Inter

sanchez.jpg
G. P.18:20 | 20/08/2019

Kalimi i Alexis Sanchez tek Inter, tashmë duket vetëm çështje orësh. Zikaltrit presin vetëm konfirmimin e Manchester United. Inter kërkon të transferojë kilianin në formën e huazimit, pa paguar asgjë, por me detyrim blerjeje për 15 milionë euro. Sa i përket shumës që përfiton sulmuesi, nga 20 milionë euro në sezon që merr aktualisht, do të zbresë në 10 milionë euro.

Orët e merkatos në Itali janë shumë intensive dhe zikaltërit e Interit kërkojnë ende një goditje. E kështu së fundmi kalimi i Alexis Sanchez tek Inter, tashmë duket vetëm çështje orësh. Pritet vetëm konfirmimin i Manchester United.

Inter kërkon të transferojë kilianin në formën e huazimit, pa paguar asgjë, por me detyrim blerjeje për 15 milionë euro. Sa i përket shumës që përfiton sulmuesi, nga 20 milionë euro në sezon që merr aktualisht, do të zbresë në 10 milionë euro.

Nga ana e tyre anglezët e Manchester United nuk kanë dhënë ende një përgjigje për ofertën e Interit, ndërsa janë të vetëdijshëm që vetë Sanchez dëshiron të luajë në Itali, për të tentuar rikthimin në ditët e tij më të mira, por njëkohësisht do të gjente edhe më shumë hapësira.

Trajneri Solskjaer ka lënë gjithçka të hapur, madje në një deklaratë të fundit ai shprehej se Zanchez, për momentin, është një lojtarë i United, teksa shtoi se duhet pritur se çfarë do të ndodhë deri në fund të merkatos.

Skuadra e Marotës beson shumë që të vijë një konfirmim sa më shpejt të jetë e mundur, në mënyrë që sulmuesi të nisë stërvitjen me pjesën tjetër të grupit. Fakti që Sanchez e dëshiron kalimin tek Inter e favorizon klubin milanez, ndërsa për të është gati dhe fanella me numrin 7. Sidoqoftë aspekti financiar ende nuk ka dakordësi mes palëve./ABC News Albania 24/7

pe-770x470.png
Sej rie14:40 | 05/08/2019

Skuadra e Interit ka fituar ndaj Totenhem në ndeshjen e vlefshme për International Champions Cup. Koha e rregullt u mbyll në barazim 1-1 ndërkohë që në ruletën e 11 metërshave, zikaltërit u treguan më të saktë.

Skuadra e Interit ka mposhtur Totenhemin në sfidën e vlefshme për International Champions Cup. Zikaltër fituan në ruletën e 11 metërshave pasi koha e rregullt përfundoi në barazim 1-1. Edhe ndaj skuadrës londineze Inter zhvilloi një paraqitje dinjitoze edhe pse nuk ka ende një sulmues të mirëfilltë në fazën offensive. Totenhem kaloi fillimisht në avantazh falë brazilianit Lukas Moura në minutën e 2. Sulmuesi lëshoi një goditje të fuqishme duke mos i dhënë asnjë shans portierit Handanovic.

Inter nuk dorëzohet dhe vendos baraspeshën në minutën e 35. Esposito jep një assist fantastik për Sensin i cili tregohet i saktë përballë portierit Hugo Loris dhe barazon shifrat. Në pjesën e dytë të trajnerët bënë disa ndryshime por rezultati mbeti i njëjti. Nga seria e 11 metërshave italianët tregohen më të saktë duke fituar me rezultatin 4-3. Fillimisht Eriksen e më pas Skip për Totenhemin dhe Pushkash për Interin gabuan nga pika e bardhë e 11 metërshit ndërkohë që braziliani Zhoa Mario realizoi penalltinë fituese për zikaltërit. Një fitore morali për skuadrën e Interit e cila ka ndryshuar tërësisht pas mbërritjes se trajnerit Antonio Konte./ABC News Albania 24/7

icardi.inter_.esulta.orecchie.2017.20181.356x237.jpg
G. P.13:57 | 01/08/2019

Interi në pozitë të vështirë pas refuzimit të Edinson Kavanit për të ardhur nga Paris Saint Germain. Jo vetëm kaq, por edhe sulmuesi Icardi nuk dëshiron të largohet, nëse nuk shkon tek Juventusi.

“Dy JO që bëjnë keq”.  Ky ishte titulli i ditës i “La Gazeta delo Sportit”, dhe i ishte dedikuar telasheve të Interit. Edhe me trajnerin Antonio Konte, edhe me drejtuesin e shkëlqyer ish-juventin Marota, sërish zikaltërit nuk po ia dalin me objektivat e tyre.

Dy “JO” erdhën nga Edinson Kavani dhe Mauro Icardi, pasi sulmuesi uruguajan deklaroi se do të mbetej tek Paris SG, ndërsa ai argjentinas tha prerë se “nëse nuk shkoj tek Juventusi, qëndroj tek Interi”.

Klubi milanez mërzitet edhe kur dikush i refuzon edhe kur një tjetër pranon të rrijë me të, pasi e tillë është gjendja.

Romelu Lukaku tashmë quhet lojtar i Juventusit, në një tjetër derbi të humbur me “Zonjën”, dhe kjo sepse Interi nuk ka as financat dhe as lojtarët e duhur për t’ia ofruar Manchester United.

Kavani duket se pëlqen PSG-në dhe Francën, sepse ndoshta di ndonjë gjë për ndonjë largim të mundshëm të Neymarit, ose sepse është i përshtatur mirë dhe nuk dëshiron të provojë të papritura në Serinë A.

Së fundi, Icardi. Ish-kapiteni e di se Interi nuk ka shumë kohë në dispozicion dhe se dënimet në futboll, shpesh kthehen në “fletë lavdërimi”.  Në një situatë tepër të vështirë, zikaltërit mund të kthehen tek ai, dhe kjo do të ishte një fitore e familjes, pra e Mauros dhe Uanda Narës.

Shpresa e vetme e Interit mbetet marrja e sulmuesit të Romës, Edin Dzeko, por vetëm boshnjaku nuk mund ta plotësojë repartin ofensiv, sidomos nëse Icardi përfundimisht largohet./ABC News Albania 24/7

serie-a.jpg
G. P.14:10 | 30/07/2019

Duele të fortë në Serinë A, që në javët e para. Kalendari i përcaktuar në Milano ka derbin e Milanos që në javën e katërt, dhe ndeshje të tjera emocionuese.

Sezoni i fundit tashmë quhet legjenda e asaj që shkoi. Juventusi kampion për herë të tetë radhazi i përket historisë, dhe pas arkivimit, vjen menjëherë edicioni i ri, 2019-2020.

Seria A ka tashmë kalendarin e kampionatit të ri, përcaktuar me short në Milano, dhe emocionet janë të garantuara që në fillim, me ndeshje derbi dhe me duele të fortë.

Një “nxemje” në javën e parë, në program në 25 Gusht, me Fiorentina-Napoli, që është konkurrimi më i fortë. Në javën e dytë vjen një duel i nivelit “bombë”, Juventus-Napoli, në stadiumin “Allianz” të Torinos.

Vërtet pa fat skuadra e Carlo Ançelotit, që do të luajë dy herë radhazi jashtë fushe, ndaj rivalëve tepër të fortë. Po në javën e dytë, në 1 Shtator, do të jetë edhe derbi i kryeqytetit, Lacio-Roma, një nga ndeshjet më të ndjera në Itali, padyshim derbi më i ashpër.

Vjet, Roma fitoi 3-1 në fazën e parë, dhe Lacio iu përgjigj me 3-0 në të dytën. Në javën e tretë Juventusi shkon në fushën e Fiorentinës, diçka jo e garantuar si sukses.

Java e 4-ët, në 22 shtator, sjell derbin e madh të “Madoninës”, Milan-Inter në “San Siro”. Edicioni i kaluar ishte për zikaltërit që drejtoheshin nga Luçiano Spaleti, me dy fitore, dhe këtë vit do të duan të vazhdojnë sukseset me trajnerin e ri, Antonio Konte.

Në javën e pestë do të kemi Inter-Lacio dhe Torino-Milan, pra, tifozët do të kenë ç’të shohin në televizor dhe në stadium. Seria A nis në 25 gusht dhe përfundon në 24 maj, gjithashtu me një duel të madh si ai Roma-Juventus.

Juventusi është favorit për titullin, ndjekur nga Interi dhe Napoli./ABC News Albania 24/7

lukaku-1.jpg
G. P.16:51 | 27/07/2019

Juventusi pëlqen Romelu Lukakun, por duket e vështirë që të marrë sulmuesin e Mançester Junajtidit. Anglezët duan Dibalën ose Dagllas Kostën, por asnjëri prej tyre nuk dëshiron të largohet nga Torino.

Një tjetër derbi i Italisë duket se po luhet këtë verë. Juventusi dhe Interi nuk u ndeshën vetëm në fazën përgatitore larg Europës, por po sfidojnë njëri-tjetrin edhe jashtë fushe.

Kampionët në fuqi të Serisë A janë futur në garë për sulmuesin e Mançester Junajtidit, Romelu Lukakut. Mediat kontinentale shkruajnë se Juventusi është gati të bëjë marrëveshje me Junajtidin duke i dhënë ndonjë lojtar dhe një shumë të madhe financiare.

Kjo do të thotë se dy klubet e mëdhenj italianë janë duke u ndeshur për Lukakun, Edin Xhekon dhe Mauro Ikardin, ndërsa edhe Gonzalo Higuain pret të mësojë të ardhmen. Edhe pse ka shpresë, Juventusi nuk është se nuk ka probleme.

Fillimisht, anglezët kërkuan Paulo Dibalën, plus një kontribut financiar, por argjentinasi duket i ftohtë për një kalim në Angli, dhe pret një takim me trajnerin Sarri për të diskutuar atë që do të ndodhë me të.

Në “Old Traford” i kthyen sytë nga Dagllas Kosta, me Juven më lehtë pranon t’i largohet braziliani. Edhe Dagllas Kosta nuk pëlqen të largohet nga Torino, pas një faze përgatitore special, dhe me synimin për të fituar vendin e titullarit me Sarrin.

Mançester Junajtid e ka vlerësuar kartonin e sulmuesit të Belgjikës deri në 90 milionë euro, dhe është e qartë se ai do të largohet, ndërsa trajneri I Interit, Antonio Konte, ka shprehur pakënaqësinë ndaj klubit që nuk e ka marrë ende.

Lukaku nuk luajti asnjë rol në turneun veror të Junajtidit në Australi, duke u lënë jashtë ndeshjeve nga trajneri Ole Gunar Solskjer, ndërsa menjëherë pas kthimit në Angli, shkoi në Bruksel për të takuar agjentin e tij dhe për të diskutuar të ardhmen./ABC News Albania 24/7

SEI_653277441-1280x854.jpg
nev ila22:53 | 25/07/2019

Skuadra e Interit interesohet për mesfushorin e Barcelonës, Ivan Rakitiç. Kroati nuk bën pjesë në planet e trajnerit Valverde dhe Interi është skuadra e vetme në garën për të transferuar 31- vjeçarin.

Skuadra e Interit shpreson për të nënshkruar me  yllin e Barcelonës Ivan Rakitiç. Futbollisti kroat mesa duket e ka humbur vendin e titullarit pas afrimit të talentit të De Jong dhe rikthimit në top formë të spanjollit Buskets.

Pas ndeshjes me Chelsea, trajneri i Barcelonës, Valverde theksoi se Ivan Rakitiç duhet të djersisë më tepër për të mbajtur vendin e titullarit, një paralajmërim i qartë për atë që e pret sezonin e ardhshëm. Në kampin e spanjollëve janë të gatshëm të ndërmarrin një tjetër hap ndaj 31 vjeçarit.

Kontrata e Rakitiç përfundon në vitin 2021 dhe drejtuesit e katalanasve nuk janë të gatshëm për ti rinovuar kontratën. Zgjedhja e duhur për futbollistin është largimi ku vetëm skuadra e Interit ka shfaqur hapur interesimin për yllin ballkanas.

Nuk bëhen të diturat termat ekonomike që pretendojnë kampionët në fuqi të Spanjës por nuk përjashtohet opsioni i huazimit me detyrim blerje nga zi-kaltrit duke llogaritur që kanë një buxhet tejet të kufizuar në këtë merkato.

Trajneri Konte ka kërkuar yje për të konkuruar denjësisht me Juventusin. Përgjigja ka qenë pozitive nga administratori i deleguar Bepe Marota dhe tashmë priten zhvillime të reja./ABC News Albania 24/7

Inter-vs-Juventus-SA-1280x713.jpg
nev ila20:18 | 23/07/2019

Trajneri i Juventusit, Mauricio Sarri kërkon nga skuadra rezultat dhe lojë të bukur në takimin ndaj Interit. Strategu Italian zbulon disa detaje rreth formacionit shartues.

Juventusi dhe Inter do të luajnë ndeshje miqësore në Kinën e largët. Sfida mes dy klubeve ngjall një rivalitet të madh dhe këtë e vendos në dukje edhe trajneri i bardhe-zinjve Mauricio Sarri i cili në konferencën për shtyp theksoi se nuk ka miqësore me Interin.

Tekniku i bardhe-zinjve zbuloi edhe disa detaje rreth formacionit që do të hedh në fushë dhe gjendjen e lojtareve.
Juventus-Inter nuk mund të cilësohetë si një ndeshje miqësore.

Do të luajnë kundër njëra-tjetrës dy skuadra që nuk janë në formën më të mirë. Lagështia në fushë pritet ta ndërlikojë më tepër situatën.

“Do të mundohemi të luajmë si ndaj Totenhem në pjesën e dytë. Në këtë tur po stërvitemi shumë pak ndërkohë që po luajmë shumë më tepër. Faza vendimtare do të jetë nga fundi i korrikut deri në datën 10 gusht. Nuk jam i fokusuar vetëm në një repart. Krahas sulmit po punojmë edhe në mbrojtje. Ronaldo do të vazhdojë të luajë si sulmues i majtë. Duhet të jetë i lirë në fushë për të bërë diferencën. Dybala mund të luajë si një sulmues i fshehur. Dua që Juventus të ketë ritëm të lartë edhe në seancat stërvitore”.

Juventus do të luajë ndeshjen e dytë miqësore në Azi pasi fillimisht luajti ndaj Totenhem kur u mund me shifrat 3-2./ABC News Albania 24/7

inter-1280x720.jpg
G. P.17:45 | 20/07/2019

Trajneri i Interit, Antonio Konte, është i pakënaqur nga drejtuesit. Ai kërkon patjetër sulmuesin Romelu Lukaku, por ai ende nuk ka ardhur nga Mançester Junajtidi.

Nuk është e lehtë të ngresh kokë në këtë klub. Quhet Inter, ka emër të madh, por trajnerët sikur pësojnë magji të zezë kur ulen në stolin e tij, dhe Antonio Konte po e shpreh që tani pakënaqësinë e tij.

Ish-tekniku i Juventusit, Italisë e Çelsit, nuk është aspak i kënaqur me gjendjen aktuale të skuadrës, pasi kërkon më shumë lojtarë.

“Nuk është e lehtë të gjendesh në këtë situatë, me kaq lojtarë sa kam në dispozicion, – u shpreh Konte, – është turne i lodhshëm, duhet luajtur çdo tri ditë, ndaj Mançester Junajtidit, Juventusit dhe Paris SG. Jemi pak në vështirësi”.

Konte, që po përpiqet të bëjë gati skuadrën për titullin kampion, pohon se dëshiron Romelu Lukakun nga Junajtidi.

“Lukaku për momentin është lojtar i Junajtidit dhe duhet të tregojmë respekt, – tha ai, – e kam kërkuar edhe më parë tek Çelsi, do të më pëlqente ta kisha edhe tani, por nuk duhet të flasim për këtë, sepse është tek Junajtidi”.

Anglezët kërkojnë gati 100 milionë euro, ndërsa Interi është gati të japë rreth 65-70 milionë euro, plus 20 milionë të tjera në formë shpërblimesh të ndryshme.

Ish-ylli I Interit, Fulvio Kolovati, kampion I botësv me Italinë në 1982, e quan të gabuar deklaratën publike të Kontes, sepse sipas tij vendos nën presion drejtuesit zikaltër.

Kolovati mendon se në vend të Lukakut do të ishte më mirë Duvan Zapata i Atalantës, ndërsa thekson se po të ishte në vend të Kontes, do të paguante 15 milionë euro për të marrë Edin Xhekon nga Roma.

Zapata shënoi 23 gola në 37 ndeshje edicionin e kaluar në Serinë A, dhe 28 gola gjithsej në sezon, duke qenë zbulimi i kampionatit. Xheko mbetet një objektiv I Interit, edhe pse sot shënon më pak gola se dikur, por Roma nuk ka ndërmend të lejojë të largohet 33-vjeçarin boshnjak nëse nuk gjen një sulmues tjetër.

Konte, ndërkaq, e bëri të qartë se ish-kapiteni Mauro Ikardi mbetet jashtë planeve të tij, po ashtu si edhe Raxha Naingolan, ndonëse ky i fundit është në përbërje të Interit në turneun në Australi./ABC News Albania 24/7

PL40486021FBL_ENG_PR_MAN-U.jpg
Sej rie23:59 | 17/07/2019

Sulmuesi i Manchester United është drejt transferimit tek Interi. Klubet kanë gjetur akordin dhe futbollisti pritet të zyrtarizohet javën e ardhshëm tek zikaltërit.

Një tjetër dëshirë e trajnerit Antonio Konte pritet të konkretizohet së shpejti. Skuadra e Interit është në rrugën e duhur për të firmosur me sulmuesin e Manchester United, Romelu Lukaku. Drejtuesit e klubit zikaltër kanë ofruar 60 mln euro plus 15 mln bonuse të cilat do të paguhen në bazë të paraqitjeve të futbollistit belg. Një edicie jo pak e vogël që të bën të kuptosh se karriera e sulmuesit belg do të vazhdojë në San Siro është vendimi i trajnerit të djajve te kuq, Solskjaer.

Tekniku la jashtë skuadrës sulmuesin shtatlarte për ndeshjen miqesore ndaj Leds. Manchesteri do të luajë të shtunën ndaj Interit në Singapor në turneun aziatik ku dhe do të takohen drejtuesit e të dyja klubeve për të mbyllur marrëveshjen përfundimtare. 26 – vjeçari e ka shprehur hapur dëshirën për të vijuar karrierën tek skuadra e Interit pasi është në qendrën e projektit te trajnerit Antonio Konte.

Në Manchester, Lukaku konsiderohet si sulmuesi i dytë pas Rashford dhe kjo është e papranueshme për ish-lojtarin e Everton. Me afrimin e Lukakut, objektivi i fundit i Interit është Edin Xheko që aktivizohet me Romen. Verdhekuqtë pretojnë 25 mln euro për ballkanasin por zikaltërit janë ndalur ne 12 mln plus tre milionë të tjera bonuse. Dëshira e vetë futbollistit është transferimi tek Inter ku do të rreshtohet përkrah Lukakut, por skuadra e Romës vijon të mbetet pengesa kryesore./ABC News Albania 24/7

lukaku.jpg
G. P.20:54 | 11/07/2019

Skuadra e Interit është gati të ofrojë 70 milionë euro për shërbimet e sulmuesit të Manchester United, Lukaku. Futbollisti belg ka kërkuar largimin nga skuadra angleze.

Inter është në rrugën e duhur për të konkretizuar transferimin e sulmuesit të Manchester United, Romelu Lukaku. Piero Ausilio ka mbërritur në Londër për t’u takuar me drejtuesit e skuadrës angleze ku do të bëjë edhe ofertën zyrtare. Dëshira e trajnerit Antonio Conte për të nënshkruar me Lukakun është e madhe.

Inter vazhdon përgatitjet në Lugano dhe tekniku italian këmbëngul për të mbyllur marrëveshjen me djajtë e kuq para nisjes në turin aziatik fundjavën e ardhshme.

Manchester United nuk heq dorë nga klauzola e lojtarit e cila është 85 milionë euro. Inter ndalet në 70 milionë, të cilat do të ndahen në këste. Zikaltërit ofrojnë 10 milionë euro për huazim një vjeçar dhe më pas blerjen e belgut do ta paguajnë me dy këste nga 30 milionë euro.

Tashme fjalën e ka skuadra e Manchester United për të pranuar ose jo ofertën e skuadrës italiane. E vërteta është se klubi dhe lojtari kanë prishur raportet pasi futbollisti shtatlartë nuk dëshiron të vijojë të qëndrojë ende në “Old Traford” ku në dy sezone nuk ka plotësuar pritshmëritë.

Manchester United po zhvillon fazën përgatitore në Australi dhe mediat zbulojnë se Lukaku nuk ka pranuar të stërvitet me pjesën tjetër të skuadrës, por ka preferuar të punojë në palestër.

Një sinjal i qartë për drejtuesit e skuadrës së Manchesterit për të pranuar ofertën e Interit pasi dëshira e lojtarit është të luajë sezonin e ardhshëm nën urdhrat e trajnerit Antonio Conte. Tekniku italian e ka vendosur në qendër të projektit 26-vjeçarin./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono