investimet

69153973_1265675743610370_922390556628221952_n-1280x854.jpg
ent ela12:31 | 21/08/2019

Kryebashkiaku i Tiranës Erion Veliaj premton se gjatë mandatit të tij të dytë në Tiranë do të përfundojë projekti i Unazës së Madhe dhe rehabilitimi i lumit Lana. Kryetari i bashkisë inspektoi punimet e kryera në një prej blloqeve të banimit në kryeqytet.

Blloku i banimit mes “Kel Kodheli” dhe “Skënder Shtylla” në Tiranë ka përfunduar së rikonstruktuari. Pasi inspektoi përfundimin e punimeve, kryetari i Bashkisë së Tiranës, Erion Veliaj tregoi për investimet e tjera që do të prekin zonën.

“Këtë mandat Njësia 7 do të përjetojë disa ndërhyrje masive, si rehabilitimi i Lanës, patjetër do të bëhet Unaza e Re. Ne nuk mund të lejojmë minoranca të zhurmshme që bllokojnë një mëhallë të tërë për të aksesuar një rrugë që sjell ekonomi, zhvillimin”.

Kryebashkiaku Veliaj tregoi se rehabilitimi i Lanës do të vijojë nga zona e pallatit me shigjeta deri në Kashar.

“Njerëzit nuk jetojnë vetëm në autostrada dhe vetëm buzë Lanës, njerëzit jetojnë në lagjet e tyre. Do të ecim paralelisht në dy fronte. Pra, me projektin e Unazës së Madhe dhe me projektin e rehabilitimit të Lanës, me Bulevardin, shëtitoren me tre korsi në të dy anët e Lanës, siç po bëhet zgjatimi nga Materniteti i Ri deri në Shkozë, ashtu do të vazhdojë nga Pallati me Shigjeta deri në Kashar. Por, njëkohësisht do të vazhdojmë edhe me punimet e Unazës së Madhe te Astiri. Kush ka pronë do të marrë lekët, kush s’ka pronë, por ka nevojë për strehim, do të marrë strehim, por projekti më i rëndësishëm i Tiranës nuk mund të bllokohet nga 30 zhurmaxhinj”.

Me  buxhetin e parë të Bashkisë së Tiranës për këtë mandat të dytë të kryebashkiakut Veliaj do të nisë dhe projekti i 100 lagjeve./ABC News Albania 24/7

BALLUKU-TEK-RRUGA-E-ARBRIT.mpg_snapshot_00.01-1280x720.jpg
ent ela13:20 | 02/08/2019

Ministrja e Infrastrukturës dhe Energjisë Belinda Balluku inspektoi punimet që po kryhen në Rrugën e Arbrit. Problemet e krijuara nga rrëshqitja e tokës sipas ministres do të zgjidhen në mënyrën më të mirë dhe rruga do të jetë gati para afatit të parashikuar.

Qeveria synon që Rruga e Arbrit të jetë e hapur për qarkullimin e mjeteve para afatit të parashikuar në kontratë, pavarësisht problemeve të hasura gjatë zbatimit të projektit.

Përbërja gjoelogjike e nëntokës ka krijuar rrëshqitje në zonën ku po ndërtohet tuneli i Murrizit duke krijuar vonesa në ecurinë e punimeve.

Ministrja e Infrastrukturës dhe Energjisë, Belinda Balluku, shkoi për të inspektuar ecurinë e punës.

“Pas investigimeve me mjete, me specialistë, rezulton që rrëshqitja është mbi 60 metër. Dhe kjo pastaj na detyroi që ta ndalonim në hyrje, të kalonim, për të mos lënë ritmet këtej nga dalja, dhe jemi në përfundim të investigimeve dhe besoj shumë shpejt, punë ditësh do t’i dalim Ministrisë me propozimin e një apo dy varianteve të cilat do të vlerësohen sesi mund të zgjidhen”.

Ministrja e Infrastrukturës dhe Energjisë beson se zgjidhja që do t’i jepet këtij shqetësimi do të jetë me e favorshmja.

 “Përsa kohë marrim vendime, të cilat do të jenë të bazuara në fakte teknike, sigurisht zgjidhja do jetë e mirë. Është një zgjidhje komplekse. Nuk e vëmë në dyshim që do na harxhojë pak më shumë kohë, por ndërkohë jemi zotuar që ky projekt i gjithi duhet të mbarojë para afatit dhe shpresojmë që rezultatet që do dalin nga i gjithë sondimi që ju po bëni në nëntokë të jenë rezultate të cilat na japin një zgjidhje që nuk do na marri shumë kohë. Megjithatë, siç ju thatë, ne kemi një plan B për krijimin e një bypass-i mbi këtë tunel në rast se nuk do kemi mundësi për të proceduar më tutje”.

Pavarësisht problematikave inxhinierët e kompanisë ndërtuese premtojnë se tuneli do të ndërtohet sipas afateve të parashikuara më herët. /ABC news Albania 24/7

66592224_326495961626648_2310410427760115712_n-1280x853.jpg
ent ela14:00 | 13/07/2019

Blloku i banimit prej 1.6 hektarësh në Njësinë 3, është shndërruar në një nga lagjet më të mira të Tiranës. Kjo vjen nga investimi i Bashkisë së Tiranës që ka nxjerrë në dritë transformimin e madh që ka pësuar i gjithë blloku i banimit.

Kryebashkiaku Veliaj u shpreh se ky transformim vjen pasi Bashkia e Tiranës është e fokusuar vetëm te puna

“Kemi treguar se vetëm kur fokusohemi te puna dhe problemet konkrete mund të kemi rezultat.Fokusi duhet të jenë te hallet, te problemet, që kanë njerëzit, te zgjidhjet që kërkojnë ata. Për të gjitha këto arsye, jam shumë krenar për të gjithë skuadrën që ka punuar e rehabilituar një bllok jashtëzakonisht problematik të Njësisë 3”.

Në fokusin e Bashkisë së Tiranës gjatë këtyre javëve janë edhe përgatitjet e fundit para se të nisë sezoni i ri i hapjes së çerdheve dhe kopshteve sipas Veliajt.

“Dua të nisim përgatitjet për regjistrimet në kopshte dhe çerdhe. Kemi një kërkesë të jashtëzakonshme, por do të duhet të gjejmë balancën mes atyre që janë banorë dhe iu takon, por edhe atyre që janë në gjendje të ngushtë ekonomike që kërkojnë pak ndihmë apo ata që vijnë nga komuniteti rom dhe egjiptian ose nga familje që kanë fëmijë me aftësi speciale që duan një vëmendje të veçantë”.

Veliaj u shpreh se Bashkia e Tiranës do të shfrytëzojë periudhën e verës për të intensifikuar punimet në të gjitha projektet e saj për kryeqytetin. /ABC news Albania 24/7

Business-Forum-with-GCD-51-1280x854.jpg
nev ila10:30 | 22/06/2019

Drejtori Ekzekutiv i Dhomës Amerikane të Tregtisë, Ilir Trimi, tha se bizneset që ushtrojnë aktivitet në Shqipëri janë të shqetësuara dhe të frustruara nga kriza politike. “Çdo ditë që kalon pa marrëveshje dëmton besimin e qytetarëve në sistemin tonë politik dhe ekonomik, duke penguar investimet e mundshme ndërkombëtare”. Askush nuk do të investojë apo të ndërmarrë hapa biznesi në një vend ku risku politik dhe ai ekonomik, është i lartë…

A janë stresuar kompanitë e Dhomës Amerikane të Tregtisë që ushtrojnë aktivitet në vendin tonë nga thellimi i krizës në vend?

Pyetja vjen pas një deklarate të Dhomës Amerikane, DIHA dhe ICC Albania e cila vendosi theksin pikërisht te shqetësimi dhe frustimi i bizneseve në vend, për shkak të situatës së rënduar politike. Pra, përgjigjja është po. Bizneset jetojnë nën presionin dhe pasigurinë që klima politike reflekton në ekonominë shqiptare. Bizneset janë në raporte të vazhdueshme pune me homologë në rajon dhe jashtë vendit, të cilët kufizohen për të punuar me një vend ku zhvillohen kriza politike.

Për fatin e keq, situata politike, nuk është çështje emergjente e javës së fundit. Ky tension politik vazhdon prej kohësh dhe nuk po përmirësohet. Nuk është e rastit që në Indeksin e Biznesit që Dhoma e publikoi në prill 2019, një nga indikatorët më të përkeqësuar ishte “Klima e brendshme politike”. Mund të them se ky indikator kishte pësuar një përkeqësim me -3.02% në raport me një vit më parë, çfarë reflektoi shqetësimin e anëtarëve të Dhomës Amerikane për klimën ku po punojnë. Me këtë përgjigje ata adresuan qartë problemin që vjen nga konflikti politik dhe që shkakton pasiguri tek ata por dhe te komuniteti i biznesit.

Nga takimet tona me organizata homologe, ne kuptuam se dhe anëtarët e tyre ndajnë të njëjtin opinion dhe kjo na çoi në një deklaratë të përbashkët drejtuar së gjithë politikës shqiptare, opozitës, por dhe qeverisë. Përmes kësaj deklarate, ne u bëmë thirrje të gjithë forcave politike se kanë detyrimin ligjor dhe moral të punojnë dhe të gjejmë një zgjidhje për të mos e lënë Shqipërinë të humbasë shanset e veta, disa prej të cilave vijnë pikërisht nga bizneset që orientojnë zhvillime ekonomike dhe ata që pritet të vijnë në vend.

Nëse kriza zgjat, a ndikon kjo në vendimet e investitorëve për të mos u zgjeruar më tej në Shqipëri ose, në rastin më të keq, për t’u tërhequr nga vendi ynë?

Pikërisht, këtë po thosha. Ne e theksuam edhe në deklaratën publike që bëmë se “çdo ditë që kalon pa marrëveshje dëmton besimin e qytetarëve në sistemin tonë politik dhe ekonomik, duke penguar investimet e mundshme ndërkombëtare”. Askush nuk do të investojë apo të ndërmarrë hapa biznesi në një vend ku risku politik dhe ai ekonomik është i lartë. Investitorët, bëjnë një analizë të hollësishme kur i drejtohen një vendi, duke kontrolluar të gjithë faktorët makroekonomikë, politikat fiskale, fuqinë punëtore dhe sistemin e drejtësisë. Ndërsa jemi duke punuar shumë për të stabilizuar parametra optimalë që e bëjnë vendin interesant, kemi përpjekje të forta për të krijuar tregje dhe siguri rajonale, të përballësh një investitor me një situatë politike që nuk garanton stabilitet, sigurisht që është e dëmshme.

Në cilin drejtim po e cenon më së shumti kriza ekonomike aktivitetin e biznesit?

Turizmi është i pari që e reflekton këtë fenomen. Nga statistikat duket se ka rënë fluksi i turistëve të huaj. Operatorët turistikë ankohen se turistët e huaj, shqetësohen nga situata dhe kanë tendencën të anulojnë rezervimet. Vera sapo ka filluar dhe kjo do të ndihet shumë nga një sektor që tenton të bëhet vital për vendin dhe ku punësohen gjatë sezonit me mijëra punonjës, të cilët shërbejnë jo vetëm në ambientet akomoduese, por dhe në sektorin e tregtisë, shërbimeve etj. Edhe sektorët e tjerë që lidhin kontrata pune me biznese homologe siç mund të jenë fasoni, eksportet, rrezikojnë shumë nga kjo situatë.

Sektorët e rëndësishëm si energjia, infrastrukturat, apo minierat, që pritet të bëhen të tilla falë investimeve strategjike në to, rrezikohen më shumë. Sikurse e thashë dhe më parë, asnjë investitor strategjik nuk vjen të investojë miliona euro në një vend, ku protestat ndonjëherë edhe të dhunshme, synojnë të largojnë një qeveri e cila ju ka dërguar ftesën për të investuar.

Ndërsa po shikojmë me mjaft interes dhe po përgatisim komentet tona, për ligjin e unifikuar të investimeve, i cili u jep përparësi investimeve vendase krahas dhe atyre të huaja, kuptojmë se më parë duhet të gjithë bashkë të influencojmë që kjo situatë e rënduar të përfundojë në favor të shqiptarëve, ekonomisë së tyre dhe potencialeve që ofron ky vend. Ne kemi besim se forcat politike, do të gjejnë një zgjidhje për të dalë nga kjo situatë dhe ecuria e reformës dhe një sistem drejtësie i konsoliduar do të jenë një bazë e qëndrueshme për investitorët e huaj dhe zhvillimet në ekonominë e vendit./monitor

blendi-klosii-1.jpg
ad min15:30 | 09/04/2019

Polet turistike në Shqipëri janë shumëfishuar dhe tashmë sipas Ministrit të Mjedisit dhe Turizmit Blendi Klosi lind nevoja për administrimin e tyre me qëllim për të prodhuar punësim dhe të ardhura.

Turistët në Shqipëri nuk po vijnë vetëm për detin. Të huajt që zgjedhin të vizitojnë vendin tonë tërheqës gjejnë dhe malet.

Ministri i Mjedisit Blendi Klosi, ishte në Valbonë nga ku u shpreh se falë investimeve e traditës është shënuar një hap i rëndësishme në turizmin malor në vend.

 “Ne na duhet që të kuptojmë se çfarë duan operatorët e zonës. Në sondazhet që kemi realizuar me turistët e ardhur në Shqipëri, që kemi kategori të caktuara turistësh, të cilët nuk e duan detin shqiptar, kanë det në vendet e tyre, por ama e gjithë zona e Evropës nga ku vijnë turistët dominon zonën malore. Vijnë në Shqipëri për të parë bukuritë e maleve, për të parë malin e Korabit, për të shkuar në Tomorr, për të ndjekur zonën e Currajve të epërm, turistët çekë, zonën e mbi Shkodrës, pra kemi shumë pole, të cilat na duhen që t’i administrojmë më mirë, pasi realisht prodhohet më shumë ekonomi dhe më shumë punësim

Ministri Klosi inspektoi edhe punimet që kanë nisur për ndërtimin e një hoteli me 5 yje në zonë. Investim i cili pritet të shtojë kapacitetet mikpritëse në Valbonë.

Ky është një hotel që vjen në standardet e hoteleve me 5 yje, që ofron 80 dhoma dhe një sërë aksesorësh të tjerë, që është kaq i nevojshëm për zonat alpine. Ajo që na duhet të diskutojmë me ju është sesa të përgatitur jemi ne për të siguruar shërbim, kamarierë, kuzhinierë, njerëz që ofrojnë shërbime brenda bujtinave, guesthouse-ve dhe një hoteli të vërtetë brenda bujtinave, guesthouse-ve dhe një hoteli të vërtetë me 5 yje në zonën e Valbonës

Ka ardhur koha, vuri në dukje Ministri i Turizmit, që dhe guidat të kryhen nga njerëz profesionist. Arsye kjo që për herë të parë ka nisur dhe çertifikimi i udhërrëfyesve turistike./abcnews.al

 

 

 

 

 

rama-7-1280x696.jpg
ent ela12:15 | 17/03/2019

Kryeministri Rama ka kryer disa inspektime në qarkun e Beratit, ku investimet e qeverisë në qytet por edhe fshat, synojnë zhvillimin ekonomik dhe turistik të zonës.

Kryeministri Rama, i shoqëruar nga ministrja e Kulturës, Elva Margariti dhe ministri i Turizmit dhe Mjedisit, Blendi Klosi inspektoi rrugën “Mihal Komneno”, që lidh beratin me lagjen muzeale “Kala”.

“Është një nga ndërhyrjet më cilësore, sepse është rikthyer komplet identiteti i zonës. Prekjet kanë qenë, jo vetëm në pjesën e nëndheshme, të gjitha kanalizimet, por edhe sistemimet e fasadave, të kalldrëmeve, e gjithë pjesa e ndriçimit, pra të gjitha kanë qenë pjesë e projektit, deri edhe elementët e vegjël arkitektonikë. Këto janë ndërhyrje të cilat vazhdojnë deri sipër, në pjesën e kalasë”.   

Kreu i qeverisë foli për një program të nxitjes së banorëve që kanë në pronësi shtëpi muze, për t’i kthyer në bujtina në shërbim të turizmit.

“Një program financimi ku t’iu jepet akses atyre që marrin këto iniciativa dhe t’iu lehtësohet nga pikëpamja e financimit i gjithë procesi. Mund të jenë fonde garant, mund të jenë fonde me kredi me interesa shumë të ulëta”.

Si njofton zyra e medias pranë kryeministrisë, një fond investimi buxheti i shtetit ia ka dedikuar edhe rregullimit të problemit me përmbytjet e tokave në fshatin Rreth Tapi për shkak të daljes nga shtrati të lumit Osum. Kryeministri inspektoi nisjen e punimeve, i shoqëruar edhe nga deputetja e zonës Ermonela Felaj.

 “Kjo është mbrojtja lumore për këtë fshat që ka disa vite që vuan përmbytjen nga lumi. Nëse ne bëmë më parë mbrojtjen lumore në Urën Vajgurore, duke shpëtuar të gjitha ato shtëpi atje që përmbyteshin çdo vit, tani ka ardhur radha që ne të shpëtojmë të gjithë tokat edhe serat që fshatarët kanë këtu. Është një premtim i mbajtur në kohë të shkurtër, kështu që për këtë fshat është lajm i mirë”.

Një lajm të mirë edhe për fermerët në Mbrakull të Poliçanit, njofton kryeministria. 230 janë familjet fermere të kësaj zone që përmes fondit afro 30 milion lekësh të buxhetit të shtetit, iu mundësua kanali vaditës që i mundëson mbjelljen e tokës.

“Një investim i munguar prej 30 vjetësh. Të gjitha këto fusha, të gjithë këto toka deri dje ishin të thata. Sot është bërë e mundur që të marrin shërbim rreth 230 fermerë. 30 vjet kjo tokë që shihni sot të gjelbëruar ka qenë e thatë. Kjo ka bërë edhe që të gjithë familjet e fshatit Mbrakull të merrnin rrugët e kurbetit”.

Kryetari i Bashkisë Poliçan, Adratik Zotkaj, tha gjithashtu se në Mbrakull po investohet edhe tek qendra e fshatit, falë Programit të Rilindjes Rurale./abcnews.al

rama-6-1280x688.jpg
ent ela19:20 | 16/03/2019

Kryeministri Edi Rama është ndalur në dy investime private. Një pikë grumbullimi të fruta perimeve në Lushnje dhe të një fermeri në Kucovë. Në të dy këto rastet, qeveria ka ndërhyrë me financime për t’i dhënë mundësinë e zhvillimit të biznesit.

I shpëtoi dëmeve nga moti i keq sepse i vendosi plastmasë serës së tij.  Fat e konsideron financimin që përfitoi nga skema kombëtare prej 6 milionë lekësh nga AZHBR.

 “Vjet në këto kohëra në 16 mars, era ka bërë një dëm të madh. Ishte fat që ndërrova plastmasën. I bëra të gjitha të reja.”​

 “Këtu jemi në një serë të ndërtuar në mbështetje të skemës kombëtare të vitit 2018. Është një serë moderne 1 ha. Në kulmin e vet është rreth 5.5 metra e lartë dhe 9 metra e gjerë, me ajrosje në çdo hark. Ka dhe 1.3 ha të tjera, ku sërish falë mbështetjes së skemës kombëtare ka marrë zëvendësimin e plastmasit”.

Në serën e re prej 1 hektarësh të Dritanit në Rreth Tapi në Kuçovë ishte edhe Kryeministri Edi Rama,jo vetëm  për të parë nga afër ecurinë e këtij investimi por për ti kujtuar shqiptarëve të mos ikin pas Berihait.

 “Kjo është baza e të gjithë skemës. Se shkojnë e mbjellin pas berihait dhe thonë pastaj nuk kemi ku e çojmë. Po normal s’kanë ku e çojnë, nëse nuk shkon sipas tregut.”

Një tjetër histori suksesi që shpërndau zyra e shtypit e kryeministrisë erdhi nga Zgjana e Lushnjes. Një fermer që sot është bërë një ndër eksportueset më të mëdha të produkteve shqiptare në Evropë. Nedrete Arapi punon me 1300 fermerë nga e gjithë Shqipëria, ndërsa në pikën e saj të grumbullimit punën ua ka besuar 40 grave të zonës.

“Që nga viti 2014, jo për tua bërë qefin se nuk dua t’ia bëj qefin askujt, mori prioritet bujqësia, pra nga 3 milion euro që ishte në ato vite ka shkuar në 7 dhe 8. Na dhatë një ndihmesë shumë të madhe. Nuk kemi patur probleme me doganat, sepse vonesat në kohë tek frutat-perimet sjellin probleme. Për 2018 kemi dalë shkëlqyeshëm. Nga  2017 në 2018, ne jemi rritur me 200 kamionë plus. Kështu që edhe këtë vit. Pra, eksportojmë 16 mijë ton prodhime.”

Për Kryeministrin, shitja në mënyrë të organizuar e produkteve është edhe garancia për të fituar.

“A-ja është bashkimi. Kur bëhen bashkë, fitojnë të gjithë. Kur rrinë secili më vete me atë parcelën e vet, i marrin trasta dhe i hedhin në rrugë dhe thonë s’kemi ku t’i shesim, po ku do të shesësh?”  Për sipërmarrësen nga Lushnja problem i pa zgjidhur ka mbetur gjetja e fuqisë punëtore./abcnews.al

BALLSH-INVESTIMET_ABC-M2-T1.mpg_snapshot_00.07-1280x720.jpg
ent ela13:39 | 11/02/2019

Ballshi drejtohet nga një bashki e djathtë, por kjo nuk i ka penguar vendorët të bëjnë më të mirë për qytetin e tyre. Investimet kanë zënë prioritet në buxhetin e vogël të bashkisë, por edhe duke u ndihmuar nga donatorët.

Mund të mos ketë ngjyrat dhe dekorin e qyteteve të mëdha, por ka një infrastrukturë të rehabilituar dhe funksionale. Teza se pushteti vendor dhe qendror duhet të jenë në të njëjtën anë për të prodhuar mirëqënie, këtu në Ballsh nuk vërtetohet. Bashkia e djathtë ka gjetur mënyrën për të punuar edhe pa mbështetjen e qeverisë.

Agron Kapllanaj kryetar i Bashkisë Mallakastër: “Ne nuk i kemi patur sytë nga qeveria, por kemi bërë tonën, kemi mbledhur të ardhurat dhe i kemi përdorur aty ku duhet. Kemi bërë projekte, kemi kërkuar edhe donacione dhe një pjesë e mirë na janë gjendur”.

Buxheti vendor shkon për investime jetike si rrugët e brendshme të lagjejeve. Hapësirat argëtuese ndërkohë po mundësohen nga donatorët

Agron Kapllanaj kryetar i Bashkisë Mallakastër: “Ky është një kompleks sportiv që i kishte munguar Ballshit. Ishte një premtim eklektoral dhe sot kemi këtë bbukuri që qytetarët e prekin dhe kjo falë kontributit të USAID, FSHF dhe Bashkisë Mallakastër”.

Nga ana e tyre qytetarët nuk duan t.ia dinë se nga vijnë paratë. Punët po kryhen ashtu si duhet, duke filluar nga lagjet më problematike ku nuk kishte  rrugë , kanalizime dhe ndricim

Banore: “Kanë qenë për ibret por janë bërë shumë mirë, gropa gropa të pasistemuara, të palyera”.

Në 3 vjet në Ballsh janë rehabilituar rrugët dhe infrastruktura e disa lagjeve infrastruktura e të cilave kishte degraduar në mungesë të investimeve dhe mirëmbajtjes. Të gjitha këto u mundësuan nga buxheti i bashkisë dhe donatorëve.

Gazetare e ABC News, Fier: Valbona Daci

/abcnews.al

DURRES-RRUGET-PUNIME-1280x720.jpg
ent ela13:53 | 16/11/2018

Në qytetin e Durrësit prej kohësh kanë nisur punimet në rrugë të ndryshme. Ajo që vërehet ka të bëjë me faktin se po u lihet më shumë hapësirë kalimtarëve duke zgjeruar trotuaret dhe më pak hapësire mjeteve duke ngushtuar rrugët.

Ka kohë që Durrësi i ngjan një kantieri ndërtimi. Asfaltimi i rrugës “Egnatia” një prej arterieve kryesore të qytetit është drejt përfundimit. Ky segment ka pësuar ndryshime të mëdha.

Trotuarët janë më të gjera, kurse rruga e makinave më e ngushtë. Aq sa autobusët kryesisht ata urban mezi levizin. Në mes të kryqëzimit është vendosur rrethrrotullimi. Një i ngjashëm ndodhet edhe në kryqëzimin që lidh bulevardin “Dyrrah” me rrugët e tjera të qytetit. Këtu synohet  lehtësimi i trafikut.

Paralel me infrastrukturën rrugore dhe trotuare, investime po kryhen edhe në shtrirjen e rrjetit të ri të kanalizimeve dhe pastrimin e atyre ekzistues. As Rruga “Mars 91” e ndërtuar sëfundmi nuk i ka shpëtuar ndërhyrjes.

“Prej ditësh këtu qarkullimi i automjeteve është i ndaluar. Pavarësisht se u konsiderua ndër investimet më të mira në qytet, sëfundmi u pa i domosdoshëm investimi në rrjetin e kanalizimeve”.

Po këto investime, edhe të tjera të shoqëruara me bllokim rruge, kanë sjellë anomali në lëvizjen e këmbësorëve dhe mjeteve. Në çdo orë të ditës qyteti përballet me trafik të rënduar, për shkak të mbylljes së disa rrugëve, punimet e te cilave do te zgjasin deri në fund të muajit dhjetor. /abcnews.al

Gazetare e ABC News, Durrës: Enkeleda Arapi

AHMETAJ-1280x720.jpg
ent ela11:35 | 04/10/2018

Duke folur në parlament për ndryshimet e propozuara në ligjin e investimeve strategjike, ministri i Ekonomisë dhe Financave Arben Ahmetaj ka folur për rritje të investimeve të huaja në Shqipëri. Ministri e konsideron miratimin e Eurobondit me interes 3.55% si tregues të qartë për rritjen e besimit të investitorëve ndaj vendit tonë.

Duke marrë shkasë nga ndryshimet në ligjin për investimet strategjike, të cilat shtyjnë afatin e aplikuesve për përfitimin e këtij statusi deri në 31 dhjetor 2019, Ministri i Ekonomisë dhe Financave Arben Ahmetaj, nga foltorja e Parlamentit foli për rritje të investimeve të huaja si produkt i reformave të qeverisë, të kurorëzuara, sipas tij, me miratimin e Eurobondit me interes 3.55%.

“Investimet e huaj kanë ardhur vetëm në rritje, vetëm në 6 mujorin e parë e kemi rritjen e investimeve të huaja 28%. Investimet në tërësi dhe të huaja kanë kontribuar në rritjen ekonomike të Shqipërisë.

Ajo që ndodhi në tregjet ndërkombëtare pardje është fakt i gjallë, i vërtetë, se pranuan të investojnë te siguria e Shqipërisë  me 1 kupon 7 vjeçar afatgjatë më një nivel 3.5 %. Përpara disa vjetësh na shikonin me dyshim dhe te 5 vjeçari ishin 123 investitorë afërsisht që morën pjesë në kërkesat në blerjen e eurobondit”.

Në vijim të kësaj linje, Ahmetaj lajmëroi edhe përgatitjen e një inisiative ligjore lidhur me investimet e huaja.

“Ne jemi duke përgatitur një ligj integral për investiemt e huaja, ku do i trajtojmë në parim, me detaje dhe transparencë investimet e huaja në Shqipëri”.

Për Ahmetajn është pikërisht puna e qeverisë ajo që mundësoi që problemet në vendet e Europës nuk arritën të ndikonin vendon tonë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono