irritim

vlcsnap-error883-1-1280x720.jpg
ad min22:51 | 19/02/2018

Deklarata e kryeministrit Rama për një president të përbashkët të Kosovës dhe Shqipërisë ka acaruar Beogradin. Të trembur nga “makthi” i Shqipërisë së Madhe, ministrat serbë kanë propozuar shpalljen e tij “non grata”.

Nga kompromisi me shqiptarët e deri tek shpallja e kryeministrit, Edi Rama, persona non grata. Reagimet në daklaratën e Prishtinës të kryeministrit Rama kanë ardhur nga dy ministra me parti të vogla në qeverinë serbe. Nenad Popoviç, ministër pa portofol ka kërkuar që të dënohen deklaratat e Ramës dhe me notë proteste ambasadorit të shpallet i padëshiruar pasi në tokën serbe dëshiron Shqipërinë e Madhe. Ministri i Mbrojtjes, Aleksandër Vulin, ka thënë se Shqipëria e Madhe është kërcënim për Ballkanin, andaj duhet ndaluar.

Aleksandër Vulin, ministër i Mbrojtjes në Serbi: “Për këtë unë kam dhënë idenë time, për kufizim mes nesh dhe Shqipërisë së Madhe në Kosovë. Si t’ua sqarojmë serbëve që ata të mos kenë një president dhe një politikë të jashtme, pasi edhe në jetojmë në shtete të ndryshme”.

Dialogu i brendshëm për Kosovën ka vazhduar në Serbi dhe kjo temë u rikthye sërish. Zgjidhje e kompromisit është ideja e re. Presidenti, Alleksandar Vuçiç, dy ditët e fundit ka kërkuar kompromis disa herë për çështjen e Kosovës. Ajo se çfarë ka ndërmend Beogradi zyrtar është pyetja me pikëpyetjen kryesore.

Maja Bjelos, analiste: “Flitet më së shumti për Serbinë këtu, për një zgjidhje pa zgjidhje të qartë. Kur politikanët pyeten për zgjidhje shmanget përgjigja e qartë. Kosova dhe Serbia do të rikthehen në tavolinat e dialogut në Bruksel të hënën e ardhshme për një tentim të ri pas ndërprerjes”.

Vendi ku të gjithë e shohin zgjidhjen është megjithatë Brukseli, ku Kosova dhe Serbia do të kthehen javën e ardhshme.

Idro Seferi: “Serbia e ka parë si të mundshme përfshirjen e Shqipërisë disa herë në dialog me Kosovën, madje edhe si garantuese të zgjidhjes”.

Gazetar i ABC News: Idro Seferi, Beograd

merkel-1.jpg
ad min22:48 | 16/02/2018

Kancelarja Angela Merkel ka deklaruar se nuk mban mëri ndaj Britanisë për daljen nga BE-ja, por është kurioze të dijë se cilat janë synimet e saj në procesin e njohur si Brexit.

Kancelarja Angela Merkel ka deklaruar se nuk ndihet “e irrituar” nga procesi i daljes së Britanisë nga BE-ja, por është kurioze të dijë më shumë për synimet që ka Mbretëria e Bashkuar.
“Nuk ndihem aspak e irrituar. Më tepër jam kurioze të dij se si e përfytyron Britania partneritetin e ardhshëm, për të cilin natyrisht edhe ne kemi interesat tona”, ka thënë Merkel.
Deklaratën e saj Merkel e ka bërë pas një takimi me kryeministren Theresa May. Ajo ka thënë se shpreson të gjejë terren të përbashkët për planet e ardhshme tregtare dhe se dëshiron një partneritet të ngushtë mes të barabartëve.
Nga ana e saj, zonja May tha se dëshironte një partneritet tregtar “të fortë dhe ambicioz”, si dhe një marrëveshje të re për sigurinë me Bashkimin Europian. Por përpara kërkesave për më shumë detaje, kryeministrja britanike tha se nuk bëhet fjalë për “një rrugë me sens unik”. Takimi i së premtes mes dy lidereve në Berlin vjen në prag të fjalimit të së shtunës të zonjës May, ku pritet që ajo të prezantojë vizionin për partneritetin e sigurisë me partnerët europianë, në një konferencë që do të mbahet në Mynih./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono