Henri Çili

byro-Cili-1.jpg
nev ila22:04 | 22/04/2019

Në analizën e tij më tej, Çili theksoi se, shoqëria shqiptare ka nevojë për një periudhë tranzitore. I pyetur nga drejtuesja e emisionit “Byro Politike” se cila është zgjidhja e situatës aktuale politike, Çili përgjigjet:

Ne duhet të kalojmë në një gjendje të re, kemi nevojë për një fazë kalimtare, që disa e quajnë tranzitore, sepse kështu nuk mund të vazhdohet më. Rama nuk e çon dot deri në fund mandatin po edhe opozita nuk është akoma gati për një alternativë. Rotacioni nuk i zgjidh këto probleme, nëse ne kemi 20 vjet që kemi pak a shumë të njëjtat probleme të pazgjidhura, atëherë na duhet një ristart i ri,  të kemi një sistem drejtësie funksionale të paimpaktuar nga qeveria, dhe të ecim në procesin e integrimit dhe për këtë na duhet periudha tranzitore, e kemi nevojë si shoqëri”, thekson ai./abcnews.al

 

henri-cili-byro.jpg
nev ila21:44 | 22/04/2019

I ftuar në Byro Politike mbrëmjen e sotme ka qene Henri Çili, politolog dhe së fundmi botues i Gazetës Liberale, një e përditshme e re në tregun mediatik. Çili ka bërë një analizë të hollësishme për sa i përket situatës politike në vend. I pyetur nga gazetarja Juli Xhokaxhi, se si e shihte në këndvështrimin e tij, situatën në të cilën ndodhet aktualiteti politik ai u shpreh:

“Gjithë politika shqiptare, duke filluar nga qeverisja e Edi Ramës dhe duke e parë atë që nga vjeshta e vitit të kaluar e këtej, i është dorëzuar presionit populist, Lulzim Basha gjithashtu. Jemi të bllokuar, dallohet qartë që Rama nuk po qeveris dot, administrata nuk po punon, nuk kemi investime të huaja, nuk kemi shumë tregues edhe pse qeveria mblidhet shpesh herë nën kryesimin modest të zotit Braçe. Ne realisht nuk po ecim drejt integrimit, kemi 6 vjet që nuk avancojmë në sistemin e integrimit”, tha ai./abcnews.al

henri-cili.jpg
G. P.20:55 | 19/03/2019

Themeluesi i gazetës “Liberale”, Henri Çili ishte i ftuar këtë të martë në emisionin “Provokacija” ku komentoi edhe situatën aktuale politike. Sipas tij po ndodhin tre zhvillime të rëndësishme në vend.

“Në Shqipëri po ndodhin të paktën tre zhvillime të rëndësishme. Në radhë të parë kemi ndjesinë e ngecjes, të pesimizmit, të një horizonti të mbyllur. Deri në 2015, 2016, 2013 Shqipëria ka pasur një sens prespektive, ka pasur një sens horizonti të hapur. Elementi i dytë është fakti që në mënyrë të ngushtuar, modeli aktual, oferta ose struktura aktuale qeverisëse pothuajse i ka shteruar mundësitë e veta dhe lideri i saj, Rama. Por mbi të gjitha Shqipëria po rrezikon të rivulosë fatin e vet si një vend i prapambetur. Në teoritë e zhvillimit ka një moment, kur një shoqëri e pazhvilluar kalon në e zhvilluar. Ne nuk po kalojmë dot atë Take off-in. Është një fazë që ne nuk po e bëjmë 30 vjet pas rënies së komunizmit nuk po bëjmë take off-in drejt një Shqipërie të zhvilluar”, tha Çili.

Për sa i përket djegies së mandateve nga opozita, Çili theksoi se është dakord si akt i fundit për të shokuar demokracinë. Sipas tij kjo është mënyra që ka zgjedhur kreu i demokratëve.

“Jam dakord, si akti i fundit për ta shokuar sistemin politik. Rrugës fitorja e ngushtë e 25 Qershorit u bë e diskutueshme. Pse ndodhi kjo? Partnerët përgjuan disa grupe kriminale dhe na doli një gjë e caktuar, të cilën ne nuk kemi një sistem drejtësie funksional që të themi që kjo është kështu ose kështu. Atëherë çfarë ndodh? Cila është e keqja që palët të ritestohen në kushte neutrale. Ç’do të thotë kushte neutrale? Si funksion në Shqipëri industria elektorale, funksionon në mënyrë të tillë që na ka ardhur në majë të hundës. Implikim i administratës, shfrytëzimi i pozicionit, fushatat e legalizimeve, populizmi dhe erdhëm te lidhjet e qarta me krimin dhe kandidatët. Sikur kjo mos të mjaftonte, kjo nuk po ecën, ne nuk po bëjmë hap në integrim. Çfarë do themi në Qershor nëse do refuzohet prapë hapja e negociatave? Ka tre mënyra se si mund të përqasim një situatë me anë të profilaksisë, terapisë ose shokut. Lul Basha ka zgjedh shokun ta shokojë sistemin e demokracisë”, tha ai./abcnews.al

bashkim-zeneli-1280x669.jpg
ent ela22:03 | 23/11/2018

Ish-ambasadori i Shqipërisë në Gjermani e Greqi, Bashkim Zeneli ka promovuar librin e tij të dytë të titulluar “Miqësi e trazuar, Greqia në kujtimet e ambasadorit” i bazuar në kujtimet e viteve kur Zeneli shërbeu si ambassador në shtetin fqinj.

Diplomati Bashkim Zeneli ka promovuar librin e tij të fundit me titull “Miqësi e trazuar, Greqia në kujtimet e ambasadorit”. Botimi i UET Press u promovua në një aktivitet që bëri bashkë figura socialistësh e demokratësh. Kreu i Shtetit Ilir Meta vlerësoi librin e ish-ambasadorit Zeneli si mundësi e kuptimit të një miqësie mes dy vendesh fqinje.

Libri tregon kujtimet e Zenelit kur ishte ambasador i shtetit shqiptar në Greqi.

“E kam shkrujt me dashuri ktë libër sepse nuk e njoh urrejtjen midis popujve…ne duhet ti jemi mirënjohës greqisë jo vetëm për pritjen e 800 mijë shqitparëve por edhe mbështetjen e gjithëanëshme që na ka dhënë në procese demokratike, integruese…kemi punuar bashkë për të ndërtuar ura, kemi punuar për të kapërcyer edhe incidente të vogla dhe për të parë gjithmonë përpara nuk ecet kurre perpara duke mbajtur koken mbrapa”.

Një falenderim të veçantë e rezervoi për vajzën e tij më të vogël, Engjëllushen.

“Mendoj se nqs në libër janë hequr edhe disa gjëra emocionale të mijat të momentit për shumë njerëz që vinin në greqi, ata duhet tia dijnë për nder ëngjëllushes sepse i ka hequr ajo vize”.

Me parathënie të Henri Çilit, libri “Miqësi e trazuar, Greqia në kujtimet e ambasadorit” është i dyti në krijimtarinë e Bashkim Zenelit, pas atij “Për Gjermaninë”, ku Zeneli ka shërbyer gjithashtu si ambassador i Republikës së Shqipërisë./abcnews.al

LIBRI-MUSTAFA-NANO-ABC-M5-T2.mpg_snapshot_00.44-1280x720.jpg
G. P.22:50 | 12/11/2018

Gazetari Mustafa Nano ka promovuar librin e tij të ri “Provokateur”, botim i UET PRESS. Një autorrëfim për 20 vite gazetari dhe interpretimi i tij në lidhje me marrëdhëniet shqiptaro – greke, fenë dhe politikën shqiptare.

20 vite gazetari. Si ka ndryshuar në mendime dhe ide publicisti Mustafa Nano. Të gjitha këto i ka rrëfyer në librin e tij të fundit “Provokateur”. Autori zgjedhur të bëjë rolin e provokuesit dhe të vetëintervistohet, duke e vënë veten në një situatë sa të sikletshme aq edhe komode.

Mustafa Nano, autor i librit “Provokateur”, gazetar: “Është një autointervistë dhe unë kam zbuluar magjinë e autointervistës, duke pasur një formë narcize, kur robi ledhatohet me veten. Mirëpo është një formë komunikimi që të jep mundësinë për tu shprehur, sepse ti nuk je në prani të rrethanës plot befasie që vjen për shkak të faktit që ti nuk e di se ça pyetje do të bëhet. Ti e di pyetjen që do të të bëhet, sepse ia bën vetes.”

Marrëdhëniet shqiptaro-greke, fqinjët tanë, feja dhe politika shqiptare janë temat që e kanë intriguar gazetarin Nano dhe që ka zgjedhur ti trajtojë si një opinionist i lirë.

“Unë jam me tezën që armiqësia ndërmjet shqiptarëve dhe vendeve fqinjë është e vonë nuk është e hershme dhe nuk është as e përjetshme. Ne duhet të bëjmë çmos që këto armiqësi që kemi patur në 2 shekujt e shkuar, le të themi në rastin më dramatik, ta transformojmë dhe ta kthejme me koke poshtë. ”

“Provokateur” sipas administratorit të UET-së, është një kërkim përtej të zakonshmes.

Henri Çili, administrator i UET-së: “Mustafa Nano ka filluar në vitin 1998 dhe mendoj se ai është individi ose personi me transformimin më të madh ose më të plotë drejt parametrave të një prej firgurave më kryesore, ose pak figurave kryesore të medias shqiptare, të publicistikës politike por jo vetëm dhe një njeri me një kërkim dhe më nje vetelaborim të brenshëm, përtej të zakonshmes.”

Në një ambjent të ngrohtë dhe të rrethuar me gazetarë, publicistë, politikanë dhe miq, gazetari Mustafa Nano promovoi librin e tij të gjashtë, botim i UET PRESS./abcnews.al

MBULIM-UET-PREZANTON-DREJTUESIT-E-DEKADES-SE-DYTE-1280x720.jpg
ent ela21:28 | 17/05/2018

Universiteti Europian i Tiranës ka prezantuar zyrtarisht ekipin e ri të drejtuesve akademikë, për dekadën e dytë të rrugëtimit të tij arsimor.

U rikonfirmua për 10 vjeçarin e ardhshëm rektori Prof.Dr.Tonin Gjuraj, si dhe dekanët e fakultetit Juridik, Ekonomik e i Shkencave sociale bashkë me  drejtuesit e secilit prej departamenteve të çdo fakulteti.

Sipas pronarit të Universitetit, Henri Çili, UET 12 vjet nga themelimi, ka përfunduar procesin e përshtatjes, duke ndarë sipas kërkesave të ligjit të ri të  arsimit ,pronësinë nga administrimi dhe është universiteti i parë, i cili po përgatitet të çojë dosjen për dekretimin e rektorit të UET, nga presidenti i Republikës, Ilir Meta, siç e kërkon ligji i ri, duke krijuar kështu një precedent.

Në këtë dekadë të dytë, Universitet Europian i Tiranës po riorganizon ofertën e tij akademike, duke kaluar nga një universitet me tre fakultete , në një universitet të madh me karakter universal, duke hapur të tjera fusha studimi si arkitektura, mjekësia, inxhinieritë, artet, etj. /abcnews

henri-cili-vonesa.jpg
us er18:57 | 22/09/2017

“Vonesa shqiptare” është libri i ri i Henri Çilit. Sikundër bëri dhe pas zgjedhjeve të 2013-s ai përmblodhi dhe këtë herë në një botim ese, ide dhe debate për periudhën zgjedhore 2017. Ky libër cilësohet prej autorit si fill i një refleksioni të gjatë mbi reformizmin, liberalizimin dhe aktualitetin politik shqiptar që prej 2001-shit.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono