integrimi

sokol-dedja.jpg
ger ta09:39 | 18/02/2020

Sokol Dedja, zv.ministër i Jashtëm, ishte i ftuar në “Abc-ja: e mëngjesit me Enkel Demin, ku ndër të tjara foli për çështjen e çeljes së negociatava.

I pyetur se sa optimisht është për dhënien e një drite jeshile nga BE për Shqipërinë në mars, zv.ministri tha: “Optimist i kujdesshëm”.

Ndërkohë, Dedja u ndal po ashtu edhe në ndryshimin e metodologjisë për negociatat me BE, në një kohë kur presidenti francez Emmanuel Macron ka propozuar heqjen e vetos për Shqipërinë dhe Maqedoninë e Veriut.

Kjo heq pengesën kryesore që u shfaq nga vendet për Maqedoninë e Veiut dhe Shqipërinë. Sic u shpreh në fillim, rezervat nga Franca kishin të bënin me negociat. U shfaq nga një shumicë dërrmuese e vendeve anëtarë, që problemi nuk ishte se cfarë kiste bërë Shqipëria apo Maqedonia e Veriut, problemi ishte më i madh se aq. Probleme që kishin të bënin me BE, me mënyrën e fundkionit të BE, por edhe çështja e mënyrës së mosfunksionimit të disa vendeve anëtarë për mënyrën se si janë negociatat.

Metodologjie e re heq këtë pengesë për hapjen e negociatave me Shqipërinë dhe Maqedoninë e Veriut. Për data nuk e di, por e rëndësishme është që hiqet kjo pengesë dhe kjo është shprehur publikisht nga Presidenti francez. Ky është një lajm i mirë, ka elementin e vështirësië në procesin e negociatave, por synon atë që përmnda më herët një ndikim transformues në vendet që kërkojnë çeljen e negociatave.

Një element më teknik është grupimi i kapitujve , deri tani kanë qënë të ndara në 35 fusha. Këto grupohen në 6 grupe kapitujsh, më i rëndësishme është “mirëqeverisja”. Deri tani plotësoshenin kushtet e një kapitulli dhe hapej ai kapitull. Tani duhet të plotësosh kushtet e 5 kapitujve të bllokut të “mirëqeverisjes”  që të hapet i gjithë blloku.  Kjo e vështirëson hapjen e bllokut. Komisioni ka një propozim përta kompensuar këtë duke ngushtuar kohën sa mund të zgjasë negocimi i një blloku. Metodologjia që po flasim është propozim i KE, formën përfundimtare do ia japin vendet anëtare”, u shpreh zv.ministri. /abcnews.al

 

taulant-balla-e1538648410690.jpg
ger ta18:27 | 05/02/2020

Kreu i Grupit Parlamentar të Partisë Socialiste, Tualant Balla, vlerëson metodologjinë e re të zgjerimit, të publikuar sot nga Komisioni Evropian.

Balla shprehet se kjo iu ofroi vendeve të Ballkanit Perëndimor një plan të besueshëm dhe të bazuar në meritën individuale të secilit vend.

Po ashtu Balla shton se metodologjia e re e zgjerimit zgjidh hezitimin e tetorit të shkuar të ndonjë prej vendeve anëtare të BE.

Mesazhi i plotë i Ballës:

Sot Komisioni Europian, përmes Metodologjisë së re të Zgjerimit, na ofroi ne vendeve të Ballkanit Perëndimor një plan të besueshëm dhe të bazuar në meritën individuale të seicilit prej gjashtë vendeve tona.

Komisioni Europian rikonfirmoi sot vlerësimin e qartë se Shqipëria dhe Maqedonia e Veriut janë gati për të filluar menjëherë bisedimet për anëtarësim me Bashkimin Europian.

Metodologjia e re e Zgjerimit zgjidh gjithashtu edhe hezitimin e tetorit të shkuar të ndonjë prej vendeve anëtare të BE, pozicioni i të cilave divergjoi mbi shpejtësinë dhe axhendën e procesit. Është tashmë në kredibilitetin e BE, që Këshilli.

/abcnews.al

BERISHA-NE-ABC.mpg_snapshot_08.05-1280x720.jpg
ent ela21:26 | 14/11/2019

I pyetur nëse ka ndërkombëtarë kundër integrimit, ish-kryeministri Berisha përgjigjet se politikë zyrtare kundër integrimit në dijeninë e tij nuk ka, por ka pasur një tezë për partneritet dhe jo zgjerim të vendeve të Ballkanit Perëndimor.

“Politikë zyrtare kundër integrimit nuk ka në dijeninë time. Ka patur një tendencë, por jo e këtij viti, që kur u krijua nisma e Berlinit, një grup doli me tezën për partneritet, jo për zgjerim vendeve të Ballkanit. Ka një dokument që garanton këto vende që kanë perspektivën evropiane.  Edhe Macron e ka qartësuar që ai nuk kërkon të bllokojë zgjerimin, por ta reformojë zgjerimin.

Kurse ata që thonë t’u ofrojmë atë që u kemi ofruar Norvegjisë dhe Islandës gabojnë se ato vende nuk kane dashur të anëtarësohen, kurse shqiptarët duan të anëtarësohen”. /abcnews.al

besnik-mustafaj-1280x696.jpg
nev ila15:00 | 07/11/2019

Ish-ministri i Jashtëm, Besnik Mustafaj mbështet idenë e kreut të PR-së, Fatmir Mediu për krijimin e një Komiteti Kombëtar për Integrimin.

Në një intervistë për ABC News, Mustafaj kujton se zgjidhja për kriza të forta politike si ajo që vendi po kalon janë tejkaluar nga ndërhyrja e ish-zyrtarëve që kanë qenë jashtë politikës.

Mustafaj kujton se si ai dhe ish-ministrja Arta Dade i’a kanë detyrim shtetit kontributin për procese të rëndësishme siç është ai për integrimin europian.

Eksperiencën e tij në politikë, Besnik Mustafaj është i gatshëm ta vendosë në funksion të institucioneve shqiptare për të realizuar procese të rëndësishme si ai i integrimit europian.

Ish-ministri i Jashtëm e sheh si pozitive idenë e hedhur nga kreu i republikanëve Fatmir Mediu për krijimin e një Komiteti Kombëtar për Integrimin, duke kujtuar se ai dhe zyrtarë të tjerë ja kanë borxh vendit dhënien e kontributit.

Është i bindur se me eksperiencën që ka bashkë me ish-ministren Arta Dade do të reflektonin një konsensus jo vetëm për procesin e integrimit por edhe për politikën shqiptare e cila vijon të jetë në krizë.

Maxhorancës i kujton se një institucion i tillë vetëm do ta ndihmonte procesin e integrimit dhe kërkon që nëse një komitet i tillë do të ngrihet të jetë me mandat ligjor nga Parlamenti.

Qëndrimet e tij, Mustafaj i dha në përfundim të një ekspozite që u zhvillua në Muzen Kombëtar, ndërkohë që apeloi që kriza politike të zgjidhet vetëm përmes dialogut./abcnews.al

MEDIU-1280x720.jpg
ent ela16:14 | 06/11/2019

Në kushtet kur kriza politike në Shqipëri vijon prej 1 viti, kreu i republikanëve, Fatmir Mediu zgjidhjen e sheh përmes individëve eksperiencë të gjatë politike.  Në një intervistë për ABC News, kreu i Republikanëve i bën thirrje ish-ministrave Arta Dade dhe Besnik Mustafaj të marrin përgjegjësi dhe të bëhen pjesë e një Komiteti për Integrimin e vendit në Bashkimin Europian. Sipas Mediut, një inisiativë e tillë do të bënte bashkë edhe ish-kryeministra dhe ish-drejtues të rëndësishëm në Kuvend për të krijuar një klimë të re në politikën shqiptare.

Kreu i republikanëve, Fatmir Mediu ka bindjen se politika shqiptare duhet të reflektojë duke u ngritur në nivelin e sfidave që vendi ka në rrugën drejt Bashkimit Europian. Dhe zgjidhjen e ka të gatshme përmes një institucioni të ri të mbështetur në ligj, pjesë e të cilit të jenë njerëz me eksperiencë të gjatë politike.

Për nga historia politike që mbartin dhe forcave politike që kanë përfaqsuar, kryerepublikimi sheh si emrat më të përshtatshëm për drejtimin e këtij Komiteti ish-ministrat Dade e Mustafaj të cilët aktualisht bashkëpunojnë në Këshillin e Ambasadorëve.

Për Mediun vendi nuk ka asnjë luks të humb apo të anashkalojë eksperiencën politike të ish-ministrtrave të jashtëm dhe ish-drejtuesëve të Komisioneve të Integrimit në Kuvend dhe për këtë sqaron se është konsultuar edhe me Bashën.

Maxhoranca nuk ka dhënë sinjale që do të mbështes krijimin dhe funksionimin e një institucioni të tillë, ndërkohë që opozita është treguar e hapur për çdo inisiativë që çon përpara integrimin e Shqipërisë drejt BE-së. /abcnews.al

edi-rama-dhe-conte.jpg
ad min12:36 | 30/10/2019

Pas vizitës së tij në Greqi, kryeministri Rama do të zhvillojë nesër një tjetër vizitë në një vend fqinj. Burimet bënë të ditur se shefi i qeverisë do të udhëtojë nesër drejt Italisë, ku do të takohet me homologun e tij Giuseppe Conte.

Ky takim ndodh vetëm 2 javë pas vizitës së kryeministrit italian në Tiranë, ku Conte shprehu mbështetjen e Italisë për çeljen e negociatave dhe rrugën e integrimit europian të Shqipërisë./abcnews.al

F95E3761-A815-4BAF-84C2-CC3DAA5E6F31_w1023_r1_s.jpg
ent ela10:15 | 27/10/2019

Kryeministri i Maqedonisë së Veriut, Zoran Zaev, ka hedhur poshtë njoftimet se Bashkimi Evropian po përgatit një “zonë ekonomike evropiane” për vendet e Ballkanit pasi në samitin evropian, Maqedonia e Veriut dhe Shqipëria, nuk arritën të marrin datën e bisedimeve për anëtarësim për shkak të kundërshtimit të Francës.

Zaev ka thënë se përveç anëtarësimit të plotë në BE, nuk do të pranojë asnjë alternativë tjetër.

“Vendi ynë është në BE dhe nuk do të pranojmë asnjë ofertë tjetër. E gjithë bota flet për ne për atë që kemi bërë. Ne kemi përmbushur detyrimet tona dhe e kemi merituar hapjen e bisedimeve. Ne duam atë që meritojnë dhe asgjë tjetër. Nuk pranojmë asnjë alternativë tjerë, pakte, partneriteti, projekte ekonomike. Ne jemi për anëtarësim të plotë në BE”, ka deklaruar Zaev në një tribunë të shtunën në mbrëmje me simpatizantë të LSDM-së në qytetin e Prilepit.

Ai ka shprehur dëshpërimin nga vendimi negativ në samitin evropian, por tha se ky vendim nuk do ta gjunjëzojë nga qëllimi final, e që është anëtarësimi i Maqedonisë së Veriut në BE.

“Vërtetë nuk është fer ndaj nesh pasi na premtuan, na thanë bëni punën dhe ne do t’ju japim datën. Diskutuan deri në orën 2:30 të mëngjesit dhe për fat të keq ndodhi padrejtësia. Por, unë dua t’ju bind se kjo padrejtësi ndaj vendit tonë të vogël do ngritët si feniksi pasi të gjithë po flasin për padrejtësinë e bërë”, ka theksuar Zaev.

Ndërkohë, në një tjetër tribunë me anëtar të partisë, kreu i opozitës, Hristijan Mickovski, për mosmarrjen e datës ka akuzuar qeverinë.

“Ne të gjithë duhet të jemi të brengosur pasi datën nuk e morëm për shkak të korrupsionit, pashallëkut e kriminalitetit të atij (Zaevit) që dëshironte privatizimin e të ardhmes evropian të shtetit tonë. Për këtë ne nuk morëm datën, gjithçka tjetër është një ‘PO’ e madhe pasi ne jemi qytetar të Evropës, ne i takojmë Evropës dhe atje është e ardhmja jonë, të cilën do ta arrijmë me fitoren në zgjedhjet e 12 prillit”, ka deklaruar kryetari i VMRO-DPMNE-së, Hristijan Mickovski.

Dy partitë LSDM dhe VMRO kanë nisur fushatën menjëherë pas arritjes së marrëveshjes mes partitë politike, që më 12 prill të vitit 2020 të mbahen zgjedhje të parakohshme parlamentare dhe në të gjitha tubimet dominojnë temat e integrimit evropian dhe shkaqet e mosmarrjes së datës së bisedimeve për anëtarësim. /REL

gent-cakaj1.jpg
ad min21:11 | 23/10/2019

Kryeministri Edi Rama dhe lideri i Lëvizjes Vetëvendosje, Albin Kurti, do të takohen së shpejti. Ministri në detyrë për Punët e Jashtme, Gent Cakaj, tha këtë të mërkurë se bëhet fjalë për punë ditësh që dy liderët të takohen.

“Është çështje ditësh kur ata do të takohen dhe do të diskutojnë në hapat e mëtejmë mes Shqipërisë dhe Kosovës. Nuk mund të flas për detaje. Di se takimi ka qenë i paraparë më herët. Ka pasur një ndryshim në axhendë për shkaqe rrethanore dhe aspak politike. Takimi do të ndodhë shpejt dhe sa më parë të ndodhë aq më mirë sepse është e rëndësishme të rinergjizohet bashkëpunimi Shqipëri-Kosovë sepse kemi shumë punë për të bërë sëbashku”, tha Cakaj, gjatë një interviste përballë gazetares Mirela Milori.

Cakaj preferoi të mos komentonte qeverinë e ardhshme të Kosovës, por theksoi se më e rëndësishme për të është bashkëpunimi mes dy qeverive.

“Jam këtu në cilësinë e një përfaqësuesi të institucioneve shqiptare. Unë nuk mund të gjykoj për koalicionet në Kosovë. Nga perspektiva që kam më duket e parëndësishme për shkak të pozionoit që kam. Për mua është e parëndësishme si do jetë koalicioni në Kosovë, por më i rëndësishëm është si do jetë bashkëpunimi i qeverisë së Shqipërisë dhe asaj në ardhje të Kosovës”, tha Cakaj.

Gjithashtu ai komentoi edhe idenë e asaj që analistët e kanë cilësuar si mini-shengeni ballkanik. Për Cakajn, ky nuk është emërtimi i duhur dhe theksoi se ajo iniciativë nuk përbën zëvendësim të axhendës së anëtarësimit në BE. Bashkëpunimi në rajon duhet parë në shërbim të integrimit evropian, sipas ministrit.

“Perspektiva jonë është europiane. Serbia ka orientimet e saj, të cilat ne si Shqipëri e kemi qëndrimin e qartë të cilat janë të papranueshme. Aleatët strategjikë të Serbisë janë të njohur tradicionalisht, por kjo nuk do të thotë që Shqipëria është duke vlerësuar qëndrimin e saj gjeostrategjik. Ne jemi anëtarë në NATO të përkushtuar për anëtarësimin në BE. Shqipëria është perëndimore në thelb dhe ky komb nuk ka asnjë zgjidhje tjetër veç vlerave evropiane. Duhet shtuar fakti se përkundër disa dilemave që janë duke ekzistuar për zgjerimin, axhenda për zgjerimin e BE në Ballkanin Perëndimor do vazhdojë, por për momentin duhet pritur metodologjia e re se si do vijojë tutje procesi i negocimit për anëtarësi. Supozohet që do jetë një metodologji që do të jetë më rigoroze në kushtet që do të shpalosë dhe shkon në drejtim të një procesi më gradual të negocimit”, tha Cakaj./abcnews.al

gjermane.jpg
Autor E10:00 | 19/10/2019

Ekspertja gjermane Valesa Esch, që mban gjithashtu edhe detyrën e drejtores së Programit për Europën pranë institutit Aspen në Gjermani shpjegon pёr DW vendimin e samitit tё BE-sё mbi negociatat me Shqipёrinё dhe Maqedoninё e Veriut. Sipas saj, ky vendim nuk nёnkupton fundin e perspektivёs sё anёtarёsimit.

DW: Pas shpresave tё mёdha, erdhi njё zhgёnjim i madh pёr Maqedoninё e Veriut dhe Shqipёrinё. Samiti i BE-sё nuk solli lajm pozitiv, pra njё datё pёr fillimin e bisedimeve tё anёtarёsimit, gjё qё ngjalli zhgёnjim dhe humbje shprese. A pritej njё vendim i tillё?

Valeska Esch: Unё besoj qё kishte drojё pёr njё rezultat tё tillё, por unё shpresoja deri nё fund, qё kryetarёt e qeverive dhe tё shteteve do tё mund tё binin dakord tё paktёn tё hapnin bisedimet me Maqedoninё e Veriut. Qё pёr Shqipёrinё konsensusi do tё ishte mё i vёshtirё, kjo dukej qysh nё fillim. I gjithё procesi i anёtarёsimit bazohet nё parimin e kondicionimit dhe qeveria e Maqedonisё sё Veriut i pati pёrmbushur tё gjitha kushtet pёr hapjen e negociatave.

Madje qeveria ia doli qё tё gjejё edhe njё kompromis pёr emrin me Greqinё, e cila pёr vite me radhё pengonte avancimin e procesit tё integrimit nё BE. E njёjta gjё vlen edhe pёr Shqipёrinё, e cila realizoi njё reformё tё vёshtirё nё sistemin e drejtёsisё e po ashtu po bёn pёrparime tё mёdha. Tani varet nga BE-ja, qё t’i vlerёsojё kёto pёrparime dhe tё hedhё hapin tjetёr, duke i hapur negociatat.

Gazeta austriake “Standard” bёn njё krahasim tё tillё: „Eshtё ngjashёm sikur tё pёrjashtohet nga shkolla nxёnёsi mё i mirё i klasёs”. Nё Shkup janё tё bindur qё u bёnё tё gjitha pёrpjekjet e mundshme pёr tё marrё njё datё konkrete. Emri i vendit u ndryshua nё interes tё integrimit nё BE. Presidenti Macron flet tani pёr nevojёn e njё metodologjie tё re tё procesit tё zgjerimit dhe konstaton, se duhet ende kohё. Si e shpjegoni ju kёto deklarime tё tij, ҁfarё qёndron pas kёsaj?

Unё jam dakord me presidentin Macron pёrsa i pёrket rёndёsisё sё reformimit tё procesit dhe konceptimit tё tij nё mёnyrё mё efikase. Çdo reformё e procesit, qё forcon bisedimet e anёtarёsimit dhe nё radhё tё parё reformat nё vendet pёrkatёse, ёshtё jo vetёm nё interesin e BE-sё, por edhe tё vetё vendeve tё Ballkanit Perёndimor.

Por unё mendoj qё metodologjia e re e njё procesi zgjerimi nuk ёshtё nё kundёrshtim me hapjen e negociatave tё anёtarёsimit. Me Serbinё dhe Malin e Zi kemi ndёrkohё dy vende nё fazёn e negociatave me BE-nё dhe ҁdo reformё e procesit duhet tё vlejё edhe pёr kёto dy vende. Vazhdimisht ka pasur reforma gjatё proceseve nё vijim dhe nuk duhet humbur edhe mё tej kohё pёr t’i vazhduar pёrpjekjet e reformave nё vendet e rajonit nё kuadёr tё bisedimeve tё antarёsimit.

Çfarё pasojash mund tё ketё shtyrja e bisedimeve tё BE-sё me Maqedoninё e Veriut dhe Shqipёrinё pёr pjesёn tjetёr tё vendeve tё Ballkanit?

Unё besoj, qё shtyrja do t’i forcojё skeptikёt nё rajon, tё cilёt mendojnё, se BE-ja nuk ka mё interes nё integrimin e vendeve tё Ballkanit Perёndimor. Vendimi, sipas meje, e dobёson parimin e kondicionimit, prej nga bazohet procesi. Me mungesёn e aftёsisё pёr njё vendim tё pёrbashkёt pozitiv, BE-ja e ka dёmtuar kredibilitetin e saj nё rajon duke i zhgёnjyer njerёzit. Njёkohёsisht ёshtё e qartё, se ky vendim nuk nёnkupton fundin e perspektivёs sё anёtarёsimit. Edhe kjo u theksua nё samit.

A mund tё thuhet, se samiti sa i pёrket ҁёshtjes sё zgjerimit ishte njё dёshtim pёr kancelaren gjermane Merkel dhe fitore pёr presidentin francez Macron?

Unё nuk mendoj, qё nё njё samit tё tillё bёhet fjalё pёr fitore apo humbje tё politikanёve tё veҁantё. Qeveria gjermane e ka bёrё tё qartё, se e mbёshtet hapjen e bisedimeve tё anёtarёsimit si me Maqedoninё e Veriut edhe me Shqipёrinё dhe Gjermania ka investuar shumё nё rajon. Kancelarja gjithmonё ka theksuar, se njё integrim i Ballkanit Perёndimor nё BE nuk ёshtё vetёm nё interesin e kёtyre vendeve, por veҁanёrisht edhe nё interesin e vet BE-sё.

Qё nuk u arrit njё vendim i pёrbashkёt, ёshtё pёr tё tё ardhur keq, por kjo nuk duhet tё jetё arsye pёr t’u dorёzuar. Kancelarja dhe presidenti Macron vazhdojnё tё jenё tё njё mendimi, se e ardhmja e vendeve tё Ballkanit Perёndimor ёshtё nё BE. Mospёrputhje ka vetёm pёr ҁёshtjen, nёse duhet tё hapen bisedimet para apo pas reformimit tё procesit. Tani varet nga Franca qё tё ofrojё propozime konkrete dhe bashkё me partnerёt europianё tё gjejё zgjidhje, pёr ta vazhduar sa mё shpejt tё jetё e mundur procesin e integrimit.

A mos vallё ekuilibrat nё BE po zhvendosen?

Sfida mё e madhe nё aspektin e hapjes sё negociatave tё anёtarёsimit, ashtu si edhe pёr shumё vendime tё tjera, qё merren nё nivelin e BE-sё, ёshtё parimi i unanimitetit. Nuk ka nevojё pёr zhvendosje ekuilibrash pёr tё penguar vendime tё tilla, sepse mjafton vetёm njё vend qё ёshtё kundёr vendimit pёr ta penguar atё. Kohёt e fundit vazhdimisht kemi parё, se sa i vёshtirё ёshtё bёrё unanimiteti nё kёshill pёr ҁёshtje tё ndryshme. Ndaj njё numёr mё i vogёl vendimesh, qё duhen marrё nё unanimitet, do ta lehtёsonte nё pёrgjithёsi procesin e vendimmarrjes dhe do tё rriste funksionalitetin e BE-sё. /DW

ERISA-BORELL-ABCM5T2.mpg_snapshot_01.42-1280x720.jpg
ent ela18:59 | 07/10/2019

Kryediplomati i ri i caktuar i Bashkimit Europian, Josep Borell ka deklaruar se procesi i integrimit të Ballkanit do të jetë prioritet i punës së tij si shef i Politikës së Jashtme të Unionit. Në seancën dëgjimore për konfirmimin e tij, Borell ka bërë gjithashtu të ditur se vizitën e parë do ta bëjë në Kosovë, ku me autoritetet vendase do të diskutojë për arritjen e një marrëveshjeje me Serbinë.

Josep Borrell e konsideron Ballkanit Perëndimor dhe politikën e fqinjësisë në Lindje të Bashkimit Europian si një test të peshës gjeopolitike të Bashkimit Europian në botë. Kjo është pjesë e vizionit që i caktuari në postin e përfaqësuesit të ri për politikën e jashtme dhe të sigurisë të Bashkimit Europian ka shpalosur gjatë  dëgjesës në komisionin punëve tê jashtme të Parlamentit Europian, që duhet ta konfirmojë në detyrën e re. Borrel ka thënë, se Ballkani dhe partneriteti në Lindje mbeten prioritete të mëdha të politikës së jashtme të Bashkimit Europian:

Josep Borrell, kryediplomati i ri i caktuar i BE-së: “Më lejoni që të nënvizoj që në fillim qëllimin që të angazhohemi në procesin e reformave dhe të integrimit europian të vendeve të Ballkanit Perëndimor. E di që çfarëdolloj gjëje të them, dikush nuk do mbetet i kënaqur në këtë komision. Por duke qenë se ju më pyesni për prioritetet, mendoj vërtet se Ballkani dhe kufiri ynë në Lindje janë prioritetet e vërteta tê politikës sonë të jashtme. Ne nuk mund të themi që kemi peshë gjeopolitike, nëse s’jemi në gjendje tê zgjidhim problemet që kanë  fqinjët tanë më të afërt”.

Me anonçimin e udhëtimit të tij të parë në Kosovë, Borrell ka surprizuar komisionin e punëve të jashtme të Parlamentit Europian. Kjo pasi Borrell ka bërë të ditur paraprakisht, se nuk do udhëtojë shumë si kryedeiplomat europian dhe mbi të gjitha, se udhëtimi i parë do të jetë në Kosovë, pavarësia e të cilës nuk është njohur nga vendi i tij, Spanja.

Josep Borrell, kryediplomati i ri i caktuar i BE-së: “Njohja e Kosovës është çështje e shteteve anëtare. Ne kemi qasje të ndryshme për njohjen e pavarësisë, por jemi të bashkuar për angazhimin. Kosova dhe Serbia duhet të arrijnë një marrëveshje dhe do të bëj ç’është e mundur për të përmbushur këtë prioritet. Në fakt, vizita ime e parë do jetë në Kosovë. Unë njoh mirë Serbinë. Kryeministri i saj ishte i ftuar të vinte gjatë verës në një nga universitetet e Spanjës. Nuk kam qenë asnjëherë në Kosovë për çështje evidente, por vizita ime e parë do jetë atje. Mendoj, se nëse nuk zgjidhim problemet e fqinjëve tanë më tê afërt, do jetë e vështirê të besohet se ne jemi një fuqi gjeo-strategjike. Nuk ka rëndësi se ç’po bën Spanja, pasi përsa kohë Rusia, Kina apo India nuk do njohin pavarësinë e Kosovës, Kosova nuk do jetë shtet. Ajo që duhet të bëjmë, është të vazhdojmë bisedimet. Kosova duhet të tërheqë masat për mallrat dhe Serbia duhet të angazhohet në një dialog të thellë, të plotë dhe të sinqertë. Bisedimet kanë filluar shumë vite më parë dhe kanë zgjatur tepër. Kjo është një nga çështjet që do merren shumë në konsideratë, pasi status kuo-ja nuk shërben. Nuk mund të vazhdojmë kështu. Dhe jam i lumtur që Kosova zhvilloi zgjedhje krejtësisht demokratike”.

Dëgjesa në Parlamentin Europian për të caktuarin në postin e përfaqësuesit të ri për politikën e jashtme dhe të sigurisë së Bashkimit Europian ,Josep Borrell, ka vazhduar rreth tre orë. Proçedura e dëgjesës konsiderohet ndryshe si test i Parlamentit Europian për të gjithë komisionerët dhe zëvendëspresidentët e ekipit të ri të Komisionit Europian. Komisioni i ri Von der Leyen pritet të marrë detyrën në 1 nëntor. /ABC news Albania 24/7

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono