holokausti

holokausti.jpg
ger ta10:49 | 01/02/2020

Në vitin 2011 Jan Grabovski, një historian polak, publikoi një kërkim me përmbajtje shpërthyese për sjelljet e qytetarëve polakë gjatë Holokaustit, duke u përqendruar në komunitetin e Dabrova Tarnovska, ku hebrenjtë polakë u rrethuan dhe u vranë nga fqinjët e tyre. Libri shkaktoi polemika të ashora në vendin e lindjes të studiuesit. Pas 10 vitesh tashmë, Grabovski, aktualisht profesor historie në universitetin e Otaua, është ende i përfshirë në procese gjyqësore që lidhen me librin e tij.

Në përpjekje për të tërhequr një bazë nacionaliste, partia e djathtë në qeveri “E drejta dhe Drejtësia”, prej kohësh bën presion në atë që kritikët e shohin si “politika e kujtesës”.

Në qendër të kësaj situate është teoria sipas së cilës kanë qenë ekzluzivisht nazistët që kanë vrarë tre milion hebrenj polakë gjatëLuftës së Dytë Botërore, jo polakët: pra polakët janë eksluzivisht viktima të Holokaustit dhe jo vrasës.

Në mars të vitit 2018 në Poloni u miratua ligji që kriminalizon të gjithë ata që akuzojnë kombin polak për krime lufte të kryera nga Gjermania naziste duke ndaluar vecanërisht përdorimin e termit “kamp shfarosës polak” duke iu referuar kampeve të përqendrimit të ngritura në Poloninë e pushtuar.

Historianë si Grabovski flasin për përpjekje për rishkrimin e historisë të konfliktit botëror duke e cilësuar si një “shtrembërim të Holokaustit”. Sipas tyre bëhet fjalë për veprime dhe më të rrezikshme se mohimi.

Ai thekson se pika kryesore e forcës e këtij argumentimi është transmetimi i mesazhit ë cilin njerëzit duan të dëgjojnë: Holokausti ndodhi, por kombi im, grupi im, tribuja ime, nuk pati gisht në ‘të.

Grabovski vlerëson se numri i hebrenjve të vrarë nga polakët – ose të denoncuar ndhe të dorëzuar në duart e gjermanëve – pra të vrarë nga nazistët – janë 200 mijë. Por ai nuk është historiani i parë që vë në diskutim këtë temë. Në vitin 2001 një libër revolucionar i Jan Ti Gross me titull “Fqinjët: Shkatërrimi i komunitetit hebre në Jedvabne në Poloni”, trajtonte vrasjen e 340 hebrenjve polakë nga ana e banorëve të fshatit: burra, gra dhe fëmijë u mbyllën në një kasolle dhe u dogjën të gjallë.

Por polakët kanë shpëtuar dhe me mijëra hebrenj gjatë atyre viteve. Janë rreth 7 mijë personat e konfirmuar nga Enti Kombëtar i Kujtesës së Shoah të Jeruzalemit, dhe Polonia numëron delegacion më të madh.

Por Grabovsi këmbënul se në punën e tij ai thekson se planii genocidit ishte gjerman; gjithësesi pa rrethanat lehtësuese në vend, gjermanët nuk do të kishin qenë kaq efikasë. Sipas tij kjo pjesë e historisë nuk është treguar asnjëherë, dhe historianët kanë detyrime ndaj viktimave dhe lexuesve të sotëm.

Polonia nuk është i vetmi vend që përballet me atë që ka ndodhur gjatë pushtimit nazist të Europës Lindore dhe me rolin e ushtarëve të saj. Nga gjashtë milionë hebrenj të vrarë gjatë Holokaustit, pjesa më e madhe e tyre rreth 5.7 milion janë vrarë jashtë kufijve të Gjermanisë: 1.1 milion u vranë në Bashkimin Sovjetik, 569 mijë në Hungari dhe 3 milion në Poloni ku gjenden dhe disa nga kampet më  famëkeqe naziste mes të cilëve dhe Aushvic – Birkenau.

Faktet tregojnë se gjysma e hebrenjve të vrarë humbën jetën në kampet shfarosëse naziste, ndërsa të paktën një e katërta u pushkatua nga skuadrat e vdekjes dhe bashkëpunëtorët e tyre.

Në të gjitha këto faza të masakrave masive, shumë civilë jo gjermanë morën pjesë vullnetarisht në operacionet e vrasjeve. Për shumë vende cështja e marrjes përsipër të fajit, për shumë kohë ka qenë e vështirë për t’u gëlltitur. Pas vitit 1945, pjesa më e madhe e Europës Lindore u përthith nga Bashkimi sovjetik dhe genocidi nazist nuk u trajtua kryesisht si një tragjedi e popullit hebre. Vetëm me rënien e murit të Berlinit, historianët ishin në gjendje të vlerësonin masakrat e kryera në Europën lindore.

Duhej pritur deri në vitin 2004 para pranimit nga ana e Rumanisë për përfshirjen e ushtarëve të saj në deportimin dhe vrasjen e heprenjve nën drejtimin e nazistëve. Presidenti i atëhershëm rumun Ion Iliesku u shpreh se tragjedia e tmerrshme e Holokaustit u bë e mundur falë bashkëpunimit të institucioneve shtetërore 0 si shërbime sekrete, ushtria, policia etj. Ai theksoi se nuk ka asnëj justifikim për ata që kanë dërguar me gjakftohtësi drejt vdekjes bashkëqytetarët e tyre, që i kanë diskriminuar, poshtëruar dhe përjashtuar nga shoqëria.

Në vitin 2014 qeveria hungareze, nëpërmjet ambasadorit të saj në Organizatën e Kombeve të Bashkuara, mori përsipër përgjegjësinë e deportimeve në masë të hebrenjve në kampet e shfarosjes në vitin 1944, të kryera nga zyrtarët hungarezë nën drejtimin e forcave naziste.

Vende të tjera si Polonia dhe Lituania ku gjatë Holokaustit u vra 95 për qind e komunitetit hebre në vend rreth 250 mijë persona, ende nuk kanë pranuar përgjegjësitë.

Në një shkrim të publikuar tek Politiko, kryeministri i Polonisë Mateus Moraviecki shprehej se polakët – në vend që të ishin bashkë përgjegjës në krime kundër njerëzimit – janë munduar të ndihmojnë hebrenjtë në mënyrë klandestine. Madje shumë prej tyre janë vrarë për këtë arsye. Ai thekson se përpjekjet për të përshkruar Poloninë si një shtet fajtor dhe jo si viktimë, nuk mund të tolerohen.

Ndërsa në Lituani, një ligjvënës i partisë në qeveri, deklaroi një muaj më parë se po punonte për një projektligj ku do të shkruhet e zezë mbi të bardhë se as qeveria e Lituanisë dhe as populli i saj nuk kanë qendë të përfshirë në Holokaust.

Për më tepër autoritetet vendore kanë shpallur heronj persona që sipas grupeve hebreje janë të lidhur me masakrat e luftës së dytë botërore.

Për të komplikuar më shumë panoramën për historianë si Gros dhe Grabovski, vijnë dhe deklaratat më të fundit të presidentit rus Vladimir putin i cili u përplas me liderët e Europës Lindore për rolin e Polonisë në shpërthimin e Luftës së dytë botërore. Javët e fundit Putin i ka hedhur benzinë zjarrit duke përsëritur vazhdimisht se Varshava është përgjegjëse për përhapjen e konfliktit si dhe ka ndihmuar gjermanët për të deportuar hebrenjtë.

Një javë më parë, presidenti polak Duda, bojkotoi një ceremoni për clirimin e kampeve naziste të shfarosjes të Aushvic Birkenau sepse organizatorët i mohuan lejen për të folur. Duda dëshironte që më atë rast të reagonte ndaj deklaratave të Putin.

Komentet e presidentit rus vijnë pas miratimit nga ana e parlamentit europian të një rezolute që e cilëson marrëveshjen mes nazistëve dhe sovjetikëve, në 1939-ën, mes liderit nazist Adolf Hitler e Xhozef Stalin, për të ndarë Poloninë dhe Shtetet Baltike si monmentin kyc për shpërthimin e luftës.

Putin këmbëngul se Bashkimi sovjetik nuk kishte shumë zgjidhje, pas përpjekjeve të përsëritura të Britamisë së Madhe dhe |Francës për ndalur Hitlerin gjatë viteve ’30 – me marrëveshjen e Mynihut në vitin 1938 që i lejoi nazistëve të aneksonin Çekosllovakinë. Në vitin 1941, Hitler prishi marrëveshjen me Stalinin dhe pushtoi Bashkimin Sovjetik duke detyruar sovjetikët të luftojnë. Pavarësisht pushtimeve të para naziste, Armata e Kuqe në fudn arriti të përmbysë situatën duke cliruar një pjesë të madhe të Europës Lindore dhe pushtoi Berlinin.

Sipas Putin liderët europianë duan të zhvendosin fajin për shkaktimin e luftës së dytë botërore nga nazistët tek komunistët, në përpjekje për të vendosur në një kënd Rusinë.

Përfshirja e Moskës në këtë debat, sipas Grabovskit, e ka bërë punën më të vështirë për historianët të cilët nuk janë të gatshëm për të mbështetur versionet shtetërore për konfliktin. Ata shprehen se kushdo që kritikon akuzohet se është një agjent rus…

E mbijetuar nga kampi i përqendrimit i Aushvic – Birkenau, Liliana Segre, senatore në Itali, vendosi shumë vonë të dëshmojë për tmerrin e përjetuar. Ajo filloi të dëshmojë në moshën 60 vjecare ndërsa aktualisht është 89 vjec.

Ajo tregn se ndërmori një hap të tillë kur u bë gjyshe dhe kur mendoi se ishte shëruar nga urrejtja. Asaj iu deshën 45 vjec për të thyer heshtjen dhe për të treguar për ferrin, urrejtjen që i vrau babain, gjyshërit dhe kushërinjtë.

Ajo ishte e vetmja e mbijetuar e familjes, e vetmja që u rikthye në shtëpi. Ajo e tregon veten në atë kohë si një vajzë 1 vjecare, budallaqe dhe injorante. Nuk dinte asnjë gjuhë të huaj dhe nuk dinte ku ndodhej pasi nuk dinte asgjë për gjeografinë.

Por përtej dëshmive të saj ajo përqendrohet në apelin ndaj të rinjve; që të jenë të vetëdijshëm për forcën e tyre duke qenë një mbështetje dhe për prindërit e tyre. Por frika e saj është se historia e Holokaustit po zbehet, dëshmitarët janë gjithnjë e më pak ashty si dhe dëshira e të rinjve për të mësuar rreth saj…

Një tezë që konfirmohet nga të dhënat e fundit sipas të cilave nga Franca në Gjermani anti semitizmi në Europë po rritet. Dhe tashmë nuk po manifestohet vetëm në kërcënime por dhe në sulme verbale dhe fizike. Dhe për më tepër numërohen vrasje të ndryshme sidomos në Francë. Sulmet anti semite janë në rritje ndërsa numri i hebrenjve që largohen nga Franca për të jetuar në Izrael nuk është më në rritje si disa vjet më parë.

Në një kohë që Europa dhe e gjithë Bota përkujtojnë 75 vjetorin e clirimit të Aushvic – Birkenau, në ditën e Kujtesës, janë të shumtë ata që pyesin nëse ekziston rreziku për të harruar atë që ishte Holokausti.

Një europian në 20 nuk ka dëgjuar të flitet asnjëherë për Holokaustin. Shifrat janë rezultat i një sondazhi të CNN ku janë intervistuar më shumë se 7 mijë persona nga Mbretëria e bashkuar, Austria, Franca, Gjermania, Polonia, Suedia dhe Hungaria. Një e treta e të intervistuarve deklaroi se dinte pak ose asgjë për Holokaustin.

I njëjti sondazh i kryer vetëm në Austri tregonte se 56% e personave të intervistuar injorontye faktin se 6 milion hebrenj janë vrarë nga nazistët dhe aleatët e tyre. Në pjesën më të madhe të vendeve europiane, mësimet për shfarosjen janë vendosur në programet shkollore, por gjithësesi shpesh mënyra se si flitet për këtë temë, i tejkalon kufijtë politiko – edukative dhe bëhet cështje shtetërore.

Austriakët kanë një marrëdhënie kontroverse me Holokaustin dhe rolin në shfarosjen e hebrenjve, romëve, homoseksualëve dhe kundërshtarëve politikë. 68% e tyre mendojnë se Austria është viktimë dhe në të njëjtën kohë bashkëpunëtore në ekzekutimin material të Holokaustit.

Deri pa kohë më parë, mësimi për genocidin, nga ana e nazistëve, në shkolla, mbështetej në parathënien se Austria ka qenë viktima e parë e pushtimit gjerman, pa pranuar se pjesa më e madhe e austriakëve ishte integruar më së miri. Dhe 42 për qind prej tyre as nuk e dinë se Maut’hausen, rreth 100 kilometra larg Vjenës, ka qenë një kamp përqendrimi.

Dhe në shkollat e Francs, leksionet për Holokaustin janë të detyrueshme. Por 58% e popullsisë së intervistuar mendojnë se Franca ka qenë njëkohësisht viktimë dhe fajtore në shfarosjen e hebrenjve. Ndërsa 45 për qind e tyre nuk e njohin ekzistencën e qeverisë franceze Viki, që bashkëpunoi me pushtuesin nazist.

Në Greqi nga ku janë deportuar në Aushvic 55 mijë hebrenj, profesori i historisë Viron Ntegkas shprehet se problemi me të cilin përballet ,ë shpesh është injoranca për shkak të moshës. Ai pranon se për pjesën më të madhe të studentëve grekë Holokausti duket si një histori antike. Shumë herë ata kanë vështirësi të kuptojnë se viktimat mund të jenë ende gjallë duke vuajtur ende pasojat. Në librat e historisë së Greqisë ka dëshmi dhe të hebrenjve grekë dhe studentët habiten që ka pasur hebrenj grekë.

Në Suedi ku dhe edukimi për Holokaustin është pjesë e programit të studimeve, theksohen veprimet pozitive të vendit gjatë Holokaustit, pavarësisht qëndrimit teknikisht neutral. Termi “autobusat e bardhë” i referohet mjeteve me të cilat Kryqi i Kuq suedez dhe qeveria daneze kanë shpëtuar më shumë se 15 mijë të burgosur nga kampet e përqendrimit në pranverën e 1945-ës duke negociuar me nazistët për lirimin e tyre, e për t’i drejtuar më pas nga Gjermania në Suedi, nëpërmjet Danimarkës.

Sipas profesorëve në një kontest ku partitë e ekstremit të djathët fitojnë gjithnjë e më shumë terren si në Suedi ashtu dhe në Europë, ky lloj arsimimi duhet mbikqyrur dhe duhet mbajtur në jetë.

Ngritja në pushtet e partive të së djathtës apo populiste ka pasur një impakt të drejtpërdrejtë në mësimin e historisë në vende të tjera europiane si Hungaria. Historianë vendas mendojnë se qeveria hungareze po përpiqet të prezantojë historinë e Holokaustit në një mënyrë shumë të vecantë me qëllimin për të ripërcaktuar pjesëmarrjen dhe përgjegjësinë hungareze.

Nga 1.1 milion hebrenj që u vendosën në Aushvic, Hungaria ishte vendi që deportoi më shumë për një total prej 430 mijë.

Në Spanjë e cila nën drejtimin e Frankos kaloi nga një qëndrim neutral në një qëndrim jo të qartë gjatë luftës, leksionet për Holokaustin janë vendosur në programin kombëtar vetëm në 2006-ën. Por mësuesit thonë se argumenti është trajtuar në mënyrë shumë sipërfaqësore dhe i përmbledhur në më pak se dy faqe.

Rusia nuk e ka bërë pjesë të programit shkollor termin Holokaust si standard edukativ deri në 2016-ën dhe pse lënda është e detyrueshme me ligj. Janë vetëm gjashtë orë mësimi në shkollat e larta për të mbuluar të gjithë Luftën e dytë botërore.

Gjermanie e pranon entitetin e përgjegjësive të saj për krimet më të këqia në historinë europiane. Në vend është i detyrueshëm mësimi për Holokaustin, dhe përfshihet në shumë lëndë të tjera nga historia e deri tek arti dhe muzika. Pjesa më e madhe e studentëve shkojnë në eskursion në një kamp përqendrimi.

Profesorët e historisë këmbëngulin se mësimet për holokaustin është thelbësore për të reflektuar për ngjarjet aktuale. Retorika neonaziste dhe raciste ka pasoja. Ka ndodhur në të kaluarën dhe po ndodh dhe tani.

Në Skoci ku sistemi edukativ është i pavarur në krahasim me pjesën tjetër të Mbretërisë së Bashkuar, mësimi i Holokaustit nuk është i detyrueshëm. Por gjithësesi në shumë shkolla flitet për ‘të.

Në Britaninë e Madhe dhe në Uells, është i detyrueshëm mësimi për Holokaustin si në histori ashtu dhe në lëndën e edukatës fetare.

Ndërsa në Irlandë, Holokausti përbën vetëm një pjesë shumë të vogël të programit shkollor.

Kohët e fundit rrjetet sociale po afirmohen si një metodë alternative informacioni. Profili në Tuiter i Aushvic Memorial, publikon biografitë si të viktimave ashtu dhe të të mbijetuarve të kampve të përqendrimeve.

Nga një këndvështrim praktik, 2.3 milion persona kanë vizituar Aushvic një vit më parë. Por nëse mendohet për këto shifra, kuptohet se janë me miliarda personat që nuk e kanë vizituar e ndoshta nuk do e vizitojnë asnjëherë./abcnews.al

83290198_2768370523209203_5344754030100873216_o.jpg
ger ta09:02 | 27/01/2020

Presidenti Ilir Meta ka përkujtuar viktimat e Holokaustit, në Ditën Ndërkombëtare të Kujtesës.

Kreu i shtetit shprehet se është krenar për vendin tonë që në periudhën më të errët të njerëzimit, mbrojti dhe mirëpriti mijëra hebrenj të larguar nga vendet e tjera.

Mesazhi i Metës:

Në Ditën Ndërkombëtare të Kujtesës, përkujtojmë me nderim miliona viktima të pafajshme të mizorisë së pashpirt të Holokaustit, në mënyrë që antisemitizmi, mungesa e tolerancës, bashkëjetesës, dhe shkeljet e lirive e të drejtave të njeriut, të mos përsëriten KURRË MË.

Dy dekada më parë në zemër të Europës, fatkeqësisht ishim dëshmitarë të masakrave e spastrimit etnik dhe fetar në Bosnje e Hercegovinë, dhe Kosovë.

Gjenocide dhe akte të tilla çnjerëzore ndaj kujtdo që i përket një feje, etnie apo kombësie ndryshe, nuk duhet të ndodhin dhe nuk duhen lejuar të ndodhin KURRË MË në botën ku jetojmë!

Krenar për kombin tonë, që në periudhën më të errët të njerëzimit, mbrojti dhe mirëpriti mijëra hebrenj të larguar nga vendet e tjera, duke mos dorëzuar asnjë te pushtuesit.

/abcnews.al

89.jpg
in a15:56 | 08/11/2019

89-vjeçarja e mbijetuara nga Holokausti, kërcënohet sistematikisht në internet dhe offline. Liliana Segre, ishte 13-vjeç kur u internua në Aushvic, por së fundmi ka punuar për krijimin e një komiteti parlamentar kundër urrejtjes dhe racizmit, raporton CNN.

Sipas raporteve lokale e moshuara është marrë në mbrojtje nga policia pasi kërcënimet sa vinin edhe shtoheshin. “Sa herë që hebrenjtë e shquar janë në qendër të vëmendjes së mediave në Itali, ata i nënshtrohen abuzimit në internet”, ka thënë Stefano Gatti, për CNN.

Segre është bërë shenjestra e rreth 200 sulmeve “agresive” të mediave sociale, tregon për CNN. /abcnews.al

holokausti.jpg
ad min17:40 | 02/05/2019

Izraeli përkujton viktimat e Holokaustit, një moment kur kryeministri i vendit Benjamin Netanjahu është në qendër të kritikave, për atë që është cilësuar si një flirtim me nacionalistët e Bashkimit Europian.

Si çdo vit, dhe të enjten e sotme, Izraeli ka ndaluar çdo gjë për dy minuta ndërsa sirenat kërkonin heshtje në të gjithë vendin, për të kujtuar 6 milion hebrenjtë e vrarë në Holokaust.

Për 120 sekonda është përsëritur ceremonia e organizuar i një populli të tërë që ndalon me kokën ulur, në rrugë, në automjetet e tyre, në shtëpi dhe punë, në shenjë homazhi për viktimat e genocidit nazist; gjatë të cilit u shfarosën 1/3 e hebrenjve.

Ceremonia më pas vijoi me vendosjen e një kurore me lule në memorialin e Jad Vashëm, në prani të liderëve izraelitë dhe të mbijetuar. Emrat e atyre që janë vrarë në genocide lexohen me zë të lartë në parlamentin e vendit, gjatë gjithë ditës.

Bëhet fjalë për një nga ceremonitë më prekëse dhe solemne në kalendarin izraelit. Restorantet, baret dhe vendet e argëtimit janë të mbyllura. Programacioni në televizione dhe radio i dedikohet tërësisht dokumentarëve për Holokaustin me intervista të të mbijetuarve dhe muzikë klasike. Flamuri izraelit vendoset në gjysmë shtizë.

Holokausti është ende një plagë e thellë në ndërgjegjen publike izraelite. Shteti I themeluar në vitin 1948, tre vjet pas përfundimit të LLuftës së dytë botërore, u kthye në një vend strehimi për hebrenjtë nga e gjithë bota. Me qindra mijëra, të mbijetuar ndaj genocidit ku kishin humbur familjet e tyre, u mblodhën nga e gjithë bota duke e kthyer këtë rrip toke në shtëpinë e tyre.

Sipas kalendarit hebre dita e kujtesës së Holokaustit shënon përvjetorin e revoltës së Getos në Varshavë në vitin 1943: një nga aktet më domethënëse të rezistencës hebreje gjatë Luftës së Dytë Botërore.

Ceremonia përkujtimore nisi mbrëmjen e të mërkurës me një ceremoni shtetërore në memorialin e Holokaustit, ku liderë të vendit shprehën shqetësim për valën në rritje të anti-semitizmit në të gjithë botën.

Presidenti Reuven në fjalën e tij theksoi se antisemitizmi në Europë po ngre kokë sërish, i ushqyer nga vala e emigracionit, ekonomi në krizë dhe pakënaqësi ndaj klasës politike.

Duke kritikuar në mënyrë të drejtpërdrejtë kryeministrin e vendit Netaniau, presidenti i Izraelit i kërkoi qeverisë së vendit që të rivlerësojë politikën e jashtme dhe aleancat me partitë nacionaliste europiane që kanë një të kaluar anti-semite.

Netaniau është në qendër të akuzave sepse ka krijuar marrëdhënie me një seri liderësh të europës lindore që e kanë mbështetur politikën e Izraelit por në të njëjtën kohë promovon një panoramë të shtrembëruar të Holokaustit.

Si dhe përpiqen të minimizojnë përgjegjësitë historike teksa festojnë si heronj personazhe nacionalistësh anti-sovjetikë të përfshirë nga ana tjetër në vrasjet masive të hebrenjve.

Netanyahu nga ana e tij vuri theksin tek kërcënimi i vazhdueshëm që vjen nga ekstremizmi anti-semit duke thënë se ekstremi i djathtë, ekstremi i majtë dhe Islami radikal bien dakord për diçka: urrejtjen e tyre për hebrenjtë./abcnews.al

thaci-genocidi-1280x649.jpg
ent ela16:18 | 13/04/2019

Me anë të një statusi në profilin e tij në Facebook, presidenti i Kosovës Hashim Thaci e ka krahasuar genocidin serb më Kosovë me Holokaustin e nazizmit. Sipas kreut të shtetit, i vetmi ndryshim është pandëshkueshmëria e krimeve të Serbisë.

Presidenti i Kosovës Hashim Thaci krahasoi genocidin në Kosovë me Holokaustin. Sipas tij ndryshimi i vetëm është ndëshkimi. Kreu i Shtetit të Kosovës krahason krimet e Serbisë në Kosovë me Holokaustin e Hitlerit, duke shtuar se mohimi i krimeve të Serbisë kundër shqiptareve është e njësoj sikur të mohohet holokausti i nazizmit.

Dallimi, thotë Thaçi, mes holokaustit dhe genocidit në Kosovë, është se krimet e Hitlerit janë dënuar ndërsa të Serbisë ende jo.

“Krerët e Serbisë po mundohen të mohojnë krimet para botës, spastrimin etnik dhe genocidin e kryer nga ushtria e Serbisë në Kosovë. Të mohosh genocidin e Serbisë kundër shqiptarëve në Kosovë është sikur të mohosh holokaustin e nazizmit të Hitlerit. Një qasje e tillë e Serbisë nuk është aspak ndihmuese për procesin e normalizimit të marrëdhënieve ndërshtetërore dhe pajtimin!” shkruan ndër të tjera Thaçi. /abcnews.al

edi-rama-1280x660.jpg
ad min20:39 | 06/03/2018

Një qendër për të treguar se si u shpëtuan hebrenjtë nga familjet shqiptare gjatë Luftës së Dytë Botërore, ndalimi i fesë gjatë viteve të komunizmit, por edhe bashkëjetesa shqiptare, do të ngrihet në Tiranë.
Lajmin e bëri të ditur kryeministri Edi Rama nga Shtetet e Bashkuara të Amerikës, ku me motivacionin “për angazhim të veçantë në ruajtjen e kujtesës së Holokaustit dhe mbrojtjen e të vërtetës historike, promovimin e ruajtjes së vlerave kulturore të trashëgimisë së popullit amerikan”, u nderua me çmimin për “Pluralizmin Kulturor”.
Ky çmim iu dorëzua Kryeministrit Rama, nga i emëruari i Presidentit Trump në krye të Komisionit për Mbrojtjen e Trashëgimisë Amerikane në Botë, Paul Packer, i cili vlerësoi angazhimin e qeverisë shqiptare, për ruajtjen e kujtesës së Holokaustit, si dhe ndërtimin e muzeut të Holokaustit, që Packer tha se do të bëhet nga i njëjti arkitekt i muzeut të Izraelit./abcnews.al

vlcsnap-error956-1280x720.jpg
ent ela12:35 | 01/02/2018

Në Poloni është miratuar ligji sipas të cilit asnjë kamp përqendrimi nuk do të cilësohet si polak, madje shteti polak dhe as qytetarët nuk do të lidhen me asnjë krim të nazistëve ndaj hebrenjve. Kryeministri izraelit Netaniau reagoi ashpër duke thënë se ky ligj mohon holokaustin

Senati polak miratoi ligjin për Holokaustin i cili synon të mbrojë imazhin e vendit por që kritikohet nga Izraeli, i cili pretendon se Varshava në këtë mënyrë do të rishkruajë historinë. Ligji parashikon deri në tre vjet burg apo gjobë për këdo që quan polake kampet e përqendrimit të ndërtuara nga nazistët në Poloni gjatë luftës së dytë botërore.

Ligji u miratua me 57 vota pro dhe 23 kundër e dy abstenime. Ligji tashmë duhet firmosur dhe nga presidenti i vendit Andrzej Duda. Për konservatorët polakë, përdorimi i termit kamp përqendrimi të çon të mendosh se Polonia ka pasur përgjegjësi në holokaustin nazist. Ndërsa Izraeli nga ana e tij kundështon përpjekjen për mohimin e pjesëmarrjes së disa polakëve në shfarosjen e hebrenjve si dhe heqja e mundësisë për disa të mbijetuar që do të duan të hedhin në gjyq përgjegjës apo pjesëmarrës në krime.

Pas aprovimit të ligjit të premten e kaluar nga dhoma e ulët e parlamantit polak, kryeministri izraelit Beniamin Netaniau deklaroi se nuk do të lejohe që të shtrembërohej e vërteta dhe të rishrkuhej historia. Dhe aq më të për të ohohej holokausti. Në reagim të kësaj parlamenti izraelit miratoi një ligj sipas të cilit do të dënohet me pesë vjet burg kushdo që redukton apo mohon rolin e atyre që ndihmuan nazistët në krimet ndaj hebrenjve.

Në Varshavë ndërkohë, rreth njëqind personalitete polake si artistë, gazetarë dhe politikanë, por dhe ish presidenti Aleksandër Kasniski kanë firmosur një apel ku kërkohet një amendament për eliminin dhe kriminalizimin e shprehjeve ofenduese për Poloninë. Një grup hebrenjsh polakë kanë publikuar një letër të hapur ligjit të ri i cili sipas tyre mund të penalizojë ata që thonë të vërettën për inormatorët polakë dhe qytetarët polajë që kanë vrarë fqinjët e tyre hebrenj.

Por pavarësisht kësaj senati polak miratoi ligjin pa asnjë ndryshim. Zëvendës ministri polak i drejtësisë deklaroi se reagimi i dhunshëm i Izraelit për këtë ligj në fakt ishte pasojë e problemeve të brendshme politike që mund të ketë vendi.

Dhe shtetet e bashkuara të Amerikës kanë shprehur shqetësim për pasojat e këtij ligji duke I bërë apel Varshavës që të marë sërish në konsideratë ndryshimin e tij duke paralajmëruar se mund të ketë pasoja në interest dhe marrëdhëniet startegjike të Polonisë me Shtetet e Bashkuara të Amerikës dhe Izraelin.

Gjatë luftës së dytë botërore, humbën jetën gjashtë milionë polakë, ter million nga të cilët ishin hebrenj. Në Poloninë e pushtuar gjermanët vendosën se cdo ndihmë ndaj hebrenjve do të ndëshkohej me vdekje. Por shumë polakë ndihmuan hebrenjtë, në muzeun e Jad Vashem në Jeruzalem, dedikuar Kujtimeve të Holokaustit, janë emrat e 6700 polakëve që kanë ndihmuar hebrenjtë gjatë luftës./abcnews.al

vlcsnap-error049-1-1280x720.jpg
ent ela12:41 | 29/01/2018

Parlamenti polak ka miratuar një amendament në ligjin e Holokaustit, sipas të cilit shteti polak dhe polakët nuk duhet të akuzohen më për krime ndaj hebrenjve. Kryeministri izraelit Netaniau ka reaguar ashpër duke kërkuar ndryshimin e menjëhershëm të ligjit.

Projektligji për Holokaustin i miratuar nga parlamenti polak duhet ndryhuar. Kërkesa është bërë nga kryeministri izraelit Beniamin Netaniau i cili paralajmëroi se nuk do të ketë asnjë tolerancë për falsifikimin e së vërtetës, për rishkrimin e historisë apo për mohimin e holokaustit. Por polonia ka bërë të qartë se nuk do të ndryshojë asgjë në ligjin për Institutin e memories kombëtare. Kjo u konfirmua në një mesazh në Tuiter nga zëvendës kryetarja parlamentit polak  Beata Mazurek, e cila shtoi se akuzat kundër Polonisë dhe polakëve për krimet gjermane duhet të marrin fund.

Kriza diplomatike mes Izraelit dhe Polonisë nisi të premten kur në prag të Ditës së Kujtesës, Dhoma e ulët e parlamentit të Varshavës miratoi një amendament në ligjin për aktivitetin e Institutit të kujtesës kombëtare. Amendamenti i cili do të kalojë dhe në senat si dhe në zyrën e Presidentit parashikon mundësinë për të gjobitur por dhe për të burgosur deri në tre vjet, ata që publikisht dhe në kundërshtim me provat, fajësojnë shtetin polak si bashkëpërgjegjës në krimet e kryera nga Hitleri gjatë luftës. I njëjti dënim dhe për ata që përdorin fraza të tipit: Kampe polake përqendrimi duke iu referuar Aushvitzit, ku u masakruan me mijëra hebrenj në kohën që polonia ishte e pushtuar nga gjermanët gjatë lufëts së dytë botërore.

Kryeministri izraelit Netaniau u shpreh se është kundër këtij liji të miratuar nga parlamenti polak dhe se ai duhet ndryshuar. Sipas tij shteti hebre është kundër përmbajtjes së këtij ligji dhe për më tepër moment I miratimit të tij ishte i papërshtatshëm, në prag të Ditës së kujtesës.

Ministria e jashmte izraelite këmbëngul se në një kohë që shteti polak nuk ekzistonte akoma, me mijëra polakë kanë vrarë hebrenj ose i kanë dhënë nazistëve informacione për vendndodhjen e tyre, një fenomen që është dokumentuar në mënyra të ndryshme nga historian të rëndësishëm polakë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono