hong kong

ttre-1280x803.jpg
in a12:52 | 05/01/2020

Një pneumoni misterioze e llojit viral ka bërë që në Kinë të shpallet gjendja e alarmit dhe të aktivizohen protokolle shëndetësore emergjente. Në areroporte dhe në Hong Kong janë izoluar pesë raste.

Ndërsa në rrjetet online shumëfishohen mesazhet e shqetësimit për ngjashmërinë e simptomave fillestare me at të SARS. Ky i fundit nisi të përhapet nga Kina në periudhën 2002 – 2003 dhe shaktoi vdekjen e 744 personave. Autoritetet shëndetësore kineze bëjnë të ditur se rastet serioze janë 44 nga të cilët 11 konsiderohen në gjendje të rëndë, duke nisur nga data 27 dhjetor.

Në përpjekje për të shmangur alarmin kolektiv, policia ka ndaluar tetë persona me akuzën e përhapjes së informacioneve të rreme që qarkullonin në internet. Analizat për të zbuluar natyrën e infeksionit vazhdojnë, por janë përjashtuar menjëherë mundësitë rreth ekzistencës së një virusi të zakonshëm. Deri tani janë 121 personat që mbahen në vëzhgim. Organizata botërore e shëndetësisë po monitoron me vëmendje situatën dhe është në kontakt të vazhduaeshëm me autoritetet shëndetësore në Kinë.

Në Hong Kong ku aeroporti ndjek një protokoll të veçantë për udhëtarët që vijnë nga Uhan që është dhe zona më e prekur në Kinë, janë regjistruar dy raste të dyshimta. Gjithësesi të gjithë personat e dyshuar qe janë prekur nga ky virus misterioz, aktualisht janë në gjendje të qëndrueshme shëndetësore./abcnews.al

1-17.jpg
ger ta07:20 | 28/12/2019

Policia e Hong Kongut ka arrestuar 336 persona gjatë protestave për festën e Krishtlindjes.

Zëdhënësi i policisë Këok Ka-chuen tha se 92 gra u arrestuan në periudhën nga e hëna deri të enjten.

Demonstruesit, me kapele të Babagjyshit u përleshën me policinë gjatë Krishtlindjeve, duke paralajmëruar protesta të reja për Vitin e Ri. Këok dënoi sulmet e tyre ndaj qytetarëve të zakonshëm në qendra tregtare dhe restorante, si dhe shkatërrimin e infrastrukturës publike, si stacionet e metrosë, bankat dhe rrjeti i energjisë.

“Synimi i tyre është të heshtin ata që përfaqësojnë këndvështrime të ndryshme dhe të terrorizojnë publikun. Kushdo që nuk pajtohet me ta do të përballet me dhunë”, tha ai.

Protestuesit kanë thyer dritaret në qendrat tregtare, ndaj të cilës policia iu kundërpërgjigj me gaz lotsjellës dhe arrestime.

Nga fillimi i protestave në Hong Kong, numri i personave të arrestuar ka arritur në afro 7,000./abcnews.al

hong.jpg
in a11:49 | 25/12/2019

Një Krishtlindje kaotike është parë në Hong Kong ku policia është detyruar të përdorë gaz lotsjellës për të shpërndarë me mijëra protestues, shumë prej të cilëve dëmtuan vitrinat e dyqaneve në një nga zonat turistike të vendit

Shumë prej manifestuesve mbanin maskat e drerëve të babagjyshit të Vitit të Ri duke hedhur çadra apo objekte të reja kundër agjentëve të policisë të cilët reaguan duke i qëlluar me shkopa gome.

Një agjent policie drejtoi armën kundër turmës, por nuk qëlloi. Në një situatë ku tensionet përshkallëzoheshin, policia u përpoq të largojë elementët e dhunshëm nga qendrat tregtare apo hotelet e luksit. Një mënyrë për të mbrojtur familjet me fëmijë që ishin të pranishëm në zonë për të parë dritat e Krishtlindjeve në lagjen turistike të Hong Kong-ut.

Në disa zona policia ka ndërhyrë me spraj me piper./abcnews.al

 

hong-kong-protesta.jpg
nev ila12:34 | 17/12/2019

Policia e Hong Kong konfirmoi se deri tani janë arrestuar 6.105 persona që nga 9 qershori, ditë e fillimit të protestave kundër ligjit të ekstradimeve në Kinë.

Sipas një mesazhi në Twitter, në profilin zyrtar të policisë, janë 2.430 studentë të arrestuar, rreth 40 për qind i totalit. Tendenca shënon një rritje të numrit të të rinjve të përfshirë në këto protesta.

Për këtë arsye policia bën apel që të rinjtë të mos nxiten për të qenë pjesë e manifestimeve dhe për të kryer akte dhune. Ndërkohë të rinjtë në Hong Kong i kanë kërkuar ndihmë presidentit amerikan Donald Tramp, që të dalë në mbështetje të tyre./abcnews.al

hong-kong.jpg
ger ta07:16 | 16/12/2019

Policia e Hong Kong-ut ka përdorur spraj për t’i shpërndarë protestuesit dhe ka arrestuar disa prej tyre të dielën pasi disa grupe të vogla shenjestruan disa qendra tregtare.

Protestat e dhunshme dhe vandalizmi shpërthyen në disa zona. Policia u kundërpërgjigj me spraj në të paktën dy qendra tregtare.

Një vajzë dhe një djalë 16-vjeçar u arrestuan në qendrën tregtare “Sha Tin”. Disa protestues të maskuar dëmtuan edhe disa restorante të një rrjeti për shkak se vajza e pronarit të tyre i kishte kritikuar më parë protestuesit.

Ndërkohë,  partitë që i përkrahin protestuesit e shënuan një fitore të rëndësishme në zgjedhjet për këshillin lokal muajin e kaluar. Të dielën e kaluar, rreth 800 mijë njerëz marshuan nëpër rrugët e qytetit në mënyrë paqësore.

Protestat në Hong Kong kanë filluar gjashtë muaj më parë për shkak të një projektligji kundërthënës për ekstradimin e qytetarëve në Kinë. Fuqitë perëndimore kanë kërkuar që Kina ta respektojë autonominë e Hong Kong-ut, ndërsa Kina i ka akuzuar ato për ndërhyrje në çështjet e brendshme të këtij vendi./abcnews.al

 

global.jpg
in a14:07 | 08/12/2019

6 muaj pas fillimit të protestave në qershor të këtij viti, me mijëra persona marshuan sërish në Hong Kong pro demokracisë dhe kundër qeverisë. Për organizatorët, pjesëmarrja massive e së dielës është rasti i fundit për lidershipin e kolonisë britanike dhe pro Pekinit, që t’i japë fund krizës politike.

Janë me dhjetëra mijëra personat që marshuan në Hong Kong në korteun e nisur nga parku Viktoria dhe i promovuar nga Fronti i të drejtave njerëzore dhe civile.

Iniciativa e së dielës, e cila çuditërisht nuk u pengua nga policia, ndodh pikërisht në 6 mujorin e protestave të nisura në qershor të këtij viti kundër ligjit për ekstradimet në Kinë, dhe të kthyera më pas në një rast për të kërkuar reforma demokratike. Për organizatorët, pjesëmarrja massive e së dielës është rasti i fundit për lidershipin e kolonisë britanike dhe pro Pekinit, që t’i japë fund krizës politike.

Vetëm dy javë më parë zgjedhjet në vend i dhanë një fitore të paprecedentë frontit pandemkratik, i cili mori 388 vende nga 452 dhe 17 këshillë nga 18. Një rezultat i cili rrëzoi pretendimet e guvernatores Kerri Lam dhe të administratës së saj për ekzistencën e një mazhorance të heshtur kundër protestave në vend./abcnews.al

honi.jpg
in a11:23 | 25/11/2019

Kandidatët kundër qeverisë në garë për zgjedhjet lokale në Hong Kong kanë marrë pothuajse 90 për qind të votave, thënë ndryshe 396 vende nga 452 në garë duke i dhënë një goditje të fortë guvernatores Keri Lam dhe qeverisë qendrore të Pekinit. Fronti pro Kinës ka humbur më shumë se 240 vende në krahasim me zgjedhjet e 2015-ës. Guvernatorja Lam reagoi duke thënë se do i dëgjonte me përulësi qytetarët.

Ajo theksoi se qeveria e Hong Kong sigurisht që do të dëgjojë mendimet e qytetarëve dhe do të reflektojë me shumë seriozitet.

Edhe ministri i jashtëm kinez reagoi menjëherë duke thënë se Hong Kongu është pjesë integrale e Kinës pavarësisht rezultatit të zgjedhjeve. Ai theksosi se çdo përpjekje për të dëmtuar nivelin e zhvillimit dhe qëndrueshmërisë së qytetit nuk do të ketë sukses./abcnews.al

 

hong-kong-rekord.jpg
ger ta08:34 | 24/11/2019

Pas protestave dhe kaosit që vijon prej muajsh, Hong Kong-u ka shënuar një rekord.

Një numër rekord qytetarësh kanë dalë për për të hedhur votën e tyre në zgjedhjet e këshillit në Hong Kong.

Zgjedhjet shihen si një provë e mbështetjes për Shefen Ekzekutive në Hong Kong, Carrie Lam.

Grupet e protestuesve pro-demokracisë shpresojnë se votimi do t’i dërgojë një mesazh qeverisë kineze pas pesë muajve të trazirave dhe protestave antiqeveritare.

Radhët e gjata janë krijuar të hënën në mesin e votimeve nga frika se mund të mbyllen nga autoritetet për shkak të dhunës.

Në vazhdën e zgjedhjeve, grupet protestuese pro-demokracisë u kishin kërkuar njerëzve që të mos shkaktonin përçarje. Asnjë incident nuk është raportuar deri më tani.

Një rekord 4.1 milion njerëz janë regjistruar për të votuar – më shumë se gjysma e popullsisë prej 7.4 milion.

Më shumë se 400 këshilltarë do të zgjidhen në këshillin e Hong Kongut.

Mbështetësit pro-demokracisë shpresojnë se ata do të jenë në gjendje të rrisin përfaqësimin e tyre në këshill, i cili tradicionalisht ka njëfarë ndikimi në zgjedhjen e shefit ekzekutiv të qytetit.

Kandidatët pro-Pekinit po u bëjnë thirrje votuesve t’i mbështesin ata në mënyrë që të shprehin zhgënjimin ndaj trazirave të shkaktuara nga përleshjet e vazhdueshme midis protestuesve dhe policisë./abcnews.al

te-3.jpg
in a15:36 | 21/11/2019

Vazhdojnë protestat në Hong Kong dhe nga momenti në moment numri i pjesëmarrësve sa vjen e rritet. Ajo që bie në sy është kaosi dhe rrëmuja që ka përfshirë qytetin e Hong Kongut. Protestat dhe përplasjet me protestueve dhe policisë ka qënë të dhunshme duke sjellë edhe arrestimin  e shumë prej tyre.

Së fundmi një 12-vjeçar është dënuar në lidhje me protestat antiqeveritare të Hong Kong.

Fëmija, i cili nuk është identifikuar, u arrestua kur shkoi në shkollë pas demonstratave në tetor.

Ai pranoi se kreu vepra penale duke bërë shkrime me spray në muret e një stacioni policor dhe në një stacion metroje.

Pritet që dënimi për 12-vjeçarin do jepet muajin tjetër. Siç bëht e ditur nga njoftimi i policisë deri më tani janë arrestuar më shumë se 5000 persona që nga fillimi i protestave në qershor.

Një pjesë e kondsiderueshme e të arrestuarve ishin midis moshës 12 dhe 15 vjeç, edhe pse kjo është hera e parë që një prej tyre dënohet.

Prokurorët thanë se fëmija shkroi parulla të tilla si “policë të mallkuar mashtrues” dhe “asgjësim hyjnor, Hong Kongu i lirë” në muret e Stacionit Policor Mong Kok dhe stacionit të Prince Edëard MTR më 3 tetor.

Në momentit kur fëmija është është nisur për në shkollë oficerët kanë bërë një kontroll në banesë ku ju gjet boja e zezë. Avokatja e djalit, Jacqueline Lam, ka kërkuar që fëmijës ti jepej edhe një shanc sepse ai është vetëm 12-vjeç. “Unë i kërkoj gjykatës që t’i japë një shans,”-tha ajo. “Në fund të fundit, ai është vetëm 12 vjeç.”/abcnews.al

hong-kong-protest-us-human-rights-democracy-bill-american-flags-2-.jpg
nev ila10:46 | 20/11/2019

Miratimi në Senatin Amerikan i një pakete normash në mbrojtje të protestuesve pro demokracisë në Hong Kong ka shkaktuar zemërimin e Pekinit, i cili e konsideron një shkelje të rëndë të ligjeve për marrëdhëniet ndërkombëtare.

Kina ka reaguar ashpër ndaj miratimit unanim në senatin amerikan për “Të drejtat e njeriut në Hong Kong dhe Akti i Demokracisë “, një paketë normash në mbështetje të manifestuesve pro demokracisë që prej pothuajse gjashtë muajsh protestojnë në ish koloninë britanike.

Zëdhënësi i ministrisë së jashtme kineze u shpreh se Pekini e dënon me forcë dhe kundërshton me këmbëngulje lëvizjen e Shteteve të Bashkuara të AMerikës, që cilësohet si ndërhyrje në cështjet e brendshme të Kinës.

Teksti i miratuar në senat do të dërgohet në dhomën e përfaqësuesve, e cila ka miratuar tashmë një iniciativë të sajën për të njëjtën cështje: dy degët e kongresit amerikan duhet të punojnë së bashku dhe të sheshojnë ndryshimet para se norma t’i dorëzohet për firmë presidentit Donald Trump.

Zëdhënësi i ministrisë së jashtme kineze i kërkoi Shteteve të Bashkuara të Amerikës që të marrë masat për të shmangur kthimin në ligj të kësaj norme; si dhe të mos ndërhyjë më në cështjet e brendshme të Hong Kong.

Kjo pasi do të ndizte një zjarr që do të digjte vetë ata. Nëse Uashingtoni do të vazhdojë në këtë rrugë, Pekini do të ndërmarrë masa të ashpra për ta kundërshtuar deri në fund.

Pekini këmbëngul se prioritet në hong Kong aktualisht është ndalimi i akteve të dhunës dhe rivendosja e rendti, meqënëse është në rrezik modeli i “një vend dy sisteme” i cili rregulllon marrëdhëniet mes Hong Kong dhe Pekinit që nga viti 1997.

Senati amerikan miratoi dhe ‘Protect Hong Kong Act’, që ndalon shitjen dhe eksportin në Hong Kong të mjeteve të kontrollit të turmës dhe mbrojtjes./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono