hetimet

prokuroria.jpg
ger ta15:18 | 16/01/2020

6 nga 41 personat të cilët janë nën hetim nga prokuroria e Tiranës për dëmet në objketet e shkaktuara nga tërmeti i 26 nëntorit rezultojnë nga sistemi TIMS se, ndodhen jashtë territorit të Shqipërisë.

Policia ka ndaluar 31 funksionarë dhe ish funksionarë të komunave Vorë, Kashar dhe Farkë, ndërsa 10 persona të tjerë janë shpallur në kërkim. Dyshohet për rrjedhje të informacionit nga vetë strukrukturat e sistemit të drejtësisë dhe për këtë gjë po verifikohet nga drejtoria e Standardeve Profesionale në ministrinë e Brendshme. Personat nën hetim janë emra të njohur në fushën e ndërtimit dhe të zbatimit teknik në Tiranë. Ndër emrat më të njohur që janë ndaluar është Fatbardh Plaku, ish-kreu i komunës Farkë, Besnik Fuçia ish-kreu i komunës Kashar dhe Luan Beta, ish-shef i urbanistikës Vorë.

Numri i personave që janë nën hetim nga prokuroria e Tiranës është më i madh se 41. Në organin e akuzës janë bërë të paktën 200 kallëzime pas tërmetit të 26 nëntorit. Rrethi i personave që mund të shkojnë pas hekurave pritet të rritet, pasi hetimet po kryhen edhe në njësine e Dajtit dhe Bashkinë Kamzës.

Grupi hetimor ka vendosur nën akuzë, edhe ata persona, të cilët kanë ndërtuar në mënyrë  të paligjshme, që kanë kryer shtesa, të cilat dyshohet që kanë sjellë dobësimin e strukturës mbajtëse të objekteve. Ndërkohë hetimet vijonë edhe për të tjera objekte të cilat janë shpallur të pa banueshme në të gjithë Tiranën. Në kryeqytet janë 25 institucione, 134 pallate dhe rreth 200 godina të dëmtuara, të cilat janë objekt hetimit./abcnews.al

pallatet.jpg
ger ta14:45 | 13/01/2020

Zbardhet raporti i prokurorisë së Lezhës për pallatet e dëmtuara nga tërmeti në qarkun e Lëzhës.

Në dosjen e prokurorisë së Lezhës të siguruar nga Abc News janë të dokumetuara të gjitha provat që faktojnë ndërhyrjet e bera në pallatet që u dëmtuan nga tërmeti i 26 nëntorit.

Nga provat e mbledhura nga hetuesit shkruhet se në 6 pallet e vjetra të ndërtuara gjatë  viteve ‘90 janë bërë ndërhyrje në strukturë, ndërsa ka patur edhe shtesa të ndryshme.

Dyshimet janë se këto ndërhyrje i dobësuan strukturën e pallatit duke i bërë të pabanuara.

Ndërsa për pallatin 10 katësh, i cili është ndërtuar gjatë viteve të fundit, shkak i dëmtimeve ka qenë cilësia e dobët e punimeve.

Prova janë në dorën e drejtuesit të prokurorisë së Lezhës Milan Laska dhe në ditet në vijim pritet të regjistrohet procedim penale për përgjegjësit. Ata akuzohen për tri vepra penale “Ndërtimi pa leje”, “Dhënia e ndihmës për ndërtim të paligjshëm”, si dhe “Shpërdorimi i detyrës”.

Do të jenë hetimet ato që do të përcaktojnë nëse ka element të këtyre veprave penale dhe nëse një gjë e tillë  faktohet personat përgjegjës do të vihen para drejtësisë.

Në Bashkinë e Lezhës nga lëkundjet e 26 nëntorit janë shpallur të pabanueshëm 10 pallate dhe 2 institucione të cilat pësuan dëmtime të rënda./abcnews.al

 

 

albert-kulici-vlore.jpg
nev ila20:41 | 21/12/2019

Detaje të reja dalin në dritë nga shpërthimi me tritol i makinës së prokurorit Albert Kuliçi në Vlorë. 

Sipas Kreut të Gjykatës së Vlorës, Skënder Haluci ngjarja mund të lidhjet me çështjet e javëve të fundit që kanë të bëjë me sekuestrimin e aseteve me vlerë 4 milionë euro.


Ndërsa i dërguari i KLP, Bazaj deklaroi se prokurori do marrë mbrojtje të posaçme. Ngjarjen e dënoi dhe Presidenti Ilir Meta.

Kërcënohet me tritol prokurori i Vlorës Albert Kuliçi. Rreth  orës 02.50 të së shtunës Makinës së tij  i është vendosur lëndë plasëse. Fatmirësisht nga shpërthimi nuk ka të persona të lënduar, por vetëm dëme materiale.

Prokuroria ka dyshime të forta se tritoli i është vendosur për shkak të detyrës. Kuliçi drejton dhe task-forcën kundër krimit ekonomik. Ndaj dhe Kreu i Gjykatës së Vlorës, Skënder Haluci e lidh ngjarjen me sekuestron preventive të vendosur ditët e fundit të aseteve të personave të dyshuar si kriminelë.

Ndërsa i dërguari i Këshillit të Lartë të Prokurorisë, Tartar Bazaj pas një mbledhje të posaçme për ngjarjen tha se Kuliçi do marrë një mbrojte të posaçme.

Kurse Drejtori i Policisë Vlorë, Artion Duka është diskret në lidhje me emrin e ndonjë të dyshuari të mundshëm.

Mësohet se  uniformat blu kanë sekuestruar kamerat e sigurisë të bizneseve përreth për të rënë në gjurmët e autorëve dhe kanë mundur të shohin imazhin e njërit prej tyre./abcnews.al

 

seancaaa.jpg
ger ta11:17 | 17/12/2019

Ka nisur në Gjykatën e Durrësit seanca për 9 të arrestuarit, të dyshuar si përgjegjës për pasojat e tërmetit të 26 nëntorit. Në seancën e sotme pritet të jepet masa e sigurisë.

Siç është raportuar më herët Prokuroria e Durrësit do të kërkojë nga gjykata masën e sigurisë “arrest me burg” për personat e dyshuar si përgjegjës për shembjen e ndërtesave, ku humbën jetën 23 persona (vetëm në Durrës).

Abc News ka siguruar dokumentin hetimor, ku duket qartë se nuk kemi të bëjmë me një fatkeqësi natyrore, por për një papërgjeshmëri totale të punonjësve të shtetit që kanë lëshuar leje ndërtimi, leje legalizimi, për ndërtesat që i shembi termeti.

Hetimet janë kryer nga prokurorët Edmond Koloshi, Pali Deçolli, Madrid Kullolli. Dosja mban Nr.2466, dhe bën fjalë për veprat penale “Vrasja me dashje”,“Vrasja në rrethana të tjera cilësuese”, “Ndërtimi pa leje” dhe “Shpërdorimi i detyrës”, “Falsifikimi i dokumenteve” . Deri më tani policia ka vendosur në pranga 9 persona që dalin neser në gjykatë, ndërsa 9 të tjerë jane ende në kerkim.

Emrat e 9 të arrestuarve në Durrës:

Arben Isaku

Rruxhdi xheka

Klajdi Lame

Albrend Qetka

Defrim Celmani

Nevjana Isufi ne spital.

Kujtim Hasa

Ahmet Doda

Avdullah Osmani ndodhet në spitalin e Traumës në Tiranë për shkak të gjendjes shëndetësore

Nevjana Isufi nuk është e pranishme në sallë pasi është në spital në gjendje jo të mirë.

/abcnews.al

 

 

glidona.jpg
ger ta07:59 | 17/12/2019

Ditën e sotme do të jepen masat e sigurisë për të gjithë personat e arrestuar, dhe që janë nën hetim për pasojat e tërmetit tragjik të 26 nëntorit.

Në një lidhje direkte për “Abc-ja e mëngjeist”, gazetarja Glidona Daci bëri me dije se pritet që për të gjithë personat të kërkohet masa “arrest me burg”.

Prokurorët e çështjes kanë dalë në konkluzionin se me anë të falsifikimit të dokumenteve, ka sjellë për pasojë vdekjen e 23 personave në Durrës.

Konkretisht pallati 6 katësh, ku humbën jetën katër anëtarë të familjes Reci, dhe tre të familjes Meçja është ndërtuar rreth viteve ‘90 dhe nuk mund të ngrejë një akuzë për pronarin por ka dyshimet të forta se pallati ka pasur dëmtime në tërmetin e 21 shtatorit dhe nuk janë marra masa.

Sa i përket pallatit tjetër 6 katësh në Durrës, ku humbën jetën dy gra prokuroria ka dalë në konkluzionin se pallati është shembur si pasojë e ndërhyrjes në katin e parë të objektit. Shtetasit, Artur dhe Anisa Terziu kishin hapur bar Barons, në katin e parë, duke dëmtuar kolonat dhe muret e pallatit. Në dosjen e prokurorisë që abcneës.al e ka siguruar të plotë, fajtorë dalin edhe zyrtarë ALUIZNI-t që legalizuan lokalin dhe të INUV.

Abcnews.al ka raportuar më herët se prokuroria do të kërkojë arrest me burg në gjykatë për personat përgjegjës,konkretisht  Klajdi Lame, në cilësinë e Inspektorit të Inspektoratit Ndërtimor Urbanistik Durrës, Albrend Qetka, në cilësinë e specialistit të verifikimit në terren pranë ALUIZNI-it, Durrës dhe Defrim Celaminë cilësinë e specialistit që ka kryer aktin e ekspertimit teknik.

Ndërkaq, e njëjta situatë është edhe për hotel “Mira Mare”. Ndërtimi i ndërtesës ka filluar në vitin 2005, ndërsa legalizimi është bërë në vitin 2018.

Po ashtu sa i takon objekteve të dëmtuara, prokurorët i kanë marë të gjitha masat dhe do të bëjnë edhe penalizimin e tyre, disa prej tyre janë të pabanueshëm./abcnews.al

 

 

21608742-7737895-image-a-4_1575015819736.jpg
R D21:57 | 16/12/2019

Prokurorët e dosjes “Termeti” kanë gjetur shkelje të rënda të zyrtarëve të shtetit, kryesisht të ALUIZNI-t dhe të Bashkisë së Durrësit për të gjitha objektet që u shemben duke marrë jetën e 23 personave, vetëm në qytetin bregdetar. Abcnews.al publikon dosjen e prokurorisë që është paraqitur në gjykatë për masat e sigurisë, ndaj personave që dyshohet se kanë kryer shkeljet ligjore. Prokuroria ka prerë 18 fletë-arreste, 9 prej të cilave janë ekzektuar nga policia. Pra 9 persona janë në pranga dhe 9 janë në arrati. Prokuroria ka ngritur akuza të rënda ndaj tyre që nga vrasje me dashje në rrethana cilësuese, ndërtim pa leje dhe shpërdorim detyre.

Abc News publikon më poshtë gjetjet e prokurorisë për shembjen e hotel Tropikal në Durrës, ku humbën jetën dy vëllezër nga Kosova dhe janë ende në spital pronari Avdulla Osmani dhe bashkëshortja e tij.

Nga hetimet ka rezultuar se Osmani kishte ndërtuar hotelin dhe më pas kishte falsifikuar gjithçka për të marrë lejen e ndërtimit në bashki, lejen e legalizimit, etj.

Më poshtë paligjshmëritë e konstatuara në ish-objektin Hotel Tropikal, lagjia nr.13,Durrës.

1-Avdulla Osmani ka ndërtuar një Objekti Hotel “Tropikal”, ndodhet në lagjen 13 Plazh, Bashkia Durrës, objekt i cili është ndërtuar dhe ka shërbyer si banesë, shërbime hotelerie si dhe aktivitete tregtare kati i pare, te regjistruar ne emrin e subjektit “DuleShpk”.

Si pasojë e tërmetit të datës 26.11.2019, nga shembja e kësaj godine kanë gjetur vdekjen dy shtetas kosovar (dy vëllezër, vëllezërit Shemsedin Abazi dhe Isan Abazi), si dhe kane pesuar dëmtime te renda pronari Avdulla Osmani dhe bashkëshortja se tij, te cilët aktualisht janë në Spitalin e Traumës Tirane.

Ndërtimi është realizuar pa studim gjeologjiko-sizmik, pa projekt konstruksioni dhe objekti ne tërësi, pa mbikëqyrje punimesh, pa zbatim te ndonjë projekti konkret te punimeve dhe me materiale ndërtimi te pa njohura lidhur me cilësinë e tyre, por per efekte te marrjes se lejes se ndërtimit dhe legalizimit, projekti është bere mbas realizimit te ndërtimit sipas nenit 77 te ligjit nr 8405 date 17.09.1998 dhe per te përfituar nga kjo hapësire ligjore është siguruar ne dosje nje vërtetim sikur ndërtimi është bere ne vitin 1994 ndërsa per efekt te legalizimit jane mbajtur akte ne vitin 2005 dhe 2006.

Si subjekte për ndërtimin e objektit shtetasi Avdulla Osmani ka bere nje akt marrëveshje me Subjektin “ED-GEST” por ndërtimi, por objekti nuk është ndërtuar nga ky subjekt, megjithëse pranohet nënshkrimi i marrëveshjen me investitorin per te ndërtuar objektin.

Akti i kolaudimit është i vetëm nga ana sipërfaqësore, akt i cili është i domosdoshëm per aplikimin e investitorit per te marre lejen dhe jo per kolaudimin e objektit me imtësi lidhur me qendrueshmërinë.

Nga ana e ndërtuesit njëkohësisht edhe investitori i cili ka ndërtuar pa leje objektin, duke shfrytëzuar hapësirën ligjore e ka legalizuar objektin dhe pas saj sërish ka kryer ndërtim shtese për te cilin ka aplikuar për leje legalizim por nje kat shtese por i cili nuk është legalizuar.

Veprimet e mësipërme te kryera prej shtetasit Avdulla Osmani lidhur me mosrespektimin e normave ligjore ne fushën e ndërtimit, të kryer me dashjen e tij atë te ndërtimit, krijimit te një pasurie e cila nuk i plotësonte kushtet teknike te qëndrueshmërisë. Më dashje indirekte ai ka sjellë pasojën e ardhur pasi ai i ka parashikuar pasojat qe mund te vijnë pasi po ndërtonte një objekt me lartësi me 5 kate dhe me pas edhe nje kat shtese per banimin e njerëzve dhe pikërisht per Hotel, ndërkohe qe me ndërgjegje e lejon ardhjen e pasojës përderisa nuk merre masa ne respektimin e legjislacionit dhe rregullave te fushës se ndërtimit.

Për këto arsye me veprimet dhe mos veprimet e tij shtetasi Avdulla Osmani dyshohet se ka kryer elementët e veprës penale“Vrasja në rrethana të tjera cilësuese” parashikuar nga neni 79 germa “dh” të Kodit Penal.

abcnews.al

kerkimet-hetimet.jpg
ger ta15:03 | 15/12/2019

Sfida e Policia e Shtetit pas tërmetit të 26 nëntorit është gjetja e 9 personave të tjerë të cilët dyshohen si përgjegjës për humbjet e 51 jetëve njerëzore në Durrës e Thumanë.

Dyshimet janë se ata kanë ndërtuar pa standarde, çka ka sjellë edhe pasoja të rënda. Burime nga uniformat blu bëjnë me dije se kërkimet janë përqendruar në rrethinat e Tiranës, Durrësit dhe Lezhë. Ndërkohë, grupi hetimor është fokusuar në gjetjen e provave për personat pergjegjes. Numri i ndërtuesve ose i përgjegjësve që mund të dërgohen pas hekurave ose të shpallen në kërkim pritet të rritet sërish. Prokuroria e Krujës është në përfundim të akt-ekspertizave për gjetur personat përgjegjes, ku në thumanë u shënua edhe numrin më i madh i viktimave nga tërmeti i fundnëtorit.

Paralelisht në ministrinë e Brendshme, Shërbimi për Çështjet e Brendshme dhe Ankesave po kryhen hetime edhe për dekonspirimin të operacionit. Dyshohet se mund të ketë pasur rrjedhje nga vetë uniformat blu gjatë ekzekutimit të urdhër-arresteve të lëshuar nga prokuroria e Durrësit dhe e Tiranës, duke çuar në fshehjen e personave të dyshuar si përgjegjës lidhur me pasojat e tragjedisë së 26 nëntorit.

Të shtunën policia bëri të ditur se janë firmosur 18 urdhër-arreste, dhe gjysma e tyrë janë ekzekutuar.

Aktualisht janë prangosur 5 zyrtarë, pronarët e dy prej hoteleve të shembura në zonën e plazhit në Durrës, si dhe specialisti që ka përpiluar aktin e ekspertimit teknik të pallatit 6-katësh në Lagjen 6 në Durrës, ku humbën jetën dy persona. Mes të arrestuarve janë edhe dy drejtuesit e konvaleshencës në Ministrinë e Brendshme, drejtori Ahmet Doda dhe nëndrejtori i Ahmet Hasa.

Organi i akuzës ka ngritur 4 akuza, “vrasje me dashje” “vrasje në rrethana të tjera cilësuese”, “shpërdorim detyre” dhe “falsifikim të dokumenteve”.  Nga veprimet e para hetimore, dyshohet se dëmtimet e godinave dhe pasojat në jetët e njerëzve kanë ardhur dhe si shkak i kryerjes së ndërtimeve pa respektuar rregullat, normat dhe standardet në fushën e ndërtimit./abcnews.al

termeti-arrestime.jpg
ger ta11:25 | 15/12/2019

Policia vijon hetimet për banesat e shembura nga tërmti i 26 nëntorit. Gazetari Andi Qosja bën me dije për abcnews.al se vijojnë kontrollet për gjetjen e personave të shpallur në kërkim.

Uniformat blu janë duke kryer kontrolle në Tiranë edhe rrethinat përreth Durrësit.

Nderkohë priten të tjera arrestime, pasi grupi i posaçëm vijon veprimet  proceduriale  për gumbulimin e provave për persona të tjerë pergjegjës.

Po ashtu po kryehen hetime dhe për dekonspirim të mundshëm.

Grupet e hetimit për tërmetit kanë firmosur 17 urdhër arreste për persona të dyshuar se me veprimet ose mosveprimet e tyre kanë ndikuar në rritjen e numrit të të vdekurve nga tërmeti i 26 nëntorit. Mes të arrestuarve janë zyrtarë dhe ish-zyrtarë.

Të dndaluar janë :

Ahmet Doda, drejtori i Konvaleshencës

Kujtim Hasa, nëndrejtori i Konvaleshencës

Arben Isaku, nendrejtor i Kadastrës dhe ish drejtor i ALUIZN-it

Arben Qato, kolaudator dhe pronar i ”Palma”

Dëshira Qato, bashkëpronare te ‘Palma” dhe ish drejtuese e urbanistikës në bashkinë Kavajë

Artur Terziu, pronar i Baron’s i cili ka prishur kolonat te pallati i para viteve ’90 te lagjja 6 ku humbën jetën 2 gra,

Aldo Dekavelli, zyrtar në Kadastër

Flamur Gjuzi ish drejtor i Aluiznit nuk është kapur ende.

Artur Çela, ish drejtues i INUK

Ruzhdi Xheka, pronar i Mira Mare Hotel

/abcnews.al

 

hetime.jpg
in a15:25 | 14/12/2019

Policia e Shtetit ka njoftuar ditën e sotme se janë lëshuar 17 urdhëra ndalimi, 9 janë ekzekutuar dhe vijon puna për të tjerë të implikuar.

Mes të arrestuarve janë zyrtarë, pronarë, ndërtues e specialistë. Pas një pune 2 javore, në bazë të provave siguruar nga prokuroria, sipas deklaratës së drejtorit të Policisë së Durrësit, Lorenc Shehu, është konstatuar se dëmet kanë ardhur si shkak i ndërtimeve pa respektuar rregullat.

Gazetarja Glidona Daci raporton për abcnews.al se në kërkim është shpallur një pronar firme për të cilin Prokuroria refuzon të japë detaje. Mësohet se ai është larguar jashtë vendit. Prokurori po punon për të ngritur akuzat dhe për të faktuar dyshimet.Gjithashtu Prokuroria njofton se ka proceduar vetëm ata persona për të cilët ka prova të pakundërshuteshme për të gjitha akuzat e ngritura.


Ndër personat e shpallur në kërkim janë:

1- Arben Qato pronar i Vila Palma
2- Dëshira Qato-shefe e urbanistikës në Kavajë (Gruaja e Arben Qatos)
3- Aldo Dakovelli, shef sektori në Kadastrën e Durrësit
4-Artemis Malko punonjës terreni në Kadastrën e Durrësit
5-Artur Cela, ish-drejtori i INUV
6-Flamur Gjuzi, ish-drejtori i ALUIZNIT Durrës
7- Ndërtuesi i banesës së familjes Lala në Kënetë

/abcnews.al

termetttt2222222222.png
in a12:38 | 14/12/2019

Policia e Shtetit ka dalë në një konferencë të jashtëzakonshme duke bërë me dije se janë lëshuar 17 urdhëra ndalimi, 9 janë ekzekutuar dhe vijon puna për të tjerë të implikuar.

Mes të arrestuarve janë zyrtarë, pronarë, ndërtues e specialistë. Pas një pune 2 javore, në bazë të provave siguruar nga prokuroria, sipas deklaratës së drejtorit të Policisë së Durrësit, Lorenc Shehu, është konstatuar se dëmet kanë ardhur si shkak i ndërtimeve pa respektuar rregullat.

E pyetur për zhvillimet e hetimeve kryeprokurorja e Durrësit Anita Jella deklaroi se Hetimet do të vazhdojnë për çdo person apo zyrtar të përfshirë në veprime të paligjshme.

Menjëherë pas tërmetit ka filluar procedimi penal për shpërdorim të paligjshëm, është një procedim që hetohet për herë të parë.

“Ndaj disa shtetasëve do të regjistrohet emri sa i përket veprës penale të vrasjes së kryer me dashje indirekte. Hetimet vazhdojnë dhe janë kryer hetime shumë të shpejta. Objekti i hetimeve ka të bëjë së  pari me drejtimin e zbatimit nga drejtuesit formal dhe ato  ish – formal. Sa i përket miratimit të lejeve, janë gjetur paligjshmëri dhe po kryhen hetime intensive ndaj objekteve të dëmtuara. Hetimet do të vazhdojnë për çdo person apo zyrtar të përfshirë në veprime të paligjshme”, tha Jella.

Ndërsa drejtori i Drejtorisë për Krimet Ekonomike e Financiare në Policinë e Shtetit Lutfi Minxhozi theksoi se personat e larguar jashtë vendit kanë pasur arsye familjare.

“Persona që janë larguar jashtë vendit janë larguar për arsye familjare dhe jo për shkak të hetimeve. 5 personat që janë jashtë shtetit nuk lidhen me arsyet e hetimit, por për arsye shëndetësor ndërsa  lidhur me indentitetin e personave ende nuk mund ti bëjmë të ditur”, u shpreh Minxhozi. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono