hotel

RAMA-PER-TURIZMIN-ABC-M5-T2.mpg_snapshot_01.21-1280x720.jpg
G. P.21:05 | 24/10/2018

Dy miliardë euro të ardhura dhe 30 mijë të punësuar ka përfituar ekonomia e vendit nga turizmi në harkun kohor të pesë viteve. Kryeminstri Edi Rama bëri të ditur të dhënat në Konferencën Kombëtare të Turizmit.

Në konferencën kombëtare për turizmin, kryeministri Edi Rama fjalën e tij e nisi me një përgjigje për gazetat kroate, të cilat shkruajne se: “Kroacisë turistët ja ka marrë Shqipëria”.

Edi Rama, Kryeministër: “Ne nuk jemi duke marrë turistët nga Kroacia por është fakt gjithnjë e më kuptimplotë se nëse turizmi në Kroaci apo në vende si Kroacia ka një vendnumëro që lidhet nga ezaurimi i mundësive, Shqipëria ka një potencial ende të madh të pashfrytëzuar”.

Ndërkohë, panoramën e turizmit në Shqipëri pesë vitet e fundit, kryeministri e paraqiti përmes shifrave.

“Në 5 vitet e fundit ne kemi kaluar nga 3.4 në mbi 6 milionë vizitorë dhe nga 1 miliard euro të ardhura në afro 2 miliardë euro të ardhura nga turizmi, me një reflektim shumë domethënës dhe në punësim ku gjatë sezonit turistik kemi mbi 30 mijë të punësuar në funksion të sezonit”.

Sfida është arritja e 10 milionë turistëve në harkun kohor të 4-5 viteve, por sipas shefit të qeverisë, kërkohet një qasje tjetër ndaj turizmit.

“Ne nuk mund të vazhdojmë më të ndërtojmë turizëm Shqipërie për shqiptarët në kuptimin e vazhdimit të ndërtimit të të ashtuquajturave fshatra turistikë që konceptohen si fshatra personalë për tu shitur tek bashkëfshatarë shqiptarë të rrethuar me mure pa asnjë lidhje me çfarë ka majtas e djathtas, përballë detit e pa asnjë lloj respekti për çfarë ka mbrapa, duke u pasuar njëri pas tjetrit”.

Deklaratat kryeministri i bëri në një nga hotelet luksoze në kryeqytet, ndërkohë që njoftoi se shumë shpejt, të tjera firma ndërkombëtare të hoteleve me pese yje do të vendosen në Shqipëri./abcnews.al

C_2_articolo_3162578_upiImagepp.jpg
ent ela10:38 | 11/09/2018

800 mijë euro është vlera e bizhuterive të grabitura në një nga suitat e hotelit Ritz në Paris. Bizhuterisë i përkasin një princeshe saudite, identiteti i së cilës nuk bëhet i ditur, ndërsa lajmi është konfirmuar nga policia franceze.

Një princeshë saudite ka denoncuar se i kanë grabitur bizhuteri me një vlerë prej 800 mijë eurosh në suitën e saj në hotelin Ritz në Paris. Lajmi është konfirmuar dhe nga policia franceze sipas së cilës grabitja është kryer pasditen e të premtes. Bizhuteritë e princeshës, identiteti i së cilës nuk bëhet i ditur, nuk ndodheshin në kasafortë dhe në derën e dhomës nuk kishte asnjë shenjë për hyrje me dhunë. Nga menaxherët e hotelit të famshëm nuk është bërë ende një deklaratë për mediat. Por nëse një gjë e tillë konfirmohet atëherë kjo do të ishte grabitja e dytë e bujshme në hotelin luksoz parizien.

Kjo pas grabitjes në muajin janar ku në dyqanet e hollit u grabitën bizhuteri për një vlerë prej 4 milionë euro, por që u gjetën nga policia dhe iu rikthyhen pronarëve. /abcnews.al

ristrukturim.jpg
G. P.16:53 | 31/07/2018

10 mijë dhoma të gjitha me pamje nga deti. Kompleksi kolosal i pushimeve, i ndërtuar në detin Baltik në 1936-n, me kërkesë të Adolf Hitler, ka përfunduar ristrukturimin.

Ka përfunduar ristrukturimin resorti i pushimeve në Gjermani që u ndërtua me kërkesë të Adolf Hitler në detin Baltik në vitin 1936 për mijëra punëtorë gjermanë. Ai shtrihet në një gjatësi prej pesë kilometrash dhe ka 10 mijë dhoma me pamje nga deti.

Struktura kolosale nuk ka pasur klientë deri sa një grup sipërmarrësish të drejtuar nga manjati austriak, Ulirh Bush, vendosi ta transformonte në një oaz luksoz relaksi.

Interesimi për të vjen gjithnjë e në rritje pasi vetëm një apartament kushton më shumë sesa Bush ka paguar 12 vjet më parë për një kilometër të kompleksit. Ai shprehet se në vitin 2006 shteti gjerman ishte i lumtur për shitjen e kompleksit pasi nuk i interesonte askujt.

Tetë blloqe identike çimentosh, me gjashtë kate secili për një total prej 10 mijë dhomash të gjitha me pamje nga deti. Struktura gjendet përgjatë bregut veri-perëndimor në ishullin Rugen. Janë të shumtë ata që blejnë një apartament si investim dhe më pas e japin me qera./abcnews.al

princat-e-arabise.jpg
G. P.14:47 | 28/01/2018

Disa nga princat dhe biznesmenët që mbaheshin të burgosur në një hotel luksoz në Arabinë Saudite janë liruar. Ata ishin arrestuar nën dyshimin për korrupsion.

Autoritetet saudite kanë liruar një numër të madh të princave dhe biznesmenëve të arrestuar gjatë një operacioni kundër korrupsionit. Lajmi është bërë i ditur nga agjencitë ndërkombëtare të lajmeve që citojnë mediat vendase. E përditshmja saudite “Okaz”, shkruan se personat që u mbajtën në hotelin “Ritz-Carlton” të Rijadit u liruan pas arritjes së marrëveshjes me autoritetet.

Gazeta nuk publikoi emrat e të liruarve, por tha se dosja e të arrestuarve nën dyshimin për korrupsion “do të ketë përparim në ditët e ardhshme”.
Ndërkohë, miliarderi saudit, princi Alwaleed bin Talal pritet të lirohet brenda pak ditësh. Autoritetet saudite ende nuk kanë lëshuar një deklaratë zyrtare mbi lirimin. Në Nëntor, autoritetet saudite arrestuan dhjetëra figura publike, duke përfshirë princa dhe ministra në një operacion masiv kundër korrupsionit.

Arrestimet erdhën menjëherë pasi një komitet kundër korrupsionit nën drejtimin e princit të kurorës, Mohamed bin Salman, u formua përmes një dekreti mbretëror. Autoritetet saudite theksuan se së paku 100 miliardë dollarë ishin keqpërdorur përmes korrupsionit sistematik./abcnews.al

praga.jpg
G. P.16:48 | 21/01/2018

4 persona kanë humbur jetën dhe 6 të tjerë mbetën të plagosur për shkak të një zjarri në një hotel në qendër të Pragës. Zëdhënësi i shërbimit të ekipeve të shpëtimit tha se bëhet fjalë për hotelin “Eurostar David”.

Një 21-vjeçar gjerman dhe një 20-vjeçare nga Koreja e Jugut kanë vdekur përpara mbërritjes së zjarrëfikësve. Dy femra të tjera, identiteti i të cilave nuk dihet, kanë ndërruar jetë në spital për shkak të plagëve të marra. Të plagosurit janë holandezë, një turk dhe një francez. Policia çeke thekson se zjarri kishte filluar për shkak të një defekti në sistemin e ngrohjes./abcnews.al

hoteli.jpg
us er19:01 | 22/12/2017

Agjencia hapësinore ruse, Roscosmos, ka në plan që të ndërtojë një “hotel” me pesë yje në Stacionin Hapësinor Ndërkombëtar (ISS).

Në fakt, bëhet fjalë për ndërtimin e katër kabinave luksoze që do t’ju japë mundësi njerëzve të shijojnë pamje nga Toka në një lartësi prej afërsisht 644 kilometrash.

Sipas agjencisë, brenda Stacionit do të ketë një sallë pritjeje, dy dhoma të tjera për higjenë dhe shërbim mjekësor, pajisje për t’u ushtruar dhe Wi-Fi.

Madje është menduar që për të shijuar akoma më shumë udhëtimin, turistëve të hapësirës do t’u ofrohet edhe ndjesia për të ecur jashtë ISS-së, natyrisht shoqëruar me një kozmonaut profesionist.

Hoteli i propozuar pritet të kushtojë rreth 336 milionë paund.
Turistët duhet të paguajnë rreth 30 milionë paund për person për dy javë qëndrimi. Ata që do duan të qëndrojnë një muaj do të paguajnë edhe 20 milionë paund shtesë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono