartamentesh.

Policia italiane ka arrestuar në orët e para të mëngjesit dy shtetasit shqiptarë të moshës 41 dhe 45 vjeç, pasi kishte një urdhër arrest për personat në fjalë nga gjykatësi Busto Arsizio.

Të dyshuarit ishin pjesë e një bande prej katër personash, të gjithë me kombësi shqiptare, dhe që të katërt kishin në polici vepra penale, si: vjedhje makinash, vjedhje banesash, rezistencë ndaj një zyrtari.

Grupi i shqiptarëve ishin të specializuar për vjedhje të Rang Rover dhe makinave të mëdha, makina të cilat gjenden në aeroporin e Milanos, Malpansa dhe Linate. /abcnews.al

f5c22ba986e0e3e9aa4bf9d2bdfa687f.jpg
ent ela19:03 | 20/11/2019

Italia është tronditur nga një shpërthim në një fabrikë fishekzjarresh dhe baruti në Mesina të Italisë. 5 persona kanë humbur  jetën dhe dy të tjerë kanë mbetur të plagosur rëndë. Mes viktimave është edhe gruaja e pronarit, Venera Maxeo 71 vjeçe, ndërsa një person rezulton i humbur.

Mediat italiane raportojnë se në zonë u dëgjua një zhurmë dhe menjëherë pas saj një më e fortë, duke shkaktuar panik te banorët. Shpërthimi ka ndodhur të mëkurën rreth ores 16:30, teksa brenda fabrikës kishte ende punëtore që po saldonin disa dyer.

Në spital po marrin ndihmë djali i pronarit të fabrikës së fishekzjarreve Bartolomeo Kosta, 37 vjeç dhe Antonio Banjato, të dy me plagë të rënda.

Familja Costa prodhon fishekzjarre të kategorisë së parë, të dytë dhe të tretë dhe gjithashtu organizon shfaqje piroteknike për individë ose organe publike. /abcnews.al

 

ekstradimi-rinas.jpg
nev ila08:56 | 20/11/2019

Ekstradohen në Itali 3 shqiptarë të shpallur në kërkim nga Interpol Roma. 3 personat S. T., alias V. D., 50 vjeç, K. E., alias K. S. , 47 vjeç, R. K., 37 vjeç, janë arrestuar në Shqipëri me kërkesë të shtetit fqinjë.

Policia njofton se të tre personat kanë kryer vepra të rënda penale në Itali duke u shpallur në kërkim atje. Ekstradimi i 3 shqiptarëve në Itali vjen në kuadër të një marrëveshjeje dhe bashkëpunimi që kanë dy vendet mes tyre.

Njoftimi i Policisë:

“Ekstradohen drejt Italisë tre shtetas shqiptar, të kërkuar nga drejtësia italiane, për vepra të rënda penale.

Si rezultat i bashkëpunimit të Interpol Tirana me Interpol Roma, u bë ekstradimi drejt Italisë i shtetasve:

S. T., alias V. D., 50 vjeç, lindur në Elbasan, i shpallur në kërkim ndërkombëtar nga Interpol Roma, Itali, pasi autoritetet gjyqësore italiane, më datë 09.03.2017, kanë lëshuar ndaj këtij shtetasi urdhër-arrest për kryerjen e veprës penale “Vrasja me paramendim”, parashikuar nga Kodi Penal italian.

K. E., alias K. S. , 47 vjeç, lindur në Krujë, i shpallur në kërkim ndërkombëtar nga Interpol Roma, Itali, pasi Gjykata e Milanos, Itali e ka dënuar këtë shtetas me 6 vite burg, për veprën penale “Vjedhja me armë”, parashikuar nga Kodi Penal italian.

R. K., 37 vjeç, lindur në Fier, i shpallur në kërkim ndërkombëtar nga Interpol Roma, Itali, pasi Gjykata e Brescias në Itali, më datë 19.01.2018, ka lëshuar ndaj këtij shtetasi urdhër-arrest për veprën penale “Pjesëmarrja në organizatë kriminale me qëllim trafikimin e lëndëve narkotike ”, parashikuar nga Kodi Penal italian.

Si rezultat i bashkëpunimit të Interpol Tirana me Interpol Roma, Itali, u bë i mundur arrestimi i tyre në Shqipëri duke u finalizuar më pas me ekstradimin e tyre drejt Italisë.“/abcnews.al

kokaine-itali.jpg
ger ta13:36 | 19/11/2019

Dy shqiptarë janë arrestuar në Itali, pasi janë kapur nga policia me kokainë. Në pranga kanë rënë M.L., dhe C.E.

Sipas mediave italiane ata kishin fshehur tetë kilogramë kokainë në një garazh picerie në San Leonardo, Parma.

“Tetë kilogramë kokainë të pastër u gjetën në një garazh në Via San Leonardo. Dy shqiptarë, njëri prej të cilëve ishte arrestuar edhe në vitin 2008 për trafik kokainë në provincën e Alessandria, u arrestuan nga oficerët e policisë në Parma, disa ditë më parë dhe tani ndodhen në burgun Parmesan në Via Burla.

Trafikantët do të kishin përfituar rreth 2 milion euro nëse dilte në treg kokaina e sekuestruar. Kokaina ishte e ndarë në blloqe dhe e fshehur brenda një kartoni”, thuhet në njofttimin e policisë.

“M. L., pronar i një piceri në rrethin San Leonardo, po ashtu ai kishte edhe garazhin në të cilin u gjet kokaina. M.L. ishte arrestuar edhe një herë më parë në vitin 2008, pasi ishte kapur me 2 kg kokainë, por ishte lënë i lirë.

Agjentët gjatë hetimeve konstatuan se M.L takohej shpesh me një bashkatdhetar, C.E, pikërisht në garazhin, që ndodhej në Via San Leonardo.

Të dy u ndaluan dhe u kontrolluan nga policia. Gjatë kontrollit në garazh agjentët gjetën 8 kg kokainë të ndarë në tetë blloqe, të fshehura brenda një kutie kartoni./abcnews.al

Xhaka.png
Veronik Istrefaj23:12 | 18/11/2019

Janë mbyllur sfidat kualifikuese të Euro 2020, të programuara për sot. Golat kanë qenë të shumtë dhe rezultatet surprizë nuk kanë munguar. Italia ka shkatërruar me rezultatin 9-1 ekipin e Armenisë. Zaniolo dhe Immobile shënuan nga dy gola, ndërsa listës së golashënuesve iu bashkuan edhe Barrella, Romagnoli, Jorginho, Orsolini dhe Chiesa.

Zvicra shkatërroi Gjibraltarin me rezultatin 1-6. Itten shënoi dopieta, ndërsa Vargas, Faanscht, Benito dhe Granit Xhaka shënuan nga një gol. Greqia ka fituar me përmbysje 2-1 kundër Finlandës, ndërsa Irlanda nuk ia ka dalë të kualifikohet në Euro 2020, duke marrë vetëm një pikë pas barazimit 1-1 kundër Danimarkës.

Bosnje-Hercegovina ka shkatërruar me rezultatin e pastër 0-3 ekipin e Lihtenshtejnit, ndërsa Spanja i shënoi 5 gola kombëtares së Rumanisë. Norvegjia nuk e pati shumë të thjeshtë përballë Maltës, duke triumfuar vetëm me rezultatin e ngushtë, 1-2. Suedia fitoi pastër 3-0 kundër Ishujve Faroe./abcnews.al

invictasauro.jpg
Vladimir Prenga11:18 | 17/11/2019

Ndodh edhe kështu, shkarkohesh sepse ke fituar me rezultat të thellë. Gjithçka ka ndodhur në klubin e Invictasauro, me bazë në Grosseto. Fitorja me rezultatin 27-0 ndaj Marina Calcio ka tërbuar presidentin Paolo Brogelli, i cili ka dalë me një deklaratë që dënon atë që ndodhi dhe njofton shkarkimin e trajnerit.

“Jemi të tronditur dhe jemi ndjerë shumë keq kur dëgjuam që ekipi ynë i të rinjve ka mundur Marino Calcio me rezultatin 27-0. Diçka e tillë është anti-etike për vlerat që ka futbolli i moshave. Kundërshtari duhet të respektohet gjithmonë dhe kjo nuk ndodhi këtë herë”, ka thënë Brogelli.

“Si president, sinqerisht i kërkoj falje klubit të Marina. Gjithashtu njoftoj se dretorët tanë vendosën unanimisht që të shkarkojnë trajnerin Riccini. Trajnerët tanë kanë për detyrë të stëvritin lojtarët e ri, por mbi të gjitha t’i edukojnë ata. Kjo nuk ndodhi në ndeshjen me Marino Calcio”, përfundon presidenti i klubit italian. /abcnews.al

4866700_1151_rapine.jpg
ent ela14:34 | 16/11/2019

Policia italiane ka goditur një bandë shqiptare që ishte e specializuar në fushën e vjedhjeve dhe plaçkitjeve të vilave në Italinë qendrore dhe veriore. Operacioni “Massa San Giuliano” çoi në pranga  6 persona, ndërsa 9 të tjerë do hetohen në gjendje të lirë.

Masat paraprake, të lëshuara nga Prokuroria pranë Gjykatës së Spoletos, në bashkëpunim me magjistraturën hetuese të Umbrias dhe atë të Romës, u kryen në zonat e Ponte di Nona dhe Tor Bella Monaca, ku organizata kriminale kishte bazat operacionale.

Mediat italiane bëjnë të ditur se të arrestuarit dhe nën hetim janë të gjithë me origjinë nga Shqipëria. Ata hynin në aksion sidomos gjatë orëve të mbrëmjes dhe të natës dhe nga Roma spostoheshin në qytetet e qendrës dhe të veriut të Italisë për të kryer grabitjet e shumta.

Krimet kryheshin edhe kur njerëzit ishin në shtëpi dhe në disa raste, përveç parave dhe sendeve të çmuara, hajdutët vidhnin edhe çelësat e makinave, të cilat më pas i përdornin për të lëvizur dhe për të kryer vjedhjet pasuese.

Dhjetëra vjedhje nga grupi në provincat e Frosinones, Ravennas, Perugias, Bolognas, Modenas dhe Reggio Emilias. Sipas hetuesve, banda kishte lidhje edhe me grupe të ndryshme që veprojnë në qytete të tjera në Itali, si Milano, Venecia, Vicenza dhe Ascoli.

Për këtë grup, oficerët e komisariatit Aurelio filluan të hetojnë rreth një vit më parë, kur disa nga personat e arrestuar sot u kapën duke operuar me “një ndërrim makine” pasi kishin kryer një vjedhje në Komunat e Trevignano dhe Braçiano. Në atë episod të dyshuarit arritën të shpëtojnë.

Me ndihmën e përgjimeve dhe ndjekjen në të gjithë territorin, u verifikua ekzistenca e një grupi të strukturuar të profesionistëve të vërtetë, të cilët mburreshin se fitonin vetëm në një dimër në Itali më shumë se një milion euro.

Për të shpëtuar nga policia dhe për të shmangur zbulimin ose ndjekjen, gjithnjë merrnin masa, duke përfshirë pezullimin e veprimtarive kriminale dhe kthimin në vendin e origjinës për të qetësuar ujërat.

Në dy raste, kriminelët të zbuluar nga Forcat e Policisë, goditën pikat e kontrollit në Perugia dhe Frosinone, duke bërë që agjentët të karamboloheshin dhe të shkatërronin makinat.

Makinat e vjedhura, të gjitha me cilindrat të madh fshiheshin më pas në vende më të distancuara nga kryeqyteti, siç është parkimi i një spitali ose në garazhe private. Me bashkëpunimin e një rrjeti të dendur mbështetësish, fshiheshin në terrene të ndryshme sendet e vjedhura, dritat, skanerët, celularët e kompletuar me karta, si dhe pajisjet për kryerjen e vjedhjes.

Për të përgatitur goditjet, grupi përdorte celularë ‘citofonë’, pra me një trafik jashtëzakonisht të kufizuar, kryesisht të regjistruar tek qytetarët kinezë që banojnë në provincën e Napolit.

Hetimet çuan në sekuestrimin e dhjetra makinave “Audi” të vjedhura dhe të sendeve me vlerë të mëdha të vjedhura (orë Rolex, Cartier, Guçi dhe marka të tjera prestigjioze, shumë bizhuteri ari, diamante dhe xhevahire të tjera të çmuara), si dhe çanta dhe objekte me vlerë që u përdorën nga partneret e të arrestuarve.

T.N. 26 vjeç, G.E., 29 vjeç dhe N.E. 24 vjeç, janë disa nga të akuzuarit të gjithë shqiptarë.

Pak orë para operacionit, grupi kishte kryer një vjedhje në një qendër të vogël të Frosinones dhe ishin larguar duke vjedhur një “Volkswagen Golf”.

Pasi hynë në banesa policia gjeti edhe persona të tjerë për të cilët ishte dhënë urdhri i arrestit: N.A. , 24 vjeç, (një nga grabitësit kryesorë); N.M. edhe A.M. respektivisht 34 dhe 31 vjeç  të cilët ndodheshin në territorin italian pavarësisht se kishin marrë ekspuls.

Po hetohen në gjendje të lirë 9 persona të tjerë, mes tyre 2 gra që megjithëse me një rol të vogël kanë bashkëpunuar në krimet e mëparshme. abcnews.al

 

mortale-1-650x414.jpg
ent ela09:10 | 16/11/2019

Është identifikuar i riu shqiptar që humbi jetën në aksidentin tragjik në Itali. Mediat italiane shkruajnë se viktimë nga përplasja e fortë e dy makinave ka mbetur 26-vjeçari shqiptar Jetmir Isufi, ndërkohë që drejtuesi i makinës tjetër, një 21 vjeçar ndodhet në gjendje të rëndë.

Isufi ishte në timonin e makinës tip Lancia Ypsilon e cila u përplas me makinën Wolksëagen, që drejtohej nga një 21 vjeçar.

Në vend ndërhyri policia dhe u njoftua ambulanca. I riu shqiptar u transportua në spital, por nuk mundi të mbijetonte pasi kishte marrë plagë shumë të rënda.

Ndërsa shoferi tjeter, 21 vjeçar, ndodhet në gjendje kritike për jetën në spital. Policia ka nisur hetimet për zbardhjen e shkaqeve te aksidentit.

Mediat italiane, Jetmir Isufi, për miqtë e tij ishte thjesht Jet. Ne një moshë shumë e re ai ishte afruar me ambientet e hip hopit dhe kishte lidhje me të rinj me të cilët ndanin  bashkë pasionin për muzikën.

Prej disa kohësh ai kishte gjetur punë në Arcore dhe në kohën e aksidentit ishte duke u kthyer nga puna për në shtëpi. /abcnews.al

 

Spanje-Itali.jpg
Veronik Istrefaj22:36 | 15/11/2019

Janë mbyllur sfidat e orës 20:45, të vlefshme për kualifikueset e Euro 2020. Suedia ka mposhtur rivalin direkt, Rumaninë, me rezultatin 0-2, duke iu bashkuar Spanjës si skuadrat e kualifikuara nga Grupi F. Vetë spanjollët nuk u kursyen aspak ndaj Maltës, duke triumfuar me rezultatin 7-0.

Edhe Danimarka ka arritur të kualifikohet për në Europian, pasi ka mposhtur 6-0 Gjibraltarin. Nordikët u ngjitën në vend të parë në kuotën e 15 pikëve në Grupin D. Në këtë grup, bën pjesë dhe Zvicra, që fitoi minimalisht 1-0 përballë Gjeorgjisë. Kjo fitore e ngjit në kuotën e 14 pikëve skuadrën e “Helvetëve”, por do të luftojnë deri në fund me Irlandën që ka 13 pikë për një vend në Europian.

Bosnje-Hercegovinë kundër Italisë ishte një ndeshje pa objektiva. Axurrët e kishin siguaruar biletën për në Europian, ndërsa boshnjakët nuk kishin shanse për kualifikim. Djemtë e Mancinit triumfuan 0-3, falë golave të Acerbit, Insignes dhe Belottit./abcnews.al

Bosnje – Itali  0-3
Acerbi 21’, Insigne 37’, Belotti 53’

Danimarkë – Gjibraltar  6-0
Skov 12’ 64’, Gytkjaer 47’, Braithwaite 51’, Eriksen 85′ 90′

Rumani – Suedi  0-2
Berg 18’, Quiason 34’

Spanjë – Maltë  7-0
Morata 21’, Cazorla 43’, Torres 62’, Sarabia 63’, Olmo 69’, Moreno 71’, Navas 85′

Zvicër – Gjeorgji  1-0
Itten 77’


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono