interpelancë

ahmetaj.jpg
G. P.15:54 | 04/05/2018

Ministri i Financave dhe Ekonomisë, Arben Ahmetaj zhvilloi një interpelancë virtuale me përfaqësues të bizneseve të vogla. Në vazhdim të dialogut për përfshirjen në skemën e TVSH-së bizneset që e kalojnë xhiron vjetore 2 milionë lekë, ministri Ahmetaj i sqaroi se fokusi është formalizimi i ekonomisë.

Kush fiton më shumë duhet të paguajë më shumë. Këtë filozofi ka përdorur qeveria në lidhje me vendosjen e pragut të TVSH dhe qasjen ndaj biznesit të vogël.

“Në ka administratë dhe qeveri në kokë që të harxhojë të gjithë energjitë dhe të fokusohet të shtresa që vetëpunësohet. Jemi të qartë që nuk është ky qëllimi jonë. Që të fokusohemi me kontrolle. Fokusi është biznesi i madh”.

Ministri i Ekonomisë dhe Financave, Arben Ahmetaj, në një interpelancë me përfaqësues të biznesit të vogël, sqaroi skemën e deklarimit të TVSH-së. Ai theksoi se janë pak më shumë se 75% e sipërmarrjeve që pësuan ulje taksash.

 “Nuk u rritën taksat, përkundrazi u ulën për rreth 75%-80% të  sipërmarrjeve shqiptare që përfituan ulje drastike taksash”

Zërave kritikë për rritje të cmimeve u përgjigjet edhe një herë prerë.

“Është folur do ketë rritje çmimesh. Fakti tregon që nuk ka rritje çmimesh”.

Ministri Ahmetaj u dha edhe një informacion të fundit që ka të bëjë me shpenzimet.

“Ju keni mundësi të përfitoni të zbritshme të gjitha shpenzimet që ju keni. Shumë sipërmarrje do të dalin me TVSH të kreditueshme, veçanërisht në deklarimet e para”./abcnews.al

edi-rama-me-minatoret.jpg
G. P.14:35 | 16/04/2018

Qeveria do të detyrojë me ligj kompanitë minerare të sigurojë jetën e çdo minatori që punon në to. Kryeministri e njoftoi këtë gjatë një interpelancë online me një përfaqësi të minatoreve, ku u diskutua për kërkesat e tyre.

Në takimin virtual me kryeministrin Edi Rama i adresojnë një shqetësim të vjetër që s’ka marrë ende zgjidhje.

“Është një kërkesë që është aq e vjetër, sa jeni ju në politikë”.

Pagat minimale, jo më pak se 200 përqind e pagës minimale zyrtare. Pensioni minimal të jetë 131 përqind i pagës minimale. Janë disa nga kërkesat e minatorëve, të cilat janë në rrugën e zgjidhjes, sipas ministrave, në krah të kreut të qeverisë.

Një tjetër kërkesë është për familjet e minatorëve që humbin jetën në minierë. Por është kryeministri që u tregon se çfarë ka planifikuar qeveria.

Edi Rama: “Rruga nuk është buxheti. Rruga është sigurimi i jetës dhe ne e kemi pjesë të planit që t’u imponojmë kompanive sigurimin e jetës së çdo minatori”.

Pavarësisht se kryeministri u shpjegoi se qeveria ka çuar përpara shumë reforma, në shëndetësi dhe drejtësi minatorët dëshmojnë të kundërtën.

I ashpër tregohet kreu i qeverisë edhe me gjykatësit që nuk po kalojnë procesin e Vettingut duke i paralajmëruar se nuk ka mbaruar me kaq.

Edi Rama: “Askush të mos mendojë që këta gjykatës që spastrohen do jenë rehat sepse sistemi i ri i Prokurorisë dhe Gjykatave nuk ka për t’i lënë rehat në rast se kanë shkelur në raste flagrante dhe këta kanë shkelur në raste flagrante”.

Pavarësisht toneve të ashpra për ata që abuzojnë me detyrën e ligjin, kryeministri u përpoq ta bëjë më pak institucionale bashkëbisedimin virtual./abcnews.al

interpelanca-1280x673.jpg
G. P.15:18 | 05/04/2018

Nga sot qeveria ka nisur zyrtarisht informimin e banorëve të Kukësit dhe përdoruesëve të rrugës së Kombit për tarifat që do të vendosen për pagesën e mirëmbajtjes së kësaj rruge. Kryeministri Edi Rama në interpelancën që zhvilloi me këshilltarë të bashkisë dhe qarkut të Kukësit u kërkoi ndjesë që nuk kishin dhënë informacionin e nevojshëm më herët por brenda 60 ditësh do të jetë gati marrëveshja që do të arrijnë me koncensionarin për tarifa të reduktuara për përdoruesit e shpeshtë.

La sallën e Kuvendit për t’u takuar me përfaqësues të banorëve të Kukësit. Jo drejtpërdrejtë por virtualisht.

Në interpelancën e thirrur, nga njëra anë e ekranit janë kryesisht këshilltarët të bashkisë dhe qarkut Kukës. Dhe nga ana tjetër kryeministri Edi Rama me në krah ministrin e energjisë dhe  infrastrukturës Damian Gjiknuri . U kërkon ndjesë përsëri pse ky takim nuk është bërë kohë më parë.

“Përsa ne nuk kemi arritur të bëjmë nga pikëpamja shpjegimet e domosdoshme ju kërkoj ndjesë të gjithëve sepse kjo pjesë është pjesë e përgjegjësisë sonë”-u shpreh Rama.

Në informimin e parë zyrtar për tarifimin e rrugës së kombit, kryeministri i siguron se pas 60 ditësh do të kenë formula të reja të pagesës për përdoruesit e shpeshtë.

“I kemi dhëne vetes dhe juve 60 ditë kohë për ta bërë këtë sa më shpejt dhe për ta bërë sa më mirë që të mos bëjmë të nxituar. Ne nuk do ta rivendosim funksionimin e sistemit tëpagesës  përpara 60 ditësh, pa konkluduar formulën”.

Kjo nuk do të thotë tërheqje për kreun e qeverisë, por vullnet për të dëgjuar dhe për të reflektuar.

“Kryetarit të bashkisë Kukës i them sot që jo vetëm nuk jam tërhequr, por po vazhdoj një proces që duhet ta kishim bërë më përpara, kjo është e vërtëte dhe për këtë kam kërkuar ndjesë. Unë nuk e konsideroj veten të pagabueshëm, as tek ata që nuk dëgjonë. Kam dhënë prova që nëse nuk i parashikoj si duhet gjërat jo për qëllime të këqija, por sepse gaboj, por nëse njerëzit insistojnë unë dëgjoj”.

Tonet janë më të zbutura ndaj etiketimit të protestuesëve të ndaluar. Por kjo nuk ndikon në reagimin e tij ndaj kërkesave për lirimin e 11 prej tyre.

“Thirrja për të liruar këta e ata është në adresë të gabuar te unë, për shkak se ky është një proces që i takon organve të drejtësisë”./abcnews.al

Kotzias-Parliament.jpg
ent ela13:47 | 01/03/2018

Në parlamentin grek është folur për negociatat e paktit detar me Shqipërinë. Ministri i Jashtëm Nikos Kotzias gjatë interpelancës, e konsideroi akordin e 2009-ës si një marrëveshje fantazmë pasi nuk është ratifikuar kurrë në kuvend nga qeveria e mëparshme e koalicionit mes Demokracisë së Re dhe PASOK. “Një marrëveshje e vërtetë që do të zgjidhë çështjet teknike është më mirë se një marrëveshje fantazmë”, është shprehur Kotzias në replikën ndaj deputetes Dora Bakojanis, e cila e ka nënshkruar atë në 2009-ën si Ministre e Jashtme në atë kohë.

Gjithashtu shefi i diplomacisë greke bëri me dije se “mosmarrëveshjet midis Shqipërisë dhe Greqisë për 9% të sipërfaqes detare, nuk do të ndryshojë të gjithë hapësirën detare të vendit”. Më tej ai nënvizoi se grupi negociator i palës greke përbëhet nga 10 persona, 8 janë zyrtarë të ministrisë së jashtme, një personalitet i të drejtës ndërkombëtare dhe një specialist i hartografisë. Në interpelancë Kotzias foli edhe për polemikat në Shqipëri rreth çështjes së detit.

Nikos Kotzias, Ministër i Jashtëm i Greqisë: “Vendimet e Gjykatës Kushtetuese të Shqipërisë janë çështje të brendshme të Shqipërisë dhe nuk na angazhojnë për ndonjë gjë. Unë pres një mirëkuptim dhe bashkëpunim. Sa herë që të doni, unë jam në dispozicionin tuaj për t’ju informuar. Nuk është mirë të nxirren përfundime nga raportet e shtypit. Ministria e Jashtme e Shqipërisë po diskuton me presidentin për plotfuqishmërinë. Kjo plotfuqishmëri do të bazohet në vendimin e Gjykatës Kushtetuese, që për ne nuk është vendim i duhur”.

Më tej Bakojanis akuzoi ministrin se ka zhvilluar negociatat me Shqipërinë në mënyrë të fshehtë. Ndërsa Kotzias iu përgjigj se kjo është metodologji e Demokracisë së Re dhe jo e SYRIZA-s. /abcnews.al

dora-bakojanis.jpg
G. P.19:51 | 22/02/2018

Ministrja greke që firmosi marrëveshjen detare të vitit 2009 ka thirrur në interpelancë ministrin e Jashtëm Nikos Kotzias, për t’i kërkuar sqarime për negociatat e reja që po zhvillon me Tiranën, që ndryshojnë paktin e 9 viteve më parë.

Ish-ministrja e Jashtme greke, Dora Bakojanis, e cila firmosi në emër të qeverisë helene marrëveshjen e detit të vitit 2009, ka kërkuar një interpelancë me pasardhësin e saj, Nikos Kotzias. Reagimi i Bakojanis ka ardhur pas lajmeve në shtypin shqiptar se, qeveria e kryeministrit Aleksis Tsipras po zhvillon negociata të fshehta me Tiranën zyrtare për të ndryshuar kufijtë detarë. Në kërkesën e saj, Bakojanis ka argumentuar se qeveria aktuale greke duket e gatshme për të rishikuar marrëveshjen e 9 viteve më parë, e cila sipas saj, nga ekspertët shkencorë u cilësua e balancuar.

Gjithashtu, ka vijuar ish-ministrja qëndrimin e saj, marrëveshja u konsiderua shembullore përsa i përket parimit të “vijës së mesit”, për ndarjen e zonave detare me Shqipërinë. Bakojanis akuzon ekzekutivin aktual grek se po krijon një precedent të rrezikshëm, që mund të ndiqet edhe nga vende të tjera, të cilat mund të kërkojnë ndryshim kufijsh. “Qeveria po trajton me papërgjegjshmëri një çështje të rëndësishme kombëtare, pa u konsultuar me forcat politike të vendit”, ka deklaruar Bakojanis, e cila ka kujtuar se pakti i 2009-s u nënshkrua pas konsultimeve 2-vjeçare. Konkretisht janë 3 pyetjet që ish-shefja e diplomacisë helene i drejton Kotzias në kërkesën për interpelancë:

1. Pse qeveria po procedon me rishikimin e marrëveshjes së Detit të vitit 2009, e cila u pranua dhe u nënshkrua nga Greqia dhe Shqipëria?
2. Cilat pjesë të marrëveshjes po rishikohen?
3. Është e vërtetë se qeveria ka ndërmend të ndryshojë pozicionin grek për caktimin e kufijve të zonës detare nën “vijën e mesit”?/abcnews.al

 

nikolla-mehemtaj-1280x720.jpg
ent ela10:25 | 22/02/2018

Kuvendi e ka nisur seancën e sotme me interpelancën me Ministren e Arsimit, Sportit dhe Rinisë, znj. Lindita Nikolla, kërkuar nga një grup prej 7 deputetësh të Grupit Parlamentar të Partisë Lëvizja Socialiste për Integrim në lidhje me reformën për arsimin e lartë.

Ministrja e Arsimit Lindita Nikolla iu përgjigj kërkesës së deputetëve të LSI për interpelancë për ligjin e arsimit të lartë. Ajo tha se universiteti publik nuk është në kaos për shkak të këtij ligji, por për probleme të brendshme, të cilat do të zgjidhen.

Mehmetaj: Ministrja siç bëri në seancë dëgjimore ashtu bëri dhe sot foli për ato që do të thotë dhe jo për problemet që ngrejmë. qeveria ka harruar premtimet dhe ka rritur vetëm tarifat për universitetet dhe ministria është përgjegjëse. Si për të për mos mjaftuar këto, qeveria ka vendosur të heqë bursat për studentët. Aktet nënligjore për zbatimin e ligjit nuk janë hartuar dhe po ashtu, as institutcionet që duhet të merren me zbatimin e ligjit.

Ministria është përgjegjëse e drejtpërdrejtë që shumë studentë nuk ndoqën ëndrrën dhe meritën e tyre për arsimin e lartë.

Nikolla: Kam qenë prezente në 4 seanca dëgjimorë pothuajse 20 orë,  për shkak të keq drejtimit të komisionit, e paprecedentë. Deklaroj se në MASH është zhvilluar një proces gjithpërfshirës për aktet nënligjore. Ju them me bindje se asnjë universitet publik sot nuk është në kaos, prej ligjit të ri të arsimit të lartë. Dëshira për t’i veshur sistemit disa problematika të universitetit të Tiranës është krejt e pavend. Problemet që has sot janë të brendshme që do të zgjidhen shumë shpejt me përfshirjen e të gjithë aktorëve në jetën e atij universitet dhe marrjen e vendimeve të duhura në kohën e duhur.

 

Seanca nisi me betimin e deputetit të ri Astrit Veliaj, i cili mori mandatin e lënë nga Eduart Halimi.

/abcnews.al

27781507_10156168126684826_401802076_n.jpg
ent ela10:27 | 08/02/2018

Partia Demokratike thirri në një interpelancë ministren e drejtësisë Etilda Gjonaj për firmosjen nga ana e saj të ekstradimit të Nezar Seitit,i dyshuar si financier i Habilajve.

Deputeti demokrat Enkelejd Alibeaj e akuzon ministren se ka shkelur me vetëdije ligjin. Ndërsa Ministrja e Drejtësisë e kundërshtoi duke deklaruar se nuk ekzistonin pengesa ligjore për ekstradimin e Nezar Seitit.

Një qeli është ende bosh në burgun 313, në pritje të një zyrtari të lartë të shtetit. Këtë deklaratë e bëri deputeti i Partisë Demokratike Enkelejd Alibeaj nga foltorja e parlamentit.

Akuza që ngrenë demokratët është ekstradimi në kundërshtim me ligjin i Nezar Seitit.

E thirrur në interpelancë nga Partia Demokratike, Ministrja e drejtësisë Etilda Gjonaj thotë se ka ndjekur të njëjtën procedurë si paraardhësit e saj në ministri.

Madje ka zbuluar se paraardhësit e saj sot në opozitë nuk kanë qenë aq korrekt me ligjin.

Për demokratët të gjitha këto nuk hedhin poshtë paligjshmërinë e firmosjes së ektradimit.Ata e argumentojnë me shkresat e firmosura prej ministres Gjonaj. Në përgjigjen që i ka kthyer deputetit Alibeaj që maban datën 8 shkurt 2018, Ministrja Etilda Gjonaj thotë se nëse ka letër porosi nga Gjykata e Shkallës së Parë për Krime të Rënda përllogari të hetimit penal ndajNazerSeitit, nuk rezulton të jetë sjellë ndonjë letër porosi nga Prokuroria e Përgjithshme apo Prokuroria për Krime të Rënda Tiranë  në Ministrinë e Drejtësisë. Por për partinë demokratike janë dy letër porosi të prokurorisë së shkallës së parë për krime të rënda drejtuar Ministrisë së drejtësisë dhe prokurorisë së përgjithsme që kanë vënë në dijeni këto dy institucione.

 

 

Alibeaj: Nezar Seiti është pjesë kryesore e bandës Tahiri- Habilaj, bandë kriminale kjo për të cilën prokuroria shqiptare në 19 tetor 2017 e arrestoi pasi sekuestroi 4 tonelata drogë. Magazinimin e peshkut të madh në burgun 313, deri atë ditë nuk kishte as urdhër dhe as kërkesë ekstradimi nga Italia. Dikush i ka pëshpëritur në vesh, Fatmir Xhafa vuri në zbatim skemën për ta degdisur larg Nezar Seitin. Kërkesa zyrtare erdhi në 30 nëntor 2017. Ministrja pretendon se është Prokuroria e Përgjithshme që nuk e njoftoi se nuk mund ta ekstradonte”, -tha Alibeaj.

Gjonaj: Jam thirrur për një motiv politik jo ligjor. Kur mora këtë detyrë kam pasur edhe unë motivin tim mirëfilli politik, kështu që sa më shumë për të përballuar argumentat, ky është një rast.

Ju kërkoni një kauzë një konflikt që nuk e shmangni dot një arsye të radhës për një sherr të radhës. Unë përballë jush jam këtu sot, sepse kam kauzën e kësaj qeverie që është reformimi i drejtësisë dhe jam në konflikt me ju pikërisht sepse ju jeni në konflikt me reformën neë drejtësi dhe jo thjesht me qeverinë. Kur kam nisur të jap kontributin tim nuk isha as deputet e as aktiviste partie por thjesht një eksperte me qëllim të mirë dhe besoja fort te nevoja ulëritëse e kësaj reforme. Motivi im ishte dhe qytetar dhe professional. Rrugës duke parë se si rruga juaj u kthye në armë kundër reformës në drejtësi dhe ju ushtarë të një beteje pa ansjë parim professional e qytetar kundër reformës në drejtësi, motivi im për t’u përballur me ju u bë edhe politik. Politika vlen për t’u bashkuar më atë që mendojnë si ti kundër atyre që bien ndesh me mendimet.

Diplomën e drejtësisë e kam, por në këtë rast duhet një sens drejtësie që unë e kam brenda motivit politik. Kurse juve ua përjashton, që ditën që kundërshtuat vetingun dhe çdo ndryshim për sistemin e kalbur të drejtësisë.

Që ne po përmbysim hap pas hapi. Qytetarët mendojnë të dinë edhe faktet kokëforta të ngritura prej jush.

Ministria e Drejtësisë vepron në bazë të akteve ligjore në fuqi dhe është ndjekur e njëjta procedurë ligjore e shumë rasteve të mëparshme për ekstradimin e shumë shtetasve drejt italisë.

Edhe unë si Ministre e Drejtësisë kam zbatuar procedurat ligjore, si paradhësit e mi.

Prokuroria e Katanias do nxjerrë në pah të vërtetën.

Alibeaj: Kjo ishte fjala e fundit e një të pandehuri në një gjyq politik, fjala e fundit me të cilin kërkoi mëshirë. E ka çuar në Katania jo për pushime porn ë burg. Ka një ndryshim të madh mes Katanias e prokurorisë e krimeve të rënda. Katania heton Seitin dhe Habiljat por jo Tahirirn, prokuroria e krimeve të rënda shqiptare heton Sajmir Tahirin. Ti je merakosur për pushimet e Sajmir Tahirit.

Gjonaj: Orvajtjet tuaj tregojnë gjendjen e mjeruar të opzoitës që kapet si I mbyturi pas fijes së barit. Rrisni tonet e dëshpërimit tuaj kundër sistemit, kundër qeverisë, kundër ndërkombëtre, kundë ndërkombëtarëve. Sa më shumë shtrëngohet laku

Alibeaj: Meqë reforma në drejtësi ka nisur rrugën udhë e mbarë i qoftë për te 313. Dy herë zonjë ke nënshkruar. Nuk është faj jot është i këtij që të ka dhënë ty e të ka marrë dorën për të nënshkruar. Dy gjëra duhet të bësh, kërko avokat, sot do depozitoj kallzim penal për shpërdorim detyre. Te 313 do gjendesh.

/abcnews.al

 

 

 

vlcsnap-error594-1280x720.jpg
ent ela12:55 | 05/02/2018

Në një interpelancë online, të kërkuar përmes Platformës së Bashkëqeverisjes “shqiperiaqeduam.al” nga një grup studentësh të ekselencës, ministri per Europën dhe Punët e Jashtme, Ditmir Bushati u shpreh se marrëveshja e re me Greqinë do të jetë më e mirë se ajo e 2009.

Bushati thotë se çdo diskutim për 12 milje detare, apo për falje të detit Greqisë, është thjesht një shpifje.

‘Ne kemi disa fakte që janë të pakundërshtueshme, kemi një marrëveshje që u shfuqizua nga Gjykata Kushtetuese, e për pasojë kjo është pika e nisjes për çdo marrëveshje të re me Greqinë- tha ministri i jashtëm.

Sipas Bushatit, cështje e delimitimit të hapësirës detare jane pjesë e diskutimeve, duke ballafaquar pikëpamjet.

“ Shpresojmë që shpejt do të kemi një marrëveshje të re”, u shpreh Bushati.

I pyetur nëse ka pasur kërcënim nga ana e Greqisë gjatë negociatave për vendosjen e vetos për integrimin e Shqipërisë, Bushati u përgjigj se nuk është në interesin strategjik të Greqisë të përdorë politika bllokuese për Shqipërinë./abcnews.al

 

 

 

Capture-4-1280x722.jpg
ent ela13:06 | 22/01/2018

Kryeministri Edi Rama i shoqëruar nga ministrat Arben Ahmetaj dhe Damian Gjiknuri zhvilloi një interpelance me naftëtarët e ARMO-s, përmes platformës shqipëriaqëduam.al. Kreu i qeverisë u premtoi rikthimin në punë të uzinës.

Janë vetëm një orë e gjysëm larg Tiranës por nuk kanë pse ta përshkojnë këtë rrugë as në këmbë e as me makinë. Sepse ka edhe një mënyrë tjetër komunikimi.

Për herë të parë kryeministri Rama siguron një interpelancë online nëpërmjet plaftormës “shqipëriaqëduam.al”

Naftëtarët nga Fieri paralajmëruan se lista e problemeve është e gjatë. Rivënia në punë e uzinës, pagesa e pagave të prapambetura, vënia në punë e qendrës shëndetësore dhe spitalit të sëmundjeve profesionale në Tiranë,  dhënia e statusit të naftëtarit ishin disa prej tyre. Kjo e fundit është gati dhe e padiskutueshme u tha ministri i infrastrukturës dhe energjisë por edhe Ministri i Ekonomisë dhe Financave.

Një tjetër kërkesë nga naftëtarët ishte hetimi I procesit të armos por që për kryeministrin Edi RAMA hetimet nuk I bën qeveria ndonëse u shpreh se privatizimi I kompanisë Armo ishte criminal

Duket se kjo videokonferencë prodhoi lajme të mira për naftëtarët të cilëve kreu i qeverisë u tha se po nxisin investitorët ta rivënë në punë uzinën.

Nuk munguan edhe shakatë në interpelancën online.

Jashtë ambienteve ku përfaqësia e naftëtarëve komunikoi me kryeministrin, prisnin punëtorët e tjerë. Ata nuk ishin edhe aq optimist pavarësisht këmbënguljes së pjesëtarëve që i përfaqësuan se ditë të mira priten./abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono