intervista

artan-hoxha-1280x750.jpg
ger ta15:34 | 10/02/2020

Pasditen e sotme në orën 17:10 në studion e Abc News, gazetari Artan Hoxha do të publikojë intervistën e realizuar me telefon, me Dritan Rexhepin nga burgu i Ekuadorit.

Këtë intervistë, Hoxha e paralajmëroi pak ditë më parë, ndërsa do të publikohet pasditen e sotme. Dritan Rexhepi, vuan dënimin në burgun e Ekuadorit, ndërkohë është akzuar se urdhëroi pengmarrjen e Jan Prengës më 17 janar në Kamëz, viti pasi vëllai i këtij të fundit kishte marrë dhe fshehur një sasi të madhe kokaine të nisur nga grupi i tij nga Ekuador.

Lidhur me këto akuza, Rexhepi kam folur për herë të parë për gazetarin Hoxha, duke dhënë sqarimet e tij. Gjithçka do të mund ta ndiqni në orën 17.10, në studion e Abc News, ku do të jetë i ftuar gazetari Hoxha përballë Endri Xhafos.

Po ashtu, videon e plotë të Rexhepit, i cilësuar si bosi më i madh shqiptar i trafikut të kokainës do të mund ta ndiqni të plotë edhe në abcnews.al.

Postimi i Artan Hoxhës:

Gramoz (Dritan) Rexhepi, aktualisht i denuar prej afro 6 vitesh per trafik kokaine ne burgun e sigurise se larte, ne kryeqytetin e Ekuadorit, Kuito.

Njeriu i cilesuar nga media, si bosi shqiptar me i madh, i trafikut te kokaines nga Amerika Latine drejt Europes.

I akuzuar gjate tre javeve te fundit si urdheruesi i ngjarjes se 17 janarit 2020, ku u rrembye dhe me pas u zhduk ne resortin Golden te grupit Hajri ne Shijak, trupi i Jan Prenges. Dyshohet se kjo ngjarje u porosit nga qelia e burgut te sigurise se larte ne Ekuador ne shkembim te nje ngarkese kokaine prej 283 kilogramesh, e nisur nga porti Guajakil ne Oqeanin Paqesor dhe e grabitur ne portin Britanik te Portsmuthit nga 5 shqiptare, mes tyre dhe Astrit Prenga, vellai i te rrembyerit ne Kamez.

I cilesuar ne momentin e arrestimit me 26 qershor 2014, ne nje qender tregetare ne qytet-portin me te madh te Ekuadorit, Guajakil, si nje sukses i madh ne luften kunder narkotrafikut nderkombetar nga drejtori i Interpolit ne Lion te Frances.

I arratisur disa here nga burgjet shqiptare dhe ato te vendeve te Bashkimit Europian, dhe i perfshire ne top-listen e 10 personave me te kerkuar ne bote nga Interpol.

40 vjecari nga fshati Velce i Vlores, Gramoz Rexhepi, ka folur per here te pare ne lidhje me akuzat e drejtuara ndaj tij.

Ne nje interviste te gjate realizuar me telefon nga burgu i sigurise se larte ne Kuito, Rexhepi tregon versionin e vet ne lidhje me ngjarjen e fundit qe ka tronditur opinionin ne Shqiperi dhe rrefen te kaluaren problematike te jetes se tij, se si u perfshi ne trafikun nderkombetar te kokaines.

Per me teper sot pasdite duke filluar nga 17:10, drejtperdrejt ne ABC News, nje rrefim mbi Gramoz Rexhepin, dhe ne vazhdim, publikimi ne Ëebin e ABC News te intervistes se plote te njeriut te cilesuar nga mediat shqiptare dhe europiane si bosi me i madh shqiptar i trafikut te kokaines….

Lexo edhe: “Nesër publikoj intervistën me bosin në burgun e Ekuadorit”, Artan Hoxha-Ramës: Çfarë do thuash?

/abcnews.al

Morelos-Sky-Sport-e1580930173425.jpg
Veronik Istrefaj20:09 | 05/02/2020

“SkySport” bëri një gafë të rëndë ditën e djeshme, duke mos e përkthyer mirë një intervistë të sulmuesit të Rangers, Alfredo Morelos. Sky Sport shkroi se sulmuesi kolumbian është ofenduar nga tifozët e Celtic me kore racistë, fjalë që ylli i Rangers nuk i ka thënë:

Falja publike e Sky Sport:

“Ne kemi identifikuar pasaktësi në përkthimin e intervistës “SkySports” me Alfredo Morelos. Ju kërkojmë falje si klubeve të futbollit Celtic, ashtu edhe Rangers, si dhe Alfredo Morelos për polemikat e shkaktuara nga këto gabime.

Pas hapave të shumtë të ndërmarrë nga Sky për të verifikuar plotësisht intervistën, ne mund të themi se në asnjë moment Morelos nuk pretendoi ndonjë abuzim racist, ishte drejtuar prej tij nga mbështetësit e Celtic në intervistë. I kërkojmë falje mbështetësve të Celtic për këtë gabim të rëndë.

Ne po rishikojmë procedurat tona për intervistat e përkthyera, për të siguruar që kjo të mos ndodhë në të ardhmen. Një video e plotë me titra do të publikohet këtu më vonë”./abcnews.al

juxhin.png
R D20:37 | 28/01/2020

Ish-Presidenti Bujar Nishani në një intervistë për gazetarin e Abc News, Juxhin Mustafaraj ka folur për situatën politike në vend por jo vetëm, edhe për rendin e sigurinë. Ai komentoi lirimin e ish-anëtarit të bandës së Durrësit, Endrit Dokle, i cili ka qenë arrestuar në kohën kur Nishani ishte ministër i Brendshëm.

“Rama që ka sulmuar një gjyqtar pse liroi një fakir në Kukës, tani hesht për lirimin e njerëzve të dënuar për krime të rënda”, tha Nishani ndër të tjera.


Pyetje: Janë shtuar rastet e vrasjeve, plagosjeve, etj. çfarë e nxit krimin në vend?

Nishani: Siguria dhe lufta kundër krimit të organizuar është një nga shtyllat kryesore të shtetit. Sa më e fortë të jetë siguria aq më vibrante është shoqëria. Fakti që Shqipëria ka mbërritur në këtë standart të kërcënimit të sigurisë me “brand mafioz” tregon për dështimin e shtetit. Një hetim sekret i policisë italiane, publikuar në media tregoi se është rritur prodhimi i kanabisit në vend, por edhe trafiku i drogërave të forta.

Banda të rrezikshme që kanë patur histori famëkeqe, ose individë të tyre po dalin nga burgjet. Si do ta komentoni, pasi janë arrestuar në kohën kur ju ishit ministër?

Nishani: Për fatin e keq mund të listojmë në realitetin tonë fenomene që tregojnë arsyet e dekradimit të shtetit. Gjithçka nis nga dobësimi i shtetit, kur politika lidhet me krimin, institucionet bëhen të paafta, krimi shfrytëzon politikën për të dominuar ekonominë. Së treti mekanizmi garant duhet të jetë drejtësia. Por tre  3 vite pasi u ndërmorën angazhime të mëdha kushtetuese për të reformuar drejtësinë, zhvillimet më të fundit kanë treguar kapje totale të drejtësisë nga ajo pjesë e politikës që bashkëpunon me krimin. Kemi disa raste kur njerëz të gjykuar nga drejtësia si kapo të krimit të organizuar të dënuar me dënime të rënda, po lirohen njëri pas tjetrit.

Kryeministri para pak vitesh kur nisi aksioni kundër informalitetit në energji, sulmoi një gjyqtar të Kukësit pse kishte liruar një fakir që s’kishte paguar energjinë. A e keni dëgjuar Ramën të reagojë për vendimet e gjykatësve për të liruar kapot e krimit, adresimin ndaj këtyre gjyqtarëve?! Ky është stadanrdi që e nxjerr zbuluar një njeri që nuk ka qëllim shtetin ligjor. /abcnews.al

Armando-Duka-FSHF.jpg
Veronik Istrefaj18:04 | 27/01/2020

Presidenti i FSHF-së, Armando Duka, ka dhënë një intervistë të gjatë për revistën “Monitor”, aty ku ka prekur shumë tema delikate rreth futbollit shqiptar. Të ardhura vjetore, stadiumi “Air Albania”, infrastruktura, vlera e kombëtares shqiptare dhe prioritetet për vitin 2020, ishin vetëm disa nga temat e prekura nga kreu i Federatës.

Sa janë të ardhurat që siguron futbolli shqiptar në vit dhe cilat janë burimet kryesore të këtyre të ardhurave?

Mund të konfirmoj se shifrat që siguron futbolli shqiptar, kanë ardhur në rritje në dekadën e fundit. Këtu mendoj se duhet të bëjmë një ndarje mes buxheteve të FSHF dhe atyre të klubeve. Buxheti vjetor i Federatës së Futbollit është 8.2 milionë euro. Ndërsa nëse do flasim për klubet, në Kategorinë Superiore, variojnë nga 400 mijë Euro deri në 1.2 milionë Euro për secilin prej tyre. Në kategoritë e mëposhtme kemi buxhete modeste, sepse shumica dërrmuese e tyre menaxhohen nga qeverisja vendore, pra bashkitë janë aksionarët kryesorë të shoqërive.

Ndërkohë burimet e të ardhurave, ashtu si edhe në vende të tjera evropiane, vijnë nga të drejtat e transmetimeve televizive të ndeshjeve, shitja e biletave në stadiume, kompensimi i edukimit, merkato e lojtarëve si brenda ashtu edhe jashtë vendit etj.

Ajo që na duhet të gjithëve në këtë sektor, dhe këtu e kam fjalën për klubet, është një punë më e mirë për të shtuar burimet financiare, për të shtuar të ardhurat e në mënyrë paralele për të ofruar një standard që sportdashësit e mirëpresin. Kemi ende rrugë në këtë drejtim, dhe klubet, akademitë e futbollit por edhe institucionet shtetërore përgjegjëse për këtë fushë, e dinë që duhet të ecin krah nesh në këtë përpjekje kombëtare”.

Cila do të jetë vlera e shtuar që do i japë ndërtimi i stadiumit Air Albania për FSHF? Nëse mund të na tregoni, sa të ardhura shtesë në vit pritet të sjellë ky stadium?

“Vlera e shtuar e stadiumit tonë të ri, është e gjithanshme. Nëse do ta specifikoja, mendoj se vlera mbi të gjitha është sociale, profesionale dhe ekonomike. Që t’i marr me radhë: Air Albania Stadium është një vlerë sociale, sepse krijon një ambient të ri, atmosferë të re, për 22 mijë sportdashës, si kurrë më parë në Shqipëri. Ky impiant e kthen një ndeshje futbolli në një festival, në një vend argëtimi, në një vend ku mund të shkosh me familjen e veçanërisht me fëmijët. Nga ana tjetër, vlera e shtuar është profesionale. Pyesni futbollistët që kanë luajtur aty, e do ju përgjigjen se çfarë ndryshimi është të luash në një stadium të këtij kalibri. Pra, ndikimi profesional te futbollistët, stafet përkatëse, klubet etj. është shumë i madh. E treta, sigurisht është ndikimi ekonomik. Të ardhurat krahasuar me një stadium me kapacitet 8 mijë ose 10 mijë vendesh nuk është e njëjtë. Vlera që gjeneron është shumë herë më e madhe.

Arkëtimet në favor të futbollit shqiptar përgjatë një viti, duke përfshirë të gjitha eventet sportive të mundshme të kombëtares, klubeve në kampionat dhe kupë arrijnë një  pritshmëri prej 1.5 milionë euro ndërkohë këtu mund të shtojmë edhe të ardhurat nga e drejta e emrit të stadiumit, shitja e skybox-eve etj. një vlerë rreth 900 mijë euro. Ndërkohë që aty ofrohen edhe shumë shërbime dhe facilitete të tjera, si salla konferencash, aktivitetesh etj. Qëllimi ynë është ta hapim këtë impiant si një mjedis multi-kulturor modern për evente të ndryshme social-kulturore”.

Sa mendoni se është e lidhur infrastruktura me suksesin në fushën e futbollit?

“Gjykoj se janë dy kolona kryesore lidhur me suksesin në fushën e futbollit: e para është infrastruktura. Pa të, do të ishte e pamundur të flisnim për një nivel e për një standard të pranuar. Infrastruktura është po aq e lidhur  me suksesin në futboll sa ç’është ecuria dhe mirëqenia ekonomike për gjithë vendin tonë nga ndërtimi i rrugëve, autostradave, porteve e aeroporteve. Sa më e zhvilluar infrastruktura, aq më të mëdha janë mundësitë. Rrugët hapen, kostot bien, fitohet kohë.

Shtylla e dytë është edukimi. Me këtë infrastrukturë, na jepet mundësia që të edukohen fëmijët dhe të rinjtë tanë, që sigurisht duke parë vendin ku luajnë, do kërkojnë më shumë nga vetja. Pra, infrastruktura sjell një standard edhe në pjesën edukative si dhe të disiplinës.

Sa vlen sot Kombëtarja Shqiptare dhe sa pritet të rritet vlera e saj në të ardhmen?

“Është vështirë të flitet për shifra në një treg të ndryshueshëm përditë. Por sipas vlerësimit tonë, kombëtarja jonë aktualisht ka një vlerë deri në 90 milionë Euro. Vlera e djemve tanë ka ardhur në rritje, nisur edhe nga mbështetja dhe prioriteti që ne i kemi dhënë kombëtares. Kualifikimi në Euro2016, solli më pas edhe një rritje të nivelit të djemve që sot derdhin djersë në klubet më të mira të Evropës. Nëse do bëja një parashikim dhe duke gjykuar të punojmë të gjithë edhe më shumë, mendoj se në pesë vitet e ardhshme mund të kemi një vlerë të dhjetëfishuar”.

Shpesh shohim kriza ekonomiko-financiare në fushën e futbollit, e sidomos te klubet. Cili është komenti juaj për këtë?

“Është normale që të shohim kriza, sepse sidoqoftë ne mbetemi një treg i vogël. Shpesh me pa të drejtë, edhe vetë ne apo media, krahasohemi me vende të mëdha, qoftë në popullsi apo territor. Pra, krahasohemi me tregje të mëdha, me shumë mundësi  mbi të gjitha me rregulla e politika të qartë shtetërore. Shumë nga vendet pararojë në futboll, kanë nga pas rregulla e politika shumë të strukturuara që e mbështesin futbollin, jo thjesht si një lojë, por mbi të gjitha si një e mirë publike, që u vlen të gjithëve. Për këtë arsye nevojitet reforma në sport dhe një mbështetje më e madhe për klubet shqiptare në tërësi, dhe ato që luajnë apo aspirojnë të luajnë në Superligë në veçanti. Fatkeqësisht, ne nuk kemi një strategji kombëtare për sportin, dhe shteti shqiptar ka një buxhet qesharak për fushën tonë. Mendoj që kjo është një ndër arsyet kryesore të krizës”.

Çfarë masash ka marrë FSHF për mirë-menaxhimin ekonomik të futbollit shqiptar? Konkretisht cilat mund të jenë burimet shtesë të financimit dhe si mund të përdoren ato për të rritur performancë e futbollit shqiptar.

“Ne kemi punuar fort që klubet tona të mirë-menaxhohen. Kemi qenë pranë tyre dhe i kemi mbështetur. Por kur vjen puna te pjesa ekonomiko-financiare, duhet të jemi të kujdesshëm dhe në këtë drejtim u kemi kërkuar atyre që të mirë-menaxhojnë proceset e tyre. Nga ana tjetër një masë e rëndësishme që mund të përmendet është edhe rritja e numrit të futbollistëve. Ka sot shumë herë më tepër të rinj që janë të angazhuar në të gjitha grupmoshat, me ekipet tona, dhe jemi të gëzuar që interesi është në rritje. Vëmendja e shtuar e shoqërisë sonë ndaj futbollit, sjell rrjedhimisht edhe rritje të të ardhurave por edhe rritje të edukimit të këtyre të rinjve. Sigurisht këtu s’po zgjatem te impaktet që ka futbolli te këta të rinj në fushën e displinës, punës në grup etj”.

Sa lidhje vlerësoni që ka pasur rendimenti ekonomik në performancën e futbollit deri tani?

“Klubet patjetër që duhet të kenë një rendiment ekonomik. Por që të kenë një rendiment të tillë, duhet të marrin parasysh shumë faktorë. E para, është përcaktimi mirë i objektivave dhe ruajtja e një lloj stabiliteti ekonomik që bazohet te kërkesë/oferta. Dhe kur flasim për këtë gjë, duhet të kuptojmë që pa mbushur stadiumet tona ne nuk mund të kemi sukses në futboll. Pa tërhequr qytetarët tanë, së bashku me familjet e tyre, me fëmijët e tyre, ne nuk  mund të kemi sukses. Futbolli nuk është me një pronë e burrave, si për të luajtur ashtu edhe për ta ndjekur si tifoz. Tashmë, modelet ndërkombëtare tregojnë se prania e femrave në stadiume si lojtare por edhe si sportdashëse, prania e fëmijëve, në të gjitha terrenet sportive si lojtarë të vegjël, por edhe si të pasionuar është një domosdoshmëri”.

Cila është mbështetja e UEFA-s dhe FIFA-s në këto vite nga ana ekonomike dhe financiare për FSHF dhe a ka pasur ndikim në punën tuaj?

“UEFA dhe FIFA na kanë dhënë një mbështetje të madhe, dhe ne jemi mirënjohës për këtë. Ato mbështesin futbollin evropian dhe atë botëror dhe padyshim FSHF-në përmes projekteve të ndryshme zhvillimore. UEFA Hat-Trick dhe FIFA Forëard janë dy projekte konkrete. Përmes këtyre projekteve është arritur rikonstruksioni i të gjitha fushave me bar natyral të Kategorisë Superiore dhe disa fushave të Kategorisë së Parë, mini-fushave me bar artificial nëpër shkolla, mbi 15 fusha me bar artificial për klubet, shtatë sisteme ndriçimi për stadiumet si dhe projektet madhore në infrastrukturë, si stadiumi i Elbasanit, Shkodrës dhe së fundit, “Air Albania Stadium”. Mbështetja e tyre është e paçmuar!

Një tjetër mbështetje e FIFA-s është projekti “Topi Yt”, të cilin FSHF po e organizon për të katërtin sezon radhazi, duke ofruar mbi 20 mijë topa (në vit) për të gjitha klubet shqiptare, akademitë e deri te amatorët. Këtu flasim për një shifër prej 1.5 milionë euro mbështetje me bazë materiale për fëmijët e shkollave ku zhvillohet projekti Groë, U-7 dhe U-9 deri te ekipet e Superligës”.

Stadiumi është investimi më i madh në futbollin tonë, a do ta pasojnë të tjerë, e keni një plan konkret?

“Po, sigurisht, ky është investimi më i madh deri më sot. Ne duam që ai të mirë-menaxhohet dhe të kenë sukses edhe si një investim ekonomik. Në fakt nuk është i fundit si investim nga ana e Federatës. Por nuk ishte as i pari. Ne ndërtuam nga fillimi dy stadiume të tjerë, Stadiumin “Elbasan Arena” dhe stadiumin “Loro Boriçi” në Shkodër. Aktualisht jemi duke punuar që të mbyllet brenda këtij viti stadiumi i Kukësit. Ne po vijojmë në mënyrë paralele të rikonstruktojmë fushat dhe stadiumet ekzistuese. Vetëm pak javë më parë mbyllëm rikonstruksionin e stadiumit të Fierit. Pra, puna jonë vazhdon. Nuk mund të ndalojmë kur vjen puna të modernizimi i infrastrukturës. Qëllim parësor është që fëmijët tanë, djemtë dhe vajzat, dhe po ashtu edhe të rriturit, të kenë ambiente moderne në rajonet ku banojnë, në mënyrë që të angazhohen në botën e mrekullueshme të futbollit”.

Cilat janë prioritetet tuaja për vitin 2020?

“E thashë edhe pak më lart, prioriteti ynë kryesor është që të tërheqim sportdashësit tanë në stadiume. Ky mbetet prioritet i prioriteteve. Qëllimi ynë është që stadiumet, fushat dhe terrenet sportive të kthehen në festivale sportive për prindërit dhe fëmijët e tyre. Ndërkohë, prioriteti i punës së këtij viti është zhvillimi i futbollit të fëmijëve dhe femrave. Ka një tendencë për ta parë futbollin si sport të djemve. Ne duhet ta ndryshojmë këtë. Shohim që kemi ekipe të talentuara të vajzave, dhe do të donim shtrirjen.

Në këtë aspekt, unë dua t’u bëj thirrje prindërve që t’i aktivizojnë vajzat e tyre në shkollat dhe akademitë e futbollit. Nga ana tjetër edhe shkolla duhet të bëjë pjesën që i takon në këtë drejtim. Ne bashkëpunojmë ngushtësisht me Ministrinë e Arsimit dhe Sporteve, duke i mbështetur që këtë prioritet ta shtrijmë në të gjitha shkollat e vendit, pasi është edhe pjesë e punës së tyre në kurrikulën e edukimit fizik. Këtu dua të përmend si një prioritet  të pandryshuar projektin e ndërtimit të 100 fushave në rang republike, që ka një vlerë prej 20 milion eurosh”.

Dhe në fund një pyetje paksa personale, ku e shikoni veten më të suksesshëm në biznes apo në drejtimin e futbollit?

“E kam thënë edhe më parë që në fillim më quanin biznesmeni president, ndërsa sot, presidenti biznesmen. Unë i kam kushtuar jetën time futbollit, dhe pavarësisht vështirësive dhe paragjykimeve që nuk kanë qenë të pakta, kam marrë dhe vijoj të marr një kënaqësi të madhe. Vëmendja ime parësore është te futbolli dhe zhvillimi i tij. E ndërsa arritëm një sukses historik në vitin 2016, pjesëmarrjen në kamionatin evropian, tashmë nga ne pritet ky standrad; pra që ekipet tona kombëtare të kualifikohen për këto evenimente të futbollit ndërkombëtar”.

ilir-meta-intervista.jpg
nev ila17:44 | 21/01/2020

9 vjet pas 21 Janarit, kur bulevardi Dëshmorët e Kombit u përgjak me 4 viktima, Ilir Meta, sot president i Republikës thotë se qytetarët u keqpërdorën nga politika

“Ai 21 janar na kujton se politika ka përdorur dhunën për të arritur objektivat politike në mënyrë të pandershme. Kjo na tregon se sa e rëndë është situata kur instrumentalizohen qytetarët për qëllime të tilla. Na kujton se duhet të heqim dorë nga dhuna për të arritur qëllime politike”, tha Meta.

Pas një viti krizë të fortë politike e institucionale, 2020-a ka nisur me paqëtim të mazhorancës e opozitës, të cilat arritën vetë një dakordësi për të finalizuar reformën zgjedhore. Për kreun e shtetit kjo nuk duket e mjaftueshme.

Tryeza për reformën zgjedhore i duket shumë e ngushtë e propozon që të zgjerohet edhe me çështje të tjera.

“Eshtë hap pozitiv sepse përfundimi i reformës zgjedhore është kërkesa e Bundestagut dhe gjithë procesit të kushtëzuar për hapjen e negociatave. Shpresoj të mos ketë surprizë tjetër rrugës. Edhe sikur ky hap të jetë pozitiv, është fare pak edhe teper vonë. Kërkohet një tryezë tjetër shumë e thellë më e përgjegjshme për të plotësuar të gjitha detyrimet. Duhet të shkojë përtej reoformës zgjedhore sepse ajo nuk do të zgjidhë ndonjë gjë të jashtëzakonshme”, tha Presidenti.

Edhe vetë kreu i shtetit ndihet më i qetë në vitin 2020. Nuk ka dyshim se është i pamundur realizimi i shkarkimit të tij, edhe pse ligjërisht do vijojë mbrojtjen edhe në komisionin e Venecias, aty ku po përgatitet të dërgojë një seri pyetjesh të tjera pas pyetjeve që dërgoi parlamenti, lidhur me kontestimin e një anëtareje të Gjykatës Kushtetuese./abcnews.al

 

 

ilir-meta-kushtetuta-1280x713.jpg
nev ila16:58 | 21/01/2020

Presidenti Meta i ka qëndruar vendimeve dhe opinioneve të tij në lidhje me kompetencat e Presidentit në raport me Kushtetutën.

Meta tha se është i detyruar ti drejtohet Komisioni i Venecias, pasi Kuvendi ka vënë në diskutim kompetencat e Presidentit, dhe si e tillë, edhe Presidenti duhet ti drejtohet Venecias në lidhje me parlamentin.

Po ashtu Presidenti u shpreh se, nuk kishte asnjë forcë në botë, që mund ti bënte presion, në raport me ligjin, dhe bindjet e tij politike.

Meta theksoi gjithashtu se Kuvendi, edhe tani pas 3 javëve, nuk ka bërë edne publik, të gjithë parashtrimin apo komunikimin zyrtar, të Kuvendit me Komisionin e Venecias.

Pjesë nga Intervista:

Gazetarja: Për çfarë do ta pyesni Komisionin e Venecias, tani pas shtesës së re të hetimit të objektit?

Presidenti Meta: Nuk ka qenë qëllimi im për t’iu drejtuar Komisionit të Venecias. Por për shkak se Parlamenti ka ndërmarrë një nismë të tillë për të vënë në diskutim sipas tij, kompetencën kushtetuese të Presidentit të Republikës, edhe unë isha i detyruar, për të bërë të njëjtën gjë për Parlamentin.

Në qoftë se do të ishit e vëmendshme, Kuvendi ende, edhe pas më shumë se sa tri javë, edhe pse presupozohet se është institucion i përbërë nga forca të ndryshme politike, një institucion transparent dhe jo monokratik, ende nuk ka publikuar të gjithë parashtrimin apo komunikimin zyrtar të Kuvendit me Komisionin e Venecias.

Komisioni i Venecias është i detyruar të vihet në lëvizje nga ana procedurale sa herë që një parlament ia kërkon, por në rastin konkret kemi të bëjmë me një situatë absurde për arsye sepse nuk kemi se çfarë t’i interpretojmë Kushtetutës kur Kushtetuta e ka shprehur shumë qartë se si ndërtohet Gjykata Kushtetuese, pra e balancuar: tre anëtarë zgjidhen prej Presidentit, tre nga parlamenti, tre nga Gjykata e Lartë. Jo vetëm kaq, por edhe në një radhë të përcaktuar në Kushtetutë. Presidenti emërimin e parë, parlamenti emërimin e dytë, Gjykata e Lartë të tretin dhe pastaj përsëri në këtë mënyrë.

Gazetarja: A mendoni se po fitojnë kohë? Për faktin se nuk duan të bëjnë shkarkimin tuaj, por po e përdorin si një mjet për t’ju bërë presion?

Presidenti Meta: Së pari nuk ekziston mundësia nga asnjë fuqi në botë që të më bëjë mua presion në raport me Kushtetutën, në raport me ligjin dhe në raport me bindjet e mia politike.

Gazetarja: Apo nuk e kanë seriozisht?

Presidenti Meta: Kjo vetëm tregon se sa jo serioze është situata në raport me funksionimin e shtetit të së drejtës në Shqipëri.

Komisioni i Venecias e tha shumë qartë herën e parë se pretendimet e Kuvendit nuk hyjnë kurrsesi në ato raste kur Presidenti mund të hetohet apo të shkarkohet. Kjo është tepër e qartë.

Dëshira e tyre është thjesht një vetëdemaskim se ku qëndron burimi i të gjithë krizës institucionale dhe demokracisë në Shqipëri.

Në këtë vend, ku kemi një kontroll absolut nga vetëm një parti,të Kuvendit, të pushtetit vendor, të shumicës së gjithë institucioneve të pavarura të kontrolluara nga ky kuvend, dhe një kontroll të plotë të të gjitha instrumenteve të vetting-ut dhe realisht të zbatimit apo të keq zbatimit të vetë reformës në drejtësi, kemi një pengesë që është Presidenti i Republikës, që është një institucion i pavarur dhe njëkohësisht i patrembur.

Gazetarja: Ndryshe paraqitet situata nga kampi tjetër. Në fakt ju keni këtë situatë në parlamentin me mazhorancës.

Presidenti Meta: Unë e kam situatën shumë të thjeshtë, sepse unë i referohem Kushtetutës dhe vetëm Kushtetutës.

Në çdo rast mund t’jua tregoj në Kushtetutë se të gjitha veprimet e Presidentit janë mjaft solide.

Është Presidenti ai, i cili ka kërkuar bashkëpunim me Kuvendin dhe kjo është e dokumentuar zyrtarisht.

Janë disa shkresa, disa qëndrime publike, janë të gjitha të dokumentuara dhe zyrtare, ku Presidenti i kërkon Parlamentit bashkëpunim që të dyja institucionet të mos përplasen, por të respektojnë Kushtetutën dhe të mos dëmtojnë besueshmërinë e vetë Gjykatës Kushtetuese.

Siç e dimë, nuk ka pasur asnjë përgjigje nga ana e Parlamentit.

Lexo edhe: http://abcnews.al/intervista-ekskluzive-ilir-meta-flet-per-21-janarin-politika-perdori-qytetaret-ne-menyre-te-pandershme/

Është Presidenti që i ka kërkuar KED-së, dhe në veçanti kryetarit të KED-së, i cili nuk ka asnjë kompetencë nga ato për të cilat ai është kallëzuar penalisht në Prokurori, që të respektojë Kushtetutën, të respektojë radhën kushtetuese të zgjedhjes së anëtarëve të Gjykatës Kushtetuese, gjithashtu që të kryejë detyrat e tij që ta ndihmojë Presidentin të mos e shkelë Kushtetutën. Të njëjtën gjë të mos e bëjë as parlamenti dhe askush tjetër në interes të një procesi legjitim dhe të besueshëm të krijimit të Gjykatës Kushtetuese.

Pra, Presidenti i Republikës gjithmonë ka kërkuar, i ka paraprirë dhe ka bërë gjithçka për të evituar përplasjet dhe për të mos u vendosur as vetë në një pozitë të vështirë në raport me Kushtetutën dhe ligjin, por as institucionet e tjera në këtë rast, që të mos bëjnë një dëm të tillë, i cili tashmë është bërë, jo për faj të Presidentit./abcnews.al

 

Musta.jpg
Veronik Istrefaj17:09 | 13/01/2020

Emanuela Rusta është padiskutim arbitrja më e njohur shqiptare. Rusta drejtoi dhe takimin miqësor, “Ndeshja e Yjeve”. që u luajt në Air Albania Stadium dhe aty tërhoqi një vëmendje të madhe. Në një intervistë për “Albeu.com“, arbitrja bukuroshe tregoi shumë gjëra, nga pasioni për arbitrimin, e deri te ngacmimet që i bëjnë shpeshherë futbollistët.

PASIONI PËR ARBITRIMIN – “Dëshira për arbitre lindi prej një kolegu që është arbitri më i mirë në Shqipëri”.

VËMENDJA E MADHE – “Një formë shpërblimi i punës për kaq kohë pa hequr dorë deri tek suksesi”.

FRYMËZIMI – “Emanuela frymëzohet nga persona që kanë arritur çdo gjë me punë dhe korrektësi”.

VËSHTIRËSITË – “Nuk është e vështirë për një femër nëse është serioze dhe korrekte ta ushtrojë këtë profesion”.

NGACMIMET NGA FUTBOLLISTËT – “Jo, janë mësuar tani që femrat po shtohen në fushën maskiliste të futbollit”.

PALESTËR – “Çdo ditë në palestër dhe minimumi 2 ore në ditë”.

STATUSI – “Statusi në një lidhje të pandashme me profesionin dhe karrierën që po bej”.

PASIONET – “Çdo gjë tek unë është e lidhur me sport. Jap mësim në lëndën Edukim Fizik dhe Sport në gjimnaz dhe jam në përfundim të një masteri shkencor tek UST”.

TIFOZE – “Shoh shumë ndeshje por nuk jam tifoze e ndonjë skuadre, shoh vetëm nga ana e gjykimit një ndeshje”.

USHQIMI I PREFERUAR – “Hmm, ushqimi im i preferuar është çdo ushqim që është i shëndetshëm”.

MAL APO DET – “Turizmi mix, secili ka të veçantat dhe bukurit natyrore ndryshe nga njeri tjetri”.

SUKSESI – “Gjithë suksesin tim, ia dedikoj familjes time, padiskutim babit tim”, u shpreh Rusta./abcnews.al

Neymar-4.jpg
Veronik Istrefaj16:48 | 13/01/2020

Ylli i PSG-së, Neymar Jr, shënoi dy gola dhe asistoi të tretin në takimin kundër Monacos, që u mbyll me rezultatin 3-3. Trajneri Tomas Tuchel aktivizoi katër sulmues, Di Marian, Neymar, Mbappe dhe Icardin.

Në sulm, PSG nuk kishte asnjë problem, por në fazën e tranzicionit, mesfusha ishte e zbuluar dhe jo më kot pësuan tre gola. Megjithatë, Neymar mendon se të katër sulmuesit funksionojnë mirë së bashku dhe kur u pyet nga një gazetar për të kundërtën, shpërtheu:

“Mendoj se funksionojmë mirë së bashku. Merremi vesh shumë mirë dhe jemi lojtarë me cilësi fantastike. Shënuam tre gola dhe ajo që thoni ju që nuk funksionojmë, është e gabuar. Prandaj kjo është përgjigja që po të jap, kështu që…”, tha ylli brazilian teksa largohej./abcnews.al

konmdili.jpg
ger ta12:30 | 18/12/2019

Edvin Kondili është kandidati i tretë i cili ka bërë prezantimin në mbledhjen e Këshillit të Lartë të Prokurorisë, në kuadër të zgjedhjes së drejtuesit për Prokurorinë e Posaçme kundër Korrupsionit dhe Krimit të Organizuar (SPAK).

Kondili ka paraqitur platformën e tij, duke shprehur dëshirën për drejtimin e SPAK i motivuar nga eksperienca e tij.

Kam shprehur dëshirën për drejtimin e SPAK nisur nga motivimi dhe eksperienca ime.  Ngritja e SPAK do të bazohet në objektiva konkrete në afate sa më të shpejta: krijimi i BKH si plotesues e SPAK

Garantimi total e pavaresise së prokurorëve, mentaliteti ndryshuar i prokurorëve larg centralizimit e dikurshëm.  Prokurori është pergjegjes për të gjitha veprimet e veta.

Organizimi i veprimit për cështjet nën hetim, protokolle hetimore konkrete me afate të qartë hetimi. Puna në grup, një qëllim të përbashkët e gjithë SPAK: aplikimi i hetimeve proaktive për hetime pasurore. Opinioni publik pret rezultate konkrete dhe ështëdetyra jonë parësore të vijmë në pirtshmërine e tij.  Bshkëpunimi me agjensitë të tjera ligjizbatuese me rëndesi të veçantë: efektiv, në kohë sa më të shkurtër dhe me mjetet të përshtatshme për çdo çështje. Marredhenia me publikun shumë e rëndesishme dhe bashkëpunuese sigurisht pa cënuar sekretin hetimor”, është shprehur ai.

I pyetur se kush është arma e  tij më e fortë në raport me dy kandidatët e tjerë për shkak se nuk ka eksperiencë drejtuese, Kondili u përgjigj: “Kam eksperiencë prej 15 vite si prokuror, por asnjeherë drejtues. Kjo gjë nuk më ka demotivuar, por bazohem në të gjithë eksperiencën time ku kam patur rastin të prek cdo aspekt i hetimit të një çështje”.

Ndërkaw, EURALIUS i është drejtuar prokurorit me pyetjen se si vepronte si administrator i kësaj strukture?

Si drejtues administrativ SPAK, do të ndiqen të gjitha parashikime të ligjit për funksionimit të SPAK. Drejtuesi nuk mund të nderhyjë në pavaresinë e prokurorit. Drejtuesi është prokuror dhe si i tillë do te jetë mbështetje për këtë strukturë”, tha Kondili./abcnews.al

 

Successful-Job-Interview-1.jpg
So Nila08:36 | 12/12/2019

Ekspertët thonë se mjafton vetëm një fraksion sekondi për t’i bërë dikujt përshtypje. Ky fakt duhet t’ju vlejë më shumë para një interviste pune. Në mënyrë që punëdhënësit t’i lini shije të mirë, duhet të tregoheni të kujdesshëm edhe me gjestet më të vogla.

1. Mos përdorni aroma të rënda.

Shkencëtarët thonë se 30% e njerëzve i urrejnë aromat e forta, kështu që s’ka rëndësi sa i shtrenjtë apo i famshëm është parfumi që po përdorni, atë ditë, mos e përdorni.

2.Mos shihni TV një natë para

E dimë që ditët e sotme është e vështirë ta imagjinosh veten pa smartphone apo laptop, por para një interviste pune, bëni mirë t’i harroni. Drita blu ndikon keq në shikimin tonë duke shkaktuar kështu pagjumësi dhe në raste të rralla edhe depresion. E mira është të flini herët. Rrathët e zinj poshtë syve s’janë aspak të këndshëm përpos faktit që nëse flini keq s’do të jeni në gjendje të përgjigjeni si duhet.

3.Mos diskutoni histori personale

Duhet të tregoheni miqësor, por jo shumë miqësor. Mos flisni me shefin e ardhshëm për aventurat e fundjavës që shkoi, për gabimet apo për kushërinjtë tuaj. Fokusohuni tek puna.

4.Bëni kujdes të keni një emër serioz email-i.

Harrojeni email-in që hapët kur ishit 15 vjeç. Emri duhet të jetë i plotë për t’i treguar punëdhënësit që ka përballë dikë që i fal kredibilitet.

5.Mos t’ju shkojë ndërmend të merrni kafe në dorë

Edhe nëse jeni fanse e zjarrtë e kafes, mos e merrni me vete gjatë intervistës. Thjesht do t’ju shpërqëndrojë. Gjatë kohës që ju ktheni gotën plastike, mund të mos dëgjoni pyetjen që ju bëhet. Në vend të saj merrni një bllok shënimesh./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono