Itali

morto-operaio-cementificio-altamura-720x449.jpg
nev ila22:34 | 13/09/2019

Një ngjarje e rëndë tragjike ka ndodhur këtë mëngjes në Altamura. Kreshnik Gockaj, 28 vjeç, ndërroi jetë duke punuar në ndërtim.

28 vjecari gjeti vdekjen pas një aksidenti ndërsa ishte duke punuar në një kompani betoni në Altamura, në provincën e Barit.

Mësohet se shqiptari është rrëzuar dhe është shtypur nga një makinë që thyente gurët.

Megjithë ndërhyrjen e policisë ka qenë e pamundur shpëtimi i jetës së punëtorit.

Autoritetet italiane janë duke punuar për zbardhjen e plotë të shkaqeve të këtij aksidenti tragjik./abcnews.al

a6069a1d67f6da72d022ff6a8ba5ad4d.jpg
ent ela22:30 | 10/09/2019

Qeveria e Xhuzepe Konte në Itali është gati të rifillojë nga puna, këtë herë me koalicionin e ri mes Lëvizjes 5 Yjet dhe Partisë Demokratike. Të martën, qeveria “Konte 2” kaloi me sukses pengesën e fundit, që ishte votëbesimi në Senat, ku mori mbështetjen e senatorëve të përjetshëm.

Ka kaluar me 169 vota pro votëbesimi në Senat për qeverinë “Konte 2”. Kuota e arritur ka qenë dy vota më pak se ajo e regjistruar në votëbesimin e “Konte 1”, por 9 vota më lartë se kuorumi i nevojshëm prej 160 votash pro. Sipas “Corriere della Sera”, votëbesimi në Senat i qeverisë Konte ishte më pak i sigurt krahasuar me atë të së hënës në Dhomën e Deputetëve, por shumë senatorë të përjetshëm shprehën më herët gatishmërinë e tyre për të vënë në punë qeverinë. Gjatë seancës, përpara se të arrihej tek votimi përfundimtar, ajo që ra në sy ishte dueli mes kreut të Ligës së Veriut, Mateo Salvinit dhe kryeministrit Xhuzepe Konte. Salvini filloi i pari duke e quajtur kryeministrin një tradhtar që ka bërë gjithçka për hir të një kolltuku, “tek i cili je ngjitur si një mumje”, i tha ai. Gjithashtu, kreu i ekstremistëve e etiketoi kreun e qeverisë si njeriun e kancelares gjermane Angela Merkel, e cila sipas tij i do të keqen Italisë. “Por mos u shqetësoni, nuk mund të shpëtoni përgjithmonë. Ne do të rikthehemi në pushtet dhe do ta bëjmë këtë për hir të dashurisë që kemi për Italinë dhe jo për kolltuqet qeveritare”, tha më tej Salvini. Nga ana e tij, Konte u shpreh i keqardhur që “miqtë me të cilët qeveriste deri dje sot nuk janë kthyer në kundërshtarë, por në armiq”. Ai akuzoi Salvinin se vetëm për të patur pushtet absolut krijoi një krizë qeveritare pa marrë parasysh pasojat. “Bëre gjithçka vetë, në mënyrë të njëanshme ndërpreve punën e ekzekutivit dhe u përpoqe të çoje vendin në zgjedhje të parakohshme, nisur nga dëshira për të patur gjithçka në dorë”, i tha Konte Salvinit. Më tej gjatë fjalimit të tij, Konte iu referua programit qeverisës. Ai e vuri theksin tek manovrat për të shmangur rritjen e taksave dhe tek çështja e emigracionit, duke u bërë thirrje të gjithëve që të çlirohen nga obsesioni i parullës “porte të hapura, porte të mbyllura”. /ABC News Albania 24/7

CONTE-PROGRAMI-MBULIM.mpg_snapshot_00.02-1280x720.jpg
ent ela18:40 | 09/09/2019

Në përpjekje për të siguruar votëbesimin për kabinetin e tij të dyte, kryeministri i Italisë, Xhuzepe Konte ka paraqitur në Parlament programin e qeverisë së re, që ka bërë bashkë Lëvizjen 5 Yjet dhe Partinë Demokratike. Në qendër të programit jane ligji për bilancin dhe politikat për emigracionin, politikat për ambjentin, të drejtat e njeriut dhe reformat.

Gjithashtu, Konte nuk ka fshehur interesin për një marrëdhënie më të fortë të Italisë me Europën, duke shprehur shpresën për hapjen e një kapitulli të ri.

“Sfidat që na presin janë të shumta, duke nisur nga bilanci financiar që duhet ta fusë vendin në shinat e një perspektive solide zhvillimi”, ka thënë Konte gjate debatit në Parlament.

Kryeministri Italian është shprehur i vetëdijshëm se manovrat në këtë drejtim do të jenë të vështira, por ka shtuar se nuk do të jenë të pamundura.

Një tjetër pikë e prekur prej tij ka qenë shmangia e rritjes automatike të TVSH-së, për t’iu dhënë lehtësi bizneseve dhe qytetarëve. Shkollat dhe universitetet do të jenë një tjetër prioritet për qeverinë Konte, sipas të cilit këto institucione kanë nevojë për rritjen e cilësisë.

Kryeministri ka garantuar se shkurtimi i numrit të ligjvënësve do të jetë gjithashtu pjesë e programit. Gjatë fjalimit të tij nuk kanë munguar kontestimet e deputetëve të Ligës së Veriut, tashmë në opozitë, që bërtisnin “duam zgjedhje”. /ABC News Albania 24/7

SPECIALE-QEVERIA-CONTE-2.mpg_snapshot_00.58-1280x720.jpg
ent ela11:00 | 07/09/2019

Nga Dorina Kurtaj- Qeveria e dytë e kryeministrit italian Xhuzepe Konte është betuar në Presidencë, duke synuar të cojnë deri në fund mandatin prej 3 vitesh e gjysmë. Në mbledhjen e parë të Këshillit të Ministrave u vendos që të jetë ish-kryeministri Xhentiloni, kandidat për komisioner në Bashkimin Europian.

Është krijuar qeveria Konte BIS, me kryeministrin dhe 21 ministrat e tij të cilët u betuan paraditen e së enjtes në presidencë para kreut të shtetit Matarela.

“Të fortë me një program që sheh drejt të ardhmes. Me këtë ekip dhe me energjitë më të mira do të bëjmë Italinë një vend më të mirë në interest ë të gjithë qytetarëve nga veriu në jug”. Kështu u shpreh një ditë para betimit kryeministri Xhuzepe Konte pasi kishte dorëzuar listën e ministrave të ekzekutivit të ri verdhekuq. Mënjëherë pas betimit në Presidencë, qeveria u transferua në kryeministri ku u zhvillua ceremonia e këmbanës, pra e marrjes së postit dhe më pas vijoi mbledhja e parë e Këshillit të Ministrave. Një nga vendimet e para të ekzekutivit të ri ishte kandidatura e ish-kryeministrit Paolo Xhentiloni për postin e komisionerit në Bashkimin Europian. Qeveria e re mëngjesin e të hënës duhet të marrë votëbesimin e parlamentit dhe të martën atë të senatit.

Një ndër të parët që uroi ekzekutivin e ri ishte ish presidenti i Komisionit Europian Zhan Klod Junker. Ai u shpreh i bindur se me këtë qeveri Italia do të jetë në lartësinë e duhur të përgjegjësive të saj si një nga vendet anëtare themeluese të Bashkimit Europian.

Por ka pasur dhe nga ata që nuk e kanë pritur mirë këtë ditë. Lideri i Legës Mateo Salvini, tashmë i konsideruar në opozitë, postoi në profilin e tij Tuiter një fotografi të një kryqi të madh. Më poshtë ai shkruante se ai kryq mbron Italinë, vlerën, kulturën, identitetin dhe lirinë e saj. Ai e cilësoi qeverinë e re si një të “porsalindur” të Brukselit.

Për shkak se kjo është qeveria e dytë radhazi e Kryeministrit Konte, nuk ka mundur të kryhet rituali i kalimit të këmbanës. Tradicionalisht këmbana i kalohet kryeministrit të ri nga kryeministri në largim. Por në këtë rast Xhuzepe Konte mbante të dy postet.

Ndërkohë zv/presidenti i Komisionit Europian Frans Timermans në urimin e tij e cilësoi qeverinë e dytë të Kontes si një gjë të mirë për Europën. Ai u shpreh i bindur se qeveria e re italiane është pozicionuar shumë qartë në linjat pro europiane për të gjetur zgjidhje të përbashkëta me pjesën tjetër të Bashkimit Europian. Por laburisti holandez nuk pranoi të komentojë kandidaturën e Xhentilonit.

Salvini në reagimet e tij nuk ka kursyer kritikat dhe për ministrat duke e cilësuar ministrin e ri të ekonomisë si të bekuar nga Brukseli.

Avokatë dhe profesorë universitarë janë dy profesionet që kanë pjesa më e madhe e ekzekutivit të ri Italian: plot 7 anëtarë të kabinetit qeveritar Konte 2 në Itali. Ndërsa tek të tjerët bien në sy profesione si inxhinier, menaxher apo dhe sindikalist.

Katër nga qeveritarët e rinj të Italisë janë të padiplomuar, por me tipiku ndër ta është Luixhi Di Maio, kreu i Lëvizjes 5 Yje, aktualisht Ministër i Jashtëm i Italisë.  Sipas mediave italiane në CV-në e tij ai ka eksperienca si uebmaster, gazetar sportiv, asistent regjisor, kamarier dhe stjuart në stadiumin San Paolo.

Përveç kreut të lëvizjes 5 yje, tre ministrat e tjerë pa diplomë janë Vincenzo Spadafora, 44 vjeç, ministër i politikave rinore dhe sportit, 46 vjeçari Enco Amendola, ministër për çështjet europiane dhe siciliania Nuncia Katalfo, ministre e punës.

Di Maio është edhe ministri më i ri në moshë 33 vjeç, ndërsa më e moshuara është ministrja e brendshme Luçiana Lamorgeze, e cila mbush 66 vjeç pas disa ditësh. Femrat përbëjnë rreth 30% të kabinetit Konte 2.

10 ministri i kanë shkuar partisë Lëvizja 5 Yjet, 9 Partisë Demokratike dhe 1 partisë të Lirë dhe të Barabartë.

Për të patur një mazhorancë sa më të gjerë, koalicioni qeverisës ia besoi Ministrinë e Shëndetësisë partisë të Lirë dhe të Barabartë, e drejtuar nga ish-kreu i Senatit, Pietro Grasso.

Analistët në Itali shprehen skeptikë për sa i përket jetëgjatësisë së kësaj qeverie duke u marrë parasysh ajo që ndodhi mes Legës dhe lëvizjes me Pesë Yje.

Pikëpyetja për jetëgjatësinë është e përhershme që në momentin e parë të betimit të një qeverie e re. kjo duke u nisur dhe nga fakti se të dy partitë politike që do të qeverisin vendin, kanë gjetur një pjesë të mirë të identitetit të tyre politik gjatë fushatës elektorale. Për këtë arsye, ekziston frika se dëshira për të mbajtur distancat nga aleati në qeveri për të rifituar besimin e humbur në elektorat mund të shkaktojë surpriza të tjera jo të bukura. Por këtë herë kjo betejë politike është përfundimtare. Lideri i Legës Salvini, popullariteti i të cilit ka shënuar rënie kohët e fundit, do të përqendrojë të gjitha forcat e tij në një opozitë të fortë. Ndërsa lëvizja me pesë yje dhe Partia demokratike duhet të përballen me përçarjet e brendshme, ndërkohë që në sfond secili përgatit ofensivën për zgjedhjen e kreut të shtetit.

Mediat ndërkombëtare gjithashtu i kanë dhënë një pasqyrim të gjerë situatës politike në Itali. E përditshmja belge “Lë Suar” shkruan se uniteti i qeverisë së dytë të Kontes, është vetëm një fasadë, dhe pse thekson se ekzekutivi i ri është i ekuilibruar, por i brishtë. Më tej shkruhet se Konte është në dijeni se Bashkimi Europian do tregohet i butë kur të flitet për shpenzimet publike. Lë Suar shton se hapja e krizës nga ana e Salvinit ishte një vetëvrasje politike duke vendosur theksin nga ana tjetër se si koalicioni i ri mes Lëvizjes me pesë yje dhe partisë demokratike është shumë i brishtë.

Mediat britanike e konsiderojnë qeverinë italiane si vula për për fundin e periudhës së Salvinit. Sipas tyre qeveria e re italiane po përpiqet të mbyllë çdo gjë me të kaluarën dhe të lërë pas krahëve politikat e liderit legist Mateo Salvini.

Tajms shkruan se koalicioni i ri qeverisës në Itali ka zhvendosur vëmendjen nga çështja e emigrantëve. Ndërsa Guardian e cilëson ekzekutivin e ri si një ndarje përfundimtare nga periudha e Salvinit. Pasardhësja e tij në postin e ministres së jashtme konsiderohet ndër të tjera si një specialist e politikave për emigracionin.

Zhvillimet e fundit politike në disa vende të Europës, shihen nga analistët si një lëvizje e bindur për ti dhënë fund populizimit Brenda Bashkimit Europian.

Tre ngjarje gjatë kësaj jave, japin arsye për të patur shpresë. Së pari, të dielën në Gjermani, partia ekstremiste e krahut të djathtë Alternative für Deutscheland (AfD) nuk arriti të zinte vendin e parë në zgjedhjet lokale në 2 lande, në të cilat kishte mundësinë të formonte qeverinë lokale, në Saksoni dhe Brandenburg.

Në të dyja landet, ka shumë qytetarët të pakënaqur, pasi ish-Gjermania Lindore është ende më e varfër se sa pjesa perëndimore e vendit, ndonëse kanë kaluar 30 vjet nga ribashkimi. Duke mos e përjetuar asnjëherë emigrimin nën sundimin komunist para vitit 1990, shumë njerëz në lindje të vendit, jetojnë nën panikun e përhershëm se mund të asfiksohen nga emigrantët, megjithëse në realitet ka shumë pak të tillë.

Kështu, ndër 16 landet e Gjarmanisë, Brandenburgu dhe Saksonia duhej të ishin fitoret më të lehta për AfD, por në fakt nuk rezultuan të tilla. AfD, u rendit e dyja në të dyja landet. Por në të dyja rajonet pati një pjesëmarrje jashtëzakonisht të lartë votuesish. Dhe kjo kryesisht për shkak të shkuarjes në kutitë e votimit të njerëzve që zakonisht janë indiferentë, por që këtë herë e  kuptuan se votat e tyre ishin të nevojshme, për të ndaluar ngjitjen në pushtet të ekstremistëve të AFD.

Së dyti, ta martën në Itali u kuptuar se Lega e ekstremit të djathtë, mbeti tërësisht e mënjanuar. Kur dikur quhej Lega Nord, ajo ishte një parti haptazi raciste, dhe donte të shkëputej nga Italia, për t’u larguar nga italianët “dembelë dhe të korruptuar të jugut”.

Lega po ecte mirë në sondazhe. Prandaj drejtuesi i saj, Mateo Salvini, e prishi koalicionin me shpresën se do të bëhej kryeministër, pas zgjedhjeve të reja të parakohshme. Në vend të kësaj, Lëvizja Pesë Yjet gjeti një partner të ri në koalicion, Partinë Demokratike të së majtës.

79.634 anëtarë të Lëvizjes Pesë Yjet, miratuan marrëveshjen me një votim në internet. Tashmë Legës mund t’i duhet të presë edhe 3 vjet e gjysmë, deri në zgjedhjet e reja parlamentare. Dhe ndoshta deri atëherë, mbështetja ndaj saj në sondazhe mund të bjerë.

Më pas vjen Britania e Madhe, ku më 3 shtator kryeministri i ri konservator Boris Xhonson u përball për herë të parë në parlament, dhe humbi në një votim të rëndësishëm, teksa 21 deputetë nga partia e tij votuan kundër tij.

Aktualisht, Xhonson po shtiret sikur po negocion me Bashkimin Evropian. Ndërsa në realitet, ai po planifikon të largojë vendin nga BE pa asnjë marrëveshje, gjë që do ta dëmtonte seriozisht ekonominë britanike. Nga ana tjetër, ajo do të garantonte të ardhmen politike, si njeriu që arriti të realizojë Brexit, edhe pse një Brexit shumë më në ekstrem, sesa mund të imagjinohej në referendumin e 2016-ës.

Një Brexit i tillë, do të krijonte mundësi të mëdha për “kapitalistët e katastrofës”, të cilët financuan lëvizjen Brexit, dhe që shpresojnë të ndajnë mes tyre burimet e një Anglie të paralizuar. Sigurisht, që kjo situatë u jep vendeve jo-angleze të Mbretërisë së Bashkuar, dhe veçanërisht Skocisë, një pretekst të përsosur për të mbajtur një referendum për pavarësi nga unioni.

Por e ardhmja politike e Borisit nuk është e qartë. Ai është aktualisht pretendent për të qenë kryeministri më jetëshkurtër në historinë britanike, pasi humbja e fundit në parlament dhe dezertimi i shumë deputetëve të moderuar konservatorë, nënkupton se duhet të ketë zgjedhje të reja, të cilat Xhonsoni mund t’i humbasë.

Këtë javë, nuk pati fitore epike, dhe as pika kthese vendimtare. “Virusi” i nacionalizmit, po infekton ende politikën e shumë vendeve evropiane. Madje edhe e ardhmja afatgjatë të Bashkimit Evropian, garantuesi i paqes në kontinent gjatë 60 viteve të fundit, nuk mund të merret më si e mirëqenë.

Por tanimë është e qartë se nacionalistët ekstremit të djathtë, mundet edhe të humbasin dhe jo vetëm të fitojnë. Kjo duhej të ishte e qartë edhe më parë. Por populistët dukeshin thuajse të pandalshëm kur ngritën krye në vitin 2016.  Brexit dhe Trump, pastaj Hungaria dhe Polonia, më vonë Italia dhe Gjermania. Lind pyetja:”Po tani kush e ka radhën?”.

Por tashmë joshja ndaj tyre është zbehur. Nacionalistët fitojnë diçka, por humbasin diçka tjetër. Dhe këtë javë pësuan 3 humbje të rënda. Padyshim që ata do të jenë rreth e rrotull edhe për një farë kohe. Por mund të jemi duke parë kulmin e valës së populizmit, që më pas do të pasohet nga rënia e tij. /ABC News Albania 24/7

shba.jpg
G. P.16:05 | 06/09/2019

Në botërorin e basketbollit që po zhvillohet në Japoni, Shtetet e Bashkuara të Amerikës mundën Japoninë me rezultatin 98-45. Në ndeshjet e tjera Turqia humbi ndaj Çekisë, Brazili fitoi kundër Malit të Zi ndërkohë që fitore arritën edhe Franca dhe Australia.

Në botërorin e basketbollit që po zhvillohet në Kinën e largët janë zhvilluar edhe takimet e treta për grupet E, F, G dhe H. Në grupin E nuk ka surpriza me Shtetet e Bashkuara të Amerikës që janë konfirmuar si dominues.

Fitorja e fundit u regjistrua ndaj Japonisë me rezultatin e thellë 98-45. Në duelin e zhvilluar në Shanghai amerikanët ishin superiorë dhe nuk e vendosën në dyshim fitoren.

Në ndeshjen tjetër në po këtë grup, Turqia mori një leksion të mirë ndaj Republikes Çeke. Edhe pse Turqit ishin ndër pretendetët për të fituar këtë botëror të magjishëm të basketbollit nuk ia dolën të mposhtin Çekinë, e cila i imponoi fitoren me rezultatin 91-76.

Në grupin F, Brazili nuk zhgënjeu ndaj Malit të Zi duke fituar me shifrat 84-73. Një ndeshje e lehtë për amerikano-latinet të cilët e interpretuan më mirë këtë takim. Në sfidën tjetër, Greqia fitoi me shumë vështirësi ndaj Zelandës së Re. Ballkanasit realizuan 103 pikë kundrejt 97 të Zelandës, e cila dha gjithçka deri në vërshëllimen e fundit.

Në grupin G, Franca përmbushi pritshmëritë duke fituar ndaj Republikës Domenikane me rezultatin 90-56. Një paraqitje e magjishme nga francezët të cilët janë udhëheqësit e grupit. Fitore e lehtë edhe për Gjermaninë përballë Jordanisë.

Me grupin H, Australia rikonfirmohet sërish si skuadra më me tepër potencial. Australianët fituan kësaj radhe ndaj Lituanisë me një diferencë prej vetëm 5 pikësh. Në takimin tjetër, Kanadaja fitoi bindshëm ndaj Senegalit me rezultatin 85-60./ABC News Albania 24/7

CONTE.jpg
ent ela09:35 | 06/09/2019

Para njё viti e gjysmё ai ishte njё profesor i panjohur juridiku. Tani ai ёshtё kthyer nё njё yll tё politikёs: Karriera e habitshme e Giuseppe Contes – bindёse, por pa bindje?

Nё samitin e G7 nё fund tё Gushtit nё Biarritz profesori nё fushёn e drejtёsisё Giuseppe Conte mendonte, se karriera e tij politike e nisur 15 muaj mё parё do tё mbyllej me kaq. “Unё nuk do tё vij sёrish” pёrgjigjej si nёn zё Conte ndaj pyetjes pёrkatёse. Nё Romё gёlonte kriza qeveritare ato ditё. Lёvizja “Pesё yjet”, me tё cilёn ёshtё i afёrt Conte, pa qenё anёtar i saj, përpiqej me socialdemokratёt tё krijonte njё koalicion qeverisёs. Giuseppe Conte telefononte herё pas here me kryetarin e partisё socialdemokrate, Zingaretti dhe e bindte atё, se duhej ta provonte me atё si kryeministёr.

Avokati tё tёrheq vёmendjen me mёnyrёn e tij tё qetё dhe me argumenta parimorё. Edhe me presidentin italian, Sergio Mattarella ai ka njё fill tё mirё komunikimi. Italianёt e duan 55 vjeҁarin me origjinё nga Pulja, i cili hyri tёrthorazi nё politikё. SIpas sondazheve, Conte gёzon njё reputacion me 58 pёrqind duke u renditur nё sondazhe i dyti pas Mattarellas si politikani mё i preferuar. “Avokati i popullit” krahasuar me figurat kryesore tё populistёve si Matteo Salvini (Lega) dhe Luigi Di Maio (Pesё Yjet) duket i arsyeshёm, i qetё dhe i pjekur, mendojnё komentatorёt nё Itali. Qё nga Qershori 2018 Conte ka qenё fytyra e qeverisё populiste, ku ai mё shumё ishte noteri i qeverisё, e jo “presidenti i kёshillit tё ministrave”, qё pjesёrisht ndёrmerrte nisma mjaft tё diskutueshme politike nga tё dyja partitё.

Unё nuk jam marionetё”

Atё e pёrqeshnin si “zёvendёs” tё zёvendёsave tё tij, Salvini dhe Di Maio. Por nё Parlamentin Europian nё Shkurt Giuseppe Conte u mbrojt: “Unё nuk jam marionetё. Unё pёrfaqёsoj popullin tim “, kёshtu iu kundёrvu ai kritikёve nё Strasburg.

Giuseppe Conte u emancipua vetёm pasi qeveria e tij e parё kishte dёshtuar. Nё njё fjalim qё mbajti duke deklaruar dorёheqjen ai kritikoi ashpёr ministrin e Brendshёm, Matteo Salvini, qё ishte ulur pranё tij duke e akuzuar atё pёr “obsesion nё politikёn e migracionit”. Ai e akuzoi Salvinin si tё papёrgjegjshёm, sepse Italia e dobёsuar ekonomikisht ka nevojё pёr njё qeveri solide pёr ta ndryshuar kёtё situatё – duke u zgjuar kёsisoj disi me vonesё. E sikurse shkruan gazeta “Corriere della Sera” pas kёsaj ndodhi mrekullia. Praktikisht avokati i urtё, Conte brenda pak ditёsh krijoi njё raport me kryetarin e socialdemokratёve, Nicola Zingaretti, duke e bindur atё pёr njё koalicion me lёvizjen Pesё Yjet. Tё dy zhvilluan formulёn, qё Conte pёrmbledhtas e shpjegon: “Unё do tё garantoj, qё Pesё Yjet dhe socialdmeokratёt nuk janё vetёm njё shumё e pjesёve tё tyre, por njё lidhje, njё sintezё, njё koalicion i vёrtetё.”

Kthesё e lehtё

Pa ngurruar, papritur Conte nga njё politikё mё shumё radikale e djathtё kaloi nё kahun e aleancёs sё majtё. Themeluesi i Pesё Yjeve, humoristi Beppe Grillo, i dha bekimin kёsaj nisme tё re nё njё blogg tё tij. Koalicioni i ri do tё jetё “njё qeveri pa politikanё”, shkruan Beppe Grillo.

Avokati Conte e interpreton kёtё ironi tё Grillos, se kёshtu vetёm ai, “Jo politikani”, do tё bёhet garanci pёr njё fazё tё re nё politikёn italiane. Qysh nё muajt e fundit, euroskeptiku Conte i tёrhoqi deklaratat e tij tё mёparshme. Nё bisedat me Komisionin e BE-sё, kancelaren Merkel dhe presidentin Macron, Conte ia doli qё tё pengojё procesin e deficitit kundёr Italisё me borxhe tё mёdha. Ai deklaroi, se “projekti mё i rёndёsishёm i qeverisё sё ardhёshme do tё jetё buxheti i vitit 2020″, qё do ta kthejё Italinё nё shtegun e rritjes ekonomike, do tё hapё vende pune e do tё sjellё investime.”

Sa i pёrket politikёs sё jashtme mbetet i paqartё drejtimi qё do tё ndjekё qeveria “Conte II”, sidoqoftё ai do tё jetё fleksibёl./DW

armenia-dhe-italia.jpg
G. P.22:40 | 05/09/2019

Kombëtarja e Italisë mundi me përmbysje 3-1 Armeninë në sfidën e vlefshme për kualifikueset e Euro 2020. Dy golat e Belotit dhe një gol i Pelegrinit i dhanë tre pikët italianeve të cilët kryesojnë grupin J me pikë të plota.

Kombëtarja e Italisë arriti një fitore drithëruese në transfertën armene në sfidën e vlefshme për kualifikueset e Euro 2020. Një duel i cili rezultoi më i vështirë nga çfarë ishte parashikuar për katër herë kampionët e botës.

Italianët fituan me rezultatin 3-1 dhe kryesojnë grupin J me pikë të plota. Të parët që kaluan në avantazh ishin armenët në minutën e 11 me një kundërsulm që zuri në befasi prapavijën italiane.

Gjithsesi të besuarit e trajnerit Roberto Mançini reaguan menjëherë dhe në minutën e 28 sulmuesi i cili aktivizohet me Torinon në Serine A, Andrea Beloti vendosi baraspeshën.

Për italianët sfida u bë më e lehtë pasi autori i golit të vetëm u ndëshkua me kartonin e dytë të verdhë. Miqtë fituan nga epërsia numerike në fushën e lojës madje realizuan dy gola të tjerë.

Fillimisht ishte futbollisti i Romës, Pelegrini i cili kaloi në avantazh italinë për shifrat 2-1. Për të mbyllur fatet e këtij takimi mendon sërish autori i golit të parë për italianët, Beloti i cili realizon me një të majte precize golin që vlen tre pikët. Një fitore tepër e rëndësishme për Italinë e cila ndeshjen e radhës do ta luajë në transfertë ndaj Finlandës./ABC News Albania 24/7

ITALI-MINISTRA-PA-DIPLOME.mpg_snapshot_00.14-1280x720.jpg
ent ela12:01 | 05/09/2019

Shumica e ministrave të qeverise së re italiane janë avokatë, apo me karrierë akademike. Por 4 ndër ta janë të padiplomuar. Përbërja e qeverisë ka moshe të re, mesatarisht 47 vjeç.

Avokatë dhe profesorë universitarë janë dy profesionet që kanë pjesa më e madhe, plot 7 anëtarë të kabinetit qeveritar Konte 2 në Itali. Ndërsa tek të tjerët bien në sy profesione si inxhinier, menaxher apo dhe sindikalist.

4 nga qeveritarët e rinj të Italisë janë të padiplomuar, por më tipiku ndër ta është Luixhi Di Maio kreu i Lëvizjes 5 Yjet, aktualisht minister i jashtëm i Italisë. Sipas  mediave vendase në CV e tij ai ka eksperienca si webmaster, gazetar sportiv, asistent regjisor, kamerier dhe stewart në stadiumin San Paolo.

Përveç kreut të Lëvizjes 5 yjet, tre ministrat e tjerë pa diploma janë Vincenzo Spadafora, 44 vjeç, ministër i politikave rinore dhe sportit,  46 vjeçari Enzo Amendola, ministër për çështjet europiane dhe siciliania Nunzia Catalfo, ministre e punës.

Di Maio është edhe ministri më i ri në moshë 33 vjeç, ndërsa më e vjetra është ministrja e brendshme Luciana Lamorgeze, që mbush 66 vjeç pas disa ditësh. Femrat përbejnë rreth 30% të kabinetit qeveritar Konte 2 në Itali.

10 ministri i kanë shkuar partisë Lëvizja 5 Yjet, 9 Partisë Demokratike dhe 1 partisë të Lirë dhe të Barabartë.

Për të patur një mazhorancë sa më të gjerë, koalicioni qeverisës ia besoi Ministrinë e Shëndetësisë partisë të Lirë dhe të Barabartë, e drejtuar nga ish-kreu i Senatit, Pietro Grasso. /ABC News Albania 24/7

 

 

gov.jpg
ent ela11:02 | 05/09/2019

Pas formimit të qeverisë së re, kryeministri i Italisë Xhuzepe Konte është betuar për besnikëri ndaj republikës dhe kushtetutës para kreut të shtetit Serxho Matarela, në presidencë. Pas Kontes, u betuan 21 ministrat e qeverisë së re. Anëtarët e ekzekutivit u zhvendosën më pas në kryeministri ku mbahet ceremonia e marrjes së posteve dhe më pas mbledhja e parë e këshillit të ministrave.

Detaji që ra në sy gjatë firmosjes së marrjes së postit, ishte fakti se që kryeministri Konte përdori stilolapsin e tij personal dhe ajo atë që ishte mbi tryezë. /abcnews.al

173c772c-8624-11e9-b861-54ee436f9768-1280x720.jpg
G. P.18:51 | 04/09/2019

Kryeministri i Italisë, Giuseppe Conte prezantoi të mërkurën anëtarët e kabinetit të ri qeverisës, të ndarë mes Lëvizjes 5 Yjet dhe Partisë Demokratike. Në kuadër të marrëveshjes, 10 ministri do të drejtohen nga partia anti-sistem dhe 9 nga demokratët. Ish-zëvendës kryeministri Luigi Di Maio do të mbajë postin e ministrit të Jashtëm.

Kryeministri i Italisë, Giuseppe Conte publikoi të mërkurën emrat e anëtarëve të ekzekutivit të ri, që pritet të përmirësojë marrëdhëniet me Bashkimin Europian dhe të ketë një qasje më të butë ndaj emigracionit.

Sipas raportimeve të mediave italiane, 10 ministri i kanë shkuar partisë anti-sistem Lëvizja 5 Yjet, 9 Partisë Demokratike dhe 1 partisë të Lirë dhe të Barabartë. Ministrat që do të mbajnë dikasteret në fjalë do të betohen të enjten paradite para presidentit Sergio Mattarella.

Posti kyç, ai i ministrit të Ekonomisë, do të mbahet nga demokrati Roberto Gualtieri, aktualisht kryetar i komisionit për çështjet ekonomike në Parlamentin Europian. Ndërsa kryetari i 5 Yjeve, Luigi Di Maio, që ekzekutivin e kaluar shërbeu si zëvendëskryeministër dhe ministër i Punës, do të drejtojë dikasterin e Punëve të Jashtme, pavarësisht mungesës së eksperiencës në diplomacinë ndërkombëtare.

Ndërkohë, Ministria e Brendshme, e drejtuar më parë nga kryetari i Ligës së Veriut Matteo Salvini, këtë herë do të drejtohet nga Luciana Lamorgeze, deri më sot një punonjëse karriere në sektorin civil dhe pa përkatësi politike.

Për të patur një mazhorancë sa më të gjerë, koalicioni qeverisës ia besoi Ministrinë e Shëndetësisë partisë të Lirë dhe të Barabartë, e drejtuar nga ish-kreu i Senatit, Pietro Grasso.

Pasi ministrat të betohen, kryeministrit Conte do t’i duhet të fitojë votëbesimin në të dyja dhomat e Parlamentit, përpara se qeveria të nisë zyrtarisht nga puna. Lëvizja 5 Yjet dhe demokratët publikuan të martën programin e përbashkët politik për formimin e qeverisë, duke vendosur në krye të axhendës një buxhet ekspansiv për vitin 2020, i cili do të përdoret për rritjen e ekonomisë në ngërç, pa cënuar financat për shpenzimet publike./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono