i dyte

ekonomia-gjermane-1280x720.jpg
nev ila16:30 | 14/08/2019

Ekonomia gjermane ka përjetuar një tkurrje në tremujorin e dytë të vitit. Ekspertët kanë dhënë alarmin se, rënia ekonomike e verifikuar për periudhën prill-qershor do të ketë pasoja për tremujorin pasardhës dhe sidomos për tregun e punës.

Ekonomia gjermane u tkurr gjatë periudhës prill-qershor të këtij viti. Një rënie e ndjeshme e eksporteve ndëshkoi rritjen ekonomike, që vjen në një kohë kur institucionet i druhen një rënieje në rang global.

Konkretisht, Prodhimi i Brendshëm Bruto ra me 0.1 për qind krahasuar me tremujorin e mëparshëm, ka bërë të ditur Zyra Federale e Statistikave.

Këto ndryshime e çojnë kuotën e rritjes vjetore në 0.4 për qind. Gjermania, ekonomia më e madhe e Europës, për pak i shpëtoi reçesionit vitin e kaluar. Ndërkohë, sinjalet paraprake për tremujorin e tretë duken ogurzeza, ka deklaruar Endriu Keningam, shef për seksionin e Europës në grupin Kapital Ekonomiks.

Sipas tij, të dhënat mbi biznesin e manifakturës për muajin korrik, që sapo kaloi, ishin po ashtu të zymta.

“Dhe ndërsa sektori i shërbimeve do të vazhdojë të mbahet më mirë, ka tregues që sugjerojnë se rënia ekonomike po prek tregun e punës”, ka deklaruar Keningam.

Ndërsa shifrat në tërësi kanë qenë negative, shpenzimet familjiare dhe ato qeveritare janë rritur bashkë me investimet jashtë sektorit të ndërtimit.

Vetë ndërtimi pësoi një rënie pas një tremujori të parë pozitiv për shkak të motit të butë.

Ndërkohë, lufta tregtare SHBA-Kinë dhe dalja e Britanisë nga BE-ja, sidomos në rast se bëhet pa një marrëveshje, janë faktorë që prekin besimin tek ekonomia globale./ABC News Albania 24/7

bill-de-blasio-e1510110512879.jpg
us er10:36 | 08/11/2017

Demokrati Bill De Blasio ka marrë mandatin e tij të dytë si kryebashkiak i Nju Jorkut duke e cilësuar fitoren e tij si një mesazh të qartë për Shtëpinë e Bardhë. De blasio fitoi me 66 për qind të votave.

Një fitore e paralajmëruar për Bill de Blasio i cili u rizgjodh kryebashkiak i Nju Jork për mandatin e tij të dytë duke mundur kanditaten republikane Nicole Malliotakis dhe kandidatë të tjerë të partive të treta. Një fitore që pritej por që merr një vlerë më shumë në planin kombëtar për frontin demokerat si dhe për sfidën me Donald Tramp në 2020-ën.

Në fjalimin e tij të fitores De blasio komentoi mandatin e dytë si një mesazh të qartë për shtëpinë e bardhë dhe për faktin se amerikanë nuk i kthejnë shpinën vlerave. Kryebashkiaku i Nju Jorkut që e përqendroi fushatën e tij elektorale tek mbrojtja e njujorkezëve mori 66,1% të votave kundrejt 28,1% të rivales republikane Nicole Malliotakis. Mes duartrokitjeve të mbështetësve të tij në Brooklyn Museum, De Blasio, 56 vjecari italo-amerikan shtoi se do të mbronte sistemin shëndetësor dhe emigrantët.

Zgjedhjet e fundit shënuan fitore dhe për demokratë të tjerë si ajo e Ralph Northamm i cili do të jetë guvernatori i Virginia, pasi mundi republikanin Ed Gillespie në atë që u konsiderua si një test elektoral një vit pas fitores së Donald Trump në zgjedhjet presidenciale./abc news

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono