hristjan mickoski

takimi.jpg
ad min20:13 | 20/10/2019

Në Shkup vazhdon që prej orës 17:00 takimi i presidentit Stevo Pendarovksi me liderët politikë, takim i thirrur nga kreu i shtetit, pas mos-marrjes së datës për nisjen e bisedimeve të anëtarësimit.

Përveç vendimit të Këshillit Europian që refuzoi hapjen e negociatave të anëtarësimit për Maqedoninë e Veriut, në takim liderët po bisedojnë edhe për zgjedhjet e parakohshme parlamentare, të cilat një ditë më parë i kërkoi kryeministri Zoran Zaev.

Gazetarja e ABC News në Maqedoninë e Veriut, Xhumadije Ibrahimi, raportoi se në orën 19:00 ka përfunduar pjesa e parë e takimit. Presidenti Pendarovski iu drejtua publikut dhe tha se gjatë asaj pjesë të mbledhjes u bisedua rreth negociatave me BE-në dhe integrimin e vendit në strukturat euroatlantike. Presidenti i ka kërkuar liderëve që të punojnë për të çuar përpara reformat.

Gazetarja raportoi se në pjesën e dytë të takimit pritet të bisedohet rreth zgjedhjeve të parakohshme, më konkretisht rreth caktimit të datës në të cilën ato do të mbahen. Pro mbajtjes se këtyre zgjedhjeve janë shprehur të gjitha partitë politike në vend.

Sipas Kushtetutës së Maqedonisë së Veriut, nëse arrihet një dakordësi për këto zgjedhje Presidenti i vendit shpërndan parlamentin dhe me dakordësi politike krijohet një qeveri tranzitore që çon vendin në zgjedhjet e parakohshme.

Në takim po marrin pjesë kryeministri dhe lideri i LSDM, Zoran Zaev, kreu i VMRO-DPMNE, Hristijan Mickoski, kreu i BDI, Ali Ahmeti, lideri i Aleancës për Shqiptarët Ziadin Sela, kreu i Lëvizjes BESA Bilall Kasami, ai i Alternativës Afrim Gashi dhe lideri i PDSH, Menduh Thaçi./abcnews.al

PENDAROVSKI-PER-NEGOCIATAT.mpg_snapshot_00.15-1280x720.jpg
ad min12:36 | 18/10/2019

JO-ja franceze për hapjen e negociatave midis Maqedonisë së Veriut dhe BE-së ka shkaktuar një zinxhir lëvizjesh në Shkup. Presidenti maqedonas Stevo Pendarovski thirri në takim krerët e partive ndërkohë që opozita në vend u bëri thirrje qytetarëve të dalin në protesta në rrugë dhe sheshe.

Presidenti maqedonas Stevo Pendarovski ka ftuar të gjithë krerët e partive politike, shqiptare dhe maqedonase, në një takim të përbashkët këtë të diel, por për momentin është e paqartë se kush do të marrë pjesë.

Takimi është thirrur për shkak të gjendjes së krijuar pas refuzimit të Francës për të dhënë një datë për nisjen e negociatave të Maqedonisë së Veriut me BE-në. Ndërkohë, opozita në Maqedoni, ka paralajmëruar protesta. Kryetari i VMRO-DPMNE-së, Hristijan Mickoski paralajmëroi daljen e opozitës maqedonase në rrugë dhe sheshe dhe u bëri thirrje të gjithë qytetarëve të bashkohen me ta.

“E di se janë momente të vështira, e di se të gjithë presim të marrim datë për nisjen e bisedimeve me BE-në. Të gjithë ne besojmë në të ardhme evropiane dhe do vazhdojmë të besojmë, por nuk do të na çojnë politikanët gënjeshtarë, të cilët vetëm premtojnë dhe asgjë nuk realizojnë”, tha Mickoski, i cituar nga Telegrafi.

Mickoski tha se opozita maqedonase si parti i dhanë mundësi procesit dhe se “17 tetori është dita kur përfundon koncesioni”, dita kur përfundon durimi i VMRO-DPMNE-së.

“Prej sot opozita shtëpinë e saj do ta ketë në sheshet dhe rrugët e Maqedonisë”, tha Mickoski./ABC News Albania

zaev-maqedoni.jpg
ad min16:20 | 09/09/2019

Mediat në Maqedoninë e Veriut raportojnë se të martën kryeministri i vendit Zoran Zaev do të takohet me liderin e opozitës, Mickoski në përpjekje për të zgjidhur ngërçin për Prokurorinë Speciale. Ndërsa nga opozita theksojnë se nuk do të heqin dorë nga kërkesa për zgjedhje të parakohshme në vend.

Kryeministri i Maqedonisë së Veriut dhe lideri i socialdemokratëve në pushtet Zoran Zaev dhe kreu i VMRO-DPMNE-së opozitare Hristijan Mickoski, nesër do të përpiqen të gjejnë gjuhë të përbashkët për Ligjin e Prokurorisë Publike, me të cilin zgjidhet statusi i Prokurorisë Speciale Publike. Nga opozita bëjnë me dije se krahas këtij ligji duhet të diskutohet edhe për zgjedhje të parakohshme parlamentare.

“Nesër, më me rëndësi është se si do të jetë qëndrimi i pushtetit për këtë çështje, nëse do të tregojnë seriozitet në takimin e grupeve të punës dhe më pas në takimin e liderëve dhe nëse do të tejkalohet ajo sëmundja që çdo hap përpara të kthehet mbrapsht në qëllimet fillestare”.

Mundësinë  e vendosjes mbi tavolinë të zgjedhjeve të parakohshme, nuk e kanë përjashtuar as socialdemokratët në pushtet. Kreu i tyre, Kryeministri Zoran Zaev gjatë shënimit të festës së Pavarësisë tha dje në Shkup se është i bindur që propozim/ligji i shumëpërfolur për Prokurorinë Publike do të marrë dritën jeshile me shumicën e dy të tretave, duke u treguar i hapur edhe për zgjedhjet e reja.

“Të përkushtuar ndaj interesave shtetërore, në periudhën e rëndësishme që pason, pres që të kyçen edhe institucionet kryesore të shtetit. Jam i bindur se kemi kapacitet që ta miratojmë ligjin për Prokurori Publike me shumicë prej dy të tretave dhe të gjitha rastet e krimit dhe korrupsionit të marrin epilogun e drejtë”

Nga partia e Ali Ahmetit që bën pjesë në koalicionin qeverisës, ndërkaq duke mos vënë në pikëpyetje, angazhimet e mësipërme, thonë se rasti “Zhvatja” duhet të zbardhet deri në fund, për shkak se sikundër tërhiqet vërejtja, anashkalimi i tij mund të fus vendin në labirintet e reja të krizës.

Për shkak të afateve të shkurtuara ligji për Prokurorinë Publike pritet të miratohet më së voni deri më 15 Shtator. Miratimi i këtij ligji llogaritet si kyçe për euro-integrimet e Maqedonisë së Veriut./ABC News Albania 24/7      

mickoski.jpg
ad min17:00 | 04/07/2019

Lideri i VMRO-DPMNE-së në Maqedoninë e Veriut, akuzoi ministrinë e brendshme në vend se po e përgjonte dhe ishte në ndjekje nga struktura të kësaj Ministrie. Ai theksoi se skenari i ardhshëm mund të jetë arrestimi i tij. Por deklaratat e tij janë përgënjeshtruar nga Ministria e Brendshme në vend.

VMRO-DPMNE është e gatshme të shkojë në zgjedhje në çdo kohë, por ata që i ikin përballjes janë pikërisht funksionarët në pushtet, të cilët kanë frikë se duhet të përgjigjen për krimin dhe korrupsionin, ndërsa duke ikur nga pasojat janë të gatshëm tu kundërvihen të gjithë atyre që nuk mendojnë si ata.

Kështu ka deklaruar, në një intervistë për median maqedonase, kreu i opozitës Hristijan Mickoski duke shtuar se, në periudhën e ardhshme pret një skenar të arrestimit të tij, pasi siç ka potencuar, po ndiqet nga struktura të MPB-së.

“Jam i vetëdijshëm se mund të vijë edhe deri te ajo, kam biseduar me familjarë të mi, se nga Zoran Zaev dhe nga ata rreth tij mund të pritet gjithçka, mund të pritet edhe që të vinë të më arrestojnë. Kjo le të jetë apel për ata persona që rrotullohen rreth meje, një njësi speciale e Ministrisë së Punëve të brendshme, me arsyetimin se janë këtu që të mbikëqyrin oborrin e shkollës, që është në afërsi të shtëpisë sime. Unë jam i gatshëm dhe nuk asnjë dilemë se e di cili është qëllimi i kësaj qeverie despotike”, tha Mickoski.

Këto supozime janë përgënjeshtruar nga MPB-ja duke shtuar se lideri i VMRO-DPMNE-së, me kërkesë të tij, nga viti i kaluar, ka sigurim nga ana e pjesëtarëve të Ministrisë së Brendshme. /ABC News Albania 24/7

zoran-zz.png
ad min23:46 | 22/10/2018

Zyrtari i Departamentit të Shtetit, Matthew Palmer ka vizituar Shkupin, ku ka përcjellë mesazhin se Shtetet e Bashkuara do të përkrahin përmbushjen e Marrëveshjes së Prespës. Gjatë vizitës, Palmer nuk ka zhvilluar takime me presidentin Ivanov dhe liderin e opozitës, Mickoski.

Administrata amerikane sot në Shkup nga afër ka transmetuar kënaqësinë e votimit të së premtes me të cilën u mundësua fillimi i ndryshimeve kushtetuese. Zv/ndihmësi sekretari shtetëror Matthew Palmer përshëndeti këtë hap dhe siguroi se Uashingtoni do të përkrah rrumbullaksimin e plotë të Marrëveshjes së Prespës.

Matthew Palmer: “Maqedonia mund të mbështetet në përkrahjen dhe miqësinë me SHBA-të gjatë rrugës për në BE dhe NATO. Ngushtë do të bashkëpunojmë me qeverinë dhe me të gjithë deputetët që votuan për Marrëveshjen me qëllim që plotësisht të zbatohet, më pas Greqia t’i përmbushë obligimet për ratifikim të marrëveshjes, që të mund të bëni përparime drejt anëtarësimit në institucionet euroatlantike”.

Kryeministri i Maqedonisë, Zoran Zaev, ka theksuar se me diplomatin amerikan Palmer janë pajtuar se vendimi për fillimin e ndryshimeve kushtetuese ka një rëndësi historike dhe paraqet nxitje për pajtim dhe unitet politik.

Zoran Zaev: “Vota e deputetëve ishte votë kundër krizave të reja politike. Bota e njohu këtë. Të gjithë aleatët tanë përshëndetën përgjegjësinë e treguar shtetërore të deputetëve, duke llogaritur këtu edhe aleatët tanë nga SHBA. Vendimi i deputetëve është edhe një nxitje që të hapim faqen tjetër të historisë së vendit tonë. Të fillojmë t’i shkruajmë ngjarjet e ardhshme me falje, pajtim dhe bashkim politik”.

Diplomati amerikan Matthew Palmer nuk është takuar me Presidentin e Maqedonisë, Gjorge Ivanov dhe me liderin e opozitës Mickoski, por ka takuar deputetët e opozitës të cilët kanë përkrahur fillimin e procesit të ndryshimeve kushtetuese. Palmer gjithashtu ka takuar ministrin e Jashtëm Dimitrov dhe liderët e partive politike shqiptare në Maqedoni./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono