hetimi

prokuroret-konferena-1280x543.jpg
nev ila14:03 | 15/01/2020

Në një konferencë të përbashkët për shtyp, gjatë ditës së sotme prokuroria e Tiranës dhe drejtuesit e policisë së shtetit dhanë disa detaje nga hetimi për tërmetin e datës 26 nëntor.

Sipas prokurorëve janë gjetur një sërë shkeljesh nga ana e ndërtuesve dhe zbatuesve të projekteve ndërtuese por jo vetëm. Prokurorët theksuan se në disa raste është konstatuar se mungon edhe leja e objektit dhënë nga njësia administrative.

Prokurorët u treguan të kujdesshëm për të treguar detaje të tjera nga hetimi, ata theksuan se hetimi ende vazhdon.

“Mungojnë studimet sizmiologjike, të cilat për një kategori ndërtesash mbi 7 kate është akt i domosdoshëm. Mungojnë oponencat teknike për administratorët e të cilëve janë lëshuar edhe urdhra ndalimi, mungojnë procesverbale të përfundimit të karabinave, të objektit. Në disa dosje mungojnë aktet e konstatimeve nga zyrat urbanistike, në komunat Farkë dhe Kashar, për të legalizuar mungojnë aktet e qëndrueshmërisë. Këto shkelje lidhen me veprat penale të shpërdorimit me detyrën. Ka mangësi lidhur me aktet e kolaudimit të objekteve. Ka mangësi edhe në aktet e marrjes në dorëzim të shesheve të ndërtimit, procesverbali i gërmimit, betonimit, të lidhjes së hekurit, të provave për betonin dhe hekurin, certifikatat e cilësisë së punimeve. Në disa raste mungon edhe leja e objektit dhënë nga njësia administrative“, thanë prokurorët e çështjes.

Ndërkohë nën akuzë, janë vendosur edhe ata persona, të cilët kanë ndërtuar në mënyrë  të paligjshme, shtesa të objekteve, të cilat kanë sjellë dobësimin e strukturës mbajtëse të objekteve.

Ndërkohë të pyetur nga gazetarja e ABC News, Glidona Daci se nëse në bazë të hetimit, a ka patur raste, ku ka rezultuar se janë dëmtuar banesa nga tërmeti i 21 shtatorit, dhe më pas, edhe nga ai i 26 nëntorit, çfarë masash ishin marrë,  prokurorja Imeraj tha

“Edhe në këtë drejtim hetimi vazhdon, dhe është objekt i hetimit edhe një situatë e tillë”./abcnews.al

komisioni-i-venecias-1280x709.jpg
nev ila21:00 | 10/01/2020

ABC News siguron pyetjet e Kuvendit përmes kryetarit Gramoz Ruci, dërguar Komisionit të Venecia për hetimin e presidentit të Republikës Ilir Meta dhe emërimin e 2 anëtarëve të Gjykatës Kushtetuese.

Ajo që bie në sy në letrën drejtuar Komisionit të Venecias, është se Kuvendi ka kërkuar opinionin e këshilluesve të çështjeve kushtetuese vetëm me 6 pyetje, ndërkohë që në lidhje me këtë, ishin formuluar 10 pyetje, 5 prej të cilave nga opozita.

Partia Socialiste vendosi në nëntor të vitit të kaluar se do të çonte sërish Presidentin Ilir Meta në Komisionin e Venecias, me qëllim interpretimin e konfliktit për Gjykatën Kushtetuese.

Po ashtu edhe Presidenti Meta do i drejtohet Venecias në lidhje me shkeljet kushtetuese të Kuvendit të Shqipërisë, për procesin e zgjedhjes së dy anëtareve të Gjykatës Kushtetuese.

Sipas Metës zgjedhjet janë të bëra pa garë, vetëm me një kandidat, dhe në kundërshtim me radhën që dikton Kushtetuta dhe kriteret e ligjit për organizimin e Gjykatës Kushtetuese për të cilën presidenti ka akuzuar kreun e KED Ardian Dvorani.

Ja pyetjet e Kuvendit drejtuar Komisionit të Venecias: 

Ndërsa komisioni hetimor vijon punën sipas objektit të hetimit, ka lindur nevoja të kërkohet mendimi i specializuar në lidhje me disa çështje mbi sa parashtrohet me sipër. Konkretisht, Kuvendi i Shqipërisë do të vlerësonte shumë opinionin e Komisionit të Venecias, si për pyetjet sa më poshtë, ashtu edhe për çdo çështje tjetër që lidhet me rastin në shqyrtim:

  1. Emërimi i një gjyqtari kushtetues tej afatit prekluziv 30 ditor dhe jashtë listës se kandidatëve të miratuar me vendim të Këshillit të Emërimeve në Drejtësi a cenon parimin? Sa e pajtueshme është me konceptin e një “gjykate të caktuar me ligj” siç parashikohet në Konventën Europiane të të Drejtave të Njeriut zgjedhja e një gjyqtari në kundërshtim me procedurën kushtetuese dhe ligjore?
  2. A ndikon situata e paraqitur në pyetjen e parë në legjitimitetin e vendimmarrjes së Gjykatës Kushtetuese duke vënë në dyshim garancitë e shtetasve e për një proces të rregullt ligjor’? A bie ndesh kjo me opinionin e Komisionit të Venecias të datës. 14.03.2016, për mekanizmat zhbllokues në zgjedhjen dhe emërimin e anëtarëve të organeve kushtetuese?
  3. A është në përputhje me standardet më të mira, zbatimi i mekanizmit zhbllokues pas mosveprimit të Presidentit për të emëruar brenda 30 ditëve gjyqtarin kushtetues si rrjedhojë e të cilit konsiderohet i emëruar gjyqtari kushtetues?
  4. A mundet Presidenti të mos organizojë ceremoninë e betimit të gjyqtarit kushtetues kur ai/ajo në kuptim të ligjit konsiderohen të emëruar? Në këtë rast, a konsiderohet e cenuar e drejta e një gjyqtari kushtetues të ushtrojë detyrën?
  5. Në rast se Presidenti nuk organizon ceremoninë e betimit të gjyqtarit kushtetues, nisur nga solemniteti i betimit si akt, çfarë mekanizmi mund të përdoret për ta zhbllokuar një situatë të tillë? A është betimi me shkrim një formë për plotësuar kushtin e betimit, për të filluar ushtrimin e detyrës, në situatën kur gjyqtari është emëruar në detyrë për efekt të ligjit?
  6. Cilat mund të ishin zgjidhjet sipas standardeve më të mira ndërkombëtare për tu shmangur rastet kur organi i ngarkuar me kryerjen e betimit refuzon të thërrasë për betim zyrtarin?

/abcnews.al

 

 

KRONIKE-KOMISIONI-I-METES.mpg_snapshot_00.36-1280x720.jpg
nev ila16:37 | 22/11/2019

Maxhoranca nuk ka hequr dorë nga nisma e saj për shkarkimin e Presidentit të Republikës, Ilir Meta. Komisioni Hetimor në Kuvend mori në shqyrtim informacionin “Top Secret” të paraqitur nga institucioni i Presidencës lidhur me arsyet që u anuluan me dekret zgjedhjet e 30 qershorit.

Në shqyrtim u mor edhe raporti paraprak i Venecias, ndërkohë që shumica ka paralajmëruar që do të kërkojnë shtyrje të afateve të Komisionit dhe zgjerim të objektit të hetimit për Ilir Metën.

Pavarësisht se Komisioni i Venecias ka dalë me raport final për shkeljet e Presidentit të Republikës, komisioni hetimos vendosi në unanimitet të marrë në konsideratë edhe raportit paraprak të Venecias që trazoi politikën për shkak të qëndrimeve që shpreheshin.

Anëtarëve të Komisionit Hetimor për shkarkimin e Presidentit të Republikës iu vu përballë edhe një informacion “TOP SECRET” i ardhur nga institucioni i Presidencës.

Gjatë seancës dëgjimore që vetë Ilir Meta zhvilloi pak javë më parë në Kuvend foli për informacione të djegies së Kuvendit në një nga protestat e opozitës. Dhe kur bëhet fjalë për informacion të klasifikuar, paralajmërimi i Ulsi Manjës ishte i prerë për ligjvënësit.

Në 8 dhjetor, afati i komisionit hetimor për shkeljen e kushtetutës të Presidentit Meta përfundon. Por shumica ka deklaruar se shkeljet e reja të kushtetutës që Meta po konsumon me Gjykatë Kushtetuese do të bëjnë që afatet e komisionit të zgjaten dhe objekti i komisionit të zgjerohet./abcnews.al

 

balla-3.jpg
nev ila13:34 | 20/11/2019

Kreu i Grupit Parlamentar socialist, Taulant Balla në një dalje por mediat tha se janë shtuar akuzat për abuzim me detyrën nga Presidenti i Republikës Ilir Meta.

Për këtë arsye mazhoranca ka vendosur të shtyjë hetimin nga Komisioni Hetimor përtej datës 8 dhjetor, datë kjo ku përfundonte edhe afati për hetimin e Metës.

Balla tha se Presidenti vazhdon të shkelë ligjin e Kushtetutën dhe për këtë arsye mazhoranca ka renditur argumente shtesë për dokumentimin e shkeljeve të tij.

Kreu i shtetit në bindjen tonë ka shkelur Kushtetutën. Është marrë vendimi për ngritjen e komisionit hetimor për kontrollin e veprimeve të presidentit të Republikës.

Presidenti i Republikës në një kurs përplasjeje të fortë me Kuvendin dhe me institucione të tjera ka vijuar cenimin e Kushtetutës me pasoja të rënda me veprime konkrete dhe vendime të qëllimshme të cilat po i rendisim: Në kuadër të hetimit për të shkarkuar Presidentin e republikës, Kushtetuta jonë rregullorja e kuvendit apo ligji praktikisht nuk ndalojnë shtimin e objektit hetimor. Duke vërejtur se shkelja e Kushtetutës nga Presidenti i Republikës tashmë është bërë kronike përmes kësaj kërkese argumentet shtesë për hetimin ndaj presidentit nga komisioni hetimor janë:

Cilat janë argumentet shtesë?

-Së pari presidenti i republikës ka nxjerrë një dekret nr 11350, për emërimin e Marsdia  Xhaferllarit  si anëtare e Gjykatë s Kushtetuese. Ky dekret është nxjerrë në kundërshtim flagrant me nenin 125 të Kushtetutës.

-Së dyti, njësoj sic veproi në tejkalim të kompetencës kur anulloi dekretin e tij për caktimin e datës 30 qershor të vitit zi datë për zgjedhjet vendore, me dekretin që ka firmosur për emërimin e Marsida Xhaferllarit presidenti ka vepruar përtej kompetencës së tij kushtetuese duke demonstruar në mënyrë të përsëritur papërgjegjshmërinë institucionale si dhe duke përdorur në mënyrë abuzive pushtetin e dhënë nga kushtetuta.

-Së treti, Ky veprim i Presidentit ka sjellë pasoja të rënda për legjitimimin e funksionalitetit të Gjykatës Kushtetuese pasi aktualisht në këtë gjykatë rezulton se mund të ketë filluar detyrën Marsida Xhaferllari e cila ka marrë një mandat të paligjshëm si anëtare e Gjykatës Kushtetuese.

-Së kartërti, Arta Vorpsi ka fituar në bazë të Kushtetutës dhe ligjit mandatin e Gjyqtarit Kushtetues nuk është ftuar nga ana e presidentit sipas ligjit i cili ka deklaruar publikisht se nuk e njeh gjyqtaren kushtetuese në këtë funksion . Në këtë rast presidenti refuzon të zbatojë Kushtetutën që përbën një abuzim me pushtetin që i ka ngarkuar Kushtetuta”, tha Balla./abcnews.al

agim-kajmaku-ne-zyre-1280x690.jpg
nev ila16:19 | 18/11/2019

Për më shumë se një jave kanë dështuar 13 aksione policore për arrestimin e ish-kryebashkiakut socialist të Vorës, Agim Kajmaku. Dyshimet janë për dekonspirim të aksionit nga radhët e uniformave blu, ku 7 prej tyre po verifikohen për rrjedhje informacioni nga Shërbimi për Çështjet e Brendshme dhe Ankesave në Ministri.

Arratisja e Agim Kajmakut, ish-kryetar i Bashkisë së Vorës pak para se të arrestohej mëngjesin e 11 nëntorit ka bërë që shtatë drejtues të lartë të policisë së Shtetit dhe të drejtorisë Vendore në Tiranë të verifikohen për dekonspirim.

Shërbimi për Çështjet e Brendshme dhe Ankesave në ministrinë e Brendshme, ka sekuestruar praktikën e ndjekur nga vendimi i marrë në gjykatën e Tiranës deri te dorëzimit i materialit sekret në sekretarinë e policisë së Tiranë.

Policia pretendon se ka aktivizuar një numër të lartë efektivësh për të arrestuar Kajmakun, a thua sikur po kapin një të shumëkërkuar për krime të rënda kundër jetës. Por behët fjalë për ish-kreun e bashkisë së Vorës që u votua më 30 qershor në siglën e Partisë Socialistë.

Shpenzimi i energjive si edhe dyshime për dekonspirim të aksioneve nga vetë forcat blu kanë bërë që Kajmaku të vijojë të qëndrojë në arrati. Prej më shumë se një javë, prokuroria dhe policia po negociojnë me familjarët dhe avokatin  për dorëzimin e tij.

Dhe dorëzimi i 48-vjeçarit e ka një kusht. Agim Kajmaku kërkon që hetimi ndaj tij të bëhet gjendje të lirë. Kjo ishte kërkesa që u bë në gjykatën e Apelit për të kundërshtuar vendimin e shkallës së parë që ishte ai i “arrestit në burg” nga avokatit i Kajmakut, Isuf Shehu.

Sipas prokurorisë së Tiranës ka rezultuar se ish-kreu i bashkisë së Vorës nuk kishte raportuar në formularët e dekriminalizimit se ishte në një proces gjyqësor në Greqi.

Kajmaku është nën hetim edhe për ushtrim të funksioneve pas dhënies fund të detyrës duke qenë se, ka shkarkuar dy nënkryetar të bashkisë pikërisht ditën kur Komisioni Qëndror i Zgjedhjeve i ndërpreu mandatin si edhe ka shpërdoruar detyrën./abcnews.al

giuliani.jpg
ent ela11:56 | 15/11/2019

Avokati personal i Trump, figura qendrore në skandalin e “Ucrainagate”, është vendosur nën hetim nga prokuria e Manhatan për disa nga veprimet e tij financiare. Ai akuzohet për shkelje të rregullave në financimet elektorale dhe për veprime të paligjshme lobimi, jashtë vendit. Por mediat amerikane raportojnë se ai akuzohet dhe për korruptim të zyrtarëve të huaj

Rudi Xhuliani, avokati personal i presidentit amerikan Donald Tramp, është zyrtarisht nën hetim nga prokuroria e Manhatan. Një nga figurat kryesore në skandalin e “Ucrainagate”, ai do të hetohet për disa veprime financiare. Dyshimi është ai i shkeljeve të mundshme të rregullave për financimet elektorale dhe për veprime të paligjshme lobimi jashtë vendit. Blumberg, duke cituar burime zyrtare të administratës amerikane shkruan se ai mund të akuzohet dhe për korruptim të zyrtarëve të huaj.

Hetimet për Xhulianin drejtohen nga zyra e prokurorit federal të Manhatan, që dikur drejtohej nga vetë Xhuliani para se të bëhej kryetar i bashkisë së Nju Jork. Hetimet janë përqendruar pikërisht në aktivitetet e tij në Ukrainë. Aktivitete për të cilat kanë përfunduar në vëmendjen e hetuesve dhe dy ortakë të Xhulianit të arrestuar disa javë më parë: Lev Parnas e Igor Fruman, të akuzuar s ekanë derdhur me qindra mijëra dollar në llogaritë bankare të zyrtarëve amerikanë dhe komiteteve politike që mbështesnin Trump. Nëse akuzat ndaj Xhulianit do të zyrtarizoheshin, do të ishte një goditje e rëndë për Trump sidomos nëse vërtetohet se ish kryebashkiaku i Nju Jork ka vepruar nën urdhrat e kreut të Shtëpisë së Bardhë. /abcnews.al

kongresi-amerikan-1280x716.jpg
nev ila23:42 | 13/11/2019

Në komisionin e inteligjencës të Kongresit amerikan nisën këtë të mërkurë dëshmitë mbi hetimin ndaj presidentit amerikan Donald Trump për çështjen e Ukrainës. Kjo është përpjekja e re e demokratëve për shkarkimin e presidentit.

Ky i fundit në një mesazh nga shtëpia e bardhë tha se opozitarët po përpiqeshin ta ndalnin pasi ai lufton për amerikanët.

Të mërkurën nisën dëshmitë publike në Komisionin e Inteligjencës në Dhomën e Ulët të Kongresit Amerikan mbi hetimin ndaj presidentit amerikan Donald Trump për cështjen e Ukrainës.

Të parët që dëshmuan ishin Zv/ndihmës Sekretari Amerikan i Shtetit për Europën dhe Euroazinë, George Kent dhe i ngarkuari më punë i Washingtonit në Ukrainë, diplomati i karrierës William Taylor.

Të dy mbështetën dyshimet kryesore mbi të cilat ka nisur hetimi, sipas të cilave presidenti Trump ka shfrytëzuar postin për t’i bërë presion homologut ukrainas, duke zvarritur nënshkrimin e ndihmës ushtarake 400 milionë dollarësh deri në marrjen e garancisë që Zelensky të nxisë hetimet në Ukrainë për rivalin e mundshëm demokrat në presidencialet e ardhshme Joe Biden.

George Kent tha se nuk besonte se Shtetet e Bashkuara mund t’u kërkojnë vendeve të tjera të angazhohen në hetime selektive ndaj kundërshtarëve politikë brenda vendit. Këto veprime sipas tij, minojnë sundimin e ligjit në pavarësisht vendit ku kryen.

Ndërsa William Taylot tha se gjatë Korrikut, u duk qartë se takimi me Presidentin Zelensky u kushtëzua me hetimet për kompaninë Burisma dhe ndërhyrjen e mundshme nga Ukraina në zgjedhjet amerikane të 2016-s. Kjo u bë përmes kanaleve të jashtëligjshme politike, nënvizoi diplomati.

Një telefonatë e 25 korrikut midis Trumpit dhe Zelenskiyt është arsyeja për të cilën Dhoma e Përfaqësuesve nisi hetimin në kuadër të procedurës së shkarkimit të presidentit amerikan. Një informator ende i paidentifikuar, dërgoi ankesë duke thënë se biseda përbënte shkelje nga ana e presidentit amerikan.

Pak kohë më parë, në media qarkulluan lajme se kur ishte Zv/president, Joe Biden kishte ndikuar në shkarkimin e ish-kryeprokurorit ukrainas Viktor Shokin në vitin 2016, për të ndalur hetimin ndaj një kompanie ku ishte punësuar i biri Hunter Biden.

Presidenti Donald Trump e ka quajtur hetimin e ri të nisur ndaj tij , një gjueti shtrigash e përmes një mesazhi nga shtëpia e bardhë, publikuar në twitter-in e tij tha:

“Ata po përpiqen të më ndalin mua. Unë do luftoj për ju! Dhe nuk do i lejoj kurrë ta bëjnë.”/abcnews.al

 

Donald-trump.jpg
ent ela12:07 | 10/11/2019

Nuk do të ketë dëshmi të personit i cili me informacionet e tij nisi hetimet për rrëzimin nga pushteti të presidentit amerikan Donald Trump. Kjo sepse provat e mbledhura janë të mjaftueshme dhe nuk ka arsye që të rrezikohet siguria e tij personale duke u bërë një personazh publik.

Burimi i cili u bë shkak për nisjen e hetimeve për rrëzimin nga posti të presidentit amerikan Donald Trump, nuk do të thërritet për të dëshmuar, ashtu si kanë kërkuar republikanët. Lajmi është konfirmuar nga presidenti i komisionit të inteligjencës në Kongresin Amerikan.

Adam Shif u shpreh se dëshmia e tij do të ishte sipërfaqësore dhe e padobishme, pasi provat e mbledhura deri tani janë më se të mjaftueshme. Gjithashtu në rast dëshmie, siguria e tij do të vihej në rrezik nga kërcënimet e kreut të shtëpisë së Bardhë.

Hetimi për rrëzimin e presidentit Trump ka mbledhur shumë prova – nga dëshmitë deri tek dokumentet, përfshirë dhe fjalët e vetë Trump në telefonatën e 25 korrikut – që jo vetëm konfirmojnë por i tejkalojnë informacionet e para të burimit. Për këtë arsye dëshmia e tij do të ishte e kotë. Dhe duke pasur parasysh kërcënimet e presidentit, shfaqja e tij në publik do të vinte në rrezik sigurinë e tij personale, përfundoi Shif deklaratën e tij. /abcnews.al

 

gjergj-krygja-logo-1280x720.jpg
nev ila09:40 | 07/11/2019

Për vrasjen që ndodhi një ditë më parë në Dukagjin po hetohet në dy pista , në atë të shfrytëzimit të pyjeve dhe  të trafikut të drogës. Dyshohet se Gjergj Krygja merrej edhe me lëndë narkotike. Autorët mendohet se kanë lëvizur me një fuoristradë. Viktima mësohet se ka qenë një eksponent i partisë socialiste në zonën e Sumës.

Një banor i zonës së Sumës e ka gjetur të vrarë Gjergj Krygjen në derën e shtëpisë së tij. Ai ka njoftuar policinë nga e cila është mësuar se ekzekutuesi ka vepruar nga një distancë e afërt. Nuk përjashtohet mundësia që viktima  të njihej me autorin ose autoret e ngjarjes.

Nga burime të abc neës mësohet se një fuoristradë ka qarkulluar në zonë ditën e mërkurë dhe në të ndodheshin tre persona. Dyshohet se pas kryerjes së krimit mjeti është larguar me shpejtësi.

Të vetmet mjete që arrijnë të qarkullojnë në zonë janë makinat e larta  të cilat merren me furnizimin me dru. Duke shfrytëzuar motin e keq, autoret janë arratisur pa lënë gjurmë.

Gazetari i ABC Neës Simon Shkreli ka mësuar se për krimin po hetohet në dy pista. 43 vjeçari dyshohet se është vrarë për një konflikt për shfrytëzimin e lëndës drusore pasi Suma është nga zonat që shfrytëzohet më ë shumti kjo lëndë.

Sipas burimeve një pistë tjetër që po hetohet është edhe aktiviteti në kultivimin e lëndës narkotike, nëse viktima ka patur ndonjë konflikt për trafikant droge.

Policia mori në pyetje banorë dhe të afër të viktimës por nuk ka arritur të përvetësojë ndonjë detaj të rëndësishëm. Të afërmit kanë deklaruar se ai kishte shkuar në bjeshkë për të marrë zahiret e dimrit.

Policia është rikthyer sërish në vendngjarje për të gjetur prova të tjera që mund të kenë shpëtuar nga moti i keq.  Viktima  Gjergj Krygja ka qenë  eksponent i Partisë Socialiste në zonë ku në vitin 2015 së bashku me komisionerët tjerë është filmuar duke manipuluar votat në Qendren e Votimit 0092 e cila ndodhet në ambientet e shkollës 9 vjeçare në Bruçaj të Sumës, pjesë e njësisë administrative Pult të Dukagjinit.

Kjo është vrasja e dytë brenda një muaji në Shkodër, me 21 tetor në Shosh të Dukagjinit është vrarë me armë zjarri Lazer Arra, për këtë vrasje prokuroria ka akuzuar sit ë dyshuar kryesor djalin e xhaxhait të viktimës Marash Arra, ndërsa më pas ka ndryshuar akuzën nga vrasje me paramendim në mos kallëzim krimi./abcnews.al

redjani-1-1280x720.jpg
ent ela17:07 | 06/11/2019

Ngushtohet rrethi i autorëve të mundshmë të atentatin e tipit mafioz ku mbeti i plagosur prokurori i Durrësit bashkë me dy miqtë e tij. Sipas grupit hetimor janë edhe dy persona të tjerë nga Fushë Kruja që dyshohen se u përfshinë ngjarjen e kriminale.

Ndërkohë materialet e sekuestrua në atomjetin ku u qëllua prokurori Ndoj po ekzaminohen për origjinalitetin e tyre.

Redjan Rraja personi që shikoni në foto, nuk është i vetmi që po hetohet në atentatin e kryer në drejtim të prokurorit Arjan Ndoj dhe dy miqven të tij, mesditën e së premtes te mbikakalimi Shkozetit në Durrës.

Atë e ka tradhëtuar një disa gjurmë papilarë të provuara bioligjikisht të gjetura në automjetin e sekuestruar në Shkafand të Ishmit.

Vetë i pandehuri i ka mohuar akzuat duke dhënë alibi se, ditën e atentatit nuk ka qenë fare në Shkozet por Fushë Krujë dhe kjo gjë sipas -Rrajës mund të verifikohet edhe nga qëlizat telefonike.

Burime nga grupi hetimor konfirmojnë për ABC News, se në automjetin ku udhëtonte prokurori Ndoj, Andi Maloku dhe Aleksandër Laho, ose Pëllumb Muherrmi i njohur ndyrshe si “Rrumi i Sukthit”, u gjetën një numër i lartë dosjesh. Ato ishin vendosur në bagazhin e makinës tip Mercedes Benz AA 333 ZD dhe u dërguan në prokurorinë e Krimeve të Rëndë për të vërtetuar në janë vjedhur në prokurorinë e Durrësit apo janë matërialet që u grabitën postierit që dërgonte shkresat sekrete drejt organit të akuzës disa kohë më parë.

Gjithashtu, burime kofidenciale pranë Policisë së Shtetit konfirmojnë se, materialet ishin të padëmtuara dhe të ruajtuar mirë, duke hedhur dyshimin se, mund të jenë trasferuar në mënyrë të fshehtë nga një institucion  që ka nën juridiksion edhe kartotekë për ruajtjen e fashikujve të dosjeve. Origjinalitetit i materialeve të sekuestruara dhe përmbajtja e tyre mbetet ende pasaktësuar nga grupi hetimor, të cilat po hetohet nga Besim Hadarmataj dhe Anton Martin prokuror të  krimeve të Rënda.

Dyshimet janë se i dosjet i përkasin çështjeve të pronave në bregdet konkretisht në zonë e Gjirit të Lalzitdi, ku gjatë 10 viteve të fundër janë shunuar disa ngjarje të rënda kriminalë që vijonë të mbetën ende paautorë. Ajo se  çfarë është administuar nga prokuroria e Krimve të Rënda është dëshmia e Arjan Ndojit, që ka thënë se, bashkëshortja e tij ka një studio ligjore dhe avokatie dhe ato dosje përdoren për raste studimore. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono