Irak

irak.jpg
ger ta08:19 | 04/12/2019

Policia irakiene kanë arrestuar Abu Khaldoun të martën në provincën Kerkukk.

Abu Khaldoun, i njohur si zëvendësi i ish kreut të ISIS, Abu Bakr al Bagadi, ishte komandanti ushtarak i grupit terrorist për provincën Salah al-Din, sipas organit të komunikimit të Irakut Security Media Cell.

Ai u arrestua në qytetin Haëija dhe mbante një dokument identifikimi të rremë.

Sipas medive lokale, “policia, pasi mori informacione të sakta, arrestoi terroristin e njohur Abu Khaldoun në një apartament në zonën e Hawija të provincës së Kirkakut”, në veri të vendit

Në fund të muajit tetor, Presidenti Donald Trump konfirmoi vdekjen e liderit të ISIS, Abu Bakr al-Bagdadi gjatë një konference për shtyp në Shtëpinë e Bardhë.

Al-Bagdad kreu vetëvrasje duke shpërthyer vetë jelekun-bombë që mbante veshur për të mos rënë në duart e komandove të posaçëm amerikanë, ndërsa u vranë edhe tre fëmijët e tij dhe dy gra./abcnews.al

3D4D32CA-5A4B-4D36-A5DD-D35A686DF489_w1597_n_r1_st-1280x719.jpg
ent ela20:56 | 23/11/2019

Zëvendëspresidenti amerikan Mike Pence bëri një vizitë të panjoftuar për t’u takuar me trupat amerikane në Irak.

Pasi zbriti në bazën ajrore Al-Asad në Irakun perëndimor, Pence, i shoqëruar nga bashkëshortja Karen, u takua me anëtarët e shërbimit amerikan të cilët janë të stacionuar atje, vetëm disa ditë para festës së Falenderimeve në Shtetet e Bashkuara.

Pence u takua gjithashtu, presidentin e rajonit të Kurdistanit në Irak, Nechirvan Barzanî.

Takimi ishte një përpjekje e dukshme për të siguruar kurdët irakianë për mbështetjen e amerikane pasi vendimi i Presidentit Donald Trump për tërheqjen e trupave nga Siria veriore solli kritika se Uashingtoni kishte tradhtuar aleatët e tij kurdë atje.

Pence dhe bashkëshortja e tij darkuan me trupat amerikane, duke shijuar një vakt tradicional të ditës së Falënderimeve.

Zv/presidenti gjithashtu mori informacione të klasifikuar nga ushtria amerikane dhe foli përmes telefonit me kryeministrin e Irakut Adel Abdul Mahdi.

Vizita e zotit Pence vjen mes protestave të dhunshme antiqeveritare që shpërthyen në tetor. Të premten, tre njerëz u vranë dhe më shumë se 24 u plagosën ndërsa forcat irakiane të sigurisë u përleshën me protestuesit në Bagdadin qendror.

 

iraku.jpg
Autor E10:21 | 29/10/2019

Të paktën 18 të vdekur dhe 865 të plagosur është rezultati i të shtënave me breshëri nga persona të maskuar gjatë protestave në Karbala të Irakut.

Autoritetet dyshojnë se bilanci mund të jetë më tragjik pas të shtënave nga persona të paidentifikuar.

Irakianët kanë dalë në rrugë për të protestuar kundër qeverisë së kryeministrit Adel Abdul Mahdi dhe elitës politike që ata e konsiderojnë të korruptuar.

Numri i përgjithshëm i të vdekurve që nga fillimi i trazirave në 1 tetor është të paktën 250 njerëz.

Të hënën, Iraku vendosi gjendjen e shtetrrethimit pasi studentët e shkollave dhe të universiteteve u bashkuan në protestat antiqeveritare.

Iraku ishte dëshmitar i një fundjave të përgjakshme në të cilën të paktën 74 njerëz u vranë dhe më shumë se tre mijë u plagosën.

iraq-1.jpg
ad min18:02 | 26/10/2019

42 persona humbën jetën gjatë protestave të dhunshme në Irak ndërkohë që Ushtria e Irakut ka pranuar se ka përdorur “forcë të tepruar” ndaj protestuesve. Ushtria tha se ka nisur të kërkojë përgjegjësi nga të gjithë ata oficerë komandues “që kanë kryer këto akte të gabuara”.

Numri i viktimave në protestat në Irak ka arritur në 42. Protestat anti-qeveritare nisën më 25 tetor, pasi disa protesta të nisura më herët gjatë këtij muaji, ishin shtypur nga autoritetet, të cilët kishin përdorur dhunë ndaj protestuesve.

Protestuesit u mblodhën edhe të shtunën në Bagdad, në Sheshin Tahrir. Pothuajse 200 persona janë vrarë gjatë muajit të kaluar në protestat kundër korrupsionit, papunësisë dhe mungesës së shërbimeve publike.

Ushtria e Irakut ka pranuar se ka përdorur “forcë të tepruar” ndaj protestuesve dhe ka thënë se ka nisur të kërkojë përgjegjësi nga të gjithë ata oficerë komandues “që kanë kryer këto akte të gabuara”.

Vala e protestave, që janë më vdekjeprurëset që prej se grupi militant Shteti Islamik (IS) u mposht në Irak më 2017,  është parë si sfida e parë më e madhe për qeverinë e kryeministrit, Adil Abul-Mahdi, i cili erdhi në pushtet rreth një vit më parë./ABC News Albania

iraq.jpg
ad min12:42 | 02/10/2019

Më shumë se tre mijë persona janë mbledhur në sheshin AL Tahrir në kryeqytetin irakian për të protestuar kundër qeverisë dhe korrupsionit të politikanëve në vend, por dhe për nivelin e lartë të papunësisë.

Policia pasi u përpoq të shpërndante turmën qëlloi kundër manifestuesve duke vrarë tre persona dhe duke plagosur më shimë se 200  të tjerë. Gjatë protestave autoritetet ndërprenë për disa momente internetin.

Kryeministri i vendit Mahdi, kërkoi nisjen e menjëhershme të hetimeve për incidentet në protesta. Mes të plagosurve rreth 40 janë agjentë policie. Presidenti i vendit me anë të një mesazhi në Twitter u shpreh se qytetarët kanë të drejtë të protestojnë dhe se të rinjve irakianë u duhet plotësuar kërkesa për punësim./ABC News Albania 24/7

irak-1280x673.jpg
ad min18:00 | 26/05/2019

Një gjykatë në Irak ka dënuar me vdekje 3 shtetas francezë që ishin bashkuar me Shtetin Islamik. Bëhet fjalë për dënimin e parë kapital që jepet për luftëtarët e huaj.

Tre shtetas francezë janë dënuar me vdekje nga një gjykatë irakene pasi u shpallën fajtorë pse ishin anëtarësuar në radhët e Shtetit Islamik. Tre të pandehurit, të identifikuar si Kevin Gonot, Leonard Lopez dhe Salim Mashu kanë 30 ditë kohë për të apeluar vendimin. Ata ishin mes 12 shtetasve francezë të arrestuar në Siri nga luftëtarët e mbështetur nga Shtetet e Bashkuara dhe ishin transferuar në Irak për t’u gjykuar.

Të tre ata janë të parët militantë të ISIS nga Franca që dënohen me vdekje. Qeveria franceze nuk e ka komentuar ende vendimin e së dielës të gjykatës irakene, por i pyetur për çështjen në muajin shkurt, presidenti Emanuel Makron deklaroi se ishte një çështje e brendshme irakiene. Grupet e të drejtave të njeriut kanë kritikuar ashpër gjyqe të tilla, duke deklaruar se shpesh herë gjykatat bazohen në prova rrethanore ose në dëshmi të bëra nën presion.

Rreth 1 mijë luftëtarë të huaj, mes të cilëve gra dhe fëmijë, mendohet se mbahen të ndaluar nga Forcat Demokratike Siriane. Iraku është vet-ofruar t’i gjykojë të gjithë ata dhe deri tani ka gjykuar qindra prej tyre, por ky është vendimi i parë me vdekje./ABC News Albania 24/7

SHBA-IRAKU-ABC-M5-T2.mpg_snapshot_00.13-1280x720.jpg
ent ela20:47 | 15/05/2019

Niveli i kërcënimeve që vijnë nga Irani është rritur në atë pikë sa ka detyruar Shtetet e Bashkuara të shkurtojnë stafin diplomatik në Irak. Kërcënimet e përfolura kanë trembur edhe trupat gjermane e ato holandeze, që kanë ndërprerë trajnimin e ushtarëve irakenë.

Departamenti amerikan i Shtetit ka urdhëruar tërheqjen nga Irakut të stafit jo të domosdoshëm diplomatik, për shkak të rritjes së tensioneve me Iranin fqinj. Sipas mediave amerikane, urdhëri parashikon që stafi në ambasadën e Bagdadit dhe ai i konsullatës së Shteteve të Bashkuara në Irbil të largohet përmes avionëve të linjës. Ushtria amerikane deklaroi të martën se niveli i kërcënimit në Lindjen e Mesme është rritur pas të dhënave të shërbimeve të inteligjencës për aktivizimin e grupeve paraushtarake të mbështetura nga Irani. Grupet në fjalë kanë luajtur një rol kyç në betejën kundër Shtetit Islamik në Irak dhe vitin e kaluar u përfshinë në radhët e forcave irakene të sigurisë, por vazhdojnë të veprojnë edhe në mënyrë të pavarur. Burime nga këto grupe, të cituara nga agjencia e lajmeve “Reuters”, kanë deklaruar se kërcënimet ndaj stafit amerikan janë vetëm një lojë lufte psikologjike e sajuar nga Uashingtoni. Por ndërkohë, për shkak të kërcënimeve ushtritë gjermane dhe holandeze kanë ndërprerë stërvitjen e trupave ushtarake irakene. Lajmi është konfirmuar nga qeveritë e të dyja vendeve, por pa saktësuar llojin e kërcënimit që u kanoset ushtarëve të tyre. /ABC News Albania 24/

trageti.jpg
ad min22:27 | 21/03/2019

Mbi 80 persona kanë humbur jetën, pasi një traget është mbytur në brigjet e lumit Tigër, në qytetin iraken të Mosulit. Lajmin e kanë bërë të ditur autoritetet lokale, sipas të cilave shumica e viktimave nuk dinin not.

Trageti, në të cilin ndodheshin mbi 100 persona, thuhet se ishte drejtuar për në një ishull turistik në kuadër të festimeve për vitin e ri kurd. Kryeministri iraken Adel Abdul Mahdi, ka urdhëruar nisjen e një hetimi për përcaktimin e përgjegjësive.

Në një deklaratë për shtyp, Mahdi tha se po e ndiqte ngjarjen me dhimbje dhe trishtim dhe kërkoi që ekipet e emergjencës të gjejnë të gjithë të mbijetuarit.

Më herët autoritetet kishin paralajmëruar qytetarët për rritjen e nivelit të ujërave pasi dyert e digës së Mosulit ishin hapur dhe familjarë të viktimave akuzojnë operatorin e trageteve se ka injoruar këshillën.

iraq.jpg
ad min22:35 | 27/12/2018

Vizita e parë e Donald Trump në një zonë lufte, përveç fjalëve të bukura është shoqëruar me një sërë gabimesh, mashtrimesh dhe fërkimesh të Presidentit me trupat amerikane dhe autoritetet vendase. Veprime, që sikurse komentojnë mediat amerikane, mund t’i bëjë vetëm një president amator.

Vizita surprizë e Donald Trump në Irak mund të quhet e suksesshme në aspektin moral, bazuar në ovacionet me të cilat Presidenti u prit nga trupat amerikane. Por pavarësisht kësaj, udhëtimi pati momentet e tij kontradiktore dhe pasioni i Trump për rrjetet sociale i dokumentoi më së miri ato. Trump udhëtoi në bazën ajrore “Al Asad”, në perëndim të Bagdadit, për të falenderuar personelin ushtarak për suksesin në luftën ndaj Shtetit Islamik.

“Deri dy vjet më parë, kur u bëra president, ata ishin një grup dominant. Sot nuk janë më”, tha Trump.

Duke përgëzuar trupat për punën e shkëlqyer, presidenti amerikan u shpreh: “Sot nuk jemi më dështakë, miqtë e mi. Sot jemi të respektuar sërish si komb”.

Anomalia e parë u verifikua menjëherë pasi shefi i Shtëpisë së Bardhë braktisi hapësirën ajrore irakene, kur me shumë krenari postoi në rrjetet sociale një video nga vizita. Por nuk u desh shumë dhe ndjekësit e tij vunë re diçka që presidentit dhe këshilltarëve të tij mund t’u ketë shpëtuar. Në video Trump shfaqet bashkë me anëtarët e një njësie speciale Navy Seal, identitetet e të cilëve mbrohen me ligj.

Por shfaqja pastër e fytyrave të tyre kompromenton punën e komandove, pasi nëse njëri prej tyre kapet, administrata amerikane nuk do të mund të mohojë më përgjegjësinë për atë që ka bërë. Por kjo nuk ishte e vetmja e metë e vizitës së parë të presidentit amerikan në një zonë lufte. Gjatë takimit me ushtarët, Trump u tha atyre se u ka mundësuar një rritje të ndjeshme të pagës.

“Disa këshilltarë më sugjeruan ta rrisja 2 ose 3 për qind, por unë u thash jo. Do ta rris 10 për qind, ose më shumë”, tha Trump.

Por sipas mediave amerikane, personeli i forcave të armatosura ka patur rritje page çdo vit në dekadën e fundit dhe rritja për vitin 2019 e aprovuar nga Kongresi dhe e firmosur nga presidenti në gusht do të jetë vetëm 2.6 për qind. Udhëtimi i një kryetari shteti në një zonë lufte duhet të planifikohet deri në detajet minimale, në mënyrë që në aspektin e sigurisë të mos ketë defekte. Por Trump, sërish me shumë krenari u tha gazetarëve se si kishte udhëtuar gjatë natës me drita të fikura për të mos tërhequr vëmendje.

Por duke qenë se bëhet fjalë për avionin më të njohur në botë, shanset për ta vënë re janë gjithmonë të larta. Dhe një përdorues i rrjeteve sociale nuk ka vonuar të postojë një foto të “Air Force One” teksa fluturon mbi Shefilld, në Mbretërinë e Bashkuar. I njohur si një president politikisht jo korrekt, gjatë vizitës nuk mungoi edhe fërkimi me autoritetet irakene. Trump kishte në plan të takohej me kryeministrin Adel Abdul Mahdi, por takimi u anulua për shkak të mosmarrëveshjeve mbi organizimin.

Zyra e shtypit e qeverisë irakene ka sqaruar se Trump kishte kërkuar që takimi të mbahej në bazën “Al Asad”, por një gjë e tillë bie ndesh sipas saj me të gjitha protokollet dhe nga aspekti moral mund të konsiderohet shpërfillje e sovranitetit të Irakut. Me pak fjalë, gabime amatore nga një president kontradiktor./abcnews.al

donald-trump-3.jpg
ad min23:01 | 26/12/2018

Presidenti Donald Trump ka bërë vizitën e parë në një zonë lufte që nga marrja e detyrës. Nga Bagdadi, ku u takua me trupat amerikane, Trump ka mbrojtur vendimin e tij për tërheqjen e trupave nga Siria.

Presidenti Donald Trump ka nisur të mërkurën një vizitë surprizë në Irak, ku fillimisht është takuar me trupat amerikane, ndërsa në axhendë ka edhe takime me zyrtarët vendas. Bëhet fjalë për vizitën e tij të parë në një zonë lufte në 2 vjet detyrë, pak ditë pasi njoftoi tërheqjen e trupave nga Siria dhe Afganistani.

Trump ishte kritikuar ashpër nga krerët e ushtrisë amerikane për faktin se nuk kishte vizituar kurrë trupat në zonat e konflikteve që nga marrja e detyrës në Janar 2017. Pa harruar këtu anulimin që ai i bëri vizitës në memorialin e Luftës së Parë Botërore muajin e kaluar në Francë, për shkak të shiut. Avioni presidencial “Air Force One” u ul të mërkurën në bazën ajrore “Al Asad”, në perëndim të Bagdadit.

Pas tkurrjes së ndjeshme të valës së dhunës që erdhi pas goditjeve të njëpasnjëshme të Shtetit Islamik vitin e kaluar, aktualisht trupat amerikane janë të angazhuara në stërvitjen e ushtrisë vendase. Mediat amerikane e kanë komentuar vizitën si një përpjekje të presidentit për të fituar simpati, pas kritikave që vërshuan në adresë të tij pas vendimeve për të tërhequr të gjitha trupat nga Siria dhe gjysmën e atyre të pozicionuara në Afganistan.

Por nga Bagdadi, Trump mbrojti vendimin e tij sa i takon Sirisë, duke ritheksuar se pas mposhtjes së Shtetit Islamik misioni amerikan nuk është më i nevojshëm. Një përgjigje e thatë kjo drejtuar kritikëve të tij, që paralajmërojnë se fitorja ndaj terrorizmit është ende larg dhe se tërheqja do të çojë në braktisjen e aleatëve. Në rrugën e kthimit nga Iraku, presidenti do të ndalojë për të vizituar edhe trupat amerikane në bazën ajrore Ramshtajn, në Gjermani./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono