Idro Seferi

milorad-dodik.jpg
G. P.17:26 | 16/10/2019

Për herë të parë në një intervistë për mediat shqiptare, Milorad Dodik, anëtari i presidencës treanëtarëshe të Bosnje e Hercegovinës, tregon se është ndjerë gjithnjë serb, dhe se Bosnja sipas tij nuk do të mund të mbijetojë gjatë.

Dodik, një politikan që shpesh është parë si “person non grata” nga diplomatë perëndimorë, thekson se kjo vjen nga fakti që gjithnjë ka thënë të vërtetën e kjo, nuk pëlqen. Eksluzivisht për ABC News, ndjekim një rrëfim ndryshe të politikanit i cili këmbëngul se vetëm prej tij Bosnje e Hercegovina nuk e njeh Kosovën, përgatitur nga gazetari Idro Seferi.

Idro Seferi – ABC News: Zoti Dodik, ju faleminderit për këtë intervistë. Shumë në Ballkan ju lidhin me shumë frika, ndarjen e Bosnjës dhe rreziqe të tjera. Si do ta sqaronit ju tërë këtë politikë?

Milorad Dodik: Bosnje e Hercegovina është ndarë edhe më herët, kjo është e saktë. Një vrull separatist që e organizoi Alia Izetbegoviҫ dhe partia e tij nacionaliste. Pra, ky ka qenë ndezësi i luftës civile në Bosnje e Hercegovinë, luftë e cila ka shkaktuar shumë viktima dhe ndarje të mëdha. Unë atëherë kam qenë në politikë, isha deputet në radhët e forcave reformatore të Jugosllavisë, të cilat në atë kohë i kishte themeluar Ante Markoviҫ si kryeministër federativ, si kryeministri i fundit federativ. Kam qenë kundër luftës dhe kundër asaj që ajo shkaktoi; si dhe nuk kam qenë kurrë anëtar aktiv i asnjë partie politike të luftës. Vetëm nga fundi i luftës, unë krijova partinë politike me vlera socialdemokratike dhe mbi këto themele veproj edhe sot. Veprimtaria e partisë sime është dominuese në Republikën Serbe. Unë respektoj marrëveshjen e Dejtonit dhe kornizat e saj, si dhe atë që është shkruar në Dejton. Nuk është ashtu siҫ kanë folur përfaqësuesit e lartë që kanë ngatërruar Bosnje e Hercegovinën, e cila tani është në krizën më të thellë të saj, ndoshta edhe më shumë se sa pas luftës në vitin 1996. Unë sigurisht që nuk jam fajtor për këtë. Këtu është ideja që të ndiqen serbët, sepse ata janë përbindësha sipas tyre, dhe ka shumë që duan të arrijnë diҫka përmes propagandës. Nuk ka asnjë dëshmi, të paktën sa më përket mua. Të njëjtën gjë bëjnë dhe sot kundër. Dikur këtë e kanë bërë edhe me Millosheviҫ, nëse për këtë ka patur arsye apo jo, nuk i futem këtij arsyetimi, por ai duhet të ndahet nga ajo që ka qenë Tuxhman tek kroatët apo Alia Izetbegoviҫ tek myslimanët. Mund të vendosim një pikëpyetje, pasi mendoj se nuk ka dallim, kanë qenë në të njëjtin kosh. Unë atëherë nuk kam qenë pjesë e tyre dhe nuk kam qenë aktiv, kjo që bëj është tërësisht autentike. Politika ime bazohet në zbatimin e marrëveshjes ndërkombëtare që quhet Dejton e cila  është firmosur. Dhe, ky është gabimi im. Pra, ky është gabimi im, pasi nuk dua të pranoj opsione, në emër të diçkaje që do të na imponohet si e mirë; e të vijnë palë tjera apo diplomatë të kategorisë së tretë nga bashkësia ndërkombëtare të drejtojnë jetët tona. Ata pas tri vitesh largohen dhe na lënë prapa vetëm zgjidhje të këqija. Kësaj i kundërvihem unë. Natyrisht unë nuk tregoj përulje, gjë që ndodh në masë në Ballkan ndaj faktorit të huaj, gjë që nuk është e mirë. Kemi një gjeneratë të tërë servilësh ndaj interesave perëndimore që kanë parakaluar nëpër Ballkan, dhe ҫfarë ka ndryshuar? Asgjë. Mendoj se përfaqësuesit autentik të popullit mbartin në vete zgjidhjet e problemeve me politikë dhe jo me luftë. Këtë e them gjithmonë pavarësisht se disa përpiqen të interpretojnë. Unë kam qenë oficer rezervist i Armatës Popullore të Jugosllavisë pas një shkolle prestigjioze oficerësh që kam kryer. Kam mundur shumë lehtë të arrij deri në gradën e gjeneralit, mbase edhe që në moshën 30 vjeҫ, pasi në luftë jam futur me gradën e togerit dhe me pak angazhim mund të kisha arritur tek gjeneral, por kur ka përfunduar lufta, kam patur të njëjtën gradë. Ka shumë që nuk kanë patur asnjë gradë dhe kanë përfunduar si gjeneralë. A është kjo mjaftueshëm si përgjigje për pyetjen tuaj-jo. Por, nuk bëj kompromise në politikën time. Nuk urrej askënd dhe kam miq boshnjakë e kroatë, kam edhe familje kroate. Jam rritur me rrëfime të vrasjes së serbëve, unë vij nga një zonë partizanësh, por njëkohësisht kemi qenë edhe serbë dhe askush nuk ka hequr dorë nga kjo. Por, që kur kam qenë i vogël ne kemi festuar festat e emrit si ortodoksë, edhe pse ka qenë e ndaluar, ne kemi këmbëngulur dhe I kemi ruajtur këto parime. Identiteti im është i qartë dhe nuk kam problem me këtë, por kurrë nuk kam këmbëngulur të ndryshoj identitetin e të tjerëve; kam reaguar vetëm për politikën time dhe për atë që jam zgjedhur nga populli. Nuk kam lejuar që askush ta ndryshojë këtë.

Idro Seferi – ABC News: Thatë se keni qenë politikan kundër luftës, por në paqe fitohet bindja se nuk besoni në Bosnje kështu si është. Ҫfarë ka ndodhur në fund?

Dodik: Mua më kujtohen ato mbledhje kuvendesh që kanë mundur të ndalojnë luftën në Bosnje dhe është dashur të gjendet një zgjidhje premtuese. Nëse nuk mund të qëndronim në Jugosllavi, të paktën popujt mund të trajtoheshin në mënyrë të barabartë, pasi edhe Jugosllavia, pjesë e së cilës ka qenë Bosnja, ka patur problem me zgjedhje kuadrosh. Pastaj do të ndodhte një moment nacional me Ali Izetbegoviҫ i cili dëshironte të impononte dominimin dhe të anulonte të drejtat kolektive dhe në Këshillin e Kombeve që ka qenë i themeluar nën sistemin komunist. Kështu është tentuar të imponohen zgjidhje në shërbim të tij. Këtu ka nisur problemi dhe unë e kam dëgjuar Izetbegoviҫ në momentin kur ende askush nuk kishte shtënë – përveҫ në Kroaci ku bëhej luftë – të thoshte se për Bosnjën e Hercegovinën do të sakrifikonte edhe paqen, dhe ai ka sakrifikuar paqen. Bosja e Hercegovina është një gjë që shikohet nga kënde të ndryshme. Unë kam lindur në Banja Lluka dhe jetoj në Laktashi dhe, përveҫ pak kohe në studime e punë këtu në Beograd, kurrë nuk kam lëvizur. Por, kurrë nuk e kam ndjerë një identitet të Bosnjës, ka qenë gjithmonë i lidhur me krahinën dhe popullin serb, të cilit i përkas dhe është preferuar si identitet, pasi Bosnja dhe Hercegovina na është imponuar edhe në Jugosllavi. Por, e vetme ajo kurrë nuk ka mundur të ekzistojë, ashtu siҫ nuk ekziston as sot dhe misione masive të bashkësisë ndërkombëtare mundohen ta mbajnë bashkë. Pra, nëse Jugosllavia nuk ka arritur të mbijetojë dhe popujt nuk jetuan bashkë, si mund të mbijetojë Jugosllavia e vogël siҫ e quanin dikur Bosnjën?

Idro Seferi – ABC News: Ju keni thënë se nuk besoni dhe që Bosnja ka qenë gabim?

Milorad Dodik: Më 1995-ën është dashur të kryhet ndarja dhe të stabilizohej Ballkani në këtë drejtim. Nëse studion mirë ҫdo material që ka ndërtuar Dejtonin, do të shihet që edhe Sindi Berger – në atë kohë sekretar për siguri kombëtare, pra një nga tre njerëzit më të rëndësishëm në Amerikë – ka dalë me idenë për ndarjen e Bosnjës. Më vonë kanë mbisunduar idealistët-neoliberalë, të cilët thoshin se duhet të merreshin ata me këtë. Ata e kanë ditur edhe atëherë, që ky është një eksperiment, eksperiment që vazhdon deri më sot dhe një eksperiment që nuk mund të mbijetojë, pasi as proceset globale nuk e lejojnë këtë. Në një hapësirë tradicionale si Ballkani nuk mund të imponohen vlera liberale. Unë nuk jam kundër lirive apo këtij grupacionit LGBT që promovohet nga ana e këtij neoliberalizmi. Natyrisht si njeri, kam një qëndrim për këtë, dhe si politikan. Por, nëse i kundërviheni kësaj dhe thoni se ju pajtoheni për vlera mes të burrit dhe gruas dhe për familje në kuptimin tradicional të saj, përse do të isha unë fajtor? Apo nëse thoni se baza e këtij neoliberalizmi është një kosmopolitizëm apo internacionalizëm që humb diku atje…por, ekziston një popullësi globaliste që promovon këtë globalizim. Nëse unë promovoj patriotizmin si të tillë, përse atëherë jam unë një njeri i keq kurse të tjerët të mirë? Që të kthehemi tek Bosnja, Brenda saj keni në ҫdo kënd diҫka apo dikë që shpreh pakënaqësi, dhe kanë arsye për këtë. Kroatët janë të pakënaqur pasi janë të izoluar nga ana e boshnjakëve (myslimanë), pasi të drejtat që i kanë pasur me Dejton-in, i janë hequr. Myslimanët me votat e tyre zgjedhin përfaqësuesit kroatë, të cilët më vonë mbështesin interesat boshnjake në Bosnje e Hercegovinë. Serbët janë të pakënaqur pasi edhe ajo që jemi detyruar të pranojmë, e kjo është marrëveshja e Dejtonit, shumë gjëra janë shkatërruar, dhe përmes përfaqësuesve të lartë Republikës Serbe i janë marrë kompetenca të mëdha nga financat, të drejtat, drejtësia, i janë marrë në ushtri, në shërbimet informative dhe të gjitha këto janë centralizuar dhe nuk kanë arritur të ndërtojnë një Bosnje e Hercegovinë të qëndrueshme. Boshjakët janë të pakënaqur pasi siҫ shihet edhe ne deklaratën e partisë së Bakir Izetbegoviҫ, duan një republikë të re, pa simbole etnike, të vetëdijshëm që janë shumicë tani, pasi përveҫ kroatëve do të merrnin nën kontroll edhe serbët. Kurse bashkësia ndërkombëtare është e pakënaqur, pasi përpiqet të qeverisë në bazë të parimeve të njëjta Si para 20 vitesh, kur ishte vendosur një pozitë paqeje duke besuar se, siҫ mendojnë ata, ishte gjëja më e mirë për ne. Natyrisht që ata ҫojnë diplomatë dhe ambasadorë të trajnuar në historinë e re dhe gjithmonë kemi situata të njëjta pasi vijnë ambasadorë nga Amerika, Britania apo vende të tjera të mëdha me paragjykime, dhe të edukuar nëpër ministry. Ata lobojnë për të njëjtën gjë si dhe ata para 20 vitesh, dhe kur largohen thonë se është e pamundur, por kjo nuk ka vlerë më pastaj.

Idro Seferi – ABC News: Kur flitet për Ballkanin, tani përveҫ Maqedonisë së Veriut, që quhet problem i zgjidhur tashmë, flitet për Kosovën, për Bosnjën…

Milorad Dodik: Vetëm naivët mendojnë se ky është problem i zgjidhur. Unë do të doja të jetë i zgjidhur përgjithmonë, dhe që atje të mbizotërojë paqja.  Unë jam njeri që angazhohem për paqe dhe nuk jam i gatshëm të jem lider lufte, nuk kam qenë edhe kur kam patur rastin. Por, ky është një mashtrim. Të gjithë që e njohin situatën e dinë që kjo nuk është e saktë. Sigurisht që ka njerëz që suksesin e tyre duan ta promovojnë në Bruksel duke thënë që kjo është zgjidhur, por kjo nuk është e zgjidhur, asgjë nuk është zgjidhur.

Idro Seferi – ABC News: A është Bosnja një problem i pazgjidhur për ju?

Dodik: Urdhëroni?!

Idro Seferi – ABC News: A është Bosnja një problem i pazgjidhur për ju?

Milorad Dodik: Bosnja dhe Hercegovina për vetë faktin që është konstituuar vetëm pas luftës, është problem i pazgjidhur. Unë nuk jam aventurier dhe nuk bëj asnjë plan timin të bazuar në ndonjë luftë. Por, gjithsesi e bazoj në politikat e mia. Unë jam njeri që ka qenë në krye të qeverisë së Republikës Serbe dhe jam hequr nga ky post me disa veprime të bashkësisë ndërkombëtare. Bashkësi e cila solli një qeveri tjetër në Republikën Serbe. Por pesë vjet më vonë me mbështetje mbi 50 për qind jam votuar dhe jam kthyer në vitin 2006, dhe deri më sot fitojmë në të gjitha zgjedhjet; këtu tek ne zgjedhjet bëhen ҫdo dy vjet dhe asnjë herë nuk kemi humbur. Kjo tregon se politika ime është e bazuar drejtpërdrejt në mbështetjen e njerëzve dhe unë nuk manipuloj me këtë. Njerëzit e dinë mirë që ajo që u them në fushatë qëndron edhe jashtë saj. Dhe, nuk mund të lejojmë të ndodhë që sa herë të shohim një amerikan apo britanik, të tmerrohemi. Nuk duhet të jetë ashtu dhe ata duhet të na frikësohen ne, kur të vijnë këtu. Kjo jo në kuptimin që do tu ndodhë ndonjë gjë fizikisht, por që ta dinë që kemi qëndrim të qartë për këtë. Kam dëgjuar shpesh nga administrata amerikane të më kenë thënë se ky është interes kombëtar i SHBA dhe unë u përgjigjem që ky nuk është interesi im kombëtar. Ata më thonë, se nuk u intereson kjo dhe unë u them që as mua nuk më interesojnë gjërat e tyre. Këtu I bie të jem unë i keqi, natyrisht kur ata kanë shumë më shumë fuqi se sa unë.

Idro Seferi – ABC News: Shpesh kam dëgjuar nëpër konferenca shtypi, kur keni thënë se serbët nuk do të heshtin në Bosnje, nëse do të vijë momenti I ndryshimeve. Keni qenë i hidheruar me deklaratën e partisë së Bakir Izetbegoviҫ, dhe më shkuat në Beograd, ku bashkë me presidentin Vuҫiҫ keni reaguar për këtë. Por, keni thënë se serbët e Bosnjës mund të vendosin vetë. Ҫfarë do të thotë kjo dhe si do të arrihej deri këtu?

Milorad Dodik: Bosnja mbahet në parimin që t’i ndalohet secilit të flasë për ҫdo gjë. Deri para 5-6 ose 10 vitesh nuk guxoje të thoje asgjë që nuk i leverdiste bashkësisë së famshme ndërkombëtare. Nëse niseni në këtë drejtim, atëherë jeni zëvendësuar, larguar dhe madje keni qenë të ndaluar, pra vepronte instituti i ndalimit të veprimtarisë politike. Kjo ekziston vetëm në historinë e re politike të Bosnjës dhe Hercegovinës dhe në asnjë vend tjetër të botës. Ajo që komunistët e quanin vepër verbale (propagandë  – agjitacion). Pra, nuk guxonit të kishit një qëndrim tuajin. Kjo është ndaluar nga ajo botë perëndimore që promovon demokracinë dhe qëndrimet. Kur ka qenë Peddi Eshdoun përfaqësues i lartë unë e kam kundërshtuar, pasi ai dhe metodat e tij kanë shkatërruar marrëveshjen e Dejtonit, ka vdekur dhe nuk e qaj fare! Sa më përket mua personalisht ai ka bërë shumë dëme në hapësirat e Bosnje e Hercegovinës, për të gjithë, dhe do të vuajmë edhe shumë gjatë. Ai ka qenë një dembel politik, I cili ka shëtitur nëpër botë, në përpjekje për të promovuar vlerat e tij dhe veten si dikush I fuqishëm, që gjasme mund të bënte ndonjë gjë. Nga ajo kohë dhe në vitin 1998 nuk kam lejuar të shkelemi, nëse e konstatoja këtë, dhe bashkësia ndërkombëtare më ka respektuar disa herë. Gjithsesi, unë pesë vjet kam qenë në opozitë dhe gjithnjë kam këmbëngulur që të respektohet marrëveshja e Dejtonit, por përfaqësuesit ndërkombëtarë nuk e kanë respektuar dhe është bërë çdo gjë që Bosnja të mos mund të ekzistonte më. Rendita edhe katër grupe që janë të pakënaqura me gjendjen në Bosnje e Hercegovinës. Sot të gjithë, vetëm sa duan të ruajnë paqen dhe janë të kënaqur me kaq, por në thelb në Bosnje e Hercegovinë nuk ka konsensus bazik për asgjë. Kemi vetëm Vitin e Ri, 31 me 1 janar, pastaj 9 majin dhe 1 majin, që janë festa ndërkombëtare të cilat I festojmë bashkë. Të gjitha të tjerat në Bosnjë Hercegovinë janë të ndara, një popull shënon një ditë si përkujtimore ndërsa tjetri e sheh si si fitore. Kjo është në histori dhe në ditët e sotme. Nuk ekziston asnjë datë politike në historinë politike të Bosnjës e Hercegovinës që festohet bashkë. Ajo që është festë për Republikën Serbe nuk është për Bosnjën. Ajo që është në federatën e Bosnjës nuk është në Republikën Serbe dhe ky është realiteti. Nuk mund të krijoni një shtet pa asnjë lloj ideniteti dhe Bosnja e Hercegovina nuk ka kurrfarë identiteti. Këtu ekzistojnë idealistët që nuk duan të dëgjojnë asnjë argument. Unë nuk jam ai që do të futet në konflikt apo dhunë të ҫfarëdo lloji, por jam shumë i gatshëm që të flasim për arsyet politike përse diҫka duhet bërë. Bosnja e Hercegovina nuk i ka dhënë askujt asgjë. Myslimanëve u ka dhënë vetëm një dëshpërim serioz. Por, për shkak të rrëfimeve se si kjo është e tyrja, ekziston një lloj idealizmi dhe reflekse nga e kaluara që tani do të kthejnë kohët e vjetra. Askush nuk ka përfituar. Serbët nuk kanë asnjë leverdi nga Bosnja e Hercegovina dhe ne kemi vetëm probleme. Kroatët nuk kanë asnjë dobi nga Bosnja e Hercegovina. Të huajt kanë përfitime pasi marrin paga të larta. Përfaqësuesi i lartë, që ende punon në Bosnje, merr 24 mijë euro rrogë dhe nuk paguan kurrfarë tatimesh, as këtu e as në Vjenë prej nga është, pasi konsiderohet se Bosnja është një hapësirë e vështirë dhe e rrezikshme. Këto janë marrëzira. Pra, Bakir Izetbegoviҫ nga nervozizmi dhe padurimi ka dalë me një ide që e dimë se ҫfarë është, me një republikë të Bosnjës e Hercegovinës, unitare dhe në fund i ka treguar të gjitha. Përgjigja ime është që në Bosnjë e Hercegovinë mund të ekzistojë vetëm Republika serbe dhe asnjë republikë tjetër.

Idro Seferi – ABC News: Ju shihni rrezik për Republikën Serbe dhe se serbët do të humbasin fuqinë. Ju jeni për Bosnjën nëse mbijeton si e tillë?

Milorad Dodik: Unë për Bosnjën jam vetëm nëse i kthehemi kushtetutës dhe është gjithҫka e qartë siҫ shkruan në marrëveshjen e Dejtonit. Është gjithҫka e shkruar. Me eksperimente nuk mund të funksionohet, duhet anuluar dhe kthyer në fillim, në përpjekje për të bërë marrëveshje mes njerëzve dhe popujve. Këto veprime duhen anuluar, pasi shumë gjëra kanë ndodhur me dhunën e bashkësisë ndërkombëtare dhe përfaqësuesi i lartë i ka dhënë vetes kompetenca që njihen si kompetencat e Bonit. Në atë kohë përfaqësuesi ka qenë spanjoll dhe thoshte se kjo nuk është në pajtueshmëri me marrëveshjen e Dejonit. Kjo është bërë për 20 vjet, në mënyrë që të disiplinohen serbët dhe të shkatërrohen kroatët politikisht, si dhe është krijuar një Bosnje që nuk mund të funksionojë. Këtyre në Sarajevë u ka pëlqyer ta kenë këtë mundësi, por kjo nuk funksionon, dhe më shumë se një vit tjetër ne nuk mund të formojmë Këshillin e Ministrave.

Idro Seferi – ABC News: Po. Nëse e shohim situatën, ashtu siҫ edhe është, me një të kaluar tragjike, natyrisht që shumë të huaj do t’ju bëjnë fajtor. Kur flitet për Bosnjën kryesisht drejtohet gishti ngat serbët dhe përmendet Srebrenica, si dhe gjëra të tjera që kanë ndodhur atje.

Milorad Dodik: Nuk është vetëm Srebrenica. Srebrenica është një krim i rëndë dhe unë nuk qëndroj pas asnjë serbi që ka kryer krime në emër të serbëve, në asnjë moment dhe në asnjë vend, madje as për krimet e panjohura. Kjo nuk është orbita ime dhe këta njerëz nuk janë njerëz që unë i lavdëroj dhe nuk mendoj se ata i kanë bërë mirë dikujt. Ata ndoshta kanë dashur të promovojnë veten e tyre si mbrojtës dhe e kanë bërë këtë. Por, Srebrenica është një krim i madh dhe një manipulim i madh. Unë besoj se një ditë e vërteta do të dalë në dritë. Është e pamundur. Gjithҫka që kemi bazohet në një javë, pra nga 11 ose 12 korriku i vitit 1995 e deri tek data 19 e të njëjtit muaj. Pra 7-8 ditë. Bashkësia ndërkombëtare ka urdhëruar që të bëhet një raport për këto 7 ditë dhe aty janë bashkuar në një listë që kurrë nuk është vërtetuar, nga 8 mijë e diҫka njerëz. Imagjinojeni që sipas asaj liste nuk ka vdekur asnjë serb dhe nuk është asnjë serb. Përse është bërë kjo vetëm për këtë periudhë? Pasi po të ktheheshim prapa në kohë, do ta shihnim që aty janë vrarë edhe 3500 serbë. Nga kjo pikëpamje dhe mua më bën të ndjehem keq kur flasin për numra pasi kur vdes një jetë thuhet se vdes e tërë bota. Por, thjesht merremi më gjëra që na janë servirur. Në tri gjykime në Hagë, asnjëra nuk ka thënë se kanë qenë 8 mijë persona, njëra ka folur për katër, tjetra…ka autoritete që flasin dhe janë autoritete për genocide, që flasin si mund të lexohet tek Chomsky…por, kur jam unë që flas atëherë është problem. Duhet t’ia lëmë këtë historisë dhe fakteve të historisë, dhe jo larjes së hesapeve politike. Më vjen keq për të gjithë boshnjakët, serbët apo kroatët që kanë pësuar nga kjo luftë dhe kjo është qasja ime në jetë. Fatkeqësisht tani merremi me këtë dhe duhet të japim përgjigje.

Idro Seferi – ABC News: Ekziston mundësia që Republika Serbe të shkëputet, t’i bashkohet Serbisë, të shpallni pavarësinë në rast të ҫfarëdo ndryshimi në Ballkan?

Milorad Dodik: Po natyrisht, përse jo? Përse është e lejuar që të krijohet stereotip që Kosova mund të jetë në një perceptim të Perëndimit shtet, kurse Republika Serbe nuk mund të jetë? Kur, pothuajse kushtet janë të ngjashme. Kam lexuar diku një deklaratë të Kreford, ai ka qenë ambasador në Bosnje dhe Hercegovinë dhe pas asaj ka qenë në vitet 2000 ambasador në Beograd. Kur ka dalë në pension ka folur, pasi si ambasador ka punuar nën urdhra. Në një tubim në Budapest, pas daljes në pension, ka treguar se si bashkësia ndërkombëtare është e padrejtë, pasi në kushte gati të njëjta si në Kosovë, ku thuhet se shqiptarët ose shiptari, nuk mund të jetojnë së bashku me serbët pasi historikisht nuk tolerohen, luftojnë, vriten, bëjnë kampe, dhunojnë gratë etj. Por bashkësia ndërkombëtare thotë Kosova mund të shkëputet dhe ka të drejtë. Por, siҫ thotë ambasadori, në Bosnje dhe Hercegovinë, thonë se serbët dhe myslimanët nuk munden të jetojnë bashkë, në histori kanë qenë në konflikte të vazhdueshme, në anë të kundërta të historisë, luftojnë, gjithmonë në luftë kanë qenë në anë të kundërta, kanë bërë krime njëri ndaj tjetrit, kanë bërë kampe, dhunuar gra, kanë vrarë fëmijë dhe bashkësia ndërkombëtare thotë duhet të heshtni dhe të rrini bashkë. Këtë e thotë ai. Unë konsideroj se kemi të drejtë në bazë të preambulës së Kombeve të Bashkuara, e cila thotë se populli ka të drejtë në vetëvendosje. Ndoshta nuk duhet të dëshmoj që populli serb ka karakteristika të popullit. Besoj se populli serb do të ketë rastin që të deklarohet për këtë. Elita politike boshnjake gabon, pasi nuk lejon dhe nuk jep kurrfarë garancie për serbët, që të ndihen mirë në Bosnje dhe Hercegovinë. Gjithҫka që ata duan është t’ia imponojnë mendimin e tyre Republikës Serbe dhe serbëve; dhe gjasme të hakmerren ndaj serbëve, të cilët kanë mbrojtur shtëpitë e tyre, familjet. Ata që kanë kryer krime le të përgjigjen, por është e pamundur që për krimet ndaj serbëve të mos përgjigjet askush. Ky fakt edhe më shumë e rëndon Bosnje dhe Hercegovinën, edhe më shumë e ndan,  dhe më shumë largon mundësinë që ajo të mbijetoj.

Idro Seferi – ABC News: Sa jeni të interesuar ju si serëb të Bosnjës për problemin e Kosovës dhe sa lidhje ka kjo?

Milorad Dodik: Jemi shumë të interesuar. Nuk ka serb që të jetë edukuar apo nuk ka mësuar në shkollë, në familje, në fenë dhe shkëlqimin tonë për mitin e Kosovës që serbët e mbajnë me vete si histori. Kam të drejtë si pjesëtar i popullit serb që të kem mendimin tim, siҫ besoj njerëzit që janë nga Kosova, janë shqiptarë dhe jetojnë larg apo qoftë edhe në Shqipëri, kanë të drejtë të kenë mendimin e tyre për këtë. Pse të mos kem unë të drejtë të flas për këtë?. Një pjesë të qëndrimit edhe e thashë. Por, kjo është ҫështje shtetërore e Serbisë. Serbia dhe populli serb është cunguar nga mundësia që të ekzistojë në këto hapësira dhe faktori ndërkombëtar ka lejuar që në një mënyrë të dyshimtë, vetëm me vendimin e një grupi njerëzish, të shpallë pavarësinë. Kur ne kërkojmë referendum në mbikëqyrjen ndërkombëtare, ne kjo nuk na lejohet. Këto janë gjëra që nuk mund t’i pranoni. Unë do ta respektoj qëndrimin e Beogradit rreth kësaj ҫështje dhe unë do ta ndjek atë. Kam mendime të ndryshme në këtë temë, por në aspektin politik atë që do të vendosë Beogradi, ne do t’i qëndrojmë mbrapa.

Idro Seferi – ABC News: Por, ju e mbështesni presidentin Vuҫiҫ në bisedime dhe ka qenë edhe ideja e përkufizimit, ndarjes apo shkëmbimit. Ju mendoni se duhet zgjidhur ky problem dhe që kjo është e rëndësishme?

Milorad Dodik: Natyrisht që duhet zgjidhur ky problem. Siҫ e thash, e mbështes qëndrimin e Beogradit dhe rrjedhimisht presidentin Vuҫiҫ. Këtu duhet një politikan që do të arrij konsensus në Serbi rreth kësaj ҫështjeje apo një mendim të përgjithshëm në Serbi. Tani kemi patur zgjedhjet në Kosovë dhe ka shumë që mendojnë se situata do të jetë më e keqe, kurse disa se do të jetë më e lehtë. Unë preferoj që të ketë dialogu.

Idro Seferi – ABC News: Do ta shfrytëzonit ju si bazë, zgjidhjen e problemit të Kosovës nëse kjo do të nënkuptonte një përkufizim. Pasi ka patur akuza edhe nga këtu që Dodik në Bosnjë mezi pret?

Milorad Dodik: Po, mezi pres, por nuk pret vetëm Dodik, por presin serbët, pasi nëse dikush ka të drejtë përse ne nuk kemi të drejtë? Përse për dikë ky është precedent e për dikë jo? Përse kur ne kemi Republikën Serbe në bazë të asaj që janë kriteret për shtet, pra thuhet se shteti është ai që ka popullin, ka territorin, pushtet efektiv që e zgjedh populli. Pra këto janë kriteret për shtet, pra rregullat nga Montevideo të vitit 1933 për shtetin. Më vonë janë shtuar bashkëpunimi rajonal, pranueshmëria, anëtarësimi në Kombet e Bashkuara dhe respektimi i të drejtave të njeriut dhe të tjera. Të gjitha këto, përveҫ anëtarësisë në Kombet e Bashkuara i përmbush Republika Serbe. Ne nuk kemi asnjë problem, kemi territorin, popullin, kufij të qartë, kemi bashkëpunim të mirë, me kroatët, nuk jemi konfliktues me myslimanët, bashkëpunojmë me Malin e Zi, me Kroacinë, Slloveninë, me të gjithë partnerët, me hungarezët dhe Serbinë e kështu me radhë. Në këtë aspekt anëtarësimi në Kombet e Bashkuara nuk varet nga ne, por nga të tjerët. Ne edhe nuk na duhet anëtarësimi në Kombet e Bashkuara pasi do t’i falemi vendit që tashmë e ka Serbia.

Idro Seferi – ABC News: Bosnja nuk njeh pavarësinë e Kosovës, një nga të vetmit në rajon. Keni marrëdhënie të këqija edhe në aspektin ekonomik pasi keni taksa edhe për Bosnjën. Në Serbi mund të udhëtohet me dokumentet e Kosovës, por në Bosnje pak më vështirë. Si janë marrëdhëniet tuaja me Kosovën dhe përse Bosnja nuk e njeh?

Milorad Dodik: Nuk ka se ҫfarë të fshehim. Republika Serbe nuk e ka lejuar Bosnjën ta njohë Kosovën. Republika serbe përfaqësohet nga unë. A nuk është kjo e logjikshme? Nëse Serbia nuk pajtohet që Kosova është shtet si mund të pajtohet Republika Serbe? Kjo është krejtësisht e logjikshme. Ashtu siҫ duket që Kosova dhe Shqipëria gjithnjë e më shumë integrohen dhe ndajnë vlera të njëjta politike. Unë mendoj madje se kjo është normale. Por, përse nuk qenka normale nëse ne serbët nga Republika Serbe ndjekim atë që ndjek Serbia? Kjo nuk mund të ndryshohet pasi kjo është e thjeshtë dhe gjithandej duhet të jetë kështu. Në aspektin ekonomik, ne nuk kemi patur ndonjë bashkëpunim me Kosovën. Në kohën e ish-Jugosllavisë ka patur njerëz që kanë qenë në vendet tona, dhe në lagjen time Laktash, ka familje bukëpjekësish që punojnë shumë mirë, me 5 furra dhe nuk kanë asnjë problem. Ne kemi bashkëpunuar, por nuk shoh ndonjë humbje edhe pse ka. I duhet lejuar njerëzve që të udhëtojnë lirshëm, kjo padyshim, por nuk e di se përse ndodh kjo me dokumentet dhe ku është problemi!

Idro Seferi – ABC News: Shumë shpesh keni patur kritika ndaj Perëndimit, SHBA-ve dhe njerëzit kanë krijuar përshtypje se jeni të afërt me Putinin, me Rusinë dhe që jeni një njeri pro rus. Cila është marrëdhënia juaj me këtë?

Milorad Dodik: Unë jam njeri i popullit serb dhe i Republikë serbe. Jam takuar me dy sekretarë shteti dhe me Klinton në Amerikë si president, tre herë jam takuar me presidentë amerikanë në Sarajevë, dhe askush nuk ka thënë që jam njeri i amerikanëve. Por, kur takohesh me Putin menjëherë jeni njeri i rusëve. Unë jam i Republikës Serbe dhe i popullit serb. Amerikanët, natyrisht kanë merita për disa gjëra dhe nuk jam i marrë të mos e di se ҫfarë është forca e Amerikës dhe që fuqia e saj do të jetë dominuese gjatë gjithë jetës sime. Por, kur bëhet fjalë për parime nuk mund të pranoni disa gjëra, dhe refuzimi i tyre më ka sjellë në pozitën e tillë që ata të thonë se Milorad Dodik, për shkak të retorikës së tij, duhet të ketë sanksione nga Amerika. Ok, në rregull më besoni se jetoj më mirë. Ҫdo herë kur është dashur të takoj ambasadorin amerikan e dija që do të ngrinte shumë ҫështje për të zgjidhur. Një prej tyre ka ardhur dhe më ka thënë se nuk është e pranueshme që një serb të jetë kryetar i Srebrenicës dhe se unë duhet ta kuptoja këtë. Përse një serb nuk mund të jetë kryetar komune, ja tani është kryetar. Këto gjëra nuk janë aspak të thjeshta për t’u duruar, dhe ka njerëz që heshtin, por unë nuk jam njeri që hesht. I kam thënë që takimi përfundonte aty pasi nuk kisha për çfarë të flisja më. Përveç kësaj kam organizuar një strukturë lokale që ka fituar zgjedhjet dhe mund ta konsideroni edhe këtë si kundër amerikanëve, nëse doni. Por, natyrisht kjo nuk është e dobishme, pasi me amerikanët duhet shmangur përdorimin e forcës nga ana e tyre. Ata në këtë janë të urryer. Por, kështu njësoj nuk do të thotë se unë nuk respektoj shumë vlera amerikane dhe sistemi në të cilin është bërë ai vend. Por, nëse ata duan një gjë për popullin e tyre dhe dikush tjetër për popullin serb, nuk duhet satanizuar populli serb deri në pikën për ta vendosur në anën tjetër. Ata, në klasifikimet amerikane na quajnë serbë të Bosnjës, unë nuk jam serb i Bosnjës, por serb. Mund të jem serb nga Bosnja, por jo i Bosnjës. Këto janë gjëra që gjithmonë kemi pastruar nga fjalori. Amerikanët kanë gjithmonë kohë për idetë e tyre si të angazhuar në tërë botën. Sa i përket rusëve, me ta kurrë nuk kam qenë në pozitë për të sqaruar dicka, pasi ata kanë thënë gjithmonë se këto ishin problemet tona, dhe për Moskën me rëndësi është të respektohet Dejtoni dhe të ruhet paqja. Kjo është e gjitha. Ata gjithmonë kanë dashur të na dëgjojnë, të na kuptojnë, kurse amerikanët edhe kur na kanë dëgjuar nuk kanë dashur të na kuptojnë.

Idro Seferi – ABC News: Ҫfarë marrëdhëniesh parashikoni në rajon dhe si do t’i donit ato?

Milorad Dodik: Nuk do të ketë asnjë konflikt, asnjë luftë. Ky rajon duhet të jetë jashtë lëvizjeve globale pasi në nivel global kemi një polarizim të plotë, Amerika, rrëfimi anglo-sakson, pastaj keni Kinën dhe Rusinë, Iranin e shumë gjëra të tjera. Ajo që Hangtington ka shkruar për përplasjen e civilizimeve, duket se po zhvendoset diku lart. Këtë e shohim sidomos kur vihet re që duhet shumë pak kohë që të ketë probleme në Irak, Iran dhe në hapësirat përreth. Nëse arrihet deri tek një përballje globale, më e mira është për shtetet që të mos mbajnë anë, pasi kjo do të thoshte rreshtim dhe polarizim. Më së miri do të ishte të qëndrojmë neutral. Natyrisht të mëdhenjtë, nuk të pyesin do apo jo të jesh neutral, por mendoj se do të ishte më mirë që në rajon të bashkëpunohej. Ka patur disa nisma të cilat janë shtyrë edhe Vuçiç vetë mbështet nisma si është Schengeni ballkanik për një zonë pa dogana, liri të lëvizjes. Ndoshta në këtë duhen kërkuar disa zgjidhje.

Idro Seferi – ABC News: Por, pajtimi duket si gjë sureale kur e shohim politikën në Ballkan, një politikë tensionesh…

Milorad Dodik: Këto janë kategori moraliste. Pajtimi…njeriu duhet të kaloj shumë kohë. Polarizimi është i tillë që duhet anuar nga ai që të jetohet qetë. A pajtoheni apo jo…besoj se ata që kanë humbur qofshin serb, mysliman apo kroatë dhe kushdo tjetër që kanë humbur më të dashurit e tyre, vështirë se do të pajtohen. Besimi ynë i krishterë na mëson që të falim, por në ҫdo rast personalisht kjo është mjaft e vështirë, ju e dini.

Idro Seferi – ABC News: Keni qenë në Shqipëri. Takimi në të cilin ishit, nuk dukej se ishit shumë miqësor. Por, si i shihni shqiptarët në raport me ju dhe ekziston ndonjë gjë që vlerësoni?

Dodik: Më duhet të them që jam ndjerë shumë këndshëm në mikpritjen e Presidentit Tuaj. Me qetësinë e tij dhe qasjen në përgjithësi bëri të mundur që të mos ketë probleme. E pranoj që kam ardhur me paragjykime pasi nuk kisha qenë kurrë. Por, kam parë një qytet bashkëkohor që është i pastër dhe i rregulluar, që zhvillohet dhe që besoj se është vend i bukur për të jetuar nga ajo që kam parë në dy ditë. Duhet të them që qëndrimet e mia të mëhershme i kam ndryshuar për mirë. Nuk kam patur mundësi të flas me njerëzit atje dhe të mësoj qëndrimin e tyre ndaj këtyre ҫështjeve, por në atë takim kemi biseduar aq sa kemi mundur. Por, dua të veҫoj një mikpritje të përkryer të Presidentit Tuaj.

Idro Seferi – ABC News: Do të shkonit në Prishtinë mbase?

Milorad Dodik: Nuk kam asnjë problem. Mua ma kanë ndaluar të shkoj pasi kam dashur të jem në Mitrovicë në një manifestim kulturor, dhe më kanë thënë që nuk mundem. Por, nuk jam hidhëruar. Më vjen keq për ata njerëz që kanë pritur të jem atje, por kjo tregon për ata në Prishtinë.

Idro Seferi – ABC News: Pyetja ime e fundit, vërtet besoni se Bosnja do të mbijetojë apo jo?

Dodik: Do të mbijetojë Bosnja apo jo? Nuk besoj se do të mbijetojë. Ajo mbijeton vetëm se është projekt ndërkombëtar, e ҫdo projekt që ka qenë ndërkombëtar, në histori ka ndryshuar./abcnews.al

dodik.jpg
G. P.15:48 | 16/10/2019

Anëtari serb i presidencës së Bosnje e Hercegovinës, Milorad Dodik, në një intervistë ekzluzive për ABC News u shpreh i bindur se Bosnja nuk do të mbijetojë. Ai theksoi se republika serbe mund t’i bashkohet Serbisë pas precedentit të krijuar nga Kosova.

Idro Seferi – ABC News: A është Bosnja një problem i pazgjidhur për ju?

Dodik: Bosnja dhe Hercegovina për vetë faktin që është konstituuar vetëm pas luftës, është problem i pazgjidhur. Unë nuk jam aventurier dhe nuk bëj asnjë plan timin të bazuar në ndonjë luftë. Por, gjithsesi e bazoj në politikat e mia. Unë jam njeri që ka qenë në krye të qeverisë së Republikës Serbe dhe jam hequr nga ky post me disa veprime të bashkësisë ndërkombëtare. Bashkësi e cila solli një qeveri tjetër në Republikën Serbe. Por pesë vjet më vonë me mbështetje mbi 50 për qind jam votuar dhe jam kthyer në vitin 2006, dhe deri më sot fitojmë në të gjitha zgjedhjet; këtu tek ne zgjedhjet bëhen ҫdo dy vjet dhe asnjë herë nuk kemi humbur. Kjo tregon se politika ime është e bazuar drejtpërdrejt në mbështetjen e njerëzve dhe unë nuk manipuloj me këtë. Njerëzit e dinë mirë që ajo që u them në fushatë qëndron edhe jashtë saj. Dhe, nuk mund të lejojmë të ndodhë që sa herë të shohim një amerikan apo britanik, të tmerrohemi. Nuk duhet të jetë ashtu dhe ata duhet të na frikësohen ne, kur të vijnë këtu. Kjo jo në kuptimin që do tu ndodhë ndonjë gjë fizikisht, por që ta dinë që kemi qëndrim të qartë për këtë. Kam dëgjuar shpesh nga administrata amerikane të më kenë thënë se ky është interes kombëtar i SHBA dhe unë u përgjigjem që ky nuk është interesi im kombëtar. Ata më thonë, se nuk u intereson kjo dhe unë u them që as mua nuk më interesojnë gjërat e tyre. Këtu I bie të jem unë i keqi, natyrisht kur ata kanë shumë më shumë fuqi se sa unë.

Idro Seferi – ABC News: Ekziston mundësia që Republika Serbe të shkëputet, t’i bashkohet Serbisë, të shpallni pavarësinë në rast të ҫfarëdo ndryshimi në Ballkan?

Dodik: Po natyrisht, përse jo? Përse është e lejuar që të krijohet stereotip që Kosova mund të jetë në një perceptim të Perëndimit shtet, kurse Republika Serbe nuk mund të jetë? Kur, pothuajse kushtet janë të ngjashme. Kam lexuar diku një deklaratë të Kreford, ai ka qenë ambasador në Bosnje dhe Hercegovinë dhe pas asaj ka qenë në vitet 2000 ambasador në Beograd. Kur ka dalë në pension ka folur, pasi si ambasador ka punuar nën urdhra. Në një tubim në Budapest, pas daljes në pension, ka treguar se si bashkësia ndërkombëtare është e padrejtë, pasi në kushte gati të njëjta si në Kosovë, ku thuhet se shqiptarët ose shqiptari, nuk mund të jetojnë së bashku me serbët pasi historikisht nuk tolerohen, luftojnë, vriten, bëjnë kampe, dhunojnë gratë etj. Por bashkësia ndërkombëtare thotë Kosova mund të shkëputet dhe ka të drejtë. Por, siҫ thotë ambasadori, në Bosnje dhe Hercegovinë, thonë se serbët dhe myslimanët nuk munden të jetojnë bashkë, në histori kanë qenë në konflikte të vazhdueshme, në anë të kundërta të historisë, luftojnë, gjithmonë në luftë kanë qenë në anë të kundërta, kanë bërë krime njëri ndaj tjetrit, kanë bërë kampe, dhunuar gra, kanë vrarë fëmijë dhe bashkësia ndërkombëtare thotë duhet të heshtni dhe të rrini bashkë. Këtë e thotë ai. Unë konsideroj se kemi të drejtë në bazë të preambulës së Kombeve të Bashkuara, e cila thotë se populli ka të drejtë në vetëvendosje. Ndoshta nuk duhet të dëshmoj që populli serb ka karakteristika të popullit. Besoj se populli serb do të ketë rastin që të deklarohet për këtë. Elita politike boshnjake gabon, pasi nuk lejon dhe nuk jep kurrfarë garancie për serbët, që të ndihen mirë në Bosnje dhe Hercegovinë. Gjithҫka që ata duan është t’ia imponojnë mendimin e tyre Republikës Serbe dhe serbëve; dhe gjasme të hakmerren ndaj serbëve, të cilët kanë mbrojtur shtëpitë e tyre, familjet. Ata që kanë kryer krime le të përgjigjen, por është e pamundur që për krimet ndaj serbëve të mos përgjigjet askush. Ky fakt edhe më shumë e rëndon Bosnje dhe Hercegovinën, edhe më shumë e ndan,  dhe më shumë largon mundësinë që ajo të mbijetojë./abcnews.al

blerta-dhe-idro.jpg
G. P.19:20 | 11/10/2019

Fituesi i Çmimit Nobel, Peter Handke, i cili njihet si ithtar i Sllobodan Millosheviçit, ka krijuar shumë polemika të mëdha në Europë mes artistëve, por jo vetëm.  Gjatë ditës së sotme, Akademia e Shkencave të Kosovoës i nisi një letër Akademisë së Shkencave të Suedisë.

“Me indinjatë të thellë morëm lajmin e shëmtuar se laureat i Çmimit Nobel për Letërsi për vitin 2019 është shkrimtari Peter Handke, një eksponent i shquar i ideve fashiste të nënshtrimit dhe robërimit të popujve dhe mbështetës i pasionuar i Milosheviqit dhe i luftërave të tij gjenocidale në Ballkan, përfshirë edhe Kosovën”, thuhej në letrën e kryetarit të Akademisë, Mehmet Kraja.

Gazetarja e ABC News, Blerta Dalloshi Berisha gjatë një lidhje me Skype nga Kosova tregoi se në lidhje me këtë ngjarje ka reaguar Ministria e Jashtme, Presidenti Hashim thaçi, ndërkohë që është organizuar online një peticion për të tërhequr vendimin.

Sipas Dalloshit, kundërshtimi ndaj Çmimit Nobel do të mbetet vetëm në nivel reagimesh pasi çmimi Nobel nuk mund të tërhiqet pasi jepet njëherë.

“Ka reaguar dhe Ministria e Punëve të Jashtme dhe ka kërkuar te akademia që të rishqyrtohet vendimi. Ka reaguar edhe presidenti Hashim Taçi sipas të cilit vendimi ka sjellë dhimbje për viktimat e panumërta. Është organizuar online një peticion që në një kohë rekord mori dhjetëra mijëra nënshkrime për t’u tërhequr nga vendimi. Në Kosovë kam pasur disa intervista gjatë ditës dhe historianë, shkrimtarë thonë që nuk mund të rishqyrtohet vendimi dhe nuk ka kthim mbrapa. Me gjasë do të mbetet vetëm në nivel reagimesh meqë u kuptua që çmimi nuk mund të tërhiqet”, tha Blerta Dalloshi Berisha.

Por në krahun tjetër, në Serbi lajmi se Peter Handke fitoi Çmimin Noble është pritur me gëzim dhe entuziazëm. Për këtë reagoi vetë shkrimtari austriak, i cili për një radio tha se, “jam shumë i befasuar dhe shumë i lodhur, do të flasim më gjatë nesër. Dua të përshëndes të gjithë njerëzit në Beograd dhe Serbi, e ndiej gëzimin tuaj për njohjen e madhe që mora, faleminderit për atë dhe në emrin tim sonte do të pimë raki dhe verë të bardhë”.

Gazetari i ABC News në Beograd, Idro Seferi, tha se edhe në Serbi opinioni ka qenë i ndarë. Ndërkohë reagimet më të shumta kanë qenë nga kundërshtarët e Sllobodan Millosheviçit.

“Edhe këtu ka qenë i ndarë opinioni sidomos kur bëhet fjalë për kolegë të Handke sepse ai ka qenë pjesë e vazhdueshme e vizitave në Beograd dhe ka shkuar pesë libra për Serbinë dhe serbët duke treguar që shtypi perëndimor është duke bërë propagandë të tepruar ndaj serbëve. Kam takuar shkrimtarë që e njihnin Handke. Ajo që gjeta në një video të Sllobodan Millosheviç që ishte fjalimi i Handke është pjesë interesante që mundohet të thotë se po qëndron aty se bota e di të vërtetën por nuk do ta pranojë të vërtetën për Jugosllavinë. Ka njerëz që e mbështesin Handke se thonë që veprat e tij janë të mira, por ka qenë i painformuar. Ka shumë të tillë që thonë se duhet ndarë vepra nga autori ose sjelljet që ka patur me politikën. Nuk ka pasur shumë reagime nga politike më shumë se sa nga njerëz që e kanë luftuar Sllobodan Millosheviçin”, tha Seferi./abcnews.al

vucicc.jpg
Autor E11:32 | 11/10/2019

Vuçiç i ka cilësuar “përralla” deklaratat e Albin Kurtit mbi reciprocitetin e marrëdhënieve Kosovë-Serbi si edhe dhënien e reparacioneve të luftës ndaj Kosovës.

Deklaratat e presidentit serb u bënë në intervistën dhënë gazetarit të ABC News, Idro Seferi.

Nuk e di për çfarë masash reciprocieteti flet (Kurti sh.r), flisni ju për dëmet e luftës, përralla të zbrazëta për përdorim të brendshëm dhe për popullin, nuk mund ti dëgjoj dhe nuk mund ti komentoj. Nuk kam problem të komentoj çdo lloj pyetje, por nuk është Albin Kurti Hegeli që ta komentojmë kaq shumë“, tha Vuçiç.

Ndër të tjera, Vuçiç theksoi se shqiptarët shohin me urrejtje këdo që është i fuqishëm në Serbi, ndërsa serbët urrejnë këdo që përpiqet të bëjë marrëveshje me shqiptarët.

Shumë eksplicit dhe këtë e them dhe sot. Siç e shihni unë nuk i frikësohem fakteve, por atyre të prishurve dhe mashtruesve. Se përse unë jam parë në mesin e shqiptarëve si një nga armiqtë më të mëdhenj të shqiptarëve edhe pse ofroj kompromis, një kompromis të vërtetë. Sigurisht që secilin që është i fuqishëm në Serbi e përjetojnë si kundërshtar dhe besoj se kjo është arsyeja.

Në fund të fundit s’është me rëndësi. Unë nuk nga ajo që gjërat nuk duken ashtu siç duan të dëgjojnë as serbët as shqiptarët. Të dyja palët i kanë veshët shumë të ndjeshëm që ta dëgjojnë të vërtetën, por mua nuk më bëhet vonë. Unë e flas të vërtetën dhe le të hidhërohen edhe njëra edhe pala tjetër. Dhe, nuk brengosem pasi në fund të fundit e di që të gjithë ata që më sulmojnë çdo ditë, ti Idro ke qenë këtu dhe mund ta pohosh apo mohosh, që kanë rrethuar presidencën dhe unë kam qenë këtu dhe nuk kam ikur, nuk largohem sepse kam ndërgjegjen e pastër. Luftoj për Serbinë, por ua them njerëzve të vërtetën“, u shpreh ai.

INTERVISTË EKSKLUZIVE | Vuçiç: Ne jetojmë më mirë dhe kemi më shumë reputacion se shqiptarët, të merremi vesh

Vuçiç gjithashtu tha se një marrëveshje mes shqiptarëve dhe serbve si popujt më të mëdhenj në Ballkan është e domosdoshme.

INTERVISTA E PLOTË

Gjithçka është mbi ne. E ardhmja jonë dhe marrëdhëniet tona na ngelen ne. Unë mendoj se nëse serbët dhe shqiptarët i rregullojnë marrëdhëniet, një herë e përgjithmonë si dy popujt më të mëdhënj në Ballkan, mendoj se 150 vjetët e ardhshme nuk do të kemi asnjë lloj problemi. Mund të përparojnë në aspektin ekonomik më së shpejti. Nëse këtë nuk e bëjmë rrezikojmë të na ngelen territore të zbrazëta. Ajo që ne sot jemi më shumë se sa ju, nuk do të thotë asgjë. Të gjithë njerëzit tuaj do të shkojnë në Zvicër, Nju Jork, të gjithë tanët do të shkojnë në Austri, Gjermani dhe nuk e di se ku. Njerëz të tjerë do të banojnë në territoret tona në të ardhmen“, vijoi ai.

/abcnews.al/

aleksander-vucic-idro-1280x709.jpg
nev ila09:30 | 11/10/2019

Në një intervistë për gazetarin Idro Seferi, presidenti i Serbisë, Vuçiç u shpreh i prerë për kompromiset e dhimbshme që Beogradi dhe Prishtina do të jenë të detyruara të bëjnë në shkëmbim të marrëveshjes përfundimtare. Vuçiç thekson se si presidenti i tregon gjithnjë të vërtetën serbëve, dhe e njëjta gjë sipas tij duhet të ndodhë edhe në Kosovë.

Idro Seferi – ABC News: Faleminderit edhe një herë për këtë intervistë. Kanë kaluar shumë kohë që kur kemi folur herën e fundit, kurse muajin e fundit kanë ndodhur shumë ndryshime. Në OKB keni folur për bashkëpunimin në rajon, por në asnjë mënyrë nuk arrijmë tek një paqe. Besoni se është e mundur të arrihet kjo paqe me Kosovën?

Aleksandër Vuçiç: Marrëdhëniet në mes të Beogradit dhe Prishtinës nuk janë të mira për shkak se kemi qëllime dhe interesa të ndryshme. Të mos flas për ato që të gjithë i dimë dhe më mirë të flas me një gjuhë të thjeshtë: ose do të kuptojmë edhe njëra dhe tjetra palë që duhet të arrijmë në kompromis tek zgjidhja ose ajo që njëra palë të pranojë gjithçka nuk do të ndodh. Ose do të pranojmë zgjidhjen e kompromisit ose do të shkatërrojmë edhe vetën dhe të tjerët dhe më shumë njerëz do të braktisin hapësirat ku jetojmë. Sa i përket kompromisit ne jemi të gatshëm, kurse shqiptarët le të mendojnë për këtë.

Idro Seferi – ABC News: Zgjidhjen e kompromisit e keni përmendur shumë shpesh, ka patur edhe variante të tjera, presidenti Thaçi ka patur ide tjetër që të marrë Preshevën, Buanjanocit ose ajo që në mesin e shqiptarëve quhet Lugina e Preshevës, por ka patur shumë kundërshtar të kwsaj përfshirë edhe Kurtin që tashmë ka fituar në zgjedhje…

Aleksandër Vuçiç: Gjithkush ka të drejtë. Unë kurrë nuk kam folur për Preshevën dhe Bujanovcin, apo Medvegjën që nuk e di pse Medvegjën që nuk e kam kuptuar deri në fund… Jam përpjekur të mos flas për gjëra që njerëzve mund t’ua vështirësojnë punën. Dua të kuptohemi këtu që territori që është në kontekst është Kosova dhe se më shumë se gjysma e vendeve të botës nuk e kanë njohur pavarësinë. Ne jemi të gatshëm që me shqiptarët të gjejmë zgjidhjen e kompromisit me shqiptarët. Nëse shqiptarët i qasen kësaj që ne jemi të pavarur dhe duhet të na pranoni ky është fundi i gjithçkaje…

Idro Seferi – ABC News: Është gjallë kjo ide duke patur parasysh që Albin Kurti ka qenë kundër kësaj ideje dhe ka fituar. Ju keni folur për gjendjen e Listës Serbe dhe rezultatet, por shumë mendojnë se kjo ndryshon situatën dhe që për ju do të jetë më e vështirë.

Aleksandër Vuçiç: Për mua edhe ashtu ka qenë vështirë. Siç e shihni nuk kemi arritur tek rezultati. Nëse do të jetë me vështirë apo jo nuk e di, por për mua është vështirë që nuk kemi një zgjidhje të kompromisit dhe unë flas për gjëra serioze dhe jo për gjëra personale siç është ajo që Albin Kurti ka ofenduar të bijën time minorene duke e përfshirë në procese politike sepse njerëzit e ndershëm këtë nuk e bëjnë, por ta lëmë anash. Sa i përket Beogradit dhe Prishtinës, unë them që nëse nuk dëshironi kompromis nuk ka problem njerëz dhe vetëm na njoftoni dhe më thoni që nuk duam dhe ne do të themi në rregull do të vazhdojmë kështu të jetojmë, ne pak më mirë se ju, por me një autoritet më të madh se ju në bashkësinë ndërkombëtare që më vjen keq, por kjo është zgjidhja juaj me sa duket dhe nuk kam asnjë problem me këtë.

Idro Seferi – ABC News: Ka qenë kjo ideja juaj, e zotit Thaçi, e amerikanëve dhe çfarë kjo ide nënkupton pasi edhe këtu shumë, ju kanë akuzuar që nuk keni qenë të qartë me këtë ide?

Aleksandër Vuçiç: Idro, kurdo herë që të jemi të qartë nuk do të kishit asnjë mundësi që të shtyni para asnjë ide. Ju e dini që kam të drejtë, çdo shqiptar dhe serb e di këtë dhe asnjë nuk do ta konfirmojë. Nuk ekziston asnjë njeri të thotë po ka të drejtë për atë që ka thënë dhe duhet të gjejmë një zgjidhje të kompromisit. Të gjithë e dini që kam të drejtë. Dhe, sado që të jemi 10-12 milionë, serbë e shqiptarë, të gjithë e dinë që kam të drejtë. Dhe, të gjithë e dinë se për çfarë po flas, por të gjithë bëhen të marrë dhe nuk duan të thonë po e kuptojmë bëjeni një marrëveshje pasi të gjithë më të lehtë e kanë të jenë kundër. Kjo është mënyrë për të fituar pikë politike dhe shumë mirë që fitoni pikë politike, por ju ka ndihmuar kjo që të fitoni në zgjedhje, nuk ju ka ndihmuar, ju ka ndihmuar që unë të humb në zgjedhje, pra jo. Përse atëherë më sulmoni, edhe ajo që unë këtu jam tradhtari më i madh dhe që disa janë heronj të mëdhenj. A ju ka ndihmuar kjo? Ju ka ndihmuar aq sa unë kam marrë votat absolute edhe në numër edhe në përqindje. Disa njësoj si herën e kaluar apo edhe më pak, kurse kanë qenë heronj të mëdhenj. Njerëz, njerëzit nuk janë të marrë kur fshihen atje dhe duhet ta shkruajnë dikë në votime, njerëzit votojnë për të ardhmen, për veten dhe për fëmijët e tyre. Gjë tjetër është se çfarë do të përdorin mediat apo politika ditore kundër të gjithëve. Me çfarëdo lloj ideje për zgjidhje të dilni do të jeni të çmontuar dhe të shkatërruar edhe në publik serbë edhe shqiptarë, kudo të njëjtin moment. Më së lehti është të flasim që duam paga më të mira, duam të jetojmë më mirë edhe në Beograd edhe në Prishtinë, duam të jemi më së miri në botë, duam të bëhemi pjesë e Bashkimit Evropian, por nuk duam të zgjidhim problemet me shqiptarët, ndërsa shqiptarët thonë nuk duam t’i tolerojmë Serbisë dhe kjo është e gjitha, shumë mirë. Por, më pas nuk do të mund të hani më shumë, nuk do të mund keni më shumë, nuk do të mund të jetoni më mirë. Këtë gjë nuk dëshiron ta thotë askush përveç meje.

NDIQNI INTERVISTËN E PLOTË, DHËNË GAZETARIT TË ABC NEWS, IDRO SEFERI

Idro Seferi – ABC News: Që domethënë realiteti ynë pa zgjidhje është ky?

Aleksandër Vuçiç: Realiteti pa zgjidhje është ky. Nëse ky realitet është i keq, jo, kemi jetuar edhe në kohë më të vështira. Por, është garantues i mjaftueshëm i së ardhmes së fëmijëve tanë, nuk është. Kjo është arsyeja përse jam për zgjidhje të kompromisit. Dhe, të gjithë kuptojnë çdo gjë, por të gjithë bëhen si të marrë nga të gjitha anët dhe këtë e kam thënë qindra herë këtu dhe asnjëherë nuk kam tërhequr asnjë fjalë, pavarësisht sulmeve të forta dhe presioneve e të gjithave. Kur u nderova me urdhrin e Shën Savës, si i vetmi shef shteti i nderuar me këtë urdhër, duke pranuar këtë kam thënë që nuk dua ta gënjej askënd dhe do t’ia them popullit të vërtetën. Ajo që disa kanë qejf të gënjehen dhe që do presim, disa prej liderëve tuaj thonë do presim 100 apo 200 vjet, unë u them mirë. Kanë mësuar edhe disa të tjerë të presin. Ju mendoni se serbët kanë votuar për parti politike sepse ju pëlqen Partia Progresive e Serbisë? Jo, serbët kanë votuar ashtu siç janë sjellë shqiptarët para dyzet vitesh.

Idro Seferi – ABC News: Albin Kurti thotë që nuk e do Listën Serbe në qeverinë e tij si e shihni këtë?

Aleksandër Vuçiç: Unë gjithmonë përmbahem nga komentet nëse e keni vërejtur. Nuk nxitohem në gjëra të tilla. Kjo tregon… nëse guxoj të them dhe të mos ofendoj askënd një përgjegjësi jo të mjaftueshme. Ju duhet të respektoni legjitimitetin e këtyre njerëzve që kanë marrë një numër të madh votash, pra 53 mijë pa llogaritur votat që do të vijnë nga anash. Kjo është 9 mijë vota më shumë se sa që kanë patur ndonjëherë. Ky është një numër i konsiderueshëm kur flasim për territorin e Kosovës dhe Metohisë. Nuk e respektoni dikë që ka marrë 95 për qind në kuadër të popullit të vet, por do të punoni me dikë qëështë serbi juaj privat apo juve ju pëlqen? Unë mendoj atëherë se kjo nuk është mjaftueshëm e përgjegjshme. Nuk mendoj se kjo është mjaftueshëm serioze. Nëse nuk dëshironi të punoni me Listën Serbe atëherë mendoj se nuk dëshironi që as me Serbinë të gjeni një zgjidhje të kompromisit. Nuk mendoj se kjo është porosia më e mirë. Por, nuk kam asgjë kundër asaj që tua them këtë, kjo është zgjidhja juaj. Ju njerëz, na e thoni këtë pasi mua do të ma lehtësoni punën. Është çështje tjetër që ne atëherë nuk do të mund të kryejmë punën për të cilën jemi zgjedhur e që është të sigurojmë një të ardhme ndryshe dhe më të mirë për popujt tanë. Sa i përket politikanëve të këtushëm i falenderoj për këtë.

Idro Seferi – ABC News: Çfarë mendoni për Kurtin në përgjithësi si personazh dhe a prisni që presidenti Thaçi të jetë ende pjesë e bisedimeve?

Aleksandër Vuçiç: Nuk merrem me këtë. Nuk merrem me këtë. Së pari njerëzit e pjekur dhe serioz nuk ofendojnë gocat minorene, kjo nuk bëhet në një botë të sjellshme. Për këtë është dashur të thotë më falni, por nuk ka thënë. Kjo nuk bëhet. Këtë duhet ta mësoni. Të tjerat do ti vlerësoj në bazë të veprimeve. Unë e di që ai mendon se sa më i mprehtë të jem ndaj serbëve do të marrë më shumë vota, pasi njerëzit kanë qejf të thonë bravo, bravo, bravo, por jo, jo edhe shqiptarët pas tre vitesh do të pyesin udhëheqësit e tyre përse nuk kanë bërë kompromis me serbët. Ashtu siç do më pyesin serbët përse nuk ke arritur marrëveshje me shqiptarët, edhe pse sot duket sikur askush nuk e dëshiron këtë në asnjërën anë. Në fund të gjithë do ta kuptojnë që kjo është e shkaktari është i lidhur me atë që është e ardhmja jonë, nga e ardhmja evropiane, nga ekonomia më e mirë. Shikoni thonë që nuk kanë lejuar udhëtimin e futbollistëve të Crvena Zvezdës që të luajnë top diku, e përse të si keni lejuar? Çfarë ka qenë problem, të tregohet se jemi të fortë dhe kontrollojmë pikëkalimin Jarinje dhe Bërnjak? Ne e dimë këtë edhe pa këtë.

Idro Seferi – ABC News: Shumë herë kam dëgjuar në konferenca për shtyp të thoni, sipas mendimit tim, në mënyrë shumë eksplicite që realiteti në Kosovë është ndryshe dhe keni kërkuar nga serbët ta kuptojnë këtë. Si e sqaroni këtë?

Aleksandër Vuçiç: Shumë eksplicit dhe këtë e them dhe sot. Siç e shihni unë nuk i frikësohem fakteve, por atyre të prishurve dhe mashtruesve. Se përse unë jam parë në mesin e shqiptarëve si një nga armiqtë më të mëdhenj të shqiptarëve edhe pse ofroj kompromis, një kompromis të vërtetë. Sigurisht që secilin që është i fuqishëm në Serbi e përjetojnë si kundërshtar dhe besoj se kjo është arsyeja. Në fund të fundit s’është me rëndësi. Unë nuk nga ajo që gjërat nuk duken ashtu siç duan të dëgjojnë as serbët as shqiptarët. Të dyja palët i kanë veshët shumë të ndjeshëm që ta dëgjojnë të vërtetën, por mua nuk më bëhet vonë. Unë e flas të vërtetën dhe le të hidhërohen edhe njëra edhe pala tjetër. Dhe, nuk brengosem pasi në fund të fundit e di që të gjithë ata që më sulmojnë çdo ditë, ti Idro ke qenë këtu dhe mund ta pohosh apo mohosh, që kanë rrethuar presidencën dhe unë kam qenë këtu dhe nuk kam ikur, nuk largohem sepse kam ndërgjegjen e pastër. Luftoj për Serbinë, por ua them njerëzve të vërtetën. Të gënjej dhe të them që njerëzit në Gjakovë apo në Xërxë në mes të Gjakovës e Prizerenit do të kërcejnë nga gëzimi kur ta shohin Crvena Zvezdën apo Partizanin duke gjuajtur topin, jo nuk do të kërcejnë. Përse t’i gënjej njerëzit. Ata thonë nuk do të jetë sot, por e dini do ta bëjmë një herë kur ata të jenë më të dobët dhe në shumë më të fortë, atëherë e kapni kokën. Të njëjtat rrëfime i dëgjoj edhe nga shqiptarët që thonë mundemi ne edhe 200 vjet, serbët do të jenë më të dobët dhe ne do të jemi më të fortë, nuk besoj se procesi është duke shkuar në këtë drejtim.

Idro Seferi – ABC News: Nëse nuk asociacion të komunave serbe, nuk ka përkufizim, nuk ka marrëveshje, çfarë atëherë?

Aleksandër Vuçiç: Atëherë kam vetëm frikë nga e ardhmja dhe shpresoj se do të mund të ruajmë paqen. Kur keni një konflikt të ngrirë gjithmonë ekziston rreziku që në çfarëdo imtësie dikush mund ta shkrijë.

Idro Seferi – ABC News: Kurti ka thënë se ka ide për masa të reciprocitetit. Ju keni thënë që nuk do të bisedoni pa u hequr taksa.

Aleksandër Vuçiç: Nuk e di për çfarë masash reciprocieteti flet, flisni ju për dëmet e luftës, përralla të zbrazëta për përdorim të brendshëm dhe për popullin, nuk mund ti dëgjoj dhe nuk mund ti komentoj. Nuk kam problem të komentoj çdo lloj pyetje, por nuk është Albin Kurti Hegeli që ta komentojmë kaq shumë.

Idro Seferi – ABC News: Po…do të bisedonit. Në Kosovë temë kryesore është me Serbinë mund të negociohet vetëm për njohjen e pavarësisë së Kosovës.

Aleksandër Vuçiç: Imagjinojeni. Kenedi ka thënë që eja të flasin, ajo që është e imja është e imja, por eja të flasim për atë që është e jotja. Këtu bisedime nuk ka. Kenedi e ka thënë këtë fjalë për fjalë. Ju vërtetë mendoni se kjo është reale, përse e gënjeni popullin tuaj. Përse nuk ia thoni të vërtetën popullit tuaj. Unë popullin tim nuk e gënjej, mund të jeni kundër meje, por e dini që nuk gënjej. E dini që përkundër goditjeve që kemi marrë nuk kam gënjyer. Dy ditë diskutime në kuvend dhe radikalët janë rritur për dy përqind në llogari tonën pasi kemi folur për Kosovën dhe 1 për qind me socialistët. Vetëm se popullit ia kam thënë të vërtetën. Nëse thoni se për këtë do të flisni me Serbinë, nuk do të negocioni. Për bisedime janë të nevojshme dy palë dhe është e nevojshme të ekzistoj hapësira në të cilën mund të negocioni. Kurse ne nuk japim asgjë nga ajo që mendojmë se është e jona, por do bisedojmë për atë që mendojmë se është e huaja. Kështu nuk shkon.

Idro Seferi – ABC News: SHBA kanë deleguar dy të dërguar në Ballkan. Një nga ta është për Kosovën dhe dialogun. Prisni një format të ri bisedimesh apo si do të dukej arritja tek kjo marrëveshje përfundimtare?

Aleksandër Vuçiç: Ju më pyesni diçka që unë shmang të përgjigjem, i nderuar Idro, këto janë forma. Mund të them që ne jemi të kënaqur me Bashkimin Evropian, ata njerëz janë munduar, por nuk varet nga ta, por nga ne. Nuk do të na ndihmojnë ne amerikanët nëse ne nuk e kuptojmë se duhet të bëjmë variante të kompromisit. Ne e kemi fajin. Është shumë mirë që administrate e Trump është shumë e interesuar dhe do të provojnë të gjejnë zgjidhje dhe të ofrojnë diçka. Por, nuk ka asgjë nga kjo nëse ne flasim në këtë mënyrë. Nuk dua të marrin Listën Serbe në Qeveri, nuk do të heqim taksa por…duhet ta kuptoni, pse nuk u thoni njerëzve që në vitin 2006 është firmosur marrëveshja e CEFTA-s, ne flasim për qarkullim të lirë të mallrave, kapitalit njerëzve apo jo. Pra në vitin 2006, në vitin 2008 ju shpallni pavarësinë që, sipas mendimit tonë, ishte e kundërligjshme. Në vitin 2008 dhe 2009, ne nuk e anulojmë marrëveshjen e CEFTA-s pasi ai është firmosur. Ju në vitin 2018 e anuloni atë. Pra 12 vjet më vonë dhe 12 vjet më vonë na ktheni në shekullin 13, ku kemi barriera të veçanta dhe në ndalimin e tregtisë. Tani thuhet që do të qëndroj. Në rregull. Siç e shihni nuk jetojmë edhe aq keq edhe pa të.

Por, kjo është e keqe pasi çfarë prisni nga ne nesër? Për çfarë doni të flisni me serbët, për diçka që u pëlqen juve? Këto janë bisedime të dhimbshme për mua, tmerrësisht të dhimbshme, por duhet të jenë edhe për ju. Populli as në Prishtinë, as në Pejë as në Prizren nuk…

Idro Seferi – ABC News: Shumë do të thoshin se ne kemi dhënë mjaftueshëm.

Aleksandër Vuçiç: Kanë dhënë mjaftueshëm. Njihni ndonjë vend apo njeri që nuk e mendon këtë. E keni dëgjuar edhe këtu në Serbi dhe në Serbinë qëndrore, e keni dëgjuar Idro gjithë këtë?E keni dëgjuar nga të gjithë ata. Edhe nga Lidhja për Serbinë, Partia Demokratike e Serbisë, nga partnerët e mijë në koalicion, nga njerëzit e partisë sime…

Idro Seferi – ABC News: Kisha ka qenë kundër…

Aleksandër Vuçiç: Atë po them, që çdo ditë e kemi dëgjuar këtë Idro nga secili, edhe atje. Të gjithë thonë se kemi dhënë më së shumti dhe derisa të mos heqim këtë qëndrim, marrëveshje nuk do të ketë. Kjo është gjëja më e marrë që kemi dhënë mjaftueshëm. Është e dukshme që të gjithë se bashku nuk jemi mjaftueshëm të pjekur që ta kuptojmë se marrëveshjen duhet ta arrijmë. Nëse nuk jemi, në rregull le ta konstatojmë këtë dhe të gjejmë një mënyrë të ruajmë paqen dhe të presim kur të vijnë njerëz më të mençur që do të mund ta zgjidhin në të ardhmen dhe të cilët do të jenë të ndershëm që t’ia thonë popullit të tyre që realiteti është pak më ndryshe.

Idro Seferi – ABC News: Ju keni ftuar disa herë presidentin Trump ta vizitoj Serbinë. Angazhimi i tyre ka qenë i mjaftueshëm kohëve të fundit, por këtu është edhe Rusia dhe aktorë të tjerë. Si mund të ndihmojë bashkësia ndërkombëtare?

Aleksandër Vuçiç: Të gjithë me dëshirë apo pa dëshirë, theksoj me dëshirë apo jo duhet të ndihmojnë dhe duhet të ndihmojnë nëse serbët dhe shqiptarët bien dakord. Nëse ne nuk biem dakord e gjithë bota do të dojë të na ndihmojë nga rezultati nuk ka asgjë. Gjithçka është mbi ne. E ardhmja jonë dhe marrëdhëniet tona na ngelen ne. Unë mendoj se nëse serbët dhe shqiptarët i rregullojnë marrëdhëniet, një herë e përgjithmonë si dy popujt më të mëdhënj në Ballkan, mendoj se 150 vjetët e ardhshme nuk do të kemi asnjë lloj problemi. Mund të përparojnë në aspektin ekonomik më së shpejti. Nëse këtë nuk e bëjmë rrezikojmë të na ngelen territore të zbrazëta. Ajo që ne sot jemi më shumë se sa ju, nuk do të thotë asgjë. Të gjithë njerëzit tuaj do të shkojnë në Zvicër, Nju Jork, të gjithë tanët do të shkojnë në Austri, Gjermani dhe nuk e di se ku. Njerëz të tjerë do të banojnë në territoret tona në të ardhmen.

Idro Seferi – ABC News: Keni folur për këtë kohëve të fundit, se sa është e rëndësishme që rajoni të lidhet dhe bashkëpunoj, por marrëdhëniet bilaterale nuk janë ashtu siç flisni, por keni hapur autostradën për Sarajevë, keni firmosur autostradën për Merdarë për Prishtinë. Keni ftuar kryeministrat e Shqipërisë dhe Maqedonisë veriore të vijnë këtu. Disi, Serbia paraqitet si dikush që dëshiron të prijë?

Aleksandër Vuçiç:  Unë dua Idro këtë gjë dhe ne duam si një kusht i progresit tonë. Kemi kontrolle të përbashkëta me Maqedoninë veriore dhe sapo ka kaluar sezoni, edhe nga ana jonë dhe nga ana e tyre dikush ka gjetur arsye ti braktisin objektet e përbashkëta dhe tani duhet ti kthejmë këto gjëra. Duhet të flasim për integrime të mëtejme, për lirimin e kufijve për qarkullim, qarkullimin e njerëzve. E dini që çdo vit, edhe pse ende numër i vogël, por gjithnjë e më shumë serbë shkojnë në Shqipëri në bregdet. Përse nuk ia hapni dhe mundësoni këtë pasi keni një bregdet fantastik. Dhe, njerëzit atje janë nikoqir të mirë. Përse nuk fitoni para dhe përse nuk punojmë në këtë. Unë dua që më shumë nga ju të vijnë në Beograd. Keni patur ju Idro probleme ndonjëherë dhe a është sjellë dikush me përçmim ndaj jush? Ka patur rast kur nuk kam dashur tu përgjigjem në pyetje? Ndonjëherë kam bërë shaka më shumë në llogari timen se sa në tuajën, por kurrë nuk ka ndodhur të mos kem respekt maksimal dhe të kem mospërfillje. Ju ka ndodhur gjë në Beograd? Unë dua të shoh më shumë nga ju, më shumë para të shpenzoni këtu, të punoni. Nuk kuptoj se si mendoni të përparojmë? Ne kemi fusha ku nuk kemi mjaftueshëm punëtorë, na ndihmoni. Ne kemi dije të caktuara dhe punëtorë ne disa fusha ku ju nuk keni mjaftueshëm. Ta fillojmë duke dhënë leje pune për të gjithë në territorin e këtij rajoni.

Idro Seferi – ABC News: Çfarë nënkupton ky union, janë këto vetëm vendet kandidate për Bashkimin Evropian sepse mungojnë vendet tjera, Kosova, Mali i Zi dhe Bosnja…

Aleksandër Vuçiç: Natyrisht ne duhet ta zgjerojmë këtë. Por, duam të bëjmë një shembull, një gjë në bazë të së cilës të gjithë të tjerët do të mund të futeshin. Ta shohin që nuk rrënojmë askujt sovranitetin politik, por edhe kudo në Bosnje, Mal të Zi apo kudo…kjo është mënyra më e lehtë për tejkalimin e problemeve. Kur të hapni këto gjëra edhe Beogradi dhe Prishtina do të rregullojnë problemet. Të mos them se gjysma e gjërave që lidhen me marrëveshje në mes të shqiptarëve dhe serbëve lidhen me këto çështje për të cilat po flas. Nuk është thelbi vetëm në territor, është i rëndësishëm territori, por është me rëndësi edhe përmbajtja e këtyre gjërave. Nuk kemi të drejtat e punëtorëve të njëjta, të provojmë t’i bëjmë njësoj dhe masat nxitëse për të huajt dhe do të tërheqim. Të bëjmë një treg unik ku u themi që nuk mund të rrini më shumë se dy orë në kufij, e jo njerëzit të presin nga 36 orë ose 48 orë, po flas për kamionët. Duhet të bëjmë një qarkullim më të shpejt për njerëzit. Nuk është me rëndësi ti investojmë 20 milionë euro që të zgjerojmë kalimet që njerëzit të mund të kalojnë më shpejt. Mallrat mund të shkojnë më shpejt, të zvogëlojmë shpenzimet operative dhe një ditë do të na bie ndërmend që të gjithë kufijtë ti kalojmë pa pasaporta dhe të shkojmë vetëm me karta identiteti. Dikur do ti eliminojmë këta kufij. Jo ata kufijë politik, por barrierat ekonomike, qarkullimin e njerëzve dhe mallrave. Unë jam falenderues sepse besoj se Rama këtë e kupton shumë mirë dhe e kupton që është në interes të popullit shqiptar, ashtu siç është në interes edhe të popullit serb.

Idro Seferi – ABC News: Si i keni marrëdhëniet në këto momente, edhe Zaev edhe Rama megjithatë i janë përgjigjur ftesës suaj?

Aleksandër Vuçiç: Ne jemi takuar në Nju Jork dhe kemi patur vërtetë një takim shumë të mirë. Nuk ka qenë një takim politik si të thuash bla bla bla, zakonisht këto takime… Ky ka qenë një takim shumë i mirë dhe konkret dhe besoj se do të flasim konkretisht.

Idro Seferi – ABC News: A është e mundur që kështu të zgjidhen problemet politike siçështëky rast…

Aleksandër Vuçiç: Nuk është por kjo, Idro, është çështje politike. Nëse i zgjidhni këto gjithçka tjetër zgjidhet lehtë, por vetëm njerëzit këtë duhet ta kuptojnë. Shikojeni këtë dhe jam shumë i sigurt se njerëzit do ta kuptojnë pasi këtë e duan edhe shqiptarët. Çfarë mendoni pse njerëzit tanë ikin kurse shqiptarët ikin edhe më shumë. Jam shumë i trishtuar dhe i hidhëruar që njerëzit po i kin nga Serbia. Mundohem çdo gjë që të mos ikin, duke rritur pagat për 15 për qind infermiereve dhe duke bërë gjëra të ndryshme që dikush të ngelet këtu. Kush do të rrijë nëse është kështu? Kjo që nuk mund të luani futboll, kujt i bëhet vonë për FIFA-në. Përse i jep atëherë rëndësi pasi para gjashtë muajsh nuk është lejuar një sportist në Novi Sad. Nuk mund të qajë për këtë. Por, eja të merremi vesh dhe duhet të kuptoni që ka qëndrim tjetër dhe që disa njerëz mendojnë ndryshe. E kuptoni ju që nuk ekziston asnjë njeri në Mitrovicën veriore, asnjë njeri në Zveçan që mendon se ky është territori që është nën kontrollin e Prishtinës apo i takon Prishtinës. Përse nuk ia thoni këtë popullit? Nuk ka asnjë njeri dhe çfarë do ti mbani me dhunë? Ti detyroni? Të bëni të gjitha ato për të cilat jeni ankuar në periudhën para Millosheviçit, të bëni gjithçka njësoj. Për gjithçka që jeni ankuar në 85 apo 86, tua bëni sot serbëve.

Idro Seferi – ABC News: Shumë njerëz do të thonin që kjo mund të paraqet një situatë të re në Ballkan, sidomos kur flitet për Bosnjën

Aleksandër Vuçiç: Lëreni këtë Idro, lërëni këtë Idro, çfarë paraqet një situatë të re. Tek ne paraqet çdo gjë një situatë të re dhe e kemi patur Jugosllavinë e madhe deri para 25 vitesh. Nga ajo çdo gjë është bërë copë e grimë. E kanë shkatërruar atë pjesë të ndryshme të bashkësisë ndërkombëtare. Hapja e kutive ta Pandorës është dyfytyrësi. Nëse serbët e shqiptarët bien dakord, çfarë i intereson dikujt tjetër. Këtu nuk bëhet fjalë që dikush ti marrë dikujt diçka me dhënë. Ne e kemi territorin edhe ashtu në kontest. Çfarë i intereson dikujt të tretë.

Idro Seferi – ABC News:Si të arrihet te kjo…keni shumë kundërshtar?

Aleksandër Vuçiç: Si të vijmë këtu, lërmëni mua. Unë do të luftoj për këtë që e vërteta dhe mendimi racional dhe real të fitoj. Dikush le të provoj të luftoj për këtë edhe në mesin e shqiptarëve dhe jo të hutoj votuesit. Dhe, tu flas që gjithçka është ashtu siç duan ata. Nuk ka asnjë në Prishtinë që thotë eja ta zgjidhim këtë dhe të fitojmë diçka që sot nuk e kemi. Ju thoni ne jemi “fully consolidated state”, por duhet të silleni nëpër holle e korridore me leje të veçanta dhe ftesa që të gjeni dikë nëpër Kombet e Bashkuara. Nuk mund të hyni në Interpol edhe tre mijë vjet. Çfarë shteti është ai që nuk ka ambasadë në Peking, Moskë, Nju Delhi, Athinë, si?

Idro Seferi – ABC News: Dmth që do të kishte pas bisedimeve? Kosova ka marrë ftesë…

Aleksandër Vuçiç: Unë po ju flas nga këndi juaj, nuk po flas nga këndi im. Këndi im është i vështirë, gjithsesi, por mundohem të kem një qasje racionale dhe flas vetëm se problem është që nuk sqarohet. Njerëzit në Kosovë thonë ne kemi Amerikën dhe Amerika do ta zgjidh për ne. Përse nuk e ka zgjidhur?

Idro Seferi – ABC News: Këtu thonë e kemi Rusinë…

Aleksandër Vuçiç: Nuk thonë, nga unë nuk e keni dëgjuar, unë them kemi Serbinë.

Idro Seferi – ABC News: Jo nga ju, por..

Aleksandër Vuçiç: Unë them se ashtu është, por ne duhet të provojmë të biem dakord dhe njerëzit duhet ta kuptojnë realitetin dhe nuk është vështirë vetëm të mos bëhemi të verbër apo shurdhmemec. Të verbrit shohin mirë, ata që janë vërtetë të verbër dhe shumë mirë kuptojnë dhe ndjejnë. Ata që janë shurdhmemec, po flas në mënyrë metaforike, por kur bëheni që jeni të verbër dhe shurdhëmemec, ajo është gjeja më e rrezikshme dhe më e keqe. Kjo dmth që ju e dini se çfarë është realiteti shumë mirë, por nuk dëshironi ta respektoni pasi nuk i leverdis interesave tuaja personale ose politike.

Idro Seferi – ABC News: Me çfarë dinamike e prisni që të zhvillohen bisedimet, pasi të gjithë kanë pritur shpejt.

Aleksandër Vuçiç: Nuk jam i sigurt nëse do të zhvillohen apo sa do të ju duhet të formoni qeverinë në Prishtinë, por për çështje formale nuk deklarohem pasi mua më intereson gjëja thelbësore, mund të arrijmë tek zgjidhja apo jo? Nëse mundemi, mundemi, shumë mirë dhe do të jetë një betejë e rënd. Nëse nuk mundemi, në rregull, do të presim gjenerata më të mira dhe kaq. Por, nëse dikush në Prishtinë mendon se do të vijë një gjeneratë më e mirë që do të thotë se e pranojmë Kosovën kështu siç është sot, ky film nuk do të ndodh, kurrë nuk do të ndodh. Siç duhet ta kuptojnë serbët që të ndodh që shqiptarët të heqin dorë nga pavarësia e tyre, ky film nuk ka për të ndodhë. Këtë e dini edhe ju edhe unë, por nuk do askush ta thotë. Të gjithë besojnë se do të vijë një ditë kur ne do të mund të bëjmë diçka kundër tjerëve. Ju lutem mos flisni më marrëzira dhe t’ia fusni kot. Kërkoj ndjesë që përdor këtë gjuhë, por mendoj se populli e kupton kështu.

Idro Seferi – ABC News: Keni planifikuar ndonjë vizitë pasi gjatë zgjedhjeve ju ndalua…

Aleksandër Vuçiç: Çfarë të planifikoj kur këta nuk mund të luajnë futboll. Ju e dini mirë që mund të hyjë, por përse të bëjmë probleme dhe të krijojë konflikte nuk më bie ndërmend. Nëse ndonjëherë do të kemi bisedime do të vijë ti drejtohem popullit tim. Nëse dikush nga shqiptarët dëshiron të dëgjojë ndonjë gjë kjo është në rregull.

Idro Seferi – ABC News: Çfarë do të donit ti thoni shqiptarëve që duan të dëgjojnë ndonjë gjë?

Aleksandër Vuçiç: Shqiptarët i kanë veshët e ndjeshme si serbët dhe kryesisht nuk duan të dëgjojnë atë që nuk u pëlqen pasi kanë të vërtetat e tyre dhe kryesisht të mbuluara disa herë me emocione të rënda. Por, për njerëzit racional duhet ta kuptojnë që kompromisi është e vetmja mënyrë për zgjidhje dhe nëse kjo nuk ndodh frikësohem për të ardhmen edhe të popullit tim, por edhe popullit tuaj.

Idro Seferi – ABC News: Keni bërë projekt për autostradën, e përmendem, sa shpejt do të jetë kjo?

Aleksandër Vuçiç: Ne do të fillojmë dhe në mars do të ndërtojmë pjesën Nish-Plloqnik dhe më pas na ngelet një segment deri në Merdarë. Por, asgjë nuk do të ketë kuptim, në rregull është për Toplocën apo Kurshumlinë, nuk ka kuptim nëse Prishtina nuk e ndërton nga Podujeva në Prishtinë.Më nuk ka autostrada që janë për çështje të brendshme. Autostradat vlejnë nëse jeni të lidhur me shtetet tjera, me popujt tjerë, nuk do të thotë mes shtetesh, por popujsh.Kjo është një lidhje mes Serbisë dhe Shqipërisë, në mes Hungarisë të Shqipërisë dhe lidhja më e afërt në mes të Bullgarisë dhe Shqipërisë. Si do të vojë dikush nga Sofja të shkoj në Shkup, Gërdelicë, Llojanë në, Miratovic dhe nuk ka kuptim. Kështu del në Nish, Prokuplje, Prishtinë dhe shkon në Shqipëri.

Idro Seferi – ABC News: Do të shkoni në Shqipëri, por nëse do të shkonit jashtë Tiranës, ku do të shkonit së pari?

Aleksandër Vuçiç: Do të doja të njihem, pasi nuk kam qenë kurrë në Shkodër, as në Vlorë. Ajo që kam dëgjuar nga njerëzit që e dinë këtë, thonë se ka një bregdet jashtëzakonisht të bukur. Kur kam qenë në Tiranë jam ndjerë mirë. Kanë qenë disa protesta. Por, edhe këtu ka protesta ja sic dëgjoni dikush po bërtet tani këtu jashtë, nuk e di se për cfarë por jam mësuar në protesta për cdo ditë. Por, kur vijnë zgjedhjet dhe numërohen votat nuk e kanë të qartë se si ne fitojmë më së shumti.

Idro Seferi – ABC News: Kaq për intervistën. Shumë njerëz kur thoni dicka në shqip, befasohen.Unë u kam sjellë një dhuratë, është fjalori im personal nga I cili kam ushtruar fjalorin politik.

Aleksandër Vuçiç: Kyështë një fjalor shumë standard i vjetër

Idro Seferi – ABC News: Është një botim serb, por e kam prej kohësh që kur kam ardhur këtu. Keni edhe dedikimin dhe ndoshta herë tjetër…

Aleksandër Vuçiç: Nëse mund ta lexoj?

Ekselencës së tij, Presidentit të Serbisë, Aleksandër Vuçiç.

Fjalori im personal, për një kuptim më të madh në të ardhmen se në të shkuarën. Me respekt, Idro.

Ju falenderoj I dashur Idro. Unë nuk tallem me gjuhët për dallim prej të tjerëve. Do të mundohem të mësoj të paktën 300-400 fjalë që të kuptoj të paktën gjërat elementare. Edukimi im nuk ka qenë I mjaftueshëm në këtë fushë që të dijë gjuhën tuaj. Do të doja të di dhe nëse më lejojnë obligimet profesionale do të mundohem të mësoj më shumë.

Juve faleminderit dhe mendoj se një nga gabimet tona dhe të politikanëve, por edhe të shumë të tjerëve, kemi menduar se duhet të dimë vetëm gjuhën tonë dhe anglishte, por në rajon kjo do të na ofronte. Këtë nuk e kam kuptuar si shaka, por si një dhuratë të mrekullueshme dhe kam gocën që së shpejti do të mësoj turqisht.

/abcnews.al

vucic.jpg
Autor E08:55 | 11/10/2019

Albin Kurti e ka bërë të qartë se nuk e do Listën Serbe në qeverinë e tij. Kreu i Vetëvendosjes ka thënë se pjesë e qeverisë, duke respektuar dhe Kushtetutën do të jetë dhe një ministër serb, por jo nga Lista Serbe. Këtë deklaratë e komenton duke “kërcënuar” presidenti serb, Aleksandër Vuçiç në intervistën ekskluzive dhënë gazetarit të ABC Neës, Idro Seferi.

“Nuk e respektoni dikë që ka marrë 95 për qind në kuadër të popullit të vet, por do të punoni me dikë që është serbi juaj privat apo juve ju pëlqen? Unë mendoj atëherë se kjo nuk është mjaftueshëm e përgjegjshme.

Nuk mendoj se kjo është mjaftueshëm serioze. Nëse nuk dëshironi të punoni me Listën Serbe atëherë mendoj se nuk dëshironi që as me Serbinë të gjeni një zgjidhje të kompromisit. Nuk mendoj se kjo është porosia më e mirë. Por, nuk kam asgjë kundër asaj që tua them këtë, kjo është zgjidhja juaj.

Ju njerëz, na e thoni këtë pasi mua do të ma lehtësoni punën. Është çështje tjetër që ne atëherë nuk do të mund të kryejmë punën për të cilën jemi zgjedhur e që është të sigurojmë një të ardhme ndryshe dhe më të mirë për popujt tanë”.

INTERVISTË EKSKLUZIVE | Vuçiç: Ne jetojmë më mirë dhe kemi më shumë reputacion se shqiptarët, të merremi vesh

Vuçiç kishte edhe një mesazh për shqiptarët:

Aleksandër Vuçiç: Shqiptarët i kanë veshët e ndjeshme si serbët dhe kryesisht nuk duan të dëgjojnë atë që nuk u pëlqen pasi kanë të vërtetat e tyre dhe kryesisht të mbuluara disa herë me emocione të rënda. Por, për njerëzit racional duhet ta kuptojnë që kompromisi është e vetmja mënyrë për zgjidhje dhe nëse kjo nuk ndodh frikësohem për të ardhmen edhe të popullit tim, por edhe popullit tuaj.

Po ashtu ai ka treguar edhe dy qytetet e Shqipërisë të cilat donte ti vizitonte.

Idro Seferi-ABC News: Do të shkoni në Shqipëri, por nëse do të shkonit jashtë Tiranës, ku do të shkonit së pari?

Aleksandër Vuçiç: Do të doja të njihem, pasi nuk kam qenë kurrë në Shkodër, as në Vlorë. Ajo që kam dëgjuar nga njerëzit që e dinë këtë, thonë se ka një bregdet jashtëzakonisht të bukur. Kur kam qenë në Tiranë jam ndjerë mirë. Kanë qenë disa protesta. Por, edhe këtu ka protesta ja siç dëgjoni dikush po bërtet tani këtu jashtë, nuk e di se për çfarë por jam mësuar në protesta për çdo ditë.

“Nëse serbët e shqiptarët bien dakord, çfarë i intereson dikujt tjetër”. Kështu insiston presidenti serb, Aleksandër Vuçiç në lidhje me një marrëveshje me Kosovën.

Sipas tij, nëse serbët dhe shqiptarët i rregullojnë marrëdhëniet, një herë e përgjithmonë si dy popujt më të mëdhenj në Ballkan, në 150 vitet e ardhshme nuk do të ketë asnjë lloj problemi.

“Ju thoni ne jemi një shtet i konsoliduar, por duhet të silleni nëpër holle e korridore me leje të veçanta dhe ftesa që të gjeni dikë nëpër Kombet e Bashkuara. Nuk mund të hyni në Interpol edhe tre mijë vjet. Çfarë shteti është ai që nuk ka ambasadë në Pekin, Moskë, Nju Delhi, Athinë, si?”, deklaroi Vuçiç për Opinion.

Idro Seferi ABC News: Dmth që do të kishte pas bisedimeve? Kosova ka marrë ftesë…

Aleksandër Vuçiç: Unë po ju flas nga këndi juaj, nuk po flas nga këndi im. Këndi im është i vështirë, gjithsesi, por mundohem të kem një qasje racionale dhe flas vetëm se problem është që nuk sqarohet. Njerëzit në Kosovë thonë ne kemi Amerikën dhe Amerika do ta zgjidh për ne. Përse nuk e ka zgjidhur?

Idro Seferi-ABC News: Këtu thonë e kemi Rusinë…

Aleksandër Vuçiç: Nuk thonë, nga unë nuk e keni dëgjuar, unë them kemi Serbinë.

Idro Seferi-ABC News:: Jo nga ju, por..

Aleksandër Vuçiç: Unë them se ashtu është, por ne duhet të provojmë të biem dakord dhe njerëzit duhet ta kuptojnë realitetin dhe nuk është vështirë vetëm të mos bëhemi të verbër apo shurdhmemec. Të verbrit shohin mirë, ata që janë vërtetë të verbër dhe shumë mirë kuptojnë dhe ndjejnë.

Ata që janë shurdhmemec, po flas në mënyrë metaforike, por kur bëheni që jeni të verbër dhe shurdhmemec, ajo është gjeja më e rrezikshme dhe më e keqe. Kjo dmth që ju e dini se çfarë është realiteti shumë mirë, por nuk dëshironi ta respektoni pasi nuk i leverdis interesave tuaja personale ose politike

Por çfarë mendon presidenti serb për Albin Kurtin?

“Së pari njerëzit e pjekur dhe serioz nuk ofendojnë gocat minorene, kjo nuk bëhet në një botë të sjellshme. Për këtë është dashur të thotë më falni, por nuk ka thënë. Kjo nuk bëhet. Këtë duhet ta mësoni. Të tjerat do ti vlerësoj në bazë të veprimeve.

Unë e di që ai mendon se sa më i mprehtë të jetë ndaj serbëve do të marrë më shumë vota, pasi njerëzit kanë qejf të thonë bravo, bravo, bravo, por jo jo edhe shqiptarët pas tre vitesh do të pyesin udhëheqësit e tyre përse nuk kanë bërë kompromis me serbët. Ashtu sic do më pyesin serbët përse nuk ke arritur marrëveshje me shqiptarët, edhe pse sot duket sikur askush nuk e dëshiron këtë në asnjërën anë”, thotë Vuçiç.

I pyetur për idenë e Albin Kurtit, për masa të reciprocitetit pas heqjes së takës, Aleksandër Vuçiç ka thënë: Nuk e di për çfarë masash reciprocieteti flet.

Flisni ju për dëmet e luftës, përralla të zbrazëta për përdorim të brendshëm dhe për popullin, nuk mund ti dëgjoj dhe nuk mund ti komentoj. Nuk kam problem të komentoj çdo lloj pyetje, por nuk është Albin Kurti, Hegeli që ta komentojmë kaq shumë”./abcnews.al/

INTERVISTA-RAMA-IDRO.mpg_snapshot_03.58-1280x720.jpg
ent ela16:20 | 10/10/2019

Kryeministri Edi Rama flet nga Novi Sadi për marrëdhënien me Serbinë, realitetin e ri në Kosovë dhe sfidat e rajonit por edhe të Shqipërisë. Me shefin e ekzekutivit shqiptar bisedoi gazetari ynë në Beograd Idro Seferi.

Kryeministri ka deklaruar se takimi i Novi Sadit nuk duhet paragjykuar pasi nuk është përjashtues për askënd. Ai ka theksuar se sigurisht që temë me Serbinë është dhe Kosova dhe dialogu. Por, siç ka theksuar nuk ka për qëllim ta anashkaloj. Ai në intervistë ka folur për marrëdhëniet me Albin Kurtin si fitues i zgjedhjeve dhe bisedat që i ka patur me presidentin serb, Alleksandar Vuçiç, me të cilin ka diskutuar për çështjet rajonale.

Rama ka thënë se dialogu është i domosdoshëm për të zgjidhur problemet në Ballkan pasi do të jetë i vështirë një progres pa marrëdhënie të mira bileterale. Ai është shprehur optimist për takimin e Novi Sadit dhe konkretizimin e tij në Ohër. /ABC News Albania 24/7

vucic-dhurata.mp4_snapshot_00.35-1280x720.jpg
ent ela15:36 | 09/10/2019

Një fjalor shqip serbisht dhe serbisht –shqip ka qenë dhurata që gazetari Idro Seferi i ka bërë presidentit serb Aleksandër Vuçiç. Një dhuratë që kreu i shtetit serb e ka treguar dhe në profilin e tij në Instagram

Presidenti i Serbisë, Aleksandër Vuçiç, ka marrë një dhuratë nga gazetari, Idro Seferi, gjatë një interviste për televizionin Klan të presidentit serb. Vetë presidenti ka ndarë disa fotografi në rrjetet e tij sociale me fjalorin personal të gazetarit, të cilin e kishte blerë pas zhvendosjes në Beograd.

 “Ndoshta një pjesë do ta marrin si shaka, por kjo është një dhuratë e çmuar për mua dhe do të mësoj disa fjalë kur të kem kohë”, ka theksuar Vuçiç.

Në dedikimin në fjalor Seferi ka shkruar: “Ekselencës së Tij, presidentit Alleksandar Vucic, fjalori im personal për një mirëkuptim më të mirë në të ardhmen se sa në të shkuarën”.

Kjo dhuratë e fjalorit shqip serbisht dhe serbisht shqip, i është bërë nga gazetari Seferi pasi në disa prej konferencave të Vuçiç, presidenti serb kur ka lexuar në shqip një pjesë të dokumenteve ka pyetur gazetarin nëse shqiptimi i tij është në rregull.

Vuçiç, gjatë intervistës ka theksuar se është i rëndësishëm dialogu me Kosovën dhe se kërkon një zgjidhje, por nëse jo atëherë realiteti i marrëdhënieve është kështu siç është.

Vuçiç ka publikuar katër fotografi nga kjo intervistë që do të transmetohet në televizionin Klan dhe në ABC News. /abcnews.al

idroseferivucic-1280x800.jpg
Autor E09:59 | 05/10/2019

Presidenti i Serbisë Aleksandër Vuçiç takoi gjatë ditës së djeshme kandidatët e Listës Serbe në Beograd duke lexuar gjithashtu edhe një dokument të Komsionit Qendror të Zgjedhjeve në Kosovë.

Mes të tjerash, Vuçic lexoi shqip: “Lista e kandidatëve dhe subjekteve politike..”

 

Pasi përfundoi, Vuçiç iu drejtua gazetarit të “Abc News”, Idro Seferi duke e pyetur: Hë, a lexova mirë shqip?

Më pas Vuçiç vijoi në serbisht duke thënë: A po e sheh? Edhe unë mund të mësoj diçka ashtu siç edhe ti në serbisht, por nuk jam aq i talentuar sa Nenad Rashiç dhe Rada Trajkoviç”. /abcnews.al/

aleksander-vucic.jpg
G. P.22:08 | 17/09/2019

Tregtia e përfolur e armëve me Jemenin është kthyer në një debat politik në Serbi. Ndërsa presidenti Aleksandër Vuçiç ka mohuar përfshirjen, dyshimet kanë rënë mbi babain e Ministrit të Brendshëm. Ndërkohë, për analistët akuzat janë një farsë pasi bëhen nga vende që furnizojnë vetë me armë luftërat.

Serbia është akuzuar si tregtare me armë me të cilat luftohet në Jemen. Këtë gjë e ka mohuar Ministria e Mbrojtjes e Serbisë, e cila përmes një njoftimi ka thënë se kundërshtarët politik nxisin një akuzë të tillë pasi në të nuk ka të vërteta. Megjithatë, në një shkrim të publikuar në “Arms Watch”, me tregtinë me armë lidhet i ati i Ministrit të Brendshëm serb. Ish-shefi i shtabit të përgjithshëm, tani politikan i opozitës, Zdravko Ponosh, ka thënë se prapa kësaj qëndron vet Vuçiç, por presidenti e ka mohuar.

“Nuk e di çfarë të them për këtë pyetje? Nuk njoh asnjë tregtar me armë as nga Arabia Saudite apo ndonjë vend tjetër, pasi nuk jam marrë me këtë punë. Ndoshta opozita do të arsyetojë paratë që ka marrë nga ambasada e Katarit. Le të më thonë me kë kam tregtuar”, tha Vuçiç.

Por, si qëndron me të vërtetë puna? Analisti ushtarak, Alleksandër Radiç, thotë se Serbia shet armë, por këtu nuk ka një problem ligjor. Thotë se reagimi ndërkombëtar nuk ekziston pasi armë shesin edhe SHBA dhe Rusia. Sauditët, siç thotë Radiç, tolerohen.

“Autoritetet amerikane e dinë shumë mirë se ku shkojnë këto pajisje pasi blihen nga Serbia. Është e trishtë të tregohet me gisht në drejtim të Serbisë dhe të flitet se si Serbia shkel norma morale, pasi këtu nuk flasim për parime ligjore. Sauditët kur luftojnë në Jemen dhe qëllojnë ndaj civilëve lëvizin me makina amerikane Henvey, ku ndodhet armatimi rus. Kështu bëhet kjo luftë dhe amerikanët dhe rusët bëjnë garë për treg”, tha analisti.

Ekspertët thonë se për Serbinë është më shumë temë nëse në këtë aferë ka korrupsion dhe favorizime. Paradat e shpeshta ushtarake dhe testimet në Serbi nuk kanë munguar. Një pjesë e tyre janë edhe si ekspozita për vendet e treta./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono