Inter

Moratti.jpg
Igli Nikolli17:13 | 22/01/2020

Massimo Moratti nuk mund të qëndrojë larg Interit dhe shpreson që ekipi i tij i zemrës të arrijë të fitojë titullin kampion këtë sezon. Ish-presidenti legjendar i klubit zikaltër ka dhënë një prononcim për Il Giorno, aty ku jep një premtim, thur elozhe për Antonio Conten dhe analizon ecurinë e Interit.

Jam gati të lë cigaren nëse Interi fiton titullin. E bëj këtë sakrificë dhe pres që ekipi të më dhurojë emocione. Duhet të kemi edhe pak fat në fitimin e titullit. Skuadra është, gjithashtu edhe trajneri. Antonio Conte është i aftë, pres një fazë të dytë emocionuese dhe një mbyllje siç duam ne tifozët.

Trajneri vendos zemër dhe pasion në punën e tij, teksa po ia del të marrë maksimumin nga të gjithë lojtarët. Është edhe shumë kompetent. Shpresoj që Interi të rikthehet te fitimi i trofeve, do të hiqja dorë nga pirja e cigares për këtë“, përfundon Moratti. /abcnews.al

moses2.jpg
Klejdi Kaimi14:31 | 21/01/2020

Inter vazhdon afrimet në merkaton e janarit. Pas zyrtarizimit të Ashley Young nga Manchester United, tashmë klubi zikaltër është shumë pranë mesfushorit, Victor Moses. Futbollisti me origjinë nga Nigeria, mbërriti mbrëmjen e djeshme në Milano dhe përfundoi me sukses vizitat mjekësore sot në mëngjes.

Moses këtë sezon është aktivizuar tek Fenerbahce dhe tashmë destinacioni i tij i radhës është Seria A.  29-vjeçari kaloi në formë huazimi në Turqi nga blutë e Chelsea, pasi nuk kishte më një vend titullari për të në formacionin e Lampard.

Këtë herë klubi zikaltër nuk u shfaq shumë në rrjetet sociale për afrimin e Moses, pas problemeve me Politanon dhe Spinazoolën. Deri më tani nuk ka asnjë foto të Victor me fanellën e Inter, edhe pse ditën e djeshme në një hotel në Milano ka firmosur kontratën me drejtuesit intersitë. Tashmë ka mbetur vetëm zyrtarizimi dhe prezantimi i tij dhe më pas Moses do të konsiderohet si blerja më e fundit e Inter në këtë merkato.  /abcnews.al

Piero-Ausilio.jpg
Veronik Istrefaj21:18 | 20/01/2020

Drejtori sportiv i Interit, Piero Ausilio, ka konfirmuar gjithçka për Sky Sport: Inter ka bërë ofertë zyrtare për Eriksen dhe është në pritje.

“Po, kemi bërë një ofertë zyrtare për Christian Eriksen. Ai është një lojtar i madh dhe Tottenham ka shumë oferta për të, por ne kemi besim se do ta mbyllim me sukses këtë operiacion.

Giroud? Kemi bisedime dhe do të firmosim me të në rast se një nga sulmuesit tanë, largohet. Deri më tani, bisedimet kanë ndaluar, por kemi bërë progres gjatë ditëve të shkuara. Me Victor Moses, kemi arritur akord dhe ditët e ardhshme, do të bisedojmë edhe për detajet e fundit”./abcnews.al

Eriksen-Brozovic.jpg
Igli Nikolli14:14 | 20/01/2020

Inter la dy pikë në transfertën kundër Lecces, por ai që shqetëson Antonio Conten është Marcelo Brozovic. Mesfushori dëmtoi kaviljen dhe u largua para kohe nga loja. Fakti që në fund iu desh të dilte me paterica nga stadiumi “Via del Mare” tremb zikaltrit. Kroati mund të mungojë disa ndeshje dhe diçka e tillë e shtyn Interin të nxitojë për Christian Eriksen.

Akordi me Tottenham është shumë afër. Spurs kërkojnë 20 milion euro për ta lënë të lirë organizatorin dhe klubi italian ka rritur ofertën në 18 milion euro. Diferenca mes kërkesës dhe ofertës është shumë e vogël dhe marrëveshja finale është çështje kohe.

Agjenti i lojtarit ndodhet në Londër për t’i paraqitur presidencës së klubit londinez ofertën e Interi dhe Daniel Levy do e pranojë atë. Conte ka nevojë edhe për lojtarë anësor, teksa nuk mjafton afrimi i Young. Asamoah dhe D’Ambrosio janë të dëmtuar, teksa në ndeshjen e ardhshme ndaj Cagliarit do të mungojë edhe Candreva.

Drejtuesit italianë po punojnë për të arritur akordin me Chelsea për shërbimet e Victor Moses. Trajneri ka punuar me nigerianin te “Blutë e Londrës” dhe beson shumë te kualiteti i tij. 29-vjeçari luan në rolin e anësorit të djathtë dhe po diskutohen detajet e fundit për ta transferuar në Serie A. /abcnews.al

Lautaro.jpg
Igli Nikolli10:17 | 20/01/2020

Lautaro Martinez po zhvillon një sezon fantastik. Sulmuesi argjentinas po merret vesh shumë mirë me Romelu Lukakun dhe të dy po shënojnë gola të rëndësishëm për Interin. 15 herë e ka dërguar topin në rrjetë këtë sezon 22-vjeçari.

Për shërbimet e tij interesohen disa klube europiane. Barcelona është tërhequr nga gara, por dy klubet e Manchesterit ende jo. City dhe United e duan, teksa The Sun zbulon dëshirën e madhe të lojtarit.

Sipas anglezes së njohur, goleadori zikaltër preferon të mos ndryshojë dhe të vijojë aventurën e tij me Interin. Ai ndihet mirë në Milano dhe shpreson që të fitojë titullin kampion këtë sezon. /abcnews.al

Lecce.jpg
Igli Nikolli17:02 | 19/01/2020

U duk se goli i Alessandro Bastonit do t’i jepte fitoren Interin, por Lecce reagoi shpejt dhe barazoi me anë të Mancosu. Rikthimi në shtëpi qëlloi i hidhur për Antonio Conten dhe Interi i tij la dy pikë në transfertën jugore. Miqtë kaluan në avantazh falë golit të Bastonit në minutën e 71-të. Vetëm katër minuta i kanë mjaftuar mbrojtësit (zëvendësoi Godin) për të shënuar golin e rëndësishëm.

Qendërmbrojtësi shfrytëzoi një krosim të Biraghi dhe realizoi me kokë golin e parë në Serie A për këtë sezon, por gjashtë minuta më pas shënoi Lecce dhe në stadium nisi festa vendase. Barazimi i dytë radhazi për zikaltrit pas atij ndaj Atalantës dhe Juventusi mund të shkëputet edhe më shumë në krye, teksa kërcënohet edhe nga Lazio.

Barazim spektakolar mes Brescias dhe Cagliarit. Torregrossa shënoi dy golat e vendasve pas asisteve të Tonalit (goli i dytë ishte i mrekullueshëm) dhe me të njëjtën mënyrë iu përgjigj Joao Pedro. Braziliani i ekipit sard nuk gaboi nga pika e bardhë dhe u ngjit në kuotën e 13 golave sezonalë.

Emanuele Ndoj u aktivizua si titullar, mori një karton të verdhë dhe qëndroi në stol në pushim. Karton i kuq për Balotellin, të cilit i mjaftuan pak minuta në fushë për të dalë sërish nga erdhi.

Në barazim ka përfunduar edhe ndeshja Bologna-Verona. Vendasit kaluan në avantazh në pjesën e parë me anë të mbrojtësit Bani, teksa Marash Kumbulla u dëmtua dhe u largua nga fusha në minutën e 25-të.

Bani la Bolognën me një lojtar më pak në fillimin e pjesës së dytë, teksa Borini debutoi me gol për miqtë. Ish-milanisti shënoi me kokë golin e barazimit dhe i dha një pikë me vlera ekipit të tij. /abcnews.al

Rezultatet dhe renditja e Serie A
Marotta-Inter.jpg
Igli Nikolli16:30 | 19/01/2020

Periudhë intensive për drejtuesit e Interit. Shkëmbimi Politano-Spinazzola ishte shumë afër, por zikaltrit insistuan për disa kontrolle shtesë mjekësore për mbrojtësin dhe gjithçka u bllokua.

CEO i klubit zikaltër, Giuseppe Marotta ka sqaruar atë që ndodhi në një prononcim përpara nisjes së ndeshjes ndaj Lecces, teksa ka një koment edhe për objektivat e tjerë: Eriksen, Giroud dhe Victor Moses.

Përpara mbylljes së një marrëveshje është e nevojshme të bësh vlerësime ekonomike, fizike dhe mjekësore. Pas këtyre vlerësimeve kam telefonuar Petrachin (drejtori sportiv i Romës) dhe i thashë që nuk mund ta mbyllim këtë marrëveshje.

Nuk është hera e parë që ndodh, ka ndodhur edhe me Santon më parë. Vlerësimet mjekësore duhen kryer saktë në një operacion prej 55 milion eurosh. Është e drejta e çdo klubi të kontrollojë çdo aspekt. Kemi biseduar me Politanon dhe i kemi shpjeguar gjithçka. Për momentin vijon të jetë një lojtar i yni.

Eriksen? Darkova me agjentin e tij, por nuk mund të themi ende nëse do të vijë te ne tani apo në verë. Sa i përket Giroud, mund të them që të gjithë palët po punojnë për të konkretizuar këtë transferim. Moses? Edhe ai është një objektiv“, përfundon Giuseppe Marotta. /abcnews.al

Inter-e1579113683477.jpg
Igli Nikolli12:36 | 19/01/2020

Tifozët e Interit po presin akordin përfundimtar me Eriksen, Giroud dhe Victor Moses. Drejtuesit e klubit zikaltër po punojnë për t’i dhuruar trajnerit Conte këto tre përforcime, teksa ka lëvizje edhe në dalje.

Valentino Lazaro nuk ka bindur me paraqitjet e tij dhe do të largohet drejt Premier League. Austriaku pëlqehet nga Newcastle dhe agjenti i tij ishte i pranishëm dje në stadium në duelin që “Qymyrxhinjtë” fituan ndaj Chelsea.

Anësori i djathtë do të huazohet me të drejtë blerje te bardhezinjtë, opsion që e ka pranuar me kënaqësi. Drejt shitjes përfundimtare është edhe Gabriel Barbosa. Mediet italiane zbardhin edhe shifrat e marrëveshjes.

Flamengo do të paguajë 17 milionë euro për kartonin e bomberit 23-vjeçar, teksa Interi do të mbajë edhe një përqindje të kartonit të tij nëse shitet në të ardhmen nga klubi brazilian. 10-20% është përqindja që po diskutohet dhe palët janë afër akordit final. /abcnews.al

 

Valentino Lazaro me fanellën e Interit
Sarri-1280x853.jpg
Vladimir Prenga14:37 | 18/01/2020

Maurizio Sarri, trajneri i Juventusit, para ndeshjes me Parmën ka dalë në konferencë për shtyp dhe i është përgjigjur gazetarëve. Ai ka analizuar kundërshtarin e radhës, ka folu për modulin e lojës me tre sulmues, si dhe për rivalitetin me Interin, që Sarri thekson se nuk e ka frikë dhe se kjo fjalë nuk është e duhura të përdoret në futboll.

KUNDËRSHTARI – “Parma është një ekip i mirë, me lojtarë të përgatitur fizikisht dhe me sulmues të fortë. Pozicioni i tyre në tabelë është befasi jo krejtësisht. Nuk duhet harruar se janë shumë të rrezikshëm në kundërsulm dhe rezultatet më të mira i kanë marrë në ndeshjet jashtë. Duhet të mos ua lejojmë ato situata që ata presin gjatë ndeshjes”, shprehet Sarri.

SKEMA ME TRE SULMUES – Nëse do të luajnë se bashku Cristiano Ronalo, Higuain dhe Dybala, trajneri italian shton: “Do të shohim si do të shkojnë të gjithë dhe pastaj do të vendosim. Nuk është për shkak se jemi në Serie A, shumë herë nuk do ta përdorja edhe në Premier League atë sistem. Varet nga ekuilibri i ekipit dhe nga lloji i ndeshjes që doni të bëni në një ndeshje të caktuar.

Vetëm Higuain ka një pozicion fiks, kurse dy të tjerët janë instiktivë dhe sjellin shumë kualitet në çdo pozicion që marrin. Dybala është paraqitur mirë, sikurse të gjithë të tjerët. Të jem i qartë, kur Ronaldo dhe Dybala janë të dy në lojë njëkohësisht, duhet të marrim masa për sektorët e tjerë në fushë”.

FRIKË PREJ INTERIT – Sarri është pyetur nëse i trembet Interit, që së fundmi afroi Ashley Young dhe po tenton të marrë edhe Giroud dhe Eriksen. “Frika është fjalë e madhe. Është thjesht sport. Unë nuk ndjek se çfarë ne po bëjmë në merkato, e jo më se çfarë bën Interi.

Jemi të vetëdijshëm që mund të jemi zot të udhëtimit tonë dhe kjo është ajo çfarë ka rëndësi. Gjëja më e keqe në futboll është të përpiqesh të bësh llogari ku mund të marrësh pikë ose ku mund të lësh. T’i marrim ndeshjet një e nga një”, u shpreh trajneri i Juventusit para mediave. /abcnews.al

Conte-3-e1578666867756.png
Igli Nikolli14:13 | 18/01/2020

Inter udhëton nesër (15:00) drejt Lecces dhe objektivi janë vetëm tre pikët. Antonio Conte vjen nga ky qytet dhe kjo përballje është emocionuese për të. Gjatë konferencës për shtyp, trajneri i Interi vlerëson rivalin e radhës dhe tregon mënyrën se si Interi i tij duhet të luajë e fitojë. Conte jep një koment për Ashley Young, blerjen e re të klubit, teksa e ka të qartë se faza e dytë e kampionatit do të jetë edhe më e vështirë dhe komplikuar.

KUNDËRSHTARI – “Lecce po bën rrugëtimin e vet dhe synon të shpëtojë nga rrëzimi nga kategoria. Është një ekip që ka luajtur mirë dhe kanë një ide pozitive për të siguruar rezultate. Lecce ka një trajner të aftë dhe një skuadër të mirë. I uroj çdo të mirë si një leçez që jam. Është gjithmonë emocion i madh të kthehem aty. Në Lecce kam lindur dhe jam rritur, familja ime jeton ende në këtë qytet. Do të jetë një ndeshje e veçantë”.

NDESHJA – “Do të shkojmë në Lecce me përqendrimin dhe vendosmërinë e zakonshme. Duhet të jemi shumë të vëmendshëm dhe duhet të japim sinjale të qarta dhe konkrete. Këtë pres nga ekipi nesër.

YOUNG – “Nuk është gati për nesër. Sapo ka ardhur dhe ka nevojë për kohën e vet për t’u përshtatur me mekanizmat tona. Mendoj se do të jetë i gatshëm për ndeshjen me Cagliarin”.

FAZA E DYTË – “Duam të përsërisim atë që kemi bërë në fazën e parë, por nuk do të jetë e thjeshtë, përkundrazi, mendoj se do e kemi shumë të vështirë. Duhet të provojmë duke u stërvitur edhe më shumë me entuziazëm”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono