hawai

VULLKANI-hauai-1280x720.jpg
ent ela12:55 | 07/05/2018

Vullkani Kilauea në Hauaji ka shkatërruar banesa të shumta dhe kërcënon qindra të tjera. Përveç kësaj, është dhënë alarmi edhe për banorët pasi shpërthimet e llavës shkojnë deri në 70 metra lartësi.  

Shpërthimet në vullkanin Kilauea në Hawaii kanë shkatërruar mbi 26 shtëpi dhe po kërcënojnë qindra të tjera, me shumë kratere të reja që janë hapur së fundmi. Rreth 2 mijë persona janë evakuuar deri më tani. Disa banorë janë lejuar që të kthehen për disa momente tek banesat e tyre për të shpëtuar kafshët shtëpiake, por autoritetet thonë se qëndrimi aty nuk është i sigurtë.

Në krateret e reja në një zonë të këtij ishulli janë regjistruar shpërthime të shumta me llavën që është shpërndarë në ajër deri në 70 metra lartësi. Hauai është goditur vazhdimisht nga lëkundje sizmike gjatë kësaj periudhe, ku tërmeti më i fuqishëm u regjistrua të premten me magnitudë 6.9 ballë i shkallës rihter.

“Kur jam evakuuar të enjten, unë i thashë lamtumirë vendit ku jetoja pasi tashmë do jetë shkatërruar nga llava”, tha për BBC një banor. Ndërsa një tjetër dha alarmin se shumë kafshë janë në kafaze apo të lidhura që duhen shpëtuar.

Ndërkohë, Kilauea është një ndër vullkanet më aktive në botë dhe në të janë regjistruar shpërthime konstante për 35 vite. /abcnews.al

vlcsnap-error712-1280x720.jpg
us er12:13 | 14/01/2018

Qytetarët e Hauait kanë kaluar momente paniku për shkak të alarmit se një raketë balistike po vinte drejt tyre. Por ky alarm rezultoi fals pas 38 minutash. Guvernatori i këtij shteti bëri me dije se bëhej fjalë për një gabim njerzor.

Momente paniku janë regjistruar në Hauai, ku është lëshuar alarmi për një lëshim rakete balistike nga Koreja e Veriut. Por që më pas rezultoi fals. “Kërcënim i raketave balistike për në Hawaii. Kërkoni strehim të menjëhershëm. Kjo nuk është një stërvitje”, shkruante mesazhi që u është dërguar në celularët e tyre banorëve të këtij shteti amerikan. Pas 38 minutave nga dhënia e alarmit, erdhi saktësimi se bëhej fjalë për një gabim teknik.

Në sajë të kërcënimit nga Koreja e Veriut, të gjitha sistemet e mbrojtjes ushtarake të Paqësorit u vendosën në gjendje alarmi.
Guvernatori i Hauait, David Ige ka kërkuar falje për momentet e tmerrit që kaluan qytetarët, dhe njoftoi se është shkaktuar nga një punonjës që ka shtypur butonin e gabuar. Qeveria amerikane ka njoftuar se do të ketë një hetim të plotë lidhur me këtë ngjarje. Shtëpia e Bardhë bëri me dije se presidenti Donald Trump, i cili gjendej në Florida në momentin e alarmit, është informuar lidhur me alarmin fals.

Reagimi i banorëve ishte tepër tragjik. Sipas mediave ndërkombëtare, shumica e qytetarëve kanë marrë disa gjëra të nevojshme jetësore dhe janë mbyllur në vendet e emergjencës. Ata kanë qëndruar të mbyllur, duke pritur me lutje, qartësimin e situatës.
Ndërkohë, në Hauai sistemi i alarmit është gjithmonë në gatishmëri për shkak të raketave që mund të vijnë nga Koreja e Veriut. Në dhjetor ky shtet testoi sirenat e paralajmërimit bërthamore për herë të parë që prej përfundimit të luftës së ftohtë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono