hollanda

netherlandsP28-1160x718.jpg
So Nila15:26 | 24/12/2019

Holanda ka përvojë me shekuj në menaxhimin e ujit. Tani ndryshimi i klimës po kërcënon ta përmbysë plotësisht atë.

Dikur ka qënë një zonë bujqësore e lulëzuar, Noordwaard tani është një hapësirë kënetash në Holandën jug-perëndimore.

“Disa vite më parë, kur erdha këtu , ishte plot me ferma të mëdha të këndshme, me hektarë me patate dhe qepë,” tha Stan Fleerakkers, një fermer që jeton aty afër. “Tani kur shëtit, sheh se nuk ka mbetur më asgjë”.

Noordwaard, është gjithashtu një fotografi e së ardhmes me të cilën përballet vendi: Me një parashikim të paprecedent të rritjes së nivelit të detit si rezultat i ndryshimit të klimës, qeveria Holandeze po garon me kohën për të kuptuar se si të ruajë një nga vendet më të pasura në botë nga zhdukja në detin e Veriut .

Parashikimet e rritjes së nivelit të detit variojnë nga nivelet që janë të menaxhueshme për sa kohë që rritja është graduale, deri në skenarët e tjerë që do të tejkalojnë aftësinë e autoriteteve për t’u përgjigjur. Me qetësi, ekspertët kanë filluar të modelojnë të ardhmen e mundshme në emër të qeverisë.

“Në skenarë më optimistë, pritat e njohura të Hollandës, pengesat e stuhisë, pompat mund ta përballojnë, por vetëm me një kosto.

Ky është vërtet një makth, por gjendja është serioze, “shtoi ai. “Mund të jetë një makth më pak nëse fillojmë të planifikojmë që tani.”

1.Rritja e nivelit të detit

Një sasi e caktuar e rritjes së nivelit të detit është tashmë e pashmangshme, e vendosur në lëvizje nga ngrohja globale dhe shkrirja e akullit të shkaktuar nga emetimet e karbonit gjatë dekadave të fundit.

Paneli Ndërqeveritar për Ndryshimin e Klimës, organet e Kombeve të Bashkuara që mbledhin dhe vlerësojnë rezultatet shkencore, parashikon nga 30 deri në 60 centimetra ngritje të nivelit të detit deri në vitin 2100, edhe nëse vendet i mbajnë premtimet e tyre për të ulur emetimet në bazë të Marrëveshjes së Klimës në Paris.

Nëse vazhdojmë në tendencat aktuale, IPCC parashikon 84 centimetra të ngritjes së nivelit të detit deri në vitin 2100, dhe 5.4 metra deri në 2300. IPCC gjithashtu ka paralajmëruar se një ngritje prej më shumë se një metër deri në vitin 2100 nuk është e mundshme, dhe këshilloi -që vendet e rrezikuara të planifikojnë në përputhje me rrethanat.

Rritja e nivelit të detit krijon një efekt “dëbore” që përshpejton shkallën në të cilën fenomeni do të vazhdojë.

Sipërfaqja  e akullit të Antarktikut është gjithashtu aq e madhe sa që ushtron një tërheqje gravitacionale mbi oqeanet: Ndërsa zvogëlohet, uji i detit do të rishpërndahet nga Poli i Jugut, duke shkaktuar një rritje  të nivelit të detit.

“Ne kemi humbur pothuajse gjysmën e akullit të Arktikut tani, dhe të dy sipërfaqet e akullit të Grenlandës dhe Antarktidës po humbasin masën dhe po kontribuojnë në ngritjen e nivelit të detit në mënyrë të konsiderueshme,” tha Michiel van den Broeke, një profesor i meteorologjisë polare në Universitetin e Utrecht.

“Kjo është gjithashtu një moment i pakthyeshëm, dhe ne duhet të jemi shumë të kujdesshëm që të mos e kalojmë këtë pikë, sepse kjo do të thotë se niveli i detit do të rritet me shumë metra, dhe kjo është diçka  të cilën Hollanda nuk mund ta përballojë.”

Barrierat mund të mbyllen, por kjo bllokon transportin në portin e Roterdamit, i cili përbën një pjesë të konsiderueshme të ekonomisë Holandeze. Ndërhyrja në vijën bregdetare ndikon edhe në industrinë e peshkimit holandez. Dhe nëse toka është nën nivelin e detit, lumenjtë që rrjedhin mbi të duhet të derdhen në det, gjë që kushton energji.

Ekziston një pikë në të cilën nuk ka ekonomi financiare që mund të shpëtojë  tokën.

“Teknikisht, është e mundur. Ne mund të ngremë mbrojtje bregdetare ose diga. Por në një moment të caktuar duhet të pyesim veten nëse kjo është një zgjidhje e vlefshme, “tha Van Den Broeke.

Xhevahiri i pasurisë dhe industrisë hollandeze, megalopoli i Randstad që përfshin Amsterdamin, Roterdamin, Hagën dhe Utrecht, ndodhet në perëndimin e vendit, në shtresën e ulët.

“Disa nga zonat më të thella në Hollandë janë 10 metra nën nivelin e detit tashmë,” tha Kleinhans. “Nëse do të shkelnit bregdetin tani, deti do të arrinte afërsisht në Utrecht, në Hollandën qendrore.Realisht është me të vërtetë një situatë e frikshme.

2.Planifikimi i së ardhmes

Aftësia për të menaxhuar ujin është kthyer një pikë krenarie në Holandë. Pasuria e saj, gatishmëria institucionale dhe njohuria teknike i kanë dhënë avantazh ndaj pjesëve të tjera të ulëta të botës.

Bordet Rajonale të Ujit, disa të themeluara në shekullin XIII, janë të pavarura nga qeveria kombëtare, duke i lejuar ata të planifikojnë përtej jetëgjatësisë së cikleve politike. Politika ka krijuar lidhje të forta me komunitetin shkencor dhe ka një bashkëpunim të ngushtë midis institucioneve.

Por përmbytjet shpesh kanë qenë të mëdha, të shkaktuara nga katastrofa të tilla si stuhia e vitit 1953 që shkatërroi dhe përmbyti gati një të dhjetën e tokës bujqësore holandeze. Stuhia vrau 1 836 njerëz, shkatërroi shtëpi dhe mbyti dhjetëra kafshë.

Këtë vit, qeveria holandeze porositi një grup ekspertësh, në Programin e Njohurive në Nivelin e Detit, të monitorojë çështjen dhe të hartojë përgjigjet e mundshme. Grupi është duke punuar me katër skenarë, sipas Marjolijn Haasnoot, një shkencëtar i mjedisit në institutin kërkimor Deltares dhe Universitetin Utrecht, i cili ka udhëhequr zhvillimin e planifikimit të skenarëve të ardhshëm në Hollandë.

Dy nga skenarët – përfshijnë forcimin e mbrojtjes me mjetet ekzistuese, me mundësinë e pengesave të stuhive .Plani i tretë është një skenar sulmi, në të cilin Hollanda kërkon tokë shtesë nga deti që të ndërtojë ishuj mbi të.

Për të ndihmuar në përgatitjen e një të ardhme më të sigurt, Haasnoot ka zhvilluar një model që harton skenarë të mundshëm në të ardhmen dhe përcakton se cilat veprime duhet të ndërmerren.

3.Ndërtimi i postoblloqeve

Shkencëtarët thonë se ata kanë zbuluar se rreziqet e ngritura nga niveli i detit vështirë të dallohen për t’ia transmetuar popullit, por insistojnë se është e rëndësishme të vazhdojnë të përpiqen. Është politikisht e vështirë, thonë ata, sepse kërkon të sakrifikosh tani për një të ardhme të sigurt.

Hollanda ka humbur objektivin e saj për të ulur emetimet në 30 përqind deri në vitin 2020 krahasuar me nivelet e vitit 1990. Këtë verë, shtatë parti politike nga e majta dhe e djathta u bashkuan për të miratuar një ligj për ndryshimin e klimës.

Fermerët holandezë bllokuan qytete në të gjithë Hollandën me traktorët e tyre në tetor në protestë kundër përpjekjeve të qeverisë për të frenuar ndotjen e azotit, e cila është shkaktuar kryesisht nga bujqësia dhe industria e ndërtimit.

Ushtria u fut për të mbrojtur Hagën dhe katër qeveri rajonale pezulluan masat pasi ishin në presion. Kjo u pasua nga protesta të ngjashme nga punëtorët e ndërtimit me kamionë që shkaktuan bllokim trafiku që u shtri deri në 380 kilometra, sipas autoritetit të trafikut ANWB.

“Kjo do të ketë pasoja për shumë dekada dhe shekuj. Duhet një politikan shumë i guximshëm për ta marrë përsipër, “tha Van Den Broeke i Universitetit të Utrecht. “Ende ekziston një pjesë e konsiderueshme e popullatës Hollandeze që nuk është në dijeni ose nuk interesohet për këto probleme, kështu që kërkon udhëheqje të fortë për t’i bërë këto ndryshime.”

Kleinhans, profesori i gjeografisë fizike, beson se ndjenja mbizotëruese e sigurisë dhe besimit në lidhje me mbrojtjet nga përmbytjet në mesin e popullatës më të gjerë është e gabuar.

Në fund të fundit, Hollanda mund të mos ketë mundësi tjetër përveç se të përshtatet, ose ndoshta të tërhiqet. Një grup fermerësh në Overdiepse Polder – jo larg nga moçalet e evakuara të Noordwaard – demonstrojnë limitet e modelit Hollandez.

Në vend që të largohen, gjysma e fermerëve iu bindën autoriteteve që t’i ndihmojnë ata të qëndrojnë. Rezultati është padyshim një ide e inxhinierisë dhe planifikimit. Fermerët tani jetojnë në shtëpi në ferma të mëdha, të sapo-ndërtuara dhe lidhen me fshatin më të afërt me rrugë të ngritura në të njëjtën lartësi.

Qeveria bleu fermën e vjetër të Fleerakkers me një çmim të arsyeshëm. Nëse ndodh ndonjë përmbytje jashtë muajve të dimrit,do të garantohet kompensimi për dëmet e shkaktuara.

“Ne shpenzojmë shumë para në Hollandë për menaxhimin e ujit. Ne duhet ta bëjmë atë nëse nuk realizojmë planet tona, atëherë do të përmbytemi – pa fabrika, pa njerëz që jetojnë këtu, të gjitha do të zhduken”./PoliticoPërgatiti në shqip, Sonila Backa-abcnews.al/

stef_blok-780x405.jpg
nev ila16:56 | 04/10/2019

Shefi i diplomacisë holandeze ka përsëritur qëndrimin tashmë të njohur se Shqipëria nuk është gati për hapjen e negociatave. Duke folur pas një mbledhjeje qeverie, Stef Blok ka ritheksuar se Shqipëria duhet të bëjë progres të dukshëm në luftën kundër korrupsionit dhe krimit, ndryshe nga Maqedonia e Veriut që sipas tij ka arritur rezultate të mëdha.

Ministri i Jashtêm hollandez, Stef Blok e thotë shkoqur:

“Shqipëria nuk është gati pêr hapjen e negociatave të anëtarêsimit në Bashkimin Europian”.

Këtë deklaratë ministri Blok e ka bërë për mediat hollandeze pas mbledhjes së Kêshillit të ministrave.

“Shqipëria ende duhet të ndërmarrë hapa të mëtejshëm, veçanërisht në trajtimin e korrupsionit dhe përmirësimin e sundimit të ligjit”, është shprehur Blok.

Ndërkohë, për Maqedoninë e Veriut, rruga duket e qartë për të filluar negociatat e anëtarësimit në Bashkimin Europian.

“Maqedonia e Veriut ka ndërmarrë hapa të mëdha përpara. Përparimi në sundimin e ligjit duhet të vazhdojë, kështu që ne shohim hapësirë atje”, është shprehur ministri Blok.

Ministri mbështet mocionin e Parlamentit të Hollandës, të aprovuar në qershor të 2019 kundër hapjes së negociatave të anëtarêsimit me Shqipërinë nga një shumicë prej 105 deputetësh në favor dhe 45 kundër.

Deklarata e ministrit Blok vjen pas letrës së përbashkët tê 3 tetorit 2019 të presidentit të këshillit Europian, Donald Tusk, të Parlamentit Evropian, Davide Sassoli dhe të Komisionit Evropian, Jean-Claude Juncker ku kërkohej hapja e negociatave me Maqedoninë e Veriut dhe Shqipërinë. Ministrat e jashtëm të Bashkimit Europian pritet të marrin një vendim në 15 tetor lidhur me këtë.

Nëse ata nuk gjejnë konsensus, çështja  kalon te kryetarët e shteteve dhe të qeverive të Bashkimit Europian në samitin e 18 tetorit në Bruksel./ABC News Albania 24/7

Bashkimi-Europian.jpg
nev ila20:01 | 02/10/2019

Vështirësohet njehsimi i qëndrimeve për hapjen e negociatave të anëtarësimit të Shqipërinë në gjirin e shteteve anëtare të Bashkimit Evropian.

Në takimin e 28 ambasadorëve të përhershëm të BE-së mbajtur në Bruksel, Franca nuk ka prezantuar ende një qëndrim lidhur me hapjen e negociatave të anëtarësimit me Maqedoninë e Veriut dhe Shqipërinë.

Holanda është mjaftuar duke thënë, që qëndrimi i saj për Shqipërinë nuk ka ndryshuar.

Për qeverinë holandeze, aktualisht mbetet ende në fuqi mocioni i  parlamentit holandez të aprovuar në qershor të këtij viti, kundër hapjes së negociatave me Shqipërinë.

Kjo është konfirmuar sot për ABC News nga burime zyrtare holandeze.

Ndërkohë një tjetër shtet i është shtuar listës së skeptikëve për hapjen e negociatave të anëtarësimit me Shqipërinë.

Danimarka ka lënë të kuptohet, se tashmë vendi ka një qeveri të re, që nuk është entuziaste për zgjerimin dhe rrjedhimisht mund të jetë më strikte se qeveria e mëparshme.

Këto elementë pengojnë ambasadorët e përhershëm që të punojnë mbi një tekst të përbashkët për Maqedoninë e Veriut dhe Shqipërinë.

Askush deri tani nuk mund të thotë nëse ky tekst do marrë formën e vendimit të Bundestagut për të dyja vendet apo jo.

Paralelisht me këtë, ka shtete anëtare të BE-së që shohin probleme me qasjen e deritanishme për zgjerimin, pasi nuk po jep rezultatet e pritshme edhe me vendet që kanë hapur negociatat, si Serbia dhe Mali i Zi, lidhur me forcimin e shtetit ligjor dhe të drejtat themelore.

Kjo po e thellon ndarjen brenda shteteve anëtare.

Ambasadorët e përhershëm do të mblidhen sërish të mërkurën e ardhshme për të diskutuar qëndrimet e tyre.

Nga eksperienca e vitit të shkuar, nuk përjashtohen disa takime të tilla për të mundësuar formulimin e teksteve për të dyja vendet deri në datën 15 tetor, kur pritet të merret vendimi i ministrave të jashtëm të Bashkimit Evropian për Shqipërinë dhe Maqedoninë e Veriut./ABC News Albania 24/7

policia-e-shtetit-800x447_1-1-1280x670.jpg
ent ela12:52 | 29/09/2019

Ekstradohet nga Hollanda 33-vjeçari Fatmir Pjetri i dënuar me 30 vjet burg, pjestar i një grupi të strukturuar kriminal në fushën e vjedhjes me armë. Pjetri ka qenë pjesë e grupit të ashtuquajtur “Babagjyshët”, ku gjatë periudhës Janar-Dhjetor të vitit 2013 e në vazhdim. 33-vjeçari është nga Puka dhe rezulton i dënuar më parë në Greqi për vjedhje me dhunë dhe armë. Ai ka marrë pjesë në të gjitha grabitjet e bëra  nga banda e “Babagjyshëve”,që u shtrinë në të gjithë vendin si, Tiranë, Kuçovë, Durrës, Berat, Lezhë, Fushë-Krujë, Laç, Shkodër. Pjetri kryente çdo grabitje  pa lënë gjurmë, dhe pa shkaktuar viktima.

Përmbledhje e ngarjeve të ndodhura:

Shtetasi Fatmir Pjetri ka qenë pjesë e një grupi kriminal (Babagjyshët) që gjatë periudhës Janar-Dhjetor të vitit 2013 dhe në vazhdim, në qytetet e Tiranës, Laçit, Fushë-Krujës, Kuçovës dhe Durrësit kanë grabitur me armë disa argjendari në këto qytete.

Disa nga episodet:

Në datë 28.09.2013 është vjedhur me armë argjendaria e shtetasit A. B.,  në Kuçovë;

Në datë 05.11.2013 është vjedhur me armë argjendaria e shtetasit S. R., në Laç;

Në datë 25.11.2013 është vjedhur me armë argjendaria e shtetasit P. B., në  Fushë-Krujë;

Në datë 24.12.2013 është vjedhur me armë argjendaria në një qendër tregtare në Tiranë.

Si rezultat i bashkëpunimit të Interpol Tiranës me Interpol The Hague, u bë i mundur arrestimi i tij në Hollandë, duke u finalizuar me ekstradimin drejt vendit tonë.

/abcnews.al

 

zgjedhjet-BE.jpg
ent ela09:53 | 24/05/2019

Hollanda shënon suprizën e parë të zgjedhjeve europiane. Forcat pro-europiane më në krye kandidatin socialist progresist për presidencën e Komisionit Europian, Frans Timmermans janë fituese të zgjedhjeve europiane që u zhvilluan në 23 maj.

Në një kohë kur humbja e popullaritetit të partisë socialiste në Hollandë konsiderohej si pika e dobët  e kandidatit Timmermans, ai arrin të përmbysë situatën dhe partia e tij PvdA del fituese e zgjedhjeve europiane me 18% të votave. Kjo votë përkthehet me 6 vende në Parlamentin Europian nga 26 vende që i jepen në total Hollandës dhe që i korrespondon dyfishit të rezultatit të zgjedhjeve të 2014.

Partia e kryeministrit liberal Mark Rutte (VVD) ka shënuar një rritje të vogël në këto zgjedhje me 14 % dhe arrin të marrë 4 vende në Parlamentin Europian.

Kryeministri Mark Rutte ka përshëndetur Timmermans për një performancë të shkëlqyer, ndërkohë që ky i fundit e konsideron fitoren e socialistëve në Hollandë si një sinjal të një mazhorance që do të shohë BE-në të  vazhdojë të luajë një rol për zgjidhjen e problemeve që duhen zgjidhur.

Ndërkohë partia e njohur e ekstremit të djathtë me në krye Geert Wilders (PVV) ka humbur në këto zgjedhje  duke marrë vetëm 4% të votave. Por partia e re euroskeptike e Thierry Baudet (FvD)  merr 3 vende në Parlamentin Europian. Një tjetër suprizë e zgjedhjeve europiane në Hollandë është edhe ngjitja e të gjelbërve, që kanë arritur 11% të votave, që përbën 4 %  më shumë se zgjedhjet e 2014. /ABC News Albania 24/7

ditmir-bushatii123.jpg
ent ela14:35 | 22/04/2019

Lajm të hidhur e ka konsideruar ish ministri për Evropën dhe Punët e Jashtme Ditmir Bushati vendimin e parlamentit hollandez për rikthimin e vizave. Në reagimin e tij publikuar në rrjetet sociale ish ministri Bushati ka bërë thirrje që ky vendim të mos shihet me panik e njëherazi të mos neglizhohet.

I dha fund heshtjes ish-kreu i diplomacisë shqiptare. Nëpërmjet një shkrimi në rrjetet sociale ish-Ministri për Evropën dhe Punët e Jashtme Ditmir Bushati vendos të shprehë qëndrimin e tij ndaj reagimit të parlamentit të Hollandës për rikthimin e vizave me Shqipërinë.

 “Vendimi i Parlamentit hollandez që i kërkon qeverisë nisjen e procedurave në nivel europian për pezullimin e regjimit pa viza me Shqipërinë është padyshim një lajm i hidhur.”

Një pyetje i lind ish ministrit Bushati pas vlerësimeve që iu dha Shqipërisë vitin e kaluar nga raporti i Komisionit Evropian i cili nuk u kundërshtua as nga Hollanda skeptike.

 “Pse një lëvizje e tillë tani kur Shqipëria pret zyrtarizimin e bisedimeve për anëtarësim në Bashkimin Europian, bazuar në kalendarin e miratuar në qershorin e 2018 nga vendet anëtare të BE-së dhe procesin analitik screening?

Shanset që një nismë e tillë të prodhojë efekte në praktikë janë thuajse zero. Ndaj nuk ka vend për panik.”

Sipas ish ministrit të jashtëm Shqipëria edhe pse ka shumë sfida në betejën me krimin e organizuar dhe korrupsionin i përmbush kriteret e përcaktuara sipas vlerësimeve të Komisionit Europian . Por kjo duhet të lexohet siç duhet –këshillon Ditmir Bushati.

“Megjithatë, nuk ka vend për neglizhencë e aq më keq për stigmatizim. Përkundrazi duhet të sigurojmë integritetin e debatit publik në lidhje me këtë çështje. Jemi në të drejtën tonë të përbuzim çdo steriotip negativ që tenton të na vizatojë si njerëz e shoqëri që prodhojmë veç krim dhe emigracion të paligjshëm. Por do të ishte gabim fatal që ta vizatonim Hollandën, anëtare themeluese e kontribuese kyçe në BE, mbështetëse e aspiratës europiane të Shqipërisë, si një vend racist ndaj nesh apo si një vend ku gëlon krimi e prostitucioni”.

Jo vetëm kaq por do të ishte mendjelehtësi gjithashtu të injorohej mesazhi që vjen prej kësaj nisme të Parlamentit hollandez, edhe pse e padrejtë dhe në mungesë të kritereve të përcaktuara nga vetë BE-ja.- thotë Ish ministri Bushati i cili këmbëngul se puna duhet të vazhdojë përmes rezultateve të prekshme në luftën kundër krimit të organizuar dhe korrupsionit.

“Vendimi i Parlamentit hollandez, edhe pse i pari për një nga shtetet që janë pjesë e listës së bardhë të Schengen, nuk është rrufe në qiell të kaltër. Vjet, në vigjilje të vendimit të BE-së për nisjen e bisedimeve për anëtarësim, Parlamenti hollandez, përmes një rezolute, i kërkoi qeverisë bllokimin e bisedimeve me Shqipërinë”.

Duke e rreshtuar Hollandën në vendet kritike ndaj çështjeve që kanë të bëjnë me politikat europiane dhe standardet që lidhen me procesin e zgjerimit, ish ministri Ditmir Bushati kërkon që historiku i qëndrimeve holandeze të shihet si kërkesë për më shumë punë e në të njëjtën kohë duke mos lejuar cënimin e arritjeve historike. /abcnews.al

BYRO-POLITIKE-DT-17-PRILL.mpg_snapshot_17.35-1280x720.jpg
ent ela22:11 | 17/04/2019

Zëvendësministri për Europën dhe Punet e jashtme Sokol Dedja sqaroi në studion e Byro Politike bazat dhe kriteret ku mund të vendoset regjimi i vizave. Sipas tij ka një rregullore dhe janë 4 kritere ku mund të vendoset regjimi i përkohshëm dhe përcaktohet se mbi ç’baza miratohet kjo.

“Duhet të ketë rritje masive të emigracionit të paligjshme, ose rritje e kërkesave për azil, ose një rritje e adresimti të emigrantëve të parregullt, ose rritje e akteve kriminale me origjinë nga vendi në fjalë që të bëjë kërcënim serioz për vendet anëtare”.

Sipas tij nuk ekziston asnjë bazë ligjore që qeveria holandeze t’ia kërkojë aktivizimin e pezullimit të vizave Komisionit Evropian.

“Situata e krimit shqiptar është në rënie. Jo vetëm nuk kemi rritje masive, por kemi rënie të krimit me origjinë nga Shqipëria në Hollandë.

Për të evituar edhe panikun e panevojshëm nuk ekziston asnjë bazë që qeveria holandeze t’ia kërkojë aktivizimin e pezullimit të vizave.

Nuk ka asnjë bazë ligjore për t’ia kërkuar Komisionit Evropian. Qeveria holandeze është në situatë komplekse. Nga njëra anë ka kërkesën e parlamentit dhe nga ana tjetër nuk ka bazë ligjore për t’ia kërkuar Komisionit Evropian”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono