i denuar makine

elbasan-arma.jpg
G. P.10:33 | 17/05/2018

Forcat speciale të Elbasanit të ndihmuara dhe nga ato të Fierit gjatë natës kanë arrestuar autorin e një sulmi të mëparshëm ndaj policisë. Ai është Kelmend Xhaferri dhe njihet si pjesëtar i një bande që vepron në këtë qytet.

36-vjeçari ishte në arrest shtëpie me një vendim të Gjykatës së Krimeve të Rënda për sulmin ndaj policisë në Shtator, por kishte dalë nga shtëpia natën e kaluar me makinën e tij. Me vete iu gjet një pistoletë dhe 15 fishekë.

“Në momentin që është ndaluar nga shërbimet e policisë ka hedhur armën e zjarrit në tokë dhe ka tentuar të largohet por s’ka mundur dot pasi është arrestuar në flagrancë”, thuhet në njoftimin e policisë.

Kelmend Xhaferri ishte një nga personat që goditi policinë me Audin e blinduar në tregun agro-ushqimor të qytetit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono