INSTAT

leximi.jpg
ad min19:13 | 02/06/2019

Numri i lexuesve në Shqipëri është në rritje, sipas librashitësve. Interesi i qytetarëve për romanet është i lartë, por shumë pak prej tyre kanë kohë për t’i kushtuar vëmendje. Shume prej lexuesve bëjnë fajtor angazhimet rutinë, por edhe internetin.

“Ka krime më të këqija se djegia e librave. Një prej tyre është të mos i lexosh”. Kështu ka thënë dikur poeti rus Joseph Brodsky. Mos leximi është për pasojë e kohës së limituar.

Por jo vetëm. Sot interneti është një tjetër “kurth”, që po i vjedh kohën librit. Edhe pse vazhdimisht në luftë me këto dy faktorë, libri vazhdon të jetë në modë dhe lexuesit e saj duket se po rriten çdo ditë. Kështu u shpreh një librashitëse në një librari në Tiranë.

“Lexojnë, por që është edhe pjesa e tendencës, e elektronikës që kanë informacione dhe i lexojnë nga andej. Tani ka hyrë pjesa online. Mosha mbi 30 vjeç që lexojnë. Edhe fëmijët priren që prindërit t’u blejnë libra”, tha ajo.

Rrugëve të Tiranës, nuk është shumë e vështirë të gjesh njerëz që çdo moshë e kanë pasion librin.

Për disa një rutinë dhe ata që leximin e kishin pamundësi.

“Tani që jam në punë më pak se më përpara”.

“Rutinë. Jam në punë dhe është pak e vështirë”.

INSTAT një vit më parë publikoi statistikat, ku 1 milion shqiptar nuk kanë arritur të lexojnë asnjë libër. Rreth 102 mijë prej tyre kanë lexuar 5-10 libra, ndërsa 44 mijë shqiptarë më shumë se 10 libra./ABC News Albania 24/7

dhuna-1.jpg
nev ila16:55 | 24/05/2019

Instat publikon të dhëna alarmante përsa i përket dhunës së grave dhe vajzave në vendin tonë. Studimi është kryer gjatë 2018 dhe rezultatet janë të frikshme pasi 1 në 2 gra ka pranuar se është dhunuar fizikisht , ndërsa 1 në 5 gra pranon të jetë dhunuar seksualisht.

Një në dy gra shqiptare ose 52.9% kanë përjetuar dhunë gjatë jetës së tyre. Këto shifra janë prezantuar gjatë një konference me temë “Dhuna ndaj grave dhe vajzave, 2018”, të mbajtur nga  Instituti i Statistikave në bashkëpunim me UNDP dhe UN Women. Ky studim u krye në 12 prefektura të vendit dhe rezultatet janë alarmante pasi dhuna ndaj femrave vazhdon të jetë një fenomen shumë i përhapur në vendin tonë.

Pjesë të këtij studimi janë bërë 3443 familje dhe femra të grupmoshave 18-74 vjeç.

Rezultatet janë të frikshme pasi:

65.8% e grave  kanë përjetuar dhunë nga partneri,

47% kishin përjetuar dhunë në familje nga partneri intim,

1 në 5 gra kishin përjetuar seksuale

18.2% e grave kanë përjetuar dhunë jo nga partneri

Gjatë studimit 18.1 % e grave kanë përjetuar ngacmim seksual

12.6 % kanë përjetuar përndjekje

Në fjalën e saj  Drejtoresha e INSTAT, Delina Ibrahimaj u shpreh se ky fenomen cenon rëndë të drejtat e njeriut dhe u bëri apel institucioneve shtetërore të marrin masa të menjëhershme.

Ajo çka mbetet më shqetësuese është fenomeni i pranimit të dhunës nga gratë, pasi 1 në 2 prej tyre e  cilësojnë dhunën si një çështje private midis partnerëve.

46.5%  besojnë se duhet te durojnë dhunën për hir të familjes

26.1% mendojnë e nuk duhet të tregojnë kur dhunohen.

Në përfundim të studimit 83% e grave mendojnë se duhet të ketë ligje që të mbrojnë gratë dhe vajzat nga dhuna. Fenomenin i dhunës ndaj femrave vazhdon të jetë një plagë e hapur e shoqërisë Shqiptare pavarësisht fushatave sensibilizuese që po kryhen herë pas here.

Dhuna është e  përhapur në të gjitha shtresat sociale./ABC News Albania 24/7

 

 

deget-1280x714.jpg
ad min15:30 | 17/05/2019

Të studiosh për ekonomi apo drejtësi vijon të jetë tendence në Shqipëri. Ndërkohë që degët e mësuesisë kryesisht në shkencat ekzakte nuk po ngjallin interes tek të rinjtë.  Instituti i Statistikave vëren se vjet vetëm 4.3% e studentëve janë diplomuar në këto programe studimi.

Biznes, administrim dhe ligj duket se janë degët më të pëlqyera nga të rinjtë shqiptarë.  Vitin e shkuar në këto programe sipas Institutit të Statistikave u diplomuan 28.4% e studentëve në vend.

Ndiqen nga degët  që ofrojnë njohuri në shëndet e mirëqenie me 14% të të diplomuarve dhe nga shkencat sociale, gazetaria dhe informacioni ku kanë përfunduar universitetin 10.3% e  studentëve.

Interes duket se nuk po vijojnë të ngjallin degët e shërbimeve me numrin më të ulët të të diplomuarve në vend, vetëm 2.7% . Ato që kanë lidhje me bujqësinë, por dhe programet e studimit për mësuesi të shkencave të natyrës e matematikes ku në vitin 2018 kane përfunduar universitetin 4.3% e studentëve.

Instituti i Statistikave vëren një rënie të numrit të diplomuarve me 3% krahasuar me vitin 2017.

Nga rreth 34 mijë e 300 te rinjtë që kanë mbyllur universitetin 63.3% janë femra  dhe 36.7%  ndërkohë më shumë se gjysma kanë përfunduar vetëm ciklin e parë të studimeve./ABC News Albania 24/7

ME-DIPLOME-DHE-TE-PAPUNE-1280x720.jpg
ent ela14:35 | 09/05/2019

14% e atyre që kanë përfunduar studimet e larta në Shqipëri nuk punojnë. Personat me diplomë universitare sipas Institutit të Statistikave renditen të dytë për papunësinë pas atyre me arsim të mesëm. Më i lartë niveli i papunësisë paraqitet tek të rinjtë me 28.3% të tyre të papunë.

Të diplomohesh nuk do të thotë automatiksht se do të punësohesh. Në Shqipëri 14% e atyre që kanë përfunduar universitetin janë të papunë. Shifrat vijnë nga Instituti i Statistikave i cili ka analizuar tregun e punës vitin e shkuar dhe ka nxjerrë në pah se personat me arsim të lartë përbëjne grupin e dytë të të papunëve në vendin tonë pas atyre me arsim të mesëm.

“Ku ka punë për pleqtë, s’ka për të rinjtë. Kam arsimin e lartë për tekstil”.

Ndonëse vitin që lamë pas papunësia u ul me 1.4%  krahasuar me një vit më parë ajo sërish mbetet e lartë. Rreth  12.3% e popullsisë në vend nuk punon.

Përqindje më e larte vihet re mes të rinjve të grupmoshës 15 deri në 24 vjeç me 28.3%.  Të pyetur  nga ABC News ata e shohin të vështirë gjetjen e një pune në vend.

“Nuk ka shumë mundësi punësimi, as nuk vlerësohet puna asgjë”.

“Është e vështirë, më shumë funksionon pjesa e mikut të them të drejtën”.

Pesimizmi rritet me rritjen e moshës.

“Po normal që është e vështirë dhe në këtë moshë”.

Papunësia është më e lartë tek burrat, me 12.7%  se tek gratë 11.9%.

“Kam kërku punë, po s’kam gjet moshën time nuk e preferojnë”

“Pa punë, isha në punë po më hoqën padrejtësisht”.

Qarku me papunësinë më të lartë sipas Institutit të Statistikave është Vlora dhe pas tij vjen Lezha. Ndërsa qytetet me numrin më të vogël të të papunëve janë Dibra dhe Korça. /ABC News Albania 24/7

 

 

zhakline-legatar.jpg
nev ila22:30 | 12/04/2019

E ftuara e tretë në emisionin “Provokacija” nga Mustafa Nano, në ABC News ka zhvilluar një bisedë të quajtur “tabu” sipas saj për shoqërinë shqiptare. Ajo ka folur për seksin dhe shoqërinë shqiptare.

Aktiviste për të Drejtat e Njeriut dhe të Drejtat e Grave, blogere e gazetare, Zhaklin Lekatari ka treguar se sipas një studimi të fundit të zhvilluar nga INSTAT, meshkujt dhe femrat shqiptare, kryejnë marrëdhënien e parë seksuale në moshën 24 vjeç për meshkujt dhe 26 vjeç për femrat.

Një studim i fundit nga INSTAT, për të cilën është folur shumë muajt e fundit, ka treguar që mosha e marrëdhënies seksuale te shqiptarët përkon me moshën e martesës, 24 vjeç te burrat dhe 26 vjeç te gratë, pra marrëdhënia e parë seksuale për ta përkon me martesën dhe kjo është shqetësuese”, tha ajo.

Pyetjes së gazetarit Mustafa Nano se sipas saj, cilët nga dy gjinitë, janë më të ndrojtur në marrëdhëniet seksuale në shoqërinë shqiptare, blogerja u përgjigj:

“Të dyja gjinitë janë të ndrojtura për arsye të ndryshme, por meshkujt më shumë. Ata kanë probleme me seksualitetin e tyre. Janë shumë të ndrojtur dhe të friksuar. Kjo vjen për shkak të roleve të tyre gjatë rritjes. Ata rriten duke u mësuar të mos qajnë, të mos tregojnë emocione, që duhet të zotërojnë gruan, duhet të jenë të fortë etj., kjo gjë ata i ndrydh.

Nga ana tjetër kemi femrën, e cila mesazhet që merr në lidhje me këtë çështje janë se duhet të jenë seksi, të bukura, mikluese, por nga ana tjetër seksualiteti i tyre dënohet dhe duhet ta mbajnë të fshehur. Si rezultat kemi çiftet shqiptare që kanë probleme të mëdha komunikimi me njëri-tjetrin. Ata më pas nuk kanë marrëdhënie seksuale cilësore, por të deformuar e kaotike, janë të painformuar, qoftë në marrëdhënie seksuale qoftë në atë emocionale. Janë të obsesionuar ndaj dhe kemi divorce në rritje”./abcnews.al

instat.jpg
ad min15:09 | 29/03/2019

Sipas të dhënave të publikuara gjatë së premtes nga INSTAT, Produkti i Brendshëm Bruto në tremujorin e katërt të vitit 2018 vlerësohet me rritje prej 3.1% në krahasim me të njëjtën periudhë të një viti më parë.

Në raport me tremujorët e mëparshëm, rritja është shumë më e ulët. Për gjithë vitin 2018, rritja ekonomike është rritur me 4.06%, duke u përshpejtuar në raport me vitin e mëparshëm, kur zgjerimi ishte 3.84%.

Delina Ibrahimaj: Në tremujorin e katërt të vitit 2018, PBB shfaqet me rritje me 3.1 për qind në krahasim me tremujorin e katërt me vitin 2017. Kontributin kryesor e dhanë degët industria, energjia dhe uji me 1.1 për qind; tregti transport akomodim dhe shërbim ushqimor, dhe taksat neto mbi produktet që njëkohësisht kontribuuan me 0.58 për qind./abcnews.al

kafeer-1280x689.jpg
ent ela19:15 | 25/02/2019

Shqipëria mban rekord në botë për numrin e kafeneve në raport me popullsinë. Megjithatë të dhënat e Institutit të Statistikave tregojnë se edhe ky biznes ka nisur të falimentojë. Këtë e tregon numri në rënie i bare-kafeneve që janë mbyllur.

Me dashuri dhe domosdoshmëri shprehen konsumatorët e kafes nëpër botë. Në Shqipëri ajo që përdoret më shumë është kafe e muhabet.

E shndrruar në stil jetese kafenetë u bënë biznesi më fitimprurës dhe më i përhapur në vend duke na renditur si vendi i parë në botë për numrin e lartë të bar-kafeve në raport me popullsinë.

Sipas Monitor nëse e gjithë popullsia ulet njëkohësisht në bar-kafetë dhe restorantet që ndodhen në gjithë vendin, ato mund të akomodojnë gati 660 mijë persona, ose një të katërtën e popullsisë.

Por edhe ky biznes duket se po mëson cështë falimentimi. Këtë e tregojnë të dhënat e fundit të INSTAT sipas të cilës për herë të parë në 2017-n, numri i bar-kafeneve ka ardhur në rënie. Në vend kishte gjithsej 14,217 bar-kafe, duke u ulur me 4%, ose në vlerë absolute kishte 602 bar-kafe më pak në vend. Kjo rënie shënohet për herë të parë që nga viti 2009, kur INSTAT raporton të dhënat. Në atë kohë në vend kishte vetëm rreth 8,600 bar-kafe, por numri i tyre u rrit me shpejtësi vit pas viti, duke arritur rekordin në 2016-n, me 14,820 të tilla, për të rënë vitin e mëpasshëm.

Në total, numri i vendeve në bare e restorante ra me 10% në 2017-n, në raport me vitin e mëparshëm. Megjithatë vazhdojmë të mbajmë Rekordin në botë për kafenetë në raport me popullsinë

Në Shqipëri ka 640 bar-kafe për 100 mijë banorë, sipas përllogaritjeve të “Monitor”, ose 1 bar kafe për 156 banorë. Në krahasim me 2016-n ka një rënie të lehtë të treguesit, për shkak të mbylljes së 600 bar-kafeneve.

Në vitin 2016, Shqipëria ia kaloi edhe Spanjës për këtë tregues, e cila deri tani mbante rekordin në Bashkimin Europian  dhe në botë për numrin e lartë të bar-kafeve për banorë, me 592 bar kafe për 100 mijë banorë, ose një bar-kafe për 169 banorë./abcnews.al

INSTAT-PER-AKSIDENTET.mpg_snapshot_00.04-1280x720.jpg
ad min19:04 | 21/12/2018

Aksidentet rrugore në vendin tonë janë ndër shkaktarët kryesorë që marrin jetë njerëzish, kryesisht jetët e të rinjve. Sipas statistikave të publikuara nga INSTAT gjatë muajve Janar-Nëntor 2018, në rang kombëtar kanë humbur jetën në aksidente rrugore 190 persona.

Çdo dy ditë mesatarisht tre shqiptarë humbin jetën në aksidente rrugore në vend. Sipas të dhënave të INSTAT gjatë periudhës Janar-Nëntor në rang kombëtar kanë humbur jetën 190 persona nga aksidentet rrugore, duke bërë kështu që të jenë ndër shkaktarët më të mëdhenj të humbjes së jetës tek personat me moshë të re në vendin tonë.

Në muajin nëntor 2018 po sipas INSTAT numërohen 130 aksidente rrugore nga 177 aksidente të ndodhura në Nëntor 2017, duke u ulur me 26,6 % krahasuar me të njëjtën periudhë të një viti më parë. Në Nëntor 2018, numri i të aksidentuarve është 171 persona nga 235 që ishte një vit më parë, duke u ulur me 27,2 %. Sipas INSTAT në Nëntor 2018, aksidentet rrugore në 75,4 % të rasteve, kanë ndodhur si pasojë e sjelljes së gabuar të drejtuesit të mjetit. Ndërsa gjatë muajve Janar-Nëntor 2018, aksidentet rrugore në 21,9 % të rasteve kanë ndodhur si pasojë e sjelljes së pakujdesshme të këmbësorve.

Edhe sipas raporteve të Organizatës Botërore të Shëndetësisë rrugët në Shqipëri vrasin më shumë se në çdo vend tjetër të Europës. Me 13.7 vdekje për 100 mijë banorë, Shqipëria renditet ndër vendet me nivelin më të lartë të vdekjeve nga aksidentet në Europë./abcnews.al

RRITEN-EKSPORTET.mpg_snapshot_00.05-1280x704.jpg
ad min17:41 | 19/11/2018

Rritja e eksporteve në vendin tonë gjatë 10 muajve të fundit duket se ka pësuar një rritje të kënaqshme dhe të paparashikuar. Sipas shifrave të publikuara nga INSTAT vetëm muaji Tetor ka shënuar një rritje prej 21% të eksporteve krahasuar me të njëjtën periudhë të një viti më parë.

Eksportet shqiptare kanë pësuar një rritje gjatë muajit Tetor, duke ndihmuar në uljen e mëtejshme të defiçitit tregtar të vendit. Sipas INSTAT, eksportet e mallrave arritën vlerën 30 miliardë lekë, duke u rritur me 21%, në krahasim me të njëjtën periudhë të vitit 2017.

Gjatë 10-mujorit të fundit, vendi ynë ka  eksportuar mallra në vlerën afro 262 miliardë lekë, në rritje vjetore me 16%. Eksporti i grupit të mineraleve, lëndëve djegëse dhe energjisë u rritën me 37% krahasuar me 10-mujorin e vitit të kaluar.

Megjithatë sipas INSTAT grupi që dominon gjithnjë e më shumë eksportet shqiptare është ai i tekstileve dhe këpucëve, duke arritur në vlerën 104 miliardë lekë ose rreth 825 milionë euro. Fasonet janë ato që sjellin mbi 40% të eksporteve totale të vendit tonë.

Ndryshe nga ritmi i eksporteve, importet kanë një ritëm më të dobët. Krahasuar me 10-mujorin e vitit të kaluar, importet janë rritur me më pak se 3%. Rënia e importeve ka ardhur edhe për shkak të forcimit të lekut kundrejt monedhave të tjera, veçanërisht kundrejt euros./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono