Islandë

kombetarja-shqiptare.jpg
G. P.13:08 | 11/09/2019

Fitorja ndaj Islandës ishte e rëndësishme për moralin, dhe për kualifikimin. Futbollistët e kombëtares analizuan ndeshjen dhe iu përgjigjën kritikave.

Kritika mund të ketë edhe pas fitoreve, por fituesit nuk gjykohen. Nuk mund të ndodhte kështu me lojtarët e kombëtares shqiptare, pas suksesit 4-2 ndaj Islandës, që u shfaqën të qetë e të kënaqur, në zonën e intervistave në “Elbasan Arena”. Cikalleshi vlerëson shumë tri pikët.

“Nëse nuk fitonim sot shanset tona do zbeheshin shumë. Franca dihet që shtë vendi i parë. Do jetë finale me Turqinë. Atje nuk duhet të humbim. Mendoj që kemi shanset tona për kualifikim”, tha Cikalleshi.

Odise Roshi bëri një gjest pas golit të shënuar, që dha epërsinë 3-2.

“E kisha për ata njerëz që shajnë kombëtaren dhe nuk e duan. Kombëtarja është një dhe duhet ta mbështesin në ditë të mira dhe të këqija. Tifozët profesionistë dhe këta që janë në stadium besoj se e kuptojnë dhe nuk besoj ta shajnë kombëtaren”, tha Roshi.

Ja edhe Keidi Bare, një nga lojtarët më të mirë në dy ndeshje.

“Ishim në një moment të vështirë dhe me këtë fitore na ngre moralin mua, gjithë ekipit dhe besoj se bëmë një hedhje të madhe dhe shpresoj të ecim me këto ritme”, tha Bare.

Ledian Memushaj u pyet se çfarë u tha nga presidenti e trajneri në dhomën e zhveshjes.

“Asgjë. Janë gjëra që duhet të rrinë brenda dhomave të zhveshjes. Vërtetë pësuam dy gola por besoj se kemi bërë një ndeshje të mirë”, tha Memushaj.

Për Berat Gjimshitin, suksesi nuk ishte thjesht për kualifikimin. Ja dhe një nga heronjtë e rinj, Klaus Gjasula, sot i lavdëruar.

“Futbolli është punë dite, një ditë është keq, një ditë ecën mirë. Një ditë të shajnë të gjithë, një ditë flasin gjithë mirë dhe të kanë qef. Prandaj duhet të besosh në veten tënde dhe të punosh”, tha Gjasula./ABC News Albania 24/7

islande.jpg
G. P.12:54 | 10/09/2019

Shqipëria do të luajë sonte në mbrëmje ndaj Islandës në duelin e vlefshëm për kualifikueset e Euro 2020. Trajneri Edi Reja do të bëjë disa ndryshime nga ndeshja e fundit me Francën.

Kombëtarja shqiptare sfidon Islandën në ndeshjen e radhës kualifikuese për Euro 2020. Kuqezinjtë nuk janë në momentin më të mirë për t’u përballur me islandezët, të cilët kanë grumbulluar 12 pikë po aq sa Franca dhe Turqia.

Fitorja do të rikthente qetësinë tek kuqezinjtë, të cilët janë kritikuar jo pak pas humbjes me Francën edhe pse ishte një disfatë e justifikueshme përballë kampionëve të botës.

Trajneri italian Edy Reja ka paralajmëruar disa ndryshime në organike për sfidën ndaj Islandës ndërkohë që skema taktike do të jetë 3-5-2. Në portë do të startojë Strakosha ndërkohë që në mbrojtje do të ulet në stol Mavraj dhe do të startojë nga minuta e parë Dermakun.

Në linjat anësore do të vendosen Hysaj dhe Lenjani, i cili do të zëvendësoje Roshin. Në mesin e fushës konfirmohet Keidi Bare, i cili do të luajë përkrah Gjasulës ndërkohë që ka balotazh mes Memushaj dhe Xhakës.

Sa i përket fazës sulmuese konfirmohet Sokol Cikalleshi, i cili do të luajë përkrah njërit mes Uzunit dhe Manaj. Tekniku italian është optimist për këtë duel madje zbuloi në konferencën për shtyp se do të kërkojë nga lojtarët një lojë sulmuese pasi skuadra nuk ka asgjë për të humbur.

Ndaj islandezëve nuk do të jetë aspak e lehtë pasi këta të fundit janë në garë për kualifikim dhe ndaj Shqipërisë do të luajnë vetëm për fitore. Shqipëria do të shfrytëzojë faktorin fushë dhe mbështetjen e tifozerisë që nuk ka munguar si brenda ashtu edhe në transfertë. Kuqezinjtë renditen në vendin e katërt në grupin H ne kuotën e 6 pikëve./ABC News Albania 24/7

masa-policia-e-elbasanit.jpg
G. P.12:25 | 10/09/2019

Në prag të duelit Shqipëri-Islandë, Policia e Elbasanit ka marrë një serë masash për mbarëvajtjen e takimit. Do të angazhohen gjithsej 215 forca të policisë së rendit, FNSHF-së, Shqiponjat dhe policisë kriminale.

Në prag të ndeshjes Shqipëri-Islandë e vlefshme për kualifikueset e Euro 2020, Policia e Elbasanit ka marrë një sërë masash për mbarëvajtjen e takimit. Do të angazhohen gjithsej 215 forca të policisë së rendit, Shqiponjat, FNSH dhe policia kriminale.

Drejtoria Vendore e Policisë Elbasan ka marrë një sërë masash organizative në drejtim të sigurimit të rendit dhe qetësisë publike, për mbarëvajtjen e ndeshjes ndërkombëtare të futbollit ndërmjet ekipeve përfaqësuese të Shqipërisë dhe Islandës, që do të zhvillohet më datë 10.09.2019, në orën 20:45, në stadiumin “Elbasan Arena”. Për mbarëvajtjen e kësaj ndeshjeje do të angazhohen 215 forca të Policisë së Rendit, Qarkullimit, Shqiponjat, FNSH-ja dhe Policia Kriminale.

“Do ketë bllokim të aksit në drejtim të stadiumit duke filluar nga ora 18:00 e datës 10.09.2019, deri në përfundim të aktivitetit sportiv, si dhe do mbyllen lokalet rreth stadiumit. Të gjithë tifozët do të kontrollohen në hyrje të stadiumit nga forcat e Policisë dhe nuk do të lejohet futja e sendeve të forta, shisheve me tapë, çelësave, monedhave apo metaleve (të çfarëdo lloji). Drejtoria Vendore e Policisë Elbasan i kërkon qytetarëve që të minimizojnë lëvizjen me automjete në akset që të çojnë drejt stadiumit, çka do të sillte një ndihmesë në mbarëvajtjen e këtij aktiviteti. Policia falënderon qytetarët për mirëkuptimin dhe mediat për bashkëpunimin”, është njoftimi i Policisë së Elbasanit./ABC News Albania 24/7

kombetarja-shqiptare-1280x720.jpg
nev ila11:12 | 31/08/2019

Trajneri i Kombëtares shqiptare, Edi Reja ka shpallur listën e të grumbulluarve për sfidat ndaj Islandës dhe Francës, të vlefshme për eleminatoret e “EURO 2020”.

Dy ndeshje shumë të rëndësishme për Kombëtaren tonë, e cila do tentojë të dalë me pikë nga këto sfida.

Në sy bie mungesa e sulmuesit Armando Sadiku, që është lënë jashtë nga trajneri italian. Rikthehet me kuqezinjtë Klaus Gjasula dhe të grumbulluar gjithashtu janë Kumbulla dhe Binaku.

Lista e të grumbulluarve:

Portierë: Thomas Strakosha, Etrit Berisha dhe Alban Hoxha

Mbrojtës: Hysaj, Dermaku, Mihaj, Ismajli, Gjimshiti, Kumbulla, Veseli, Mavraj

Mesfushorë: Ramadani, Lenjani, Xhaka, Bare, Abrashi, Memushaj, Gjasulën, Qose

Sulmuesë: Uzuni, Bekim Balaj, Sokol Cikalleshi, Odise Roshi, Rei Manaj.

Lojtarë të gatshëm: Balliu, Trashi, Sadiku, Kaçe, Seferi, Vrioni dhe Selahi./abcnews.al

 

islane-1280x728.jpg
Sej rie17:45 | 17/08/2019

Si pasojë e ndryshimeve klimatike një akullnajë në Islandë është zhdukur. Shkencëtarë të Shteteve të Bashkuara të Amerikës dhe Islandës organizuan një ceremoni funebër për të tërhequr vëmendjen e opinionit publik për këtë fenomen

Në Islandë është organizuar një ceremoni funebër pas zhdukjes së akullnajës së parë të vendit si pasojë e ndryshimeve klimatike si pasojë e aktiviteteve të njeriut. Ideja ishte e një grupi shkencëtarësh dhe ambientalistësh të Shteteve të Bashkuara të Amerikës dhe Islandës.

Pjesëmarrësit u ngjitën në një lartësi prej 1400 metrash që çojnë në majë të akullnajës dhe bënë homazhe duke vendosur një tabelë për të tërhequr vëmendjen e opinionit publik për rreziqet e ndryshimeve klimatike. Sipas shkencëtarëve parashikohet se në 200 vitet e ardhshme të gjitha akullnajat kryesore do të jenë zhdukur.

Akullnaja shtrihej për rreth 15 kilometra katrorë, ndërsa në vitin 2014 u reduktua për të paktën një kilometër katror, duke bërë që gjeologët ta konsiderojnë zyrtarisht si një akullnajë të vdekur.

Ekspertët shprehen se fakti që një akullnajë e vogël islandeze është zhdukur, nuk përbën ndonjë ndryshim të madh, por është një tregues I qartë për atë që po ndodh në të gjithë botën.

Diçka që do të ketë pasoja të mëdha në pjesën më të madhe të vendeve dhe personave. Në fakt gjeologët konfirmojnë se me dhjetëra akullnaja janë zhdukur në Islandë dekadat e fundit. Nëse parashikimet për rritjen e temperaturave me dy gradë për shekull do të ishin të sakta, pas 200 vitesh rreth 300 akullnaja ekzistuese në ishull do të zhduken./ABC News Albania 24/7

edi-reja.jpg
nev ila23:11 | 08/06/2019

Pas ndeshjes me Islandën, trajneri Italian Edi Reja u shfaq i shqetësuar për rastet e humbura dhe premtoi ndryshime për sfidën me Moldavinë.

Kombëtarja shqiptare zhgënjen serish. Pavarësisht atmosferës pozitive që u krijua në skuadër nga afrimi i trajnerit Edi Reja, kombëtarja pësoi disfatë minimale 1-0 në fushën e Islandës. Shqipëria luajti mirë me skemën e re por gabuan në pasimin final. Trajneri Italian nuk e shfaqi shqetësimin pas ndeshjes ndërkohë që përgëzoi dyshen e sulmit Balaj Cikalleshin. Kreu i bankinës së kuqezinjve premton ndryshime për sfidën ndaj Moldavisë.

“Me vjen keq pasi krijuam shumë raste në 20 minutat e para. Patëm një rënie të rendimentit fizik. Na u mohua një 11 metërsh i pastër. Krijuam lojë por nuk nuk shënuam. Ndryshimet që bëra në pjesën e dytë sollën më tepër shpejti në lojë por sërish nuk shfrytëzuam rastet e krijuara. Balaj dhe Cikalleshi janë dy lojtarë të fortë fizikisht dhe bëjnë pressing të mbrojtësit. Për sfidën e radhës do të mundohem të krijoj një grup që të jetë gati. Do të ketë ndryshime”, tha trajneri Italian Edi Reja”.

Te shqetësuar u shfaqën edhe futbollistët pas ndeshjes.

Kombëtarja do të luajë ndeshjen e radhës ndaj Moldavisë në Elbasan Arena duke filluar nga ora 20:45. 3 pikët janë synimi kryesor i kuqezinjve./ABC News Albania 24/7

880x495_333033.jpg
nev ila17:41 | 08/06/2019

Kryeministri Rama në një postim të tij në rrjetet sociale ka përgëzuar kombëtaren shqiptare për ndeshjen me Islandën ditën e sotme. Sipas Kryeministrit ndeshja u rishfaq ditën e sotme si një kohë e mirë pas një stine të mërzitshme e cila patjetër do të sjellë rezultate.

“Gjynah ai gol se ndeshja ishte barazim i pastër, po sidoqoftë përgëzime kuqezinjve për shpirtin luftarak të kohëve të mira, që u rishfaq sot pas një stine të mërzitshme pa lidhje! Sot pamë një skuadër që nisi një rrugë të re ku patjetër do vijnë dhe rezultatet”, shkruan Rama./abcnews.al

kombetarja-2.jpg
G. P.17:00 | 07/06/2019

Kombëtarja shqiptare vijon përgatitjet në Reikjavik në prag të duelit kualifikues të Euro 2020 ndaj Islandës. Trajneri Edi Reja pritet të aplikojë në fushë formacionin 3-5-2.

Kombëtarja shqiptare e futbollit vijon përgatitjet në Reikjavik në prag të duelit zyrtar ndaj Islandës. situata është e qetë në radhët e kuqezinjve dhe mjaft optimiste për transfertën e Islandës.

Problem i vetëm aktualisht janë temperaturat e ulëta. Trajneri Edi Reja ka vendosur që seancat stërvitore të zhvillohen në një orar të përafërt me atë të ndeshjes në mënyrë që lojtarë të përshtaten me kushtet atmosferike.

Trajneri italian nuk ka ndryshuar shumë gjëra në skuadër në krahasim me përgatitjet e zhvilluara në Shqipëri dhe Gjermani. Për sfidën ndaj Islandës trajneri Edi Reja pritet të hedhë në fushë formacionin 3-5-2.

Në portë do të pozicionohet Etrit Berisha në mungesë të Strakoshës. Në mbrojtjen me tre do të rreshtohen Dermaku, Ismajli dhe Veseli. Para repartit difensiv do të vendohet Migjen Basha.

Ndërkohë që reparti i mesit të fushës do të plotësohet në qendër nga Xhaka dhe Kaçe ndërkohë që në linjat anësore Hysaj dhe Aliji. Në repartin ofensiv pas shumë kohësh do të shohim dyshen shtatlartë Bekim Balaj dhe Sokol Cikalleshin.

Përballë mbrojtjes nordike duhen centimetra në  fazën ofensive dhe dy sulmuesit kuqezi do të përbëjnë kërcënim real për Islandën. Shqipëria renditet në vendin e tretë në grupin H në kuotën e 3 pikëve me një fitore ndaj Andorrës dhe një humbje në “Loro Boriçi” përballë Turqisë./ABC News Albania 24/7

kombetarja-1.jpg
G. P.12:30 | 04/06/2019

Trajneri i kombëtares, Edi Reja, po përcakton formacionin me të cilin do të luajë ndaj Islandës. Priten të papritura nga italiani, në mbrojtje dhe në sulm.

Në fushë, të jenë ata në formën më të mirë. Ky duket se është parimi i trajnerit të kombëtares, Edi Reja, i cili po kristalizon formacionin për ndeshjen eliminatore të Europianit në Islandë.

Italiani shihet me ide të qarta në seancat stërvitore në Frankfurt të Gjermanisë, ku ekipi përfaqësues po përgatitet dhe po aklimatizohet për sfidën ndaj veriorëve të Europës.

Mbrojtja mund të jetë me 3 lojtarë, ku Mavraj dihet se nuk do të jetë, pasi mbetet i pezulluar, dhe Gjimshiti i dëmtuar. Mendohet për treshen Dermaku-Ismajli-Veseli, ndonëse duhet parë sesa i mirë do të jetë harmonizimi mes tyre, me Ajetin e Mihajn si alternativa.

Në portë do të jetë Etrit Berisha, ndërsa Strakosha nuk është për shkak dëmtimi. Mesfusha pritet të ketë rol të madh, me Xhakën përpara mbrojtjes, si dhe Hysajn e Lenjanin si lojtarë krahu. Kandidat për anën e majtë është edhe Aliji.

Dy lojtarë të tjerë të mesfushës, Ndoji e Ramadani pritet të luajnë në qendër dhe të ndihmojnë edhe sulmin, por edhe manovrën mbrojtëse.

Në sulm, duket se mund të ketë të papritura, pasi Reja po mendon për Cikalleshin dhe Uzunin, që i duken më shumë në formë, veçse nuk përjashtohet aspak mundësia që të konsiderojë sulmuesit e quajtur titullarë deri tani, si Sadiku e Balaj./ABC News Albania 24/7

armand-duka.jpg
nev ila14:10 | 03/06/2019

Presidenti i Federatës Shqiptare të Futbollit, Armand Duka, ka besim se kombëtarja mund të marrë rezultat pozitiv në Islandë, për Evropianin, pavarësisht nga mungesat. Ai vlerësoi edhe Kukësin, për fitoren e trofeut të fundit të sezonit.

Në “Elbasan Arena”, këtë herë ishte për finalen e Kupës. Presidenti i Federatës Shqiptare të Futbollit, natyrshëm, u pyet për përballjen Kukësi-Tirana, përpara sesa të kalohej te kombëtarja.

Kjo është lojë dhe është objektive por megjithatë mendoj që ishin dy skuadrat më të mira. Në një finale kupe si sot nuk ishte cudi ta fitonte edhe Tirana sidomos pjesën e dytë Tirana luajti më mirë se Kukësi por gjithsesi Kukësi besoj e meritoi“, tha Duka.

Interesimi kryesor i tifozëve shqiptarë, sidoqoftë, është për ekipin përfaqësues, që luan në Islandë dhe më pas ndaj Moldavisë, në eliminatoret e Evropianit.

“Çdo ndeshje është e rëndësishme por ajo që synojmë është të jemi pjesë e garës deri në fund jo thjesht për të luajtur për një vend nderi por për tu kualifikuar merr rëndësi të vecantë. jemi me 3 pikë, do të konsideroja rezultat pozitiv, mjafton mos vijmë me o pikë nga Islanda. Cdo lloj rezultati tjetër barazim ose fitore do na mbante në lojë deri në fund sigurisht”, tha ai.

Rezultatet, gjithsesi, mund të rrezikohen nga problemet e fundit me dëmtimet.

Besoj që është përgatitur mirë, kemi disa futbollistë të dëmtuar që nuk do jenë pjesë e ekipit por që gjithsesi ato që janë në fushë do ti konsiderojmë më të mirët, duhet të tentojmë fitoren”, deklaroi Duka.

Kombëtarja është prej së dielës në Frankfurt të Gjermanisë, ku po përgatitet për ndeshjen në Islandë, që luhet në 8 qershor./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono