inspekton

edi-Rama-1280x679.jpg
nev ila15:50 | 01/10/2019

Lumi Zezë në Fushë Krujë nuk do të përmbysë më zonat përreth shtratit të tij. Kryeministri Rama inspektoi punimet, por kritikoi projektin për mungesë gjelbërimi dhe mos prishjen e disa ndërtimeve afër shtratit.

Ky është Lumi Zezë…

Çdo dimër ai kthehej në një shqetësim për banorët e Fushë Krujës, duke shkaktuar përmbytje sa herë binin reshje…

Por, ky dimër pritet të jetë ndryshe pasi, shtrati i lumit është rehabilituar.

Kemi prekur tre pikat kryesore më delikate të lumit, Aramerasin në jug të Fushë-Krujës, urën ku ka pas dalë çdo vit uji dhe hapjen e grykës në dalje të lumit në veri të Fushë Krujës. Në këto  tre pika që kemi bërë ndërhyrjen më të shpejtë kemi bërë të mundur që të mos dali uji kësaj radhe, kur kanë qenë edhe reshjet më rekord 140 milimetra ujë në 5 orë brenda një dite.”

Kryeministri nuk u duk i kënaqur me projektin dhe kërkoi korrigjime.

Është mirë të bëhet një sistemim që të mos jetë një histori ferrash dhe ndërhyrjesh, është mirë që të bëhet një sistemim nga të dy anët, me vendos edhe një brez të gjelbër pemësh. Nuk është thjeshtë nga ana estetike, por edhe aspekti mjedisor. Edhe ato godinat që hyjnë dhe fusin hundën në shtrat duhen prishur, nuk mund të vazhdojnë të rrinë ashtu,” – u shpreh ai.

Kryeministri theksoi se përfundimi i  projektit do t’i japë një dimension të ri infrastrukturës së zonës./ABC News Albania 24/7

sander-lleshaj-frontex-1280x715.jpg
nev ila12:00 | 31/08/2019

Ministri i Brendshëm Sandër Lleshaj inspektoi oficeret e FRONTEX në Pikën e Kalimit Kufitar të Kapshticës. Sipas ministrit janë parandaluar trafiqet e qënieve njerëzore si edhe flukset migratore nga vendet e Lindjes së Mësme.

“Rezultatet e FRONTEX në parandalimin e trafikut të qënieve njerëzore janë të dukshme”.

Kështu u shpreh ministri brendshëm Sandër Lleshaj gjatë një vizite në pikën e Kalimit kufitar të Kapshticës, duke shtuar se, bashkëpunimi me FRONTEX është i rëndësishëm edhe për të parandaluar flukseve migratore nga vendet e Lindjes së Memse.

Minstri Lleshaj theksoi se, operacioni që FRONTEX zhvillon në vendin tonë është një shans i mirë për të rritur nivelin Policisë së Shtetit krahasuar me shtetet e tjera të në Ballkan.

Shqipëria është vendi i parë me të cilin FRONTEX ka nënshkruar marrëveshje bashkëpunimi dhe operon jashtë BE-së, në menaxhimin e integruar të kufijve./ABC News Albania 24/7

 

shpende-1280x670.jpg
ad min17:15 | 13/07/2019

Kryeministri Edi Rama ka inspektuar stabilimentin e ri të mbarështimit të mishit të shpendëve në Boboshticë. Sipas kreut të qeverisë  falë mbështetjes nga Fondi i Programit të Bujqësisë dhe Zhvillimit Rural, janë rritur kapacitetet prodhuese dhe prodhohet në përputhje me standardet e Bashkimit Evropian.

Pulë me standarde siç i ja konsumatori evropian.

Kështu e sigurojnë kryeministrin Edi Rama duke i treguar mbështetjen që Fondi i Programit të Bujqësisë dhe Zhvillimit Rural i ka dhënë këtij biznesin familjar të ngritur afro 20 vite më parë në sektorin e mbarështimit dhe prodhimit të mishit të shpendëve.

Frida Krifca: “Me këtë lloj investimi ne sigurojmë që konsumatorët shqiptarë të kenë mundësi të hanë produktin e pulës në standarde siç i ha konsumatori evropian, maksimale”.

Qeveria e promovon Boboshticën sot edhe për tjetërsimin e bujqësisë, në moderne dhe konkurruese.

 “Ky si regjiment, de facto, duke qenë sadopak modest është nga më të mirët në rajon, nga pjesa e ventilimit, nga pjesa e linjave të ushqimit dhe sa i përket ngrohjes është i vetmi regjiment që ka 0 çlirimin e dioksidit të karbonit, diçka që BE mbase e kërkon pas 10 vitesh”.

Qëllimi i programit për zhvillim rural është jo vetëm plotësimi i nevojave të tregut por edhe të kontribuojë në rritjen eksporteve në tregjet rajonale dhe evropiane./ABC News Albania 24/7

Rama-adisa-1280x671.jpg
ad min15:10 | 27/04/2019

Kreu i qeverisë i shoqëruar nga drejtori i agjencisë së ofrimit të shërbimeve publike të integruara, inspektoi ditën e djeshme hapjen e zyrës së re rajonale në Shkodër.

Nuk u largua nga Shkodra pa inspektuar investimet. Funksionin e zyrës së sapoçelur ADISA ja shpjegoi kryeministrit drejtori i kësaj agjencie.

Lorin Ymeri: “Këtu kemi 23 sportele. Kjo pjesa këtu është e informacionit, ankesave dhe dy sportelistë nga Posta Shqiptare. Kemi Agjencinë e re të Kadastrës. Kemi Institutin e Sigurimeve Shoqërore, Qendrën Kombëtare të Biznesit, tatimet dhe shërbimet vendore të ofruara nga bashkia. Pritet një fluks ditor tek 350-400 persona”.

Edi Rama: “E vërteta është që aty ku është bërë, ka pasur një rezultat vërtetë pozitiv. U krijon kushte komode njerëzve, i jep mundësinë njerëzve të vijnë në një vend dhe të mos shkojnë vërdallë dhe ndërpret atë lidhjen e tmerrshme, kontaktin me njërin e tjetrin”.

Këto zyra janë të pajisura me sistem elektronik të menaxhimit të radhës dhe me infrastrukturë të përshtatur për personat me aftësi të kufizuara./abcnews.al

stadiumi-kombetar-tirane.jpg
nev ila18:01 | 13/04/2019

Ministrja e Kulturës, Elva Margariti, bëri një inspektim në stadiumin e ri kombëtar, për të kontrolluar hyrjen kryesore që cilësohet si historike. 

Do të jetë impiant futbolli, por edhe me një pjesë historie.

Stadiumi i ri kombëtar vazhdon të marrë formën përfundimtare, ku pjesë integrale e tij do të jetë edhe hyrja kryesore, e cila u çmontua nga stadiumi i vjetër dhe u rivendos në të riun.

Ministrja e Kulturës, Elva Margariti e shoqëruar nga arkitekti Marko Kazamonti, panë nga afër këtë monument, pjesë e historisë dhe traditës tonë futbollistike.

Kazamonti, një ndër arkitektët më në zë të kohës dhe profesor në Fakultetin e Arkitekturës në Gjenovë, bashkë me ekipin e tij u mor me katalogimin e pjesëve historike, të cilat përbëjnë fasadën kryesore, vepër e famshme e Gerardo Bozios.

Puna ka qenë të katalogonim të gjithë pjesët, t’i vendosnim nga një numër të gjithave një e nga një dhe t’i magazinonim. Duke i çmontuar, i kemi pastruar, janë pastruar me një hedhje të lehtë uji dhe sapun për të hequr papastërtinë që ishte akumuluar ndër vite. Pasi u ndërtua godina e re rivendosëm tribunën kryesore që është edhe vepra kryesore e Bozios, në pozicionin identik siç ishte përpara, në aks perfekt me strukturën urbane që ndodhet përreth”, thotë ai.

Kazamonti mendon se në gjendjen aktuale, fasada e stadiumit do të ketë jetë më të gjatë.

 “Mendojmë të dorëzojmë arkitekturën e Bozios për qindra vite në të ardhmen sepse duke mos rënë më shiu mbi këtë pjesë të fasadës, ajo do të ruhet më mirë. Kemi pasur shumë diskutime nëse duhet ta mbyllnim fasadën me xham apo ta mbanim të hapur dhe në fund vendosëm që ishte më mirë ta mbanim të hapur siç ishte në origjinë por e mbuluar. Në hyrjen kryesore ka dy krahë anësore, nga njëra anë do të kemi muzeun e qytetit në veçanti të zonës së Stadiumit dhe të projektit të Bozios, nga ana tjetër do të jetë muzeu i Federatës. Jemi me shpresë se do t’i japim Tiranës dhe Shqipërisë rikonstruksionin e një pjese të historisë së qytetit”, theksoi Kazamonti.

Studentë të ardhur nga Fakulteti i Arkitekturës në Universitetin e Gjenovës po punojnë për rikualifikimin urban të disa hapësirave publike rreth stadiumit.

Një tjetër mundësi informimi do të jetë edhe nëpërmjet videove, dokumenteve historike dhe fotove, të cilat do të realizohen me përmbajtje origjinale të historisë së Tiranës.

Ministrja Margariti vlerësoi punën e arkitektit Kazamonti dhe stafit të tij.

Puna për përfundimin e stadiumit po vazhdon, veçse duket e vështirë që ai të jetë gati në qershor për ndeshjen e Europianit ndaj Moldavisë, siç premtoi Federata./abcnews.al

Rama-ne-QSUT.jpg
ad min14:55 | 09/04/2019

Është drejt përfundimit Spitali i ri i Kirurgjisë, shërbim i cili do të riorganizohet tërësisht. Kryeministri Edi Rama, së bashku me Ministren e Shëndetësisë Ogerta Manastirliu inspektoi kantierin e ri, pjesë e master-planit që synon të modernizojë shërbimet kirurgjikale në këtë spital.

Në qershor do të jetë gati spitali kirurgjikal në Qendrën Spitalore Universitare “Nënë Tereza”. 120 shtretër, 7 salla një laborator histologjik, 7 shtretër të tjerë për terapinë intensive dhe aparatura mjekësore të teknologjisë së lartë, janë investimi i qeverisë shqiptare nëpërmjet kredisë së Bankës së Këshillit të Evropës.

Këtë vit kemi alokuar nga buxheti i shtetit 3.8 milion dollarë për të mobiluar të gjithë hapësirat e nevojshme për të filluar puna sa më shpejt”, thotë ministrja.

Sipas ministres së shëndetësisë planifikohet që kapaciteti për 7 sallat të jetë rreth 9 mijë ndërhyrje kirurgjikale në vit.

Me përdorimin e instrumenteve modernë kirurgjikalë dhe sterilizimin me metoda bashkëkohore, shërbimi i Kirurgjisë në QSUT do të ofrohet me një standard të ri për qytetarët e informuan mjekët kryeministrin Edi Rama.

Kjo e mbyll komplet ciklin për infeksionet spitalore, sidomos infeksionet kirurgjikale. Me veglat e reja dhe me këtë lloj organizimi jemi në standardet europiane”, thanë mjekët.

Ka 50 vjet, hera e parë që investohet për kirurgjinë e përgjithshme”, shprehet një tjetër mjek kirurg.

Si hapësirë, si atmosferë është komplet tjetër nga çfarë ka qenë përpara”, tha Rama.

Paralelisht me spitalin kirurgjikal po vijojnë punimet edhe për Spitalin e ri të Sëmundjeve të Brendshme i cili do të përfundojë në maj të vitit 2021. Ai do të ketë 340 shtretër në dispozicion të të gjithë shërbimeve interne, gjithashtu edhe një urgjencë të QSUT të riorganizuar edhe të alokuar në atë spital të ri, duke e bërë këtë një spital me parametra evropiane.

Përfitues të drejtpërdrejtë të investimeve për modernizimin e shërbimit në QSUT janë edhe studentët e Mjekësisë, për të cilët në kuadër edhe të Paktit për Universitetin, po ndërtohen 11 salla studimi me kushte bashkëkohore, nga të cilat, dy salla në spitalin e ri kirurgjikal dhe 9 të tjera në spitalin e ri të sëmundjeve të brendshme.

Nga këto investime përfitojnë 300 mijë pacientë, rreth 5,000 punonjës staf mjekësor dhe jo mjekësor, si dhe rreth 1,000 studentë të mjekësisë./abcnews.al

Rama-librazhd-1-1280x681.jpg
ad min19:05 | 02/04/2019

Një park për të gjitha moshat do t’i shtohet qytetit të Librazhdit.  Punimet e nisura u inspektuan nga Kryeministri Edi Rama dhe deputeti i Qarkut te Elbasanit Taulant Balla. Kryetari i Bashkisë se Librazhdit Kastriot Gurra informoi Kryeministrin se faza e parë e punimeve e cila parashikon ndërtimin e fushave të volejbollit, basketbollit e futbollit është financuar nga qeveria zvicerane dhe ajo austriake. Bashkia do të financoje fazën e dytë ku parashikohet dhe përfundimi i projektit. Sipas kryeministrit Rama vetëm pak kohë më parë kjo fushë shërbente si vendgrumbullim mbetjesh e përmbytej sa herë Shkumbini dilte nga shtrati.  Parku multifunksional vjen në vazhdën e transformimit të qendrës së qytetit të Librazhdit./abcnews.al

balla-2-1280x700.jpg
ent ela16:21 | 31/03/2019

Ka nisur ndërtimi i argjinaturës së Shkumbinit në njësinë administrative të Shushicës. Sekretari i Përgjithshëm i Partisë Socialiste, njëherazi drejtuesi politik i Qarkut të Elbasanit, Taulant Balla gjatë inspektimit të punimeve tha se ky është viti i tretë që investohet në këtë argjinaturë.

Tokat dhe shtëpitë e banorëve të Shushicës duket se do ti shpëtojnë përmbytjeve nga lumi Shkumbin. Të paktën kështu iu tha nga numri dy i Partisë Socialiste Taulant Balla.

“Ky është viti i tretë radhazi që investohet në argjinaturën e lumit Shkumbin. Ne sot erdhëm për të parë punimet që janë bërë. Janë hedhur goxha para’ për të bërë këtë pritë. Të gjithë e dimë se kur Shushica ishte komunë mundësia për të bërë këtë investim ishte zero. U desh të bëhej reforma administrativo- territoriale në vitin 2015 për ta futur fshatin tuaj pjesë të Bashkisë Elbasan. Është detyra që po bëjmë dhe për të cilën ju na keni votuar. Sot unë jam shumë krenar të them se ne kemi shpëtuar nga përmbytjet sa e sa hektarë tokë”. 

Prefekti i Qarkut të Elbasanit, Gledian Llatja u shpreh se ky problem ishte ngritur nga vetë banorët gjatë takimeve të bashkëqeverisjes me qytetarët.

 “Ky investim ka hequr rrezikun e erozionit ka hequr rrezikun e përmbytjes së tokave. Të njëjtin projekt ne do fillojmë këtë vit edhe për lagjen Baldavere të Shushicës që është një projekt prej 430 milion lekësh të vjetra”.

Pritet që me ndërtimin e argjinaturës së re të hiqet rreziku 30 vjecar i përmbytjeve nga lumi Shkumbin, sidomos në periudhën e prurjeve./abcnews.al

nenstacioni-gjiri-lalzit-1280x734.jpg
ent ela12:17 | 30/03/2019

Me nisjen e sezonit të ri turistik Gjiri i Lalzit do të ketë nënstacionin e ri elektrik. Operatori i Sistemit të Energjisë Elektrike ka investuar 10 milionë euro për të garantuar furnizimin me energji të bregdetit. Punimet u inspektuan nga kryeministri Edi Rama.

Që prej vitit 1967 në këtë zonë nuk ishte kryer asnjë investim në rrjetin e shpërndarjes së energjisë elektrike, por shumë shpejt “Gjiri i Lalzit” do të ketë nënstacionin e ri. Punimet që po kryhen u inspektuan nga kryeministri Edi Rama, i cili shoqërohej nga Drejtori i OSHEE-së Ardian Çela.

“Duke pasur parasysh zhvillimin në këtë zonë, kemi nisur me nënstacionin që është 460 milionë lekë (të reja), investim i OSHEE-së. OST-ja do vijë me linjën e tensionit të lartë 110 kë. Nga ky moment, ne kemi nisur 3 fiderat e parë. Janë 8 fidera të tjerë që do mbulojë kjo zonë, Maminas, Sallmone, Hamallaj, Gjiri i Lalzit, Ishëm, Kepi i Rodonit. Mbulon për vitet e ardhshme të gjithë zhvillimin turistik të kësaj zone. Është një investim që shkon në 10 milionë euro. Sezonin e ardhshëm turistik kjo zonë nuk ka më problematikë”.

Ky investim konsiderohet i domosdoshëm nga Kryeministri Edi Rama dhe në kushtet kur turizmi në këtë zonë po pëson zhvillim.

“Është zonë me shumë perspektivë zhvillimi turistik dhe sidomos ndërtimi i hoteleve të reja, me gjithë ato kapacitete e nevoja, e bën domosdoshmëri që të ketë furnizim normal me energji”

Nënstacioni do të përfshihet në sistemin e ri SCADA, i cili ofron kontroll online të rrjetit dhe do të furnizojë me energji elektrike plazhin e “Gjirit të Lalzit”, zonën e “Manzës”, “Ishmit” dhe deri tek “Kepi i Rodonit”. Në Durrës, OSHEE ka investuar gjatë 4 viteve të fundit rreth 5.6 miliardë lekë./abcnews.al

fier-2-1280x704.jpg
ent ela18:45 | 27/03/2019

Ministrja e Infrastrukturës dhe Energjisë ka vizituar Parkun Fotovoltaik në Topojë të Fierit. Duke vlerësuar investimin e bërë, ministrja Balluku e cilësoi ketë vepër, si një standard dhe një shembull për t’u ndjekur nga të gjithë të interesuarit që duan të investojnë në energjinë e rinovueshme.

Energjia e rinovueshme është vënë në fokus nga Ministria e Infrastrukturës dhe Energjisë.  Në Topojë të Fierit është ndërtuar një park fotovoltaik  i cili do të ofrojë kosto më të reduktuara për energjinë.

 “Parku fotovoltaik është një zhvillim energjetik shumë i rëndësishëm, dhe në një vend si Shqipëria ku ditët me diell ne i kemi bujarisht të ofruara, absolutisht është një fushë që duhet zhvilluar dhe duhet treguar gjithë serioziteti dhe vëmendja e duhur edhe nga Ministria e Infrastrukturës dhe Energjisë”.

Ky park do të shërbejë si një standard dhe një shembull për t’u ndjekur nga të gjithë të interesuarit që duan të investojnë në këtë fushë.

Teknologjia që është përdorur këtu është e diversifikuar, një pjesë e teknologjisë është europiane, një pjesë është kryesisht module dhe invertrat janë nga kompanitë numër një në botë”,

Ky park është konsideruar si model i suksesshëm biznesi, pasi në të janë instaluar 5 licenca të cilat prodhojnë në tërësi 10 megavat. Investitorët kanë bashkuar 5 licensat, duke përdorur të njëjtin sistem monitorimi dhe të njëjtin rrjet shpërndarjeje, e duke ulur kështu në mënyrë të ndjeshme kostot e prodhimit të energjisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono