holande

halilovic-te-dyqani.jpg
Vladimir Prenga09:30 | 26/02/2020

Konsiderohej si Messi i ardhshëm, por ky epitet e ngarkoi më shumë seç duhet kroatin Alen Halilovic. Mesfushori me tipare sulmuese kaloi te Barcelona në verën e vitit 2014, për pesë milion euro. Përfitoi Dinamo Zagreb, që shpresonte shumë që ai të shitej në të ardhmen. Nuk ndodhi kështu.

Halilovic kaloi te Sporting Gijon fillimisht dhe më pas te Hamburger SV. UD Las Palmas ishte stacioni i radhës, për të veshur më vonë edhe fanellën e Milanit. Kuqezinjtë e huazuan fillimisht në Belgjikë te Standart Liege, kurse tani është pjesë e Heerenveen në Holandë. Dhe sa për kujtesë, Halilovic ende nuk ka mbushur 24 vjeç.

Edhe në Holandë hapësirat për kroatin janë të vogla, ndërkohë që së fundmi është bërë protagonist në një ndeshje kundër ADO Den Haag. Në minutën e 72-të ai ka tentuar portën e kundërshtarit, por topi ka përfunduar brenda dyqanit që ndodhet në tribunën pas porte dhe videoja po bën xhiron e internetit. /abcnews.al

Liridon-Selahi.png
Vladimir Prenga14:30 | 18/02/2020

Fundjavë pozitive për mesfushorin Lindon Selahi. Futbollisti i kombëtares shqiptare është përzgjedhur në formacionin më të mirë në kampionatin holandez, pasi ka zhvilluar një paraqitje shumë të mirë.

Ai ishte titullar në fitoren 2-0 që Twente arriti në shtëpi kundër AZ Alkmaar. Selahi është titullar i padiskutueshëm i skuadrës së tij, ku u transferua këtë verë nga belgët e Standart Liege.

Këtë sezon, Selahi në Holandë është aktivizuar në 22 ndeshje dhe në 20 prej këtyre përballjeve ka qenë titullar. Ai ka shënuar edhe një gol për TWente. /abcnews.al

goli-ne-holande.jpg
Vladimir Prenga10:50 | 08/02/2020

Mrekulli e Antoine Rabillard, sulmuesit francez që luan në Holandë. Një emër jo i njohur, edhe pse në të shkuarën është aktivizuar me Marseille. Futbollisti 25-vjeçar, pjesë e Go Ahead Eagles në ligën e dytë holandeze, realizoi golin e parë në sfidën që ekipi i tij e fitoi me rezultatin 3-1 kundër FC Eindhoven.

Sulmuesi mori një krosim në zonë në minutën e 25-të dhe fillimisht e kontrolli topin me kraharor dhe më pas realizoi mrekullinë e tij me një lëvizje akrobatike. Koordinimi i tij ishte perfekt, ndërkohë që portieri kundërshtar u detyrua ta nxirrte topin nga rrjeta më pas.

Rabillard e kishte golin e gjashtë sezonale këtë dhe bëhet shënuesi më i mirë i Go Ahead Eagles, që synon rikthimin në elitën e futbollit holandez në fund të këtij sezoni. /abcnews.al

hollande.jpg
nev ila19:36 | 04/02/2020

19 shqiptarë janë kapur nga policia holandeze, pasi ishin fshehur brenda një kamioni në Hoek të Holandës.

Sipas mediave, në kamion ishin 17 burra dhe 2 gra dhe destinacion të fundit kishin Londrën raporton abcnews.al.

Shoferi i kamionit ishte një 47-vjeçar nga Rumania i cili është arrestuar dhe do të mbahet nga autoritetet hollandeze deri në sqarimin e rrethanave.

Ai do të japë shpjegime të detajuar se si kanë mbërritur shqiptarët deri në Hollandë dhe si hipën në kamionin që ai drejtonte.

19 personat e gjetur në kamion ishin fshehur në zonën e rimorkios së kamionit dhe ishin nga mosha 19 deri në 43 vjeç.

Është ë njohur tashmë që shqiptarët në tentativë për tu larguar në drejtim të Britanisë përdorin Kamionët e transportit të mallrave duke u fshehur në to./abcnews.al

PSV.jpg
Igli Nikolli18:47 | 28/01/2020

Risi në futbollin holandez. PSV ka një sponsor të ri që prej verës së kaluar. Klubi i formuar nga Philips nuk do të mbajë më emrin e kompanisë së famshme elektronike me bazë në Amsterdam.

Të drejtat për sponsorizim i kanë kaluar një grupi kompanish të njohur me emrin Metropoolregio Brainport Eindhoven. Kompanitë, të cilat natyrisht përfshijnë edhe Philips, kanë bashkuar forcat për ta bërë Eindhoven më të njohur si një vend inovacioni.

Zgjidhja është gjetur, ashtu siç dallohet në foton e mëposhtme. Një tekst i madh është shkruar në pjesën e kraharorit të fanellës, saktësisht teksti më i madh i shkruar në fanellën e një klubi futbolli. /abcnews.al

 

Fanella e re e PSV Eindhoven
Ajax.jpg
Igli Nikolli13:55 | 09/01/2020

Drejtuesit e Ajax kanë ndërhyrë në merkato duke përforcuar sulmin e ekipit të Ten Hag. Kampionët e Holandës kanë arritur akordin me Galatasaray për shërbimet e Ryan Babel, i cili rikthehet për herë të tretë në Amsterdam.

Agjenti i 33-vjeçarit, Winny Haatrecht konfirmon për De Telegraaf akordin mes dy klubeve, teksa sulmuesi i majtë do të fluturojë nesër drejt kryeqytetit holandez.

Babel hoqi dorë nga një pjesë e rrogës për t’u rikthyer tek Ajax“, shprehet agjenti i tij. Lojtari ofensiv ndodhet në formë, ka shënuar 5 gola në 20 ndeshje të zhvilluara me Galatasarayn dhe shpreson që paraqitjet e mira me Ajax të sjellin ftesën e trajnerit Koeman për në Europianin që zhvillohet në verë.

Babel ka luajtur gjatë viteve 2004-2007 dhe 2012-2013 me Ajax, ekip me të cilin ka fituar 2 kampionate. Tani është gati për aventurën e tretë dhe titullin e tretë kampion. /abcnews.al

 

Ryan Babel duke festuar një gol me Ajax
Sneijder.png
Vladimir Prenga12:39 | 25/12/2019

Wesley Sneijder e ka mbyllur me futbollin e luajtur. Triumfues me Interin e famshëm të tripletës, holandezi ka programuar një ndeshje lamtumire dhe tashmë dihen edhe detajet. Më 3 qershor, në Utrecht, do të zhvillohet ndeshja, ku do të marrin pjesë shumë ish-futbollistë.

“Do të jetë një ndeshje midis një ekipi me lojtarë të kombëtares holandeze, kurse në ekipin tjetër do të jenë lojtarë me të cilët kam luajtur me ta në klube të ndryshme”, ka zbuluar për De Telegraaf Sneijder, i cili e ka mbyllur karrierën në Katar, ku u aktivizua për dy sezone me Al Gharafa.

Holandezi ka zbuluar edhe ata që do të jenë të ftuar në këtë ndeshje: Julio Cesar, Javier Zanetti, Samuel Eto’o, Cristian Chivu, Marco Materazzi, Dejan Stankovic, Esteban Cambiasso dhe Diego Milito. Ndërkohë De Telegraaf ka publikuar edhe emrat e lojtarëve të Holandës që do të jenë.

Clarence Seedorf, Patrick Kluivert, Edgar Davids, Arjen Robben, John Heitinga, Dirk Kuyt, Nigel de Jong, Khalid Boulahrouz, André Ooijer, Mark van Bommel dhe Giovanni van Bronckhorst do të jenë në fushë në takimin e lamtumirës së Sneijder.

Mesfushori e ka nisur karrierën si profesionist te Ajax, për t’u transferuar te spanjollët e Real Madrid. Nga aty kaloi tek Interi dhe në vitin 2010 ishte shumë pranë fitimit të “Topit të Artë”, pasi shkoi në finale në Kupës së Botës dhe fitoi Champions League, Serie A dhe Kupën e Italisë. Pas eksperiencës me zikaltrit u aktivizua edhe në Turqi me Galatasaray dhe në Francë me Nice. /abcnews.al

Ziyech.jpg
Veronik Istrefaj15:11 | 22/12/2019

Ajax ka fituar me rezultatin 6-1 kundër Den Haag në kampionatin holandez, duke vazhduar marshimin në krye të renditjes. Të besuarit e Ten Haag, bënë një ndeshje të shkëlqyer dhe që në pjesën e parë, udhëhiqnin me rezultatin 4-0. Hakim Ziyech bëri një ndeshje të shkëlqyer dhe ishte pikërisht ylli maroken që shënoi golin e parë të sfidës.

Goli i tij ishte fantastik, duke shtangur portierin mik dhe duke gjetur cepin e largët të portës. Ziyech asistoi dhe golin e Dony Van de Beek, që dyfishoi shifrat. Në listën e golashënuesve u shtuan dhe dy të rinjtë, Jurgen Ekkelenkamp dhe Ryan Gravenberch.

Në pjesën e dytë, shënuan Tadiç dhe Traore, duke çuar shifrat në 6-0, ndërsa golin e vetëm për miqtë, e shënoi Gossenss në minutat e fundit. Ajax ngjitet në kuotën e 44 pikëve dhe mban AZ Alkmaar mbrapa me tre pikë. Duket se edhe këtë sezon, Ajax do të fitojë titullin kampion në Holandë./abcnews.al

van-bommel.jpg
Vladimir Prenga10:19 | 16/12/2019

PSV e ka ndarë mendjen dhe ka shkarkuar trajnerin Mark Van Bommel, i cili në 12 ndeshjet e fundit ka fituar vetëm dy përballje në krye të holandezëve. Drejtuesit e klubit e kanë parë të arsyeshme ta marrin këtë vendin dhe i urojnë suksese në vazhdim ish-mesfushorit.

Van Bommel e mori drejtimin e PSV në qershor të vitit 2018 dhe ishte në krye të këtij ekip në 75 ndeshje. 44 prej ndeshjeve i fitoi, ndërkohë që doli i mposhtur 17 herë.

Humbja e djeshme ndaj Feyenoord ishte vendimtare për shkarkimin e trajnerit holandez, i cili tashmë do të jetë i hapur për eksperienca të reja.

Për të kjo ishte eksperienca e parë si trajner, pas drejtimit të të rinjve të PSV. Në të shkuarën ai është përfolur edhe si një kandidat për Milanin. /abcnews.al

Feynoord.jpg
Veronik Istrefaj19:30 | 15/12/2019

Ky sezon në Holandë ka nisur në mënyrën më të mirë të mundshme për Ajaxin dhe duket se kampionët në fuqi, do të fitojnë sërish titullin kampion. Pas 16 javësh, të besuarit e Ten Haag kryesojnë me 41 pikë, ndjekur nga AZ Alkmaar me 38. Më pas, ka një shkëputje të madhe, me Willems II që renditet në vend të tretë me 32 pikë.

Duket se për titullin kampion do të luftojnë vetëm dy skuadra, por sa i takon “Këpucës së Artë”, është një histori ndryshe. Plot 8 futbollistë janë në garë për të fituar trofeun e golashënuesit. Aktualisht, kryeson një emër surprizë: Dessers i Heracles, me 11 gola. Me të njëjtën kuotë golash janë dhe Berghuis (Feynoord) dhe Malen (PSV).

Me 10 gola, renditen Boadu në vend të katërt, Promes në vend të pestë dhe Linssen në të gjashtin. Dy futbollistë janë në kuotën e 9 golave në kampionat, Idrissi dhe Pavlidis. Duket se për këtë trofe individual të golashënuesit, do të luftohet deri në fund./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono