Itali

4866700_1151_rapine.jpg
ent ela14:34 | 16/11/2019

Policia italiane ka goditur një bandë shqiptare që ishte e specializuar në fushën e vjedhjeve dhe plaçkitjeve të vilave në Italinë qendrore dhe veriore. Operacioni “Massa San Giuliano” çoi në pranga  6 persona, ndërsa 9 të tjerë do hetohen në gjendje të lirë.

Masat paraprake, të lëshuara nga Prokuroria pranë Gjykatës së Spoletos, në bashkëpunim me magjistraturën hetuese të Umbrias dhe atë të Romës, u kryen në zonat e Ponte di Nona dhe Tor Bella Monaca, ku organizata kriminale kishte bazat operacionale.

Mediat italiane bëjnë të ditur se të arrestuarit dhe nën hetim janë të gjithë me origjinë nga Shqipëria. Ata hynin në aksion sidomos gjatë orëve të mbrëmjes dhe të natës dhe nga Roma spostoheshin në qytetet e qendrës dhe të veriut të Italisë për të kryer grabitjet e shumta.

Krimet kryheshin edhe kur njerëzit ishin në shtëpi dhe në disa raste, përveç parave dhe sendeve të çmuara, hajdutët vidhnin edhe çelësat e makinave, të cilat më pas i përdornin për të lëvizur dhe për të kryer vjedhjet pasuese.

Dhjetëra vjedhje nga grupi në provincat e Frosinones, Ravennas, Perugias, Bolognas, Modenas dhe Reggio Emilias. Sipas hetuesve, banda kishte lidhje edhe me grupe të ndryshme që veprojnë në qytete të tjera në Itali, si Milano, Venecia, Vicenza dhe Ascoli.

Për këtë grup, oficerët e komisariatit Aurelio filluan të hetojnë rreth një vit më parë, kur disa nga personat e arrestuar sot u kapën duke operuar me “një ndërrim makine” pasi kishin kryer një vjedhje në Komunat e Trevignano dhe Braçiano. Në atë episod të dyshuarit arritën të shpëtojnë.

Me ndihmën e përgjimeve dhe ndjekjen në të gjithë territorin, u verifikua ekzistenca e një grupi të strukturuar të profesionistëve të vërtetë, të cilët mburreshin se fitonin vetëm në një dimër në Itali më shumë se një milion euro.

Për të shpëtuar nga policia dhe për të shmangur zbulimin ose ndjekjen, gjithnjë merrnin masa, duke përfshirë pezullimin e veprimtarive kriminale dhe kthimin në vendin e origjinës për të qetësuar ujërat.

Në dy raste, kriminelët të zbuluar nga Forcat e Policisë, goditën pikat e kontrollit në Perugia dhe Frosinone, duke bërë që agjentët të karamboloheshin dhe të shkatërronin makinat.

Makinat e vjedhura, të gjitha me cilindrat të madh fshiheshin më pas në vende më të distancuara nga kryeqyteti, siç është parkimi i një spitali ose në garazhe private. Me bashkëpunimin e një rrjeti të dendur mbështetësish, fshiheshin në terrene të ndryshme sendet e vjedhura, dritat, skanerët, celularët e kompletuar me karta, si dhe pajisjet për kryerjen e vjedhjes.

Për të përgatitur goditjet, grupi përdorte celularë ‘citofonë’, pra me një trafik jashtëzakonisht të kufizuar, kryesisht të regjistruar tek qytetarët kinezë që banojnë në provincën e Napolit.

Hetimet çuan në sekuestrimin e dhjetra makinave “Audi” të vjedhura dhe të sendeve me vlerë të mëdha të vjedhura (orë Rolex, Cartier, Guçi dhe marka të tjera prestigjioze, shumë bizhuteri ari, diamante dhe xhevahire të tjera të çmuara), si dhe çanta dhe objekte me vlerë që u përdorën nga partneret e të arrestuarve.

T.N. 26 vjeç, G.E., 29 vjeç dhe N.E. 24 vjeç, janë disa nga të akuzuarit të gjithë shqiptarë.

Pak orë para operacionit, grupi kishte kryer një vjedhje në një qendër të vogël të Frosinones dhe ishin larguar duke vjedhur një “Volkswagen Golf”.

Pasi hynë në banesa policia gjeti edhe persona të tjerë për të cilët ishte dhënë urdhri i arrestit: N.A. , 24 vjeç, (një nga grabitësit kryesorë); N.M. edhe A.M. respektivisht 34 dhe 31 vjeç  të cilët ndodheshin në territorin italian pavarësisht se kishin marrë ekspuls.

Po hetohen në gjendje të lirë 9 persona të tjerë, mes tyre 2 gra që megjithëse me një rol të vogël kanë bashkëpunuar në krimet e mëparshme. abcnews.al

 

mortale-1-650x414.jpg
ent ela09:10 | 16/11/2019

Është identifikuar i riu shqiptar që humbi jetën në aksidentin tragjik në Itali. Mediat italiane shkruajnë se viktimë nga përplasja e fortë e dy makinave ka mbetur 26-vjeçari shqiptar Jetmir Isufi, ndërkohë që drejtuesi i makinës tjetër, një 21 vjeçar ndodhet në gjendje të rëndë.

Isufi ishte në timonin e makinës tip Lancia Ypsilon e cila u përplas me makinën Wolksëagen, që drejtohej nga një 21 vjeçar.

Në vend ndërhyri policia dhe u njoftua ambulanca. I riu shqiptar u transportua në spital, por nuk mundi të mbijetonte pasi kishte marrë plagë shumë të rënda.

Ndërsa shoferi tjeter, 21 vjeçar, ndodhet në gjendje kritike për jetën në spital. Policia ka nisur hetimet për zbardhjen e shkaqeve te aksidentit.

Mediat italiane, Jetmir Isufi, për miqtë e tij ishte thjesht Jet. Ne një moshë shumë e re ai ishte afruar me ambientet e hip hopit dhe kishte lidhje me të rinj me të cilët ndanin  bashkë pasionin për muzikën.

Prej disa kohësh ai kishte gjetur punë në Arcore dhe në kohën e aksidentit ishte duke u kthyer nga puna për në shtëpi. /abcnews.al

 

Spanje-Itali.jpg
Veronik Istrefaj22:36 | 15/11/2019

Janë mbyllur sfidat e orës 20:45, të vlefshme për kualifikueset e Euro 2020. Suedia ka mposhtur rivalin direkt, Rumaninë, me rezultatin 0-2, duke iu bashkuar Spanjës si skuadrat e kualifikuara nga Grupi F. Vetë spanjollët nuk u kursyen aspak ndaj Maltës, duke triumfuar me rezultatin 7-0.

Edhe Danimarka ka arritur të kualifikohet për në Europian, pasi ka mposhtur 6-0 Gjibraltarin. Nordikët u ngjitën në vend të parë në kuotën e 15 pikëve në Grupin D. Në këtë grup, bën pjesë dhe Zvicra, që fitoi minimalisht 1-0 përballë Gjeorgjisë. Kjo fitore e ngjit në kuotën e 14 pikëve skuadrën e “Helvetëve”, por do të luftojnë deri në fund me Irlandën që ka 13 pikë për një vend në Europian.

Bosnje-Hercegovinë kundër Italisë ishte një ndeshje pa objektiva. Axurrët e kishin siguaruar biletën për në Europian, ndërsa boshnjakët nuk kishin shanse për kualifikim. Djemtë e Mancinit triumfuan 0-3, falë golave të Acerbit, Insignes dhe Belottit./abcnews.al

Bosnje – Itali  0-3
Acerbi 21’, Insigne 37’, Belotti 53’

Danimarkë – Gjibraltar  6-0
Skov 12’ 64’, Gytkjaer 47’, Braithwaite 51’, Eriksen 85′ 90′

Rumani – Suedi  0-2
Berg 18’, Quiason 34’

Spanjë – Maltë  7-0
Morata 21’, Cazorla 43’, Torres 62’, Sarabia 63’, Olmo 69’, Moreno 71’, Navas 85′

Zvicër – Gjeorgji  1-0
Itten 77’

kokaina-1280x714.jpg
nev ila08:27 | 14/11/2019

Një sasi rekord kokaine është sekuestruar në portin e Gioia Tauro në Itali. 1176 kg kokainë u kap në një kontenier me banane, që vinte nga Amerika e Jugut me destinacion Gjermaninë.

Sasia prej më shumë se një ton e drogës u zbulua gjatë kontrollit të kontenierit frigoriferik me rreze X.

Kokaina e kapur, në treg kishte vlerën e 250 milionë eurove. Aksioni u zhvillua nga Karabinierët e Guardia di Financës, me mbështetjen e Agjencisë së Doganave në Itali dhe funksionarëve të Europol./abcnews.al

 

Tonali.jpg
Veronik Istrefaj21:46 | 13/11/2019

Mesfushori i Brescias, Sandro Tonali, është i grumbulluar me kombëtaren e Italisë, aty ku foli për “RaiSport”. Tonali iu përgjigj krahasimeve me Pirlon, duke thënë: “Nuk më shqetëson të krahasohem me Pirlon, por besoj se ne jemi shumë të ndryshëm.

Ai kishte një teknikë dhe cilësi të papërshkrueshme. Unë e konsideroj veten më shumë si Gattuso, por më teknik. Gennaro është gjithmonë idhulli im”.

“Jam shumë i lumtur që jam pjesë e këtij grupi. Me Mancinin, unë luaj në një mënyrë tjetër dhe për mua është një hap i madh në karrierë. Jam 100% në dispozicion për trajnerin. Luaj apo jo, nuk ka rëndësi, e rëndësishme është që jam aty për kombin tim”, përfundoi Tonali./abcnews.al

VG11928-2.jpg
nev ila22:18 | 11/11/2019

Një vajzë shqiptare 33 vjeçe, ishte paraqitur duke qarë, me foshnjën e saj në krahë, përpara Komandës Vendore të Policisë së Romagna Faentina, në provincën e Faenzas, Itali. Mes lotëve ajo denoncoi burrin e saj për dhunë fizike dhe psikologjike.

33 vjeçarja deklaroi se kishte frikë të kthehej në shtëpi sepse bashkëshorti, edhe ai shqiptar, e kishte kërcënuar se do ta vriste atë dhe fëmijët, pas vendimit të saj për ta divorcuar.

Vajza, e cila ishte e martuar për 16 vjet, ka jetuar në Faenza për vite me radhë. E dëshpëruar  ajo u tha oficerëve të policisë për gjithë dhunën dhe traumën që i kishte shkaktuar burri i saj i cili vazhdimisht ishte nën efektin e alkoolit.

Ju lutem më ndihmoni, jeta ime është shndërruar në një ferr të abuzimit fizik dhe psikologjik, kam vajzën e vogël ende në shtëpi”, deklaroi ajo përpara oficerëve të policisë .

Policia lokale në Manfreda menjëherë reagoi duke marrë masa mbrojtjeje për 33 vjeçaren. Agjentët menjëherë shoqëruar 33 vjeçaren në shtëpi duke bërë të mundur që ajo të marrë edhe fëmijën tjetër që ndodhej në shtëpi.

Pas kësaj gruaja së bashku me 2 fëmijët e saj, iu besuan shoqatës për mbrojtjen e grave dhe fëmijëve “Sos Donna”, e cila garantoi jetën e tyre, duke bërë të mundur shmangien e një tragjedie të vërtetë.

Nga hetimet policia e Faenzës konfirmoi se, vajza kishte denoncuar edhe më parë, se ishte kërcënuar me vdekje burri i saj, ndërsa ka shpallur në kërkim bashkëshortin e 33 vjeçares./abcnews.al

policia-italiane-1.jpg
ent ela09:52 | 11/11/2019

Policia italiane ka dëbuar tre shqiptarë nga Italia. Mediat italiane bëjnë të ditur se bëhet fjalë për Haxhi Xhixhanin 32 vjeç, i cili u arrestua për shkelje të ligjit të emigracionit dhe dy bashkatdhetarët e tjerë, emrat e të cilëve nuk bëhen të ditur, por janë të moshës 34 dhe 35 vjeç. Këta janë të arrestuar dhe të dënuar për trafik ndërkombëtar droge.

Ata u shoqëruan njëri në aeroportin e Bolonjës dhe u nis për në Tiranë, kurse tjetri  u nis nga Venecia për në Shqipëri.

Policia italiane dëboi gjithashtu edhe një tunizian dhe një nigerian. /abcnews.al

 

ndragheta.jpg
ger ta13:32 | 05/11/2019

Policia italiane ka ndërmarrë një operacion të gjerë anti mafia në orët e para të së martës në Torino.

Objekt i operacionit kanë qene degët vendore të mafias së Volpiano dhe San Xhusto Kanavese. Agjentët e policisë kanë vënë në pranga 70 persona me akuzën e shoqatave mafioze dhe trafikut ndërkombëtar të drogës.

Gjashtë prej tyre akuzohen dhe për pastrim parash. Në operacion morën pjesë 400 agjentë policie

shperthimi-itali-1280x726.jpg
nev ila13:22 | 05/11/2019

Tre viktima dhe një i plagosur është bilanci i një shpërthimi ende të panjohur, në një ndërtesë në Aleksandria të Italisë. Viktimat janë 3 zjarrfikës që kishin ndërhyrë për të shuar zjarrin, pas një shpërthimi të parë. I plagosuri është një agjent policie.

Tre zjarrfikës kanë humbur jetën si pasojë e një shpërthimi në një ndërtesë në Alesandria të Italisë. Shpërthimi ka ndodhur në orën 2 të natës në një zonë të pabanuar, për shkak të një rrjedhje gazi apo zjarr. I plagosur ka mbetur dhe një agjent policie, i cili është jashtë rerzikut për jetën.

Sipas të dhënave të para të publikuara nga mediat italiane, zjarrfikësit kanë ndërhyrë pas shpërthimit të parë që kishte shkaktuar shembjen e një pjese të ndërtesës. Teksa po punonin ndodhi dhe shërbimi I dytë I cili rezultoi fatal për tre nga zjarrfikësit. Njëri prej tyre fillimisht u shpall i zhdukur, por trupi i tij i pajetë u gjet pas disa orësh në gërmadha.

Sipas burimeve të komandos provinciale të karabinierëve, shpërthimi i parë mund të ketë qenë i qëllimshëm./abcnews.al

droga-itali.jpeg
ger ta12:49 | 05/11/2019

Kokainë me vlerë 800 mijë euro dhe 10 shqiptarë të arrestuar është bilanci i operacionit anti drogë të policisë italiane në Toskanë. Shqiptarët e sillnin drogën nga Belgjika dhe Holanda duke përdorur një korrier italian.

Përdornin automjete të modifikuara për të transportuar drogën e cila mbërrinte në Itali nga Belgjika dhe Holanda. Agjentët e policisë italiane kanë zbuluar një organizatë kriminale të përbërë kryesisht nga shqiptarë, të cilët akuzohet për importin, trafikun ndërkombëtar dhe shitjen e kokainës.

Operacioni I policisë ka zbuluar një organizatë të mirë strukturuar, për trafikun ndërkombëtar të sasive të mëdha të drogës e cila vinte nga vende të ndryshme për në Itali. Baza logjistike e organizatës ishte në Toskanë, ku dhe magzinohej droga.

Pas dy muajsh hetimesh u arrestuan në flagrancë 7 persona, dhe pse urdhër arrestet janë 11, u sekuestrua 11 kilogram kokainë, 1 kilogram marijuanë dhe 50 mijë euro cash. Dy vëllezër shqiptarë përdornin një korrier Italian, i cili dërgohej jashët Italisë për të tërhequr sasinë e kokainës. Në këto udhëtime përdoreshin dy automjete, tashmë të sekuestruara, të pajisura me dysheme të dyfishtë për fshehjen e drogës dhe për të shpëtuar në kontrollet e policisë.

Fundjavën e kaluar u ndalua nga policia korrieri, i  cili po kthehej në Firence. Në automjetin e tij Nisan u gjetën 10 kilogram kokainë për një vlerë prej 800 mijë eurosh.

11 urdhër arrestet janë për: 51 vjecarin Italian, korrierin, dy vëllezërve shqptarë, dhe tetë shqiptarëve të tjerë./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono