Hysen Dedja

ANALIZA-E-SUPERLIGES-HYSEN-DEDJA-ABC-M4-T1.mpg_snapshot_00.51-1280x720.jpg
G. P.17:18 | 10/12/2018

Superliga ka probleme të shumta, por ndeshje si Teuta-Partizani mund të kthejnë tifozët në stadiume. Trajneri i njohur, Hysen Dedja, bën analizën e kampionatit, në intervistën për ABC News-in.

Në ndonjë moment, të jep edhe shpresë. Sezoni i ri i Superligës nuk është se po i lumturon tifozët, por gjithsesi, ndeshje të veçanta, mund të lavdërohen me zë të lartë. E tillë, Teuta-Partizani në Durrës, dhe pikërisht këtë veçon edhe trajneri me përvojë, Hysen Dedja, në analizën e tij të javës në kampionat. Dedja uron që shkallët e stadiumeve të mos mbeten më bosh.

Hysen Dedja, trajner futbolli: “Mendoj që takimi i Teutës me Partizanin i afroi sportdashësit, sidomos në Durrës që është shumë e vështirë të afrohen. Rritja e skuadrës këtë vit edhe me rezultat edhe me lojëra ka bërë që sportdashësit, mendoj që janë afruar, por të mos largohen.”

Në Durrës u luajt ndeshje pretendentësh, që Dedja i quan ekipet me lojën më të mirë në Superligë. Partizani duket se po shkon drejt titullit.

“Nuk është asgjë e sigurtë. Pavarësisht se shënjat Partizani deri në këto momente i ka që me të vërtetë është një pretendent serioz për fronin, por ka ndeshje shumë. Kampionati është mjaft i vështirë dhe suadrat që janë për mbijetesë, janë skuadra që dinë të luajnë futboll. Janë skuadra që në fushat e tyre është shumë e vështirë me marrë pikë.”

Gjithsesi, duket se ka një problem që po bëhet i frikshëm, ai i pagesave dhe i detyrimeve ndaj shtetit.

“Çdo fushë që është në futboll determinante është pagesa. Nëse nuk je korrekt me pagesat ajo skuadër nuk ka për të pasur ecurinë e saj normale. Unë që kur e lexova në fillime shtator-tetor që tek Luftëtari ka probleme me financat atëhere mendova që kjo skuadër do të ketë probleme dhe ashtu po më del. Po patën dhe skuadrat e tjera këto probleme është shumë e vështirë të ketë rezultat, cilësi, objektiv.”

Skënderbeu po paraqet dy pamje, i fortë kur luan me Partizanin, por shumë më i dobët ndaj Laçit, Teutës apo Kukësit.

“Demotivimin e tyre do të thosha për problemet që kanë me UEFA-n dhë CAS-in. Nuk kanë atë motivimin e 5-6 viteve të fundit. Atë që e kanë ndjekur nga afër më thanë që u dukte një tolerim.”/abcnews.al

trajneret.png
G. P.14:22 | 31/10/2018

Superliga shqiptare është në krizë të plotë për trajnerë. Plot pesë teknikë janë shkarkuar në 10 javë, ku i fundit ishte Artan Mergjyshi i Laçit.

Gjysma e tyre nuk mbijetoi as çerekun e rrugës. Plot pesë trajnerë, ndër 10 ekipe të Superligës shqiptare, nuk janë më në detyrë, ndërsa janë luajtur vetëm 10 nga 36 javë. I fundit, Artan Mergjyshi, i larguar nga Laçi. Tekniku kryeqytetas vuajti jo vetëm prej dy humbjeve radhazi, por edhe prej përplasjeve me presidentin Laska, të cilat e bënë “divorcin” të pashmangshëm.

Mëkat, pasi me teknikun tiranas, Laçi ishte për 8 javë pranë kreut të renditjes, duke mos pësuar asnjë humbje, madje edhe tani nuk është aspak larg. Vetë Mergjyshi nuk deshi të komentonte për mënyrën sesi u largua, por burime në skuadër bëjnë me dijë se pati acarim dhe nerva në analizë. I pari iku Bledar Devolli nga Kamza, pastaj Millosh Kostiç nga Luftëtari.

Vazhdoi me ndarjen e brazilianit Ze Maria me Tiranën dhe me Elvis Plorin të dorëhequr nga Kastrioti, për të përfunduar për momentin me Mergjyshin. Trajneri i njohur, Ernest Gjoka, vlerësoi kështu pak kohë më parë për ABC News.

“Në qoftë se ti nuk ke pas besim te një trajner që në krye të herës pse e merr dhe e heq  në javën e tretë. Ti e merr dhe ndërto një skuadër të mirë dhe pastaj nuk ke besim te trajneri. Një president me vizion duhet të kuptojë që duhet të marrë një trajner dhe ky trajner të ketë gjithë stafin e tij dhe ky është një problem tjetër i futbollit shqiptar sepse shumë ekipe nuk e kanë stafin e tij, por kanë gjetur një staf me mik”, tha Gjoka.

Specialisti tjetër Hysen Dedja, shton në këtë listë edhe Hasan Likën e larguar nga Luftëtari, në fund të sezonit të kaluar. Me 5 trajnerë të larguar në 10 javë, Superliga vazhdon një traditë, dhe pritet që edhe të tjerë të shkarkohen apo të ikin deri në fund të kampionatit./abcnews.al

SUPERLIGA-PAS-SKENDERBEU-TIRANA.mpg_snapshot_00.33-1280x720.jpg
G. P.19:37 | 23/09/2018

Superliga shqiptare është ende larg nivelit të sezonit të kaluar. Skënderbeu i vjetshëm kampion nuk ekziston më, ndërsa ekipet e tjerë kërkojnë kohë për t’u forcuar.

Mos prisni të shihni këtë nivel. Do të duhet shumë kohë për ta arritur, madje edhe kjo varet nga një vendim në Zvicër, që nuk është në vullnetin e klubeve shqiptarë. Skënderbeu i madh i së kaluarës ndoshta do të mbetet një kujtim, ndërsa ai që po luan këtë sezon, thjesht po përpiqet të mos jetë karrikatura e tij.

Kjo, jo për faj të trajnerit Orges Shehi, një rishtar në rol, as të disa prej titullarëve të mbetur, por për shkak se kampionët e shumtë që ishin deri vjet me ish-trajnerin Daja, tashmë janë larguar. Nga ky Skënderbe mund të priten kulme si ai i Vlorës, ku fitoi me autoritet të madh ndaj Flamurtarit, apo rrëshqitje siç ndodhi më parë me Laçin e pastaj me Tiranën, të dy herët në Korçë. Trajneri është i shqetësuar.

Orges Shehi, trajner i Skënderbeut: “Ndjemë shumë presion sepse pas asaj fitoreje që patëm në transfertë u kërkonte me doemos fitorja. Nuk e kuptoj pse u kërkonte me aq doemos kur gjatë gjithë javës kemi punuar të qetë. Nuk janë mënyra të lojës këto.”

Kur ai ekip që quhet “lokomotiva”, nuk arrin të tërheqë, çfarë mund të thuhet për të tjerët? A mund të pritet më shumë nga Tirana që, edhe pse 24 herë kampione, kohët e arta i ka larg dhe vjet luajti në Kategorinë e Parë. Se çfarë mentaliteti kanë sot kryeqytetasit, e thotë saktë trajneri Ze Maria.

Ze Maria, trajner i Tiranës: “Ne humbëm dy pikë në këtë ndeshje për shkak se patëm frikë. Në pjesën e dytë, sidomos, ne nuk luajtëm futboll, dhe u përdorëm vetëm topat e gjatë, jo sipas filozofisë sonë, me pasime të shkurtëra dhe veprime të shpejta. Ne humbëm dy pikë për shkak të gabimeve tona”.

Pak ditë më parë, trajneri i njohur shqiptar, Hysen Dedja, dha këtë gjykim për Superligën.

Hysen Dedja, trajner futbolli: “Nuk ka një nivel lojë të mirë që dhe kemi problem dhe do ta kemi problem, e kemi parë dhe vitet e fundit përafrimin e spektatorit në stadium.”

Shpresa mbetet tek ekipe si Kukësi apo Partizani, që duket se kanë më shumë stol, por edhe për ta duhet pritur, siç pohon trajneri i të kuqve, Gega.

Skënder Gega, trajner i Partizanit: “Besoj se Partizani po konsolidohet, qoftë në logjikë qoftë në koncept, qoftë në njohje me njëri-tjetrin. Është vetëm java e katërt, shumë njerëz thonë që nga java e shtatë duhet të shihen ekipet.”/abcnews.al

hysen-dedja.jpg
G. P.15:53 | 19/09/2018

Superliga është larg nivelit që duhej të ishte pas katër javëve të para. Ky është gjykimi i trajnerit të njohur, Hysen Dedja, që gjithsesi veçon Skënderbeun.

Futbolli i sezonit të ri nuk e ka kënaqur.

Pas katër javësh Superligë, gjykimi i njërit prej trajnerëve më të njohur shqiptarë është përgjithësisht negativ për nivelin e kampionatit.

Hysen Dedja, ish-teknik i Vllaznisë, Teutës dhe i shumë ekipeve të tjerë, nuk kursen askënd.

“Nuk ka një nivel loje të mirë që bëjnë dhe që do ta kemi problem më duket. E kemi pas këto vitet e fundit për afrimin e spektatorit në stadium. Po të marrësh ndeshjen e fundit mes Flamurtarit dhe Skënderbeut ishte një ndeshje e dobët e të dyja skuadrave, pasime shumë gabim, rreshtime gabim, gabime amatoreske të lojtarëve dhe janë dy skuadra që pretendojnë për fronin e kampionatit”, tha Dedja.

Gjithsesi, veçon kampionët.

Përse Skënderbeu vazhdon të ketë sukses?

“Ajo anë profesionale që ka pasur Skënderbeu ka ngelur dhe ka disa lojtarë që kanë qenë te skuadra si Lulaj, Teqja, Krasniqi, sot janë dhe bëjnë dallim me atë mentalitet që ka qenë. Skënderbeu ka bërë një punë jashtëzakonisht të mirë. Kanë afruar portierin që vite me radhë i përfaqësoi”, u shpreh Dedja.

Flamurtari zhgënjeu këtë herë.

Si e sheh Dedja ekipin vlonjat në pretendimet për titull?

“Ka disa vjet, që me Gjikën dhe tashmë me Idrizin që organizohet, paguan shumë lekë për organizimin e skuadrës dhe nuk arrin të marrin kampionatin. Ka një rritje të vogël në krahasim me kampionatin e vjetshmë, por që t’i thuash që është pretendent për kampionatin është shumë shpejt”, tha trajneri.

Pak javë mjaftuan për të shkarkuar një trajner shqiptar, ndërsa trajnerët e huaj, edhe kur janë pa rezultate mbeten.

Rasti tipik, Kostiç tek Luftëtari.

“Është shumë e habitshme se si ka ardhur ai trajner. Që nga largimi i Likës . Një ekip që kishte vite e vite dhe asnjëherë nuk ishte përfaqësuar në Kupat e Europës. Këto janë enigma shumë të mëdha dhe që kanë kapur ekipet tona. Populli e si mirë, njerëzit e ndershëm e dinë mirë se si ka ardhur, vetëm Tavo e di se si mund të rrijë ai aty”, u shpreh Dedja.

dedja.jpg
G. P.15:43 | 14/05/2018

Vllaznia duhet ta kërkojë fajin tek vetja për rënien e mundshme nga Superliga. Ish-trajneri i saj, Hysen Dedja, bën një analizë të skuadrës shkodrane dhe ka akuza për drejtuesit.

E ndan vetëm një fije nga fatkeqësia e madhe.

Kaq e rëndë duket mundësia e rënies së Vllaznisë nga Superliga, saqë kjo nuk arrin të besohet nga ata shkodranë që dhanë gjithçka për fanelën e saj.

I tillë Hysen Dedja, ish-futbollist kampion dhe ish-trajner kampion me skuadrën e qytetit të tij të lindjes.

Hysen Dedja: “Duhet ta them edhe në këto momente nuk arrij ta besoj. Ngaqë është ajo pjesa e matematikës, janë edhe 6 pikë dhe shpresoj përsëri që Vllaznia nuk do të bjerë një kategori më poshtë”.

Dedja thotë se gjendja e sotme nuk është rastësi dhe thekson diçka që e shqetëson në veçanti.

Hysen Dedja: “Nuk është problemi që ishte këtë kampionat. Vllaznia ka 7-8 vite që lundron në këto ujëra. Pra në këtë qytet po ndryshohet pskologjia. Kanë 7-8 vjet që nuk kanë reaguar. Vllaznia është larguar nga trofetë. Pse është ndryshuar ky mentalitet”?

Sipas Dedjes, kush janë fajtorët për gjendjen e skuadrës shkodrane?

Hysen Dedja: “Dihet ajo. Ata që drejtojnë. Duke filluar  nga kryetarja e bashkisë, e të gjithë me radhë. Administratori që ka përgjegjësi, stafi teknik ka përgjegjësi, të gjithë, që te përzgjedhja e lojtarëve, lojtarët. Unë do thosha që këto 7 vjet, të gjithë duhet të largohen vetë nga futbolli”.

Specialisti shkodran ka një akuzë edhe për trajnerin tashmë të dorëhequr, Ernest Gjoka.

Hysen Dedja: “Unë e kam dëgjuar në një intervistë të trajnerit, “kam shkuar të Vllaznia për ta shpëtuar nga kategoria”. Çfarë është kjo psikologji? Te Vllaznia nuk shkohet për ta shpëtuar nga kategori, por për ta çuar më lart. Shkodra ka njerëz sa të duash, që dinë vlerat e qyteti dhe psikologjinë e skuadrës, pa i hequr vlerat Gjokës. ”

Njeriu i stolit nuk dëshiron të merret me çështjet e aleancave që mund t’i kenë prishur punë Vllaznisë.

Dedja gjithsesi thotë se mbetet me shpresë që Vllaznia të fitojë ndeshjet e veta, ndërsa Kamza të gabojë në takimet e vështira me Laçin dhe Partizanin, dhe shkodranët të mbeten në elitë./abcnews.al

vlcsnap-error058-1280x720.jpg
us er11:27 | 10/12/2017

Mladen Milinkoviç mbetet sërish trajner i Kukësit edhe pas humbjes me Lushnjen. Presidenti Gjici nuk pranoi dorëheqjen dhe i dha edhe një shans në krye të skuadrës.

Me siguri ishte humbja më e hidhur në karrierë.
Mladen Milinkoviç nuk e donte veten gjatë ndeshjes ndaj Lushnjes në “Zeqir Ymeri” dhe katastrofa e Kukësit të tij me shifrat 1-3 e bëri që ta kishte të lehtë vendimin që duhej të merrte.

Milinkoviç: “Është turp, një turp i madh, duke filluar nga ne, nga stafi teknik e duke përfunduar tek lojtarët. Kur pëson një humbje të tillë turpëruese edhe unë s’gjej fjalë si të shprehem. Unë e kam marrë vendimin tim, por do t’ia them më parë presidentit, pastaj do ta bëj publik”.

Milinkoviç u takua me presidentin Gjici dhe besohet se i paraqiti dorëheqjen, edhe pse numi 1 i klubit i dha edhe një shans.
Në të kundërt, fitorja e bëri me krahë trajnerin e Lushnjes, Hysen Dedjen.
Shkodrani u shpreh i bindur sesi do të jetë e ardhmja.

Dedja: “Mendoj se kjo na ndihmon shumë, përveç 3 pikëshit na ndihmon shumë dhe në anën psikologjike të këtyre djmeve. Se nuk jemi në, të marr shembullin, të më falin, si ekipi i vjetshëm i Peshkopisë që u dorëzua që në fillim. Ne do të luftojmë deri në fund. Mendoj që me këtë grup lojtarësh, me këtë skuadër kështu si stërviten ne do të shpëtojmë”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono