investim

amortizim.jpg
in a14:43 | 20/01/2020

Është vetëm 1 kilometër larg qendrës së qytetit të Elbasanit, por infrastruktura në lagjen “Skëndërbej” apo siç njihet nga vendasit “Fushë Mbret” lë për të dëshiruar. Në këtë lagje jetojnë rreth 3 mijë banorë.

Të braktisur nga të gjitha pushtetet me qindra familje detyrohen të jetojnë çdo ditë mes baltës, pluhrit dhe plehrave. Të mërzitur nga mosmarrja e asnjë mase, ata tregojnë për “ABC News” sa sa herë ka zgjedhje marrin të njëjtin premtim, se rruga do të rikonstruktohet, por më pas gjithçka lihet në harresë.

“Jemi ankuar në Bashki, tek deputetët kur vijnë për votat, por nuk kanë bërë asgjë”, thotë një prej banorëve.

Qytetarët tregojnë se rruga nuk ka ndriçim dhe koshat e plehrave nuk dezifektohen.

“Plehrat që kemi aty kanë kaq vite që qëndrojnë, vetëm kazanat marrin një herë në javë”, shprehen banorët e lagjes “Skëndërbej”.

Të pyetur nga “ABC News”, zyrtarët e Bashkisë së Elbasanit thanë se investimi në këtë lagje nuk është bërë për shkak të mungesës së fondeve, por gjithsesi brenda 2020 punimet për këtë rrugë do të përfundojnë./abcnews.al

 

amazon_smbhav-1280x820.jpg
So Nila17:07 | 15/01/2020

Amazon pritet që të investojë në Indi, si qëllim rritjen e tregut. Shefi i kompanisë Amazon, Jeff Bezos është shprehur se kombania do të bëjë një investim prej 1 miliard dollarë në digjitalizim të bizneseve të vogla dhe të mëdha, duke u lejuar atyre që të shesin online.

Ndër të tjera në shefi i Amazon ka thënë se shekulli 21, do të jetë “shekulli indian”. Ndërkohë vizita e tij në Indi pritet që të shoqërohet me protesta të shumta.

Mijëra kompani të vogla tregtare nga 300 qytete kanë planifikuar mbajtjen e protestave, për shkak të asaj që e konsiderojnë ndikim negativ të kompanisë Amazon në prodhuesit e tregut lokal.

Ata pretendojnë se Amazon do t’i largojë nga tregu, duke ofruar produkte më të lira, dhe duke ofruar shërbime tjera në platformat që ka.

Tregu online në Indi është i dominuar nga kompanitë Amazon dhe Flipkart. /abcnews.al

burgu-recit.jpg
R D10:59 | 13/12/2019

Shtetet e Bashkuara të Amerikës do të mbështesin Shqipërinë për reformën e Burgjeve. Mbështetja do të jetë financiare, me një shumë fillestare prej 920 mijë dollarësh. Qëllimi është që izolohen kriminelët e rrezikshëm të cilët zhvillojnë aktivitet kriminal edhe pas hekurave.

Në një njoftim për mediat, ambasada e SHBA bëri të ditur se “ka mbërritur në Tiranë Drejtoresha e Byrosë për Çështjet Ndërkombëtare të Zbatimit të Ligjit dhe Luftës ndaj Drogës në Ambasadën e Shteteve të Bashkuara, Julie Craven. Ajo ka takuar Drejtorin e Përgjithshëm të Burgjeve Agim Ismaili për të biseduar mbi planet e Shteteve të Bashkuara për të mbështetur reformën e burgjeve në Shqipëri”.

“Me një investim fillestar prej 920,000 dollarë, Byroja për Çështjet Ndërkombëtare të Zbatimit të Ligjit dhe Luftës ndaj Drogës do të ndërtojë programe që do shënjestrojnë burgjet ku mbahen disa prej kriminelëve më të mëdhenj.

Investimi i Shteteve të Bashkuara do të forcojë aftësinë e personelit të burgjeve për të ndalur dhe shkatërruar aktivitetin e paligjshëm pas hekurave dhe do të aktivizojë procese për të luftuar korrupsionin në sistemin penitenciar”, thuhet në deklaratën e ambasadës së SHBA-ve./abcnews.al

aa-2.jpg
ad min17:58 | 12/06/2019

Presidenti rus Vladimir Putin ka alokuar më shumë se 8 milionë Euro fonde për ndërtimin ë një shkolle në Dagestan e cila do të mbajë emrin e boksierit Khabib Nurmagomedov. Projekti është konfirmuar nga babai i sportistit.

Gjithçka ka ardhur pasi vetë boksieri i ka kërkuar presidentit të investojë për zhvillimin e arsimit në Dagestan. Numagomedov shpreson që fondet të përdoren në mënyrën më të mirë të mundshme, në mënyrë që fëmijëve të kësaj republike ti ofrohen kushte më të mira mësimi.

Khabib, së fundmi ka nënshkruan një kontratë të majmë më federatën UFC për disa ndeshje do të rikthehet në ring në shtator me qëllimin e unifikimit të titujve të peshave të lehta. Ai do të sfidojë kampionin Dustin Poirier.

Tv Klan

tirana.jpg
ad min17:41 | 10/06/2019

Këshilli Teknik i Autoritetit Rrugor Shqiptar ka miratuar projektin e rishikuar të rrethrrotullimit në sheshin “Shqiponja” në Tiranë. Ministrja e Infrastrukturës dhe Energjisë Belinda Balluku deklaroi se puna do të nisë së shpejti dhe parashikohet të përfundojë brenda 24 muajve.

E tillë pritet të jetë hyrja kryesore e Tiranës pas rreth dy vjet e gjysmë. Këshilli teknik i Autoritetit Rrugor Shqiptar ka miratuar projektin e rishikuar të rrethrrotullimit në sheshin “Shqiponja”. Drejtoresha Sonila Qato dhe Ministrja e Infrastrukturës dhe Energjisë Belinda Balluku shpjeguan detajet.

“Nuk kemi më atë barrierën e një mbikalimi, por është një projekt i harmonizuar me nënkalim dhe krijimin e sipërfaqeve të reja të gjelbërta”, tha Balluku.

Ky projekt i ka dhënë zgjidhje dhe kalimit të këmbësorëve, një problematike e hasur në projektin fillestar.

“Në projektin e parë ishte parashikuar lëvizja e tyre me tunele nëntokësore si dhe kalimin e automjeteve direkt në kryqëzimin e Laprakës dhe të Zogut të Zi, gjë e cila do të sillte bllokim të këmbësorëve në këto dy pika. Zgjidhje përsëri me tre nivele, por duke vendosur përsëri lëvizjen e këmbësorëve dhe të trafikut lokal të zonës në nivelin zero. Projekti siguron lëvizjet e rrjedhshme të automjeteve në nivelet nëntokësore”, tha Qato.

Automjetet parashikohet të lëvizin me 80 km/h. Shpejtësia do të reduktohet në 40 km/h në kthesat e nënkalimeve ndonëse nuk parashikohen ndalesa. Zbatimi i projektit pritet të nisë së shpejti. Paralelisht do të punohet dhe në lotet e tjera të Unazës.

“Menjëherë do të nisim procedurat ligjore të garës për këtë objekt si dhe hapjen e kantierit për implementimin e punimeve. Tashmë që vendimi i qeverisë për shpronësimin e pronarëve që preken nga ky projekt është i miratuar. Sqarojmë që gjurma e shpronësimit të parë është ruajtur edhe në këtë projekt të dytë me disa modifikime teknike në funksion të realizimit të këtij projekti madhor”, tha më tej Qato.

Investimi që synon përmirësimin e trafikut dhe në të ardhmen krijimin e një tjetër qendre për Tiranën do të kryhet nga qeveria. Vlera e tij parashikohet e njëjtë si në projektin fillestar rreth 2 miliardë e 696 milionë lekë./ABC News Albania 24/7

RAMA-NE-SAMITIN-E-BERZH-SARAJEVE_ABC-1280x720.jpg
ent ela15:27 | 08/05/2019

Nuk duhet ta mendojnë dy herë sipërmarrësit e huaj për të investuar në Ballkan e veçanërisht në Shqipëri. Një ftesë të argumentuar marrin nga kryeministri Edi Rama në samitin e Bankës Evropiane për Rindërtim e Zhvillim që u mbajt në Sarajevë.

“Pra, në këtë mjedis, do i thoja të gjithë njerëzve të pranishëm këtu, që kanë ardhur në Sarajevë për biznes dhe që i përkasin komunitetit të biznesit, ndër mjediset e ndryshme të paparashikueshme, ne jemi më i miri, sepse kemi taksa më të ulëta dhe kemi kosto më të ulët pune. Të investosh në Ballkan tani, në çdo vend të Ballkanit është vendim i mirë. Po lajmi i mire në tërë këtë proces është që njerëzit nga komuniteti i biznesit nuk po përballen me të njëjtat probleme dhe vështirësi që ne po shohim në nivel politik, për të rënë dakord, pavarësisht ideve të kundërta, kur flasim për krijimin e kësaj zone ekonomike, tregut të përbashkët”, tha Rama.

Në panelin e liderëve, Kryeministri Rama iu përgjigj disa pyetjeve që kishin të bënin me klimën e biznesit në vendet e Ballkanit Perëndimor, si edhe mundësitë për të nxitur edhe më shumë investimet e huaja si rezultat i proceseve integruese.

“Ndërkohë që BE-ja po mundohet të zgjidhë problemet e brendshme dhe të reformohet e të përmirësohet, pasi të ketë kaluar më të keqen, ne duhet të thellojmë reformat tona, jo vetëm në secilin vend, por edhe për rajonin, që është e vështirë dhe jo për të komplimentuar mikpritësin, por BERZH ka qënë shumë mbështetës dhe ne e shohim atë si një nga burimet që na mësojnë si të kapërcejmë vështirësitë kur flasim për krijimin e modeleve të suksesshme dhe ngritjen e urave lidhëse”, tha ai.

Në përfundim të panelit, duke iu përgjigjur interesit të medias, Kryeministri nënvizoi se rëndësinë që ka bashkëpunimi rajonal, tregtia e lirë dhe tregut të përbashkët rajonal.

“Është më e thjeshtë ta thuash se ta bësh. Po jetojmë në një kohë interesante, ka probleme për t’u përballur, por ka edhe shumë mundësi”, tha Rama.

Edhe pse kilometra larg Tiranës kryeministri Rama nuk i ka shpëtuar interesimit të mediave për protestat e opozitës.

Ka shumë më tepër çështje në Britani sesa ne Ballkan, kështu që mos u shqetësoni, nuk jemi vetëm”, tha kryeministri./ABC News Albania 24/7

bregdeti.jpg
ad min14:48 | 02/04/2019

Sheshi “Taulantia” në Durrës pas më shumë se 10-viteve do t’i nënshtrohet së shpejti rikonstruksionit duke marrë një pamje te re. Fondi i Zhvillimit Shqiptar ka përfunduar procedurën e tenderimit të kontratës me vlerë 2.8 milionë euro për ndërtimin e shëtitores.

Grumbuj plehrash. Kënde lojërash të vendosura në kaos dhe që pengojnë lëvizjen. Kjo është pamja e të vetmes shëtitore në Durrës, në të cilën nuk është investuar prej një dekade.

Por kjo pamje aspak relaksuese nuk do ta shoqërojë për shumë kohë shëtitoren më të vizituar nga durrsakët dhe turistët. Procedurat e tenderimit të kontratës së investimit me vlerë 2.8 milionë euro kanë përfunduar.

Me vënien në zbatim të projektit synohet krijimi i një parku të vërtetë për t’i ofruar qytetit më shumë hapësira publike, sheshet, hapësira të  gjelbëruara, të ndriçuara dhe parqe për aktivitete sportive.

Investimi parashikon gjithashtu edhe krijimin e një hapësire të re pranë portit, duke u bërë pjesë e shëtitores përgjatë detit. Kohëzgjatja e punimeve nga data e fillimit do të jetë 18 muaj, ç’ka do të thotë se “Taulantia” nuk do të jetë gati për këtë sezon turistik.

Rikualifikimi i shëtitores përfshin gjithashtu edhe shembjen e murit ekzistues përgjatë saj me qëllim krijimin e sa më shumë hapësirave të reja. Nisur nga pozicioni strategjik i kësaj zone është projektuar të ndërtohet edhe një parkim i madh me rreth 170 vende për automjete./abcnews.al

lulzim-basha-2.jpg
ad min21:36 | 27/03/2019

Teksa akuzojnë kryeministrin e Shqipërisë së refuzon të angazhohet në zgjidhjen e çështjeve të hapura me Greqinë, mediat e vendit fqinj i kanë kthyer sytë nga lideri i opozitës. Sipas një portali lajmesh, Lulzim Basha shihet në Greqi si personi i duhur për bisedime lidhur me çështjet dypalëshe.

Portali i njohur grek, Newpost.gr, publikon të mërkurën një shkrim analitik për kryetarin e partisë Demokratike, Lulzim Basha. Sipas portalit, Basha është lideri tek i cili investon Athina zyrtare dhe minoriteti grek. Portali u referohet lëvizjeve të Athinës për zgjidhjen e problemeve të hapura dhe normalizimin e marrëdhënieve dypalëshe.

“Mirëpo, një sërë lëvizjesh të Edi Ramës e rënduan klimën”, vlerëson Newpost.

“Ai që gjendet përballë Edi Ramës, është kreu i partisë demokratike Lulzim Basha”, vijon Newpost.

Më tej portali grek paraqet CV-në e shefit të opozitës, me theks në periudhën kur Basha ishte ministër dhe kur sipas Newpost, kishte një marrëdhënie jashtëzakonisht të ngushtë dhe produktive me shefen e atëhershme të diplomacisë greke, Dora Bakojanis, e cila është motra e kryetarit të sotëm të Demokracisë së Re, Kyriakos Mitsotakis.

Portali grek thotë se për shumëkënd, Lulzim Basha pritet të jetë kryeministri i ri i Shqipërisë pas zgjedhjeve të ardhshme. Në të njëjtën kohë, edhe Greqia po shkon drejt ndryshimit të qeverisë, sipas gjithë sondazheve që kanë dalë në dritë, shton Newpost, që njihet dhe për orientimin pro partisë më të madhe opozitare greke.

“Duke synuar edhe votat e shqiptarëve që kanë marrë nënshtetësinë, por edhe të minoritarëve grekë që gjithashtu kanë me shumicë të drejtë vote, Demokracia e Re mëton t’i shtojë dhe penelata rajonale profilit të vet. Si një qeveri e cila do të zhbllokojë negociatat me Tiranën dhe duke lënë të kuptohet se në tryezën e bisedimeve preferon të ketë kishte aleatët e vet ideologjikë, pra demokratët e Lulzim Bashës”.

Vetëm se, Edi Rama nuk duket se ka ndërmend të shkojë në zgjedhje, ndërsa Greqia do t’i mbajë zgjedhjet parlamentare, më së voni, në Tetor të këtij viti./abcnews.al

nyja-e-milotit.jpg
ad min15:08 | 13/08/2018

Nyja e Milotit tashmë është hapur për qarkullimin e mjeteve, duke lehtësuar ndjeshëm lëvizjen gjatë sezonit turistik. Punimet në nyjën e Milotit, një investim prej 1.6 miliardë lekë, nisën rreth 1 muaj më parë, ndërsa përfundimi i plotë i veprës do të bëhet brenda 15 muajve.

Nyja e Milotit tashmë është hapur për qarkullimin e mjeteve. Lajmin e dha vetë ministri i Infrastrukturës dhe Energjisë Damian Gjiknuri në rrjetin social Facebook. Dy muaj më parë ai ishte i pranishëm në kantierin e punimeve ku ndër të tjera bëri të ditur se kjo pjesë do të jetë funksionale në muajin gusht. Sipas ministrit Gjiknuri, kalimi bëhet me sinjalistikë provizore, ndërsa vazhdon investimi për rrugët dytësore deri në përmbylljen e plotë të veprës.

Punimet në nyjën e Milotit, një investim prej 1.6 miliardë lekë, nisën rreth 1 muaj më parë, ndërsa përfundimi i plotë i veprës do të bëhet brenda 15 muajve. Projekti parashikon edhe rindërtimin e rrjetit të rrugëve dytësore duke zgjidhur shqetësimin e banorëve dhe bizneseve përreth, të cilët me investimin e ri kanë akses të plotë kalimi në përputhje me të gjitha rregullat dhe normat e qarkullimit rrugor.
Kjo vepër kishte vite që kishte filluar por punimet nuk ishin përfunduar.Bëhet fjalë për një nga nyjet kryesore të trafikut në Shqipëri. Investimi i nisur parashikon të ndërtojë një rrugë me të gjitha standartet dhe elementet e sigurisë./abcnews.al

damian-gjiknuiriiii.jpg
ad min11:26 | 15/05/2018

Brenda muajit do të përfundojë rruga hyrëse në qytetin e Sarandës. Lajmin e ka dhenë ministri i Infrastrukturës dhe Energjisë, Damian Gjiknuri gjatë inspektimit të punimeve.

Sezoni veror do ta gjejë të përfunduar rrugën në hyrje të qytetit të Sarandës.

Projekti parashikon rikonstruksionin e aksit rrugor Ura e Gajdarit deri në hyrje të qytetit të Sarandës dhe ka vlerën financiare 280 milionë lekë të reja. Aktualisht ka përfunduar edhe asfaltimi dhe është hapur qarkullimi i lirë për mjetet.

I shoqëruar nga Kryebashkiakja Floriana Koka dhe deputeti i zonës Alket Hyseni, Ministri i Infrastrukturës dhe Energjisë, Damian Gjiknuri, inspektoi fazën përfundimtare të punimeve që Autoriteti Rrugor Shqiptar po kryen në hyrjen e qytetit të Sarandës.

“Jemi këtu në rrugën hyrëse të Sarandës, një  vepër kaq e rëndësishme që zgjidhi një problem shumë vjeçar për qytetin. Një vepër e financuar nga qeveria shqiptare e cila tashmë është e hapur për lëvizjen e trafikut me të gjitha parametrat. Besoj brenda një muaji siç edhe nga komunikimet e fundit që kam bashkë me Autoritetin Rrugor dhe me kompaninë zbatuese, kjo rrugë do të jetë plotësisht e përfunduar me sinjalistikën përkatëse dhe me të gjithë veprat që i përkasin”, u shpreh ministri Gjiknuri.

Punimet për këtë investim në infrastrukturën e qytetit bregdetar nisën në muajin Gusht të vitit të kaluar. Brenda një muaji parashikohet që të përfundojnë edhe trotuaret dhe sinjalistika përkatëse e këtij segmenti.  /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono