Itali

policia6.jpg
ger ta15:48 | 20/01/2020

Policia italiane ka arrestuar dy çifte shqiptarësh, të akuzuar për vjedhje. Arrestimet janë bërë orët e para të mëngjesit të djeshëm.

Në pranga ranë dy burra dhe dy gra, pasi kohët e fundit kishin plaçkitur disa shtëpi në Macerata dhe zona të tjera.

Mediat italiane bëjnë me dije se grabitja e tyre më e fundit ishte mbrëmjen kur u arrestuan. Burrat kishin dalë dhe po grabisnin shtëpitë, ndërsa gratë me makinë ecnin në afërsi të banesave dhe në atë moment u bllokuan nga policia.

Gjatë kontrollit të policisë në mjetin e tyre u gjetën dhe sekuestruan sende te çmuara të vjedhura që ishin mbledhur me një mbulesë dhe ishin lënë në derën e majtë të makinës, dy palë doreza pëlhure profesionale, kapele, dy elektrikë, një kaçavidë e madhe dhe shumë telefona celularë.

Gjithashtu unaza, orë, vathë, varëse, diamante dhe para për një vlerë të përgjithshme prej rreth pesë mijë euro janë sekuestruar dhe janë vendosur në dispozicion të autoriteteve gjyqësore për hetime të mëvonshme./abcnews.al

 

italia.jpg
ger ta11:45 | 18/01/2020

Departamenti Amerikan i Shtetit i ka bërë thirrje shtetasve amerikanë që dëshirojnë të udhëtojnë në Itali që të tregohen të kujdesshëm për shkak të terrorizmit.

Në një përditësim që daton në 15 janar, Italia është në nivelin e dytë të rrezikshmërisë që nënkuptonte grupe terroriste vazhdojnë të planifikojnë sulme të mundshme në Itali.

Në këtë raport lexohet se terroristët mund të sulmojnë me apo pa paralajmërim në vende turistike apo qendra transporti.

Policia-e-Shtetit-e-re_0.png
nev ila14:58 | 17/01/2020

Gjatë paradites së sotme një operacion antidroge krye falë bashkëpunimit të policive ndërkombëtare të shtetit italian, shqiptar dhe Gjerman. Mediat italiane raportuan se nga ky operacion ishin arrestuar 22 persona mes tyre dhe shqiptarë.

Ndërkohë detajet e para për këtë operacion ka dhënë edhe policia shqiptare. Sipas policisë, operacioni i quajtur “Brokers” ka një shtrirje kohore prej 4 vitesh.

Po ashtu policia thotë se nga ky operacion u godit një organizatë kriminale italo-shqiptare që merrej me trafikimin ndërkombëtar të drogës dhe armëve në Itali.

Si koka e kësaj organizate kriminale që kontrollonte dhe organizonte trafikun e drogës ishte një shtetas shqiptar.

Nga ky operacion mëngjesin e sotëm u arrestuan edhe 3 shqiptarë:

Emrat e shqiptarëve të arrestuar nga operacioni i sotëm:

-Denis Bimi, 30 vjeç.

-Besmir Sylja, 26 vjeç.

-Luan Delaj, 50 vjeç.

Organizata furnizonte grupet  italiane me kokainë, heroinë, hashash dhe marijuanë.

Njoftimi i policisë së shtetit:

“Policia e Shtetit

Tjetër operacion ndërkombëtar antidrogë, zhvilluar mes Policisë italiane dhe Policisë shqiptare.

Operacioni “BROKERS” u zhvillua për goditjen e një organizate kriminale në fushën e trafikimit ndërkombëtar të lëndëve narkotike, marijuanë, heroinë e kokainë, si dhe të armëve e municioneve luftarake.

Operacion me shtrirje kohore prej 4 vitesh dhe u finalizua mëngjesin e sotëm në Itali dhe Shqipëri.

Më datë 17.01.2020 u zhvillua operacioni i përbashkët policor “BROKERS” midis Policisë italiane dhe Policisë shqiptare, si rezultat i të cilit u arrestua në qytetin e Shkodrës shtetasi L. D., 50 vjeç, banues në Shkodër.

Operacioni në Shqipëri u zhvillua në bashkëpunim të ngushtë me Departamentin e Policisë Kriminale, ZQK Interpol Tirana dhe UCI Albania.

Ndërsa në Itali u drejtua nga Skuadra Operacionale e Seksionit kundër Drogës, në bashkëpunim me Komisariatin e Policisë së qytetit të Tranit.

Si rezultat i këtij operacioni u godit një organizatë kriminale italo-shqiptare që merrej me trafikun ndërkombëtar të drogës dhe armëve, në zonën e qyteteve të Andrias dhe Cerignolas.

Hetimet për këtë operacion kishin filluar pas vrasjes së shtetasit italian F. F.,  në qytetin Trani, në janar të vitit 2015.

Personi që kontrollonte dhe organizonte trafikun e drogës nga Holanda, Gjermania dhe Shqipëria ishte një shtetas shqiptar, i cili nëpërmjet njohjeve të tij i siguronte organizatës kokainë, heroinë dhe hashash. Sasia e drogës vinte me anë të korrierëve që zakonisht e fshihnin në ndarjet e dyfishta në makina.

Kjo organizatë e kishte qendrën në qytetin e Foggias. Si rezultat i hetimeve të përbashkëta mes Policisë italiane dhe Policisë se Shtetit u arrit që të arrestoheshin 20 persona dhe të sekuestroheshin 440 kg droga të ndryshme si kokainë, heroinë dhe hashash, si dhe disa armë zjarri.

Policia e Shtetit, si në të gjitha operacionet e zhvilluara më parë, edhe kësaj here tregoi profesionalizëm dhe besueshmëri të lartë te Policia italiane gjatë gjithë fazave të operacionit.

Policia e Shtetit është e angazhuar dhe e vendosur për të bashkëpunuar me profesionalizëm  me Policitë partnere dhe gjithë organizatat ligjzbatuese brenda dhe jashtë vendit, për të luftuar krimin e organizuar dhe terrorizmin”./abcnews.al

dda-itali.jpg
nev ila12:49 | 17/01/2020

Mëngjesin e sotëm 22 persona u arrestuan nga policia në një operacion mes Puglia, Molise, Abruzzo, Campania dhe gjithashtu në Hollandë, Angli, Gjermani dhe Shqipëri.

Ky operacion është kryer nga agjentët kundër trafikut dhe krimit të organizuar në Itali DDA, i cili ka bërë të mundur shkatërrimin e një organizate të dedikuar për trafikun ndërkombëtar të drogës.

Urdhri i lëshuar nga gjykatësi  i Gjykatës së Barit, me kërkesë të DDA-së, për eksponentë të dyshuar të një organizate kriminale ndërkombëtare  italo-shqiptare, të akuzuar për trafik ndërkombëtar droge, armë dhe krim të organizuar, në tregtimin e drogës, midis Andria dhe Cerignola.

Për ekzekutimin e disa masave paraprake në Shqipëri, policia ka punuar në bashkëpunim me departamentin e policisë kriminale dhe zyrën shqiptare të Interpolit.

Hetimet u ngritën pas vrasjes së Francesco Ferrante, i vrarë në Trani në janar 2015.

Sipas hetuesve, vrasja ndodhi për prishje të pazareve të drogës.

Gjatë këtyre hetimeve, hetuesit zbuluan dy organizata të veçanta kriminale të lidhura së bashku, njëra që vepronte midis Cerignola dhe Foggia dhe tjetra midis Andria dhe Barletta.

Droga u importua nga Hollanda, Shqipëria dhe Gjermania nga një shqiptar, përmes bashkatdhetarëve të tij, me vendbanim në Evropën veriore.

Organizata furnizonte grupet  italiane me kokainë, heroinë, hashash dhe marijuanë.

Policët zbuluan se korrierët e drogës transportonin drogen përmes fundeve të dyfishta në makinat që transportonin drogën.

Nga Puglia droga transportohej më tej në Cerignola, San Salvo, Pescara dhe Barletta. Më pas, u shpërndahej gjithë rrjetit të trafikantëve e tjerë deri sa e nxirrnin në treg përmes shpërndarësve të drogës.

Emrat e shqiptarëve të arrestuar nga operacioni i sotëm:

-Denis Bimi,

-Besmir Sylja,

-Luan Delaj.

Nga hetimet ka rezultuar se:

-Janë sekuestruar ne Pescara, me 8 gusht 2016, 5.5 kilogramë kokainë, e kryer gjatë arrestimit të Ramiz Smajlaj.

-Janë sekuestruar ne Foggia, me 12 shtator 2016, 100 kilogramëve marijuanë dhe një pushkë gjysmë automatike belge, kalibër 30, e pajisur me fishekë gjate arrestimit në flagrancë të Paul Mandrescu, Roberto Alexa, Armand Rameta dhe Merlin Myftaraj.

-Është sekuestruar ne Foggia, me 7 Tetor 2016, një sasi prej 9.5 kg marijuanë, e kryer gjatë arrestimit të Denis Uku dhe D.P.L.

Po ashtu janë sekuestruar armë dhe drogë që kanë patur lidhje me këto grupe ku kanë qenë të përfshirë edhe shqiptarë të tjerë.

Janë kryer 20 arrestime, dhe janë sekuestruar mbi 440 kg lëndë narkotike, përfshirë kokainë, heroinë, hashash dhe marihuanë.

Gjithashtu janë sekuestruar edhe disa armë, dhe para cash.

Ndërkohë policia italiane ka njoftuar se hetimet për zbulimin dhe shkatërrimin e gjithë rrjetit ende vazhdojnë./abcnews.al

mortale-via-emilia-1024x768-1.jpg
So Nila09:52 | 17/01/2020

Një 63 vjeçar shqiptar ka humbur jetën mbrëmjen e së enjtes si pasojë e një aksidenti rrugor të ndodhur në Itali.

Mediat amerikane bëjnë me dije se ngjarja ka ndodhur në rimini ku shqiptari Halim Sulejmani është përplasur nga makina teksa ishte duke ecur buzë rrugës.

Mediat italiane raportojnë se aksidenti ka ndodhur në  rrugën Emilia, afër Pesaresi.  Nga një hetim i parë i bërë nga policia, shoferi i Mercedesit, nga Rimini, nuk e vuri re personin që po shëtiste në anë të rrugës dhe e goditi per vdekje.

Shoferi dëgjoi atë zhurmë të tmerrshme, dhe menjëherë kuptoi se ai kishte goditur ‘diçka’. Ai shpresonte të kishte perplasur një kafshë, por për fat të keq jo.

Si pasojë e përplasjes 63 vjeçari shqiptar ka ndërruar jetë menjëherë në vendin e ngjarjes.

Vrioni.jpg
Vladimir Prenga10:46 | 16/01/2020

Marash Kumbulla u tentua në verë të merrej nga Juventusi, që e donte qendërmbrojtësin për ekipin e dytë që garon në Serie C. Shtatlarti shqiptar zgjodhi të qëndronte te Hellas Verona dhe vendimi i tij rezultoi i duhuri, pasi me gjysmë sezoni në Serie A është drejt transferimit tek Interi për shumën e 20 milionë eurove.

Juventusi tanimë synon një tjetër shqiptar dhe në Itali raportohet se javën e ardhshme do të bashkohet me ekipin e dytë të bardhezinjve, sulmuesi Giacomo Vrioni. Djaloshi nga Sukthi, i cili është pjesë e Cittadella, do të nisë një eksperiencë të re.

Ky sezon nuk ka qenë i mirë për të, për shkak të dëmtimeve. Kartoni i Vrionit zotërohet nga Sampdoria, që në këmbim do të marrë tre lojtarë të moshave bardhezi: Gerbi, Stoppa e Francofonte. Të tre këta lojtarë do huazohen në Genoa. /abcnews.al

samba-333-kg-kokaine.jpg
nev ila23:25 | 13/01/2020

Policia italiane në Xhenova dhe personeli i Agjencisë së doganave sekuestruan 333 kilogramë kokainë të pastër e cila vinte nga Brazili. Droga mbërriti në Specia të Italisë e fshehur në disa shufra graniti të transportuara në një kontenier deri në port.

 

Operacioni me emrin “Samba 2020”, erdhi pas kontrolleve të shumta që Guardia di Finanza në Specia ushtronte ndaj kontenierëve që vinin nga brazili, duke konstatuar një numër të madh shufrash graniti.

Mes shufrave ishte krijuar një hapësirë ku u gjetën 300 pako me drogë për nëj total prej 333 kilogram kokaine të pastër me një vlerë prej 100 milion eurosh. Policia italiane arrestoi katër persona të cilët kishin rolin e menaxherëve:

(JMJ, me kombësi kroate, B. A , Shqiptar, PBL, Brazilian dhe CG, Italian) ndërsa përpiqeshin të transportonin drogën. /abcnews.al

rinas-1.jpg
ger ta09:30 | 13/01/2020

Dy fluturime të Alitalias do të anulohen më 14 janar.  Lajmi është bërë me dije nga Autoriteti i Aviacionit Civil, i cili njofton se shkak është greva e lajmëruar e kontrollorëve të trafikut ajror.

AAC sqaron se të gjithë udhëtarët që do të fluturojnë drejt Italisë atë ditë, para nisjes në aeroport, këshillohen të informohen pranë kompanisë për statusin e fluturimit të tyre.

Autoriteti i Aviacionit Civil njofton të gjithë pasagjerët që do të udhëtojnë drejt Italisë se për shkak të një greve të lajmëruar të kontrollorëve të trafikut ajror në datë 14/01/2020, ora 13:00 me 17:00, do të anulohen fluturimet e Alitalias si më poshtë:

AZ 584 ROME-TIRANE 13:30

AZ 583 TIRANE-ROME 15:45

Të gjithë pasagjerët që do të fluturojnë drejt Italisë atë ditë, para nisjes në aeroport, këshillohen të informohen pranë kompanisë për statusin e fluturimit të tyre”, thuhet në njoftimin e Autoritetit të Aviacionit Civil”, thuhet në njoftim.

rinas.jpg
ger ta11:49 | 12/01/2020

Dy fluturime të Alitalias do të anulohen më 14 janar. Lajmi bëhet i ditur nga Autoriteti i Aviacionit Civil, i cili njofton se shkak  ëhstë bërë është greva e lajmëruar e kontrollorëve të trafikut ajror.

Njoftim i plotë:

Autoriteti i Aviacionit Civil njofton të gjithë pasagjerët që do të udhëtojnë drejt Italisë se për shkak të një greve të lajmëruar të kontrollorëve të trafikut ajror në datë 14/01/2020, ora 13:00 me 17:00, do të anullohen fluturimet e Alitalias si më poshtë:

AZ 584 ROME-TIRANE 13:30

AZ 583 TIRANE-ROME 15:45

Të gjithë pasagjerët që do të fluturojnë drejt Italisë atë ditë, para nisjes në aeroport, këshillohen të informohen pranë kompanisë për statusin e fluturimit të tyre.

Memushaj-1.jpg
Igli Nikolli09:33 | 12/01/2020

Ledian Memushaj ka një eksperiencë të madhe në futbollin italian dhe mbetet një mesfushor i kërkuar në merkato. 32-vjeçari i Pescarës pati disa probleme me trajnerin Zauri, por palët janë sqaruar dhe gjithçka është lënë pas krahëve.

Gjithsesi, interesimi për vlonjatin e kombëtares kuqezi nuk mungon. Në fillim ishte Perugia që tentoi të përfitonte nga problemet e lojtarit me “Delfinët”, ndërsa në garë për shërbimet e 33-vjeçarit është futur edhe Cremonese, që ka rikthyer në stol Massimo Rastellin.

Gazzetta dello Sport raporton se klubi i Serie B që renditet në vend të katërt nga fundi, po kërkon një mesfushor dhe në krye të dëshirave të trajnerit është Memushaj. Ky i fundit ka luajtur 19 ndeshje këtë sezon me Pescarën dhe ka shënuar dy gola. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono