intervista

celibashi.jpg
ger ta13:48 | 17/11/2019

Ish-kreu i KQZ, Ilirjan Celibashi beson se ka ardhur koha që Komisioni Qëndror i Zgjedhjeve të reformohet dhe të ndërtohet një institucion larg ndikimit të politikës.

Në një intervistë për ABC NEWS, Celibashi flet për draftin e reformës zgjedhore që po diskutohet në Kuvend duke e kundërshtuar propozimin e shumicës për administrim të zgjedhjeve nga administrate shtetëtore.

Përmbyllja e Reformës Zgjedhore është një nga kushtet që Bundestagu gjerman i caktoi Shqipërisë në rezolutën e tetorit dhe duket se rolin e ndërmjetësit mes partive politike në Shqipëri ka vendosur ta bëj OSBE. Në zyrat e partive politike kanë mbërritur tashmë ftesat zyrtare nga zyra e OSBE në Tiranë për takimin e 19 nëntorit ku në fokus të diskutimeve do të jetë çështja e Financimit të Partive Politike dhe fushatës Zgjedhore. Ish-kreu i KQZ dhe eksperti zgjedhor, Ilirjan Celibashi në një intervistë për ABC News beson se drafti që po diskutohet në Kuvend për reformimin e Komisionit Qëndror të Zgjedhjeve është piknisja e krijimit të një institucioni larg ndikimit të partive politike.

Mendoj që ai draft revulocianizon tërësisht mënyrën se si KQZ do të funksinojë. Në opinionin tim duket si një hap i parë dhe duket që ka nevojë për përmirësim të atij drafti. Ajo që ngelet kryesore për tu evidentuar në draftin e paraqitur është institucioni i KQZ-së, të paktën drejt përsëdrejti do të jetë larg ndikimeve politike si institucion. Me disa ndryshime dhe përmirësim e të atij drafti unë mendoj se qëllimi për ta shkëputur plotësisht institucionin e KQZ nga patronazhi i partive politike do të jemi në drejtimin e duhur”, është shprehur ai.

Por për ish-ministrin është ende herët që partitë politike t’i largosh plotësisht nga procesi zgjedhor.

Unë mendoj se në Shqipëri për kushtet që jemi është ende herët për të shmangur tërësisht nga administrimi i procesit zgjedhor veçanërisht në nivelet në nivelet e komisioneve te qendrës së votimit dhe komisionit zonal të administrimit të zgjedhjeve”, ka thënë Celibashi.

Thirrjen e ka për maxhorancën dhe opozitën kur vjen fjala te rëndësia që ka reforma zgjedhore për realizimin e proceseve të rregullta dhe demokratike në vend.

Paralelisht me Komisionin e Reformës Zgjedhore në Kuvend, opozita po punon me një grup ekspertësh të saj për hartimin e një drafti alternative për Reformën./abcnews.al

OK-KADRI-VESELI-HAGE-_ABC-M4-T2.mpg_snapshot_01.04-1280x720.jpg
ent ela18:17 | 07/11/2019

Kryetari i kuvendit të Kosovës Kadri Veseli është ftuar për t’u intervistuar në Hagë. Veseli tha se ka qenë i bekuar që ishte një ndër ideatorët dhe themeluesit e UÇK-së. Ai  shtoi se që nga prilli i vitit 1999, deri në qershor të vitit 2008, ka drejtuar Shërbimin Informativ të Kosovës.

Kryetari i Kuvendit të Republikës së Kosovës, njëherësh lider i PDK-së, Kadri Veseli, konfirmoi të enjten se është ftuar për t’u intervistuar nga Dhomat e Specializuara në Hagë më 4 dhjetor. Ai tha se do t’i përgjigjet pozitivisht kësaj ftese. Veseli tha se ka qenë gjithë jetën i angazhuar për të mirën e Kosovës dhe këtë e ka bërë tërësisht në baza vullnetare dhe me përkushtimin më të lartë. Kryetari i PDK-së theksoi se e ka nisur që fëmijë, si nxënës i shkollës fillore në Mitrovicë, me demonstratat e prillit të vitit 1981, si pjesëmarrës, e pastaj në shumicën prej tyre edhe si organizator dhe drejtues. Nga mesi i viteve ’80, ka hyrë në organizatat patriotike, anti-jugosllave, për të kundërshtuar robërinë dhe për të punuar për lirinë.

“Kam qenë i bekuar që isha një ndër ideatorët dhe themeluesit e saj, luftëtar i lirisë deri në çlirimin e vendit…Nga prilli i vitit 1999, deri në qershor të vitit 2008, kam udhëhequr Shërbimin Informativ të Kosovës…Të gjithë së bashku arritëm lirinë dhe Ushtria Çlirimtare e Kosovës është simboli i saj. Por, duhet pranuar një fakt, lufta e drejtë e popullit tonë për liri ka qenë e sulmuar vazhdimisht. Që nga paslufta, ky është procesi i pestë i drejtësisë – të cilës i nënshtrohet kjo luftë. Duke filluar nga UNMIK-u, e për të vazhduar me Gjykatën e Hagës, EULEX-in, drejtësinë vendore, dhe tani me Gjykatën Speciale.”

Veseli tha se nuk beson se ka pasur në historinë e lëvizjeve çlirimtare një shembull të tillë.

“Edhe ky proces duhet të ketë epilog, duke u bazuar në të vërtetën, faktet e drejtësinë, dhe që nuk e dëmton shtetin e Kosovës në pafundësi. Jam i bindur se edhe kjo Gjykatë do ta vërtetojë luftën e drejtë të Ushtrisë Çlirimtare të Kosovës, por edhe që do t’i ndalë goditjet ndaj të vërtetës së popullit tonë dhe Ushtrisë Çlirimtare të Kosovës. Unë do t’i përgjigjem kësaj ftese, më 4 dhjetor.” /abcnews.al

serbi.jpg
nev ila11:16 | 03/11/2019

Cedomir Jovanoviç, ka qenë një nga zërat e fuqishëm kundër politikës serbe të viteve ’90 si një nga udhëheqësit e protestave studentore dhe të bllokut demokratik.

Ai madje konsiderohet si personi përgjegjës që i dorëzoi Gjykatës së Hagës ish-presidentin, Sllobodan Millosheviç. Gazetari ynë në Begrad Idro Seferi ka realizuar një intervistë me politikanin serb, i vetmi i këtij rangu që e pranon se Serbia e ka humbur Kosovën.

Jovanovic, ju jeni gjatë në politikë, që prej protestave studentore e deri më tani. Keni qenë kundërshtar i urryer kundër regjimit të Sllobodan Millosheviç, keni folur për pavarësinë e Kosovës dhe disi keni mbështetur presidentin Vuçiç për një zgjidhje apo vetëm krijohet si përshtypje? Si e shihni problemin e Kosovës në këtë moment?

Jovanovic: Ajo që është duke ndodhur në Kosovë është pasojë e problemit që ndodhet këtu në mesin tonë. Kjo përballje vjen në Kosovë pasi Kosova është vendi ku dy popujt tanë janë përpjekur njeri me tjetrin dhe aty janë përballur. Ky është një kontekst historik. Për mua ka qenë gjithmonë pyetje përse ne nuk mund të jetojmë së bashku? Cdo shoqëri ka problemet e saj të brendshme, por këto tonat janë paksa më ndryshe. Këto janë probleme që janë në vazhdimësi dhe janë të hapura me gjenerata. Disa shoqërive të tjera u ndodh të mbështIllen në ndonjë ide sic ka ndodhur me anglezët rreth BREXIT, por kjo cështje ka eksploduar para 3-4 vitesh dhe nuk është temë e përhershme e politikës angleze. Çështjet që rëndojnë politikën në Serbi janë çështje të trashëguara me gjenerata, pasi askush nuk ka qenë i aftë të jap përgjigje, pasi ose nuk ka patur mjaftueshëm zgjuarsi për këtë, ose nuk ka patur guxim ose nuk kanë qenë rrethanat. Ky rast ka ndodhur kur kam qenë në qeveri pas vitit 2000. Po të mbijetonte qeveria jonë, të mos ishte vrarë Zoran Gjingjic pasqyra e marrëdhënieve tona tani do të ishte shumë më ndryshe. Kur Vucic ka firmosur marrëveshjen e Brukselit në vitin 2013, pavarësisht se pajtohem me të apo jo, të tjerët e kanë shpallur për tradhëtar kurse unë kam shkuar dhe kam folur me të. I kam thënë që Serbia nuk mund të mendoj e për të ardhmen, nëse nuk e crrënjos nacionalizmin nga vetja e saj. Gjenerator i kësaj agonie kombëtare dhe të asaj tragjedie, fatkeqësie, brutaliteti është pikërisht miti i Kosovës dhe se cdo dobësi tonën e kompenzojmë duke serbizuar në temën e Kosovës. Nëse duam që prej Serbisë të bëjmë një shtet të vërtetë me institucione duhet të zgjidhim cështjen e Kosovës. Por si ta zgjidhim çështjen e Kosovës, kjo çështje pra është e zgjidhur?

Si është zgjidhur?

Jovanovic: Këtu bëhet fjalë për aftësinë tonë që të pranojmë realitetin. Fakti që disa në këtë moment nuk i kanë të drejtat që i kanë shqiptarët e Kosovës, apo fakti që po digjet Barcelona dhe se është e paimagjinueshme që kjo të ndodh në ndonjë vend të Evropës, kjo nuk do të thotë që dikush do të vë në pikëpyetje idenë e Kosovës për pavarësi apo për shtetin e Kosovës. Ne këtë test të realitetit nuk po e kalojmë për shumë arsye dhe për faktin që jemi jashtë kohës.

Ju keni thënë që çështja e Kosovës është e zgjidhur, por në Serbi ideja gjithmonë ka qenë që Kosova është Serbi, që nuk japim asgjë, nuk duam marrëveshje kurse Serbia tani kërkon një marrëveshje. Si është zgjidhur sipas jush, por sic shihet kjo këtu?

Jovanovic: Është zgjidhur në mënyrë katastrofike. Kur them është zgjidhur kështu mua më vjen keq që është zgjidhur kështu. Kur ulem dhe bisedoj me njerëz dëgjoj kaq shumë marrëzi.Tani temë aktuale janë vëllezërit Bytyqi, pasi miratoi kongresi një rezolutë dhe dikush këtu zemërohet me amerikanët pasi thonë se është presion mbi Serbinë. E cfarë presin, të thonë? Që ne kemi Guantanamon dhe beni cfarë të doni? Kjo nuk mund të shkoj kështu. Flasim për luftën ne Koshare dhe Pashtrik. Sa njerëz janë vrarë në zonën e përgjegjësisë së brigadës, pjestarët e rinj të së cilës, ushtarët fatkeq kanë përfunduar diku në lartësi 2000 metra në pika të vrojtimit. Krimet më të mëdha ndaj shqiptarëve, qytetarë të Serbisë, janë bërë në zonën e përgjegjësisë së brigadës e cila ka dërguar disa kalamaj në Koshare. Ushtarakisht aty të gjithë kanë qenë ushtar që duhet respektuar, edhe ata që kanë sulmuar Kosharen dhe ata që e kanë mbrojtur Kosharen, por kjo ka qenë luftë. Këtu kanë ndodhur krime të pamohueshme dhe 700 njerëz janë varrosur në bazën policore 10 kilometra nga qendra e Beogradit në Batajnicë.Është zgjidhur në mënyrë katastrofike, eshtra nga të gjitha anët, na ka eksploduar mundësia jonë për tu demokratizuar dhe ne nuk flasim as me veten tonë. Nuk e idealizoj unë situatën dhe jam i vetëdijshëm për nacionalizmin që ekziston në secilën shoqëri tonën. Por, ai është kërcënimi dhe rreziku më i madh për atë që e inicon. Vdesin edhe të tjerët, por kur të bëhet llogaria dhe pyesim kush është humbësi më i madh këto 30 vjet, unë do të thoja Serbia. Ne kemi humbur veten tonë. Ju qëndroni në njërën këmbë dhe nuk e keni kryer shtetësinë tuaj, Zaev mundohet të bëj dicka në Maqedoni. Por, Serbia ka ndjekur katastrofë pas katastrofe nacionale. Ne me politikën tonë ndaj Kosovës, idenë e shtetit serb dhe shtetit ku jetojnë serbët dhe shqiptarët, e kemi djegur në mënyrë brutale. Kur kemi vrarë në fillim një mëngjes atë zotëriun Kelmendi, vrasja e parë dhe i kemi nxjerr fëmijët dhe gruan nga shtëpia, ne Serbinë e kemi vrarë atëherë. Atëherë e kemi vrarë. Krimet që kanë ndodhur para dhe pas asaj nuk i justifikoj, por si ka nisur kjo- ka nisur kur kemi arritur në Gazimestan.

Shumë në Serbi do të thoshin se serbët kanë qenë viktima, se Millosheviç ka qenë i mirë dhe se Kosova është Serbi dhe kjo është përgjigja për ju në këtë kontekst. Cfarë duhet bërë tani?

Jovanovic: Jo vetëm në Serbi. Shumica e dinë se cfarë mendoj unë dhe nuk guxojnë të polemizojnë me mua dhe kanë thënë shumë gënjeshtra për mua. Politikën time asnjëherë koha nuk e ka përgënjeshtruar pavarësisht nëse flas për Kosovë, Bosnjën, NATO-n apo ekonominë dhe thjesht kjo nuk ka ndodhur. Thonë se Vuçiç ka marrë politikën time. Unë nuk jam pronar i politikës dhe do të doja që këto vlera ti përqafojnë pasi koha është një burim i rëndësishëm. Imagjinoni sikur të më kishin dëgjuar mua në vitin 2004, kur kam thënë se nëse ju ka ngel mendja tek Kosova coni porosi botës dhe shqiptarëve të Kosovës që kaosin që kemi lënë pas vetes, na lejoni t’u ndihmojmë që kjo të zgjidhet. Ne është dashur të parët të njohim pavarësinë e Kosovës. Kemi mundur të insistojmë ne definicionin që Kosova është shtet i të gjithëve, që të ketë consensus etnik për vendime të mëdha, pasi ekziston frika nga Shqipëria e madhe apo vendime për ndërrimin e karakterit të shtetësisë. Imagjinojeni sikur të më kishin dëgjuar këtu në vitin 2007 kur kam thënë mos e hidhni poshtë planin e Ahtisarit. Por, kam thënë edhe që askush nuk duhet të bëjë Gjermaninë e Vajmarit nga Serbia dhe mos e mundoni një popull të tërë ta thyeni pavarësisht që ai vetën e ka përulur, mos ia thyeni edhe unazën e fundit në kurriz dhe mos e bëni këtë nga Serbia, por hapni perspektivën. Këtë nuk e kanë bërë të huajt, pasi s’po e bëjnë as për veten. Fatkeqësisht nuk ka patur mencuri dhe koha është e rëndësishme.Ju kujtohet që Rugova ishte sjellë këtu në Beograd dhe ka biseduar me Milloshevicin, pasi në muajin prill ata këtu kishin idenë që të bënin një qeveri kosovare dhe të vinin në krye Rugovën. Në luftën e vitin 1999! Përse nuk e kanë bërë këtë në vitin 1990 e kemi patur rastin dhe cfarë kemi pritur që do të ndodh? Nuk të bëka punë Azem Vllasi, Kaqusha Jashari, nuk qenka i mirë Rugova atëherë do të marrësh Adem Jasharin, Hashim Thacin, Ramush Haradinajn dhe njerëz të tjerë dhe meqë tin ë Kosovë udhëheq me dhunë, atëherë edhe gjuha që dikush do të komunikoj me ty është dhuna.

Keni thënë që Serbia ka kapitulluar në Kosovë…

Jovanovic: Natyrisht. Kapitullimi ka qenë njësoj sikurse gjermanët në vitin 1945 kur së pari kanë kapitulluar tek amerikanët dhe më pas ka arritur Zhukov dhe ka thënë ejani sërish dhe kanë kapitulluar edhe për rusët.Kjo është Kumanova. Cfarë shkruan në marrëveshjen Ahtisari-Cernomirinj, pra që zbatohet marrëveshja e Rambujesë apo jo? Në këtë marrëveshje të Rambujesë shkruan e drejta për vetëvendosje, referendum. Si quhet pra kjo?

E pavarur apo jo, si ta quajmë këtë në Serbi?

Jovanovic: Si mund të quhet kur ushtrinë e huaj e lejon të hyjë në territorin tënd dhe ti përgjithmonë tërhiqesh nga atje?

A është Serbia e gatshme që vërtetë të bëj një marrëveshje përfundimtare dhe si do të dukej kjo?

Jovanovic: Nuk është e gatshme ashtu siç nuk është e gatshme as Kosova.

Përse dhe cfarë është problemi këtu?

Jovanoviç: Imagjinojeni jetën pa ambicie dhe vision? Ja shembull gazetaria. Imagjinoni të merreni me gazetari dhe të mos keni asnjë llojë ideje apo dëshirë të bëni një bisedë të mirë, të shtroni pyetje të mira dhe që të ndikoni tek dikush që të mendoje pozitivisht. Ne emër të cfarë gjeje të bëjmë ne këtë hap? Kur unë flas për paqen unë nuk flas për të sepse jam dezertor. I kam katër fëmijë dhe djali im është 16 vjeç. Unë nga shtëpia kam shkuar kur kam qenë 18 si ushtar i ri si e tërë Jugosllavia dhe jam kthyer në prill të vitit 1992. Kam qenë në Pula të Kroacisë dhe kam kaluar 2 vjet të asaj Jugosllavie të përgjakshme nëpër linja dhe kaos. Si ka filluar lufta kush e di. Por, ne nuk kemi ide të mëdha dhe nuk kemi njëëndërr që duhet realizuar dhe të gjithë kanë ikur nga ne pasi nuk kemi patur këtëëndërr. Politika ime nuk është kjo, por është i rëndësishëm cdo segment dhe mendoj se nëse ekziston mundësia e cfarëdo marrëveshjeje do të duhej ta mbështesnim dhe të mos e lemë si problem të hapur.

Por cfarë të bëhet, Milloshevic ka shkuar, politika nuk ka zgjidhur problemet në tërë rajonin, Kosova dhe Serbia nuk mund të arrijnë marrëveshje, Bashkimi Evropian i ka thënëjo Shqipërisë dhe Maqedonisë së Veriut….

Jovanoviç: E dini pse e kanë thënë këtë sepse janë të pakujdesshëm dhe të paaftë. Kam qenë në Maqedoni për marrëveshjen e Prespës dhe në një takim të liberalëve të Evropës nëShkup  kemi diskutuar për zgjedhjet evropiane. Kanë folur që platformë të jetë ekologjia dhe energjia.I kam pyetur nëse e kanë të qartë që janë zgjedhjet për Bashkimin Evropian. Nëse e kanë të qartë sa para ka investuar Putin në rrymën e katër në Evropë, të nacistëve nga Sanini në Itali, Mari Le Peen apo që ai qëndron pas BREXIT dhe që ai Aron Banks është takuar 7 herë katër ditë para BREXIT është takuar me njerëz nga shërbimi rus dhe ai qëndron pas Cambridge Analytics.

Por, si e shihni të ardhmen.Thatë shumë herë që keni parashikuar dhe se ashtu ka ndodhur.Cfarë mund të bëjmë këtu?

Jovanovic: Rusët nuk do ta lejojnë konsolidimin e kësaj pjese të Evropës. Kjo nuk është në interesin e tyre. Ne duhet të luftojmë shumë që tua sqarojmë që larg është Donjecku, nuk e dhëmb kjo Evropën apo Siria, por shumë janë ata që do tu lëvërdiste një luftë ballkanike e vogël, që pak të rrjedh gjak Evropa dhe të ketë sërish refugjatë. Të vijnë emisar të ndryshëm si Karington që ka qenë në vitet e ’90.Pas Malit të Zi dhe Maqedonisë nuk kanë mundësi.Kjo është politika e tyre-rusëve duhet tua kesh frikën, këtyre të tjerëve nuk mund tu besosh.A ishte Hojt Ji, pastaj Mitchell, Pallmer kurse tani Grenel…me kë jemi duke biseduar?

Por, gjithsesi jemi viktima të politikës edhe të Lindjes dhe Perëndimit. Kështu thoni ju! Por, cfarë mund të bëjmë, që sic thotë një këng këtu- vetëm luftë të mos ketë?

Jovanovic: Lufta është gjithmonë pasojë diçkaje. Këtu në një moment të gjithë filluan të flasin sërish për luftë. Mua më kujtohen bisedat edhe nëna edhe babai im kanë qenë jetim si pasojë e luftës dhe gjithmonë ka patur rrëfime dhe frikë nga lufta.Në një moment kjo edhe ndodhi. Në vitin 1999 unë dhe Zoran Gjingjic, ishim në terracën e tij dhe në një moment shikojmë në qiell dhe shohim avionët mbi Beograd dhe thamë a është e mundur. Shihnim avionët amerikan për të bombarduar Beogradin dhe pyesnim nga, si, dhe a është e mundur? Si kemi arritur deri këtu? Mendoj se duhet të kthjellim njerëzit që ideja e paqes është ajo që na integron. Nuk është qëllim që Serbia të mbroje shtetësinë në Kosovë, nuk mund të jetë ky qëllimi. Dhe, nuk mund të jetë qëllimi i vetëm i politikës në Kosovë, vetëm të bëhet shtet. Ky shtet, edhe i joni dhe i juaji duhet të jenë në funksion të ndonjë ideje? Përse shtet? Nëse kjo është rruga drejt paqes unë do ta bëj shtetin bashkë me ju! Por, kjo është një gjë tjetër atëherë. Bashkë do ta ndërtojmë edhe Kosovën edhe Serbinë. Nuk ekziston vetëm paqja shqiptare apo serbe. Nuk mund të qani vetëm në një sy. Cfarë duhet të bëjmë që këtë popull ta ulim nën radar, të mos nxitohemi, të jemi të qetë? Nuk guxojmë të harrojmë dhe duhet ta dimë pse kemi bërë krime të tilla, ne nuk e dimë dhe andaj them që Serbia nuk është e gatshme.Nuk është populli im i keq, nuk mund të jetë një popull I keq. Por, ne nuk dimë asgjë.Pqaja për mua është qëllimi.Për këtë duhet parë cfarë mund të bëhet.Veriu i Kosovës kurrë nuk ka qenë Kosovë. Mund të vijë Thaci edhe 100 herë në Gazivodë dhe policia mund të arrestoje kë të dojë në Mitrovicë. Por, kjo kurrë nuk ka qenë Kosovë. As në vitin 1999 nuk ka mundur.Nuk po flas për kufi në lumin Ibër. Si ka arritur Vucic të fitoj 98 për qind të zgjedhjeve. Nuk kanë votuar për program. Por, edhe koalicioni Povratak dikur dhe Beogradi gjithmonë ka kontrolluar jetën politike të serbëve. Unë kam qenë kundër kësaj. Por, kanë ardhur nga bashkësia ndërkombëtare dhe thonë, jo, ne me ju merremi vesh dhe më pas ju servisoni ata. Nuk duam ne të shkojmë të bisedojmë me disa serbe, kjo nuk na intereson. Njësoj kanë ardhur tek Milloshevic dhe me të kanë biseduar dhe jo me Karaxhic e Mlladic për Bosnjën. E di që të gjithë kemi fate të ndryshme dhe shkon rrugës së vet, por kjo nuk do të thotë që nuk mund të kemi një qëllim të përbashkët. Për mua nëse kemi qëllim paqen kjo ndjehet dhe nuk ka nevojë të thuhet.Ne nuk mund të jemi njëri kundër tjetrit edhe pse fatkeqësisht ka shumë tragjedi sidomos në anën tuaj. Kanë vdekur edhe shumëserb dhe kjo nuk është e mohueshme, pas vitit 1999 njerëzit janë vrarë. Por, unë këtë e përjetoj si një pasojë e një politike që e kemi filluar ne. Në Kosovë, në vitin 1989 nuk ka qenë situatë ideale, por ne nuk kemi sjellë paqe dhe rend. Ne atje i kemi venë një populli të tërë cizmen në fyt dhe vetëm kur kemi humbur gjithcka jemi ulur në tavolinë.Kështu kemi shkuar edhe në Kumanovë dhe luftën nuk e kemi patur si argument në Paris e Rambuje. Sic e kemi humbur luftën në Bosnje dhe më pas jemi ulur në Dejton dhe është dashur që të humbim luftën në Kosovë që të ndodh Kumanova, por kjo e Kumanovës nuk ka qenë fundi. Në vitin 1999 ka qenë më e lehtë të arrihet një zgjidhje e qëndrueshme se sa sot. Ende merremi me rezolutën 1244.

Faleminderit për intervistën

Jovanovic: Faleminderit juve dhe shpresoj të flasim sërish dhe të jemi pak edhe krenar për ndonjë gjë që kemi bërë./abcnews.al

 

luciano-boci.jpg
ad min14:30 | 31/10/2019

Ish-deputeti i PD, Luçiano Boçi ngre alarmin e boshatisjes së auditoreve dhe mbylljen e dhjetëra degëve të studimit n universitetet publike. Në një intervistë për ABC News, Boçi thotë se kërkesat e studentëve janë rritur vetëm për degët që i orientojnë ata jashtë vendit, duke paralajmëruar një eksod akoma më të madh të të rinjve.

Në nisje të vitit të ri akademik, ish-deputeti i Partisë Demokratike, Luçiano Boçi në pozitat e akademikut jep alarmin për boshatisjen e auditorëve dhe orientimin e studentëve në degët që pas studimeve universitare i çojnë jashtë vendit.

Në një intervistë për ABC News, Boçi është i bindur për dështimin e Ministrisë së Arsimit me politikat e saj dhe bën thirrje për ndaljen e një eksodi kaq të madh të të rinjve jashtë vendit.

I rikthyer me kohë të plotë si pedagog në Universitetin “Aleksandër Xhuvani” në Elbasan, Boçi tregon se si degë të rëndësishme të Shkencave Humane këtë vit akademik kanë mbetur me auditore të zbrazura.

Për ish-deputetin, pakti për universitetin rezultoi një dështim dhe tallje e madhe me studentët dhe për këtë sjellë në vëmendje premtimin për kartën e studentit.

Në kohën kur demokratët janë në fazën e hartimit të një alternative qeverisëse, Boçi tregon si do të ndryshojë pranimi në universitete dhe mbështetja financiare që do të ketë për studentët.

Javët e fundit përmes denoncimeve publike Partia Demokratike ka akuzuar qeverinë për qasjen që ka pasur me institucionet arsimore, duke treguar se si me vendim qeverie Kopshtit Botanik, kaloi nga një pronë shtetërore në përdorim nga Universiteti i Tiranës në pronësi të Bashkisë së Tiranës./ABC News Albania

INTERVISTE-ALBIN-KURTI-00001.mpg_snapshot_16.45-1280x720.jpg
ent ela22:12 | 26/10/2019

Pas takimit më Kryeministrin Rama, kryeministri i ardhshëm i Kosovës Albin Kurit u takua në Tiranë edhe me analistët Fatos Lubonja, Andi Bejtja, Armand Shkullaku dhe Andi Bushati.  I pyetur sesi mund të qëndrojë sa kohë me Ramën dhe Lubonjën, kur qëndrimet e tyre janë të kundërta, Kurti thekson se të rrish me Lubonjën e njeh më mirë Ramën.

Pjesë nga intervista në ABC News Milori-Kurti:

Milori: Si mund të rrini 4-5 orë me Ramën dhe 4-5 orë me Lubonjënn kur dihen qëndrimet e tyre mund të them armiqësore pa metaforë, janë të kundërta?

Kurti: Koha ku jetojmë është e rëndësishme dhe unë kam shumë vlerësim për gazetarët që kam takuar mbrëmë dhe natyrisht që unë nuk mjaftohem në politikë më politikën dhe më interesojnë dhe qasjet e tjera nga shoqëria, ekonomia, kultura dhe besoj se kur takon njeriu Fatos Lubonjën 5 orë nuk janë as një orë.

Milori: Kupton më mirë Edi Ramën ndoshta?

Kurti: E njeh më mirë. /abcnews.al

kurti-ne-abc-news.jpg
ent ela20:23 | 26/10/2019

Në një intervistë ekskluzive përballë gazetares Mirela Milori kreu i Lëvizjes Vetëvendosje foli për takimin me kryeministrin Rama. Kurti thotë se e beson Kryeministrin Rama që nuk e mbështet shkëmbimin e territorit.

“Kishim një takim 5 orësh, kishim një ndeshje miqësore 5 oreshë, e cila u ndërpre për 45 minuta kur erdhi Depardie. Më pas ne vazhduam për temat e rëndësishme për Shqipërinë e Kosvën e të dyja bashkë.

Kryeministri nuk e mbështet shkëmbimin e territorit, territori nuk është mall për shkëmbim. Besoj se pavarësisht me kryeministrin e Shqipërisë mund të kemi dallime e të përbashkëta jonë na imponojnë që të bahskëpunojmë si dy qeveri më mirë. Ashtu më tha dhe ashtu dua dhe më duhet të besoj”.

Sipas tij intervista e kryeministrit Rama për një gazetë zvicerane, ku shprehej se ishte natyrale për të patur dhe korrektime të vogla mes Kosovës e Serbisë, Kurti e sheh si mbështetje për presidentin e Kosovës, ndërsa shton se Rama duhet t’i përmbahet fjalës së tij të parë kur tha: “President Vuçiç njihe pavarësinë e Kosovës”.

“Konsiston te mbështetja për Presidentin e Kosovës që mbështeti dhe shpalli veriun si dhuratë të ministrit famëkeq Ramkoviç dhe provoi ta bëjë më të gjerë dhe legjitim aventurën e tij personale, akrobacionin e rrezikshëm në këto pazare me serbinë. Konsiderohej korrigjim i dhimbshëm pse do të duhej të quhej korrigjim dhe në anën tjetër kishim Vuçiç që e qunate me një fjalë “rasgranishenje”, në serbisht i bie delimitim, përkufizim, përcaktim kufijsh, prakoncepti i Vuçiçit është racist, dhe kryeministri i Shqipërisë nuk i dilte dot kudnër Presidentit të Kosovës dhe unë mendoj se Rama duhet t’i përmbahet fjalës së tij të parë kur tha: “President Vuçiç njihe pavarësinë e Kosovës”. /abcnews.al

mirela-milori-albin-kurti.jpg
ad min14:53 | 26/10/2019

Fituesi i zgjedhjeve në Kosovë, Albin Kurti do të jetë i ftuar sonte në orën 20:00 në ABC News. Në një intervistë përballë gazetares Mirela Milori kreu i Lëvizjes Vetëvendosje do t’i përgjigjet pyetjeve për disa çështje shumë të rëndësishme që e presin sapo të marrë detyrën.

Qeveria e re e Kosovës, marrëdhëniet me Serbinë dhe jo vetëm. Çfarë mendimi ka kryeministri i ardhshëm i Kosovës për idenë e Schengenit Ballkanik? Çfarë pritet të ndodhë me bashkëpunimin mes Kosovës dhe Shqipërisë? Si e sheh perspektivën e Kosovës, kryeministri i ardhshëm i saj?

Të gjitha do të marrin përgjigje në orën 20:00 në televizionin ABC News. Intervista do të transmetohet live edhe përmes web-it të Abc News Albania. /abcnews.al

arben-pellumbi.jpg
ad min20:48 | 21/10/2019

Do të presin për PD-në, por jo në pafundësi. Është ky përfundimi i PS-së në lidhje me komisionin për reformën zgjedhore.

Deputeti i saj, Arben Pëllumbi, deklaroi këtë të hënë në televizionin ABC News se nëse PD është e interesuar për reformën duhet të ulet dhe të fillojë puna.

Nëse PD nuk ulet, por vazhdon me qëndrimet ultimative, atëherë sipas deputetit do të realizohet një Kod i ri Zgjedhor i bazuar vetëm në rekomandimet e ODIHR.

“Ne mendojmë që rruga e vetme në të cilën mund të kryhet reforma është në përmjet komisionit që është rruga institucionale. PD nëse është e interesuar i ka të gjitha mekanizmat brenda këtij komisioni për t’i arritur çështjet që asaj i interesojnë sikurse ne kemi pikësynimet tona. Ne duhet të ulemi dhe të flasim për këtë gjë, duhet të fillojë puna për këtë gjë. Ne nuk do të presim në infinit. Nëse PD mban këtë qëndrimi refraktar si sot që thotë o kështu siç them unë o jo ne do të ecim përpara me reformën në parlament. Ne kemi bërë një sugjerim tonin që në raste se do të ecim në këtë rrugë që nuk e duam, por do jemi të detyruar të ecim, atëherë ndryshimet që do bëjmë në Kodin Zgjedhor do kenë të bëjnë vetëm nga rekomandimet e OSBE/ODIHR dhe nuk do reflektojmë në to asnjë nga kërkesat që kemi ne si forcë politike”, tha Pëllumbi.

Sekretari organizativ në PS ta gjithashtu se problemi në Shqipëri nuk është me sistemin zgjedhor. Sipas tij, duhet të ketë një administratë zgjedhore, e cila duhet të jetë jo politike.

“Ne si forcë politike jemi të hapur për ta diskutuar, por mendojmë që sistemi nuk ka nevojë për ndryshime, por ne jemi të hapur për të diskutuar nëse gjenden argumentet për të na bindur në këtë gjë. Shqipërisë nuk i vjen e keqja nga lloji i sistemit, por si e përdor sistemin që ka në dispozicion. Çdo lloj sistemi në vetvete është demokratik dhe nxjerr një produkt demokratik po e zbatove siç duhet. Çdo sistem ka të mirat dhe të këqijat e veta.

Kjo është një gjë që dëshirojmë ta zbatojmë që ta çdepolitizojmë sistemin e administratës zgjedhore. Që nga KQZ dhe gjithçka poshtë. E gjithë administrata zgjedhore duhet të jetë jo politike. Në 2003-2004 kemi patur administratë jo politike”, tha Pëllumbi./abcnews.al

pollo.jpg
Autor E11:20 | 19/10/2019

Politikani Genc Pollo ish-deputet e ish-ministër i PD shpreson në vendimin pozitiv të Këshillit Europian në pranvererën e vitit 2020.

Ai nuk shikon rrezik të rritjes së ndikimit në Shqipëri të Rusisë, Kinës apo Turqisë.

Në një intervistë për “DW”, Pollo shprehet duke iu referuar njoftimit zyrtar të BE së vendet do të mblidhen sërish për të rishqyrtuar mundësinë e hapjes së negociatave për Shqipërinë.

“Pra, pas gjashtë muajsh mund të ketë një shans tjetër. Dëshiroj të shpresoj në lajme të mira”, thotë ai.

INTERVISTA E PLOTË

Z.Pollo, Presidenti i Këshillit Europian, Donald Tusk dhe kryeministri italian, Giuseppe Conte e quajtën gabim historik mungesën e vendimit nga Këshilli Europian për hapjen e negociatave të anëtarësimit me Shqipërinë dhe Maqedoninë e Veriut. Ju si mendoni?

Të gjithë ne do të kishim dashur që Këshilli Europian të kishte vendosur pozitivisht. Pasi kështu do të hapej një faze e re dhe procesi i negociatave me Komisionin Von Der Leyen do të ishte shumë i dobishëm për Shqipërinë dhe Maqedoninë e Veriut. Efektet e një vendimi pozitiv në drejtim të forcimit të shtetit ligjor dhe në përgjithësi të Kritereve të Kopenhagenit do të ishin të dobishme edhe për vetë Bashkimin Europian. Për fjalën “historik” nuk di çfarë t’ju them. Njoftimi zyrtar është se BE do të mblidhet në nivel të lartë për të shqyrtuar mundësinë e negociatave me dy vendet tona në pranverën e vitit 2020. Pra, pas gjashtë muajsh mund të ketë një shans tjetër. Dëshiroj të shpresoj në lajme të mira.

Të njëjtën dëshirë, që ju sapo e thatë kanë patur edhe kryeministrat e 25 vendeve anëtare të BE, që këmbëngulën për një vendim pozitiv, hapjen e negociatave. Le t’ju sjell në vëmendje dy argumentat e tyre kryesorë pro hapjes: kredibilitetin e BE dhe veҫoritë gjeo-strategjike të rajonit, përfshirë edhe rrezikun e rritjes së ndikimit të Rusisë, Kinës apo Turqisë. A shihni ju pasoja negative ne këto dy drejtime?

Po filloj nga e dyta dhe po flas vetëm për Shqipërinë, vendin tim. Shqetësimi i penetrimit apo rritjes së ndikimit në Shqipëri nga Fuqi të Treta nuk ka bazë. Popullsia jonë është masivisht proeuropiane, properëndimore dhe klasa politike e reflekton përgjithësisht këtë, të paktën retorikisht. Tek ne, prania ekonomike aktuale e ndonjë faktori të tille ende nuk justifikon shqetësimin e shprehur nga disa në Bruksel, se “mund të biem në prehrin e ndonjë (ish) perandorie tjetër”. Bezdisëse eshtë afërsia personale e Edi Ramës me figura ekstra europiane, por gjithsesi orientimi i përgjithshëm shoqëror nuk e ndryshon dot një kryeministër problematik.

Sa për kredibilitetin e BE, për mendimin tim, ai nuk dëmtohet nga kushtet e arsyeshme dhe nga këmbëngulja për zbatimin rigoroz të tyre. Shikoni sa me gëzim janë mirëpritur në opinionin publik shqiptar kushtet e vendosura nga Bundestagu gjerman me nismën e deputetëve të CDU/CSU-së! Nga ana tjetër mbyllja e syve, sidomos nga ekzekutivi i BE-së para problemeve reale të vendit, nuk ka qenë e favorshme për kredibilitetin e BE. Heshtja e gjatë para problemeve të drogës, zgjedhjeve dhe kapjes së shtetit, përfshi edhe institucionet e reja të drejtësisë, nuk ka ndihmuar një Shqipëri europiane. Ndoshta shkak ka qenë fiksimi me stabilitetin, ndoshta dëshira për zgjidhje sempliste për problemet e pambyllura, ndoshta tjetër gjë; por nuk ka ndihmuar! Shpresoj shumë që Komisioni Von Der Leyen do të rifreskojë qasjen ndaj zgjerimit me fokus sidomos në shtetin ligjor. Këtë kanë kërkuar edhe vende si Franca, dhe sot kancelarja Merkel e ka përkrahur fort këtë ide.

Ka dy vektorë në kundërshtimin e Frances, Hollandës dhe Danimarkës. Njëri është përqasja e re që kërkon Franca nga BE për zgjerimin; tjetri është që Shqipëria dhe Maqedonia Veriore nuk janë gati. Cili nga te dy mendoni se ka patur peshën kryesore në mosmarjen e vendimit nga Këshili Europian?


Unë shoh dy vektorë diku tjetër: në rast vendimi pozitiv, një vektor për Shqipërinë që negociatat i hapen faktikisht vetëm mbasi ka përmbushur 9 kushtet e Bundestagut Gjerman dhe jo më parë se të paktën një vit. Si dhe një vektor për Maqedoninë e Veriut që do të marrë direkt datën e negociatave. Ndërkohë në thelb unë nuk dalloj ndryshim të madh midis qëndrimit gjerman, italian, francez apo danez. Me të parin vendoset në parim pro negociatave, por ato hapen realisht, kur të plotësohen kushtet; me të dytin plotësohen fillimisht kushtet dhe pastaj merret vendimi për fillimin imediat të negociatave.

Zhurma e ekzagjeruar për mosmarrëveshje nuk lypset të mjegullojë këtë realitet. Ndërsa rishikimin e metodologjisë së zhvillimit, si ju thashë më lart, e shoh me shpresë. Shpresoj që Komisioni Von Der Leyen do të niset edhe nga mangësitë e gabimet me Shqipërinë për të arritur një përmirësim radikal. Dhe meqë përmendët Hollandën, ku njerëzit kanë namin se flasin troç e përtej taktit: lexova se kryeministri hollandez, Rutte deklaroi pas samitit se folëm gjatë për Shqipërinë dhe problemet e saj si p.sh. ndarja e pushteteve. Një problem i madh vërtet që nuk mund të tolerohet më.

Z.Pollo, po këmbëngul në pyetjen se kur e shihni te mundur që BE ta konsiderojë hapjen e negociatave si me Shqipërinë, ashtu edhe me Maqedoninë e Veriut?

Nuk dëshëroj ta shoh kohën e hapjes së negociatave sikur të varet thjesht nga kancelarja gjermane Merkel, Presidenti francez, Macron apo liderë të BE. Kjo varet nga ne; sa do të jemi në gjendje të zgjidhim problemet, që të përmbushim si duhet nëntë kushtet gjermane. Dhe pyetja njëqindmilionshe është a mund të zgjidhen këto probleme me qeverinë që i ka shkaktuar ato?

/Intervistoi: Ani Ruci-DW/


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono