humbja

KUKESI-ZHGENJEN-DEBRECEN-ABCM3T1.mpg_snapshot_00.01-1280x720.jpg
ent ela11:45 | 12/07/2019

Skuadra e Kukësit është mundur me rezultatin 3-0 përballë Debrecen në ndeshjen e parë kualifikuese të Europa League. Shanset e veri-lindoreve për kualifikim janë shumë të pakta

Kukësi zhgënjen në ndeshjen e parë kualifikuese të Europa League. Verilindorët u mposhtën me shifrat 3-0 në transfertën hungareze të Debrecen. Një rezultat që nuk i jep shumë shanse skuadrës së teknikut Ernest Gjoka për kualifikim. Në pjesën e parë të dyja skuadrat krijuan raste shënimi dhe loja ishte e hapur. Valdet Rama tentoi nga distanca, por gardiani i Debrecen reagon mjaft mirë.

Ne fraksionin e dytë të lojes dominues ishin vendasit. I sapofuturi në lojë Garba realizoi pas një rrëmuje në zonën e Kukësit.

Reagojnë nënkampionet e Shqipërisë por pa rezultat.

Debrecen shënon edhe golin e dytë me Varga i cili asistohet nga Trujiç dhe realizon me portën e boshatisur. Një vendosje e gabuar e prapavijës së Kukësit që ndëshkohen për të dytën herë në këtë ndeshje.

Është i njëjti autor që vendos fatet e këtij takimi. Mesfushori me tipare sulmuese godet nga jashtë zone dhe përfiton nga një devijim i gabuar i Frasherit. Debrecen 3 Kukësi 0. Veri lindorët do të tentojnë kualifikimin në ndeshjen e kthimit, por shanset janë shumë të pakta. /ABC News Albania 24/7

b16b8fe4-0399-4976-b560-d8f4b16fbb42-1280x853.jpg
nev ila22:18 | 27/06/2019

Pas humbjes së Stambollit në zgjedhjet lokale të Turqisë, dy ish-themelues të partisë së presidentit Erdoan kanë vendosur të shkëputen nga Partia për Drejtësi dhe Zhvillim dhe krijimin e një subjekt të ri politik, që do të rivalizojë kreun e shtetit. Lëvizja përbën një goditje për pozitat e Erdoan.

Dy figura të hershme të partisë së presidentit Recep Taip Erdoan, në Turqi, po planifikojnë krijimin e një grupi të ri politik. Lajmin e kanë bërë të ditur burime në dijeni të lëvizjeve politike turke, të cituara nga agjencia e lajmeve “Reuters”.

Sipas burimeve, bëhet fjalë për një lëvizje që ka gjasa të gërryejë mbështetjen për liderin turk, pas goditjes së marrë në zgjedhjet lokale me humbjen e Stambollit. Pas planit për shkëputje janë ish-zëvendës kryeministri Ali Babaçan dhe ish-presidenti Abdullah Gyl, të dy bashkëthemelues të partisë së Erdoan për Drejtësi dhe Zhvillim.

Zgjedhjet e së dielës shënuan humbjen e dytë të Erdoan, që përmes përsëritjes së tyre synonte të ruante kontrollin mbi qytetin më të madh të Turqisë. Gjithashtu, humbja inkurajoi kritikët e presidentit brenda partisë së tij, që prej kohësh kanë projektuar krijimin e subjekteve rivale për shkak të pakënaqësisë ndaj pushtetit të rritur të Erdoan.

Me reçesionin ekonomik, papunësinë dhe inflacionin e lartë që kanë dëmtuar qytetarët turq dhe kanë tkurrur mbështetjen për partinë për Drejtësi dhe Zhvillim, krijimi i një lëvizjeje të re politike përbën pa dyshim një goditje të rëndë për subjektin politik në fjalë, që aktualisht mbështetet tek aleanca me nacionalistët për të ruajtur mazhorancën në Parlament.

Burimet e cituara nga agjencia “Reuters” kanë deklaruar se Babaçan dhe Gyl ka gjasa ta formojnë partinë e re në vjeshtë dhe do të synojnë rikthimin e politikave të viteve të para të partisë së Erdoan, që asokohe promovoi një islam të moderuar me prirje perëndimore, si dhe promovoi tregun e lirë, gjë që i ofroi mbështetjen popullore afatgjatë./ABC News Albania 24/7

Erdogan-election-1280x850.jpg
ent ela22:15 | 23/06/2019

Presidenti turk Erdoğan, ka uruar kandidatin opozitës për kryebashkiak, Ekrem İmamoğlu, i cili sipas rezultateve jozyrtare ka fituar zgjedhjet lokale të përsëritura në Stamboll.

“Shpresoj që rezultatet e zgjedhjeve të përsëritura për kryebashkiak të Stambollit të jenë në të mirë të Stambollit”, ka shkruar Erdoğan në rrjetin social Twitter.

“Si më parë, edhe në të ardhmen nuk do të heqim dorë nga demokracia, sundimi i të drejtës, si dhe nga paqja, mirëqenia dhe stabiliteti i vendit tonë, ndërsa në kuadër të parimeve të Aleancës Popullore, së bashku ne do të hapërojmë drejt qëllimeve tona në vitin 2023”, deklaroi Erdoğan.

Sipas rezultateve jozyrtare, nga 99,37 për qind e kutive të hapura, İmamoğlu i opozitës kryeson me 54,03 për qind të votave, ndërsa kandidati i Partisë për Drejtësi dhe Zhvillim, Binali Yıldırım, ka grumbulluar 45,04 për qind.

İmamoğlu dhe Yıldırım garuan në zgjedhjet lokale të përsëritura për të drejtuar qytetin më të populluar turk, pasi votimi i mëparshëm i 31 marsit u anulua nga Këshilli i Lartë Zgjedhor muajin e kaluar. /ABC news Albania 24/7

 

 

 

KOMBETARJA-IZOLOHET-NE-DURRES.mpg_snapshot_00.06-1280x720.jpg
ent ela19:05 | 09/06/2019

Kombëtarja shqiptare ka nisur punën në Durrës, për ndeshjen e dytë eleminatore të Europianit, atë ndaj Moldavisë. Trajneri Reja përpiqet të mbajë lart moralin pas humbjes me Islandën.

U kthyem duarbosh, por kemi edhe një ndeshje tjetër.

Kombëtarja shqiptare ndoshta mund të mos jetë me moralin më të lartë pas humbjes në Islandë, veçse të martën duhet të jetë gati për Moldavinë.

Trajneri Edi Reja është kujdesur që skuadra të jetë tërësisht e izoluar në kompleksin “Tropikal” në Durrës, edhe pse është periudhë pushimesh, ndërsa në seancën stërvitore pranon kamerat, si gjithnjë, vetëm 15 minuta.

Italiani është përpjekur gjatë gjithë kohës të nxisë lojtarët, duke theksuar se prova në Islandë ishte pozitive, pavarësisht humbjes, pra një bazë e mirë për vazhdimin.

Trajneri lavdëroi karakterin e treguar nga lojtarët e tij, që nuk u tronditën pas pësimit të golit, por luajtën fort deri në fund.

Për fat në skuadër kthehet kapiteni Mavraj, i cili përfundoi pezullimin prej 3 ndeshjesh, dhe ky do të jetë një plus I madh për repartin e mbrojtjes, që tregoi dobësi në Rejkjavik, sidomos në pësimin e golit.

Ende nuk dihet se cila mund të jetë skema e Rejës për ndeshjen eleminatore të Europianit, të martën ndaj Moldavisë në “Elbasan Arena”.

Me shumë gjasë, do të jetë pak a shumë ajo e Islandës, ku kombëtarja luajti me dy sulmues, dhe me modulin 4-3-3.

Italiani do të shikojë gjendjen fizike të lojtarëve, sidomos pas 90 minutave të lodhshme të së shtunës, dhe mund të bëjë ndryshime në formacion, ku Sadiku, Kaçe apo Ndoj mund të mendohen titullarë. /ABC News Albania 24/7

 

barcelona-1280x709.jpg
ent ela17:15 | 26/05/2019

Atmosferë e tensionuar tek Barcelona pas humbjes së finales së Kupës së Mbretit ndaj Valencias. Ky ishte dështimi i dytë i madh i katalanasve, pas eleminimit në Champions.

Çfarë do të ndodhë pas këtij dështimi?

Fantazmat e Liverpulit i kishin marrë me vete edhe në stadiumin “Benito Vijamarin” të Seviljes.

Futbollistët e Barcelonës, me në krye Lionel Mesin dhe trajnerin Valverde, pësuan tronditjen e dytë radhazi, pasi Valencia i mundi në finalen e Kupës së Mbretit, ndërsa tani mendohet për pasojat.

Katalanasit kishin 4 herë radhazi që triumfonin në këtë konkurrim, sapo kishin dalë për herë të dytë kampionë të Spanjës, por kur gjyqtari vërshëlleu fundin, atmosfera ishte sikur dështimi ishte total.

Nga ëndrra për triumfin e trefishtë La Liga-Champions-Kupa e Mbretit, Barça u detyrua të kënaqej vetëm me titullin spanjoll.

Çfarë po ndodh pra, me skuadrën të cilësuar si më të mirë në botë, vetëm pak javë më parë?

Gazetat bënë paralajmërimin.

“El Mundo Deportivo”: Valencia kampione e Kupës, një tjetër goditje! Pas nokautit të “Anfildit”, Barça dorëzon edhe Kupën! Ekipi ka nevojë për një diagnostikim!

“Sport”: Mesi është i vetmuar! Barça mbyll sezonin duke humbur finalen e Kupës së Mbretit! Presidenti Bartomeu: Nuk ishte faji i trajnerit Valverde”.

“Kur humbet natyrisht nuk je i lumtur, – ishin fjalët e Valverdes, – por, gjithsesi unë jam i kthjellët dhe i qetë. Nëse do të kishim fituar do të isha I lumtur, por humbja është pjesë e futbollit. Më vjen keq që nuk përmbushëm pritshmëritë e tifozëve, por një trajner mendon gjithnjë për revanshin, pas një humbjeje”.

Me këtë fitore, trajneri Marselino Garsia Toral i dha fund një serie prej 20 ndeshjesh pa sukses ndaj Barcelonës.

“Kjo është dita më e lumtur e karrierës sime, – u shpreh ai, – ishte triumfi i parë. Gjithnjë ka një herë të parë, një finale të parë, dhe një fitore të parë. Falenderim i madh për lojtarët, për ndihmësit e mi dhe për tifozët që më bënë njeriun më të lumtur në botë”.

Kevin Gameiro shënoi në minutën e 22-të për Valencian, Rodrigo Moreno shtoi të dytin në 33’, ndërsa për Barcelonën nuk mjaftoi goli i Mesit në të 73-ën.

Valencia e meritoi suksesin, duke luftuar më shumë, sidomos duke e izoluar Mesin në pjesën e parë, ndërsa mungonte edhe Suarezi i dëmtuar.

Nuk bëri punë fakti se Barça mbajti topin 77 për qind, as që gjuajti 26 herë drejt portës, në krahasim me 9 të kundërshtarit.

Rëndësi kishin gjuajtjet në kuadrat (6-4), dhe sidomos golat (1-2).

Festa e fituesve të rinj ishte plotësisht e ligjshme në stadium, dhe jashtë tij, në një darkë speciale të organizuar nga klubi.

Vetë Mesi u largua i dëshpëruar nga stadiumi “Benito Vijamarin”, duke refuzuar të fliste për mediat.

Tashmë, priten ndryshime të rëndësishme në “Kamp Nou”, ku i pari mund ta pësojë trajneri Ernesto Valverde. /ABC News Albania 24/7

TOTENHEMI-HUMB-NE-ANGLI.mpg_snapshot_00.01-1280x720.jpg
ent ela22:39 | 27/04/2019

Totenhemi mori një goditje të rëndë në shpresat për t’u kualifikuar në Champions. Londinezët u mundën në fushën e tyre, në derbin e Premier Ligës ndaj Uest Hemit.

Gara duket jo si për të fituar, por për të humbur.

Jo vetëm për Totenhemin që pësoi disfatën e parë në stadiumin e tij të ri, por edhe për pretendentët e tjerë për në Champions të kampionatit anglez.

Spërsat u mundën për të dytën herë radhazi, pas rezultatit minimal 0-1 në fushën e Mançester Sitit.

Pretendenti tjetër Arsenali po ashtu ka provuar dy disfata njërën pas tjetrës, Çelsi vazhdon të humbasë pikë që nuk priten, ndërsa Mançester Junajtid është në pozitën më të vështirë nga të gjithë, sepse humbi derbin me Sitin në “Old Traford”.

Me të drejtë, tabloidi anglez “Deili Meil”, pyet: A dëshiron ndokush që të jetë në katërshen e parë këtë sezon?

Gjithsesi, nuk pritej kjo rënie e Totenhemit në fushën e tij ndaj Uest Hemit, edhe pse ishte një derbi.

Çfarë ndodhi pra, me skuadrën kaq shumë të vlerësuar të trajnerit Maurisio Poçetino, të kualifikuar për në gjysmëfinalen e Championsit, duke eleminuar pikërisht Mançester Sitin?

Poçetino pohoi pas ndeshjes se lojtarët e tij ishin të lodhur, dhe kjo ndikon shumë në një kampionat tepër fizik dhe me ritëm të lartë si Premier Liga.

Në pjesën e dytë, të mbiquajtur “çekiçët” merituan gjithçka, duke vrapuar më shumë e duke patur ndeshjen në dorë.

Totenhemi mori një goditje të rëndë, kur I mbeten edhe dy ndeshje deri në fund të kampionatit, veçse Poçetino kërkoi që të harrohet sa më shpejt kjo që ndodhi, pasi objektivat duhen arritur në kampionat dhe në Ligën e Kampionëve.

JUVENTUSI-HUMBJA-E-PARE.mpg_snapshot_01.11-1280x720.jpg
ent ela17:56 | 17/03/2019

Juventusi pësoi humbjen e parë të sezonit në Serinë A. Kampionët e Italisë u mposhtën 0-2 në fushën e Xhenoas, duke mos pasur në fushë Kristiano Ronaldon

Keqardhja e vetme ka lidhje me historinë.

Juventusi pësoi humbjen e parë këtë sezon, duke i dhënë fund ëndrrës për ta përfunduar Serinë A pa asnjë disfatë.

U mposht 0-2 në fushën e Xhenoas, me të dyja rrjetat në 15 minutat e fundit, madje të parën të pësuar nga Sturaro, ish-lojtar juventin.

E vetmja skuadër në Itali që kishte përfunduar pa humbje një kampionat me 20 skuadra ishte po Juventusi, në 2011-2012 drejtuar nga trajneri Antonio Konte.

Masimiliano Alegri të paktën këtë nuk do ta barazojë dot, ashtu siç nuk do të barazohet as Milani i Fabio Kapelos që mbylli pa humbje sezonin 1991-1992, ndonëse ai u luajt me 18 ekipe.

Ishte e pritshme që kjo të ndodhte një ditë.

Ata që marrin vesh nga futbolli mund ta parashikonin një humbje në stadiumin “Marasi” të Gjenovës, edhe sepse në fushë nuk ishte Kristiano Ronaldo, por edhe sepse juventinët ishin me energji të shterura pas kualifikimit heroik ndaj Atletikos në Champions.

Jo vetëm kaq, por edhe diferenca prej 18 pikësh ndaj Napolit të vendit të dytë, në fillim të kësaj jave, e bënte të padëmshme një humbje të mundshme.

Sturaro e Pandev shënuan për Xhenoan në minutat 77 e 81, ndërsa kampionët mbetën në 75 pikë në krye të Serisë A, tepër larg ndjekësve.

Synimet e sezonit janë që të gjithë të realizueshëm, me titullin në Serinë A në xhep, me finalen që do të luhet në Kupën e Italisë dhe me kualifikimin në çerekfinale të Championsit. /abcnews.al

LIVERPULI-I-AFROHET-SITIT.mpg_snapshot_00.09-1280x720.jpg
ent ela18:51 | 10/03/2019

Liverpuli iu përgjigj Mançester Sitit duke fituar dhe duke u afruar në vetëm 1 pikë largësi me kreun e Premier Ligës. Skuadra e trajnerit Jurgen Klop mendon tani për duelin ndaj Bajernit në Champions.

Nuk ishte suksesi më i lehtë, por ishte gjithsesi ai që duhej. Liverpuli mundi 4-2 Uatfordin dhe iu afrua sërish në 1 pikë diferencë Mançester Sitit kryesues, në renditjen e Premier Ligës.

Formacioni i trajnerit Jurgen Klop përballoi presionin, pasi rivali mbaroi punë që të shtunën, po ashtu përballoi edhe dizavantazhin e hershëm, kur miqtë shënuan që në minutën e 6-të, madje direkt nga goditja e këndit.

U duk se portieri Alison u pengua, por gjyqtari e quajti golin e Eshli Uestudit.

Jo më kot Klopi kishte deklaruar se lojtarët e tij janë aq të fortë sat a përballojnë trysninë, dhe ata e bënë më së miri.

Reaguan shpejt që në pjesën e parë, me golat e Roberto Firminos e Sadio Manesë.

Vazhduan presionin pas pushimit, kur Firmino realizoi edhe golin e tretë.

Nuk u prish ndonjë punë që në fund, Uatfordi shkurtoi diferencën me anë të islandezit Gudmundson.

Sadio Mane plotësoi dygolëshin e tij dhe kompletoi fitoren e vendasve.

Liverpuli ka tani 73 pikë, vetëm 1 pikë më pak se Siti, por me golaverazh më të dobët.

Trajneri Klop nuk u kursye aspak me formacionin, duke hedhur në fushë lojtarët më të mirë, edhe pse të mërkurën do të ndeshet me Bajernin në Mynih, në një duel vendimtar për kualifikimin në Champions. /abcnews.al

afp-afp_1e96fe.jpg
ent ela11:59 | 06/03/2019

Protestë e tifozëve në Madrid pas eleminimit të Realit nga Championsi. Kampionët e Europës u turpëruan nga Ajaksi, duke u mundur 4-1 në fushën e tyre.

Nuk mund të habitet kush nga kjo kryengritje. Tifozët e Realit rrethuan stadiumin “Santiago Bernabeu”, në një protestë pas turpit ndaj Ajaksit.

Madrilenët u eleminuan nga Championsi, dhe futbollistët u larguan sikur po arratiseshin, për t’i shpëtuar zemërimit të përkrahësve të tyre. Reali nuk do ta mbrojë titullin kampion të Europës, pasi e fitoi tri herë radhazi në vitet 2016-2018.

Nuk u eleminua nga ndonjë superfuqi e sotme, si Juventusi, Barcelona, Liverpuli, Paris SG apo Mançester Siti, por nga një lavdi e vjetër dhe që nuk mendohej se mund t’ia dilte, nga Ajaksi.

Dalja e Madridit nga Championsi ishte e denjë për një ndryshim epokal, pas një katastrofe të vërtetë, humbjes 1-4 ndaj skuadrës pa përvojë holandeze.

Zijah e Neres i dhanë epërsinë e hershme 2-0 Ajaksit që në minutën e 18-të, ndërsa Reali kurrë më parë në Champions nuk kishte pësuar kaq shpejt dy gola.

Dushan Tadiç shënoi një gol të madh, veçse pas polemikave në minutën e 62-të, ndërsa trajneri Solari kishte mbetur pa Vinisiusin dhe Lukas Vaskezin të dëmtuar.

Asensio u duk se dha shpresë me golin e minutës së 70-të, ndonëse Realit i duheshin tre rrjeta gjithsej. Fund i iluzioneve ishte goli i madh i Lase Shones shumë shpejt, në minutën e 72-të.

Ajaksi mori hakun ndaj madrilenëve pas shumë zhgënjimeve radhazi, e kalon në çerekfinale, duke kapërcyer edhe humbjen 1-2 në Amsterdam.

Tifozët në stadium lëshuan edhe thirrje “Florentino dorëhiqu”, ndërsa gazetat bënë pyetjen: Çdo të ndodhë deri në fund të sezonit?

“Këtu vdiq një ekip që bëri histori”, ishte titulli kuptimplotë i gazetës “Marka”, që shton se ky ishte një fund turpërues i një cikli të papërsëritshëm!

“Javë tragjike, – komenton “AS”, – në 6 ditë Reali mbeti pa kupën, kampionatin dhe Championsin”!

Që nga 17 shkurti, Reali i Madridit kaloi nga “purgatori” në “ferr”.

Bilanci i skuadrës më të madhe të historisë, në 3 javët e fundit është e denjë për cilindo ekip të fundit të renditjes, me dy humbje e një fitore në La Liga, një humbje me eleminim në Kupën e Mbretit dhe një humbje po me eleminim në Champions.

Nëse mbledhim golat, bilanci është edhe më turpërues, plot 4-11.

“Unë jam këtu për të punuar, – iu përgjigj trajneri Solari, pyetjes për dorëheqje, – duhet të jemi profesionistë dhe të kthehemi në punë që të nesërmen. Nuk kam ardhur këtu që të lë në baltë klubin në një moment kaq të vështirë”.

Mediat raportojnë se presidenti Perez i ka dhënë besimin trajnerit deri në fund të sezonit, kur besohet se do të synohet të merret Poçetino nga Totenhemin.

“Ishte një ndeshje e madhe nga ana jonë, ishte shumë pranë përsosmërisë, – ishin fjalët e trajnerit holandez, Ten Hag, – besoj se e merituam kualifikimin, dhe mendoj se kemi arsye të synojmë gjysmëfinalet”.

Ajaksi është pesë herë kampion i Europës, por do të ishte një mrekulli nëse do t’ia dilte të fitonte Championsin me një skuadër kaq të re. /abcnews.al

MBULIM-HUMBIN-PASAPORTAT-NE-GREQI-ABC-M4-T2.mpg_snapshot_00.00-1280x720.jpg
ent ela22:03 | 22/02/2019

100 pasaporta të reja që ishin dërguar nga Ministria jonë e Jashtme për emigrantët shqiptarë atje kanë humbur në Greqi gjatë transportit. Pasaportat fillimisht janë bllokuar nga dogana greke në Kakavijë për shkak se transporti ishte në shkelje të procedurave. Në një deklaratë për mediat, Ministria për Evropën dhe Punët e Jashtme, thotë se me datë 13 shkurt, pasaportat e prodhuara nga kompania ALEAT po transportoheshin drejt Greqisë të ambalazhuara jo në përputhje me praktikat e rregullta të transportimit të pakove diplomatike.

Pakot me pasaportat shqiptare u zhbllokua pas verifikimit dhe dërgesa i është dorëzuar përfaqësuesve diplomatikë të Konsullatës së Janinës. Gjatë transportimit të tyre në një nga ndalesat e bëra për në Ambasadën tonë, pikërisht në rrugët e Athinës,  automjeti me targa diplomatike u sulmua. Ministria e Brendshme në bashkëpunim me kompaninë ALEAT, kanë marrë masat për nxjerrjen jashtë përdorimi dhe shpalljen e pavlefshme të këtyre pasaportave, si dhe angazhimin për të përshpejtuar procedurat e riprodhimit dhe zëvendësimin e tyre. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono