Ilir Mustafaj

kpk123.jpg
ad min08:58 | 18/07/2019

Komisioni i Pavarur i Kualifikimit ka shkarkuar nga detyra gjyqtarin e Tiranës, kandidat për Gjykatën Kushtetuese, Ilir Mustafaj. Edhe kreu prokurorisë së Vlorës, Ardian Ylli nuk e kaloi sitën e Vettingut. Ndërsa Elida Kaçkini kandidatja për SPAK, kaloi tre komponentët e vlerësimit.

Komisioni i Pavarur i Kualifikimit Shkarkoi nga detyra Ilir Mustafajn, kandidat për Gjykatën Kushtetuese. Sipas vendimit të komisionit, Mustafaj gjyqtar në gjykatën e Shkallës së Parë në Tiranë kishte probleme me pasurinë.

Më herët gjatë seancës dëgjimore Mustafaj kërkoi dhe ndërrimin e trupit gjykues, por kjo kërkesë u rrëzua. Në përfundim Mustafaj u shpreh se do ta apelojë vendimin e KPK-së.

“Sot ka humbur vendi, ka humbur Gjykata Kushtetuese e Republikës së Shqipërisë e cila nuk do të ketë në përbërjen e saj një gjyqtar të ndershëm, profesional, të karrierës dhe një profesor të së drejtës”, tha ai në dalje.

Të njëjtin fat pati edhe Ardian Ylli, drejtues i Prokurorisë së Vlorës. Komisioni Pavarur i Kualifikimit ka vërejtur probleme me pasurinë, për të cilën Ylli nuk ka mundur ta justifikojë. Ndërsa Prokurorja e Tiranës Elida Kaçkini, kandidate për SPAK u konfirmua në detyrë./ABC News Albania 24/7

Gjykata-Kushtetuese.jpg
ad min13:51 | 04/04/2019

Pas shpalljes nga Kuvendi i Shqipërisë një muaj më parë të vakancës së plotë për gjyqtar në Gjykatën Kushtetuese që zgjidhet nga Kuvendi, ky i fundit ka publikuar edhe listën me gjyqtarë që kanë aplikuar si kandidatë të interesuar për plotësimin e kësaj vakance.

Ata janë Arta Vorpsi, Avni Shehu, Elsa Toska, Fiona Papajorgji, Klodian Rado, Kostandin Kazanxhi, Mitat Dautaj, Ilir Mustafaj dhe Valbona Bala (Pajo).

Tre janë anëtarët e Gjykatës Kushtetuese që zgjidhen nga Kuvendi, përmes një procedure e cila kalon nga renditja e emrave nga Këshilli i Emërimeve në Drejtësi. Bazuar në Kushtetutë, Kuvendi zgjedh gjyqtarin e Gjykatës Kushtetuese me jo më pak se tre të pestat e të gjithë anëtarëve të tij, pra 84 vota deputetësh, ndërmjet kandidatëve të renditur në tre vendet e para të listës së dalë nga Këshilli i Emërimeve në Drejtësi.

Gjykata Kushtetuese ka mbi një vit e bllokuar për shkak të shkarkimit të gjyqtarëve si rezultat i procesit të Vettingut, proces që la në këmbë vetëm një anëtare të trupës prej 9 gjyqtarësh të kësaj gjykate./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono