hapja e negociatave

FRANCEZI-NEGOCIATAT-MBULIM.mpg_snapshot_00.03-1280x720.jpg
ent ela23:16 | 17/05/2019

Kreu i republikanëve në Francë, Laurent Wauquiez ka paralajmëruar se nuk do të lejojë hapjen e negociatave të anëtarësimit me Shqipërinë. Në një bisedë televizive, Wauquiez ka kërkuar që Franca të vendosë veton, pasi e konsideron Shqipërinë një vend me nivel të lartë korrupsioni.

“Presidenti i Republikës ka propozuar hyrjen e Shqipërisë, por unë mendoj se do të ishte një gabim i madh pasi është një shtet që shquhet për korrupsion. Nëse në qershor vendoset që negociatat të hapen, atëherë ne do të kundërshtojmë me veton tonë”, ka deklaruar Wauquiez.

Kreu i partisë më të madhe të opozitës franceze, pjesë e të cilës ka qenë dikur edhe ish-presidenti Nikolas Sarkozi, është shprehur kundër edhe zgjerimit të BE-së në tërësi, duke marrë si shembull realitetet e ndryshme mes vendeve të Perëndimit dhe atyre të Lindjes që janë pjesë e Unionit.

“Realiteti është se standardet e jetesës, sistemet ekonomike dhe ato sociale janë aq të ndryshme, saqë nuk jemi në gjendje të harmonizohemi”, ka deklaruar Wauquiez. /ABC News Albania 24/7

politikani.jpg
Sej rie11:08 | 17/05/2019

“Emmanuel Macron është për zgjerimin e Evropës, ne jemi kundër “, tha Laurent Wauquiez  për franceinfo, mëngjesin e kësaj të premteje.

Kryetari i Partisë Republikane (LR) pohoi se” zgjerimi i Evropës”, tani e përbërë nga 28 vende, do ishte “një gabim i madh”.

“Unë mendoj se zgjerimi ka qenë një nga faktorët kryesorë në dobësimin e Bashkimit Evropian dhe ne duhet të mësojmë prej këtij gabimi”, tha Laurent Wauquiez, i cili e kishte mbështetur procesin kur ishte ministër i Çështjeve Evropiane në qeverinë e François Fillon në mes të 2010 dhe 2011.

“Pashë çfarë ndodhi. Realiteti është se kur ka shumë vende rreth tryezës, realiteti është se standardet e jetesës, sistemet ekonomike dhe sociale janë shumë të ndryshme dhe për këtë arsye ne nuk jemi në gjendje të harmonizohemi”, tha ai.

Por kreu i republikanëve është shprehur se partia e tij do të vëri veto kundër hapjes së negociatave me Shqipërinë.

“Presidenti i Republikës propozon hyrjen e Shqipërisë në BE. Mendoj se është një gabim i madh. Është një shtet i mbytur nga korrupsioni. Bisedimet me Shqipërinë do të hapen në Qershor, ne do të kundërshtojmë dhe do vendosim veton ndaj Shqipërisë”.

BE është angazhuar në “bisedimet e pranimit” me Serbinë në vitin 2014 dhe me Malin e Zi në vitin 2012. Ajo ka rënë dakord të hapë negociata me Maqedoninë dhe Shqipërinë në qershori 2019 dhe po diskuton mënyrat për t’u integruar edhe Kosova dhe Bosnja.

Por shumë shtete anëtare po pengojnë lëvizjen për shkak të vështirësive që kanë më Poloninë, Hungarinë, Rumaninë dhe Kroacinë./abcnews.al

TUSK-ZAEV-1280x720.jpg
ent ela19:13 | 28/06/2018

Presidenti i Këshillit Europian, Donald Tusk është shprehur besimplotë se liderët europianë të mbledhur të enjten në Bruksel do të miratoojnë konkluzionet e ministrave të Jashtëm për hapjen e rrugës drejt negociatave të anëtarësimit për Shqipërinë dhe Maqedoninë.

Presidenti i Këshillit Europian, Donald Tusk nuk i ka kursyer lëvdatat pas takimit me kryeministrin e Maqedonisë, Zoran Zaev, që u zhvillua para fillimit të samititi të 28 liderëve europianë në Bruksel. Lidhur me këtë të fundit, Tusk është shprehur se kjo është një javë me lajme të mira për Ballkanin Perëndimor, pasi liderët europianë pritet të miratojnë konkluzionet e ministrave të Jashtëm për hapjen e rrugës drejt negociatave të anëtarsimit të Shqipërisë dhe Maqedonisë në BE, në qershor të 2019-s. Presidenti i Këshillit Europian ka inkurajuar më tej Maqedoninë të ruajë ritmin e reformave në fushat kyçe për të ardhmen e vendit.

Donald Tusk, presidenti i Këshillit Europian: “Të martën, ministrat e BE-së nisën rrugën drejt hapjes së bisedimeve të pranimit me ish-Republikën Jugosllave të Maqedonisë dhe Shqipërinë në qershor të vitit 2019. Dhe në vetëm disa orë, unë pres që krerët e shteteve të BE-së ta miratojnë këtë vendim. Kjo arritje e madhe nuk do të ishte e mundur pa përkushtimin tuaj personal dhe pa hapat e rëndësishëm të ndërmarrë nga qeveria juaj drejt forcimit të reformave për forcimin e demokracisë dhe shtetit ligjor në vendin tuaj, si dhe nisjen e reformave strukturore dhe kompromiseve me fqinjët tuaj. Kjo është arsyeja pse të mërkurën u bëra thirrje të gjithë anëtarëve të Këshillit Evropian që të shprehin njëzëri mbështetjen e tyre për marrëveshjen e kryeministrave Zaev dhe Tsipras mbi çështjen e emrit”.

Tusk ka përcjellë gjithashtu një mesazh të rëndësishëm sa i takon mosmarrëveshjeve të vendeve anëtare në lidhje me emigracionin e paligjshëm drejt BE-së.

Donald Tusk, presidenti i Këshillit Europian: “Unë sugjeroj që të fokusohemi në kufirin e jashtëm të BE-së, duke përfshirë edhe projektin e platformave të zbarkimit. Në fakt, kjo do të ishte në linjë me sugjerimet e Kombeve të Bashkuara të shprehura qartësisht në letrën e tyre, të cilën e mora të mërkurën. Alternativa ndaj kësaj zgjidhjeje do të ishte mbyllja kaotike e kufijve, përfshirë ato brenda BE-së, si dhe konfliktet në rritje midis shteteve anëtare. Disa mund të mendojnë se unë jam shumë i ashpër në propozimet e mia për emigracionin. Por më besoni, nëse nuk pajtohemi me to, atëherë do të shihni disa propozime vërtet të vështira nga disa njerëz vërtetë të ashpër”.

Tema më e nxehtë e samitit të liderëve europianë është gjetja e një kompromisi për 3 qasje të ndryshme sa i takon politikës europiane për emigracionin klandestin, ku bën pjesë edhe propozimi i platformave të zbarkimit. /abcnews.al

rama-me-anetaret-e-qeverise-dhe-grupin-parlamentar-1280x720.jpg
ent ela21:27 | 27/06/2018

Në një dalje të posaçme, kryeministri Rama tha se Qershori 2019 është data që i është vënë Shqipërisë për hapjen e negociatave të anëtarësimit. Në një ligjëratë 32 minutëshe, shefi i qeverisë iu referua disa herë opozitës me epitete të forta si penguese e këtij procesi.

“Shqipëria mori datën e fillimit zyrtar të negociatave për anëtarësim dhe bashkë me datën u çel drita jeshile për hyrjen në procesin përgatitor të hapjes së negociatave”.

Këtë lexim për rekomandimin e Këshillit për cështje të përgjithshme të BE, Kryeministri Edi Rama e bëri në prani të ministrave dhe deputetëve të grupit të tij parlamentar.

Ky proces sipas kryeministrit e ka patur një pengesë të fortë, opozitën të cilës nuk ia kurseu epitetet e forta.

“E dhimbshme, por e vërtetë që teksa ne merrnim telefonatat e urimeve nga miqtë evropianë, opozita jonë esadiste me mediat krah saj hidhnin gurët e vulgaritetit të tyre proverbial për t’u prishur shqiptarëve përpjekjen e fund ditës. U shty data, u shty data sepse Europa refuzoi narkoqeverinë. Çfarë vulgariteti, çfarë ligësie ndaj vendit të përbashkët, çfarë pabesie ndaj atyre shqiptarëve që e duan Europën njësoj si të tjerët dhe u kanë besuar këtyre stërnipërve të Esat Pashë tptanit votën në përfaqësimin e tyre ne Kuvendin e Shqipërisë”.

Zhvendosjen me një vit të vendimit për hapjen e negociatave e cilëson si process i zakonshëm, e sërish e shënjestron opozitën

“Vendosja e datës e drita jeshile është absolutisht një zgjidhje optimale kompromisi, e cila e blindon perspektivën europiane të Shqipërisë, jo me llafe progresi, por me një kalendar të miratuar nga Këshilli Evropian.”

Procesi përgatitor për 12 muajt e ardhshëm do udhehiqet nga ministry Bushati. Atyre që flasin për kushte të reja u thotë se nuk ka, por ka kushtëzim

“S’ka kushte të reja për të marrë një datë, por ka një datë për çeljen e negociatavesi një afat drejt të cilit si Shqipëria e Maqedonia janë të kushtëzuara me vijimin e reformave dhe me thellimin e zbatimit që tani ka nisur deri në hapjen e fundit para firmës së anëtarësimit ëhstë e lidhur me përmbushje kushtesh për të qenë një shtet i denjë evropian.

Gjithçka është e lidhur me përmbushje kushtesh. Të gjitha kushtëzimet e kësaj faze janë çka ne do duhej të bënim si me datë si pa datë”

Për dialogun pozitë-opozitë, i nënvizuar në listën e BE për qershorin 2019,  gjen fajtore opozitën, ndërsa e thekson se se afrimi me BE është meritë e qeverisë së tij.

“U bashkuan në Bruksel të majtë e të djathtë, kurse në Shqipëri të djathtët i ranë rrugës qorre të Esat Pashë Toptanit. Mbani mend ishim ne që e bëmë Shqipërinë vend kandidat, jemi ne që do të hapim negociatat e do e bëjmë gati për anëtarësim në BE”.

Pjesë e meritës së lobimit të qeverisë, ishte edhe një listë e gjatë falenderimesh për udhëheqës në vendet e BE, në parlament e komisionin europian, me miq të vjetër e të rinj, si dhe njoftimi për vizitën në Tiranë të Presidentit të Francës Emanuel Makron. /abcnews.al

 

HOLANDA-KUNDER-1280x720.jpg
ent ela11:13 | 22/06/2018

Parlamenti holandez ka votuar me shumicë votash një rezolutë ku i kërkon qeverisë të votojë kundër hapjes së negociatave me Shqipërinë. Vendimi është mbështetur nga pothuasje të gjitha partitë parlamentare, përfshirë atë të qeverisë në pushtet të kryeministrit Mark Rutte. Sipas deputetëve holandezë, Shqipëria nuk ka përmbushur 5 kriteret e kërkuara nga Brukseli, duke e vënë theksin tek mosvënia përpara drejtësisë e zyrtarëve të lartë.

Edhe më herët Holanda ishte shprehur skeptike për propozimin e bërë nga Komisioni Europian për çeljen e negociatave. Vendimin për këtë çështje pritet ta bëjë publik qeveria holandeze në samitin e 28 Qershorit. Të enjten, ministri i jashtëm i këtij shtetit, Het Blok u shpreh: “Ne kemi shqetësime serioze në lidhje me luftën kundër korrupsionit dhe krimit të organizuar. Fillimisht duhe të bëhen më shumë përparime në këto pika”.

Ndërsa, deputeti i Apelit Kristian Demokrat, Van Helvert njeh ndikimin në rritje të Rusisë dhe Kinës në Ballkanin Perëndimor, por nënvizon se nuk duhet të bëhet pazar me anëtarësimin. “Nuk ka progres në Shqipëri, për shembull në reformën e gjyqësorit. Gjyqtarët janë shfaqur. Por nga tetëqind gjyqtarë vetëm dhjetë janë testuar. Atëherë nuk mund të thuash: vendi është gati për negociata për anëtarësim”, thotë ai. Ndërkohë, partitë holandeze sipas “De Telegraaf”, besojnë se Shqipëria duhet të kujdesen mirë për sundimin e ligjit, qasjen ndaj krimit dhe luftën kundër korrupsionit./abcnews.al

PE-NEGOCIATAT.mpg_snapshot_00.51-1280x720.jpg
ent ela13:17 | 20/06/2018

Qëndrimi i raportuesit Knut Fleckenstein është mbështetur nga grupimet politike në Komisionin e Jashtëm të Parlamentit Europian. Në raportin e prezantuar thuhet se Shqipëria e meriton hapjen e negociatave të anëtarësimit në Bashkimin Europian pa kushte.

” Shqipëria e meriton hapjen e negociatave, edhe pse ne e dimë që jo të gjitha gjërat, janë siç duhet të jenë, përsa i përket qeverisë dhe Kuvendit. Shqipëria ka ndërrrmarrë një reforme drejtesie ambicioze. E citoj reformën e drejtësisë pasi ajo është gjithperfshirëse dhe domethënëse dhe tregon një ambicie europiane të rëndësishme. Të gjitha partitë poliitke kanë një meritë këtë. Kjo reformë ka një efekt pozitiv, edhe për reformat e tjera kyçe, lidhur me luftën kundër korrupsionit dhe krimit të organziaur. Dhe rezultatet në këto fusha do jenë shumë të vështira për t’u arritur pa kêtë  reformë” është shprehur Knut Fleckenstein në komisionin e punëve të jashtme.

Edhe raportuesi në hije, Eduard Kukan ka njohur një ndryshim pozitiv, sepse diskutimet politike po i rikthehen normalitetit në Kuvend dhe qytetarët shqiptarë po kërkojnë përgjegjshmëri nga klasa politike. Knut Fleckenstein ka vlerësuar edhe reformën e administatës publike, duke thënë se tani  ajo duhet të vijojë edhe në dimensionin lokal.

Por raportuesi për Shqipërinë ka thënë se punë duhet bërë për të drejtën e pronës, për të krijuar bazën ligjore dhe garancitë e duhura për të thithur investimet e huaja në vend.  “Ne do i kërkojmë Këshillit që të mos e vështirësojë procesin, por të hapë negociatat me Shqipërinë dhe Maqedoninë dhe të liberalizojë vizat për Kosovën” ka përfuduar Fleckenstein. /abcnews.al

MBULIM-PD-1280x720.jpg
ent ela12:11 | 20/06/2018

Partia Demokratike ka marrë pjesë ditën e mërkurë në dy komisione parlamentare, atë të ekonomisë dhe sigurisë kombëtare, duke denoncuar edhe njëherë, se sipas tyre me Fatmir Xhafajn Ministër të brendshëm, shanset që Bashkimi Europian të hapë negociatat me Shqipërinë janë zero.

Në Komisionin e ekonomisë, ndërhyrjet e opozitës kanë bërë që kryetari socialist Erion Braçe të mbyllë mbledhjen pa diskutuar çështjet e rendit të ditës.

Të njëjtat debate vijuan edhe në komisionin e sigurisë, ku demokratët kanë devijuar axhendën, duke e akuzuar qeverinë si të lidhur me krimin, shkak sipas tyre, që do të sjellë rezultat negativ për vendin në samitin e 28 qershorit, kur vendet e BE, do të votojnë lidhur me hapjen e negociatave për antarësim. Sipas demokratëve vendi jo vetëm nuk ka bërë përparim në luftën kundër kriminalitetit, kusht ky i Bashkimit Europian, por vetë titullari i dikasterit që e ka për detyrë këtë qëllim, është i përfshirë në mbrojtjen e grupeve kriminale, si ai që sipas selisë blu, drejton vëllai i ministrit, Agron Xhafaj./abcnews.al

Knut-Fleckenstein-1-1280x720.jpg
ent ela11:05 | 20/06/2018

Në një intervistë ekskluzive për ABC News, raportuesi për Shqipërinë, Knut Fleckenstein bën të ditur se edhe Gjermania është e bindur që tashmë negociatat me Shqipërinë duhet të hapen, edhe pse vendimi i Këshillit të ministrave të Bashkimit Europian mund të përmbajë kushte. Sipas Fleckenstein, e rëndësishme, është që edhe nëse ka kushte, vendimi të mos të kthehet sërish nê Këshillin e ministrave pas raportimit të mëtejshëm të Komisionit Europian.

Knut Fleckenstein, Raportues për Shqipërinë: “Mesazhi kryesor është që parakushtet e përcaktuara për hapjen e negociatave të anëtarësimit të Shqipërisë në BE janë përmbushur. Kjo nuk do të thotë që puna ka mbaruar. Ne e dimë që ka probleme. Po, ka probleme me krimin e organizuar dhe korrupsionin. Edhe reforma në drejtësi është në zbatim e sipër, por nuk është zbatuar gjithçka. Pra, ka kaq shumë punë përpara. Duhet të përqëndrohemi te çështja e pronës, tek rritja ekonomike, punësimi dhe shumë kritere të tjera. Së pari, për qeverinë e Tiranës, por edhe për ne për të mbështetur dhe për të promovuar këtë punë, nëse ajo shkon në drejtimin e duhur. Por parakushtet për hapjen e negociatave janë përmbushur dhe ky është qëndrimi i pothuajse të gjitha grupimeve politike në Parlamentin Europian dhe Komisionit Europian”. /abcnews.al

 

Intervista e plotë transmetohet sot në ABC News

edi-rama-2-1280x720.jpg
ent ela17:55 | 15/06/2018

Kryeministri Edi Rama ka deklaruar se Shqipëria e meriton hapjen e negociatave të anëtarësimit. Në një intervistë për mediat austriake, Rama ka theksuar se vonesat do të ishin të paarsyeshme dhe do të dëmtonin besimin e shqiptarëve tek Europa.

Kryeministri Edi Rama ka deklaruar se BE nuk ka arsye dhe nuk mund të gjejë pretekste për të mos i hapur negociatat e anëtarësimit me Shqipërinë. Në një intervistë për revistën austriake “Profil”, Rama ka deklaruar se Shqipëria i ka bërë detyrat dhe ka nënvizuar se është gati të bashkëpunojë me vendet anëtare për të goditur fenomenin e emigracionit ilegal që shqetëson Europën.

“Nëse shtyrja e negociatave me Shqipërinë do të ndihmonte BE-në në luftën kundër armiqve dhe populistëve, atëherë dakord. Por në rast të kundërt, ne kemi bërë gjithçka që BE na ka kërkuar”, ka deklaruar Rama.

Kreu i ekzekutivit shqiptar e ka vënë theksin tek ndryshimi i Kushtetutës me konsensusin e opozitës dhe nisjen e reformës në drejtësi, që është në fazën e vettingut.

“Sigurisht, Shqipërisë i duhet ende shumë kohë për t’u bërë anëtare e BE-së, por aktualisht unë nuk jam i interesuar për anëtarësimin”, ka thënë Rama, duke shtuar se hapja e negociatave do të ndihmonte në përmbushjen e reformave.

Në vijim të intervistës, Rama ka deklaruar se nuk e kupton skepticizmin e disa vendeve si Franca, Holanda dhe Danimarka në lidhje me nisjen e procesit. Ai ka nënvizuar se Shqipëria është e gatshme të bashkëpunojë për riatdhesimin e emigrantëve ilegalë nga këto vende, nëse është kjo që i shqetëson ato. “Por vonesat do të dëmtojnë besimin që shqiptarët kanë tek Bashkimi Europian”, ka paralajmëruar Rama.

Më tej kreu i qeverisë shqiptarë është pyetur edhe për rastin e vëllait të ministrit të Brendshëm Fatmir Xhafaj, i dënuar në Itali për trafik droge. “Italia nuk na e ka kërkuar kurrë ekstradimin e tij”, ka qenë përgjigjia e tij. Ndërsa sa i takon kultivimit të kanabisit, Rama ka shtuar se institucionet shqiptare kanë vepruar me efikasitet dhe i ka cilësuar si absurde akuzat e disa vendeve europiane kundër shqiptarëve.  /abcnews.al

HAHN-PER-DER-STANDARD-1280x720.jpg
ent ela20:36 | 14/06/2018

Komisioneri për zgjerimin e Bashkimit Europian, Johanes Han kërkon nga vendet anëtare të çelin negociatat e anëtarësimit me Shqipërinë. Han thotë se Shqipëria i ka plotësuar kushtet e kërkuara ndaj Brukseli duhet të mbajë premtimin.

Përmbushja e kritereve të Bashkimit Europian nga ana e Shqipërisë meriton të shpërblehet me çeljen e negociatave. Deklarata vjen nga komisioneri për zgjerim Johannes Hahn, i cili fton vendet skeptike Francën dhe Holandën t’i japin dritën jeshile vendit tonë.

Johannes Hahn: “Shqipëria ka përmbushur kriteret për çeljen e negociatave me BE. Procesi i Vetting-ut është në funksion të plotë dhe reforma gjyqësore është prioritet në Shqipëri. Unë jam i bindur se Franca dhe Holanda do të shohin gjithashtu “gjysmën e plotë të gotës”, pasi edhe mundësia për reforma është më e fortë gjatë negociatave me Brukselin”.

Në një intervistë për të përditshmen austriake “Der Standard”, Hahn thekson se kriteret e BE janë një angazhgim i mbajtur nga Shqipëria, duke i kujtuar Brukselit të mbajë gjithashtu premtimet.

Johannes Hahn: “Besueshmëria është virtyti ynë më i lartë, është pjesë e kollonës sonë të vlerave. Nëse ne bëjmë një premtim dhe pala tjetër plotëson kërkesat, atëherë ne duhet të plotësojmë premtimin tonë. Nëse kjo nuk ndodh, atëherë do të cënonte besueshmërinë tonë karshi vendeve të tjera”.

Komisioneri për zgjerim nënvizoi po ashtu dinamikën e refomrave dhe marrëveshjeve që po ndërmerr i gjithë rajoni i Ballkanit, duke përmendur marrëveshjen e Shqipërisë me Greqinë, Maqedonisë me Bullgarinë, si edhe ratifikimin në parlamentin e Kosovës të marëveshjes për vijën kufitare me Malin e Zi. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono