Hashim Thaçi

hashimthaci.jpg
Autor E12:17 | 27/02/2020

Presidenti Hashim Thaçi ka reaguar për vrasjen e Qerim Kelmendit, i cili u gjet i djegur në makinë në orët e para të ditës së sotme.

Presidenti Thaci thotë se është tronditur kur dëgjoi për vrasjen e njërit prej luftëtarëve më të hershëm të UCK-së, duke iu bërë thirrje institucioneve të drejtësisë të zbardhin sa më shpejt vrasjen e Kelmendit.

“Vrasja tinëzare e Qerim Kelmendit, njërit prej luftëtarëve më të hershëm të Ushtrisë Çlirimtare të Kosovës, ishte tronditëse për mua dhe të gjithë qytetarët e Kosovës. I bëj thirrje urgjente institucioneve të rendit dhe ligjit, që ta zbardhin këtë vrasje të tmerrshme sa më shpejtë që është e mundur dhe kryesit e saj t’i vendosën para drejtësisë”, ka shkruar Thaçi.

Në fund, Thaçi ka premtuar se do të përdorën të gjithë mekanizmat ligjorë të shtetit për ta zbardhur vrasjen.

“Familjes Kelmendi dhe gjithë bashkëluftëtarëve të Qerimit u shpreh ngushëllimet e mia më të sinqerta, duke i siguruar se do t’i përdorim të gjithë mekanizmat ligjorë të shtetit për ta zbardhur këtë vrasje mizore”.

Qerim Kelmendi u gjet i vrarë dhe i djegur në veturë rreth orës 1:20 të së enjtes, në fshatin Zahaq të Pejës. /abcnews.al

kurtiiiii.png
eri Ida14:39 | 26/02/2020

Kryeministri Albin Kurti në një deklaratë për mediat është shprehur se nuk nuk po tentojnë që të dërgojnë FSK-në në veri të vendit, por ai ka kërkuar një sqarim për marrëveshjen e nënshkruar në prill të vitit 2013 që sipas tij kanë qenë dy dhe jo një.

Ndër të tjera ai ka deklaruar se nuk do të marrë asnjë veprim që bie në kundërshtim, pasi synimi i tij është ruajtja e marrëdhënie të mira me NATO-n dhe KFOR-in. Shefi i qeverisë së Kosovës ka theksuar se këtë letër këmbim nuk e kam gjetur në zyrën,  por e ka marrë nga një zyrtar i NATO-s.

Kjo është qeveria e re dhe unë këtë letër këmbim nuk e kam gjetur në zyrën tim,e por më është dhënë nga një zyrtar i NATOS. Ne e morëm këtë letër këmbim dhe këshilltarët ligjore kanë dhënë dhe urdhërin që e kemi shpërndarë tashmë. Unë i kam dërguar një letër kryetares së Kuvendit, por edhe presidentit Thaçi dhe kryeprokurorit, Aleksander Lumezi, që ka të bëj me një marrëveshje sekrete të nënshkruar nga presidenti me datën 19 prill të vitit 2013. Atë ditë nuk kishim një marrëveshje në Bruksel, por kishim dy të tilla. Ishte një marrëveshje mes Thaçit e Daçiçit, dhe kjo e dyta e njëanshme e Thaçit që FSK nuk do shkojë në Kosovën veriore pa dakordim me KFOR-in. Për ne është e rëndësishme të marrim vesh se kush e ka kërkuar këtë marrëveshje, sepse nuk besoj se Brukseli e ka kërkuar këtë.  Para se të shkojmë në Mynih unë jam munduar që ta takoj presidentin në mënyrë që në politikën e jashtme mos të jemi kakofoni zërash. Prej 3 shkurtit, Kosova ka qeveri të re. Dialogun me Serbinë do ta përgatisim mirë dhe me parime, dhe atë unë e udhëheqi si kryeministër. Unë vazhdojë të insistojë që duhet të jemi njëzëri në arenën ndërkombëtare me presidentin, dhe jo vetëm”, ka thënë Kurti.

Gjithashtu në konferencën e tij për mediat Kurti ka komentuar dhe reciprocitetin me Serbinë, duke theksuar se nuk bëhet aspak për çështje inati, apo hakmarrje por ne ndihemi të diskriminuar

Kryefjala nuk ka qenë Serbia kemi shumë çështje të tjera primare për të diskutuar. Ekziston një numëri i madh shkeljes barrierash tarifore që Serbia i bën Kosovës. Përmes një dokumenti Serbia nuk pranon asnjë tjetër, receprociteti nuk është për hakmarrje, por ne ndihemi të diskriminuar dhe duam barazi. Reciprociteti është gjëja më normale dhe më e natyreshme një gjë tjëtër është se ne tashmë jemi në një situatë që ai shikohet si i pazakontë, por ai duhet të jetë si ajri dhe uji. Nuk e bëjmë për inat të Serbisë por për veten tonë, të interesave të shtetit dhe të ekonomisë sonë“, është shprehur Kurti. /abcnews.al

kurtithaci.jpg
Autor E12:13 | 26/02/2020

Kryeministri i Kosovës, Albin Kurti, i ka dërguar një shkresë zyrtare kryetares së Kuvendit, Vjosa Osmani, lidhur me Implikimet kushtetuese të shkëmbimit të letrave të datës 19 prill 2013, ndërmjet kryeministrit të atëhershëm Hashim Thaçi dhe sekretarit të Përgjithshëm të atëhershëm të NATO-s, Anders Fogh Rasmussen.

Ndër të tjera në shkresë theksohet se përmes kësaj marrëveshjeje në atë kohë, kryeministri Thaçi në emër të Kosovës, transferoi te KFOR-i të drejtën absolute të vetos mbi të gjitha misionet e ardhshme të FSK-së në veri të Kosovës, për një periudhë pa afat.

Ndërsa në opinionin e tij Kurti shkruan se duke marre parasysh provat ne dispozicion te Zyres se Kryeministrit, si dhe dispozitat e Kushtetutes se Republikes se Kosoves, ekzistojne baza te mjaftueshme per te konstatuar se presidenti Thaci, gjate kohes kur ishte kryeminister, ka kryer shkelje te renda te Kushtetutes dhe se kryerja e ketyre shkeljeve justifikon nisjen e procedures kushtetuese per shkarkimin e tij nga pozita e presidentit te Republikës së Kosovës.  /abcnews.al

thaci-1.jpg
in a12:51 | 21/02/2020

Presidenti i Kosovës Hashim Thaçi në një intervistë për BBC u shpreh se nëse bisedimet mes Kosovës dhe Serbisë nuk do të kenë progres këtë vit, atëherë do të duhen dekada të tjera për të pasur rezultate pozitive.

Thaçi po hyn në vitin e fundit të një mandati pesë-vjeçar të shënuar nga bisedimet e papërfunduara Prishtinë-Beograd në pak më shumë se një muaj.

“Nëse diçka ndodh në negociatat me Serbinë, do të ndodhë këtë vit. Nëse nuk ndodh këtë vit, kam frikë se do të humbasim dekada,” deklaroi ai në një intervistë për BBC në gjuhën serbe.

Ndërsa negociatorët e tjerë thonë se nuk ka presion dhe nxitim, Thaçi sqaron se viti i fundit i mandatit të parë të presidentit Donald Trump është koha më e mirë për të arritur një marrëveshje në Ballkan.

“Unë nuk mendoj se mund të marrim përsëri vëmendjen e Presidentit Trump, SHBA dhe ekipit të tij. Ky kthim i vëmendjes së SHBA në rajonin tonë është një dhuratë nga Zoti si për Kosovën ashtu edhe për Serbinë, ne duhet ta përdorim atë “.

Thaçi mbështeti nënshkrimin e letrave me qëllim për të vendosur trafik ajror dhe hekurudhor midis Beogradit dhe Prishtinës, pjesë e një marrëveshje të iniciuar nga i Dërguari i presidentit të SHBA Richard Grenel.

Vetë Thaçi ishte pjesëmarrës në bisedimet e Brukselit me Presidentin serb Aleksandar Vuçiç, të udhëhequr nga thirrja e mëparshme e Komisionit Evropian, të cilët ende nuk kanë arritur një marrëveshje përfundimtare, por janë një numër marrëveshjesh, disa prej të cilave janë zbatuar.

Përvoja e Hashim Thaçit në negociatat me Serbinë është llogaritur me dekada.

“Asnjëherë nuk kemi qenë më pranë një marrëveshje sepse shumë procese të tjera kanë përfunduar. Kosova është e lirë dhe e pavarur, dhe Serbia e di për pavarësinë e Kosovës. Unë nuk kam asnjë marrëdhënie të veçantë, personale me Presidentin Vuçiç, ne jemi presidentët e shteteve të pavarura, të zgjedhur në një mënyrë të ligjshme, dhe unë promovoj pikëpamjet e vendit tim në çdo forum dhe para të gjithë zyrtarëve, përfshirë presidentin e Serbisë”. Ne kemi pasur dallime në të kaluarën, ato ekzistojnë edhe sot, por kjo nuk duhet të na ndalojë që dy presidentë të flasin për të ardhmen”, theksoi Thaçi.

hashim-thaci.jpg
ger ta11:35 | 21/02/2020

Presidenca ka reaguar pas lajmit se Xhamajka nuk e ka njohur Kosovën si shtet. Në një reagim për mediat në Kosovë zyra e Hashim Thaçit ka deklaruar se përgjigje për këtë temë duhet të japin në MPJ.

Presidenti i Kosovës, Hashim Thaçi ishte i pari që dha lajmin se Xhamajka e ka njohur pavarësinë e shtetit të Kosovës. Ai tha se për këtë e ka lajmëruar ambasadorja e Kosovës në SHBA, Vlora Çitaku.

Mirëpo, ky lajm vetëm pak orë më vonë u përgënjeshtrua nga Ministrja e punëve të Jashtme të Xhamajkës, e cila mohoi se vendi i saj ka njohur Kosovën.

“Zyra e Presidentit të Republikës së Kosovës është njoftuar mbrëmë zyrtarisht nga Ambasadorja e Kosovës në Uashington, Vlora Çitaku, për njohjen nga shteti i Xhamajkës. Të njëjtin njoftim, ambasadorja e ka dërguar edhe në Zyrën e Kryeministrit dhe të Ministrit të Punëve të Jashtme. Presidenti këtë njoftim e ka bërë publik përmes profilit të tij në Tëitter. Për informacione tjera, luteni t’i drejtoheni Ministrisë së Punëve të Jashtme”, thuhet në përgjigjen e Zyrës së Informimit të Presidencës. /abcnews.al

 

hashim-thaci-1.jpg
ger ta09:53 | 21/02/2020

Ministrja e punëve të Jashtme të Xhamajkës ka mohuar se vendi i saj ka njohur Kosovën.

Në një postim ne Tëitter, duke shpërndarë deklaratën e presidentit të Kosovës Hashim Thaçi i cili e ka falënderuar Xhamajkën për njohje, Kamina J Smith ka shkruar se vendi i saj nuk e ka njohur Kosovën.

Deri më sot Xhamajka nuk e ka njohur Kosovën si shtet i pavarur”, ka shkruar ajo.

Presidenti Thaçi, tha më herët se kjo njohje vjen edhe si pasojë e kontributit të madh të kongresmenit amerikan Eliot Engel.

Lajm i mirë. Sa jam njoftuar nga ambasadorja jonë Vlora Çitaku se Xhamajka e ka njohur Republikën e Kosovës si sovrane dhe të pavarur. E di se kjo është rezultat i punës së zellshme dhe lobimit disa vjeçar, duke përfshirë edhe kongresmenin Eliot Engel. Punë e mirë. Faleminderit miqtë e dashur nga Kingston”, shkroi Thaçi. /abcnews.al

 

kosnet-1280x655.jpg
in a12:12 | 20/02/2020

Ambasadori i SHBA-ve në Kosovë, Philipp Kosnett ka vijuar takimet me anëtarë të ekzekutivit Kurti, ndërsa mesazhi i tij vijon të jetë për heqjen e taksës së vendosur ndaj mallrave serbe që hyjnë në vend. Por ndër të tjera ai u shpreh se Kosova është shtet, është e pavarur dhe kështu do të mbetet: “Unë mendoj se është e nevojshme që të gjithë ata që jetojnë në Kosovë ta pranojnë këtë. Kosova është në një periudhë tranzicioni, megjithatë, bashkësia ndërkombëtare ka ndihmuar Kosovën për 20 vjet, por kjo nuk do të zgjasë përgjithmonë.

Diplomati amerikan tha gjithashtu se SHBA mbështet fuqimisht procesin aktual të dialogut të udhëhequr nga BE, i cili synon një marrëveshje gjithëpërfshirëse midis Kosovës dhe Serbisë. Ai shtoi se pret që taksa ndaj mallrave që importohen nga Serbia në Kosovë të hiqet.

Kosnett gjithashtu ka pohuar se ka bashkëpunim të ngushtë dhe të hapur midis ambasadës amerikane në Kosovë, Të Dërguarit Special të Presidentit Trump për dialogun, Richard Grenell, Përfaqësuesit Specialt ë SHBA-ve për Ballkanin Perëndimor, Metju Palmer dhe mes ambasadorëve të QUINT-it.

Duke folur për dialogun Kosnett tha se do të ishte e dobishme që edhe OJQ-të të përfshihen në dialog. Ambasadori amerikan në Kosovë iu referua zgjedhjeve të parakohshme parlamentare në Kosovë që u zhvilluan vitin e kaluar dhe punën e Presidentit të Kosovës Hashim Thaçi. Ai theksoi se ishte e qartë se shumica e kosovarëve votuan në favor të ndryshimeve.

Kosnett tha se tre gjëra janë të rëndësishme për SHBA-të kur bëhet fjalë për Kosovën, paqja, drejtësia dhe prosperiteti, dhe shton se të tre pikat janë të ndërlidhura./abcnews.al

osamni.png
in a14:35 | 18/02/2020

Presidenti Hashim Thaçi, kryeministri Albin Kurti dhe kryetarja e parlamentit Vjosa Osmani, kanë bërë thirrje për unitet dhe unifikim të spektrit politik ndërkohë që kanë festuar me ceremoni shtetërore 12 vjetorin e shpalljes së pavarësisë.

Por në Prishtinë janë mbajtur dy ceremoni të ndara ushtarake, një për presidentin dhe një për kryeministrin dhe kryetaren e parlamentit, Vjosa Osmani, e cila theksoi se të gjithë duhet të flasin në një zë.

“Ajo ka qenë axhendë shtetërore e kordinuar nga protokolli i shtetit. Asnjë nga organizimet nuk ka qenë private”, deklaroi Vjosa Osmani.

Ndërsa dallimet sipas saj ende egzistojnë.

“Unifikimi në politikën e jashtme dhe duhet  të flasim të gjithë në një zë pasi kjo është shumë e rëndësishme për suksesin e Kosovës”, u shpreh më tej Osmani.

methaci.jpg
Autor E10:01 | 17/02/2020

Presidenti Ilir Meta ka uruar homologun Hashim Thaçi për 12 Vjetorin e Pavarësisë së Kosovës. Përmes një letre, Meta thekson se Kosova ka hyrë tashmë në dekadën e dytë si një shtet i pavarur dhe sovran.

Në letrën e tij, Meta pohon se do të vazhdojë të jetë përkrah qytetarëve kosovarë në rrugëtimin që kërkon përkushtim e institucioneve të Kosovës.

“Kam besim se përfaqësimi i njëzëshëm i Kosovës dhe koordinimi me partnerët strategjikë do të mundësojnë edhe finalizimin e suksesshëm të dialogut të ndërmjetësuar me Serbinë, për normalizimin e marrëdhënieve ndërmjet të dy vendeve përmes një marrëveshjeje që njeh pavarësinë, sovranitetin dhe integritetin e pakthyeshëm territorial të Republikës së Kosovës”, shkruan Presidenti Meta.

LETRA E METËS
I nderuar Zoti President,
Në emrin tim dhe të gjithë qytetarëve të Republikës së Shqipërisë ju përcjell urimet më të përzemërta për Ditën e Pavarësisë së Republikës së Kosovës!

Kosova ka hyrë tashmë në dekadën e dytë të saj si shtet i pavarur dhe sovran, me një demokraci edhe më të gjallë e dinamike.

Kjo etapë e re e konsolidimit të shtetit të Kosovës jam i sigurt se do të shoqërohet me një hov të ri edhe në marrëdhëniet vllazërore dhe bashkëpunimin ndërmjet nesh, në përçim të vlerave më të mira kombëtare dhe europiane.

Uroj që përpara sfidave të tjera aspak të lehta, në Kosovë të mbizotërojë uniteti përreth objektivit strategjik për integrimin europian dhe euro-atlantik si dhe njohjen e mëtejshme në arenën ndërkombëtare.

Unë do të vazhdoj të jem përkrah jush në këtë rrugëtim që kërkon përkushtim dhe punë të palodhur të të gjitha institucioneve të Kosovës.

Njëkohësisht, kam besim se përfaqësimi i njëzëshëm i Kosovës dhe koordinimi me partnerët strategjikë do të mundësojnë edhe finalizimin e suksesshëm të dialogut të ndërmjetësuar me Serbinë, për normalizimin e marrëdhënieve ndërmjet të dy vendeve përmes një marrëveshjeje që njeh pavarësinë, sovranitetin dhe integritetin e pakthyeshëm territorial të Republikës së Kosovës.

Me urimet më të sinqerta për zhvillimin dhe përparimin e mëtejshëm të Kosovës, dhe dëshirën e forcimit të marrëdhënieve tona vëllazërore në të gjitha rrafshet, ju lutem pranoni, Zoti President, shprehjen e konsideratës sime më të lartë.

kurti-thaci-1-1280x853.jpg
ger ta14:26 | 15/02/2020

Kryeministri i Kosovës, Albin Kurti, në një intervistë për DW nga Mynihu, ka folur edhe për çështjen e  mos koordinimit me presidentin, Hashim Thaçin, para udhëtimit për në Gjermani.

Kurti ka thënë se mbase nuk ishte mirë që nuk u takuan, por thotë se do të kenë kohë që të takohen dhe sipas tij një gjë e tillë nuk do të jetë problem.

Gjithashtu kreu i qeverisë është shprehur se ka vullnet për unifikim të qëndrimeve dhe që Kosova të ketë vetëm një politikë të jashtme. Kurti ka përmendur gjithashtu letrën e presidentit të SHBA-së, Donald Trump, në të cilën kërkohej që Kosova të fliste me një zë të unifikuar.

“Nuk e di se sa do të mund t’i unifikojmë qëndrimet. Por unë shprehi vullnetin që të mos kemi dy apo më shumë politika të jashtme të Republikës së Kosovës. Madje edhe në letrën e 14 dhjetorit të 2018 që Trump ia dërgoi presidentit të Kosovës, ka thënë që Kosova duhet të flas me një zë unifikuar me një zë të bashkuar. Këtë duhet ta bëjmë sa më parë. Nuk është mbase mirë që nuk u takuam para se të vijmë këtu, pro do kemi kohë që të takohemi, pa problem”, ka deklaruar Kurti.

Kryeministtri një ditë para nisjes në Mynih i dërgoi preisdentit Thaçi ftesë për një takim konsultativ, por ky i fundit kishte udhëtuar në Gjermani.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono