Itali

Gerarta-Ballo-Elezioni-Europee.jpg
Sej rie11:30 | 14/05/2019

Kandidatja shqiptare për zgjedhjet e Parlamentit Evropian në Jug të Italisë me Partinë Demokratike, është kërcënuar pas deklaratave të bëra kundër Salvinit. Ajo është përballur me një sërë reagimesh negative në internet.

“Mos qëndroni gjatë gjithë ditës në mediat sociale, u themi zakonisht fëmijëve. T’i a tregosh këtë Ministrit të Brendshëm është me të vërtetë poshtëruese”, tha shqiptarja Geri Ballo, e cila u sulmua pasi bëri deklarata kundër ministrit të Brendshëm Matteo Salvini.

Ajo ka lindur në Tiranë dhe ka arritur në Itali në vitet ’90, kur ishte vetëm 11-vjeç, raporton media italine repubblica.it. 

Tani 34 vjeçarja është kandidate për zgjedhjet në Parlamentin Evropian në Jug të Italisë me Partinë Demokratike ka zgjedhur një kundërshtar me shumë peshë: Matteo Salvinin. “Kur më pyesin, them se po kandidoj kundër Salvinit sepse i përkasim poleve të kundërta. Historia ime është shëmbulli se gjërat nuk janë siç i thotë ai”, shpjegon ajo.

Geri Ballo, ju jeni kërcënuar ditët e fundit. A keni menduar të tërhiqeni nga gara?

“Aspak, në të vërtetë vazhdoj më me shumë bindje: Unë jam e kundërta e Salvinit: historia ime është se jam një fëmijë emigrant. Jam diplomuar për marrëdhëniet ndërkombëtare. Kur flas për veten në fakt flas për historinë e shumë të tjerëve. E vërteta është se Italia u formua dhe u pasurua nga mbledhja e shumë kulturave”.

A do të takohesh me ministrin dhe udhëheqësin e Ligës Veriore?

“Unë nuk kam frikë nga një konfrontim me Salvinin dhe në përgjithësi me këdo. Por unë do të doja t’i thosha Salvinit: “Ministër, largohu nga gjuha e dhunshme, e atyre që gjithmonë kërkojnë armikun”.

Me çfarë fyerjesh iu drejtohen nëpërmjet mediave sociale?

“Fyerjet seksuale ose kthehuni në shtëpinë tuaj. Të  betohem fjalë të të gjitha llojeve”.

Dhe si reagoni?

“U përgjigjem duke shkuar nëpër sheshe mes njerëzve dhe duke treguar histori rreth domethënies raciste që po forcohet: dikur ishte kundër shqiptarëve, pastaj kundër rumunëve, kundër romëve, tani kundër OJQ-ve”.

Çfarë episodesh ju tregoni njerëzve?

“Unë flas për jetën time dhe të shumë njerëzve, jo vetëm shqiptarë, të cilët kanë jetuar këtu për 30 vjet dhe janë të integruar dhe të respektuar. Për shembull, u flas për historinë e drejtorit Roland Sejko se si arrit nga Vlora në Bari në një anije me qindra emigrantë. U tregoj se si arrita unë në Cuneo ku ndjeja një ndjenjë solidariteti”./abcnews.al

1600x900_1557556173022.gdf_.png
ent ela11:37 | 11/05/2019

Policia italiane sekuestroi 400 kg kanabis në një gomone që po u drejtohej brigjeve të Salentos si dhe arrestoi dy trafikantët shqiptarë. Nëse do të  hidhej në treg, lënda narkotike që ishte ndarë në 14 pako të mëdha, llogaritet se do të kapte vlerën e 4 milionë eurove.

Operacioni zgjati disa orë në det dhe pas ndjekjes, u arrit bllokimi i gomones 6 metra e gjatë dhe arrestimi i trrafikantëve. Që nga fillimi i vitit, nga Guardia di Finanza në Puglia, janë sekuestruar rreth 3 ton drogë, 9 gomone, ndërsa janë arrestuar 70 persona. /ABC News Albania 24/7

Itali-1.jpg
G. P.23:30 | 09/05/2019

Tre shqiptarë janë dënuar nga gjykata italiane këtë të enjte pasi u kapën vitin e kaluar me drogë dhe një arsenal të tërë armësh. Sipas asaj që shkruajnë mediat, Jurgen Verbofshi u dënua me shtatë vjet burg. Ai është 20 vjeç dhe ka lindur në Greqi.

Ndërkohë për 38-vjeçarin Agim Proshka, u dha dënimi me 9 vjet e 8 muaj burg. Ndërsa shqiptari tjetër, Edison Proshka, 28 vjeç, do të vuajë vetëm 5 vjet burg.

Edison Proshka, Agim Proshka dhe Jurgen Verbofshi

Të rinjtë shqiptarë u arrestuan në Shkurt të vitit 2019. Ata u kapën me mbi 15 kilogramë kokainë dhe heroinë. Kapja e tre shqiptarëve u krye pas një kontrolli të bërë në një garazh në Mariano Comense, një zonë e Milanos. Ata kishin shkuar aty me dy makina të ndryshme.

Mësohet se 19-vjeçari Verbofshi ishte në drejtimin e një makine tip “CItroen C3”. Brenda saj, autoritet italiane gjetën 5 kilogramë kokainë dhe 550 gramë heroinë. Ndërkohë pas një kontrolli të imtësishëm në garazh u gjetën edhe 6.6 kilogramë kokainë dhe 3.8 kilogramë heroinë të tjera.

Por jo vetëm kaq. Të rinjtë shqiptarë kishin fshehur edhe një arsenal armësh aty. Një pistoletë, një pistoletë gjysmë automatike, një automatik, një revolver, një silenciator dhe 200 fishekë të përshtatshëm për të gjitha armët e sekuestruara.

Më pas, policia shtoi dhe kontrollet në banesat e të arrestuarve. Në këtë moment, ata sekuestruan rreth 8.400 euro të padeklaruara në shtëpinë e Agim Proshkës./abcnews.al

Itali-1280x703.jpg
Sej rie17:50 | 05/05/2019

Moti i keq ka mbërthyer Italinë, duke shkaktuar përmbytje, dëme në infrastrukturë dhe incidente. Rajonet më të prekura kanë qenë Toskana dhe Marke, si dhe ishulli i Sardenjës. Ndërkohë, për shkak të motit një person ka gjetur vdekjen, ndërsa një tjetër konsiderohet i humbur.

Mot i ftohtë, me erëra dhe reshje ka përfshirë pjesën dërrmuese të Italisë të dielën e parë të muajit maj. Sipas mediave italiane, bëhet fjalë për një valë moti të keq që nga Europa veri-perëndimore po zhvendoset drejt Mesdheut, shoqëruar me një përkeqësim të kushteve atmosferike. Kështu, temperaturat në veri dhe në qendër të vendit fqinj kanë ardhur në rënie, ndërsa më të qëndrueshme kanë qenë në jug, me përjashtim të rajonit të Kampanias.

Sipas burimeve mediatike, erërat e forta kanë marrë tiparet e një cikloni me vorbulla, ndërsa detet që lagin çizmen kanë qenë të trazuar. Rajonet më të prekura kanë qenë Toskana dhe Marke, si dhe ishulli i Sardenjës, ku janë verifikuar përmbytje dhe dëme. Ndërsa në Veneto, reshjet e dëborës kanë mbuluar zonat malore. Moti gjithashtu i ka marrë jetën një turisti gjerman në Siçili, që pavarësisht kushteve të këqija kishte vendosur të dilte në det.

Ndërkohë, një automjet me 5 persona në bord ka përfunduar në një lumë në veri të vendit. Për fat të mirë 4 prej tyre kanë shpëtuar, ndërsa i pesti konsiderohet i humbur. Ekipet e shpëtimit po zhvillojnë kërkime për gjetjen e tij. Ndërkohë, rajonet e thella veriore, Alto Adixhe dhe Dolomiti janë prekur nga reshjet e dëborës, që kanë variuar nga 20 deri në 30 centimetra. Qytete të tjera të prekura janë Xhenova, si dhe Breshia, ku reshjet dhe erërat që frynin deri në 100 kilometra në orë kanë trazuar liqenin e Gardës. Nuk kanë munguar edhe incidentet hekurudhore. Treni i orës 8 e 40 i nisur nga Mantova për në Milano u përplas me një pemë që ishte rrëzuar mbi binarë. Për fat të mirë nga impakti nuk ka patur të lënduar./ABC News Albania 24/7

shqiptari.jpg
G. P.22:50 | 04/05/2019

Shqiptari Eklent Kaçi është shpallur kampion europe në bilardo në kampionatin që po zhvillohet në Trevizo të Italisë. Eklenti ka fituar në të kaluaren 3 medalje bronzi dhe 2 argjendi.

Një kampion Europe edhe për shqiptarët në sportin shumë të frekuentuar të bilardos. Bilardisti Eklent Kaçi është shpallur kampion Europe për herë të pare duke ia dalë të triumfojë në kampionatin europian që po zhvillohet në Trevizo të Italisë. Sfidat në këtë kompeticion ai i nisi me humbje, por më pas në shansin e dytë nuk gaboi më dhe shkoi deri në finale.

Aty iu desh të sfidonte Ralf Soquet, fitues i 22 medaljeve të arta në Europian. Shqiptari Kaçi e çoi ndeshjen në 6-1. Gjermani reagoi dhe ndeshja shkoi në 7-6 për bilardisti shqiptar, i cili nuk gaboi më dhe triumfoi edhe në lojën e tetë, duke u bërë për herë të parë kampion Europe në disiplinën 8-Ball.

Në të shkuarën e tij bilardisti Kaçi ka arritur të fitojë pesë medalje, 3 bronzi dhe dy argjendi. Të gjitha këto gjatë kampionatit Europian për paratërinj (deri në 17 vjeç). Ndërkohë për të situatat në lojë nuk kanë shkuar mirë në disiplinën 10-Ball.

Aty është eliminuar në raundin 1/32, duke e mbyllur në vendin e 71-të. Pritet që të zhvillohet gara edhe për disiplinën 9-Ball, në të cilën Kaçi synon të marrë medalje. Sidoqoftë përpos kësaj, në disiplinën 8-ball ai arrin të jetë numër 1 në Europë dhe të regjistrojë një rezultat historik.  /ABC News Albania 24/7

itali-france-1280x835.jpg
ent ela21:10 | 02/05/2019

Italia dhe Franca nuk janë pajtuar pasi nuk kanë pasur nevojë të bëjnë një gjë të tillë. Gjatë një vizite në Paris, presidenti italian Serxho Matarela ka deklaruar se lidhjet mes dy vendeve janë të forta e të thella dhe nuk janë cënuar kurrë.

Presidenti i Italisë, Serxho Matarela ka udhëtuar në Paris, me ftesë të homologut francez Emanuel Makron, për të ripërtërirë marrëdhëniet mes dy vendeve pas muajsh të tërë tensionesh. Në fjalën e tij, gjatë një vizite në katedralen e Notrë Damë, Matarela ka theksuar se prania e tij dëshmon miqësinë mes Italisë dhe Francës. “A janë pajtuar Franca dhe Italia? Nuk kanë nevojë të pajtohen. Lidhjet mes nesh janë shumë të forta dhe aq të thella saqë nuk ka nevojë”, ka thënë Matarela duke iu përgjigjur gazetarëve. Në të njëjtën linjë, presidenti Makron ka nënvizuar se lidhja mes dy vendeve dhe qytetarëve është e pacënueshme. “Është një lidhje shumë më e fortë dhe më e thellë nga sa mendohet”, ka thënë Makron. Vizita e Matarelës në Paris ka përkuar me 500-vjetorin e vdekjes së artistit të madh Leonardo da Vinci. Dy krerët e shteteve kanë vizituar së bashku shtëpinë e gjeniut në lokalitetin Amboise. Muaj më parë mes Italisë dhe Francës u verifikua një përplasje, konkretisht mes zëvendës kryeministrave Salvini dhe Di Maio dhe presidentit Makron, lidhur me çështjen e emigrantëve. Presidenti francez kritikoi Italinë për mbylljen e porteve, ndërkohë që vetë Franca nuk lejonte avancimin e emigrantëve në qytezën kufitare Ventimilia, që lidh dy vendet./ABC News Albania 24/7

Conte.0.jpg
Sej rie23:59 | 30/04/2019

Tek Inter mbetet e paqartë e ardhmja e trajnerit Spaleti ndërkohë që emri me i përfolur është Antonio Konte. Për teknikun Italian interesohen shumë skuadra dhe gara është vërtet e fortë.
Kualifikimi në Champions për sezonin e ardhshëm është çështje kohe për Interin pasi ka një distancë prej tre pikësh nga vendi i katërt. Trajneri Luciano Spaleti duket se ka rikthyer ekuilibrat në skuadër duke arritur rezultate të mirë në takimet e fundit për më tepër që zikaltërit kanë zhvilluar paraqitje dinjitoze. Gjithsesi në shtëpinë zikaltër ende flitet për pasardhës të Spaletit pasi drejtuesit e klubit nuk kanë besimin e plotë tek trajneri aktual. Antonio Konte është një nga emrat më të lakuar në muajt e fundit për të marrë drejtimin e Interit por mediat italiane raportojnë se Bepe Marota nuk ka dhënë aprovimin për të nisur kontaktet.

Në pritje qëndron Roma që i ka ofruar ish-trajnerit te Juventusit një pagë prej 9 mln euro në sezon dhe afrimin e disa lojtarëve në merkato përfshi Higuain. Së fundmi mësohet se presidenti i Interit ka biseduar me ish pronarin e zikaltërve Masimo Morati sa i përket trajner të ri. Mediat në Itali raportojnë se Morati i ka propozuar Steven Zhang emrin e teknikut Zhose Murinjo. Portugezi e udhëhoqi skuadrën drejt tripletës në vitin 2010 dhe është ndër personazhet më të pëlqyera tek kjo skuadër Murinjo aktualisht nuk ka një kontratë aktive dhe mundësitë për je zbarkim tek Inter janë realë./abcnews.al

1556438063-7388198-1280x960.jpg
Sej rie19:21 | 29/04/2019

Katër shqiptarë më 26 Prill kishin hyrë për të grabitur një shtëpi në Monterotondo, Itali. Por planet nuk u kishin shkuar si duhet dhe për pasojë njëri prej tyre ka mbetur i plagosur. Ishte djali i familjes italiane ai i cili plagosi hajdutin shqiptar. I plagosuri mbeti një 16 vjeçar shqiptar ndërsa autor është  Andrea Pulone, 29 vjeç.

“Ne kemi një detyrim për të mbrojtur të dyshuarin që plagosi shqiptari”, është shprehur sot  kryeprokurori i Tivolit, Francesco Menditto.

“Hetimi ynë gjithashtu synon të identifikojë autorët e tjerë të tentativës së vjedhjes. Disa minuta më parë kam dëgjuar se i riu i plagosur ka dalë nga gjendja kritike për jetën. Ky padyshim është një lajm i mirë”, tha më tej kryeprokurori.

Bazuar në atë që është mësuar, hetuesit kanë rindërtuar dinamikën e fakteve. Ndërsa ditët në vijon do të merret edhe dëshmia e të lënduarit.

Ndërsa sot karabinierët kanë gjetur  makinën që përdori banda për të hyrë në shtëpinë e Monterotondos në periferi të Romës të premten në mbrëmje. Por kjo grabitje nuk arrit të finalizohej pasi hajdutët shqiptarë u përballën me djalin e pronarit të banesën, i cili qëlloi dhe plagosi një nga grabitësit, një 16 vjeçar me origjinë shqiptare.

Ndërsa hetimet tashmë janë përqendruar në makinën e gjetur për të zbuluar gjurmë të lëna nga autorët, të cilat mund të çojnë në identifikimin e tyre.

Automjeti ishte marrë me qira dhe në tentativën për grabitje thuhet se kanë qenë të përfshirë 4 persona.

Ishte ora 19:00 kur një telefonatë shkoni në numrin112: “Hajdutët hynë në shtëpinë time, më duhej t’i qëlloja, por unë nuk mendoj se i kam vrarë”.

Ai që tha këtë fjalë ishte Andrea Pulone, 29 vjeç, shumë i njohur në Monterotondo, sepse ai drejton një lokal, është dhe pjesë e një shoqate, konsiderohet një djalë shumë i mirë, babai i tij është një astrofizikant i njohur, nëna e tij është kandidate për këshillin bashkiak me koalicionin e qendrës. Në orën 7:40, 30 kilometra nga Monterotondo, një makinë ndalon para dhomës së urgjencës Gemelli dhe la një person të plagosur, pastaj iku.  Më pas një telefonatë anonime kishte njoftuar babanë e të lënduarit: “Djali yt është tek Gemelli”.

Çfarë ndodhi në vilën e Monterotondos, në një zonë banimi, ku vitet e fundit ka pasur shumë vjedhje në shtëpi?

Prindërit e Pulone kishin shkuar për pushime në Portugali. Grupi, i cili mund të ketë qenë duke mbikëqyrur lagjen, ka menduar se në shtëpi nuk kishte njeri.  Ata hynë nga një derë anësore në oborr, hoqi grilën mbrojtëse dhe hynë në banesë.

Andrea kishte qenë në katin lart dhe ishte frikësua sepse bashkë me të ishte edhe  dashura e tij. Ai mori armë, të cilën e kishte me dokumentacion, një Glock 21 kalibrit 45. Ai zbriti, dhe i kërkoi grupit të vjedhësve të largohen, por ata nuk iu bindën. Ai në ato momente kishte menduar edhe për fakti se kishte të dashurën e tij lart dhe kishte qëlluar 5 herë. Ai kishte tentuar të trembe bandën e grabitësve, por ai nuk kishte vënë re se njërin nga grabitësit e kishte qëlluar në bark.

Ata të tre nuk ishin të armatosur por thjesht kishin në duar mjete të cilat i përdornin për grabitje. Ata më pas ishin largua nga një maminë në të cilën ishte një bashkëpunëtor i 4 që i priste. Ata e dërguan në qendrën shëndetësore në Gemelli djalin e lënduar dhe më pas ishin larguar. Si pasojë e plagës së marrë adoleshenti shqiptar i ishte nënshtruar një ndërhyrje kirurgjikale dhe për pasojë ka dalë me sukses. Ndërsa dosja për këtë ngjarje tashmë është në duart e Prokurorisë në Romë./abcnews.al

shqiptaret.jpg
Sej rie09:41 | 26/04/2019

Tre shtetas shqiptarë kanë përfunduar në pranga në Itali, si anëtarë të një bande kriminale përgjegjëse për 66 grabitje në verilindje të vendit. Vlera e sendeve të grabitura shkon në 2 milion euro

Policia e Pordenones arrestoi anëtarët e një bande kriminale, tre shtetas shqiptarë, të specializuar në grabitje vilash dhe banesash në verilindje të vendit. Tre shtetasit shqiptarë, kanë kryer 66 grabitje në provincat e Pordenones dhe Trevizos. Vlera e sendeve të vjedhura shkon në dy milion euro, përfshirë bizhuteri, ora dhe ar.

Grabitjet kanë nisur në dhjetor të 2018-ës. Të arrestuarve u janë gjetur pistoleta dhe municione, dhe sipas policisë ata po përgatiteshin për grabitje të tjera në zonë

Policia italiane gjithashtu zbuloi se një pjesë e mirë e parave transferoheshin në Shqipëri ku investoheshin dhe ricikloheshin. Pronarëve të grabitur u janë kthyer shumë bizhuteri me vlerën e qindra mijëra eurove./abcnews.al

BINJAKRT-SHQIPTARE-1280x782.jpg
Sej rie15:08 | 24/04/2019

Serena dhe Ina Sinani, dy motrat binjake nga Shqipëria, arritën të kthejnë të katër anëtarët e jurisë të “The Voice” në Itali. Me këngën “Shumë pis” të Era Istrefit dhe Ledri Vulës, “Sindolls” – “Kukullat e mëkatit”, kaluan me shumë sukses provën e parë të konkursit prestigjoz. Dy motrat shqiptare Serena dhe Ina Sinani kanë mahnitur jurinë e The Voice of Itali falë zërit dhe talentit të tyre.

Fillimisht anëtarët e jurisë kanë qenë në dyshim nëse bëhej fjalë për një apo dy zëra.

Gue, Xhixhi, Eletra dhe Morgan katër anëtarët e Jurisë, nuk kanë kursyer komplimentet gjatë performancës së vajzave.

Nuk është keq. Por nuk e kuptoj atë që thonë

Dhe më interesante ishte fakti se të katërt anëtarët e jurisë kthyen karriget e tyre të gjithë së bashku për t’i kërkuar në skuadrën e tyre.

Pasi u prezantuan dhe sqaruan jurinë se kishin kënduar në shqip, “Sindolls” prezantuan veten si repere por dhe si tekstshkruese. Pavarësisht këmbënguljes së secilit anëtar të jurisë për ti pasur në skuadër, ato zgjodhën artistin e njohur Gue Pekueno, për të cilin thanë se është një frymëzim i madh.

Motrat 20 vjeçare u përqafuan me prindërit e tyre pas kuintave, ku në gjuhën shqipe babai u tha se ndihej krenar për to./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono