INSTAT

zusi.jpg
in a12:54 | 20/01/2020

300 mln euro është efekti negativ financiar në ekonominë shqiptare nga rënia e eksporteve në 2019.

Eksportuesit deklarojnë se ky impakt ishte paralajmëruar edhe më parë. Zhvlerësimi i euros ishte një prej faktorëve që goditi eksportet dhe pavarësisht apelit apo kërkesave të eksportuesve qeveria nuk ndërmori asnjë masë. Sipas kreut të Qendrës Shqiptare të Eksportuesve, Alban Zusi bizneset në këtë sektor kanë shkurtuar vendet e punës dhe nuk kanë rritur pagat e punonjësve gjatë dy viteve të fundit.

 “Dëmi finaciar duhet të jetë diku të 300 mln euro, por nëse marrim në konsideratë edhe remitancat dëmi mund të jetë edhe më i lartë. Vendet e reja të punës janë shumë të kufizuara, nuk janë në ritmet e para disa vitesh”, deklaroi Alban Zusi.

Ndërkohë edhe për këtë janë pesimistë pasi monedha europiane me të cilën shiten  produktet shqiptare është e zhvlerësuar në krahasim me lekun shqiptar.

 “Impakti në eksporte do jetë prezent, por mund të kemi një përkeqësim në treguesit e tjerë të ekonomisë. Tashmë do fillojë të ndjehet mungesa e investimeve”, u shpreh ai.

Apeli për qeverinë është që të ndërmeren politikat e duhura për të ndihmuar rimëkëmbjen e ekonomisë.

“Kërkesa ndaj qeverisë është krijimi i një Instituti për Politikat Ekonomike, mjaft më me politika të inskenuara”, tha më tej Zusi.

Sipas të dhënave të INSTAT gjatë 2019 eksportet shqiptare arritën vlerën 299 mld lekë duke u ulur me 3.8% nëse e krahasojmë me 2018. Ndërkohë rezulton se gjatë këtij viti vendet me të cilët Shqipëria ka pasur rritje më të madhe të eksporteve, në krahasim me një vit më parë janë: Kosova 10%  e ndikuar kjo direkt prej vendosjes së taksës ndaj mallrave serbe si dhe  Gjermania 5,6 % .

Por vlen të theksohet se me dy vendet kryesore në marrdhëniet tregtare volume i tregtisë është ulur. Tregtia me  Italinë është ulur me  4%, dhe me Greqinë  2,5 %./abcnews.al

insta.jpg
in a23:10 | 15/01/2020

 

Drejtoresha e INSTAT pranon se ka rënë numri i popullsisë në vend për shkak të emigracionit dhe uljes së lindshmërisë, por sipas saj vendi nuk rrezikon të mbetet me gjysmë milionë banorë në vitin 2100, siç parashikon OKB-ja.

“Nuk duhet të merret një variant siç ka ndodhur tashmë, që është marrë varianti i ulët dhe interpretohet që popullsia e Shqipërisë në 2100 do të shkojë në 500 mijë banorë. Kjo nuk është e vërtetë. Projeksionet e popullsisë mbartin një pasiguri duke qenë se ndërtohen mbi të shkuarën. Që të kesh një statistikë të mirë projeksionet e popullsisë ndërtohen mbi një periudhe 30 vjeçare”, sqaron Nesturi.

Emigracioni dhe lindshmëria, janë dy faktorët kryesore të uljes së numrit të popullsisë në Shqipëri, sipas INSTAT.

Popullsia shqiptare ka pësuar tkurrje gjatë viteve të fundit .Instituti i Statistikasve e ka pranuar këtë fenomen të cilin e shpjegon me ndikimin që ka dhënë emigracioni dhe rënia e lindshmërisë. Por përtej kësaj sipas drejtores së statistikave projeksionet e OKB janë të shtrira për një periudhë shumë të gjatë kohore. Sipas Majlinda Nesturit parashikimet mund të jenë të sakta për një periudhë 30 vjeçare.

“Nuk duhet të merret një variant siç ka ndodhur tashmë, që është marrë varianti i ulët dhe interpretohet që popullsia e Shqipërisë në 2100 do të shkojë në 500 mijë banorë. Kjo nuk është e vërtetë. Projeksionet e popullsisë mbartin një pasiguri duke qenë se ndërtohen mbi të shkuarën. Që të kesh një statistikë të mirë projeksionet e popullsisë ndërtohen mbi një periudhe 30 vjeçare”, sqaroi Nesturi.

Drejtoresha e statistikave pranë Instat deklaron se rënia e lindshmërisë lidhet me arsimimin dhe emancipimin e gruas .Duke u ndalur tek rënia e lindshmërive INSTAT raporton se në projeksionet  për vitin 2031 janë që popullsia e shqipërisë të shkoj në 2.75 mln banorë nga 2.86 mln banorë që është aktualisht.

“Lindshëmëria vjen në rënie. Sa më shumë te rritet mirëqënia, sa më të arsimuara të jenë femrat, ka ndikim në lindshmëri”, sqaroi Nesturi.

Organizata e kombeve të bashkuara me anë të projeksioneve të publikuara thekson se në vitin 2100 Shqipëria rrezikon të mbetet një vend me vetem 512 mijë banorë./abcnews.al

varferia-1280x720.jpeg
R D09:17 | 07/01/2020

Për familjet, të ardhurat e të cilave janë të pakta është e kuptueshme që shpërndarja e tyre do të shkojë tek gjërat më bazike, sikurse është ushqimi. Klasa më e varfër e familjeve në Shqipëri përllogarit se shpenzon mesatarisht 53.3% të totalit për ushqime dhe pije jo alkoolike.

Në thuajse 10 vite pesha e shpenzimeve është ulur me gati 8 pikë përqindje, por sërish më shumë se gjysma e shpenzimeve të familjeve me të ardhura të ulëta shkojnë për shpenzime bazike.

Por për çfarë po shpenzojmë më shumë familjet e varfra? Ndonëse kanë ulur shpenzimet për ushqime, të dhënat e INSTAT tregojnë se janë rritur ndjeshëm shpenzimet për të siguruar një çati mbi kokë dhe shpenzimet që lidhen me banesën në përgjithësi.

Në këtë kategori shpenzimesh përfshihen: Qiraja e paguar (si shpenzim i kryer për marrjen e ambienteve të banimit me qira nga ana e familjeve), mirëmbajtja dhe riparimi i banesës, materiale për riparim, pagesa për energji elektrike: ujë, gaz, heqje plehrash, dhe të gjitha pagesat që kanë lidhje me banesën e familjes etj. në një familje të varfër shpenzimet për këtë zë zinin rreth 16.6% të totalit, me një rritje prej 5.3 pikë përqindje në raport me një vit më parë.

Të dyja këto zëra shpenzimesh (ushqimet dhe banesa) përbëjnë thuajse 70% të totalit të shpenzimeve të familjeve më të ardhura të pakta.


Për çfarë shkon pjesa e mbetur? Rreth 6.1% e shpenzimeve shkojnë për shpenzimet që kanë këto familje për mobilimin, pajisjet shtëpiake dhe mirëmbajtjet.

5.1% të tjera të totalit të shpenzimeve, familjet e varfra përllogarisin shpenzimet e komunikimit. Edhe për këtë grup shpenzimeve, INSTAT përllogarit se pesha për familjet e varfra është rritur ndjeshëm në raport me rreth 10 vite më parë, ku një familje me të ardhura të ulëta shpenzonte thuajse dy herë më pak. Në këtë zë sipas shpjegimit të INSTAT përfshihen shërbimet postare, të gjitha llojet e shërbimeve për komunikim, telefona, celularë, faks, internet etj.

Shpenzimet më të ulëta të familjeve të varfra mbeten për arsimin, ku sipas të dhënave të INSTAT vetëm 0.2% e totalit të shpenzimeve të tyre shkojnë për këtë zë, në raport me 10 vite më parë pesha e shpenzimeve për arsim është rritur me vetëm 0.1 pikë përqindje për familjet me pak të ardhura.

Po ashtu shpenzimet për argëtim dhe kulturë nuk kanë vend për familjet që shpërndajnë burimet e tyre të pakta financiare në sigurimin e gjerave bazike, sikurse është ushqimi dhe çatia mbi kokë. /Monitor

instat.jpg
ger ta20:06 | 24/12/2019

Turizmi gjatë muajve të verës duket se e ka rigjallëruar rritjen ekonomike në tremujorin e tretë. Por pavarësisht kësaj rritja si 9 mujor është vetëm 2.95 % poshtë parashikimeve të bëra nga qeveria shqiptare për një rritje prej 3.5%. Ndikim pozitiv në këtë ecuri duket se ka dhënë edhe konsumi.

Përfundimi i investimeve madhore siç është ndërtimi i gazsjellësit TAP vijon të ndikoj negativisht në ekonominë shqiptare

Në tremujorin e tretë të këtij viti rritja ekonomike ka rez\ultuar të jetë 3.81% ndërsa Në dy tremujorët e parë të 2019 rritja ekonomike ka qënë 2.4% dhe 2.31% e  ndikuar negativisht nga prodhimi I energjisë elektrike.

punesimet-shqiptaret.jpg
nev ila19:55 | 21/12/2019

Instituti i Statistikave ka analizuar të dhënat e vitit të shkuar dhe ka nxjerrë në pah se ku punësohen më shumë shqiptarët.  Tre janë sektorët kryesore sipas INSTAT, shërbimet, bujqësia dhe industria.

Shërbimet, bujqësia dhe më pas industria.  Tre janë sektorët që zënë peshën më të madhe të punësimit në Shqipëri.

Instituti i Statistikave ka analizuar të dhënat e vitit të shkuar dhe ka nxjerrë në pah se;

42,9 %  e  të punësuarve i përkasin sektorit të shërbimeve,

37.4% atij të bujqësisë

dhe 19.7% industrisë.

Pavarësisht pozicionimit vihet re një rritje e numrit të të punësurve në sektorin e fundit me 2.3% dhe ulje me 5.3% në sektorin e renditur i dyti.

Zanati më i përzgjedhur në sektorin e industrisë është montimi  i pajisjeve dhe makinerive.

Bujqësia orientohet më tepër drejt pyjeve, peshkimit dhe zejtarisë ndërsa shërbimet tek nëpunësit, punonjësit e shitjeve, menaxherët dhe teknikët.

Nëse në bujqësi numrin më të madh të të punësuarve e zënë gratë dhe në industri burrat  në sektorin e shërbimeve nuk vihet re diferencë e madhe në angazhimin mes dy gjinive./abcnews.al

 

shpenzimet-e-shqiptareve.jpg
ad min14:03 | 26/09/2019

Edhe gjatë vitit 2018 shqiptarët kanë shpenzuar më shumë për ushqimin. Por ndryshe nga vitet e tjera anketa e buxhetit të familjes që publikon çdo vit INSTAT, tregon se shpenzimet familjet nuk i kanë përqendruar më tek arsimimi, por tek mobilimi i shtëpive.

Ushqimi vazhdon të marrë gjysmën e të ardhurave mujore të një familje. Viti 2018 tregoi se ky buxhet u rrit më shumë se vitet e tjera në qarqet Berat, Dibër, Durrës dhe Elbasan. Për ushqime shpenzuan edhe më shumë se mesatarja kombëtare me mbi 47 për qind të buxhetit mujor edhe në Elbasan, Fier e Gjirokastër.

Ndërsa në Tiranë familjet çojnë 39.7 për qind të buxhetit për ushqime, niveli më i ulët në shkallë vendi pas Vlorës e cila çon vetëm 39.6% të buxhetit të saj për ushqime. Në të dhënat e publikuara nga Instituti i Statistikave vihet re se familjet shqiptare nuk kanë patur prioritet edukimin dhe arsimimin siç ka ndodhur në vitet e kaluara. Gjatë vitit 2018 ata janë përqendruar në mobilim dhe mirëmbajtje të shtëpisë.

“Shpenzimet e bëra në grupin “Mobilim, pajisje shtëpiake dhe mirëmbajtje e zakonshme e banesës” në vitin 2018 kanë pësuar rritjen më të lartë prej 25,8 %, krahasuar me vitin e kaluar, si rezultat i rritjes më të madhe të shpenzimeve për nëngrupin “pajisje dhe shërbime për mirëmbajtjen e zakonshme të banesës”.

Më shumë para se një vit më parë kanë shpenzuar edhe për artikuj e produkte për kujdesin personal por edhe për shërbime telefonike. Grupi i shpenzimeve për banesën, me shpenzimet për energji elektrike, ujë, lëndë djegëse, qira të paguar dhe riparime të vogla, me një vlerë mesatare mujore të shpenzimeve prej rreth 8 mijë lekë përbën 10,5 % të totalit të buxhetit familjar.

Sipas Anketës së Buxhetit të Familjes 2018, shpenzimet mesatare mujore për konsum për një familje të përbërë mesatarisht nga 3 deri në 4 persona janë rreth 76 mijë lekë duke pësuar rritje me 3,5 përqind krahasuar me vitin 2017.

Totali i shpenzimeve për konsum është 58,67 miliardë lekë në muaj për rreth 773 mijë familje. Ndërkohë që rritja e çmimeve të konsumit, në vitin 2018, krahasuar me vitin 2017, është 2,0 %.  Ndër qarqet me shpenzimet më të larta mujore për konsum është Tirana me afro 88 mijë lekë në muaj ndërsa qarku që shpenzon më pak është Dibra me afro 58 mijë lekë në muaj./ABC News Albania 24/7

shqiptare-1.jpg
ad min15:42 | 24/09/2019

Gushti ka rezultuar muaji më i frekuentuar nga turistët e huaj, ndërkohë që shqiptarët kanë zgjedhur të pushojnë jashtë vendit. Janë këto të dhënat zyrtare që ka bërë publike Instituti i Statistikave.

Shqipëria është preferuar nga më shumë se 1 milionë e gjysmë turistë gjatë muajit Gusht. Të dhënat zyrtare të institutit të statistikave tregojnë të detajuara shifrat në rritje krahasuar me Gushtin e vitit të kaluar.

“Hyrjet e shtetasve shqiptarë dhe të huaj në territorin shqiptar, në muajin Gusht 2019, janë rreth 2 milionë e 257 mijë. Krahasuar me Gusht 2018, ky tregues rezulton me rritje 6,4 %. Në Gusht 2019, hyrjet e shtetasve të huaj në vend janë rreth një milionë e 557 mijë, krahasuar me Gusht 2018, ky numër është rritur me 7,4 %”.

Numri i shtetasve të huaj që kanë hyrë në vendin tonë përgjatë tetë muajve të 2019 është afro 4.870.588, duke u rritur me 10,8 %, në krahasim me të njëjtën periudhë të vitit 2018.

Të dhënat e INSTAT tregojnë se në Gusht të këtij viti, ndër vendet që kanë hyrjet më të larta të shtetasve në Shqipëri, Maqedonia ka pasur rritjen më të madhe me 19,2 %, ndërsa uljen më të ndjeshme e ka pasur Polonia me 19,6 %.

Polakët renditen të fundit edhe në përllogaritjen e shtetasve të huaj që kanë hyrë gjatë 8 muajve të fundit duke pësuar ulje të ndjeshme me 13,3 përqind krahasuar me vitin 2018, ndërsa e para në listë renditet Zvicra, janë 16,9 përqind më shumë zviceranë që kanë zgjedhur të vizitojnë Shqipërinë këtë vit.

E ndërsa të huajt shijojnë diellin dhe natyrën shqiptare në Gusht, shqiptarët kanë preferuar të nxihen kilometra larg vendit të tyre. Janë rreth 727 mijë shtetas që kanë udhëtuar drejt destinacioneve të huaja turistike duke shënuar një rritje me 5.4 përqind krahasuar me një vit më parë./ABC News Albania 24/7

aa.jpg
ad min15:42 | 11/09/2019

Papunësia në vend ka pësuar rënie në 11. 5%. Këtë e bën të ditur Ministria e Financave, sipas të cilës, ky është niveli më i ulët historik.

Lajm i mirë për ekonominë! Nis kështu njoftimi i Ministrisë së Financave e cila  shpërndau për mediat të dhënat e anketës tremujore të forcave të punës publikuar nga Instituti i Statistikave.

Bëhet fjale për rënien e papunësisë në vend në 11.5%, niveli më i ulët historik theksojnë financat. Krahasuar me tremujorin e dytë të vitit 2018, shkalla zyrtare e papunësisë u ul me 0,9 % ndërsa me tremujorin e parë të 2019-s rënia vlerësohet me 0,6 %.

Nga muaji Prill deri në Qershor të këtij viti 61.4% e personave nga 15 deri në 64 vjeç kanë gjetur një punë. 3,4% më shumë se e njëjta periudhë e një viti më parë dhe 2.1% më tepër tre muajt e parë të vitit.

Shifra sipas ministrisë është ndër më të lartat në rajon dhe për këtë Shqipëria është vlerësuar nga Banka Botërore, Fondi Monetar Ndërkombëtar dhe Komisioni Evropian.

Rritje të punësimit kanë patur sektorët bujqësi, tregti, shërbimet mbështetëse, aktiviteti informatik dhe telekomunikacioni. Tendencë rënie po shfaq dhe papunësia tek të rinjtë.

Sipas Ministrisë së Financave raporti i publikuar nga INSTAT tregon efektivitetin e politikave të ndërmarra nga qeveria që shkon në favor të zhvillimit të qëndrueshëm ekonomik dhe nxitjes së punësimit./ABC News Albania 24/7

lejet-ndertimi-tirane-1280x706.jpg
nev ila16:15 | 30/08/2019

 

Numri i lejeve të ndërtimit sipas Institutit të Statistikave u rrit me rreth 15% tremujorin e dytë të vitit.  Nga prilli në qershor u dhanë 310 leje për ndërtimin e objekteve të reja, 111 prej tyre në Tiranë.

 

Tirana renditet e para sa i përket lejeve të ndërtimit dhënë nga muaji prill deri në qershor të këtij viti.

Nga 310 leje për ndërtesa të reja lëshuar në të gjithë vendin në tremujorin e dytë të vitit, sipas Institutit të Statistikave, 111 janë lëshuar vetëm nga bashkia e kryeqytetit.

11 leje më shumë se e njëjta periudhë e një viti më parë në Tiranë dhe 14.8% më tepër në të gjithë vendin.

61.2% e lejeve janë dhënë për rezidenca banimi, 27.1% për ndërtesa të tjera dhe 11.7% për punime inxhinierike.

Mbi 400 mijë metër katror territor  vë në dukje Instituti i Statistikave është vënë në dispozicion të ndërtimeve të reja. Në Tiranë kjo sipërfaqe është rreth 273 mijë e 133 metër katror.

Vlera e përafërt e lejeve miratuar për ndërtesa dhe punime inxhinierike, në tremujorin e dytë te 2019 kap shifrën e 16,8 miliardë lekëve./ABC News Albania 24/7

KRONIKE-VDEKSHMERIA-AMESORE_ABC-M2-T1.mpg_snapshot_00.30-1280x720.jpg
ent ela15:00 | 25/07/2019

INSTAT ka publikuar shifra shqetësuese për rritje të vdekshmërisë për nënat dhe foshnjat në vitin 2018. Sipas raportit 7.3 femra në 100 mijë lindje humbën jetën, niveli më i lartë i regjistruar prej vitit 2011.

Sapo i kanë sjellë në jetë, i thonë lamtumirë.

Nuk janë pak. Shifrat e publikuara nga INSTAT tregojnë se të paktën 7 femra për 100.00 lindje, kanë humbur jetën në vitin 2018, nga 6.3 që ishte një vit më parë. Nga ana tjetër Instituti i Statisktikave saktëson se edhe pse në 2018 është shënuar rritja e  vdekshmërisë së nënave, ky tregues në Shqipëri është shumë më poshtë mesatares botërore.

Vdekshmëria foshnjore është një tjetër fenomen që tërheq vëmendjen në Shqipëri. INSTAT tregon se në vitin 2018, të paktën 257 foshnje kanë vdekur, nga 28,934 bebe të lindur. Sipas Institutit të Statistikave, në 2017, numri i foshnjeve të vdekura ishte  8.0 për 1000 lindje. Humbja e jetës e nënave gjatë apo pas përfundimit të shtatzanisë, ka si shkak sipas INSTAT më shumë mënyrën se si menaxhohet shtatzania, sesa arsyet aksidentale. Ndërsa  rritja e vdekshmërisë foshnjore në vend, shoqërohet sipas statistikave me ulje të numrit të lindjeve.

. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono