iljaz labi

DENOHET-ILJAZ-LABI-1280x720.jpg
ent ela17:32 | 12/07/2018

Tre vite burg, ishte vendimi i Gjykatës së Krimeve të Rënda për ish-zëvendës drejtorin e burgjeve, Iljaz Labin. Ndërkohë Gjykata ka dhënë 4 vite burg për Shemsi Sinanin e Ylber Kalaja dhe 3 vite për Nexhmi Ballën dhe Elidian Laskaj. Ata akuzohen për abuzime me tenderët e ushqimeve në burgje.

Gjykata e Krimeve të Rënda ka dënuar me 3 vite burg ish-nëndrejtorin e përgjithshëm të Burgjeve Iljaz Labi.

Pas një seance që zgjati afërsisht 5 orë, gjyqtarja Miljana Muçi vendosi që Labi, I akuzuar për korrupsoin të funksionarëve publike, të mos të ketë të drejtë të ushtrojë detyrë publike në 5 vitet e ardhme. Më herët, organi i akuzës kishte kërkuar 5 vite burg për ish nr.2., të burgjeve, pasi ishte gjetur fajtor për abuzimet me tenderat e ushqimeve për të burgosurit.

Por për shkak të statusit të bashkëpunëtorit të drejtësisë, vetë prokurorja Elisabeta Imeraj kërkoi që ky dënim të pezullohet. Ndërkohë për biznesmenët e tjerë, të cilët akozohen se kanë përfituar tendera fiktivë nga drejtoria e Burgjeve, trupa gjykuese vendosi, 4 vite burg për Ylber kalaja dhe Shemsi Sinani dhe me tre vite Nexhmi Ballad dhe Elidjan Laskaj.

Gjatë konkluzioneve përfundimtare të pokurorisë, dëshmia e të penduarit Iljaz Labi hodhi dritë mbi skemën e mashtrim, ku pas hekurave është edhe ish-kreu I burgjeve Artur Zoto. Labi kishte pranuar se ka marrë 2 milion lekë nga biznesmeni Shemsi Sinani dhe ja ka çuar ato në zyrë ish eprorit të tij Zoto. Në një proces të veçuar gjyqësor, gjykata e shkallës së parë për krimet e rënda e dënoi me 5 vite burg Artur Zoton. /abcnews.al

 

zoto-1280x662.jpg
G. P.14:52 | 26/04/2018

Prokuroria e Krimeve të Rënda kërkoi 5 vite burg për ish-drejtorin e Përgjithshëm të Burgjeve, Artur Zoto, të akuzuar për “korrupsion”. Sipas Prokurorisë, Artur Zoto ka përfituar 2 milionë lekë rryshfet për një tender ushqimesh në burgje në vitin 2016. 

Artur Zoto, ish-drejtori i Përgjithshëm i Burgjeve kishte zgjedhur të mos ishte në sallën e gjyqit në seancën e së enjtes ku prokuroria do të paraqiste pretencë.

Duke pasur përballë vetëm avokatin mbrojtës, prokurorja e çështjes Elisabeta Imeraj kërkoi një dënim me 5 vite burg për ish-zyrtarin e burgjeve. Sipas prokurorisë, nga gjykimi rezultoi e provuar se Artur Zoto ka konsumuar veprën penale të “korrupsinonit pasiv të zyrtarëve të lartë”.

Përmes një materiali voluminoz, prokurorja Imeraj i tha trupit gjykues se i pandehuri Zoto ka marrë një rryshfet prej 2 milionë lekë të rinj, për llogari të një tenderi të burgjeve për furnizim me vezë dhe bulmet. Bëhet fjalë për një procedurë pa negocim që daton në 31 Maj 2016.

Bazuar në prova e paraqitura në gjykim, mes të cilave qindra përgjime telefonike, prokuroria pretendon se kompanitë pjesëmarrëse në tender binin dakord paraprakisht për fituesin. Skema ishte bërë e zakonshme, thuhej në pretencë, referuar faktit se kompanitë pjesëmarrëse kishin një historik me Drejtorinë e Burgjeve.

Sipas prokurorisë, rolin e ndërmjetësit për dërgimin e shumës së parave e kishte bërë Iliaz Labi, ish-zv.drejtorit të Burgjeve. Labi ishte bashkëpunëtor i drejtësisë në këtë proces, duke e kthyer dëshminë e tij në gjykim në një nga provat më të forta kundër Zotos.

Javën e kaluar Prokuroria për Krimet e Rënda lexoi konkluzionet edhe në procesin e veçuar të këtij gjykimi me të pandehur Iliaz Labin dhe katër biznesmenë.

Për Labin, akuza kërkoi 5 vite burg, por për shkak të bashkëpunimit të tij me prokurorinë, kërkoi pezullimin e këtij dënimi. Në vijimësi Artur Zoto ka mbajtur qëndrim mohues në lidhje me akuzën e ngritur ndaj tij./abcnews.al

iljaz-labi.jpg
G. P.15:34 | 18/04/2018

Prokuroria e Krimeve të Rënda ka kërkuar 5 vite burg për Iliaz Labin, i akuzuar për korrupsion të funksionarëve publik. Ish-zv/drejtori i Përgjithshëm i Burgjeve, i shpëton burgut për shkak të statusit të bashkëpunëtorit të drejtësisë, ndërsa në seancë e radhës pritet të dalë për pretencë edhe eprori i Labit, Artur Zoto.

Dy vite nga nisja e hetimeve nga Prokuroria e Krimeve të Rënda për Iliaz Labin, organi i akuzës ka kërkuar 5 vite burg për ish-nëndrejtorin e Burgjeve. 

I pranishën në sallën e gjyqit, ishte vetë i pandehuri, bashkë me katër personat e tjerë të akuzuar për korrupsion aktiv ndaj funksionarëve që ushtrojnë detyre publike. Për Artur Laskaj, Shemsi Sinani, Nexhmi Balla dhe Ylber Kalaja, prokuroria kërkoi 3 vite burg.

Labi, qëndroi i qetë në kohën, kur prokurorja Elisabeta Ymeri ishte duke lexuar konkluzionet përfundimtare. Pavarësisht se Ymeri kërkoi 5 vite burg për ish-zv/drejtorin e Përgjithshëm të Burgjeve, ky i fundit ka fituar më herët satusin e bashkëpunëtorit, dhe si i tillë, theksoi prokurorja, Labit i pezullohet dënimi me burg.

Të njëjtin qëndrim prokuroria mbajti edhe për të pandehurin tjetër Ylber Kalaja, duke kërkuar shuarjen e dënimit me 3 vite burg. Pavarësisht kërkesës së organit të akuzës, do të jetë gjykata ajo që do të vendosë, nëse do të pranojë kërkesat e prokurorisë apo jo.

Sipas hetimeve doli e provuar, vijoi prokurorja në sallën e gjyqin, se Labi dhe ish- drejtori i Burgjeve, Artur Zoto, të kenë përfituar 2 milionë lekë nga tenderat e ushqimeve ne institucionet e vujatjes se denimit.

“Ata kishin përcaktuar më herët fituesin, zhvilluan prokurorimet pa shpallje publike më 31/05/2016 , duke përcaktuar fitues, Ylber Kalanë me kampaninë e tij, “Vllaznia”, theksoi prokurorja.

Sipas dosjes së prokurorisë, personi i dyshuar, Iljaz Labi, ka mbajtur në mënyrë kontakte dhe ka zhvilluar takime të vazhdueshme me personat e akuzuar, Ylber Kalaja dhe Shemsi Sinani, duke kërkuar prej tyre përfitim për procedurën e prokurimit të datës 31.05.2016, edhe pse kontraktuesi është subjekti “Nelsa”, me administrator shtetasin Nexhmi Balla.

Ndërkohë më 26 Prill pritet që prokuroria të paraqesë edhe konkluzionet përfundimtare për ish-drejtorin e Përgjithshëm të Burgjeve, Artur Zoto, i akuzuar edhe ky për korrupsion të funksionarëve publik./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono