holande

drugs_3_0.jpg
Sej rie18:45 | 21/05/2019

Autoritetet holandeze këtë të martë kanë arrestuar disa persona, në saj të një operacioni të madh kundër një rrjeti kriminal shqiptar. Policia në Limburgun e Jugut bastisi në dhjetëra shtëpi dhe ambiente biznesi ku qëndroni “kryesisht shqiptarë”, të përfshinë në kultivimin e kanabisit. Operacioni është ende në zhvillim dhe policia raporton se deri më tani janë arrestuar 15 persona. Autoritetet presin për të tjera arrestime.

Deri më tani, policia ka bastisur në trembëdhjetë ndërtesa. Në dhjetë prej tyre agjentët kanë gjetur lëngë narkotike. Ndërsa një ndërtesë ku thuhet se ishte fabrikë kanabisi u gjetën 7500 rrënjë lëndë narkotike dhe u konfiskuan 100,000 euro para të gatshme. Agjentët kanë gjetur edhe një armë zjarri dhe konfiskuan një makinë.

Ky aktivitet i gjerë kriminal ishte zbuluar krejt rastësisht. Një agjent kishte shkuar në një shtëpi në nëntor të viti 2016 dhe aty kishte zbuluar lëndë narkotike. Një i dyshuar shqiptar ishte arrestuar dhe rezultoi se ai nuk paguante qira për qëndrimin aty. Qiraja e banesë në fjalë shlyhej nga një kompani në Geleen. Më pas, kjo kompani u mbajt nën mbikëqyrje dhe rezultoi se ajo paguante qiranë e shumë banesave në zonë ku në to qëndronin kryesisht shqiptarë.

“Por ne e filluam këtë hetim vetëm në nëntor të vitit të kaluar, sepse kemi mungesë kapaciteti. Kjo për fat të keq është realiteti”, thotë udhëheqësi i ekipit, raporton media holandeze nrc.nl. 

Kompania zyrtarisht ishte e regjistruar të ushtronte aktivitetin e shërbimeve për makina, por sipas policisë, kompania gjithashtu ndihmoi kriminelët me pagesa të paligjshme. Kompania gjithashtu ka degë në Belgjikë dhe Gjermani.

Katër nga pesëmbëdhjetë të arrestuarit thuhet se janë drejtorët e kësaj kompanie. Të ndaluari janë dy 40-vjeçar marokenë dhe një grua 36 vjeçare me origjinë belge. I dyshuari i katërt është një 34 vjeçar me prejardhje shqiptare. Policia dyshon se kompania është themeluar për të mundësuar prodhimin e drogës. Është e paqartë saktësisht se çfarë roli kanë luajtur 11 të arrestuarit e tjerë. Arrestimet u bënë në Belgjikë, Gjermani dhe Geleen./abcnews.al

holande-1280x573.jpg
ent ela13:51 | 10/04/2019

Aktivistët të rinj në Holandë kanë dorëzuar në parlamentin e vendit peticionin, me anë të së cilit kërkohet që prostitucioni të jetë i paligjshëm. Peticioni ka mbledhur rreth 42 mijë firma.

Kërkuan fillimisht që prostitucioni të bëhej i paligjshëm, e tashëm peticioni i firmosur në Holandë nga 42 mijë të rinj, do të diiiskutohet në një debat parlamentar. BBC konfirmon se debate parlamentar pritet të diskutohet në një vend që ka ligjet më të buta në botë për të lejuar marrëdhëniet seksuale me pagesë.

“Nuk kam çmim” është emri i fushatës me frymëzim katolik, e cila organizoi dhe mbledhjen e firmave. Ata që e mbështesin kërkojnë që klientët të dënohen sipas të ashtuquajturit model nordik.

Por në rrjetet sociale nuk kanë reaguar vetëm promovuesit e kësaj fushate. Një person shkruante se e ushtronte vullnetarisht këtë profesion dhe se peticioni në fjalë do ia vështirësonte punën.

Modeli nordik që aplikohet në Suedi, Norvegji, Islandë, Irlandë të Veriut dhe në Francë, përfshin dënimin e klientit. Aktivistët e rinj në Holandë kërkojnë që të bëhet më shumë për të mbrojtur gratë.

Ata gjithashtu pretendojnë se me anë të prostitucionit grave iu jepet mesazhi se kjo është një mënyrë e thejshtë për të bërë para. /abcnews.al

holande.png
G. P.10:25 | 29/03/2019

Policia holandeze ka arrestuar deri më tani 1 371 të ashtuquajtur alpinistë në portin e Roterdamit. Behet fjale kryesisht për shqiptarë, alegjerianë dhe marokenë që tentojnë brigjet britanike të fshehur në rimorkio e kamionëve ose neper kontejnerë mallrash. Nga 1 371 persona 897 prej tyre kishin një pasaportë shqiptare. Në muajin Shkurt u zhvillua një tjetër konsultim sekret mes oficerëve të policisë nga Holanda, Belgjika, Anglia dhe Shqipëria rreth këtyre emigrantëve të paligjshëm, por ky fenomen vijon ende.

“Unë mund të punoj në Angli çdo lloj pune, nuk është problem për mua. Jam tërësisht i zhgënjyer me këtë vend pasi nuk mund të bej asgjë më këtu për të ardhmen time.”

Sipas mediave holandeze shqiptarët përpiqen qe të arrijnë ilegalisht në Mbretërinë e Bashkuar nëpërmjet Holandës, sepse atje shanset për azil dhe punë janë më të mëdha. Madje mund të punojnë ligjërisht atje pa leje qëndrimi. Në Mbretërinë e Bashkuar deri tani kanë arritur të hyjnë ilegalisht 1 537 shqiptarë që kanë kërkuar me pas azil. Vetëm 11 për qind e tyre kanë përfituar azil në Britaninë e Madhe. Të arrestuarit kryesisht marokenët, algjerianët dhe shqiptarët janë përplasur mes tyre si dhe kanë krijuar incidente me stafin e burgjeve. Këta azilkërkues kanë hyrë në disa raste në grevë urie në burgje duke u ankuar se trajtoheshin në mënyrë çnjerëzore.  Një azilkërkues ka kryer vetëvrasje në qelinë e tij ndërsa të tjerë u  kanë vënë zjarrin  dyshekëve të burgut.

Klan Plus

gjermania-1.jpg
G. P.08:05 | 25/03/2019

Gjermania iu përgjigj kritikave të ashpra me një fitore të madhe në fushën e Holandës. Trajneri Lëv tregoi se është në rrugën e duhur me afrimin e talenteve të reja në kombëtare.

U desh të rrezikonte, por ia doli për mrekulli. Trajneri i Gjermanisë, Joakim Lëv, hodhi në fushë Marko Rojsin e dëmtuar në minutat e fundit në Amsterdam, dhe kapiteni i Dortmundit krijoi golin e fitores, shënuar nga Shulc.

Triumfi 3-2 në Holandë, krejtësisht i papritur pas dështimeve të fundit, ishte revanshi më i mirë që trajneri mund të merrte ndaj kritikëve të tij, çuditërisht që të gjithë pjesë e futbollit gjerman.

Katër herë kampionët e botës u quajtën të vdekur përpara një ekipi që i kishte turpëruar në Ligën e Kombeve, por e vërteta doli ndryshe. Golat nga Leroi Sane e Serg Gnabri kurorëzuan një pjesë të parë të jashtëzakonshme, ndërsa Shulc në fund bëri të pavlefshëm reagimin e madh të holandezëve.

Vendasit barazuan pas pushimit me rrjetat e De Ligtit dhe Memfis Depait, por kjo doli e pamjaftueshme. Kritikat kishin qenë të ashpra përpara mbrëmjes së Amsterdamit, sidomos për largimin e veteranëve Humels, Boateng e Myler, dhe afrimin e të rinjve në kombëtare.

Sulmet erdhën nga Bajerni, dhe nga analistë të shquar, madje flitet se vetë presidenti i Federatës Gjermane, Grindel, i tensionoi marrëdhëniet me Lëvin pas vendimit për treshen kampione të botës.

Vetë Lëvi nuk deshi të fliste për këto.

“Ishte një fitore e merituar, – tha ai, – arritur ndaj një rivali shumë të fortë. Pjesa e parë ishte e një niveli tepër të lartë, thuajse e përsosur. Gjithsesi, ishte vetëm ndeshja e parë, dhe nuk mund të kënaqemi para kohe, ne e dimë sesa të vështirë kanë qenë vitet e fundit”.

Gazetat gjermane as nuk deshën të mendonin për vitet e fundit.

“Bild”: Fitorja drithëruese prej ëndrre e Jogit në Holandë! Emocionet tona më të bukura që nga Botërori I Brazilit në 2014!

“Tages shpil”: Vazhdoni përpara! Nuk është gjithçka e keqe në futbollin gjerman, skuadra e trajnerit Lëv i nisi siç duhet eleminatoret e Europianit, me fitore në Amsterdam!

“Di Velt”: Djemtë e Lëvit patën finale të madhe! Trajneri i kombëtares ia doli mbanë, me një ekip tepër të rinuar që fitoi 3-2 ndaj rivalëve të mëdhenj holandezë!

“Di Cajt”: Si një kuti çokollatash! Ti kurrë nuk e di se çfarë ka brenda! Në fitoren 3-2 në Holandë, niveli i kombëtares gjermane ishte tepër i madh, duke bërë të kundërtën e asaj që prisnin të gjithë!

Suksesi në Amsterdam, gjithsesi, nuk mund të arrihej nëse portieri Manuel Nojer nuk do të bënte disa pritje shpëtuese. Kapiteni ndaloi holandezët që fare mirë mund ta kishin fituar ndeshjen./abcnews.al

holande-1280x709.jpg
ent ela15:16 | 20/03/2019

Në Holandë u arrestua një person që dyshohet se ndihmoi autorin e sulmit ne Utreht, ku pati 3 viktima. Ndërkohë, partitë e ekstremit të djathtë fajësojnë qeverinë për politikat e kufijve të hapur ndaj emigrantëve.

Arrestohet një person i dytë për sulmin me armë në Utrekt, ku mbetën të vrarë tre persona. Policia holandeze bëri të ditur se kishte ndaluar një person  të dytë, me dyshimin se ishte I përfshirë në sulm së bashku me 37-vjeçarin me origjinë turke Gokmen Tanis, të arrestuar një ditë më parë.

Ndërkohë pista e sulmit terrorist mbetet në krye të listës së hetuesve. Viktimat janë një vajzë 19-vjeçare, dhe dy meshkuj të moshës 28 dhe 49 -vjeç.

Janë dy detajet mbi të cilat janë përqendruar hetuesit: fakti se nuk është gjetur asnjë lidhje mes Tanis dhe viktimave të tij si dhe letra e gjetur në automjetin Reno Klio, me ngjyrë të kuqe, me të cilin u përpoq të arratisej pas sulmit. Media në vend duke u mbështetur në deklarata të dëshmitarëve okularë, raportojnë se në atë letër shkruhej: Kam vepruar në emër të Zotit.

Për momentin sulmi nuk është marrë përsipër nga asnjë grup terrorist por mediat holandeze shkruajnë për një lidhje mes vëllait të autorit të sulmit dhe një grupi ekstremist islamo-turk.

Ndërkohë dhe dy persona të tjerë janë ndaluar, në kuadër të hetimeve por nuk është e qartë mënyra në të cilën janë përfshirë.

Kryeministri Mark Rute u shpreh se për shkak të asaj që ndodhi në Utrkt, ndihej më pranë popullit në Zelandën e Re. lideri i të djathtës ksenofobe dhe anti-islamike, Gert Uilders kërkoi dorëheqjen e ministrit të drejtësisë për faktin se Tanis kishte dalë nga burgu pavarësisht se ishte pjesë e një procesi kundër tij./abcnews.al

sulm.jpg
ent ela13:05 | 19/03/2019

37-vjeçari turk që kreu sulmin terrorist në Holandë përshkruhet si një njeri i paqëndrueshëm dhe me probleme mendore. Mediat bëjnë të ditur se ai kishte dalë nga burgu vetëm pak kohë më parë.

Një nga viktimat e të shtënave me armë në një tramvaj në Utrekt në Holandë, ishte një i afërm i autorit të sulmit Gokmen Tanis. Lajmi raportohet nga agjencia turke e lajmeve Anadoll, duke saktësuar se 37 vjeçari ka qëlluar dhe mbi persona që donin të shpëtonin pasagjerët e tjerë. Viktimat e tjera janë një 19 -vjeçar dhe trajneri i një skuadre futbolli. Autoritetet kanë marrë në pyetje dy persona që kishin lidhje me autorin e sulmit.

Ndërkohë në automjetin që ai përdori për tu arratisur është gjetur një letër ku shkruhej “Allah”. Babai i tij Mehmet Tanis, deklaroi se nëse djali I tij kishte bërë atë që thuhet atëherë duhet ndëshkuar. Ai shtoi për gazetarët se nuk kishte më kontakte me djalin e tij që nga viti 2008 kur ishte rikthyer në Turqi pas divorcit me nënën e 37-vjeçarit.

Sipas mediave holandeze, 37 vjeçari kishte qenë në burg deri dy javë më parë, ndër akuzat që rëndonin mbi të ishin ajo e grabitjes dhe përdhunimit. Viktima e dhunës së tij, një 47 vjeçare, tha për gazetarët se Tanis kishte qëndruar në burg për gjashtë javë pasi kishte shkelur rregullat e lirisë me kusht në pritje të gjyqit. Ai kishte dalë pak kohë para nga burgu me kërkesë të avokatit të tij.

Gruaja e përshkoi atë si një njeri të paqëndrueshëm dhe me shumë problem. Madje ajo shkon më tej duke thënë se ai është i çmendur dhe i varur nga droga. Sipas saj ai nuk është një  terrorist por një psikopat dhe për këtë gjë kishte vënë në dijeni dhe policinë. Dhe fqinjët e tij e cilësojnë si të paqëndrueshëm, ndërsa miqtë e tij tregojnë se situata degjeneroi pas divorcit me bashkëshorten dy vjet më parë.

Kohët e fundit ai jetonte duke ndjekur rregullat e Islamit, kishte rritur mjekrën dhe vishte rroba të gjata./abcnews.al

sulm.jpg
G. P.22:40 | 18/03/2019

Forcat speciale në Holandë kanë vënë në pranga autorin e sulmit të armatosur të ndodhur në Utreht. Autoritetet kanë bërë me dije se bëhet fjalë për një shtetas turk, ndërkohë që ngjarjen e kanë klasifikuar si atentat terrorist.

Policia holandeze ka arrestuar autorin e atentatit me armë zjarri të ndodhur të hënën në qytetin e Utrehtit, ku për pasojë humbën jetën 3 persona. Sipas autoriteteve, agresioni, që la gjithashtu 5 persona të tjerë të plagosur, ka tiparet e një sulmi terrorist.

“Është një pistë që nuk mund ta përjashtojmë”, ka deklaruar shefi i seksionit të anti-terrorit, Pieter Jap Albersberg.

Në pranga ka përfunduar Gokmen Tanis, një 37-vjeçar me nënshtetësi turke. Arrestimi i tij është konfirmuar nga vetë shefi i policisë holandeze Rob Van Bre. Sulmi i ndodhur paraditen e së hënës bëri që në Utreht të mbylleshin shkollat dhe që masat e sigurisë të rriteshin. Policia nisi menjëherë punën për identifikimin e autorit, një foto e të cilit u publikua në rrjetet sociale, shoqëruar me rekomandimin drejtuar qytetarëve që të mos i afroheshin.

Gjithashtu, forcat e anti-terrorit kryen një seri bastisjesh përreth zonës ku u verifikua sulmi, në stacionin e tramvajit të Utrehtit. Në reagimin e tij, kryeministri Mark Rutte deklaroi se vendi ishte tronditur nga një sulm, të cilin ai e cilësoi si “shumë shqetësues”. Pas arrestimit të të dyshuarit situata ka nisur të kthehet në normalitet, me masat e sigurisë që janë zbutur, shërbimet publike që kanë rinisur dhe me bizneset që kanë rihapur dyert.

Utrehti është qyteti i katërt më i madh i Holandës, me një popullsi prej rreth 340 mijë banorë e ku niveli i kriminalitetit është i ulët dhe vrasjet me armë zjarri janë të rralla./abcnews.al

holande-1280x709.jpg
ent ela12:10 | 18/03/2019

Gokman Tanis, një 37 -vjeçar turk mendohet të jetë autori i sulmit me armë në një tramvaj qe ndodhi sot rreth orës 11.00 në Utreht në Holandë. Ndërkohë numri i viktimave ka shkuar në tre, kurse të plagosurit janë 9 persona. Numri i viktimave është konfirmuar nga kryebashkiaku i qytetit.
Kryeministri i vendit, Rute ka mbledhur njësinë e krizës dhe po përforcohet pista e terrorizmit.
Policia vendase ka publikuar në faqen e saj Twitter një fotografi të autorit te dyshuar, i cili ende në kërkim. Ai është një turk 37 -vjeçar i quajtur Gokman Tanis.
Tre helikopterë të policisë janë vënë në kërkim të autorit të sulmit nga ajri, duke fluturuar ulet mbi zonen e dyshuar.
Në një apel të radhës autoritetet u bëjnë thirrje banorëve të zonës që të qëndrojnë në shtëpitë e tyre duke shpjeguar se nuk përjashtohet mundësia e sulmeve të reja.
Ndërsa një nga dëshmitarët që ndodhej në tramvaj në momentin e sulmit u shpreh se autori i sulmit kishte parë njëherë rrotull dhe më pas kishte nisur të qëllonte me një pistoletë të madhe njerëzit që qëndronin ulur.
Policia ushtarake mbretërore ka shpallur gjendjen e alarmit dhe në aeroporte dhe ndërtesa të tjera të rëndësishme në vendet e ulëta.
Ndërkohë gjendje alarmi është vendosur dhe në Amsterdam dhe Roterdam, sidomos në stacionet e metrove dhe në xhami.
Sulmi i sotëm vjen vetëm tre ditë pas aktit terrorist të një ekstremisti të djathtë në Zelandë, në të cilin humbën jetën 49 persona./abcnews.al

763.jpg
ent ela21:10 | 14/03/2019

Një 30-vjeçar shqiptar është dënuar me 30 muaj burg në Bryzh, pasi akuzohet se shiste kokainë. Bëhet fjalë për Endri. K, i cili në vendin tonë punonte si kontrollues i trafikut ajror, por në Holandë përfundoi duke punuar si shitës droge. Dënimi 30-vjeçarit i është dhënë nga një gjykatë në Bryzh të Holandës, shkruajnë mediat e huaj.

Ai kishte mbaruar studimet universitare në Shqipëri dhe kishte filluar punë si kontrollues i trafikut ajror. “Ai sigurisht ka një të ardhme”, argumentoi avokatja e tij Nadia Lorenzetti.

“Më 1 Mars të vitit të kaluar klienti im dha dorëheqjen nga puna. Nëna e tij në atë kohë vuante nga kanceri i mitrës. Ai kishte marrë një hua për të paguar për trajtimin e saj, por për shkak të humbjes së punës së tij, ai ishte në vështirësi financiare. Endri K. erdhi në Holandë ku filloi të punonte për një firmë ndërtimi. Më pas ai mori një propozim nga një bandë për të shitur drogë dhe kështu u përfshi në atë mjedis”, tha më tej avokatja e tij. 

“Ne sapo kemi goditur një bandë shqiptare që shiste drogë kur morëm informacione se një tjetër tregtar shqiptar po punonte. Si bashkatdhetarët e tij, i pandehuri shiste drogë me biçikletë. Kur u arrestua, ai kishte jo më pak se 54 pako kokainë në xhepin e tij. Ai deklaroi se punonte në emër të “Mohamed Molenbeek”, por nuk ishte e vërtetë. Tregtia e kakaos rezulton të ishte shumë fitimprurëse për atë. Ne nuk i nxjerrim ata nga Bruges”, tha prokurori./abcnews.al

santa.jpg
G. P.15:02 | 21/11/2018

Në prag të festive të fundvitit, në qytete të ndryshme europiane kanë nisur përgatitjet. Por në Holandë ka pasur jo pak protesta, për shkak ndihmësit të babagjyshit të Vitit të Ri, dhe mënyrës se si fëmijët e imitojnë atë.

Polemika në Holandë mes simpatizantëve dhe kritikëve  të figurës kontreverse të ndihmësit të babagjyshit të Vitit të Ri, në versionin e tij lokal. Në një debat të ndezur dhe gjithnjë më të polarizuar për personazhin e njohur si Pete i Zi, qytetarët u mblodhën në fshatin historik të Zaanstad, në veri të Amsterdam, për të shprehur mendimin e tyre.

Një paradë televizive kombëtare për t’i dhënë mirëseardhjen babagjyshit të Vitit të Ri, nisi në mënyrë paqësore, por në paradat në të gjithë vendin ka pasur protesta dhe përplasje fizike mes palëve.

Me mijëra fëmijë, shumë prej të cilëve të veshur me kostumin e Petes të Zi, ndodheshin në rrugë për të përshëndetur Babagjyshin, shumë ishin ulur në supet e prindërve të tyre në pritje për të marrë karamelet që shpërndahen nga ndihmësi i babagjyshit. Njerëzit e bardhë shpesh lyejnë fytyrën me bojë të zezë kur vishen për të imituar personazhin, por kritikën këmbëngulin se këto imitime promovojnë stereotipe raciste./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono