hetim

4096.jpg
So Nila12:16 | 15/01/2020

Gjashtë menaxherë të  kompanisë Volkswagen janë akuzuar për mashtrim në lidhje me trajtimin e emetimeve të gazrave nga prodhuesi automobilistik, njoftoi një prokuror nga qyteti gjerman i Braunschweig.

Gjashtë personat u  akuzohen për evazion fiskal dhe falsifikim të dokumenteve në periudhën midis nëntorit 2006 dhe shtator 2015, kur skandali goditi për herë të parë gjigantin e makinave gjermane.

Thuhet se të dyshuarit janë “kryesisht përgjegjës” për mashtrimin e klientëve dhe rregullatorëve të VW me ndihmën e programit të dizajnuar për të testuar emetimet e mjedisit në makinat me naftë, sipas deklaratës.

Martin Winterkorn, ish presidenti i Grupit Volkswagen, i cili nuk është ekspozuar nga zbulimet, gjithashtu është akuzuar për mashtrim të Braunschweig.

Aksionarët po kërkojnë më shumë se 9 miliardë euro dëmshpërblime nga prodhuesit e makinave me bazë në Wolfsburg, duke argumentuar se ata humbën para pas skandalit, dhe se ato duhej të ishin paralajmëruar sapo ata të mernin vesh për instalimin e pajisjeve mashtruese në makinat VW.

Këtë muaj, një rast i ngjashëm u ngrit kundër Daimler, me më shumë se 200 investitorë  që kërkuan 900 milion euro nga pronari i Mercedes-Benz./abcnews.al

tenisti2.jpg
Vladimir Prenga14:59 | 10/12/2019

Dyshime të mëdha pas një ndeshjeje tenisi, ku një i panjohur është bërë protagonist në një ndeshje që u mbyll 0-6, 0-6 në favor të tajlandezit Krittin Koaykul. Ukrainasi Artem Bahmet, për të cilin nuk ka asnjë informacion veç faktit që është 22 vjeç, mund të quhet tenisti më i dobët në histori.

Në fakt nëse ai është tenist, pasi ata që kanë parë videon e ndeshje së tij janë të bindur që kurrë në jetë të tij nuk ka kapur me dorë një raketë. Ukrainasi nuk fitoi asnjë pikë, ndërkohë që mënyra se si i kryen shërbimet të bën me të vërtetë për të qeshur.

Federata Ndërkombëtare e Tenisit po heton për të mësuar se si Bahmet është bërë pjesë e turneut në Doha. “Abc.es”. raporton se ka nga ata që pohojnë se ukrainasi nuk ka luajtur kurrë tenis në të shkuarën dhe ka shfrytëzuar vendin e mbetur bosh për të vënë bast kundër vetes dhe për të përfituar në aspektin financiar. Kjo gjë është rreptësisht e ndaluar në tenis. /abcnews.al

ureessssss.jpeg
ger ta10:45 | 02/12/2019

Pak minuta pas përfundimit të mbledhjes së Këshillit të Sigurisë Kombëtare, anëtare e të cilit është edhe prokurorja e përgjithshme e përkohshme Arta Marku, organi qendror i akuzës bën me dije se 3 ditë më parë, më 29 nëntor, prokuroria e Durrësit ka regjistruar cështjen penale, referuar tërmetit të 26 Nëntorit, si pasojë e të cilit janë shembur një numër ndërtesash e humbën jetën 51 persona.

Organi i akuzës në Durrës bën me dije se dyshohet se pasojat kanë ardhur si shkak i ndërtimeve pa leje dhe të moskryerjes së detyrës nga inxhinierët zbatues dhe personave pergjegjës si dhe nga mospërmbushja e rregullt e detyrës nga nepunësit shtetëror të ngarkuar me mbikqyerjen e këtyre ndërtimeve.

Ndërkaq, Prokuroria e Tiranës bën me dije se hetimi ka si objekt kryerjen e veprimeve të shpejta në drejtim të sqarimit të rrethanave konkrete, që kanë çuar në pasojat e ardhura dhe gjendjen e ndërtimeve.

Njoftimi i Prokurorisë së Durrësit: 

Më datë 29.11.2019 Prok. Durrës ka regjistruar çështjen penale që i referohet tërmetit të datës 26.11.2019 ku si pasojë e tij janë shembur një numër ndërtesash që kanë shkaktuar vdekjen e një numri personash. Për këtë dyshohet se pasojat kanë ardhur si shkak i ndërtimeve pa leje dhe të moskryerjes së detyrës nga inxhinierët zbatues dhe personave pergjegjës si dhe nga mospërmbushja e rregullt e detyrës nga nepunësit shtetëror të ngarkuar me mbikqyerjen e këtyre ndërtimeve.

Çështja është regjistruar për veprat penale; “Ndërtim pa leje”, dhe “Shpërdorim detyre”, parashikuar nga nenet 199/a, 3 dhe 248 k.penal

Njoftimi i Prokurorisë së Tiranës:

Prokuroria e Rrethit Gjyqesor Tirane ka filluar kryesisht hetimet ne lidhje me situaten e krijuar nga fatkeqesia natyrore. Hetimi ka si objekt kryerjen e   veprimeve te shpejta ne drejtim te sqarimit te rrethanave konkrete, qe kane cuar ne pasojat e ardhura dhe gjendjen e ndertimeve.

Veprat penale qe po hetohen jane ato te Shperdorim detyre, parashikuar nga neni 248 i Kodit Penal, ku do hetohet per organet qe kane miratuar lejet e ndertimit dhe nese ato jane dhene ne mbeshtetje te ligjit, si dhe nese ndertuesit kane respektuar lejen e marre, Ndertim i paligjshem, parashikuar nga neni 199/a i Kodit penal, Dhenia e ndihmes per ndertim te paligjshem, neni 199/b i Kodit Penal. Ne lidhje me kete hetim Prokuroria e Rrethit Gjyqesor Tirane, ka ngritur nje grup hetimor.

Ne vijim te veprimeve te kryera, i kerkohet informacion Bashkise se Tiranes per banesat e evidentuara tashme si te prekura nga termeti dhe te klasifikuara jo ne kushtet e duhura per banim. I njejti informacion i eshte kerkuar dhe strukturave te tjera shteterore./abcnews.al

 

0012e262-1600-1280x722.jpg
ad min12:29 | 25/10/2019

Një delegacion i agjencisë së Kombeve të Bashkuara për të drejtat e njeriut, do të qëndrojë në Kili për të hetuar rreth dhunës së ushtruar ndaj protestuesve nga forcat e rendit. Presidenti i vendit Pinera u shpreh se e kishte kërkuar vetë një gjë të tillë, për të qenë sa më transparent. Gjatë protestave disa ditore mbetën të vrarë 18 persona.

Agjencia e kombeve të bashkuara për të drejtat e njeriut do të dërgojë një mision në Kili për të hetuar autoritetet në vend, për 18 viktimat mes protestuesve gjatë një jave manifestimesh dhe përplasjesh me policinë. Autoriteti i lartë humanitar drejtohet pikërisht nga ish presidentja e Kilit, socialistja Mishel Bakelet.

Presidenti konservator Sebastian Pinera u shpreh se situata e rendit publik është në përmirësim e sipër. Ai shtoi se ka përmirësim dhe në kushtet e jetesës në qytete. Përplasjet e dhunshme vijuan edhe të enjten por me më pak intensitet, në fakt gjendja e jashtëzakonshme është pezulluar përkohësisht në disa zona. Por ky duket më shumë si një sinjal që i dërgohet komunitetit ndërkombëtar në prag të mbërritjes së inspektorëve të dërguar nga Bakelet.

Prania e delegacionit të komisariatit të lartë për të drejtat e njeriut e Kombeve të Bashkuara, sipas ministrisë së jashtme të Kilit është kërkuar nga Santiago. Pra nuk është një iniciativë e Bakeley. Duke marrë në konsideratë të kaluarën autoritare të vendit; dhe sidomos identifikimin e konservatorizmit kilen, aktualisht në qeveri, me substancën politike dhe mbi të gjitha ekonomike – sociale të Pinoçet, të bërë nga disa sektorë të së majtës, presidenti Pinera do të marrë masat duke u treguar transparent për sa i përket sjelljes së forcave të rendit.

Gjenerali Augusto Pinoçet mori pushtetin me anë të një grushti shteti në vitin 1973, dhe vendosi një diktaturë e cila zgjati deri në vitin 1988. Puçi shkaktoi një gjakderdhje e cila zgjati disa vjet me shtypje të dhunshme dhe shumë të zhdukur. Një nga viktimat më të njohura ishte Salvator Alende, në atë kohë president socialist vendit amerikano – jugor./ABC News Albania

MBULIM-MINISTRIA-E-BRENDSHME-PER-AKUZAT-E-PD.mpg_snapshot_00.08-1280x720.jpg
ad min15:44 | 03/10/2019

Shërbimi për Çështjet e Brendshme dhe Ankesave ka nisur një hetim për mënyrën si janë vjedhur disa pajisje elektronike dhe pjesë makinash në magazinat e Qendrës së Automjeteve të Transportit në varësi të Ministrisë së Brendshme.

Autorët janë ende të paidentifikuar ndërsa kallëzimi është referuar në Prokurorinë e kryeqytetit. Në njoftimin e policisë thuhet se, pajisjet ishin jashtë funksionit dhe se mund të jenë marrë për skrap.

Po të njëjtat burime sqarojnë se kanë që  dy personat të cilët kanë kapërcyer nga muri duke marrë sende, që nuk ishin vendosur në një ambient të veçantë, por një hapësirë në oborrin e jashtëm./ABC News Albania 24/7

santiago-malko123.jpg
ad min17:37 | 03/09/2019

Me dhjetëra efektivë policie po verifikohen nga Drejtoria e Standardeve Profesionale, pasi kanë parë të dhënat në sistemin TIMS, të ish-kolegut të tyre Santiago Malko, që u ekzekutua mbrëmjen e 27 Gushtit në zonën e Porcelanit në Tiranë.

Nga ky verifikim, i cili ka nisur me urdhër të Drejtorit të Policisë së Shtetit Ardi Veliu, priten të preken një numër i lartë efektivësh. Ata dyshohen se kanë publikuar foton e Malkos në media dhe do hetohen për nxjerrje të sekretit hetimor.

Referuar ligjit, asnjë punonjës policie nuk mund të nxjerrë apo të kërkojë të dhëna nga sistemi TIMS, nëse nuk është i ngarkuar drejtpërdrejtë me hetimin e një çështje të caktuar.

Dyshimet janë se përveç fotos, janë publikuar edhe të dhëna sensitive që kanë cënuar figurën e viktimës./ABC News Albania 24/7

astrit-beqiri.jpg
ent ela16:30 | 27/06/2019

Prej katër muajsh Astrit Beqiri është mbajtur nën vëzhgim nga Policia e Shtetit, pasi kishte dyshime që ai drejtonte aktivitet kriminal të shpërndarjes së kokainës në 6 vendet të BE-së nga qytetit i Shkodrës. Për të fshehur aktivitetin e tij, kohët e fundit Beqiri kishte hapur një biznes privat në sektorin e pularisë në zonën e Velipojës, ku kishte investuar shuma të konsiderueshme parash.

Astrit Beqiri, i cilësuar nga autoritet ligjzbatuese daneze si kreu i një organizate kriminale që merrej me trafikun e kokainës, ishte në survejim në qytetin e Shkodrës prej të paktën katër muajsh nga Policia e Shtetit.

Burime nga grupi hetimor bëjnë me dije se 51-vjeçari, dyshohet se koordinonte anëtarët e tjerë të bandës, ku akuzohet se ka trafikuar mbi 1600 kg kokainë drejt Europës Perëndimore nga qyteti i tij i lindjes, Shkodra.

Për të fshehur aktivitetin e tij kriminal, kohët e fundit Beqiri kishte hapur një biznes privat në sektorin e pularisë në zonën e Velipojës, ku kishte investuar shuma të konsiderueshme parash.

Ndonëse Beqiri kishte hyrë në territorin shqiptar nga Pika Kufitare e Malit të Zi në mënyrë të rregullt, policia dhe prokuroria e mbajtën atë nën vëzhgim për të zbuluar personat e tjerë të përfshirë trafikun e drogës.

Sipas prokurorisë së Krimeve të Rënda nën hetim është edhe kunati i Beqirit, Jetimir Kastrati, i cili u shpall në kërkim ndërkombëtar. Ai administronte disa nga bizneset e të 51-vjeçarit, ndërsa në shtetin danez, Kastrati njihej me emrin e ndryshuar Sokol Krasniqi.

Grupi kriminal kishte aktivitet në shpërndarjen e kokainës dhe heroinës në gjashtë shtete të Europës, konkretisht; Danimarkë, vendi iniciues, Suedi, Gjermani, Belgjikë, Holandë, Slloveni e Shqipëri.

Operacioni i ndërkombëtar i koduar ‘Goldfinger’, çoi në pranga 42 persona pesë prej të cilëve shqiptarë. Gjithashtu u kapën 40 kilogramë kokainë, 600 mijë euro kesh, armë zjarri, 10 automjete luksoze si edhe u vendosën në sekuestro me vendim gjykate disa objekte të ndryshme që dyshohen se kanë rrjedhur nga aktivitete kriminale./ABC News Albania 24/7

 

 

bejleri-933x445.jpg
ad min17:30 | 22/05/2019

Prokuroria për Krime të Rënda ka marrë nën hetim kryetarin e partisë Omonia për Himarën, Fredi Bejleri, i cili dyshohet se ishte pjese e grupit te ekstremistëve grekë që sulmoi postën kufitare 10 prillin e 1994. Jashtë Organit të Akuzës Bejleri u shpreh se në kohën kur ka ndodhur masakra ka qenë në Qipro dhe se gjithçka është bërë për të dëmtuar imazhin e tij dhe për ta goditur atë politikisht.

Fredi Bejleri u thirr në Prokurori, pak ditë pasi Komisioni Qendror i Zgjedhjeve vendosi të refuzojë kandidimin e tij në zgjedhjet e 30 qershorit për Bashkinë e Himarës. Bejleri rezultoi i dënuar me 3 vite burg për akuzat e “Thirrjes së urrejtjes Nacionale” dhe “Poshtërim të republikës dhe simboleve të saj”.

Prokuroria për Krime të Rënda rihapi pas 25 vitesh, një dosjen e “Masakra e Peshkëpisë”, ku një grup ushtarësh grekë sulmoi postën kufitare me të njëjtin emër, duke vrarë komandantin e saj dhe një ushtar si dhe grabiti armatimet gjatë tërheqjes./ABC News Albania 24/7

Artis-Pabriks.jpg
nev ila18:04 | 06/05/2019

Pas aksidentit ku humbi jetën një efektive e FA Shqiptare dhe u plagosën dy të tjerë, ka reaguar Ministri i Mbrojtjes dhe Punëve të Jashtme i Letonisë, Artis Pabriks.

Përmes një statusi në faqen e tij në Twitter, Pabriks ka shprehur ngushëllimet e tij për familjarët e viktimës dhe garanton shtetin shqiptar për hetim të menjëhershëm të këtij aksidenti.


Efektivja Zarife Hasanaj humbi jetën paraditen e së hënës, gjatë neutralizim-çmontimit të minave, të vendosura gjatë luftës së dytë botërore, në Letoni. Forcat e Armatosura Shqiptare, janë angazhuar me një togë EOD, si pjesë e grup – batalionit kanadez, të Prezencës së Përparuar të Përforcuar të NATO, në Letoni, të përbërë nga 18 ushtarakë./abcnews.al

Farmacite-1280x727.jpg
ent ela11:14 | 28/03/2019

Me urdhër të Ministres së Shëndetësisë dhe Mbrojtjes Sociale, Ogerta Manastirliu është zgjeruar Task-Forca e ushtrimit të kontrollit të barnave, duke përfshirë anëtarë nga Ministria e Shëndetësisë dhe Mbrojtjes Sociale, Urdhri i Farmacistëve të Shqipërisë, Agjencisë Kombëtare të Kontrollit të Barnave, Fondi i Sigurimit të Detyrueshëm të Kujdesit Shëndetësor, Inspektoratit Shtetëror Shëndetësor.

Ndërkohë Prokuroria e Tiranës, prej disa kohësh ka nisur edhe një hetim në lidhje me stokun e barnave të skaduara, ku rreth 93 % e tyre në farmacinë qendrore të QSUT-së në Maj 2018 ishin të skaduara dhe vetëm 7 % e tyre ishin ende të përdorshme për pacientët.

Prokuroria e Tiranës e ka përqendruar hetimin në identifikimin e personave përgjegjës, të cilët dyshohet të kenë shkaktuar këtë dëm financiar deri në 7 milionë euro.

Hetimi ka përfshirë zyrtarë që kanë lejuar apo blerë medikamente në sasi të mëdha, pranë afatit të kadencës. Gjithashtu dhe ata që nuk i kanë përdorur para skadimit këto barna, si edhe sasi të tjera të dhuruara të cilat kanë shkuar dëm.

Kjo lloj praktike e tenderimeve të barnave të blera për farmacinë qendrore të Qendrës Spitalore Universitare Nënë Tereza, ka shkaktuar një stok të barnave, ku referuar të dhënave të vitit të shkuar vetëm 7 % e tyre ishte e përdorshme.

Qindra e  mijëra medikamente mjekësore të skaduara janë stok, ndërkohë që pacientët përballen me mungesën e barnave dhe detyrohen t’i blejnë kundrejt çmimeve të larta në farmacitë private.

Sipas prokurorisë, barnat e skaduara ishin akumuluar gjatë  viteve 2012-2018. Ky skandal u zbulua pas një kallëzimi që kanë bërë vitin e kaluar nga 6 punonjës të Drejtorisë së Shërbimeve Spitalore Universitare dhe Kontrollit Spitalor./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono