holanda

KOMBETARJA-GJERMANE-NE-KRIZE.mpg_snapshot_00.05-1280x783.jpg
G. P.19:55 | 14/10/2018

Kombëtarja gjermane është nën kritika të ashpra pas humbjes së rëndë ndaj Holandës në Ligën e Kombeve. I akuzuari kryesor, trajneri Joakim Lëv.

Cila skuadër mund të pësojë 6 humbje në 10 ndeshjet e fundit? Padyshim që nuk mund të jetë Gjermania, por ja që është pikërisht ajo. Kampionia e botës deri në qershor të këtij viti, kapitulloi përsëri, madje për zemërimin e tifozëve, në derbin aq shumë të ndjerë ndaj Holandës. Askush nuk mund ta mendonte që formacioni holandez, prej vitesh i çoroditur plotësisht, do të ishte në gjendje të shkatërronte 3-0 katër herë kampionët e botës, në ndeshjen e Ligës së Kombeve në Amsterdam. Van Dajk, Depai dhe Vajnaldum ishin autorët e golave. Kjo disfatë, bashkë me barazimin në fushën e vet ndaj Francës, rrezikojnë që Gjermania të bjerë nga kategoria në këtë kompeticion, duke zbritur në nivelin B. Paradoksi ishte i madh, pasi skuadra e trajnerit Joakim Lëv pati mjaft raste për të shënuar, pra ishte në gjendje të luante futboll, ndërsa deri në minutën e 87-të rezultati ishte vetëm 0-1.

“Ne kemi humbur besimin, – ishte analiza e Joakim Lëvit, – problemi ynë më i madh është që nuk po shfrytëzojmë rastet. Mund të kishim kaluar të parët në avantazh, patëm disa mundësi gjatë ndeshjes, dhe gjithçka do të kishte shkuar ndryshe”.

Lëv u bë pikërisht ndaj Holandës, trajneri rekordmen i Gjermanisë me 168 ndeshje në stol, por nuk ishte një mbrëmje e lumtur. Ish-ylli Mikael Balak ishte shprehur kritik ndaj Lëvit që përpara ndeshjes, duke thënë për “Dojçe Velen” se “jam i habitur sesi trajneri nuk u shkarkua pas Botërorit”. Legjenda e dikurshme e Gjermanisë, Oliver Kahn, i doli në krah trajnerit, por me paralajmërim.

“Tashmë, Botërori ka mbetur prapa, – u shpreh ai në studion e ZDF-së, – kritika të tilla nuk ndihmojnë, por vetëm prishin punë. Është e qartë se lojtarët dhe trajneri janë në borxh me publikun, por është koha që futbollistët dhe sidomos kampionët e botës të tregojnë veten”.

Mediat gjermane, padyshim që ishin të ashpra.
“Bild”: “Bilanci horror i Jogit, Gjermania nuk kishte pësuar kaq shumë humbje që nga viti 1985. Presidenti flet për krizën, por kritikat për trajnerin janë me tone të buta”.
Revista “Kiker”: Kombëtarja, vetëm karrikatura e vetvetes! Presidenti Grindel për thirrje për unitet, ndërsa drejtori sportiv, Birhof, nuk pranon të flasë.
“Berliner Cajtung” bën ironi për lojtarët e Bajernit: Blloku i Bajernit, Nojer, Humels, Boateng, Myler, zgjuan simpati në kombëtare!
“Frankfurter Algemajne Cajtung” flet për tifozët: Ne nuk jemi aspak fajtorë! Tifozët iu kundërvunë lojtarëve kur këta shkuan t’i përshëndesnin pas ndeshjes.

Joakim Lëv ende nuk mund të thuhet se rrezikon postin, por për tifozët kjo nuk ka shumë rëndësi. Kryesorja është se kur Gjermania e tyre do të jetë përsëri e madhe./abcnews.al

INTERVISTA-FLECKESTEIN-ERISA-ABC-M-4-T-2-HD.mpg_snapshot_00.37-1280x720.jpg
G. P.16:55 | 10/10/2018

Në një intervistë eskluzive për ABC News, raportuesi Knut Fleckenstein thotë se pavarësisht progresit në zbatimin e reformës së drejtësi dhe procesit të Vettingut, BE-ja dhe qeveria shqiptare e dinë shumë mirë, se ka ende një nivel të lartë të krimit të organizuar. Sipas tij Shqipëria duhet të bashkojë forcat me shtete anëtare si Gjermania, Franca dhe Hollanda për të luftuar fenomenin së bashku.

Pyetje: Komisioni i punëve të jashtme të Parlamentit Europian votoi me 44 vota pro, 5 kundër dhe 5 abstenim raportin tuaj. Cili është mesazhi kryesor që përçon raporti juaj ?

Knut Fleckestein, eurodeputet: “Në fakt, nuk ka diçka thelbësisht të re. Së pari, ne e kemi bërë të ditur tashmë që ne mbështesim rekomandimin e Komisionit Europian për hapjen e negociatave të anëtarësimit të Shqipërisë në BE. Së dyti, ne i bëjmë thirrje Këshillit të ministrave që t’i përmbahet fjalës së dhënë dhe së treti ne shohim një përmirësim të qartë të zbatimit të reformës në drejtësi dhe të procesit të Vettingut. Por, mbetet ende shumë punë për të bërë, prandaj nuk shoh diçka të re. Ajo që do të veçoja është fokusimi në disa çështje të tjera që janë thelbësore për qytetarët siç është çështja e pronave dhe rezultate më të mira në luftën kundër korrupsionit dhe krimit të organizuar. Pra, puna duhet të vijojë, por drejtimi është ai i duhuri.”

Pyetje: Raportuesi në hije, Eduard Kukan u shpreh se problematika e korrupsionit dhe krimit të organizuar po dëmtojnë progresin e vendit në integrimin europian. Jeni dakort me këtë?

Knut Fleckestein, eurodeputet: “Po, jam dakort pasi çështja e krimit të organizuar është arsyeja për të cilën disa shtete anëtare janë skeptike përsa i përket asaj nëse duhet të hedhin një hap më tej me Shqipërinë në integrimin europian. Nga ana tjetër, duhet parë se për çfarë bëhet fjalë kur flasim për krimin e organizuar shqiptar, për të evidentuar me kujdes nëse është krim i organizuar që vjen nga Shqipëria, apo nga shqiptarët në shtetet e tjera ku ata jetojnë. Megjithatë ne e dijmë të gjithë dhe qeveria e di shumë mirë, se ka ende një nivel të lartë të krimit të organizuar. Jam i sigurtë që ministria e brendshme e di se si mund ta trajtojë çështjen me interlokutorët dhe miqtë e tyre europianë në Gjermani, Francë, Hollandë në mënyrë që të bashkohen forcat për të luftuar fenomenin së bashku. Kjo është qasja e duhur dhe të shohim nëse do kemi rezultate të mira lidhur me këtë jo vetëm përsa i përket çështjeve të zyrtarëve të thjeshtë, por edhe për dosje të zyrtarëve të larta. Nuk kam dyshim që kjo do ndodhë”.

Pyetje: Eurodeputetët e grupimeve të tjera politike ju përgëzuan që keni integruar në raportin tuaj edhe problemet ekonomike dhe shoqërore këtë rradhë. Cila është e reja në këtë drejtim ?

Knut Fleckestein, eurodeputet: “Deri tani ne nuk jemi fokusuar sa duhet në aspektin social dhe ekonomik, por vetëm në atë të stabilitetit dhe të reformës në drejtësi dhe shtetit ligjor. Por tani duhet të fokusohemi te punësimi i qytetarëve dhe duhet të inkurajojmë qeverinë që të ndërrmarrin hapat e duhura për këtë politikë. Qytetarët shqiptarë duhet të shohin që rruga e integrimit në Bashkimin Europian, edhe pse e ngadaltë, do të përmirësojë jetën e tyre sociale dhe ekonomike. Dhe politika sociale është një nga pikat më të rëndësishme në këtë kuadër”.

Pyetje: Cili kriter, sipas jush, do bëjë diferencën për hapjen e negociatave të anëtarësimit në qershor 2019? Progresi në pesë prioritetet kyçe apo vetëm zbatimi i reformës dhe ç’mendoni për ngërçet aktuale të mosfunksionimit të Gjykatës së Lartë dhe Kushtetuese për të cilat qeveria shqiptare konsideron se do zgjidhen deri atëherë ?

 Knut Fleckestein, eurodeputet: “Shpresojmë që të kenë të drejtë, sepse nëse këto organe nuk funksionojnë, të gjitha objektivat e tjera do të jenë shumë më të vështira për t’u arritur. Unë do thoja sërish që diferencën do ta bëjë së pari zbatimi i reformës në drejtësi. pasi nëse ky sistem nuk funksionon normalisht, atëherë është e pamundur të arrihet sukses në luftën kundër korrupsionit dhe krimit të organizuar. Pra, ky është një kriter shumë i rëndësishëm, por nuk bëhet fjalë për përzgjedhje midis kritereve, pasi nuk do gjykojnë vetëm ministrat e drejtësisë për përparimin e Shqipërisë, por edhe ata të punëve të brendshme e të tjerë, megjithatë jam i sigurtë që mund të vijojmë gjithashtu lidhur edhe me çështjet ekonomike dhe sociale”./abcnews.al

MEDIAT-HOLANDEZE-BAJRI-ABC-1280x720.jpg
G. P.17:47 | 24/09/2018

Goditja e grupit Bajri nga autoritetet holandeze dhe shqiptare ka bërë jehonë në mediat e Holandës. Duke iu referuar versionit zyrtar të policisë vendase, thuasje të gjitha mediat e këtij shteti kanë pasqyruar arrestimin e Behar Bajrit dhe Samet Hallunit. “Arrestimet në Roterdam tregojnë edhe një herë se kriminelët nga vendi ballkanik ndihen si në shtëpinë e tyre në Holandë. Vitin e kaluar, policia ngriti alarmin për ndikimin zgjerimin e shpjetë të shqiptarëve në Amsterdam dhe Roterdam në veçanti”, shkruan gazeta holandeze “Der Telegraaf”. Gjithashtu edhe media të tjera kanë raportuar arrestimet duke cituar versionin zyrtar të autoriteteve./abcnews.al

ministrat.jpg
G. P.12:22 | 26/06/2018

Pyetje: “A prisni një dritë jeshile për Shqipërinë dhe Maqedoninë sot”?

Stef Blok, ministër i Jashtëm i Holandës: “Të dy vendet kanë bërë progres, një progres të rëndësishëm lidhur me shtetin ligjor dhe luftën kundër korrupsionit, por ato nuk janë ende aty. Secili vend ka arritjet e tij, por është shumë e rëndësishme që të dy vendet të paraqesin një gjurmë provash në këto fusha. Ne shpresojmë që të bëhet e mundur dërgimi i sinjalit që negociatat të fillojnë me të dy vendet, por është e rëndësishme që ato të tregojnë rezultate të mëtejshme në forcimin e shtetit ligjor. Ne nuk mbështesim ende një dritë jeshile sot, pasi edhe pse ka progres, progresi nuk është i mjaftueshëm. Ne duam të shohim gjurmën e provave në luftën kuncër korrupsionit dhe shtetin ligjor”.

Pyetje: “A prisni t’i ktheheni këtij vendimi në Dhjetor apo Shtator”?

Stef Blok: “Nuk e di nëse do t’i kthehemi këtij vendimit në Shtator, sepse ne duhet të shohim progres të mjaftueshëm. Këto çështje janë shumë të rëndësishme. Sapo u pyeta për shtetin ligjor në një shtet anëtar të BE-së. Pra, nuk duhet të tingëllojë e habitshme për vendet aspirante për anëtarësim në BE, që shpresoj të bëhet e mundur një ditë, të kuptojnë që ne mbështesim progresin nga njëra anë, por nuk mund të injorojmë faktin, se ky progres është i kohëve të fundit dhe ne duam të shohim më tutje një konsolidim të tyre dhe një gjurmë provash”.

Pyetje: “A mund BE-ja të evitojë një JO për Shqipërinë dhe Maqedoninë sot”?

Gernot Blümer, ministri i Jashtëm i Austrisë: “Ne kemi qenë gjithnjë në favor të zgjerimit me vendet e Ballkanit. Kjo përfshin Maqedoninë dhe Shqipërinë, por në këtë fazë ka ende kundërshtime”.

Pyetje: “Nëse s’ka vendim sot, a do merret ai në Dhjetor gjatë presidencës austriake”?

Gernot Blümer: “Ka ende mundësi për një konsensus sot dhe ne po punojmë fort për të. Ne e shohim këtë çështje si një çështje negociata në vijim dhe shpresojmë të gjejmë një konsensus sot”.

Michael Roth, ministër i Jashtëm i Gjermanisë: “Paqja dhe stabiliteti në Ballkan luan një rol shumë të rëndësishëm për të gjithë ne në Bashkimin Europian. Ne i vlerësojmë përpjekjet që të dyja vendet kanë ndërrmarrë për forcimin e shtetit ligjor, luftën kundër korrupsionit dhe krimit të organizuar. Qeveria gjermane është gati të mbështesë Shqipërinë dhe Maqedoninë në rrugën e tyre drejt Bashkimit Europian. Ne jemi gati që të dërgojmë një dritë jeshile dhe inkurajojmë miqtë tanë në Holandë dhe Francë që të na bashkohen”.

Pyetje: “A besoni se do ju bashkohen sot”?

Michael Roth: “Nuk jam i sigurtë, por mbetem optimist”.

Pyetje:Si do vijohet”?

Michael Roth: “Sipas qasjes hap pas hapi për Shqipërinë, Shqipëria duhet të përmbushë disa kiushte dhe Komisioni Europian dhe Këshilli Europian duhet të kontrollojë përmbushjen e tyre. Më pas do të jetë vijë sërish Këshillin Europian që të vendosë për hapjen e kapitujve të bisedimeve të anëtarësimit. Unë shpresoj, që ne do japim dritën jeshile për Shqipërinë dhe Maqedoninë sot”.

Jean Asselborn, ministër i Jashtëm i Luksemburgut: “Personalisht, mendoj, që bëjmë gabim që nuk marrim një vendim të qartë për Shqipërinë dhe Maqedoninë sot. E di që ka disa kundërshtime. Ne u kemi dhënë statusin e vendit kandidat në 2014 Shqipërisë dhe Maqedonisë në 2005. Për mua është një gabim politik që të mos merret një vendim sot, por ndoshta do gjejmë një zgjidhje së bashku”./abcnews.al

ft.jpg
G. P.14:15 | 25/06/2018

Financial Times me anë të një analize shkruan se Holanda nuk duhej të bllokonte hapjen e negociatave të BE-së me Shqipërinë. Në shkrim paralajmërohet se një gjë e tillë do të rrezikojë reformat e ndërmarra.

Media e njohur ndërkombëtare, Financial Times, ka publikuar një analizë të gjatë, lidhur me zhvillimet negative që mund të sjellë mos çelja e negociatave për anëtarësim të Shqipërisë me BE-në.

“BE duhet të mbrojë, jo të hedhë poshtë, reformat e Shqipërisë”, titullohet shkrimi i autorit Willem van Nieuwkerk, drejtor i Qëndrës për Bashkëpunimin Ligjor Ndërkombëtar në Hagë. Ai nënvizon se vetoja e Holandës vendos në rrezik reformat në vendin tonë.

Van Nieuwkerk vlerëson punën e bërë nga Shqipëria, veçanërisht në implementimin e reformës në sistemin e drejtësisë, megjithatë ka një shqetësim të madh.

“Vetoja e ardhshme holandeze në mbledhjen e Këshillit Evropian në 28-29 Qershor mund të ngadalësojë ose të ndalojë këtë përparim”, thekson ai, duke shtuar se ndalimi i proceseve integruese për Shqipërinë do të ketë një impakt katastrofik.

Sipas Van Nieuwkerk, reforma në drejtësi, mund të jetë shembull për të gjithë vendet e tjera të Ballkanit Perëndimor.

“Modeli i përdorur nga Shqipëria duhet të aplikohet edhe në vende të tjera të rajonit”, thotë ai.

Megjithatë, analisti holandez nënvizon në fund, se “një shtyrje tjetër e bisedimeve të pranimit mund të jetë ajo që pengon përparimin e Shqipërisë”./abcnews.al

holanda.jpg
G. P.18:05 | 21/06/2018

Mediat prestigjoze “De Telegraaf” shkruan se Holanda ka bllokuar hapjen e negociatave për pranimin e Shqipërisë në BE. Sipas kësaj mediaje që citon burime qeveritare, Shqipëria duhet të bëjë më shumë në luftën kundër korrupsionit dhe krimit të organizuar.

Kur kanë mbetur vetëm pak ditë për votimin lidhur me hapjen ose jo të negociatave me Shqipërinë për anëtarësimin në BE, Holanda ka dashur të qartësojë qëndrimin e saj për të mos lënë vend për surpriza. Sipas asaj që shkruan media e njohur e këtij shtetit “De Telegraaf”, qeveria ka vendosur të shprehet negativisht për çeljen e negociatave.

“Ne kemi shqetësime serioze në lidhje me luftën kundër korrupsionit dhe krimit të organizuar,” thotë ministri i Jashtëm holandez, Het Blok.

“Fillimisht duhet të bëhen më shumë përparime në këto pika”, shton ai.

Partitë që kundërshtojnë hapjen e negociatave janë: Partia Popullore për Liri dhe Demokraci e kryeministrit Mark Rutte, Apeli Kristian Demokrat, Unioni Kristian, Partia për Liri e euroskeptikut Geert Wilders dhe partia 50Plus. Ndërsa ato që e mbështesin janë vetëm dy, Partia Demokratike 66 dhe Grooen Links.

Deputeti i Apelit Kristian Demokrat, Van Helvert njeh ndikimin në rritje të Rusisë dhe Kinës në Ballkanin Perëndimor, por nënvizon se nuk duhet të bëhet pazar me anëtarësimin.

“Nuk ka progres në Shqipëri, për shembull në reformën e gjyqësorit. Gjyqtarët janë shfaqur. Por nga tetëqind gjyqtarët vetëm dhjetë janë testuar. Atëherë nuk mund të thuash: vendi është gati për negociata për anëtarësim”, thotë ai.

Ndërkohë, partite holandeze sipas “De Telegraaf”, besojnë se vendet duhet të kujdesen mirë për sundimin e ligjit, qasjen ndaj krimit dhe luftën kundër korrupsionit./abcnews.al

mark-rutte.jpg
G. P.19:39 | 05/06/2018

Ndodh që politikanët të bëhen shkaktarë të rrëmujave, por më pas nuk i kthejnë gjërat në vendin e tyre. Ndërsa kryeministri i Holandës, Mark Rutte ka dhënë provën se jo gjithmonë është kështu. Teksa ka shkuar në Parlament, gota me kafe i ka rënë nga dora, duke ndotur ambientin rreth tij.

Punonjëset e mirëmbajtjes janë afruar për të pastruar vendin, por kreu i qeverisë i ka marrë vetë në dorë mjetet dhe ka nisur punën. Me duartrokitje, punonjëset i kanë dhënë atij kurajo.

Më pas, kryeministri ka lënë mjetet dhe me një leckë të lagur ka pastruar dyert prej xhami të bëra pis me kafenë e tij. Sidoqoftë kanë qenë pastrueset ato që i kanë dhënë dorën e fundit bëmës së kryeministrit, duke rikthyer “shkëlqimin” në hyrjen e Parlamentit./abcnews.al

pazari-i-ri-1280x853.jpg
G. P.11:56 | 28/05/2018

Në një artikull të gjatë e përditshmja prestigjoze holandeze në versionin e saj të shtypur, e cilëson kryeqytetin tonë si qytetin më modern në Ballkan. Një nga pikat më të forta të kryeqytetit, sipas autores, është pikërisht rinovimi i Pazarit të Ri.

“Tirana është kthyer në qytetin më modern në Ballkan”.

Me këtë përcaktim nis artikullin e saj të gjatë e përditshmja holandeze “De Telegraaf”. Autorja e reportazhit ndër të tjera shkruan se teksa shëtit nëpër qytet të bëjnë përshtypje ndërtesat e lyera me ngjyra dhe atmosfera e relaksuar në kafenetë dhe restorantet trendi. Por, pjesa më e jashtëzakonshme, sipas saj, është tregu i rinovuar, Pazari i Ri.

Duke perifrazuar copëza të bisedës me kryebashkiakun Veliaj, autorja thekson se në muajin Prill, ai u vlerësua nga Komisioni Europian me një çmim për projektin e tij për t’i siguruar një strehim të përshtatshëm minoritetit rom në qytetin e tij dhe për të arsimuar fëmijët e tyre.

Vendi është po ashtu i njohur për mënyrën paqësore sesi bashkëjetojnë besimet e ndryshme, shkruhet më tej. Krahas xhamive, kishave katolike dhe ortodokse, Tirana është edhe shtëpia e qendrës botërore të urdhërit sufi të Bektashinjve, të cilët u detyruan të largohen nga Turqia./abcnews.al

kurz.jpg
G. P.14:05 | 27/05/2018

Kancelari i Austrisë, Sebastian Kurz, është shprehur pro hapjes së negociatave me Shqipërinë dhe Maqedoninë.

“Nëse duam të shmangim konflikte në Ballkanin Perëndimor dhe të ndihmojmë në stabilizimin e rajonit, duhet që t’i ofroni vendeve një ofertë të besueshme për një perspektivë europiane. Me Shqipërinë dhe Maqedoninë duhet t’i hapim sa më shpejt negociatat për anëtarësim”, ka thënë  politikani konservator për “Welt am Sonntag”.

Sipas tij, Austria mbështet edhe progresin për aderim në BE të serbisë dhe Malit të Zi.

Ndërkohë e përditshmja austriake, Die Presse, shkruan se Këshilli i Europës duhet të marrë një vendim Qershor, ku thekson se Komisioni e mbështet diçka të tillë. Ndërsa në Gjermani, sipas gazetës austriake, CDU dhe CSU kanë rezerva lidhur me këtë çështje.

Gazeta shkruan se Holanda dhe Finlanda po ngadalësojnë në vendimin e tyre, si edhe që Presidenti i Francës, Emmanuel Macron, është vënë kundër një zgjerimi të BE-së.

“Sa më e keqe të jetë perspektiva për anëtarësim, më të mëdha janë shancet për influencë të shteteve si Turqia dhe Rusia”, ka paralajmëruar Kurz.

Die Press sjell gjithashtu në vëmedje fjalët e Kryeministrit të Shqipërisë, i cili në një intervistë për Reuters ka deklaruar se nëse i jepet fund perspektivës europiane, atëherë kjo mund të shkaktojë “shumë zhvillime të këqija” shkruan e përditshmja austriake.

narko-shtet.jpg
G. P.20:36 | 10/05/2018

Holanda po kthehet gradualisht në një narko-shtet në zemër të BE-së. Kështu thuhet në një raport të policisë vendase, në të cilin jepet alarmi për shtrirjen e krimit të organizuar, që paratë e drogës po i investon në biznese formale.

Holanda po merr gjithmonë e më shumë pamjen e një narko-shteti, ku agjencitë ligjzbatuese ndihen të pafuqishme për të luftuar krimin dhe ekonominë informale të prodhuar prej tij.

Kështu thuhet në një raport të policisë vendase, i cituar nga gazeta “De Telegraaf”. Sipas organit mediatik që përfaqëson sindikatën e policisë, ndonëse shifrat e institucioneve tregojnë një trend në rënie të kriminalitetit, në të vërtetë shumë krime po kalojnë të padenoncuara. Ndërkohë, thonë burimet e cituara nga gazeta, organizatat kriminale kanë dorë të lirë veprimi.

“Vetëm një grup kriminal në 9 mund të ndalet me burimet njerëzore që zotëron aktualisht policia”, thuhet në raportin zyrtar.

Në dokumentin në fjalë nënvizohet se edhe kriminelët e profilit të ulët po veshin petkun e biznesmenit, duke u afirmuar në fusha të ndryshme biznesi si hoteleri, agjenci udhëtimesh apo tregje të shitjes.

Në shkrimin e saj, gazeta bazohet në intervistat e kryera me 400 efektivë të policisë, të cilët pohojnë se Holanda po merr tiparet karakteristike të një narkoshteti, me ekonominë kriminale që po sfidon atë formale. Kritikë të politikave tolerante të qeverisë, që ka legalizuar shitjen e kanabisit nëpër kafene dhe prostitucionin, vlerësojnë se Holanda është kthyer në vatrën e trafikimit të narkotikëve dhe qënieve njerëzore.

Dhe në fakt, pjesa dërrmuese e drogës sintetike të llojit ekstazi që konfiskohet në Europë dhe Shtetet e Bashkuara prodhohet në laboratorë që ndodhen në jug të vendit, të kontrolluar nga grupe kriminale marokene, aktive edhe në kultivimin e kanabisit. Gjithashtu, gjysma e kokainës që qarkullon në Europë e që kap vlerën vjetore të 5.7 miliardë eurove, hyn në kontinentin e vjetër përmes portit të Rotërdamit.

Nga ana tjetër, edhe pse në 9 vitet e fundit është regjistruar një rënie me 25 përqind e krimeve të regjistruara, nën 1 milion raste, “De Telegraaf” shkruan se rreth 3.5 milionë krime të tjera kalojnë çdo vit të paregjistruara. Raporti i cituar ngre ndër të tjera edhe shqetësimin se forcat policore janë në një dizavantazh të theksuar krahasuar me burimet që kanë grupet kriminale.

Më herët gjatë muajit, kryetari i Bashkisë së Amsterdamit, shefi i policisë lokale dhe zyra e prokurorit publik paralajmëruan publikisht rrezikun nga ekspansioni i organizatave kriminale të instaluara në disa lagje të qytetit, të cilat kanë dalë tërësisht jashtë kontrollit të autoriteteve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono