hetimet

Donals-trump-1.jpg
nev ila21:10 | 03/10/2019

Nisja e proçedurave të inkriminimit nuk e ka trembur presidentin Donald Trump, i cili në përpjekjet e tij për të dëmtuar figurën e Xho Bajden i ka kërkuar ndihmë Kinës.

Duke i bërë publikisht apel Pekinit, Trump ka thënë se mund t’i kërkojë personalisht presidentit Xi që ta hetojë rivalin e tij politik.

Presidenti Donald Trump kërkoi sërish të enjten ndërhyrje të huaj për të dëmtuar figurën e kundërshtarit të tij politik, Xho Bajden.

Këtë herë Trump iu drejtua Kinës, duke i kërkuar publikisht që të hetojë ish-zëvendës presidentin amerikan dhe të birin, njësoj siç ia kishte kërkuar Ukrainës në bisedën telefonike me homologun Volodimir Zelenskij.

Pavarësisht se telefonata në fjalë bëri që ndaj Trump të nisnin proçedurat e inkriminimit në Kongres, shefi i Shtëpisë së Bardhë ngriti ndaj atij që pritet të jetë rivali i tij në zgjedhjet e 2020-s të njëjtat akuza për korrupsion edhe në Kinë.

“Njësoj si Ukraina, edhe Kina duhet të nisë një hetim për familjen Bajden. Pasi ajo që ka ndodhur në Kinë është po aq e keqe sa ajo që ka ndodhur në Ukrainë”, tha Trump, duke iu referuar biznesit që Bajden Xhunior ka në vendin aziatik.

Megjithatë, deri më sot Trump dhe avokati i tij personal Rudi Xhuliani nuk kanë paraqitur asnjë provë për pretendimet e tyre në dëm të Bajden.

I pyetur nga mediat nëse i kishte kërkuar presidentit kinez Xi Jinping të hetonte, Trump u përgjigj:

“Jo, nuk i kam kërkuar. Por është diçka që po mendoj ta bëj”, tha Trump.

E kontaktuar nga agjencia e lajmeve “Reuters”, ambasada kineze në Uashington refuzoi të bënte një koment lidhur me çështjen.

Apeli i Trump drejtuar Pekinit tingëllon çuditshëm në një kohë kur Amerika dhe Kina janë të përfshira në luftën tregtare, që përveç se dy vendet ka dëmtuar edhe ekonominë globale.

Palët pritet të zhvillojnë një tjetër raund bisedimesh javën e ardhshme në Shtetet e Bashkuara./ABC News Albania 24/7

trumpo.jpg
nev ila21:42 | 30/09/2019

Ndërsa demokratët në Kongresin amerikan po përshpejtojnë proçedurat hetimore për inkriminimin, vetë presidenti Donald Trump është shfaqur të hënën me tone sfiduese, duke propozuar madje arrestimin e një prej ligjvënësve demokratë, që e akuzon atë për telefonatën me presidentin ukrainas.

Presidenti amerikan Donald Trump intensifikoi ditën e hënë sulmet ndaj ligjvënësit demokrat që udhëheq hetimet për inkriminimin e tij.

Në një reagim, kreu i shtetit e ka sugjeruar se kongresmeni Adam Shif, shef i komisionit parlamentar për shërbimet e inteligjencës, duhet të arrestohet për tradhti.

Më vonë gjatë javës një numër i konsiderueshëm dëshmitarësh pritet të paraqiten në Kongres, për të raportuar në seancat dëgjimore që lidhen me kërkesën që Trump i bëri homologut ukrainas për të hetuar figurën e Xho Bajden, që pritet të jetë sfidanti i tij në zgjedhjet e 2020-s.

Një zyrtar i shërbimeve amerikane të inteligjencës denoncoi bisedën telefonike të 25 korrikut mes Trump dhe Volodimir Zelenskij, e cila nuk ishte regjistruar në sistemin tradicional, por në një tjetër sistem të përdorur për informacionet e klasifikuara.

Përmes një seri postimesh në Twitter ditën e hënë, Trump iu referua pikërisht komenteve të bëra nga kongresmeni Adam Shif gjatë një mbledhjeje të komisionit të inteligjencës javën e kaluar.

Në fjalën e tij, Shif thoshte se telefonata dhe kërkesa e bërë ndaj Zelenskit ishte një taktikë klasike e krimit të organizuar.

“Kongresmeni Adam Shif bëri një deklaratë të rremë dhe të tmerrshme, duke ma adresuar mua si pjesë të telefonatës sime me presidentin ukrainas dhe e lexoi me zë të lartë para Kongresit dhe popullit amerikan. Ajo çfarë tha ai nuk kishte asnjë lidhje me atë që unë kam thënë në telefonatë. Mos duhet ta arrestojmë për tradhti?”, u shpreh Trump në profilin e tij./ABC News Albania 24/7

Arrestohen-foto-780x439.jpg
ent ela22:45 | 23/09/2019

Autoritetet sllovake po çojnë drejt fundit hetimet mbi vrasjen e gazetarit investigativ Jan Kuçiak, që denoncoi aferat korruptive të qeverisë. Mes 5 personave te dyshuar është edhe një biznesmen i njohur për lidhje të ngushta me politikën.

Policia në Sllovaki ka përfunduar pjesën më të madhe të hetimeve mbi vrasjen e gazetarit Jan Kuçiak dhe të fejuarës së tij vitin e kaluar. Lajmin e ka bërë të ditur avokati i familjes së vajzës së vrarë për agjencinë e lajmeve “Reuters”. Çështja vazhdon të trondisë Sllovakinë në një kohë kur vendi ndodhet përpara zgjedhjeve të përgjithshme që mbahen në shkurt të 2020-s. Pesë persona të akuzuar për vrasjen dhe familjiet e dy viktimave do të njihen me dosjen hetimore dhe do t’u jepet mundësia të propozojnë futjen e provave shtesë. Një prokuror i posaçëm që po mbikëqyr çështjen do të vendosë më pas nëse do ta çojë atë në gjykatë apo do të kërkojë të dhëna shtesë. Vrasja e Jan Kuçiak në shkurt të 2018-s, pasi kishte zbuluar aferat korruptive të qeverisë shkaktoi protesta masive në vend, të cilat detyruan kryeministrin e atëhershëm Robert Fiko të jepte dorëheqjen. Ai u zëvendësua nga i zgjedhuri i tij Peter Pelegrini dhe sërish partia e tij SMER mbetet më popullorja në sondazhe. Subjekt i investigimeve të Kuçiak ishte në veçanti biznesmeni sllovak Marian Koçner, një nga 5 personat që është në pritje të gjyqit dhe i njohur për lidhje me politikanë të partive të ndryshme. Katër nga të akuzuarit, përfshirë Koçner, janë vetëdeklaruar të pafajshëm, ndërsa i pesti ka pranuar se ka qëlluar gazetarin dhe të fejuarën dhe ka bashkëpunuar me drejtësinë. /ABC News Albania 24/7

 

 

BAJRI-MASA-MBULIM_ABC-M2-T1.mpg_snapshot_00.03-1280x720.jpg
ent ela10:50 | 18/09/2019

Prokuroria për Krime të Rënda kërkon zgjatjen e afateve të hetimit për grupin “Bajri”. Kërkesa është dërguar në gjykatë dhe togat e zeza në datën 20 Shtator do të vendosin nëse do të zgjasin afatin e hetimit për Safet Bajrin dhe të arrestuarit e tjerë.

Grupi “Bajri” në Shkodër u godit vitin e kaluar gjatë operacionit të koduar “Oaz”. Prokuroria e Krimeve të Rënda i nisi hetimet në Prill të 2018-s, pak javë pasi Shkodra ishte tronditur nga një atentat me lëndë plasëse i bërë ndaj Lulzim Kullës. Gjatë operacionit u arrestuan 11 persona, ndërsa 4 drejtuesit e grupit “Bajri” u prangosën në fillim të Shtatorit.

Në pranga ranë: Safet Bajri, Ilir Rustemi, Enver Bajri, i arrestuar në Roterdam dhe Behar Bajri që u ekstradua nga Holanda. Grupi “Bajri”, dyshohet se trafikonte lëndë të forta narkotike në Evropë dhe paratë e fituara nga ky aktivitet i investonte në Shqipëri./ABC News Albania 24/7

santiago-malko123.jpg
G. P.10:09 | 28/08/2019

Një ngjarje e rëndë tronditi kryeqytetin mbrëmjen e së martës. Santjago Malko, 26 vjeç, mbeti i vrarë pas një atentati në rrugën “Xhenfize Keko” në zonën e ish-Kinostudios. Malko, ish-oficer policie u qëllua me armë zjarri teksa lëvizte me një automjet tip “BMW”.

Mësohet se atentati është bërë nga dy makina të ndryshme në momentin që Malko ka marrë mjetin e tij, të cilën e ka pasur në lavash. Një mjet “Mercedes-Benz” dhe një furgon i bardhë kanë qenë në ndjekje të Malkos dhe e kanë qëlluar me plumba kallashnikovi. Policia gjeti në skenën e krimit 10 gëzhoja. Dy prej tyre kanë rezultuar fatale për 26-vjeçarin, pasi njëri e ka goditur në kokë dhe tjetri në trup.

Një nga pistat e hetimit për këtë ngjarje është ajo e zhvillimit të paligjshëm të lojërave të fatit. Mbi 10 persona janë shoqëruar në polici, por deri më tani nuk është arrestuar asnjë njeri.

Ndërkohë në fshatin Ferraj u gjet e djegur makina “Mercedes Benz” e përdorur në këtë ngjarje. Brenda mjetit është gjetur edhe një armë kallashnikov e cila dyshohet se është përdorur për vrasjen e 26-vjeçarit.

Malko nuk është emër i panjohur për drejtësinë shqiptare. Ai ka qenë më parë i arrestuar dhe i shpallur në kërkim për shkak të përfshirjes së tij në ngjarjen e 4 Tetorit në ish-bllok sëbashku me mikun e tij Ervis Martinaj ku mbeti i vrarë një person dhe dy të tjerë të plagosur.

Më 2016, Malko gjithashtu është përfshirë në një konflikt me vëllezërit Edmond dhe Gentian Lashi, 34 e 26 vjeç, ku konflikti dyshohet të ketë ndodhur për shkak të një borxhi të pakthyer.

Të dyja palët, edhe vëllezërit, edhe ish polici, kanë patur në pronësi, lokale bastesh sportive në të njëjtën zonë, por sipas Policisë konflikti kishte ndodhur në lokalin e Edmond Lashit. Mësohet se dy vëllezërit i kanë pasur borxh një shumë prej 1 mijë eurosh Santiago Malkos. Ky është viti kur Malko u largua nga policia.

/abcnews.al

pamjet-vrasja-rreshen-1280x713.jpg
nev ila09:54 | 13/08/2019

Hetuesit kanë përcaktuar tre pistat e para për atentatin ndaj Armando Gjinit të hënën në qendër të qytetit të Rrëshenit. Burime për ABC News treguan se familja e Gjinit është e përfshirë në një gjakmarrje në të kaluarën.

Kjo është dhe pista e parë për policinë, por nuk përjashtohet ajo e borxheve si dhe e kaluara e tij në Belgjikë.

Policia ka shoqëruar disa persona të cilët pasi janë marrë në pyetje janë lënë të lirë.

Armando Gjini i njohur si një nga pjesëtarët e grupit të Met Kananit, u ekzekutua në qendër të qytetit të Rreshenit.

Ai po  lëvizte me makinë bashkë me dy fëmijët dhe bashkëshorten e tij, kur dy persona kanë qëlluar me armë zjarri duke e lënë të vdekur. 48-vjeçari kishte dy identitete, Armando Gjini dhe  Tonin Gjini.

Një orë me pas në fshatin Gziq të Mirditës u gjet një makine fuoristradë e djegur, që dyshohet të jetë përdorur nga autorët e krimit. Tre muaj më parë viktimës i kishin vendosur tritol në makinë, e cila shpërtheu pasi ai ishte larguar për të dërguar fëmijët në shkollë.

Armando Gjini u arrestua me 12 maj 2018 si pjesë e grupit të baronit të drogës, Met Kanani.

Në kuadër të operacionit ‘Precizioni’ Gjini u arrestua së bashku me 37 persona të tjerë dhe u sekuestruan 8 ton drogë.   Por 4 ditë pas arrestimit, Gjini u lirua nga burgu./ABC News Albania 24/7

lulzim-basha123.jpg
nev ila22:38 | 05/08/2019

Kreu i PD-së, Lulzim Basha akuzon Kryeministrin Edi Rama se po bllokon hetimet e verifikimit për pastërtinë e figurës për kryebashkiakun e Shkodrës, Valdrin Pjetri.

“Hajduti Psiqik bllokon hetimet për Valdrin Pjetrin. Deja vu! Njësoj si me Ndokën e Frrokun, me Roshin e Dakon me kompani, kriminelët që ka sjellë në Kuvend e Bashki, Hajduti Psiqik i mbron, sepse pushtetin aine merr dhe e mban vetëm me krimin”, shkruan Basha në një postim në facebok.

Kryedemokrati Basha e mbështet akuzën e tij edhe në një mesazh, që thotë se i është dërguar nga brenda grupit të PS.

“Mesazh nga brenda bunkerit të grupit të strukuruar kriminal të Rilindjes: Zoti kryetar, Edi Rama është bërë shumë keq për zbulimin e skandalit të Valdrin Pjetrit. Ai ka urdhëruar Llesh kimikun dhe Arta Markun e Donika Prelën t’i bllokojnë me çdo kusht hetimet”, vijon postimin e tij Basha.

Kreu i PD thotë se sipas ligjit të dekriminalizimit, Prokuroria duhet të merrte urgjent shenjat e gishtave të Valdrin Pjetrit dhe t’i niste për verifikim në Itali.

Pak ditë më parë, PD i dërgoi një kërkesë Prokurorisë për të verifikuar pastërtinë e figurës për kreun e ri të Bashkisë së Shkodrës, Valdrin Pjetri./ABC News Albania 24/7

toyotaaaa.jpg
ent ela15:10 | 23/07/2019

Kryedemokrati Lulzim Basha do të merret në pyetje ditën e enjte nga grupi i prokurorëve belgë, të cilët kanë mbërritur në Shqipëri për të hetuar lidhur me çështjen e 3.4 milion eurove te gjetura në 2 makinat ‘Toyota Yaris’. Belgët ditën e sotme kanë marrë në pyetje edhe 4 të arrestuarit për këtë çështje Edi dhe Klevi Lika, Alban Mollaymeri dhe Agim Çeka.

Një grup prokurorësh belgë kanë mbërritur në Tiranë, për t’u kërkuar prokurorëve të Krimeve të Rënda informacion të plotë lidhur me hetimet e deritanishme për 3.4 milionë eurot që u gjeten në Toyota Yaris. Ditën e Enjte përballë grupit të prokurorëve Belg do të qëndroj Lideri i Opozitës Lulëzim Basha, ku do tu përgjigjet pyetjeve që më herët kishin mbërritur me letërporosi. Kryedemokratit Basha do t’i bëhen 3 pyetje: si është informuar ai për prejardhjen e parave, si është informacioni i saktë që ka marrë dhe nga kush i ka marrë këto informacione. Dy ditë para se 3.4 milionë euro të kapeshin në dy makina Toyota Yaris në Durrës, Lulzim Basha akuzoi nga foltorja e kuvendit kreun e grupit parlamentar socialist Taulant Balla si i përfshirë në këtë çështje, ndërsa Balla i cilësoi akuzat si shpifje.

Burime kanë konfirmuar se hetuesit belgë kanë marrë në pyetje 4 të pandehurit Edi dhe Klevi Lika, Alban Mollaymeri dhe Agim Çeka, të cilët ndodhen të arrestuar në vendin tonë. Ndërkohë nga ana tjetër nuk është bërë akoma e ditur nëse belgët i kanë sekuestruar paratë për llogari të tyre ashtu siç kishin kërkuar edhe me anë të letër porosive të mbërritura më herët në Prokurorinë e Krimeve të Rënda. Ata i kanë kërkuar paraprakisht kolegëve të Krimeve të Rënda që ta mbajnë larg nga mediat këtë hetim.  Për këtë çështje të shpallur në kërkim janë edhe dy kushërinjtë Alfred dhe Elvis Vladi. Emrin e Alfred Vladit në prokurori e ka zbuluar pikërisht Alban Mollaymeri. Ai ka deklaruar para grupit hetimor, se disa muaj më pare, kishte porositur disa makina të tipit “Toyota”, nëpërmjet njeriut të tij Alfred Vladi, por nuk ka pasur aspak dijeni për shumën e parave, që u gjet brenda makinave. Referuar përgjimeve telefonike rezulton se Mollaymeri ka komunikuar me Alfred Vladin, menjëherë sapo është vendosur bllokimi i automjeteve.

/ABC News Albania 24/7

 

krimet-1.jpg
ent ela10:51 | 24/06/2019

Prokuroria për Krime të Rënda ka marrë në pyetje Drejtorin e Hekurudhave në Durrës, Ani Dyrmishi, në kuadër të dosjes 339 emri i të cilit u përmend në njërin nga përgjimet e publikuara nga e përditshmja gjermane Bild.

Në përgjimet e publikuara, Dyrmishi zbulohet teksa fliste me Astrit Avdylin, ish i dënuar për vrasje. Biseda me Astrit Avdylin është bërë në kohën kur Ani Dyrmishi mbante postin e Drejtorit të Hipotekës në qytetin e Durrësit.

Burime thanë për Abc News se Dyrmishi e ka mohuar të ketë lidhje me Avdylin. Po ashtu, prokurorët e dosjes 339 kanë marrë edhe dëshminë e deputetit të PS, Ilir Ndraxhi, emri i të cilit lakohet gjithashtu në përgjimet e publikuara nga Bild.

Deputeti Ndraxhi i pyetur nga Abc News u shpreh se ka shpjeguar pozicionin e tij, ndërsa shtoi se nuk është në dijeni të bisedave  që ka bërë Astrit Avdyli.

“I mohoj akuzat në mënyrë kategorike unë kam asnjë lidhje me këtë person”, është shprehur Ndraxhi ndërsa në përgjime rezulton se vëllai i deputetit flet në telefon me Astrit Avdylin, ku ky i fundit e siguron se Ilir Ndraxhi do të jetë pjesë e listave të PS.

Në pyetje janë marrë edhe zyrtarë të tjerë lokalë, emri i të cilëve përmendet në dosjen 339./ABC News Albania 24/7

shoqata-1280x716.jpg
Sej rie18:45 | 05/06/2019

Shoqata e Futbollistëve duhet të jetë e pavarur dhe jo e kontrolluar nga lart. Ky është opinioni i menaxherit të futbollit, Elton Marini, i cili flet edhe për garën për trajnerin e Partizanit, pas largimit të Skënder Gegës.

Një hallkë që mungonte, duket se po krijohet.

Liga e Futbollit mund të quhet punë e mbaruar, pra presidentët po bien dakord, por çfarë po bëhet me futbollistët?

Pak ditë më parë, sulmuesi Sebino Plaku pohoi për Abc News, se ka nisur puna për krijimin e Shoqatës së futbollistëve profesionistë, diçka që sipas tij, në Europë, nuk e kanë vetëm Shqipëria dhe Kosova.

Ndër nismëtarët duket se janë Andi Lila apo Tefik Osmani, por në vendin tonë ka pasur edhe një përpjekje të mëparshme, të bërë nga menaxheri i futbollit, Elton Marini.

Marini është dakord që të krijohet më në fund shoqata, por ka një dyshim dhe paralajmërim.

Si agjent futbolli, kanë interes fjalët e Marinit për transferimet, ku tema kryesore për momentin është ajo e trajnerit të ri të Partizanit.

Si e parashikon Marini tendencën e kësaj vere, a do të ketë sërish shkatërrim të skuadrave dhe ndërtim nga e para?/ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono