i gatshem

Zaev-i-Mickoski-1-1280x720.jpg
nev ila16:20 | 30/09/2019

Kryeministri i Maqedonisë së Veriut Zoran Zaev është shprehur i gatshëm për tu ulur sërish në tryezën e bisedimeve me opozitën për të vendosur rreth prokurorisë speciale publike.

Saktë para një muaji filloi seanca e Komisionit për çështje evropiane, ku në rend të ditës ishte edhe Ligji për Prokurorinë Publike, e deri më sot assesi të përfundojë.

Për shkak se ligji është me flamur evropian dhe duhet të kalojë me procedurë të shpejt, debati është i kufizuar në vetëm dy ditë pune. Në ditën e parë partitë u dakorduan për 10 amendamente, e deri më sot, nuk është arritur marrëveshje për 41 amendamentet tjera.

Seanca për Ligjin për Prokurori është e hapur dhe pret raportin nga Komisioni.

Unë nuk mundem ta vazhdoj atë pikë pa raport të komisionit. Por përsëris, ato janë taktika të partive politike”, tha kryetari i kuvendit Talat Xhaferi.

Kryeministri, Zoran Zaev, u bëri thirrje grupeve të punës që të mundohen të gjejnë gjuhë të përbashkët, e sa i përket takimit të liderëve, ai është i gatshëm që sërish të ulet me Mickoskin.

“Unë jam i gatshëm që të ulemi sërish në takim liderësh. Edhe një herë e theksoj se shtetet anëtare e konfirmojnë se është mirë që garantohet ardhmëria e lëndëve, ajo është shumë e rëndësishme, e me këtë garantohet edhe ardhmëria e vet institucionit, prokurorët vazhdojnë ti udhëheqin këto lëndë. Është e rëndësishme që të sillet ligji me konsensus, mes të gjitha partive që të mundemi edhe më shumë ta garantojmë ardhmërinë e këtyre lëndëve”, deklaroi kryeministri Zoran Zaev.

Edhe pse për ligjin e ri partitë nuk po merren vesh, nëpërmjet ligjit të vjetër për Prokurorinë, u sigurua ardhmëria e lëndëve të hapura nga Prokuroria Speciale. Lëndët i mori prokuroria e rregullt, e më pas sërish ia u shpërndau prokurorëve të njëjtë që kanë qenë në atë speciale./ABC News Albania 24/7

thumbnail_31.07.2019.2-600x360.jpg
nev ila16:30 | 31/07/2019

Pas dorëheqjes së Ramush Haradinajt nga posti i Kryeministrit, Presidenti i Kosovës, Hashim Thaçi është shprehur i gatshëm të shpallë zgjedhjet e jashtëzakonshme.  Ai u takua me kryetaren e Komisionit Qendror të Zgjedhjeve Valdete Dakën.

Ende asnjë lëvizje nga partitë politike e as nga krerët e institucioneve rreth situatës së krijuar pas dorëheqjes së Ramush Haradinajt nga posti i kryeministrit.

I vetmi takim që është mbajtur sot është ai i kryetares së KQZ-së, Valdete Daka, me presidenti Hashim Thaçi.

Të dy diskutuan për afatet kushtetuese për mbajtjen evententuale të  zgjedhjeve të jashtëzakonshme dhe buxhetin.

“U diskutua për afatet kushtetuese në qoftë se mbahen zgjedhjet. Ato janë çështje që diskutohen pasi të shpallen zgjedhjet. Nëse shpallen KQZ-ja kërkon mjetet e nevojshme nga qeveria dhe vendoset për buxhet sepse ky muaj ka qenë vit zgjedhor dhe nuk e kemi pas buxhetin e nevojshëm”, u shpreh Daka.

Daka tha se nuk është folur për datën e zgjedhjeve, ndërsa pas dorëheqjes së Haradinajt të gjitha partitë janë deklaruar pro mbajtjes së zgjedhjeve të jashtëzakonshme e kundër një qeverie teknike./ABC News Albania 24/7

trump-irani-1280x914.jpg
nev ila22:18 | 24/06/2019

Autoritetet iraniane deklaruan të hënën se sulmi kibernetik i kryer nga administrata amerikane dështoi. Por ndërkohë, Teherani zyrtar është shprehur i hapur për bisedime, nëse Shtetet e Bashkuara zbusin linjën e tyre të ashpër.

Qeveria iraniane deklaroi të hënën se sulmet kibernetike amerikane ndaj strukturës së saj ushtarake kanë dështuar. Por, ndryshe nga më parë këtë herë Teherani zyrtar dha sinjale se mund të jetë i gatshëm për të biseduar me Uashingtonin, nëse Shtetet e Bashkuara zbusin sanksionet dhe ofrojnë shanse të reja.

Armiqësia e gjatë mes dy vendeve kulmoi së fundmi, kur administrata amerikane përgatiti një sulm ushtarak ndaj disa objektivave në Iran, por që u anulua në minutat e fundit nga presidenti Donald Trump.

Mediat amerikane raportuan më herët se sulmet kibernetike, që ishin planifikuar prej kohësh, kishin çaktivizuar sistemet raketahedhëse të Iranit, por për zyrtarët iranianë, një gjë e tillë nuk ka ndodhur.

“Ata u përpoqën shumë, por nuk ia arritën”, deklaroi në Twitter ministri iranian i Informacionit, Xhavad Azari Xharomi.

Ai tha se prej kohësh Irani është objekt i sulmeve kibernetike dhe se vetëm vitin e kaluar kishte neutralizuar 33 agresione të tilla. Aleatët e Shteteve të Bashkuara ndërkohë kanë bërë thirrje për uljen e tensioneve, për shkak se gabimi më i vogël që mund të bëhet nga secila palë mund të çojë në luftë.

Ndërkohë, sekretari amerikan i Shtetit, Majk Pompeo ka udhëtuar drejt Lindjes së Mesme për të diskutuar mbi Iranin me aleatët e Arabisë Saudite dhe Emiratet e Bashkuara Arabe, që mbështesin linjën e ashpër ndaj Republikës Islamike./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono