heshtje

alvini.jpg
ad min16:18 | 18/10/2019

Autoritetet shqiptare i përgjigjen me heshtje, interesimit të Abc News lidhur me këtë rast. As ambasadori shqiptar në Turqi, e as drejtues të Ministrisë së Jashtme nuk dhanë asnjë reagim. Ndërkaq, pak ditë më parë Ministria e Jashtme turke u shpreh e gatshme për të bashkëpunuar me vendet e origjinës për kthimin e grave dhe fëmijëve në atdhe.

Pas transmetimit të historisë së 11-vjeçarit shqiptar Alvin Berisha që po mbahet në kampet – burg në Siri nga emisioni investigativ “Le Iene” Abc Neës kërkoi një pergjigje për ngjarjen nga institucionet shqiptare.

I pari me të cilin tentuam të flisnim ishte ambasadori shqiptar në Turqi, Gent Gazheli. Pavarësisht insistimit tonë përfaqesusi i Tiranës zyrtare në Ankara nuk iu përgjigj telefonatave. Në mungesë të një reagimi kërkuam një shpjegim nga Ministria për Evropën dhe Punët e Jashtme.

Zyra e shtypit nuk na komunikoi një përgjigje zyrtare. Drejtori për Çështjet e Rajonit Ilir Melo na drejtoi tek Drejtoria e Çështjeve Konsullore. Ndërsa drejtoresha e kësaj drejtorie, Venera Domi na tha të flisnim me drejtuesin e Drejtorisë së Çështjeve Diplomatike.

Në kushtet kur drejtuesit kryesorë në Ministrinë për Evropën dhe Punët e Jashtme ia kalonin përgjegjësinë njëri-tjetrit ABC News kontaktoi drejtpërdrejt ministrin në detyrë, Gent Cakaj.

Heshtja ishte përgjigja që morëm edhe prej tij. Një shpjegim për mungesën e një përgjigje nga autoritet shqiptare duket se e jep gazetari i emisionit investigativ “Le Iene”.

Ndërkohë që institucionet shqiptare refuzojnë të shpjegojnë se çfarë po bëjnë për të kthyer në Shqipëri personat që mbahen në kampet – burg në Siri, ministria e Punëve të Jashtme turke ka reaguar zyrtarisht për këtë çështje gjashtë ditë më parë.

I pyetur për fatin e të arrestuarve të DAESH dhe familjeve të tyre në kuadër të operacionit “Pranvera e Paqes” zëdhënësi Hami Aksoy në dekaratën që mban datën 12 Tetor; nder të tjera theksoi se;

“Ne jemi të gatshëm të punojmë së bashku me vendet e origjinës dhe organizatat ndërkombëtare për rehabilitimin e bashkëshortëve dhe fëmijëve që nuk kanë qenë të përfshirë në krime të kryera nga luftëtarë të huaj terroristë të lidhur me DEASH. Nga ana tjetër, duhet pranuar se zgjidhja e qëndrueshme për këtë çështje është riatdhesimi, ndjekja penale dhe rehabilitimi nga vendet e origjinës së të gjithë luftëtarëve të huaj terroristë dhe familjeve të tyre të arrestuar në Siri”.

73 janë shqiptarët që sipas Tiranës zyrtare jetojnë brenda rrethimit të kampit të të burgosurve “Al Hol” të Sirisë. Shumica prej tyre gra dhe fëmijë./ABC News Albania

haradinaj-2-1280x849.jpg
ad min13:00 | 24/07/2019

Kanë përfunduar intervistimet në Gjykatën Speciale në Hagë Kryeministri në dorëheqje  Ramush Haradinaj dhe ish zëdhënësi i UÇK-së Jakup Krasniqi.

Ramush Haradinaj ka zgjedhur heshtjen për tu mbrojtur , duke mos iu përgjigjur pyetjeve të prokurorëve të dhomave të specializuara në Hagë.

Haradinaj pas intervistimit tha se nuk ia lejon këshilla ligjore që të tregojë se për çfarë konkretisht është pyetur derisa ende nuk e di rolin e tij për çfarë është ftuar si i dyshuar.

“Kam pranuar këshillën ligjore që të mos i përgjigjem pyetjeve. Me këtë kam përfunduar detyrimet ligjore ndaj Gjykatës, nuk kam detyrime të tjera. Kjo është gjithçka që mund të them sot. Nuk ka një material, apo përmbajtje, se për çfarë bëhet fjalë dhe këshilla ligjore ka qenë që të mos hyj në diskutime tjera por të mbrohem në heshtje. Nuk e di për çfarë jam ftuar, kam kërkuar shpjegime, për rolin tim në UÇK po, por jo diçka konkrete”.

Për momentin prokuroria nuk ka paraqitur ndonjë detyrim tjetër ndaj Haradinaj ndërsa ky i fundit u shpreh se do të kthehej në Kosovë.

Haradinaj tha se dorëheqja e tij është një ndërhyrje e madhe për Kosovën.

“Është një ndërhyrje e madhe për Kosovën. Jemi detyruar në momentet kur është dashur të ruhet vëmendja në gjëra të tjera, që të japim dorëheqjen. Për fat të mirë në Kosovë ka qëndrueshmëri dhe është respektuar ligji dhe Kushtetuta. Partitë politike garojnë, nëse populli me jep besim e vazhdoj punën nëse jo u uroj fat të tjerëve”.

Intervistimin sot në Hagë e përfundoi edhe ish zëdhënësi i UCK-së Jakup Krasniqi. Ai nuk ka dashur të japë detaje për mediat se në çfarë cilësie është ftuar por vetëm ka thënë se e ka kryer detyrimin e tij ligjor./ABC News Albania 24/7

muller-01-exlarge-169-1.jpg
ad min22:36 | 29/05/2019

Në daljen e tij të parë publike, hetuesi i posaçëm i ndërhyrjes ruse, Robert Mueller ka deklaruar se ai dhe ekipi i tij nuk mund të inkriminonin presidentin Donald Trump. Megjithatë, Mueller ka theksuar edhe se, nëse do të kishte patur prova se presidenti nuk kishte kryer krim do ta kishin thënë atë.

Në komentin e tij të parë mbi ndërhyrjen ruse, prokurori i posaçëm Robert Mueller ka sqaruar përse nuk mundi të akuzonte presidentin Donald Trump. Në një konferencë shtypi të mbajtur në Departamentin e Drejtësisë, Mueller ka përsëritur konstatimet e bëra në raportin e tij, duke deklaruar se nëse stafi i tij do të kishte patur bindjen se presidenti nuk kishte kryer krim do ta kishte deklaruar atë.

“Sidoqoftë, ne nuk dolëm me një përcaktim nëse kreu i shtetit e kishte kryer krimin”, ka deklaruar Mueller. Më tej hetuesi i posaçëm, duke cituar politikat e Departamentit të Drejtësisë, ka nënvizuar se një president nuk mund të akuzohet për një krim federal gjatë kohës që është në pushtet. “Kjo do të ishte jokushtetuese”, ka saktësuar Mueller.

Megjithatë, Mueller ka nënvizuar se oficerë të shërbimeve inteligjente dhe ushtrisë ruse ndërmorën një sulm të përbashkët ndaj sistemit politik amerikan, në përpjekje për të ndërhyrë në zgjedhje dhe për të dëmtuar një prej kandidatëve presidencialë. Prokurori i posaçëm e hapi fjalimin e tij duke njoftuar se do të mbyllë zyrën e tij dhe do të japë dorëheqjen nga posti në Departamentin e Drejtësisë.

Duke vënë në dukje faktin që nuk ka folur publikisht gjatë hetimit, Mueller tha se vendosi të fliste të mërkurën sepse tani hetimi i tij është tërësisht i përfunduar. Ai shtoi se raporti i tij i shkruar “flet vetë”. Ndaj deklaratës ka reaguar presidenti Donald Trump, i cili në një postim në Twitter është shprehur: “Çështja u mbyll! Faleminderit!”./ABC News Albania 24/7

heshtje-1280x689.jpg
ad min10:45 | 08/05/2019

Parlamenti ka mbajtur një minutë heshtje për efektiven e Forcave të Armatosura shqiptare të gjendura në Letoni për një mision të Aleancës së Atlantikut të Veriut, gjatë të cilit humbi jetën efektivja Zarife Hasanaj. Por moment nuk ka kaluar pa konfuzion në Parlament, kur deputetja Hajdari kërkoi nderimin.

Doli për të nderuar efektiven e vrarë në kampin Adazi në Letoni, por informacionin e kishte të gabuar.

 “Zoti kryetar ditën e hënë më 6 Maj humbën jetë tre ushtarakë shqiptarë në Letoni gjatë misionit të NATO-s”.

Nuk vonoi reagimi i kolegëve. “Dy të plagosur jo të vrarë…”, zëra nga salla.

E pavarësisht këmbënguljes së saj. “Tre, mund t’ua them emrat”, vijon Hajdari.

Deputetët në sallë i kursyen familjarëve dhe miqve dizinformimin, ndërsa asaj vetë, turpin… pasi e informuan aty për aty.

“Dakord! Do i kërkoja Kuvendit të Shqipërisë një minutë heshtja për zonjën Zarife Hasanaj, 32-vjeç e lindur në “Bajram Curr” Tropojë”.

Deputëtë mbajtë një minut heshtje në nder të nëndetares.  Ngjarja e ndodhur pak ditë më parë  në Letoni, ku gjatë një misioni të NATO-s si shkak i një shpërthimi të municioneve të paplasura, humbi jetën nëntetare Zarife Hasanaj dhe u plagosën rreshter Julian Kapaj dhe major Klodian Tanushi. Ky i fundit është në gjendje të rëndë shëndetësore në spitalin Riga East University Hospital në Letoni./ABC News Albania 24/7

ragip-hajdini-1280x613.jpg
ad min15:22 | 28/04/2019

Ragip Hajdini i arrestuari i gjashtë për grabitjen e disa milionave euro në Rinas dyshohet që të jetë personi që ka siguruar furgonin që u modifikua dhe gjithashtu ka dyshime se Hajdini i njohur me pseudonimin “Daja” ka qenë një nga ideatorët e grabitjes. Polica e Shtetit ka kryer një sërë kontrollesh për gjetjen e parave, por pa mundur të bjerë në gjurmët e tyre.

I arrestuari i gjashtë i supergrabitjes së Rinasit më 9 Prill 2019, Ragip Hajdini i njohur me pseudonimin “Daja”, është marrë në pyetje nga grupi hetimor. Burime bëjnë të ditur për ABC News se kosovari nuk ka pranuar që të flasë para oficerëve të policisë dhe ka qëndruar i heshtur.

Prokuroria e Krimeve të Rënda dhe policia ranë në gjurmët e tij pasi bashkëpunëtori i drejtësisë Alkond Bengasi rrëfeu se e kishte takuar “dajën” së bashku me Admir Muratajn dhe një tjetër shtetas nga Kosova të njohur për grupin e hetimit si “Tani”.

Ragip Hajdini dyshohet të jetë personi që ka siguruar furgonin që u modifikua në Elbasan me mbishkrimin “Hetimi Tatimor”. Gjithashtu sipas burimeve, kosovari sëbashku me Admir Muratjan dyshohen që të jenë edhe ata që kanë iniciuar grabitjen.

Burime nga grupi i hetimit bëjnë të ditur se gjurmët e parave janë ndjekur deri tek varrezat e Tapizës, ndërsa më pas janë zhdukur pa lënë gjurmë pasi rrugët nuk kanë kamera sigurie.

Pavarësisht kontrolleve të shumta që ka kryer policia nuk ka mundur që të bjerë në gjurmët e parave. Grupi i hetimit po insiston që të bindë Oltion Veselin që të tregojë se ku mund të kenë shkuar paratë pasi dyshohet se ai ka qenë në pistë së bashku me Admir Muratjn dhe të dyshuarin tjetër Klement Çalën.

Të dyshuar për grabitje  e Rinasit janë 17 presona midis tyre edhe një femër, e cila dyshohet të ketë djegur furgonin në Kamëz për të humbur gjurmët e ngatërruar policinë.

Policia e Shtetit në bashkëpunim me Prokurorinë e Krimeve të Rënda kanë ndaluar 6 dhe në kërkim janë vëllezërit Eldi dhe Klement Çala. Të arrestuarit e kanë mohuar përfshirjen e tyre në grabitje, por organi i akuzës disponon prova të shumta ku një pjesë prej tyre u gjendën në furgonin që u tentua të digjej nga viktima Admir Murataj.

Pas provave të mbledhura nga Prokuroria janë gjurmë gishtash, fije flokësh dhe përgjimet telefonike midis familjarëve të të dyshuarve dhe të arrestuarve me njëri-tjetrin. /abcnews.al

thumbnail-1280x851.jpg
ent ela12:00 | 09/03/2019

Kreu i ALUIZNI-t, Artan Lame doli në një deklaratë për mediat për ligjin e Kadastrës, duke theksuar se tashmë vendi ka një ligj që hedh bazat juridike për të zgjidhur ngërçin disa vjeçar me pronat. Sipas Lames termi “Hipotekë”, që ka qenë makthi i shqiptarëve në këto tre dekada, do futet në muzeun e gjërave të shëmtuara.

Deklarata e plotë

Paradisa ditësh u botua në fletoren zyrtare Ligji “Për Kadastrën në Republikën e Shqipërisë”. Ky botim erdhi pas miratimit në heshtje të këtij ligji nga ana e Presidentit të Republikës.

Gjej rastin të kujtoj këtu edhe përmirësimet që ju bënë këtij ligji sipas vërejtjeve dhe propozimeve të Presidentit të Republikës, gjë që flet për përgjegjësinë e jashtëzakonshme që transmeton ky ligj tek të gjithë faktorët e implikuar në procesin e hartimit dhe miratimit të tij.

Përtej kësaj, sot Shqipëria ka një ligj që hedh bazat juridike të Kadastrës moderne të saj.

Mediat me të drejtë në këto ditë kanë vënë në dukje disa prej anëve pozitive dhe risive të këtij ligji, siç janë shmangja e burokracive, shkrirja e disa institucioneve që merren me pronësinë në një të vetëm, e keshtu me radhë.

Por thelbi,as i problemit dhe as i zgjidhjes, nuk janë këto.

Thelbi është zvarritja gati tridhjetvjeçare e regjistrimit të pronës në Shqipëri.

Thelbi janë tre dekadat e kaosit legjislativ në fushën e pronësisë.

Thelbi është se pas 107 vjetësh shtet shqiptar dhe 30 vjetësh tranzicion, në Shqipëri akoma nuk dimë “kush ka çfarë”.

Kësaj enigme 100 e kusur vjeçare, do të duhet t’i japë përgjigje Agjensia Shtetërore e Kadastrës.

Është e padiskutueshme që veçanërisht dy vitet e fundit, ZRPP ka përmirësuar imazhin e saj përmes përmirësimit të ofrimit të shërbimeve.

Ky ka qënë një element shprese për qytetarët, që të paktën nga pritja mujore e vjeçare për të marrë përgjigje, të arrijmë në dhënien e përgjigjeve në afat. Fakti i rreth 1 milion shërbimeve të ofruara çdo vitnga kjo zyrë, flet për këtë.

Por pikërisht këtu fillon makthi tjetër për qytetarët, pasi ja kemi dalë të përmirësojmë banakun e ekspozimit dhe ofrimit të miellit, por vetë gruri që bluan mulliri i pronave është i mykur.

Kjo sepse, e gjithë piramida hartografike e ngritur në këto tre dekada, mbart brenda gjynahet e papërgjegjshmërisë, të falsifikimeve, të paaftësisë, të korrupsionit, të injorancës, të gjyqeve të shitura, të mashtrimit dhe abuzimit me pronën.

Mjafton këtu të përmend vetëm një të dhënë. Sipas studimit të bërë nga ekspertet e Bankës Botërore për situatën hartografike të ZRPP, arrihet në përfundimin e trishtë se  80% e pronave të regjistruara në Shqipëri, janë hedhur me gabime dhe probleme hartografike.

Shteti shqiptar, që nga viti 1994 kur ka filluar procesi i regjistrimit të pronës, ka shpenzuar rreth 200 milion USD në procesin e regjistrimit të pronave.

Por i gjithë ky lumë parash, ka sjellë pas 80 % të pronave të regjistruara me probleme, dhjetramijëra procese gjyqësore, qindra të vrarë për çështje pronësie dhe bllokim të mijëra aktiviteteve ekonomike.

Kjo është sfida e madhe reale e Agjensisë së re të Kadastrës.

Nga ana tjetër, përmes këtij ligji, Qeveria do të do të marrë mbi vete të gjitha përgjegjësitë e kësaj situate dhe jo të vijojë me përcjelljen e pasojave të mëkateve të veta tek qytetarët.

Më lejoni t’ju jap vetëm një shembull për këtë, të absurdit ku i fut njerëzit kaosi i pronave. Pasi i sjell vërdallë për të regjistruar pronën, me muaj e me vite, sepse të tilla janë hartat e shpartalluara, pasi i tillë është legjislacioni, pasi e tillë ështe varravingoja burokratike; në fund, pasi kalojnë afatet tj’u themi qytetarëve se duhet të paguash dhe kamatvonesë sepse nuk e ke regjistruar pronën brenda afatit.               Ligji i ri parashikon amnisti për gjithë këtë varg, pagesash të pakryera në vite e vite, por jo si dhuratë e shtetit për qyetarët, por si larjen e një njolle që bie mbi vetë shtetin.

Pas disa ditësh,  “hipotekë” që ka qenë makthi i shqiptarit me halle prone në këto tre dekada, do futet në muzeun e gjërave të shëmtuara.

donald-trump-3-1280x806.jpg
ad min21:35 | 14/11/2018

Në kufirin verior të Meksikës ka mbërritur pjesa e parë e karvanit të emigrantëve, që synojnë të hyjnë në terrorin e Shteteve të Bashkuara. Ata do të presin pjesën tjetër për të tentuar më pas bashkarisht hyrjen. Ndërkohë, në Amerikë ka krijuar habi heshtja e presidentit Trump lidhur me këtë rast.

Një grup prej 400 emigrantësh nga Amerika Qendrore kanë mbërritur në Tihuana të Meksikës, ku do të presin karvanin e gjatë të nisur nga Hondurasi për të kërkuar më pas hyrjen në Shtetet e Bashkuara, në kufirin që bashkon qytetin meksikan me San Diegon.

Kryetari i Bashkisë së Tihuanës, Huan Manuel Gastelum ka shprehur shqetësimin e tij se strukturat civile për pritjen e emigrantëve kanë kapacitete të kufizuara dhe nuk mund të strehojnë njerëz të tjerë. Gjithashtu, qytetari i parë është ankuar se pjesa dërrmuese e personave të ardhur nuk pranoi këshillat për t’u strehuar në pika të sigurta dhe refuzoi t’i nënshtrohej kontrolleve mjekësore.

“Vetëm 50 pranuan, të tjerët ikën për të pirë alkool dhe tymosur marijuanë”, ka thënë kryebashkiaku.

Ndërkohë, në Shtetet e Bashkuara ajo që ka rënë në sy ka qenë heshtja e presidentit Donald Trump lidhur me karvanin e emigrantëve, që prej ditës së zgjedhjeve të mesmandatit. Nga 16 Tetori deri më 6 Nëntor, Trump postoi 45 mesazhe në Twitter në lidhje me kufirin SHBA-Meksikë dhe karvanin që po udhëtonte përmes Meksikës.

Ndërsa prej 6 Nëntorit, kreu i shtetit nuk e ka përmendur më karvanin në asnjë postim. Vetëm më 9 nëntor ai përdori një herë termin “kufi” kur postoi një link për planin e qeverisë për zgjidhjen e problemit të emigracionit në kufirin jugor të Shteteve të Bashkuara. Kjo kontradiktë e Trump, mes retorikës së tij deri ditën e zgjedhjeve dhe qëndrimit të tij pas mbajtjes së tyre tregon pa asnjë dyshim se, sulmet e presidentit ndaj karvanit të emigrantëve ishin 100 për qind politike, shkruan CNN./abcnews.al

MAQEDONI-HESHTJE-ZGJEDHORE.mpg_snapshot_00.02-1280x585.jpg
ad min12:20 | 28/09/2018

Maqedonia është në heshtje zgjedhore në pritje të referendumit të së dielës së 30 shtatorit për çështjen e emrit. Të shtunën do të votojnë të sëmurët, të burgosurit dhe ata që jetojnë jashtë vendit. Sipas komisionit të zgjedhjeve çdo gjë është gati dhe nuk ka asnjë problem që do të pengonte procesin e votimit.

Mesnatën e së enjtes ka përfunduar propaganda publike në Maqedoni duke i lënë vendin heshtjes 48-të orëshe para referendumit të së dielës për çështjen e emrit. Kryetari i Komisionit Shtetëror të Zgjedhjeve Oliver Derkovski nga Manastiri deklaroi se shpërndarja e fletëvotimeve për referendumin ka filluar pas verifikimit që anëtarët e Komisionit kanë bërë në shtypshkronjën “Kiro Dandaro”. Ai vlerësoi se përgatitja e materialit për referendumin ka përfunduar shkëlqyeshëm.

Agjencia për Shërbime Mediatike Audio dhe Audiovizuale bëri të ditur se fushata “Qëndrimi juaj, e drejta juaj” e Komisionit Shtetëror të Zgjedhjeve, si një fushatë me interes publik, nuk bën pjesë në propagandën publike për referendumin dhe gjithashtu mund të transmetohet edhe të premten dhe të shtunën edhe pse tashmë do të jetë heshtje zgjedhore para referendumit. Sipas vendimit të miratuar nga Kuvendi i Republikës së Maqedonisë, pyetja e referendumit do të jetë: “A jeni për anëtarësim në BE dhe në NATO, duke pranuar marrëveshjen e Republikës së Maqedonisë dhe Republikës së Greqisë?”

Të drejtë vote kanë 1.806.336 votues, të regjistruar në Listën Zgjedhore. Vendvotimet më 30 shtator do të hapen prej orës 7 deri në orën 19.
Një ditë para, të shtunën, do të votojnë të sëmurët, të pafuqishmit, personat në arrest shtëpie, të burgosurit, si dhe shtetasit e Republikës së Maqedonisë që jetojnë jashtë vendit. Referendumi do të vëzhgohet nga rreth dhjetë mijë vëzhgues nga Maqedonia dhe rreth 500 vëzhgues të huaj./abcnews.al

donald-trump-administrata.jpg
ad min13:24 | 06/04/2018

Presidenti amerikan, Donald Trump, për herë të parë ka folur për mardhënien e tij jashtëmartesore me aktoren e filmave për të rritur, Stormy Daniels. Kreu i Shtëpisë së Bardhë njoftoi se nuk ishte në dijeni të pagesës prej 130 mijëve dollarëve për blerjen e heshtjes së saj.

“Nuk dija asgjë për 130 mijë dollarët e dhëna ndaj aktores së filmave për të rritur Stormy Daniels nga avokati im për t’i blerë heshtjen”.

Presidenti amerikan, Donald Trump, ka thyer heshtjen dhe për herë të parë ka folur në publik për mardhënien e tij jashtëmartesore me Daniels, që ka ndodhur në 2006-n pikërisht kohë, kur bashkëshortja Melani sapo kishte sjellë në jetë fëmijën e Trump. Kreu i Shtëpisë së Bardhë i përgjigjet drejtëpërdrejtë pyetjes së një reporteri në bordin e Ari Force One dhe mohon të ketë qenë në dijeni të faktit që avokati i tij, Michael Cohen, në Tetor të 2016, një muaj përpara zgjedhjeve presidenciale bleu heshtjen e aktores.

Nga ana e saj, Stormy Daniel, ose Stephanie Clifford, emri saj i vërtetë, ka thyer heshtjen me kohë: avokati i saj ka depozituar një denoncim sipas të cilit marrëveshja nuk është e vlefshme pasi Trump nuk e ka firmosur. Dhe pikërisht pas deklaratave të Presidentit amerikan, përfaqësuesi ligjor i aktores së filmave për të rritur bëri me dije se procesi gjyqësor vijon.

Ndërkohë, mediat ndërkombëtare shkruajnë se Donald Trump është shfaqur shumë i nervozuar dhe i shqetësuar nga pyetja, të cilës iu përgjigj brenda 25 sekondave duke kërkuar me shumë ankth që të flitet për diçka tjetër. Por gazetarët insistuan dhe në këtë pikë Trump tha: “duhet të pyesni Michael Cohen. Ai është avokati im dhe di gjithçka”./abcnews.al

p05tq7r3.jpg
ent ela13:40 | 13/01/2018

Dhe pse vazhdon të mohojë se ka përdorur fjalë ofenduese për emigrantët që vijnë nga Haiti, El Salvadori dhe Afrika, mediat amerikane raportojnë se presidenti Trump u ka thënë bashkëpunëtorëve të tij se thjesht ka thënë me zë të lartë atë që të gjithë mendonë në heshtje

Presidenti i shteteve të bashkuara të amerikës Donald Tramp mbron, në mënyrë private, deklaratat për emigrantët që vijnë nga vendet afrikane dhe karaibet duke pohuar se ka thënë me zë të lartë atë që të gjithë mendojnë në heshtje për personat që vijnë ngha vendet në depresion ekonomik. Mediat amerikane citojnë një person i cili ka qëndruar pranë tij orët e fundit pas shpërthimit të skandalit rreth deklaratave të tij të forta kundër emigrantëve.

Sipas këtij burimi, që ka qëndruar anonim, Trump ka kaluar mbrëmjen e të premtes duke telefonuar miq dhe këshilltarë në mëyrë që të kuptonte reagimet e tyre për atë që po ndodhte. Kreu i shtëpisë së bardhë iu ta atyre se nuk ishte racist por mediat kishin keqpërdorur fjalët e tij

ambasadrët evendeve afrikane në Kombet e bashkuara i kanë kërkuar presidentit amerikan të tërheqë fjalët e tij dhe të kërkojë falje publikisht për deklaratat ksenofobe dh eraciste për emigrantët që vijnë sipas tij nga vende fundërrina. Në përfundim të një takimi i cili zgjati katër orë, grupi prej 54 ambasadorësh shpërndau një deklaratë të përbashkët për shtyp, ecila u firmos nga të gjithë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono