irlande

52318606_303.jpg
R D23:47 | 10/02/2020

Ende nuk janë numëruar të gjitha votat, por sensacioni tashmë është i plotë: Sinn Fein – dikur krahu politik i organizatës terroriste IRA – i ka kaluar partitë tradicionale në zgjedhjet në Irlandë.

Numërimi i preferencave të para të votuesve ka nxjerrë që partia Sinn Fein, nën kryetaren e saj Mary Lou McDonald ka rezultate më të mira se çdo parti tjetër. Partia, e cila më parë konsiderohej krahu politik i organizatës ilegale IRA (Ushtria Republikane Irlandeze), nuk ka megjithatë gjasa të bëhet partia më e fortë në parlament. Ajo nuk paraqiti një numër të mjaftueshëm kandidatësh për këtë. Ajo u befasua vetë nga suksesi i saj. Me sistemin e komplikuar zgjedhor në Irlandë, çdo votues ka vetëm një votë, por mund të zgjedhë edhe preferenca të shumta, që llogariten njëra pas tjetrës. Sipas numërimeve deri tani, Sinn Fein ka arritur 24.5 përqind të votave. Partia e madhe opozitare e qendrës, Fianna Fail, ka fituar 22.2 përqind të votave, ndërsa partia liberale konservatore e kryeministrit Leo Varadkar, Fine Galaxy, ka fituar 20.9 përqind të votave.

Formimi i kabinetit në Dublin do të jetë i mundimshëm

Suksesi elektoral i Sinn Fein-it tashmë është krahasuar nga vëzhguesit me një uragan politik, që përfshiu Irlandën në fundjavë, i ngjashëm me uraganin e quajtur “Sabine” në Gjermani. Deri tani, që kur Irlanda u bë plotësisht e pavarur nga Britania e Madhe, politikat e vendit janë mbizotëruar nga Fine Gael dhe Fianna Fail. Tani po del në skenë një forcë e tretë serioze politike.

Formimi i qeverisë pritet të jetë i vështirë. Nëse, në kundërshtim me pritjet do të ndodhë një pjesëmarrje në qeveri e Sinn Fein-it, që më parë përçmohej, kërkesa për një referendum të afërt për ribashkimin irlandez në Dublin mund të bëhet linja zyrtare e qeverisë. Kjo do të ndikonte edhe në negociatat e Brukselit me Britaninë e Madhe për marrëdhëniet e ardhshme, pas përfundimit të periudhës së tranzicionit të Brexitit, në fund të vitit.

Dalja e Britanisë nga BE nuk luajti pothuajse asnjë rol në zgjedhje. Vetëm një përqind e votuesve thanë në një sondazh pas zgjedhjeve se Brexiti kishte qenë çështja më e rëndësishme. Për zgjedhësit më shumë të rëndësishme ishin çështjet e shëndetit, të strehimit dhe të pensioneve. /DW

GettyImages-1199324146.jpg
eri Ida08:15 | 10/02/2020

Në zgjedhjet e parakohshme parlamentare në Irlandë, të zhvilluar të dielën e 9 janarit tre parti politike zhvilluan një garë të barabartë për përbërjen e re të parlamentit me 160 vende.

Sipas sondazheve dalëse nga Ipsos MRBI, partia në pushtet Fine Guar ka fituar 22,4 për qind të votave, ndërsa Sinn Fein është renditur në vendin e dytë me 22,23 për qind të votave. Krah për krah me këto dy parti është partia Failnna Fail, e cila ka marrë 22,22 për qind të votave.

Ndër partitë që mund të luanjnë një rol të rëndësishëm në formimin e qeverisë së ardhshme janë të Gjelbrit që kanë marrë 7,9 për qind, Laburistët me 4,6 për qind dhe Social Demokratët me 3,4 për qind të votave.

Ndërkohë rezultati përfundimtar për zgjedhjet në Irlandë do të shpallen gjatë javës ku do të vendoset dhe qeveria e re./abcnews.al

2070.jpg
So Nila13:20 | 28/01/2020

Për votuesit e zgjedhjeve në Irlandë, kjo situatë i ngjan një komedie romantike të bërë keqazi, por Hollywood-i s’ka dorë këtu. Të paktën akoma.

Holly Cairns, një kandidate Social-Demokrate, garon kundër partnerit të saj, Christopher O’Sullivan, kandidat i Fianna Fail për të përfaqësuar zonën elektorale të Cork South-West.

“Shkojmë shumë me njëri-tjetrin, por për sa i përket politikës, jo dhe aq,” tha Cairns për gazetën irlandeze, Echo. “Të gjitha lejohen në luftë dhe dashuri. Jam gati.”

 

Cairns u zgjodh vjet si anëtare e këshilli  për Social Demokratët, një parti e vogël dhe e majtë. O’Sullivan fitoi gjithashtu për Fianna Fail, një parti e qendrës. Ai u bë kryetar i këshillit.

Edhe pse ishin të lidhur, partitë respektive i përzgjodhën për të garuar për të përfaqësuar Cork South-West.

“Edhe pse e dija që mund të garonim kundër njëri-tjetrit, tani që ndodhi më duket sikur jam në një komedi romantike të bërë keqazi,” tha Cairns për Echo.

O’Sullivan nuk ka pranuar të intervistohet. Cairns gjithashtu refuzoi të flasë për garën, por u fokusua tek reforma shëndetësore.

Kjo histori mund të përfundojë vërtet si një film. Zona elektorale ka nevojë për tre përfaqësues dhe mund të fitojnë të dy./abcnews.al

johnson-boris.jpg
nev ila18:35 | 01/10/2019

Kryeministri britanik Boris Xhonson ka dhënë garancinë e tij se kufiri i Britanisë së Madhe pasi ajo të dalë nga BE-ja do të jetë Irlanda. Xhonson nuk ka dhënë detaje se si planifikon ta realizojë këtë projekt, por ka shtuar se së shpejti do të publikojë disa propozime të reja.

Kryeministri britanik Boris Xhonson ka deklaruar se realiteti i Breksit është aty dhe do të duhet të shoqërohet me kontrolle doganore në ishullin e Irlandës pasi Mbretëria e Bashkuar të braktisë BE-në.

Por kryeministri hodhi poshtë zërat se do të jetë një kufi i fortë, në formën e një seri pikave doganore të vendosura çdo 5 ose 10 milje. Ai tha për BBC se, një vend i bashkuar dhe sovran duhet të ketë një doganë të vetme në territorin e tij.

Xhonson refuzoi të jepte detaje, por shtoi se propozime zyrtare do të bëhen së shpejti. Ndërkohë, duke folur në Dhomën e Përfaqësuesve, ministri për Breksit, Xhejms Dadrixh deklaroi se në ditët e ardhshme qeveria do të publikojë më shumë detaje për një alternativë ndaj kufirit irlandez, për t’ia paraqitur më pas BE-së.

Mbretëria e Bashkuar pritet të largohet nga Bashkimi Europian më 31 tetor. Kryeministri Xhonson ka deklaruar disa herë se do ta realizojë këtë projekt me apo pa një marrëveshje, pavarësisht se muajin e kaluar ligjvënësit miratuan një ligj që e detyron atë të kërkojë një shtyrje nga Unioni, nëse Parlamenti nuk ka votuar në favor të një akordi të ri eventual që kreu i qeverisë mund të arrijë me Brukselin.

Çështja e kufirit irlandez dhe mënyra se si të mbahet i lirë nga kontrollet fizike kur ai të bëhet kufiri mes Britanisë së Madhe dhe BE-së ka qenë një pikë kyçe e negociatave të Breksit.

Qeveria aktuale thotë se zgjidhja e arritur nga BE dhe ish-kryeministrja Theresa Mej është e papranueshme, ndaj dhe duhet gjendur një alternativë e re./ABC News Albania 24/7

eirdjon-gjidia.jpg
ad min10:05 | 29/07/2019

Autoritetet në Irlandë janë vënë në kërkim të një adoleshenti shqiptar, i cili është zhdukur që të premten. Policia shtetërore, ose siç njihet ndryshe Gardai”, ka kërkuar ndihmën e qytetarëve për të zbuluar se ku ndodhet 17-vjeçari Eirdjon Gjidia.

I riu është parë për herë të fundit duke ecur rreth orës 21:00 në Glendown Lawn të Templeogue. Eirdjoni është rreth 1.5 metra i gjatë, i dobët, me flokë të shkurtra ngjyrë kafe dhe me sy jeshilë. Herën e fundit që u pa, ai kishte veshur bluzë blu, xhinse blu dhe atlete./abcnews.al

zgjedhjet-irlande.jpg
nev ila14:16 | 25/05/2019

Edhe Irlanda shënon një kthesë të rëndësishme në zgjedhjet parlamentare europiane, me proeuropianët që kanë lënë pas nacionalistët. Sipas të dhënave të para, edhe të gjelbrit kanë shënuar një rezultat pozitiv.

Një rezultat pro bashkimit europian dhe në Irlandë. Sipas rezultateve të para për zgjehdjet parlamentare europiane, dy partitë historike të moderuara irlandeze, Finn Gael e kryeministrit të vendit- në linjë me partinë popullore europiane – dhe Fianna Fail – e lidhur me liberalët e Alde – kanë marrë të dyja 23 për qind të votave

Një rezuktat i mirë dhe për të gjelbërit, në mënyrë të vecantë në kryeqytetin Dublin, ku kanë marrë 23% të votave. Në nivel kombëtar Partia e Gjelbër, në krahasim me 1.6% të pesë viteve më parë, aktualisht ka marrë 9 për qind të mbështetjesm duke numëruar tre eurodeputetë nga 11 vende që ishin parashikuar. Rënie kanë pësuar nacionalistët e Sinn Fein, që kanë marrë 12 për qind, tre pikë më pak në krahasim me zgjehdjet e fundit./Abc News Albania 24/7

GAZETARJA-VRASJA.mpg_snapshot_00.02-1280x720.jpg
ent ela11:05 | 19/04/2019

Policia në Irlandën e Veriut po e trajton si akt terrorist, vrasjen e një gazetareje 29 vjeçare, gjatë trazirave të shpërthyera në një zonë ku policia po u shtronte kontrolle. Republikanët disidentë në zonë akuzohen si përgjegjës për ngjarjen.

Një gazetare 29 vjecare, Lira Mek ki, humbi jetën si pasojë e të shtënave me armë zjarri në Londonderi në Irlandën e Veriut. Reporterja e cila gjendej atje për të ndjekur trazirat, u qëllua me armë zjarri. Policia ka nisur hetimet dhe po e trajton ngjarjen si një akt terrorist. Sipas mediave vendase, gazetarja shkruamte për Atlantik dhe Bazfid.

Disidentët republikanë në Irlandën e Veriut akuzohen se kanë shkaktuar vdekjen e gazetares gjatë revoltës së shpërthyer si pasojë e kontrolleve të policisë në lagjet e Kregan dhe Deri. Manifestuesit kanë hedhur dhe Molotov në automjetet e policisë, sipas asaj që raporton BBC.

Sipas autoriteteve, hetuesit janë të bindur se rasti është një episode terrorist dhe hetimet janë për vrasje. Sipas disa burimeve në vendngjarje revolta shpërtheu pas disa operacioneve policore në disa banesa në zonë.

Një gazetare tjetër në vendngjarje, Leona O Neil, raportoi se 29 vjecarja u qëllua teksa ndodhej pranë një automjeti të policisë. Ajo u transportua menjëherë në spital nga agjentët e polocisë ku dhe humbi hetën. Ngjarja ndodhi në prag të fundjavës së pashkëve kur republikanët në Irlandën e Veriut përkujtojnë revoltën e pashkëve të vitit 1916. /abcnews.al

shqiptart.jpg
ad min11:39 | 04/02/2019

Shqiptarët që duan të shkojnë në Britaninë e Madhe po kthehen në një shqetësim për autoritetet në Spanjë dhe Irlandë. Të dielën janë shpërndarë në mediat irlandeze fotot se si shqiptarët fshihen në traget.

Sipas policisë kufitare në portin e Santanderit që në momentin që është hapur lidhja detare me Cork-un në Irlandë janë zbuluar mesatarisht çdo ditë 130 raste trafikimi ilegal në anije. Ndërkohë në gazetën The Sun në versionin Irlandez shkruhet se shumica e personave të kapur janë me origjinë shqiptare.

shqiptar5
shqiptar4
shqiptar3
shqiptar2
shqiptar1

Javën e kaluar Garda Civile në Spanjë gjeti katër shqiptarë të cilët kishin krijuar një hapësirë mes paletave. Sipas tyre, këto tragete shënjestrohen nga bandat që merren me trafikimin e qenieve njerëzore.

Qëllimi në vetvete është Britania e Madhe, por duke përdorur rrugët detare nga Spanja në Irlandë. Më tej, policia shprehet se shqiptarët synojnë të kontaktojnë agjencitë britanike sepse atje duan që të marrin azil./abcnews.al

shperthimi.jpg
ad min12:43 | 20/01/2019

Një autobombë ka shpërthyer përpara një gjykate në Irlandën e Veriut, duke shkaktuar dëme dhe panik tek qytetarët. Ndonëse ngurrues, hetuesit e policisë vendase e kanë klasifikuar ngjarjen si një paralajmërim.

Një bombë e vendosur në një makinë ka shpërthyer jashtë selisë së gjykatës në Londonderi të Irlandës së Veriut. Ngjarja ndodhi mbrëmjen e së shtunës, pak pasi policia kishte marrë një sinjalizim nga një telefonatë anonime. Në momentin e shpërthimit disa oficerë ndodheshin në vendin e ngjarjes, por për fat të mirë asnjë prej tyre nuk ka mbetur i lënduar.

Në kuadër të masave të marra, policia evakuoi një seri ndërtesash përreth dhe një kordon i forcave të sigurisë qëndroi në vendngjarje gjatë gjithë natës. Autoritetet lokale nuk kanë dhënë detaje mbi autorin e mundshëm të këtij akti, por kanë deklaruar për BBC se automjeti ishte vjedhur në një lokalitet tjetër. Për hetuesit, bëhet fjalë për një paralajmërim.

Klasa politike në Irlandën e Veriut, por edhe ajo në Londër e kanë dënuar ashpër shpërthimin. Krahas dënimit të këtij veprimi, ato kanë deklaruar njëzëri se qytetarët nuk do të tremben nga akte të tilla. Shpërthimi shkaktoi kryesisht panik dhe dëme materiale dhe bëri që përkohësisht të pezullohej qarkullimi i mjeteve dhe lëvizja e qytetarëve në zonën e ndodhur në rrugën Bishop./abcnews.al

bobii.png
ad min10:49 | 27/10/2018

Klubi irlandez i futbollit “Bohemian”, ka vendosur t’i bëjë homazh  mbretit të muzikës rege Bob Marli, duke vendosur portretin e tij në uniformat e tij. Të gjitha bluzat e vendosura në shitje u shitën brenda ditës.

Të jesh original dhe krijues tashmë është një tipar dallues për ekipet që pasurojnë uniformat e dyta dhe të treta me detaje shumë të veçanta. Bohemian, ekipi i futbollit që luan në Serinë A irlandeze, ka çmendur të gjithë tifozët e tij, duke bërë që bluzat e skuadrës të shiten menjëherë, të gjitha. Kjo sepse në pjesën e bardhë të fanelës, përveç tre ngjyrave jeshile, të verdhë dhe të kuqe, ndodhet dhe portretin e Bob Marley, në anën e djathtë. Një homazh mbretit të muzikës rege që në vitin 1980 mbajti një koncert në Delimaunt Park, stadiumin e Xhipsi.

Brenda një dite janë shitur të gjitha bluzat, të cilat u pritën shumë mirë nga tifozët. Klubi dhe sponsori teknik, të habitur nga ky sukses i papritur, po punojnë për të prodhuar më shumë fanella të tilla, që konsiderohen dhe një dhuratë ideale për krishtlindje./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono