i shumëkërkuari

65789444_2465255030427520_8556779497469247488_n.jpg
nev ila10:54 | 03/07/2019

Një 50-vjeçar është arrestuar në qytetin e Elbasanit pasi akuzohet nga Gjykata e Bergamos në Itali për ‘vrasje me paramendim’ të kryer 21 vite më parë.

I arrestuari është Sokol Taçe ose (V.D) banues në Elbasan. Operacioni për ndalimin e 50-vjeçarit ka qenë i mirë organizuar për shkak të rrezikshmërisë së lartë ku u angazhuan, Policia Kriminale dhe Interpol Tirana.

Njoftimi i Policisë:

Vijon puna për kapjen e personave të shpallur në kërkim ndërkombëtar.

Kapet dhe arrestohet përkohësisht një shtetas shqiptar me qëllim ekstradimi drejt Italisë.

Strukturat e Drejtorisë Vendore të Policisë Elbasan, në bashkëpunim me Drejtorinë Hetimore në Departamentin e Policisë Kriminale dhe Interpol Tirana, pas një pune të mirëorganizuar dhe profesionale, në bazë të informacioneve të marra, bënë kapjen dhe arrestimin e përkohëshëm me qëllim ekstradimin drejt Italisë të shtetasit shqiptar të shpallur në kërkim ndërkombëtar:

S. T., (alias V.D.,) 50 vjeç, lindur dhe banues në Elbasan.

Kapja dhe ndalimi i tij u bë pasi Gjykata e Bergamos në Itali, ka vendosur masën e sigurisë “Arrest në burg”, për veprën penale “Vrasja me paramendim”.

Rrethanat e ngjarjes:

Më datë 10.10.1998, në Osio Sotto/Beragamo, shtetasi S. T., (alias V. D.), në bashkëpunim me shtetasin P. D., kanë qëlluar me armë zjarri automatikë në drejtim të shtetasve F. K. dhe A. K., të cilët kanë humbur jetën.

Materialet hetimore i kaluan Prokurorisë pranë Gjykatës së Shkallës Parë Elbasan për veprime të mëtejshme”, shkruhet në komunikatën e policisë./abcnews.al

shkoder-2.jpg
ent ela10:30 | 29/05/2019

Pas 7 vitesh në arrati, një person i shumëkërkuar nga drejtësia u kap gjatë një operacioni policor në Shkodër.

42 vjeçari Lush Pjollaj u ndalua në një banesë në fshatin Vuksanaj të Dukagjinit. Ai ishte dënuar në vitin 2013 nga Gjykata e Shkodrës me 23 vjet burg për vrasjen e një personi.

Ngjarja kishte ndodhur në shtator 2012 në fshatin Vuksanaj, ku Pjollaj qëlloi për vdekje një 56 vjeçar për gjakmarrje.

Njoftimi i Policisë

Në vijim të punës për kapjen e personave të shpallur në kërkim, në bazë të informacioneve të marra në rrugë operative, falë edhe bashkëpunimit me komunitetin, Strukturat e Drejtorisë Vendore të Policisë Shkodër, organizuan dhe finalizuan me sukses operacionin policor të koduar “Dukagjini”.

Në kushte të vështira të terrenit dhe të motit, Policia ka bërë të mundur kapjen dhe ndalimin e shtetasit të shpallur në kërkim Lush Pjollaj 42 vjeç, i cili fshihej në një banesë në fshatin Vuksanaj të  Dukagjinit.

Ky shtetas është dënuar në vitin 2013 nga Gjykata e Rrethit Gjyqësor Shkodër me 23 vjet burgim për veprën penale “Vrasja me paramendim”, pasi me datën 12.09.2012 në lagjen Pjollaj të fshatit Vuksanaj, ka vrarë me armë zjarri shtetasin M. T. 56 vjeç për motive të gjakmarrjes.

Gjithashtu u kap dhe u ndalua shtetasi i shpallur në kërkim Edmond Beqari, 40 vjeç, banues në Shkodër, pasi wshtw i dwnuar nga Gjykata e Rrethit Gjyqësor Shkodër me 5 vjet e 6 gjashtë muaj burg për veprën penale ‘’Prodhimi dhe shitja e narkotikëve”.

Materialet iu referuan Prokurorisë së Rrethit Gjyqësor Shkodër për veprime të mëtejshme.  /abcnews.al

VETEDOREZOHET-BALILI-1280x720.jpg
ent ela18:20 | 15/01/2019

Klement Balili, i shpallur në kërkim nga Krimet e Rënda për trafik ndërkombëtar droge, i ka dhënë fund arratisë së tij mbi 2 vjeçare. Vetëdorëzimi i tij ka ardhur pas 3 muajsh negociata të titullarëve të policisë me familjen e tij. Ndërsa  Ministri i Brendshëm e komentoi ngjarjen si një operacion të suksesshëm policor.

Pas më shumë se dy vitesh, mëngjesi i së martës ishte i fundit kur Klement Balili është zgjuar në arrati. Në orën 8:45 ai mbylli këtë kapitull, duke u vetëdorëzuar për t’u vënë në dispozicon të drejtësisë.

Dorëzimi i Balilit, të lakuarit mediatikisht si “Eskobari i  Ballkanit” dhe personi më i kërkuar në Shqipëri, u konfirmua në orët e paradites. Sipas burimeve, pas tre muajsh negociata mes familjarëve të tij dhe titullarëve të Policisë së Shtetit, Balili pranoi të dorëzohej. Kontakti i tij i parë me njerëzit e shtetit ka qenë në zonën mes Finiqit dhe Delvinës, ku ishte i pranishëm edhe Drejtori i Përgjitshëm i Policisë, Ardi Veliu. Përmes një eskorte të përbërë nga dy automjete civile Balili ka udhëtuar drejt kryeqytetit. Fillimisht ai është shoqëruar drejt Komisariatin e Policisë nr.6 ku është bërë ekzekutimi i urdhër-arrestit dhënë në mungesë për të dhe mandej është dërguar në Drejtorinë e Policisë Tiranë.

Në një dalje per mediat në mesditë, ministri i Brendshëm, Sandër Lleshaj tha se biznesmeni i akuzuar për trafik ndërkombëtar të drogës nuk përballoi dot presionin dhe ngushtimin e hapësirës së tij të veprimit.

“Policia Shqiptare ka finalizuar një operacion të gjatë dhe të ndërlikuar për dorëzimin e Klement Balilit pas një procesi operativo gjurmues në bashkëpunim me shërbimin sekret shqiptar dhe partnerët tanë. Nga sot drejtësia shqiptare merr sot njërin prej personave më të kërkuar në Shqipëri dhe përtej saj”.

Sipas Lleshajt kapja e Balilit tregon se Policia ndodhet tashmë në një tjetër nivel.

“Arrestimi i sotëm është një mesazh shumë domethënës për drejtësinë dhe një provë e qartë që policia është në një nivel të ri gatishmërie për t’u përballur në emër të ligjit e të njerëzve të zakonshëm të këtij vendi”.

Vetëdorëzimi i Klement Balilit vjen në një moment ku hetimet e nisura ndaj tij në Prokurorinë për Krimet e Rënda janë drejt fundit. Pak ditë më parë në duart e prokurorit të cështjes kanë mbërritur përmes letërporosie edhe disa akte shtesë nga dosja penale e autoriteteve greke. Këto akte i janë shtuar gati 1300 faqeve të mbërritura në dhjetor të vitit 2016, mes të cilave ndodhen edhe dhjetra biseda të përgjuara. /abcnews.al

 

vlcsnap-error380-1280x720.jpg
ent ela09:20 | 17/01/2018

Një person shumë i kërkuar u kap në Elbasan pas një operacioni gjatë natës. Ai është Artur Llupa 49 vjeç, por që kishte dhe dy emra të tjerë, Luan Tabaku dhe Rovert Cani. Ky person përmes identiteteve të ndryshme jetonte pa probleme në lagjen 5 Maji në Elbasan dhe pse ishte në kërkim ndërkombëtar. Ai i ndalua me qëllim ekstradimi drejt Italisë, pasi autoritetet Gjyqësore në Torino, Itali e kanë dënuar me 6 vjet e 6 muaj burgim, për kryerjen e veprave penale të “Shfrytëzim Prostitucioni”, “Plagosje” dhe “Mbajtja pa leje e armëve të zjarrit”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono