heroi

chernobyl-1280x640.png
nev ila13:30 | 16/07/2019

Një 61 vjeçar, pjesë e grupit që punoi në zonën e shpërthimit në Chernobyl, për të kufizuar pasojat e tragjedisë, ka vrarë veten. Sipas familjarëve ai u ndje i poshtëruar kur përjetoi sërish atë që kishte ndodhur dhe se si shteti e kishte braktisur, pas transmetimit të serialit televiziv të bazuar në ngjarjen e 26 prillit 1986.

Një nga heronjtë e Chernobyl, i cili punoi për të siguruar reaktorin 4 pas shpërthimit të 26 prillit 1986, e që u kthye në një nga protagonistët e serialit televiziv të transmetuar në të gjithë botën, vrau veten pasi përjetoi sërish dramën duke e parë nga ekrani i televizorit. Ngjarja u konfirmua nga vajza e tij 25 vjeçare e cila foli për britaniken Daily Mail. Ndërsa miqtë e tij u shprehën se ai u ndje i mashtruar nga qeveria.

E bija tregon se ai e kishte parë serialin me familjen e tij dhe kishte qarë gjithë kohës pasi kishte rijetuar momentet e dhimbshme të sakrificës së tij. 61 vjeçari me origjinë nga Kazakistani, në vitin 1986 u cilësua nga qeveria si një likuidues dhe u dërgua në vendin e incidentit bërthamor për të kufizuar pasojat e tragjedisë.

Pas rikthimit në atdhe në ndryshim nga shokët e tij ai nuk mori atë që meritonte dhe i ishte premtuar, një apartament në ndërtesa popullore që ishin vënë në shërbim të veteranëve që punuan në operacionin e Chernobyl. Kështu duke riparë nëpërmjet protagonistëve të serialit televiziv poshtërimin që i ishte bërë pas përkeqësimit të gjendjes shëndetësore si pasojë e punës në zonën e shpërthimit, ai u hodh nga tarraca e pallatit ku jetonte.

Vajza e tij u shpreh se në vend që të trajtohej si një hero, babai i saj ishte vendosur në një fjetore me bashkëshorten e tij dhe pesë fëmijë. Shteti nuk e mori asnjëherë parasysh kërkesën e tij për një banesë popullore. Ajo që ndikoi dhe më tej në zhgënjimin e tij ishte dhe pensioni i vogël, vetëm 39 euro në javë./ABC News Albania 24/7

heroi.jpg
G. P.22:50 | 21/03/2019

Në Itali ka bërë jehonë lajmi se fëmijët e marrë peng një ditë më parë në autobusin e shkollës u shpëtuan nga një moshatar me origjinë egjiptiane. Përveç se është pritur si hero nga shokët e klasës, 13-vjeçari është vlerësuar masivisht edhe nga mediat italiane.

Një nga fëmijët që të mërkurën në Itali u përfshi në pengmarrjen e autobusit të shkollës është pritur si hero nga shokët e klasës, pasi shpëtoi këdo që ndodhej në bord. Shoferi i autobusit mori peng mjetin dhe 51 nxënësit që ndodheshin në të dhe më pas i vuri zjarrin kur ndodhej në rrethinat e Milanos.

Fëmijët e intervistuar nga mediat italiane kanë deklaruar se 13-vjeçari Rami Shehata fshehu celularin e tij kur shoferi pengmarrës po ua merrte nxënësve të tjerë dhe më pas telefonoi prindërit duke i informuar për sa po ndodhte.

“Ai është heroi ynë”, ka thënë një shok i klasës së Ramiut.

Sipas agjencisë së lajmeve “ANSA”, Rami telefonoi të atin teksa shtirej sikur po lutej në arabisht dhe ky i fundit më pas lajmëroi policinë. Babai i 13-vjeçarit ka deklaruar se ai dhe familja e tij kanë ardhur nga Egjipti dhe se Rami ka lindur në Itali në vitin 2005, por nuk i është dhënë nënshtetësia. “Im bir bëri detyrën e tij, do të ishte bukur nëse tani do t’i jepej nënshtetësia.

Ne duam shumë të qëndrojmë në këtë vend”, tha babai i adoleshentit. Ai shtoi se kur e kishte takuar të birin pas ngjarjes e kishte përqafuar fort. Rasti i 13-vjeçarit dhe origjina e tij kanë bërë jehonë edhe në mediat italiane.

“Rami Shehata, heroi i autobusit të marrë peng”, ka shkruar portali “Lego”.

“Heroi egjiptian dhe leksioni i qytetarisë”, ka shkruar ndërkohë “Tgcom24” Ditën e mërkurë, patrullat e policisë lokalizuan autobusin dhe bllokuan avancimin e tij përpara se shoferi ta spërkaste me benzinë dhe t’i vinte zjarrin.

Fëmijët u shpëtuan nga dritaret e fundit të mjetit, pasi policia theu xhamat. Një oficer policie që mori pjesë në aksion ka deklaruar: “Ajo që më bëri më shumë përshtypje ishin fëmijët, vullneti dhe forca e tyre për të shpëtuar”.

Ndërkohë, i marrë në pyetje nga autoritetet, pengmarrësi, një 47-vjeçar nga Senegali, ka deklaruar se kishte vepruar personalisht dhe se nuk ishte i lidhur me asnjë grup terrorist./abcnews.al

9965584-6717755-image-a-61_1550510773837.jpg
ent ela23:30 | 20/02/2019

Sulmuesi i Milanit, Kristozof  Piatek është shndërruar në idhullin e tifozerisë së kuqezinjve duke realizuar 6 gola në 5 takime. Gjithsesi polaku kërkon të qëndrojë me këmbë në tokë duke thënë se nuk është ai heroi i kuqezinjve.

Kristozof  Piatek është shndërruar në idhullin e tifozerisë së Milanit. 6 gola në vetëm 5 takime është një tregues i qartë që fatet e kuqezinjve janë të varura nga performance e bomberit polak. Gjithsesi 23 vjeçari preferon të qëndrojë me këmbë në tokë kur thotë se po vlerësohet nga shtypi më shumë se çduhet. Ndërkohë që vleresoi edhe paraqitjet e mesfushorit Pakueta.

“Kam lexuar shumë në media të ndryshme për aftësitë e mia si futbollist. Nëse do të ishin të gjitha të vërteta ato që shkruheshin unë do të isha futbollistti më i mirë në botë. Shpresoj që Milani të rikthehet në nivelet më të larta edhe falë kontributit tim. Jam shumë i lumtur për startin që kam bërë tek Milani por nuk jam unë heroi i kësaj skuadre. Me Pakueten kuptohem shumë mirë dhe ai është një futbollist që ka cilësi shumë të mira teknike”.

Ndër të tjera Piatek tregon që kalimi tek Milani erdhi në momentin e duhur si dhe tregon raportet me Levandovskin tek Kombëtarja e Polonisë.

“U largova nga Polonia në momentin që ishta gati për të përballuar sfidat e reja. Mund të isha larguar edhe më parë por nuk isha i bindur ndaj që prita derisa mora vendimin për të kaluar tek Xhenoa e më pas tek Milan.  Ne Kombëtaren e Polonisë ndihem shumë mirë me Levandovsëkin dhe Milik në fazën sulmuese ndoshta sepse jemi sulmues me karakteristika të ndryshme”, tha futbollisti i Milanit, Kristozof Piatek./abcnews.al

heroii.png
G. P.11:50 | 31/10/2018

Ndodhet në Indi statuja më e gjatë në botë, për ndërtimin e së cilës janë shpenzuar 430 milionë dollarë. Ajo është 181 metra e lartë dhe është homazh i heroit Indian për pavarësi Sardar Patel.

India përuroi statujën më të lartë në botë, e cila ka kushtuar 430 milionë dollarë për t’u ndërtuar. BBC raporton se struktura është 181 metra e lartë dhe ndodhet në shtetin perëndimor Gujarat. Ajo është në bronx dhe është një homazh për heroin indian të pavarësisë, Sardar Patel.

Kryeministri indian, Narendra Modi, tha se statuja do të tërheqë mjaft turistët. Por vendasit thanë se ky ishte një shpenzim i madh i fondeve publike, pasi paratë mund të ishin përdorur më mirë. Kryeministri indian theksoi se statuja është një simbol i vendosmërisë dhe paprekshmërisë së Indisë.

Ndërkohë mijëra agjentë policie janë vendosur në zonë, për shkak të protestave dhe incidenteve të dhunshme lidhur me statujën. Policia arrestoi gjithashtu disa fermerë dhe aktivistë që protestuan kundër shpenzimeve për ndërtimin e kësaj statuje./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono