Instituti i Krimeve të Komunizmit

drejtoi-krimet-komunizmi.jpg
nev ila18:20 | 13/12/2019

Çelo Hoxha,  Erald Kapri,  Marçelo Hila dhe  Leka Ndoja, kandidojnë për postin drejtues të drejtorit të Institutit të Krimeve të Komunizmit. Bordi drejtues shtyu vendimin për kandidaturat në datën 23 dhjetor, me arsyetimin se kishte mungesë dokumentacioni në dosjen e tyre.

Bordi drejtues i Institutit të Krimeve të Komunizmit, për rreth 2 orë zhvilloi mbledhjen për drejtuesin e ri të këtij institucioni.  Mbledhja u zhvillua me dyer të mbyllura, e nuk munguan as debatet mes anëtareve. I pari që u largua ishte Vaso  Tole.

Kandidatët ishin lajmëruar për prezantimin e platformave të tyre, por më pas iu bë e ditur se do të dëgjohen në një datë tjetër

4 kandidatët duhet të jenë të pajisur me dy dokumente të rëndësishme, një për pastërtinë e figurës, dhe  një dokument që lëshohet nga autoriteti i dosjeve. Kjo për të vërtetuar që këta emra nuk figurojnë të përfshirë në dosje të sigurimit të shtetit.

Kryetari i bordit  u shpreh se pas plotësimit të dosjes, kandidatët do të dëgjohen nga bordi dhe më pas do të përzgjedhin fituesin.

Deri të mërkurën e ardhshme, mbetet mister përzgjedhja e drejtorit të ri të Institutit të Krimeve dhe  pasojave të Komunizmit, si dhe vizioni i tij për drejtimin e këtij institucioni i cili ka qenë në qendër të sulmeve kohët e fundit./abcnews.al

tufa.jpg
ad min17:15 | 21/02/2019

Instituti i Studimeve të Krimeve të Komunizmit boton kolanën prej 11 veprash me memuarët, kujtime dhe dëshmi mbi të shkuaën komuniste. Drejtori Agron Tufa thotë se kësaj here me mjaft rëndësi është edhe albumi i retushimit, ku shuheshin fotot e protagonistëve dhe vendosej gjithnjë si kryepersonazh Enver Hoxha. 

Instituti i Krimeve të Komunizmit promovi kolanën prej 11 veprash. Drejtori i i këtij institucioni, Agron Tufa, thotë se kësaj herë dominojnë rrëfimet e dëshmitarëve okularë të rrëfyera në vetë të parë.

Me mjaft interes është edhe botimi i një albumi fotografie, ku dëshmohet qartë retushimi i personazheve dhe mbivendosja e personave të tjerë, të cilët nuk kanë patur rëndësi në momente kyçe të historisë, kjo sipas Tufës vihet re që në periudhën e luftës dhe më tepër me instalimin e pushtetit komunist në Shqipëri.

Rrëfimi i së shkuarës përmes këtyre librave është njëra anë, ndërsa shpërndarja e këtyre librave në Shqipëri është shumë i rëndësishëm për t’u bërë e njohur kjo periudhë e historisë tek brezat. Tufa thotë se libri shpërndahet anekënd vendit.

Instituti i Krimeve të Komunizmit për botimin e kolanës vjetore ka një buxhet prej 3 milionë lekësh./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono