investime

belinda-balluku.jpg
G. P.14:30 | 14/07/2019

Qeveria është e angazhuar që sipërmarrësit vendas dhe të huaj të gjejnë komoditet për të punuar në Shqipëri. Ministrja e Infrastrukturës dhe Energjisë, Belinda Balluku, e bëri të ditur nga Korça ku inspektoi disa institucione publike.

Nga ky biznes fason me kapital 100% italian në Korçë, ministrja e Infrastrukturës dhe Energjisë Belinda Balluku tregoi angazhimin e qeverisë sa i përket investimeve të huaja në vend.

“Për gjithë qeverinë, për gjithë strukturat shtetërore, është shumë e rëndësishme që bizneset apo investimet e huaja, si dhe ato shqiptare sigurisht, të gjejnë komoditetin e të punuarit në Shqipëri me transparencë të plotë duke përmbushur të gjitha kërkesat e legjislacionit shqiptar, por sigurisht duke ju ofruar qytetarëve tanë mundësi punësimi dhe kjo është shumë e rëndësishme”, tha Balluku.

Gjatë vizitës së saj në këtë qark, ministrja Balluku inspektoi  disa prej institucioneve që ofrojnë shërbim për qytetarët. Balluku u njoh me ecurinë e punës dhe problematikat që hasen në to. /ABC News Albania 24/7

edi-rama123-1.jpg
G. P.18:03 | 12/07/2019

Kryeministri ka zgjedhur të promovojë një shembull suksesi të një  investimi të huaj në Fier që prodhon pjesë makinash, për t’ju përgjigjur raportit tepër kritik të Amerikës mbi kushtet e të bërit biznes në Shqipëri.

Një ditë pas raportit të Departamentit Amerikan të Shtetit për kushte të këqija për investitorët e huaj në Shqipëri, Edi Rama zgjodhi një kompani koreanojugore në Fier që parashikohet të investojë 13 milionë euro dhe të punësojë mbi 1000 persona.

Kjo kompani do të prodhojë pjesë për makina, e sipas kryeministrit, e ka sjellë cilësinë e investimeve të huaja në një nivel tjetër.

“Nuk duhet harruar asnjëherë se për më shumë se 20 vjet, shumica dërrmuese e investitorëve të huaj janë shfaqur dhe ata që kanë mbetur janë marrë kryesisht me shfrytëzimin e burimeve tona natyrore, por jo aq me investime prodhuese që krijojnë punësim dhe zhvillim të qëndrueshëm për vendin, duke e ngritur vendin në një kategori tjetër”.

Ky është një investim i ndryshëm nga ata që deri tani kanë shfrytëzuar kryesisht krahun shumë të lirë të në Shqipëri.

“Sot, ne jemi në një fazë të re, ende në hapat e para, por me siguri në hapa të mjaftueshëm për të konstatuar se modeli ekonomik i bazuar te prodhimi, te eksporti dhe tek një turizëm i mirëmenduar na kanë vendosur bazën e sigurtë, për të shkuar më tutje në mënyrë të qëndrueshme”.

Kompania planifikon që fillimisht të punësojë 600 persona, për të arritur më pas në një staf rreth 1000 punonjës./ABC News Albania 24/7

gramsh-ujsjellesi-1280x707.jpg
nev ila15:04 | 04/07/2019

 

Në Gramsh prej 14 vjetësh është investuar për ndërtimin e ujësjellësit të ri. Por ai nuk vu asnjëherë në funksion. Aktualisht vendorët thonë se duhet bërë rrjeti i shpërndarjes që ky Ujësjellës të nis shpërndarjen e ujit.

Miliona lekë u hodhën. Por edhe pas 14 vitesh, depo e ujit të pijshëm në Gramsh nuk u vendos në funksion.

Qyteti nuk ka mungesë të theksuar të ujit të pijshëm pasi furnizohet nga ujësjellësi i Kërpicës kurse investimi u la në harresë.  Por nuk është cilësuar dhe jo në parametrat e duhura higjienike.

“Në vitet 2003,2004,2005 u ndërtua depoja 2000 m3, me idenë që do të vazhdojë investimi edhe për ndërtimin e rrjetit të brendshëm në qytet i cili realisht është tejet e amortizuar. depoja u ndërtua konform të gjithë kushteve e parametrave, u koalidua, u bënë prova, u mbajt rreth 2 javë e mbushur me ujë dhe me vendim të këshillit të bashkisë u kërkua që ujsjellësi ta merrte në përdorim”, tha Tajar Bici, Drejtor i Ujesjelles-Kanalizimeve në Gramsh.

Kur depo ishte ngritur, dhe paratë ishin shpenzuar, doli problemi që qyteti ka rrjet të amortizuar.

Dhe sot që furnizimi bëhet nga lartësia e zonës, për shkak të tubacioneve të shkatërruara 60 %  e ujit derdhet në lumin Devoll.

“Për ta vënë në punë, në eficencë këtë depo, padyshim që duhej ndërtuar rrjeti i brendshëm në qytet por duke mos patur emergjencë me depot ekzistuese, qyteti furnizohej me ujë dhe kështuqë mbase drejtuesit e ndërmarrjes në atë kohë nuk e ndjenin të domosdoshme një gjë të tillë”, tha ai.

Do duhen vite dhe do bëhen të tjera premtime që Ujësjellësi i Gramshit t’u jap ujë banorëve. Kësaj here sipas vendorëve jo vetëm që do hidhen paratë për rrjetin e brendshëm por do të ketë edhe rikonstruksion të depos së ujit e cila u harruar për shumë vite.

“Ky investim për rikonstruksionin e brendshëm të qytetit do të fillojë brenda këtij viti por është parashikuar që këto investime vazhdojnë 3 vjet dhe brenda këtij harku kohor, prioritet do të jetë vendosja në punë e depos 2000 m3”, deklaroi Bici.  

Aktualisht analizat e kryera në vendburim tregojnë se uji nuk është i ndotur nga ana bakteriologjike. Por tubacionet e vjetra e ndotin nga momenti që nis shpërndarja. Rasti i depos së ujit të qytetit Gramsh dëshmon për investime pa plan ndër vite dhe pse shpenzohen qindra milionë lekë, nuk janë në dobi të komunitetit./ABC News Albania 24/7

neptun-1280x711.jpg
Sej rie15:50 | 26/06/2019

“Neptun”, kompania lider dhe e para në Shqipëri sa i takon shitjes së organizuar me pakicë të mallrave të elektro-shtëpiakeve dhe pajisjeve elektronike, i kushton një vëmendje të veçantë kujdesit ndaj klientit. Ky departament, ofron shërbim profesional dhe korrekt prej disa vitesh në çdo moment për klientët e saj.

Kujdesi i klientit ka një rol thelbësor në botën e biznesit sot, sidomos në industrinë e shitjes së organizuar të mallrave me pakicë, që njihet ndryshe edhe si sektori i “retail”.

Kompanitë e mëdha botërore i kushtojnë tepër vëmendje këtij sektori, në mënyrë që të jenë në kontakt të përditshëm me nevojat e klientit dhe për t’iu përshtatur shijeve, tendencave dhe për të thjeshtuar jetën e tij.

Në vendin tonë ka disa kompani të autorizuara të rishitjes së markave të mirënjohura ndërkombëtare ndërmjet elektro-shtëpiakeve dhe pajisjeve të tjera elektronike.

Nga to ne kemi veçuar Neptun, kompaninë lider dhe e para në Shqipëri për sa i takon shitjes së organizuar me pakicë të mallrave të mësipërm.

Siç shihet në këtë kompani, i kushtohet një vëmendje e veçantë kujdesit ndaj klientit që është një departament më vete, me shumë punonjës dhe menaxherë.

Duke qenë se nevojat e konsumatorit janë të shumta dhe nuk mbarojnë me blerjen e një malli, por vazhdojnë në forma të ndryshme, siç është edhe asistenca teknike për çdo problem që klienti në fund të ketë një eksperiencë pozitive dhe të mos zhgënjehet në asnjë rast.

Në Neptun në departamentin e Kujdesit ndaj Klientit, të gjitha rastet që mbërrijnë menaxhohen nga operatorët dhe sipas nevojave specifike përcillen tek supervizorët.

Rastet e ankesave ndiqen ekskluzivisht nga menaxherët e portofolit, ndërsa për klientët që adresohen nëpër dyqane më përpara, Neptun ka krijuar strukturën e brendshme “shop support” dhe klientët ndiqen sipas rastit bazuar në veçoritë e çështjes.

Kujdesi i Klientit në Neptun mbledh të gjitha rastet, duke filluar nga zanafilla e tyre, nga ku më pas ndiqet sipas procedurave të shoqërisë deri në gjetjen e zgjidhjes më të mirë të problematikës.

Departamenti i Kujdesit të Klientit në Neptun ka zbatuar metodologjitë më bashkëkohore për të matur dhe përmirësuar cilësinë e shërbimit.

Neptun është pjesë e Grupit Balfin, grupi më i madh dhe inovator i investimeve në Shqipëri dhe një ndër më të mëdhenjtë në rajon./ABC News Albania 24/7

balluku.jpg
nev ila14:15 | 16/06/2019

Një tjetër investim i OSHE është gati në përfundim në qytetin e Lushnjes. Bëhet fjalë për ndërtimin  e dy fiderave të rinj dhe ndërtimin e 23 kabinave të reja në në stacionin Plasmasit.

Për të parë nga afër këtë investim  të OSHE, ishte edhe ministrja e Infrastrukturës dhe Energjisë, Belinda Balluku. Duke vënë në pah mungesën e  investimeve në infrastrukturën energjetike në këtë zone, tha se ky investim bëhet për fusha strategjike si industrinë, agrikulturën, bujqësinë dhe shëndetësinë.

Nga këto investime përfitojnë afro 4500 abonentë ndërsa krahas përmirësimit të furnizimit me energji, këto investime do të bëjnë të mundur edhe uljen e humbjeve në rrjet./ABC News Albania 24/7

investime.jpg
G. P.17:45 | 30/05/2019

Stimulimi i investimeve dhe siguria juridike e pronës ishin temë e mbledhjes së Këshillit të Investimeve këtë të mërkurë.

Në prani dhe të ministrit të Shtetit për Mbrojtjen e Sipërmarrjes, Eduard Shalsi dhe të kreut të Agjencisë Shtetërore të Kadastrës, Artan Lame, ministrja e Financave dhe Ekonomisë, Anila Denaj u shpreh se respektimi i të drejtave të pronësisë dhe regjistrimi i plotë dhe përfundimtar i pronës mbetet sfidë e qeverisjes.

Gjithashtu Denaj theksoi se një qasje koherente ndaj problemeve të pronësisë, konsiderohet thelbësore për ekonominë e një vendi dhe përbën parakusht për stimulimin e investimeve.

Ndërkohë ministrja e Financave dhe Ekonomisë ftoi bizneset të kontribuojnë në draft ligjin e ri të unifikimit të investimeve që ministria ka publikuar për konsultim publik.

Ky projektligj sipas Denajt synon të përmirësojë kushtet dhe ofrojë balancimin e tyre si për investitorët e huaj ashtu edhe për investitorët vendas./ABC News Albania 24/7

RAMA-PER-TAKSAT.mpg_snapshot_00.36-1280x720.jpg
ent ela16:15 | 13/01/2019

Ulja e taksave do të sjellë zhvillim të biznesit. Deklarata vjen nga kryeministri Edi Rama i cili vizitoi një biznes që përfiton nga politika e re e qeverisë dhe drejtohet nga një shtetas italian.

Kjo punishte e produkteve të brumit është një nga 11 mijë bizneset që përfitojnë ulje të tatimit nga 15 në 5%.

“Kemi kaluar start –up, po akoma jemi firmë e re. Produkti kryesor për ne është croissant ,që e shpërndajmë nëpër hotele, lokale”.

Sipërmarrësi italian i tregoi kryeministrit Edi Rama se shpenzimet që më parë ka bërë për të paguar taksat tashmë do t’i kthejë në investime.

“Ne shpresojmë që duke u rritur puna, të bëjmë ndonjë investim në teknologji se kemi nevojë të rrisim brendin tonë”.

Sipas Kryeministrit ky ishte dhe qëllimi i qeverisë kur mori këtë vendim.

“Ato lekë të hidhen për investime për teknologjinë dhe për rritjen e pagave”.

Biznese të tilla tha shefi i qeverisë janë pjesa bazë e sipërmarrjes që punëson dhe vetëpunësohet dhe se ulja e taksave është ajo që sjell zhvillim të tyre. /abcnews.al

KLOSI-PER-TURIZMIN-ABC-M5-T2.mpg_snapshot_00.22-1280x720.jpg
G. P.19:04 | 15/11/2018

10 milionë turistë është objektiv, jo vetëm sfidë! Ky është qëllimi i Ministrisë së Turizmit dhe Mjedisit, sipas ministrit Blendi Klosi. Për t’i paraprirë një viti turistik më të suksesshëm se ky që po lemë pas, ministria ka hartuar një plan prej 365 masash.

“Kemi arritur të listojmë problematikat që duke marrë mekanizma ligjorë, ndërhyrje administrative, por dhe duke e shtuar reklamimin e bukurive të natyrës shqiptare, ne padyshim do ja dalim që numri 10 milionë turistë të arrihet jo vetëm në një kohë të shpejtë, por edhe me mekanizma që sigurojnë që ky turizëm të jetë i qëndrueshëm, të prodhojë ekonomi dhe punësim” deklaroi ministri Klosi në një takim me donator./abcnews.al

RAMA-NE-SPITALIN-E-KUKESIT.mpg_snapshot_00.13-1280x720.jpg
G. P.16:21 | 31/10/2018

Kryeministri Edi Rama premton më shumë mbështetje për sistemin shëndetësor. Shefi i qeverisë vizitoi spitalin rajonal të Kukësit bashkë me ministren e Shëndetësise dhe Mbrojtjes Sociale treguan për investimet që do të kryehen në këtë spital.

Për herë të parë pas dekadash spitali rajonal i Kukesit do te perfitoje investime ne infrastrukture dhe pajisje. Në fazën e parë do të investohen 169 milionë lekësh. Projektin e shpjegoi ministrja e Shëndetësise dhe Mbrojtes Sociale Ogerta Manastirliu gjatë një vizite në këtë spital me kryeministrin Edi Rama.

Ogerta Manastirliu, ministre e Shëndetësisë dhe Mbrojtjes Sociale: “Projekti, faza e parë e të cilit fillon me buxhetin e këtij viti dhe shtrihet gjatë 2019, organizon shërbimin e kirurgjisë, sallat e reja të kirurgjisë, shërbimin e urgjencës, si dhe sjell brenda korpusit të spitalit, shërbimin e maternitetit, obstetri-gjinekologjisë. Jo vetëm që rinovohet gjithë spitali rajonal i Kukësit, shtohen shërbime të reja, por përmirësohet radikalisht cilësia e shërbimeve në disa shërbime shumë të rëndësishme, siç është kirurgjia. Duke qënë se ka filluar edhe projekti i shërbimit të integruar të instrumenteve kirurgjikalë, që tani ka filluar të ndihet cilësia e shërbimit të përmirësuar. Ky projekt, faza e parë të e të cilit është një buxhet prej 169 milionë lekë të buxhetit të shtetit fillon këtë vit.”

Kryeministri Edi Rama premtoi më shumë mbështetje për spitalin e Kukësit dhe në tërësi për sistemin shëndetësor.

Edi Rama, kryeministër: “Ne do të bëjmë një rritje tjetër të pagave për mjekët dhe infermierët. Në kategoritë që rriten pagat është kategoria që ka rritjen më të lartë. Unë nuk jam si ata që mendojnë se po ishe mjek apo infermier je “djalli” vet që të fut dorën në xhep. Për fat të keq ka dhe nga ata që e dëmtojnë shumë reputacionin, por shumica punojnë në kushte jo shumë të lehta dhe realisht janë heronj, për mendimin tim. Kështu që shumë respekt për ju.”

Këtë vit në spitalet rajonale sipas ministres së Shëndetësisë jane investuar 4.5 milionë euro./abcnews.al

rruget-1280x630.png
G. P.17:45 | 30/10/2018

Qeveria ka planifikuar 1.7 miliardë euro investime në infrastrukturën rrugore. Deri në vitin 2021 janë parashikuar të mbyllen disa akse kombëtare dhe segmente rrugore të rëndësishme.

Në mandatin e parë nuk i kishte prioritet, por në të dytin qeveria Rama ka vendosur të investojë 1.7 miliardë euro deri në vitin 2021. Nga këto 445 milionë euro financohen nga shteti, ndërsa 1.23 miliardë euro nga kompanitë koncensionare. Në tre vitet në vazhdim është parashikuar të përfundojnë pesë akset rrugore kombëtare nëpërmjet partneritetit publik-privat, në kuadër të programit “1 Miliard”:

Rruga e Arbrit
Thumanë–Vorë–Kashar
Kashar–Rrogozhinë
Milot–Balldren
Orikum–Dukat

Përveç akseve kombëtare do të vazhdojnë të financohen akset rrugore:

Kardhiq–Delvinë,
Fushë Krujë-Milot-Morinë
Qafë Thanë-Lin-Pogradec

Unaza Verilindore e Tiranës dhe një sërë aksesh të tjera. Qëllimi sipas kryeministrit Edi Rama është ndërtimi i këtyre rrugëve me standarte evropiane./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono