ish presidenti

NISHANI-INTERVISTE_ABC-1280x720.jpg
ent ela15:57 | 10/10/2019

Ish-Presidenti Bujar Nishani beson se përfshirja e Komisioni të Venecias në konfliktin mes maxhorancës dhe Presidencës ishte e gabuar. Në një intervistë për ABC News, Nishani thekson se synimi kryesor i maxhorancës është nënshtrimi i Institucionit të Presidencës. Ish-presidenti ka folur edhe për krizën politike duke sqaruar se të vetmit që mund të ulin përballë njëri-tjetrit Edi Ramën dhe Lulzim Bashën janë ndërkombëtarët.

Në pozitat e Presidentit të Republikës, Bujar Nishani e ka provuar disa herë përballjen dhe përplasjen politike me maxhorancën. Të nxitur politikisht e konsideron edhe inisiativën që socialistët kanë marrë për shkarkimin e Ilir Metës. Megjithatë nuk e fsheh keqardhjen për përfshirjen e Komisionit të Venecias në këtë përplasje që sipas ish-Presidentit synon vetëm nënshtrimin e institucionit të Presidendcës.

Në një intervistë për ABC Neës, ish-presidenti sqaron se kërkesën për të zgjidhur kushtetuetshmërinë e dekreteve të Ilir Metës në Venecia mund ta dërgonte vetëm Gjykata Kushtetuese.

Është i fundit President që mundi të ul në të njëjtën tryezë Edi Ramën dhe Lulzim Bashën. Por tani ka bindjen se asnjë faktor vendas nuk mund t’i vendosë aktorët politikë përballë,veç faktorit ndërkombëtar.

Në pozitat e Kryetarit të Këshillit Kombëtar të PD ka bindjen se demokratët nuk duhet të humbin asnjë kontribut, por sipas tij hapja e partisë duhet orientuar më shumë drejt intelektualëve të rinj.

Sipas ish-presidentit opozita përgjatë këtyre 6 viteve ka konsumuar shumë energji politike duke u marrë me skandalet e qeverisë, por pavarëisht kësaj janë gati për t’i ofruar shqiptarëve një alternativë të re. /ABC News Albania 24/7

PPP-1280x563.jpg
ad min23:00 | 17/06/2019

Ka ndërruar jetë papritur në sallën e gjyqit, ish-presidenti i Egjiptit Mohamed Morsi. Morsi, i cili po gjykohej për spiunazh, ishte presidenti i parë në vend, i zgjedhur në rrugë demokratike por u rrëzua nga pushteti një vit pasi mori detyrën.

Ish-presidenti i Egjiptit, Mohamed Morsi, që u rrëzua nga ushtria në vitin 2013, ka ndërruar jetë të hënën pasi ka humbur ndjenjat në sallën e gjyqit. Dikur një figurë e rëndësishme në lëvizjen islamike Vëllazëria Myslimane, Morsi ndodhej në gjykatë në kuadër të një procesi ku akuzohej për spiunazh. 67-vjeçari ishte rrëzuar nga pushteti pas protestave masive që shpërthyen një vit pasi mori detyrën, si lideri i parë i zgjedhur në mënyrë demokratike.

Që prej atëherë, ai ishte mbajtur në gjendje burgimi. Pas rrëzimit të tij, autoritetet egjiptiane nisën një ofensivë ndaj mbështetësve të tij në Vëllazërinë Myslimane dhe në pushtet erdhi gjenerali Al Sisi. Akuzat për spiunazh në dëm të ish-presidentit kanë të bëjnë me kontakte të ish-presidentit me grupin islamik palestinez të Hamasit. Djali i vogël i Morsit, Abdullah, ishte ankuar vazhdimisht për keqtrajtimin që sipas tij i bëhej të atit.

Ai tha për agjencinë e lajmeve “AFP” në tetor se babai i tij mbahej në regjim izolimi gjatë gjithë kohës dhe i mohoj trajtimi mjekësor për një seri problemesh shëndetësore, si tensioni i lartë dhe diabeti. Pesë muaj më parë, Abdullah Morsi paralajmëroi se autoritetet egjiptiane po e bënin këtë me qëllim, pasi dëshironin vdekjen e të atit nga shkaqe natyrale sa më shpejt të ishte e mundur./ABC News Albania 24/7

 

500.jpg
ad min18:15 | 05/06/2019

Ndahet nga jeta ish-presidenti i UEFA-s, Lenart Johanson. Suedezi i shquar do të mbahet mend si krijuesi i Ligës së Kampionëve në 1991.

Konkurrimi magjik ishte pikërisht ide e tij. Liga e Kampionëve, e nisur në 1991-1992, u krijua nga presidenti i famshëm i UEFA-s në atë kohë, Lenart Johanson, i cili sot u nda nga jeta. Suedezi i shquar vuante nga një sëmundje dhe u shua në moshën 89-vjeçare.

Johanson u zgjodh president I UEFA-s në vitin 1990 dhe ishte kreu më jetëgjatë i saj, duke mbajtur postin për 17 vjet, deri në 2007, kur u mund nga Mishel Platini në Kongresin e mbajtur në Dyseldorf të Gjermanisë.

Ai do të mbahet mend pikërisht për krijimin e Championsit, një garë që ndryshoi tërësisht futbollin europian të klubeve, duke u bërë kompeticioni më i madh dhe më i pasur në botë.

Në moshë të re, Johanson luajti sportin e quajtur Bandi, një lloj hokeji në akull, duke u aktivizuar në skuadrën e qytetit të tij të lindjes, AIK i Stokholmit. Më pas, ai kaloi tek futbolli ku u bë president i Federatës Suedeze për 7 vjet, deri në 1991.

Pasi u largua nga UEFA, ai shpall president nderi i saj nga Mishel Platini, ndërsa u bë edhe kryetar i një komitetit për ta bërë bandin sport olimpik. Në Suedi, që në vitin 2001, u krijua Kupa Lenard Johanson, që luhet për nder të tij./ABC News Albania 24/7

Luiz_Inácio_Lula_da_Silva-1280x1694.jpg
nev ila14:59 | 05/06/2019

Ish presidenti i Brazilit Da Silva, i cili aktualisht vuan dënimin me burg, pasi u shpall fajtor për korrupsion dhe pastrim parash, mund të përfitojë lirinë me kusht. Ka qenë prokuroria federale, ajo që ia ka kërkuar një gjë të tillë gjykatës së lartë në vend.

Prokuroria federale braziliane i ka dërguar një dokument gjykatës së lartë në vend në të cilin deklaron se ish presidenti Luiz Inacio Lula Da Silva, në burg që nga prilli i 2018-ës, ka kryer tashmë një pjesë të mjaftueshme të dënimit, dhe mund të përfitojë lirinë me kusht.

Lula u shpall fajtor dhe u dënua për korrupsion dhe riciklim parash. Gjykata e shkallës së parë e dënoi atë me 9 vjet e 6 muaj burg, që më pas u bënë 12 vjet dhe një muaj pas vendimit të gjykatës së apelit. Por në muajin prill të këtij viti dënimi iu reduktua në 8 vjet e 10 muaj.

Kërkesa e prokurorisë nuk është vendimtare për gjykatën e lartë, e cila duhet të marrë vendim për rastin e ish presidentit, por data nuk dihet ende. Ligji Brazilian vendos se një i dënuar duhet të ketë kryer të paktën një të gjashtën e dënimit në mënyrë që të mund të përfitojë lirinë me kusht. Por merren parasysh dhe faktorë të tjerë, si për shembull sjellja e të dënuarit./ABC News Albania 24/7

alan_garcia_crop1555504727402.jpg_1734428432.jpg
ent ela23:27 | 17/04/2019

Ish-presidenti i Perusë, Alan Garsia ka mbetur i vrarë pasi ka qëlluar veten në kokë, në përpjekje për t’i shpëtuar arrestimit nga policia. Fillimisht Garsia i ka mbijetuar tentativës së vetëvrasjes por ka ndërruar jetë më vonë në një spital të kryeqytetit Lima. Ish-kreu i shtetit akuzohej për marrje ryshfeti nga një kompani braziliane ndërtimi, akuzë kjo e mohuar vazhdimisht prej tij me argumentin se ishte viktimë e një persekutimi politik. Garsia shërbeu si president i vendit latin nga viti 1985 në 1990 dhe sërish nga viti 2006 deri në 2011. Ryshfeti thuhet se i është dhënë në mandatin e dytë. /abcnews.al

iliescu.jpg
ad min23:59 | 08/04/2019

Ish-presidenti i Rumanisë, Ion Iliesku është akuzuar për krime kundër njerëzimit në lidhje me trazirat e viteve ‘80, kur ra regjimi komunist. Prokurorët e ngritën akuzën pas një hetimi të gjatë mbi vrasjen e 860 personave.

Ish-presidenti i Rumanisë, Ion Iliesku është akuzuar për krime kundër njerëzimit, në lidhje me rolin e tij pas revoltës së dhunshme që çoi në rrëzimin e regjimit komunist në vitin 1989.

Iliesku dhe dy ish-zyrtarë të tjerë akuzohen se i dhanë jetë një fushate dezinformimi në shfaqjet e tyre televizive, duke rritur rrezikun për gjakderdhje. Dhe në fakt, pasi mori pushtetin, në Rumani u ekzekutuan 862 persona. Vetë ish-presidenti, aktualisht 89 vjeç, mohon gjithçka.

Ndërkohë, dy personat e tjerë të akuzuar bashkë me të janë ish-zëvendës kryeministri Voikan Voikulesku dhe ish-komandanti i forcave ajrore Iosif Rus. Akuzat ndaj tyre vijnë në përfundim të një hetimi të gjatë, por për momentin ende nuk është caktuar një datë për procesin gjyqësor.

“Është një moment i veçantë dhe i rëndësishëm në historinë e sistemit rumun të drejtësisë, që po shlyen detyrimin e nderit ndaj historisë”, ka deklaruar për gazetarët kryeprokurori Augustin Lazar.

Prokurorët pretendojnë se deklaratat televizive të ish-presidentit dhe bashkëpunëtorëve të tij rritën rrezikun për përshkallëzimin e akteve të dhunës. Gjithashtu, ato ndikuan në procesin qesharak që u mbyll me ekzekutimin e diktatorit komunist Nikolae Çaushesku./abcnews.al

Alfred-Moisiu-1280x715.jpg
ent ela21:10 | 05/04/2019

Ish-Presidenti Alfred Moisiu i ftuar në “Provokacija” është shprehur se Ilir Meta e ka detyrë kushtetuese që të marrë dhe të ulë palët në tavolinë. Sipas tij, kiza politike mund të zgjidhet nëse ka një dialog mes palëve, dhe ky duhet të ndodhë para zgjedhjeve të 30 Qershorit. Më tej vendimin për djegien e mandateve të opozitës ai e ka konsideruar vetëvrasje politike.

“Unë e kam kaluar këtë fazë në 2017 dhe gjykoj se i dhashë zgjidhje kësaj pune. Në atë kohë unë bëra detyrën time dhe në zgjidhje mori pjesë gjithë klasa politike, por u zgjidh. Unë them që nuk ka krizë që nuk ka zgjidhje. Kushtetuta e detyron Presidentin, dhe Presidenti është për të përfaqësuar unitetin e popullit. E ka detyrë kushtetuese Presidenti.

Tani unë dy herë i kam bërë thirrje presidentit dhe nuk prisja përgjigje direkte por prisja një përgjigjej indirekt që ai tu bënte ftesë palëve dhe jam kritikuar për këtë nga rrejte sociale. Unë e di situatën dhe i di edhe rrethanat. Unë them që një njeri që ka marrë përsipër një detyrë duhet të bëjë çmos për t’ia dalë mbanë. Ai ka vështirësitë e tij në këtë punë dhe unë e kam përshëndetur zgjedhjen e tij si president pikërisht sepse gjykoja se ai njeri ka një formim politik të hershëm të gjatë dhe të suksesshëm. Ka aftësinë për t’u marrë vesh me dy palët dhe mund ta arrinte këtë punë”.

Duke folur për djegien e mandatev të opozitës ai tha: 

“Por kjo është një vetëvrasje politike e asaj pjese politike që e ndërmori këtë punë. Por tani duhet sinqeritet dhe vullnet për ta zgjidhur. Tani kjo pjesë nuk mund të hyjë më në Parlament dhe kjo gjë dihet. Por zgjedhjet vendore janë një provë dhe duhet një dialog para zgjedhje vendore që të përgatitet dhe të marrë pjesë në zgjedhjet vendore dhe them se mund të ketë rezultat nëse duan sigurisht. Nëse nuk duan dhe duan destabilizim atëherë dalim tek një fjalë e vjetër që thotë “ujku do mjegull”.

Unë nuk them që mazhoranca nuk ka gabimet e saj, ka edhe ajo sa të duash por atë mazhorancën e ka zgjedhur ku popull me votë të konsiderueshme. Motivi që u gjet për të bërë këtë krizë është artificial se janë vjedhur votat. Pse i pranuan zgjedhjet atëherë. Sepse opozita ishte pejsë e qeverisje me 6 ministra. Aparatin e kontrollit e kishin. Tani unë nuk mund të them se u vollën dhe nuk u vollën dhe këtë e vendos gjykatë. Por tek ne gjithmonë janë vjedhur. Një huq i vjetër vështirë që të prishet”, tha Moisiu./abcnews.al

yy-1280x766.jpg
ent ela13:06 | 22/03/2019

Policia braziliane ka arrestuar ish-Presidentin e vendit Mishel Temer dhe ish-ministrin e Energjisë, të cilët akuzohen për korrupsion dhe pastrim parash. Ish-kreu i shtetit e ka cilësuar si veprim barbar arrestimin e tij duke mohuar akuzat.

Ish-Presidenti Brazilian Mishel Temer është arrestuar në San Paolo, pas akuzave për korrupsion. Ai do të transferohet në Rio De Zhanero ku do të paraqitet para gjykatësit. Arrestimi i Temer lidhet me hetimet që kanë të bëjnë me një skemë korrupsioni për ndërtimin e impiantit bërthamor Angra 3.

Hoze Sobrinho, ish-pronar i sipërmarrjes Engeviks, tashmë bashkëpunëtor i drejtësisë, u ka thënë hetuesve se për të përfituar tenderin për ndërtimin e impiantit ka paguar 300 mijë euro, që iu kërkuan nga një ish këshilltar i Presidentit dhe ish-ministri i Energjisë, dhe ai i arrestuar. Çdo gjë sipas tij është bërë me pëlqimin e kreut të shtetit.

Mediat braziliane raportojnë se janë tetë mandatet e arrestit që priten të ekzekutohen. Sipas Prokurorisë, ish-Presidenti Temer drejtonte një organizatë kriminale të përfshirë në korrupsion dhe pastrim parash.

Pasi u largua nga posti i kreut të shtetit, Temer u përball me akuza të ndryshme për korrupsion. Akuzat e Prokurorisë përshkruajnë një sistem të sofistikuar kriminal, i cili mund të ketë përfituar 470 milion dollar.  Temer nga ana e tij e ka cilësuar si një veprim barbar arrestimin e tij./abcnews.al

tadic-1280x701.jpg
ent ela22:21 | 12/03/2019

Boris Tadiç, ish-presidenti i Serbisë dhe lideri aktual i Partisë Socialdemokrate, deklaroi se nuk e mbështetur asnjëherë idenë për ndarjen e Kosovës, por ka folur për një ndarje mbi baza etnike. Sipas tij Kina dhe Rusia mbështesin Beogradin për interesat e tyre

Ish-presidenti serb, Boris Tadiç, ka vlerësuar se Marrëveshja për normalizimin e marrëdhënieve mes Kosovës e Serbisë, e firmosur më 2013 mes ish-kryeministrave, Hashim Thaçi dhe Ivica Daçiç, nuk po zbatohet, ndaj ka rekomanduar revidimin e saj. Mirëpo, kjo vështirë se mund të bëhet për shkak se, sipas tij, është skajshmërish e rrezikshme:

“Unë mendoj se duhet të hyhet në revidimin e Marrëveshjes së Brukselit dhe kujtoj se ky është një moment shumë, shumë i rëndësishëm, por kjo tani është një situatë skajshmërish e rrezikshme. Për shkak se çdo marrëveshje ndërkombëtare që firmoset, pa pasoja të caktuara për atë që e kërkon, është shumë vështirë të revidohet”, – ka deklaruar Boris Tadiç për Televizionin e Vojvodinës për të cilin thuhet se është nën kontrollin e regjimit të presidentit serb Aleksandër Vuçiç.

Ai ka thënë se edhe në Platformën më të re të Kosovës shikon, dorën e faktorit ndërkombëtar, gjë që nuk mund të thuhet për pozitën ndërkombëtare të palës serbe.

“Pozicioni serb në aspektin ndërkombëtar nuk është më mirë se çka qenë, sepse mbështetësit tanë në temën e Kosovës – Kina dhe Rusia – kanë pozicione të ndryshme: Kina ka qëndrimin e ‘Një Kine’ dhe ajo është mbështetëse e përjetshme e këtyre interesave të Serbisë që Lufton për mbrojtjen e integritetit të saj, ndërsa Rusia ka një qëndrim të dytësuar. Rusia në disa pozicione, sikurse është Krimeja, ka qëndrim që më shumë u konvenon shqiptarëve të cilët dëshiruan shkëputjen e Kosovës nga Serbia, kurse për çështjen e Çeçenisë e të republikave të Kaukazit, ka pozicionin e Serbisë”.

Boris Tadiç që nga viti 2004 në dy mandate ishte President i Serbisë, kurse sot është lider i një partie të vogël socialdemokrate, ka deklaruar se nuk ka qenë kurrë për konflikt të ngrirë, por për një zgjidhje kompromise e të drejtë, duke përfillur edhe interesat e palës shqiptare. Kjo, sipas tij, nënkupton jo pavarësinë e Kosovës, por që Serbia të ruaj sovranitetin mbi të dhe që Kosova të mos zë vend në Kombet e Bashkuara./abcnews.al

bujari.jpg
ent ela13:55 | 19/01/2019

Ish-Presidenti i Repulikës Bujar Nishani do të padisë për për shpifje kryeministrin Edi Rama. Ish-kreu i shtetit mori kete vendim pasi shefi i qeverisë deklaroi se vëllai i tij ktheu në lloto mensën në “Qytetin Studenti”.

Ish-Presidenti Nishani përmes një njoftimi për shtyp thotë se i vëllai as nuk ka tentuar e as nuk ka privatizuar kurrë ndonjë objekt në Qytetin Studenti, ndërkohë që sfidon kryeministrin Rama të provojë publikisht të kundërtën përmes dokumentave.

Pas të njëjtës akuzë, pak kohë më parë, ish Presidenti Nishani publikoi çertifikatat e pronësisë së pronarëve të ligjshëm, që sipas ish-kreut të shtetit nuk kanë asnjë lidhje me familjen apo të afërm të tij. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono