holdi hajdari

vras.jpg
ad min09:33 | 13/10/2018

Policia ka arrestuar autorin e dyshuar të vrasjes së 30-vjeçarit Holdi Hajdari në Tiranë. Gjatë marrjes në pyetje Muahamet Sallahi pranoi se kishte kryer krimin, si dhe arsyet se pse qëlloi për vdekje me thikë 30-vjeçarin.

Prangoset autori i dyshuar i grabitjes me pasojë vdekjen e një të riut në Tiranë, ngjarje kjo e ndodhur mbrëmjen e së enjtes në zonën e Yzberishtit në Kryeqytet. Ai është Muhamet Sallahi 25-vjeçari, banues në Tiranë, pasi qëlloi fillimisht qëlloi disa herë më thikë dhe më pas grabiti 30-vjeçarin Holdi Hajdari në banesën e tij.

Policia njoftoi se gjatë momentin të arrestimit  autori nuk ka bërë rezistencë, ndërsa, dyshohet si kontigjent për disa vedhje të ndodhur në zonën ku ndodhi krimi. Muhamet Sallahi e dinte që Holdi Hajdarit i kishte dërguar një sasi lekësh babai nga Greqia dhe për këtë ka organizuar grabitjen.

Në dëshminë e parë dhënë oficerëve të policisë, 25-vjeçari ka thënë se, i duheshin para për të blerë drogë dhe prandaj kishte organizuar edhe grabitjen e viktimës Hajdari. Burime nga Policia e Tiranës thanë se Holdi Hajdari, por edhe personi që e vrau atë ishin përdorues droge, ndërsa kjo vërtetohet edhe nga shiringat që janë brenda banesës.

Pranë dhomës ku ka ndodhur sherri është gjetur thika, por edhe një portofol i boshatisur. Viktima Holdi Hajdari jetonte i vetëm, pasi anëtarët e tjerë të familjes ishin në emigrim./abcnews.al

GRABITET-DHE-VRITET-I-RIU-NE-TIRANE-1280x720.jpg
ad min14:55 | 12/10/2018

Grabitet në banesë dhe qëllohet për vdekje me thikë një i ri brenda banesës së tij në zonën e  Yzberishtit në Tiranë. ABC News ishte brenda banesës së 30-vjeçarit Holdi Hajadari, ku edhe provat e krimit janë ende të prezent në vendin ku ndodhi ngjarje.

Holdi Hajdari u grabit dhe qëllua për vdekje në banesën e tij. Ngjarja e rënda u shënuan në kryeqytet mbrëmjen e së enjtes në zonën e Yzberishtit.

30-vjeçari u qëllua me thikë nga një person i identifikuar nga policia, pasi dyshohet se babai i tij, emigrant në Greqi i kishte dërguar para.

Këto janë pamjet e regjistruara nga ABC News brenda banesës së 30-vjecarit, i cili jetonte i vetëm.

Në këtë kuletë të hedhur në mes të korridorit , dyshohet se i mbante paratë viktima. Grabitësit i dyshuar me inicialet, M.S., u shpall në kërkim nga policia, teksa mendohet se autori është kontigjent dhe banor i zonës.

Në kushte të vështira, i riu ishte braktisur nga pjesa tjetër e familjes, ndërsa banesën e kishte kthyer në një qendër për përdorimin e drogërave të forta.

Kjo është rruga që ka përshkruar viktima për t’i shpëtuar vdekjes. Njolla gjaku ka kudo edhe përgjat rrugës kruesore “Babi Ruci” ku edhe ka mbërritur pothuasje pa ndjenja Holdi Hajdari.

“Njeri pa njeri. Nëna i kishte vdekur, babai në Greqi, ja siç e shikoni gjendjen katastrofike. Gjynah. Duhen marrë masa. Njeri pozitiv në të gjitha anët, e them seriozisht”, tha një banor i zonës.

“Vetëm një zhurmë kam dëgjuar unë, po thashë ndonjë kalimtar që bërtet rrugës, i pirë dhe s’e vumë rë”, tha një tjetër.

Për ngjarjen e rëndë shumë persona janë shoqëruar në komisariatin e policisë nr.6 në Tiranë, ndërsa personi i dyshuar i krimit është në arrati./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono